چه شاهینءَ جُست اِش کُـــــت:
تو وهـــــدے کـے ماں آزمان دلـبـنـدءَ بالءَے ترا زمـین کپگ تُرس نیسـت انت؟

شاهـــــیـنءَ بـچکندتءُ گُـــــشت:

مـــــں انـسـانءِ نـیـاں

کـے کـمـیـں بُـرز روگءَ

تـــــکبّـــــر کـــــنـــــاں!

مـــــن سـک بُـــــرز بـرواں

چَـــــم مـنـی مُـدام زمـیـنءَ سَـک انـت.

رجانک: کادربکش کلمتی

@Labzank
telegram.me/Labzank

باز وش
چہ کُجام زبانءَ رجانک کنگ بیتگ باھدیں گوں نبشتہ کار نامءَ دئیگ بہ بیت

هر انسانی مرتکب اشتباه می شود؛ اما فقط انسان های احمق اشتباه خود را تکرار می کنند.

(سیسرون)
🌸🌸🌸🌸🌸🌸🌸🌸🌸🌸🌸
بــــــــــلـــــوچـــــی

هَـــــمُـک انـسـان الّـــــم ردی کـنـت;

بـلـه تـهـنـا اهـمـکـیـں انـسـان وتـی ردیـاں پَـد مـاں پـد کـنـت

رجـــــانـک: کادربکش کلمتی

🌸🌸🌸🌸🌸🌸🌸🌸🌸🌸🌸🌸

اچانگ چه سنگتءَ جُست کُت تو روچگءِ؟

انچیں پسّوءِ داتی مـن ابکّه بیتاں

گُشتی هو من روچگاں
سرجمیں سالءَ روچگاں
بلے دپءُ لاپ جاهءَ منی پکر روچگ انت

منی پِکرءَ اجازت نیست انت کسی بے اهترامیءَ بکنــــــــــت..........

منی پکرءَ هَک نیست انت کسیءَ بَـــــد بـــــگـوش ایـت......

منی پکرءَ اجازت نیست انت په دگر هزانـگءَ(مالءَ) دست دراجـی بکـنت

منی پکرءَ اجازت نیست کسیءَ کلاگ بزیریت .....
منی پکرءَ هـک نیست انت کسیءَ بُهتام به جَـنـــــت......
منی پکرءَ اجازت نیست انت کسی دلءَ یا گوں ازتءَ لیب بکنـــــت.......
منی پکرءَ هک نیست انت دروگ به بندایت.....
منی پکرءَ هک نیست انت زور بگوش ایت.......
منی پکرءَ اجازت نیست په چوره جنوزامءَ اں بے پکر به بیت.....
منی پکرءَ اجازت نیست گریبءُ لاچار چه بے هیال به بیت......

هو مـــــن روچگاں ورگ ورگءِ ناں بلکـه انسانیت بیگءِ روچگاں

انـسانی زِنـــــد گوازینگ روچگاں هو هـو مـــــن روچگاں........!

چتو وش ات ما هـم اے وڈا روچـــــگ بـیـتـیـن انـت

رجانک: کادربکش کلمتی

اے دستونک سیـــــدءَ وتی اریپیں کماش بیرانیءَ چه ۱۴ روچ رند پِربستگ
🌸🌸🌸🌸🌸🌸🌸🌸🌸🌸🌸🌸
آه ( پرشتگیں دل توار)
هـمــدلـیـں براتاں ءُ مـنی بـیلءُ همبلاں چارده روچ ساری بوتگاں لیبءُ گنگلاں

بَستگ ات مـن پَـهر پـه کلاتےءَ مـُهکمیں
سار اِت ات انچش دائـم ءَ شادانءُ گلاں

واب هیالےهم چومنی ڈیلّءَ شِک نه کت
زُرت منءَ وهـدءَ بے گُمانی گوں زمـبـلاں

لُکّءُ تبـد سـوچ ایت مـوسم ءَ پُلّانءَ بلے
گیمرین اِیت زیتّ تر لِوار وشبوئیں گُلاں

من نه زانت بےواری منءَپروش ایت بے ریا
ماں دپءَ جور کنت انت منی شیرءُ شکّلاں

هچ وسی گپّے نه انت منی، مُپتءَ سرجناں
گار کتگ هاکاں پر چیءَ پَٹّاں ماں جلاں

پهـک کـناں ارساں بنـد کناں اُپّاراں وتـــی
که گوزایت درستانی سرءَ اے جمـبرشلاں

گم منی سکّ گران اِنت نه بیت آسان هجبرءَ
مرد ماں ماں گور گنداں کن انت گرانیں مشکلاں
سید زهور شاه هاشمی
@Labzank
telegram.me/Labzank

ھُدھُد ءِ مھمانی پہ مھتر سلیمان و آئی ءِ لشکرا:

یک رندے مُرغ سُلیمانی ءَ مھتر سلیمان گوشت :لوٹاں منی مھماں بہ بئے
سُلیمانا گوشت ایوکا من؟

آئی ءَ گوشت: اِنّا ،تو گوں وتی لشکر ءَ ماں فلاں خلیجا منی دعوت اِت.

مھتر سلیماں گوں لشکرا اودا شُت!

مرغ سلیمانیا بال کُت و یک مَدَگے گِپتی و کُشتی و ماں زِرا دَوری دات و تواری کُت اَے اللہ ءِ پاکیں پیغمبر بہ وراِت ھرکسے کہ چہ گوشتا زبھر بہ بیت بلے چہ واداپا زبھر نہ بیت اِنت!!

گوش اَنت چہ ھُدھُد ءِ اِے کارا مھتر سلیمان وآئی ءِ لشکرا یک پُرّیں سالے کَنداِت😀😀😀

@Labzank
telegram.me/Labzank

کیـــچ ءِ چنــال
چـہ تمـپ ءَ بـہ گـر داں سبـزل ءِ مـلک سـامـی ءَ کیـچ ھسـاب بیـت.

کیـچ داریـوش ءِ کبـیر ءِ وھـد ءَ مکـران ءِ بنـجُل بیـتگ ءُ مکران ءَ شاہ ھے بیتگ کہ شاھنامہ ءِ لچـہ یـانـی مـتابـک ءَ مـکران ءِ لشـکر ءَ چـل پیـل مـان بیتـگ.

کیـچ ءِ مـزنیـن ءُ جھـلیں کھـن ھـم داریـوش ءِ کـبیر ءَ ھـمے وھـد ءَ جـوڑ کتـگ.

چـش کـہ مـن اشکتـگ کیـچ ءِ کـلات ھـم تـربـت ءَ انـت.

نـادلشـاہ ءَ ھـم کیـچ ءِ سـر ءَ اُرش کتـگ ءُ مھلـوک کشـتگ ءُ کیـچ ویـران کتـگ.

بلے چـل روچ ءَ رنـد نـی کیـچ ءِ کـلاتـی گپـتگ.

بلـوچـاں ھـم لیـب ، لیب ءَ کـلات یلـہ نـہ داتـگ.

کیـچ ءِ چـنال دیـوان جـاھے بیتـگ کـہ ھجـبر چـہ مـردم ءَ ھـالیـک نـہ بیتـگ.

گـڑا ھـمے واستـا یـک مـردمے ءَ وتـی زھـم ءَ ھـمے درچـک ءَ درنـج ایـت ءُ بے ھـالـی کیـت وتـی سـربـاز ءِ مھـیم ءَ جنـت ءُ روت .

وھـدے رس ایـت گـند ایـت کـہ منـی زھـم ھمـا جـاگـہ ءَ درتـکگ.
🌴 کـــــورُشــــیں گــــال 🌴
لبزانکی مجلس کلمتی کاروان.

وشــــــــــکـــــنـــــد

کـسانـیـں چـُک: هیلو پولیس ۱۱۰؟
پولیس: جی هو بگوش منی چُک چے گُشـــــے؟

کــسانـیـں چـُک: واجـــــه منا په زور زبـردسـتی اِدا آورتـگءُ داشـتـگ اِش !

پـولیـس: آرام به بو مـنـی چُـکّ، لهم لهمءَ منا بگوش که انّی تو کجـاے؟

کـسانـیں چُـک: وانـــــگـــــجــاهءَ 😄😄

@Labzank
telegram.me/Labzank

کسانیں چک : الووووو...پلیـس 110 ؟؟

پلیس : جـی ھـو بہ گـوش منی چُک ؟

کسانیں چُک : واجہ مـن ءَ پہ زور اداں آورتگ ءُ داشتگ اش! !

پلیس : آرام بہ بـو لھم لھم ءَ من ءَ بہ گـوش کہ انی تـو ماں کجـا ئے؟ !

کسانیں چـک : وانگجاہ ءَ! !!؟؟؟

پلیس : کــرہ ھَــر ( کـرہ خــر)
😅😅
رجـانک / ھارون اخــلاقـی @
لبـزانکـی مجلـس کلمتـی کـاروان.

گـریـب پـه نان شـوهازءَ تـــــچ اِیـــــت
مـالـدار پـه نان هَـــــزم کـنـگءَ تـچ اِیـت

کـــــسے گـورا پــه ورگءَ نان نـیـست انـــــت
کـسـے گـورا پـه نانءِ ورگءَ وهـد نیـست انـت
کسـے وتـیگاں پـه نانءَ یـله دنـت
کـسے پـه نانءَ وتـیگاں یـله دنـــــت

راســـــتـــــی هـــــمـیـش انـت کـه اے دنـــــیا اجـــــیـبـیں دنـیاهـے

@Labzank
telegram.me/Labzank

گـریـب پـه نان شـوهاز ءَ تـــــچ اِیـت
مـالـدار پـه نان هَـــزم کـنـگ ءَ تـچ اِیـت

کـسے گـورا پــه ورگ ءَ نان نیـست انت
کسـے گـورا پـه نان ءِ ورگ ءَ وهـد نیـست انـت
کسـے وتـیگاں پـه نان ءَ یـله دنـت
کـسے پـه نان ءَ وتـیگاں یـله دنـت

راستـــــی همـیـش انـت کـه اے دنیـا اجـیـبـیں دنـیاهـے
لبزانکی مجلس کلمتی کاروان.

اگاں لوٹ ات وتی دیم ءِ سیاھیں لکھاں دور بہ کن ات ؟
کارے نہ انت چاھی وری بلـور ءَ نیمے آپ لیمبور ئِے مان بہ کن ءُ دو سَے پِٹ بینگ ئِے بہ پٹین.
نی ھمشاں کموک اے دیم ءُ آ دیم بہ کن ءُ دیم ءِ لکھانی چَک ءَ بہ لتار اش. رندا گوں سارتیں آپ بہ شود اش پہ ھدا ءِ کدرت ءَ لکھے نہ مان ایت. پہ ھمے راھتی. دیمتر ءَ دوا ھیر بہ کن.

لوٹ ات دنتان ات اسپیت بہ بنت؟

آپ لیمبـور ءَ کموک جوش شیرین مان بہ کن ءُ وتی دنتانان اش بہ لتـار بچـار چتـور اسپیت بنت. اداں ھـم دوا بہ کن پہ وت ءُ پہ اے دگہ گریب ءُ پکیراں.

رجـانک / ھـ.اخـلاقـی@
لبـزانکـی مجلـس کلمتـی کـاروان.

مـــــردم مـــدام فونءِ گرگءَ گوں گُوش انت هیلو......
شما چو سرپدات که همے هیلو چے بلاه یے؟
هیلو انگریزی جِنِکّ یےءِ نام اِنت مارگریٹ هیلو!
مارگریٹ هیلو گرام بیلءِ دوست نام بوتگ گرام بیلءَ که فون ٹاهینت گڑا ائیءِ اولی دانک هیلو بیتگ.....
گرام بیلءِ فونءِ همے اولی دانک هستءُ روان انت هر کس که فون کارمرز کنت آ آلّم گرام بیلءِ دوستءِ نامءَ گیپت.....
مردم بلکیناں گرام بیلءَ شموشکار بنت بلے ائیءِ دوست هیلوءَ شَمُشت نه کن انت.........
پولکار: نزر دوست
@Labzank
telegram.me/Labzank

دُرّیــــــــــں دانــــــــــک

انـــــســـــان وتـــــی ایــــــبءُ هـــــرابـــــیـاں نـــــه چـــــاریـتءُ آیـانـی در کـنـگءِ جُـهـدءَ نـه کــنـت بـلـئے اے گِـلـگءَ کـنـت کـه وهـدءُ زمـانـگ سـکّ هـراب انـــــت

@Labzank
telegram.me/Labzank

سَـــــر بِـــــگـــــر

روچـــــگے دُمـــــبءَ به بَـنـدءُ سـر بـگـر
کـُنــٹـگـیـں کـشـکاں به رَنـــدءُ سـر بـگـر

گُــب چـیـا گـوات داتـگاں اوشـتـاتـگ ئے
زَنـــــڈ سـَرگ کـمّـے به کـَنــدءُ سـر بـگــر

بــرهـنـگـیـں مـرچـی مـنـی ایــمـانءِ دل
پـــــُرشـتگـیـں لوگءَ شـبـنـدءُ سـَر بـگـر

مـــرچی کـوهءُ جـوگـیـانـی مــیـڑه اِنـت
آنـــــجــگءَ پـُلّـے به بـنـدءُ ســـــر بـگــر

نـاکـــــوءِ سـور اِنـت چـنـائـیـن مـُودکاں
تـــــو وتـی پـیـمءَ به رَنـــــدءُ سـر بـگـر

شاهر: ناکو شیتان
@Labzank
telegram.me/Labzank

چَـــــم مـــــنـی بـے نـور بـوتاں بازیـــــں راهءِ چـــــارگءَ
نـوں اگـاں کائے مـــــنـی دیـــــدگ ترا گـنـداں چُـتـور

وژدلـیـں باریـگ برتاں هانلءَ گوں وت ســـــید
گریـتـگیں چَـــــمءُ لگتمالیں دلءَ کـنـداں چـتـور
@Labzank
telegram.me/Labzank

انـسان وتـــــی زنـدءَ هـــــمـے وڑ بـه گوازین ایت که اگه آئیءَ دردے پر به بیت
گـڈا مردم آئیءِ دردءِ سرا اپسوز مه کن انت بلکه آئیءِ سبرءُ اوپارءِ سرا رشک به کن انت_
@Labzank
telegram.me/Labzank

🌴اِے کـوہ ، مئے ڈیـہ ءِ پـاسبـان اَنـت
مئے زمـین اَنـت ءُ آزمـان اَنـت

اِے گَـٹّ ءُ گـَر...
اِے تـلار ءُ سنـگر...

اِے زیـد ءُ کھـچر..
اِے مِسکـیں میـدان ءُ پَـٹّ ءُ گـریشـگ

اِے کھـن ءُ شھـجو ءُ کـَور ءُ کیـلّگ بلـوچ ءِ شـان اَنـت

مئے راج ءِ آجـویـی ءِ نشـان اَنـت
مـدام اِے نـارہ ءَ جـنان اَنـت

کـہ تـا استـارے ھسـت ءُ مـان اِیـت مـاں آزمـان ءَ
تـا روچ ءِ رُژنـائـی ھسـت اِنـت مـاں جھـان ءَ

داں مـاہ روک اِنـت شـپ چـراگـیں
داں بـام درپـش اِیـت گـروک ءِ شـاھے

مـا سـدِّکـیں دل ءَ یکـینیں
بلـوچ ءِ بـاریـگ اَلّـم ءَ کـَیت

بلـوچ ءِ بـاریـگ اَلّـم ءَ کـیت
مبـارک کـازی
🌴 کـــــورُشـــیں گــــال 🌴
لبـزانکـی مجلـس کلمتـی کـاروان.

دل ءُ چماناں چیر گیج آں من ءَ سوجے بہ دے اِت بیلاں
کہ دیوان پریانی منی ھانل کجــا نند اِیت

سید رنج آں کہ دل اندوہ ءُ رنجانی دوار جاہ اِنت
ھمک شپ یک گمے نوکیں منی کُل ءِ سر ءَ گرند اِیت

ھمک بیگاہ آ پمّن آ سیاہ ءُ تاموریں جُڑے بند اِیت
تھار ماھی دگہ سازے پہ بھت ءِ سیاھی ءَ گند اِیت.
........... سید ھاشمی ...........
🌴 کـــــورُشــــیں گــــال 🌴
لبــزانکـی مجلــس کلمتـــی کـاروان.