چاچ
* دیستگ من دلوتے نوکیں
ماں آپءَ اوژناگ کنوکیں
بے آپءَ زندگ انت
آپ که وارتءُ زوت مرایت
(سابون)

وشــــــــــکـــــند

اُستاد گوں شاگردءَ: اگاں تئی کیسگءَ سَے کلدار مان به بیتءُ مــــــــــن ایشاں چه یک کلدارے در به کن آں گڈا چنکاس پشت کپ ایت؟
شاگرد: هِچ .....

استاد: چیءَ؟

شاگرد: چیءَ که مـــــنی کیسگ ٹُنگ انت 😁😁

بــــــــــتل
تو میر مــــــــــن میر هراں کئے هکّل کنت

بــــــــــتل
* هدا کے دنت لوگ جُستءَ نه کنت
* کار بکن چو گلامءَ به ور چو واجهءَ
* دست مه دُزّایت دل نه لرزیت
* برات اگاں لیگارءُ پچار ماتیں مهرئے چه کُلّ عالمءَ زیات انت

بلوچی زبانءِ اولی شاعرانی رمءَ که ادبی تهرانی دلگوش گور دیگءِ هوریءَ بلوچی زگریں لبزانی تها مزنیں مدّی یے ماں ادبی دپترءَ گیش ئے کرتگ افشانءِ تل ماں تلیں کوهانی نیامءَ گمنامیں شاعر مولانا عبدالغنی افشانی ءِ نام گرگ کرزیت شاعرے که بلوچ بلوچستانءُ بلوچیءِ گمءُ اندوه آئے مرواردیں گالانی تها چوش روچا سهرا انت نود سالءَ پیسر ودی بوتگیں اے بزرگءُ واجهءَ هپتادءُ پنچ سال انت که گوں ادبءَ هوار انت.
افشان دور پاندیں دیارءُ کوهستگءَ بلوچی زبانءِ تاک تاکءَ لوٹاینگءُ وانگ آئے گوں زبانءَ واهگدارءِ زندگیں شوکے، شهسّاے که که مولوی عبدالله روانبدءَ دری لبزانک آرگءَ ماں شعری گوناپءَ سرپدی دنت.
شاعرے که سیدهاشمیءَ ائیءِ شاعریءِ سرءَ پهر بستگءُ ساڑاتگ شاعریءِ هر تکءُ پهناتءَ ندءِ بور تاجیءَ واجه منزل گپتگیں سوارے اگه آئےءَ غزلءِ استاد به گوش ایں گیشی نه بیت چیا که تهنا لبزانی یک جاه کنگءَ که ادبی گوناپءَ چه هورک به بیت شاعری گوشگ نه بیت.
شعرءِ روانی لبزانی کمایگءِ راهبندءُ خاص ادبی تهرانی کار مرد کنگ مولانا منیبءِ غزلانی دوستناکیءِ سوب انت
*یوسف انیس تاکبند مروارد چارمی تاک

@Labzank
telegram.me/Labzank

غلام محمد گل

من په مهرءَ مهر په من دائمءَ وازمندگ انت
چو که بلبل په گلءَ ءُ گل په بلبل زندگ انت
تلوس آں مهرءَ من انچو مهر په من تلوس ایت
چو په مهر داریں دلءَ مهرءَ مهرءِ سندگ انت
من ترا دوستءُ تو منا چو دودمان دارئے اگه
مهر مهرے کنت ودی چو که دیدمان دیدگ انت
دل ترا کنت دلکیم گوں دلءِ نازینگءَ
چو که مهرءِ جمبرءِ مهرءِ سمینءَ گرندگ انت
من هدوک په تو به بات اں تو هدوک په من به بئے
مهر پر ما چو پازل مهر جانءِ گندگ انت
مهر مهگنج براهتگ په نرمزاریں هملءَ
مهر هانی په مریدءَ نئے که چاکر چیدگ انت


@Labzank
telegram.me/Labzank

بــــــــــــــــــــتل
* مار هر جاهءَ چوٹ انت بلے وتی هوڈءَ تچک بیت
* لونڈیں سرءَ کلاه نه براهیت
* دگر دستءَ تپر توار سک وش انت
* روگن بازیءَ کس هرءِ لاپءَ چرپ نه کنت
* دیوان په مرداں وش انتءُ بار په لیڑهاں
* دپ کساسءَ دپارءَ دپءَ کن
* دریا بے ماهیگ نه بیت
* سوریں آپ ماهیگءَ سگتگ هُشکی آهوگءَ
* روباه وتی هوڈءِ تها گُرّیت
* تولگءَ بےاولاسگءَ نه بیت



@Labzank
telegram.me/Labzank

دُرّیں دانــــــــــک

گـــــوســــــــــتــــــــــگـــــیں

دُرّیــــــــــں دانــــــــــک

* گوســــــــــتــــــــــگـــــیں روچانی باروءَ مه جیڑ بلکن آوکیں روچاں جوانی گوازینگ جهدءَ به کن

رند چه نمازءَ ملاءَ دیم گوں نمازیاں کُت ءُ گوشت : مروچی شما راگوں مردے ءَ آشنا کناں کہ پیسرءَ دُز ءُ شراب وارے بوتگ ءُ ھر وڈیں نشہے کتگ . سِلیں کارے نیست انت کہ آئی ءَ نہ کتگ ۔ انوں ھداءَ  ھدایت کتگ ، آئی ءَ اے سجھیں بدیں پیئل یل داتگ انت ۔

رند ءَ مُلاءَ گوشت : پلانی بیا  نمازیاں بگوش تو چتور توبہ کت ؟

آ مرد چہ وتی جاہ ءَ چست بوت ءُ گوشتی : من اُمرے دزی کت ، گناہ کت ... واجہ ھداءَ منی آبرو نہ برت مناں بے ازت نکت ، اے وھدی کہ من توبہ کتگ اے ملاءَ پہ من آبرو ءُ گیرت نہ ھشتگ 


@Labzank
telegram.me/Labzank
رجانک :سئید رئیسی

بیا لانگه دمے گونڈیں، به جن چنگءُ سرے چنڈیں

به بر زردءِ گمے زنڈیں که عمرءَ اهتبارے نیست

چتور داراں دلءِ سرءَ که تردایت چو ترسیں هرءَ

ءُ اے شورینتگیں برّءَ ماں گومسءَ سرمهرے نیست

چه تی عشقءِ گماں زردانءُ بے ارامءُ بے ورداں

گوش اں گوں کئے دلءِ درداں جهانءَ راز دارے نیست

منیب اتکه په مهمانی ماں تئی کُلّءِ دپءَ جانی

دپ ئے دئے لنکهے زهریں اگه وشیں دپارے نیست
مولانا عبدالغنی منیب افشانی
@Labzank
telegram.me/Labzank

بلوچــــــــــــــــــــی شِرکءُ پال
* اگاں راستی دست کِچگ دنت زرّ رسیت
* اگاں چپّی دست کچگ دنت مردم جاگهےءَ روت
* اگاں چپّی چم جنت بزاں پرّایت مردم سرا پریشانیءِ کیت
* اگاں چمءِ سری پلک پّرایت بزاں هور بیت
@Labzank
telegram.me/Labzank

زانــــــــــت، مــــــــــال ، نـــــنـــــگ
یک رندے زانت ، مالءُ ننگ دوچار کپ انت _ نندءُ نیاد گپءُ تران بوت وهـــــدے دیـــــوان سرجـــــم بوت زانـــــتءَ درّائینت: منءَ اگاں گنــــــــــدگ لوٹـــــے گـــــڑا کــــــــــتـــــابـــــاں به شوهاز، مــــــــــالءَ گــــُشت: مـــــنءَ بادشاهانی درگاهءَ شوهاز . بلے نـــــنـــــگ بے توارات
دوئـــــیں سنگتاں جُست گپت تی گندگءَ کجا بیاایں وتی ڈسءُ نشانءَ بگوش؟ نـــــنـــــگءَ پسو دات: مــــــــــن اگاں یـــــک رنــــــــــدے شُــــــــــت آں پـــــدءَ آتـــــک نه کـــــن آں
@Labzank
telegram.me/Labzank

چــــــــــــــــــــاچ
* زردیں مردءِ زردیں ریــــــــــش انت
مـــــزنءُ کسان گوں وشّــــــــــیءَ چوس انت

(امــــــــــب)

* آپءِ تهءَ نـــــاچ اِیت
ڈنّءِ آپ ئے نه ساچ اِیت
( بــــــــــوجـــــیگ)

* پرّگ ئے چـــــو کـــــاگـــــدءِ کرمان انت
جـــــاه ئے چـــــو تـــــهــــــــــتء ســـــلـــــیمان انت
(مــــــــــدگ)
@Labzank
telegram.me/Labzank

بے رھبندی وت گڑیں رھبند او رھبند ئے سیمسرانی گڈگ زبان دژمنی ئے مستریں چیدگ انت او لبزانک او زبان ئے تہ چہ پھل نہ بیوکیں گناھاں مستریں گناہ انت
اکبال ھاشمی

@Labzank
telegram.me/Labzank

بــــــــــــــــــــتــــــــــل
* عقلءَ چه کارانت گوں ملا نوابءَ

* اِنچو ڈُهلی نه نشتگ که سُرنائیءَ جاگاه به بیت

* اے چم پرا چمّءَ واستیگ مه بات
* اُشترءِ دزّی په کون کنزوکائی نه بیت
* استار در آتکگ آهری بنگو دل ایکیم نه بیت
@Labzank
telegram.me/Labzank

(کُودکیں نُماسگے گوں بلُکّ ءَ )

نماسگ: - بَلّی! مئے خاندان ءِ تھا مُدام ما ھمے پنچیں کس ،بزاں منی مات ،پت ،منی گوھار ءُ تو بئیں ؟،،
بَلّی: -انّاں منی نماسگ وھدے کہ تئی سور بیت تئی زال کیت کا شش بئیں-
نماسگ: -بلے وھدے کہ منی گوھار ءِ سور بیت گڑا آ وتی لوگ ءَ روت- ما پدا پنچ بئیں-
بلّی: - بلے منی نماسگ انچو وھد ءَ داں ترا اللہ چُکّے دنت-گڑا ما پدا شش بئیں-
نماسگ: -بلّی تو اگاں بہ مر ئے گڑا ما پدا پنچ بئیں...
بلّی: - تئی دپ کوہ ءَ سکّ بہ بیت- شومّ ءُ شانزدہ گوں وتی ھساباں منا کُشارینے 😁😁

@Labzank
telegram.me/Labzank

اے اوست میّتیں چراگءِ روک گواتءَ زُرتءُ شُت

مے پیژگاوں بهر بوت مے ساهگءَ اوں اس کپت

دلءِ بهار شونزراتءُ رُست پُٹ ماں دستءِ دل

چو هورکیں گوالگءِ مرید من باز کِشتءُ هچ نه رُت

جهاں په دید مهرماں چو سنگرانی کُنگرءَ

گُشے که زهر مینتگیں سگار چمءَ بیت گُت

تو دوچ بوتئے دوچگی تو روچ بوتئے سوچگی

ما هچ هبر دلءَ نداشت ما هچ وڑا گلگ نه کُت

هزار مهرمءُ تبیب، هزار موشنءُ ملم

بلے اے سر نه بوت سار، بلے دلءِ اے ٹپ نه شُت

سِچءُ پیاپ تئی بدن چو ریکشانءِ چمّگءَ

زُباں زِبهریں دیدگاں هدا هیالیں رنگءُ بُت

تئی جُستءِ پسّهءَ چے پد نه زانت کس بسملءَ

گُشے که شَکے مانشی گُشئے که سنگء سیاه چو بُت

منزور بسمل
@Labzank
telegram.me/Labzank

بــــــــــــــــــــتــــــــــل
* وائے وتن هُشکــــــــــیں دار
* لشکر جَت سبزایت لاپ جت نه سبزایت

* نانءِ دیگ سکّ انت
بلے سِلاهءِ جَنَگ هَکّ انت
* لَبّاں کلات تَرّینتگ اَنت
هُشکیں رزا پَشت کپتگ انت
* هَر مَبے سُرمباں مه چار
اُشتر ببے دیر بچار
@Labzank
telegram.me/Labzank