.....🌹🌹ســـر پدی🌹🌹...

دادشاہءِ پتءِ نام،کمال،بوتگ، دادشاہ 1970اکتــوبرءَ شہــید کنـگ بوتـگ

مــیــر چـاکـر رنـد1525ءَ بیــران بـوتگ

شــئے مـریدءِ اصلـی نام،پیـــر بخـش، بـوتـگ

حمّـلءِ جیـہندءِ بـوجیــگءِ نـام شـاگ بـوتگ

عطـا شـادءِ اصلـی نـام محمـد اسحـاق بوتگ

عطـا شادءِ پـتءِ نـام لعل محمـد بوتگ
@Labzank
telegram.me/Labzank

" یایهاالذین امنو کتب علیکم الصیام کما کتب علی الذین من قبلکم لعلکم تتقون"
اے ایمان داراں فرض کنگ بوتگ شمے سرا روچگ انچو که شمارا چه پیسریگینانی سرا بوتگ پمے که شما پرهیزگار به بئت-
الله وتی پاکیں کتاب تها گوں واجه محمد(ص) ءِ اُمتءَ گوں گشگءَ انت که شمے سرا من روچگ فرض کتگ ءُ همے یکیں ایات تها گشیت که انچو شمارا چا پیسریگیں امتانی سرا فرض کنگ بوتگ-
واجه هدا روچگ اصل فضیلتءَ بیان کنتءُ ایشی بنوکی مکسدءَ که روچگ من پمے فرض کتگ ایشیءِ سوبءَ شما پرهیزگار به بئت - -
پرهیزگار : هما مردمءَ گش انت که پرهیز بکنت بزاں هر هما چیزءَ که واجه هداءَ یا هر وهد واسته مکن کتگ یا تو روچگ وهدءَ که بازیں انسانی کارانی سرا پابندی جتگ ایاں چا وتءَ دور بدار ایت روچگ بس دپگ بوهگ نام نه انت-
بازیں مردم هست انت بس روچگ بنت ءُ نماز نوان انت که اے اسلام اولی رکن انت نه که ایدگه چیزاں چه دور بنت چو که دروگ گیبتءُ دگه مکنیں کاراں چه وتءَ دور نه دارانت اگاں چه روچگ و بنت بلے اے مردم روچگءِ اصل فضیلتءُ ‌‌‌‌ثواباں چه زبهر بیت

@Labzank
telegram.me/Labzank

روچگءَ عربیءَ صوم گشنت ایشی لبزی معنا اوشتگ ءُ رکینگ ئیگ انت ءُ شرعی اصطلاحءَ ورگءِ ورگءُ آپءِ ورگ ءُ وتی جنینءَ چه دور بوهگءِ نام صوم انت-
شرت همش انت که بام (طلوع صبح صادق) ءِ در اهگءَ ساری روچگ دارگ به بیت داں روچءِ ایر روگءَ تک -
روچگ واستا هژدری ئیں چیز نیت انت پمے مردم که احادیثءِ کتاباں چست کنت اولی حدیث نیتءِ بارهءَ انت پیگمبر گشتن انت هر یک عملےءِ گرءُ دار نیتانی سرا انت-
اگاں کسے اے سجائیں عملاں بکنت بلے ائیءَ روچگ نیت نکتگ گڈا روچگی گشگ نبیت-
ءُ اے ماهءِ یک مستریں فضیلتے ایش انت که اے ماهءَ واجه هدایا وتی پاکیں کتاب نازل کتگ بلکیں قرانءَ ابید ایدگه وتی صحیفه همے ماهءَ نازل کتگ انت
@Labzank
telegram.me/Labzank

روچگ نیّت:
، و بصوم غد نویت من شهرِ رمضان"
دپبوج دعا
اللهم انی لک صمت و بک امنت و علیک توکلت و علئ رزقک افطرت"
تراویح دعا
سبحان ذی الملک والملکوت سبحان ذی العزة والعظمته والهیبته والقدرة والکبریاء والجبروت ط سبحان الملک الحی الذی لاینام ولا یموت سبوح قووس ربنا و رب الملئکته و الروح ط الهم اجرنا من النار ط یا مجیرُ یا مُجیرُ یا مجیر
@Labzank
telegram.me/Labzank

شاعر؛ مبارک کازی
زر کؤشے دیدگاں گوں بدارئےِ کدی مرئے
اے زندگی نہ بوتگیں کارے کدی مرئے

دُزّی کنئے، نماز کنئے، مرگ لازم اِنت
زھرے ورئے کہ لَنشءُ پتارے کدی مرئے

یک سُتکگیں ڈگارے بچاراِت دلءِ تبءَ
اِمروز ھُشکیں دَنزءُ گبارے کدی مرئے

داناہیں مرد سِتک بزاں وت وتا کُشیت
یک ساھتے،دمانے، گدارے کدی مرئے

قاضی من ہرکُجا کہ رَواں زند شاہد اِنت
گوشاں منی کپیت توارے کدی مرئے
@Labzank
telegram.me/Labzank

جار

بلوچی زبان ءِ نامی ایں پٹ ءُ پولکار واجہ فقیر شاد ءِ بلوچ راجدپتر(National History) ءِ سرا پٹ ءُ پولی کتاب "ھزانگ" کہ ایشی ءِ تہا بلوچی زبان ءِ سئے ایں مشہوریں گالوار بزاں رخشانی ، کوہ سلیمانی،ءُ مکرانی گالوار ءِ عہدی شعرمان اں کہ واجہ فقیر شاد ءَ اے شعرانی پس منظر بیان کُتگ ءُ سئے ایں گالوارانی شعرانی تقابلہ جائزہ اے گپتگ ءُ گڑ سرا شعرانی سرا وتی حیال ءُ لیکہ در شان کتگ اں۔
ھزانگ دومی بہر (مہری بہر) شہ بلوچ کلب ءِ نیمگا چاپ ءُ شنگ بوتاکہ شمارا بلوچستان، کراچی ،خلیج ءُ یورپ ءُ تمامیں دنیا ءَ دست کپیت ۔ ءُ مئے کِرّا آن لائن آرڑر ءَ مُچ دنیا ءَ آن لائن ڑیلیوری (سر)کنگ ءِ آسراتی است
نہاد:
امریکہ ءُ یورپ۔14$(امریکن ڈالر)
خلیج ۔5 BHD (بحرینی دینار)
روچ ایر کپتی بلوچستانءُ ایران ۔200000 ایرانی ریال (20000تُمن)
روچ درتکی بلوچستان ءُ پاکستان؛575 PKR(پاکستانی کرنسی)
پہ گیش ایں سر پدی ءِ ءُ کتاب ءِ بہا زورگا واستہ بلوچ کلب ءِ ای میل Balochclubbh@gmail.com یا
Facebook www.facebook.com/BalochClubBH ءُ Twitter @BalochClubBH ،
اں گوں ما اے Whatsapp
0097339181147
0097333316921
0097335582331
0097334043410
نمبر اں رابطہ بکن ات۔
منت وار؛ بلوچ کلب بحرین
@Labzank
telegram.me/Labzank

جار

بلوچی زبان ءِ نامی ایں پٹ ءُ پولکار واجہ فقیر شاد ءِ بلوچ راجدپتر(National History) ءِ سرا پٹ ءُ پولی کتاب "ھزانگ" کہ ایشی ءِ تہا بلوچی زبان ءِ سئے ایں مشہوریں گالوار بزاں رخشانی ، کوہ سلیمانی،ءُ مکرانی گالوار ءِ عہدی شعرمان اں کہ واجہ فقیر شاد ءَ اے شعرانی پس منظر بیان کُتگ ءُ سئے ایں گالوارانی شعرانی تقابلہ جائزہ اے گپتگ ءُ گڑ سرا شعرانی سرا وتی حیال ءُ لیکہ در شان کتگ اں۔
ھزانگ دومی بہر (مہری بہر) شہ بلوچ کلب ءِ نیمگا چاپ ءُ شنگ بوتاکہ شمارا بلوچستان، کراچی ،خلیج ءُ یورپ ءُ تمامیں دنیا ءَ دست کپیت ۔ ءُ مئے کِرّا آن لائن آرڑر ءَ مُچ دنیا ءَ آن لائن ڑیلیوری (سر)کنگ ءِ آسراتی است
نہاد:
امریکہ ءُ یورپ۔14$(امریکن ڈالر)
خلیج ۔5 BHD (بحرینی دینار)
روچ ایر کپتی بلوچستانءُ ایران ۔200000 ایرانی ریال (20000تُمن)
روچ درتکی بلوچستان ءُ پاکستان؛575 PKR(پاکستانی کرنسی)
پہ گیش ایں سر پدی ءِ ءُ کتاب ءِ بہا زورگا واستہ بلوچ کلب ءِ ای میل Balochclubbh@gmail.com یا
Facebook www.facebook.com/BalochClubBH ءُ Twitter @BalochClubBH ،
اں گوں ما اے Whatsapp
0097339181147
0097333316921
0097335582331
0097334043410
نمبر اں رابطہ بکن ات۔
منت وار؛ بلوچ کلب بحرین
@Labzank
telegram.me/Labzank

گوشکند 😃😃

دبوج ءِ دوا

یک پٹانے ءَ یک ملایے ءِ گور ءَ اشکتگ اَت کہ دبوج ءِ وھد ءَ ھر وڑیں دوا کبول بیت گڑا پٹان ءَ رمزان ءِ اولی روچ ءَ دبوج ءِ وھد ءَ اے دوا لوٹ اِت ؛
یا اللہ باندا ائید بات.
@Labzank
telegram.me/Labzank

یک روچے سے مُلا (جُلّی)نِشتَگ ءُ تیجگ ورَگ ات انت ءُ یک بَزگ ءُ شُدیگیں پَکیرے ھمشانی نزیک ءَ نشتگ ءُ چارگ اَت.

بلے یکی دل ءَ ھم اے نہ اَت کہ چہ وتی بھر ءَ کَمُکے پہ ھمے پَکیر ءَ بہ دات.
یکی ءَ گْوشت کہ:روایت انت ، چہ ھما چیزاں کہ ھَیْرات کنگ اِش پہ دگراں شَرّ نہ انت یکے اَنار انت ءُ دگرے تیجگ انت.

دوھمی جُلی ءُ گوشت روایت انت کہ؛تیجگ ءَ ھمینچَک بہ وَر کہ وروک ءَ جواب بہ کنت بزاں دگہ ھِچ وارت مہ کنت.

سیومی ءَ گوْشت دگہ روایتے چُش انت کہ اگر کسے وتی سرا چہ تیجگ ءَ چِست مہ کنت بزاں ھما تیجگ ءِ وزن ءُ تُور ھساب ءَ آ مرد ءِ گُوشت گِیش بیت.



وھدے کہ تیجگ ھلاس بیت اے جُلّیاں دل نہ بیت کہ تیجگ پوُست اں پہ پکیر ءَ ایر بہ کن انت
پدا شرو بیتاں پہ روایت گوْشگ ء

اولی جُلی ءَ گوْشت کہ روایتے ھست کہ اگرکسے تیجگ پوست ءَ پہ دنتان بہ کَرّ ایت دنتان اِسپیت ءُ دل پہ ورگ ءَ پَچْ بیت.


دوھمی ءَ گوْشت کہ؛
روایت انت کہ تیجگ ءِ پوست انسان چماں ڈال ءُ مزن کنت ءُ انسان رنگ ءَ ھم نازُرک ءُ روشن کنت.
سیمی ءَ گوْشت کہ یک روایتے ھست کہ اگر کسے تیجگ پوست ءَ پہ دنتان بہ کَرّ ایت گُڑا آ مردے تکبّر کم بیت ءُ آ پہ ھداوند نزیک تِر بیت
اِشان تیجگ ءِ پوست گوں دنتان ھنچش کَرّاِت چو کاگَد ءَ کُت انت

پَکیر کہ نِشتگ ءُ اِشاں چارگ ات گوْشت ئی ؛من شُتاں،اگر من دگہ یک دمانے مھتل بہ باں من تُرساں شُمے روایت پہ جاھے بہ رس انت کہ شما تیجگ پوستے مُکام ءَ ھنچش بُرز بہ بَر اِت ءُ بہ گوْش ات کہ اے پوستاں چُش کُران پاک ءَ بہ زیر اِت ءُ بَگل چیرا بہ کن اِت ءُ گوں وت بہ بَر اِت.
ءُ پدا تیجگ ءِ تُوم اں بزیر ات تسبیہ بہ کن اِت ءُ زِکرءِ (یا قدّوس)بہ گوْش اِت.

عبید زاکانی

رجانک:مھمدرھیم درویش

َ@Labzank
telegram.me/Labzank

....تو چی گوش ئے ...

دل ءَ دیاں دل ءَ براں تو چی گوش ئے
دل ءِ بدل دل ءَ دیاں تو چی گوش ئے

پہ سِتک ءُ دل رزا ءُ وش دل ءَ بہ بئے
من کازی باں شر ءَ جناں تو چی گوش ئے

وت ءَ ءُ درستاں دائم ءَ بے ھوش باں
زھیرگاں پر تو زراں تو چی گوش ئے

گوں سیاہ تابیں مارپیچیں زلپ ءِ تئی
پتاتگ دل من مھپراں تو چی گوش ئے

بہ لوٹ ئے تچک ءُ راستیں تو ھبر اگاں
دل ءَ چہ درستاں در کناں تو چی گوش ئے

دل ءَ نہ انت دل ءِ دیگ اگاں شوھاز
جناں من ڈیکو ڈنگراں تو چی گوش ئے

@@ یاسین شوھاز @
@Labzank
telegram.me/Labzank

مکند بانُل ترا کندگ نہ ساچیت
(بانُل دشتیاری)
تی یاتاں بسنداں چوں دلء- چہ
چوشیں دل من بیاراں نوں کُجا چہ

اے گرمیں ارس پیداک انت چہ چماں
گُشے دراتکگ انت لہڑیں منجلء- چہ

مروچی بُو انت مسکءُ مہلبانی
اے کئے گُوستگ نزاناں میتگء-چہ

شپاں بے وابءُ روچاں بے قراراوں
من بے ترا ترانگ نہ اوں ھچبر ترا چہ

مبو ھیران نہ انت نوکیں منی گم
من گم زُرتگ انت چہ گوانزگء-چہ

پدا گوں قاصدء-دوچار کپتوں
دل اوں بال انت مروچی چہ گلء- چہ

مکند بانُل ترا کندگ نہ ساچیت
تو گم زُرتگ چہ بازیں کندگء-چہ
@Labzank
telegram.me/Labzank

بلوچی زبان ءِ ریشگ چہ کوھنیں ایران باستان ءَ اِنت.

آریایی یک ٹکے بیتگ اَنت کہ پیش چہ انیگیں جاہ ءَ آ سیاھیں زر ءِ ( دریای سیاہ ) کِرّ ءُ گور ءَ جھمنند بیتگ اَنت.

لھتے چہ آیاں دیم پہ ھندوستان، لھتے پہ یوروپ ءَ، ءُ سے گروپ چش: ماد، پارت، پارس پہ ایران ءِ پٹ ءَ آتکگ اَنت.

ادا دو گپ گوشگ لوٹ ایت:

1. گوشگ بیت کہ بلوچ پارت بیتگ اَنت ءُ ماد کُرد.

2. ابید چہ ایرانیاں کہ گوش اَنت ما بس آریایی ایں، یوروپ ءِ مردم ( ایتالی، جرمن...) ءُ ھندوستان ءَ ھم آریایی اَنت.

اے گپ 5000 سال پیش چہ ایسائی رمس اِنت.

لھتے گوش ایت پہ ڈُکّال ءِ سبب ءَ ایشاں لڈ ءُ بار کتگ ءُ لھتے ھم گوش ایت کہ مُگُل ءُ ترکاں ایش اِش جتگ اَنت.

داں 300 سال ءِ اے سئیں کوم ( ماد پارت پارس) انچش رنگراھاں لڈ ءُ بار اِت اَنت.

ءُ بازیں منانکے نبشتاری ھم نیست کہ مردم بہ گوش ایت پکا چے بیتگ بلے 8 سدی پیش چہ ایسائی ءَلھتے ڈوک نبشتگ دست ءَ کپتگ کہ دو ٹک ءِ نندجاہ ( پارس ءُ ماد ) انیگیں کردستان ءُ آزربایجان ءَ بوتگ.

اولی ھکومت ھم ماداں جوڑ کتگ کہ 170 سال بورتاچی اِش کتگ

رند چہ ایشاں ھکمنشاں وتی ھکومت جوڑ کتگ.

گیشتریں منانک ءُ زبانی دلیل ھم بلوچانی گوں ھکمنشاں ھمگرنچ اِنت.ایشاں 220 سال بورتاچی کتگ.

اولی نبشتانک ھم کہ انی منتگ اَنت ھکمنشیانی نبشتانک بوتگ اَنت کہ گوں میکی سیاھگ ءَ نبیسگ بوتگ.

پکّاتریں منانک پہ بلوچی زبان ءِ ریشگ ءَ ھمے ھکمنشیانی نبشتانک اَنت.

اے درور اَنت:

اولی داریوش کتیبہ بیستونی تہ ءَ اولی بند ءَ گوش اِیت:
ادم دارایاووس منا پتا و پشتاسپا ، ویشتاسپا پتا آرشاما...
Adam Darayavus,,,,mana pita vishtaspa, pita , vishtaspa pita arshama...

بزانت:
مناں داریوش ....منی پت ویشتاسپ ءُ ویشتاسپ ءِ پت آرشاما اِنت,..
بچارے چنچو گوں بلوچی ءَ نزیک اِنت...
..
ءُ دگہ جائے دگہ بندے گوش اِیت:
کمبوزیا اوتا بردیا براتا, ھما پتا ھما ماتا
Cambuzia uta bardiya brata hama pita hama mata..
بزانت: کمبوجیہ ءُ بردیا برات اَنت چہ یکّیں پت ءُ مات ءَ..

سرچمگ:
1. آجاریان، ھراچیا. 1363. فرھنگ واژہ ھاہ ھمانند ارمنی، اوستایی، پھلوی، فارسی. ترجمہ آرین. بنیاد دانشور
2. اکبر زادہ داریوش. کتیبہ ھای پھلوی. انتشارات پارینہ

پٹّ ءُ پول: رھماندوست
@Labzank
telegram.me/Labzank

🌹 سروں بے سار اِنت🌹

سروں بے سار اِنت دلوں، سار نہ بیت
دلوں بے سار اِنت سروں، سار نہ بیت
🌹
چم جھل ستر چم جھل بیت
چم پردار ءِ چم دار نہ بیت
🌹

گم، چہ گمدوست گماں پرشت،گماں
کے گوش ایت گم، گم ءِ گموار نہ بیت
🌹
بے سر اَنت سر کہ سر اِش سُتکگ سراَنت
سراں بے سردریں سردار نہ بیت
🌹
گار ءُ گاراتیں دل ءَ گار کُتگ
گار ءُ گارات دوبر گار نہ بیت
🌹
رد ءُ بے راہ رد ءُ بے راہ اِنت
رد ءَ رھدربر ءُ رھدار نہ بیت
🌹
انگریں واھگ ءِ سوگات، انگر
دل اگاں انگر اِنت انگار نہ بیت
🌹
گُلگل ءَ ارس گُل ءِ گُلریچ اَنت
گم ءِ گلباگ، چو گلزار نہ بیت
🌹
دل پہ دلدل ءِ دل ءَ دلوار مہ کن
دلبر ءِ دل، دل ءِ دلوار نہ بیت
🌹
رنج ءُ آزار سید ھمراہ اِنت
اے ھم گنجے کہ دل آزار نہ بیت


🌹سـیـد ظھـور شـاہ ھـاشـمـی🌹
@Labzank
telegram.me/Labzank

( لبز ) ( بِزانت ) ۱ ،سات ءُ مْهیم = سک دراجیں سپَر . ۲ ، کوهِنگ = بلوچستان ءِ کْوهنیں نام . ۳ ، مَرز بوم = وتن ، بیتن جاه ، هَنکین . ۴ ، ایشتم = هوش حیال ، یادداشت ، ۵ ، چُدگ = کوه ءِ ٹُلّ . ۶ ، سَنگر = بومو ، مورچہ . ۷ ، هَشیم = سک مزنیں ءُ بُرزیں کوه . ۸ ، دِرچ = بابت ، سلسلہ . ۹ ، چوتار = رنگ رنگیں یا باز رنگیں . ۱۰ ، کیهو = مدهوش ، سراماد . ۱۱ ، مولُم = دریا ءِ وشّیں گْوات یا هونکیں گْوات . ۱۲ ، مالُم = دریا ءِ راه بلَد ، ناهدا . ۱۳ ، رِیام = دریا ءِ تَهی کوه ءُ تَلاراں رِیام گْوشنت . ۱۴ ، بیل ءُ آلاڑ = تیاب لمب ءَ یا ساحل ءَ چولانی آهگ ءُ رَوگ ءَ بیل ءُ آلاڑ گْوشنت ، جَز و مَد . ۱۵ ، سَمپَن = کَرکینک ، صدف . ۱۶ ، زِروان = جزیره . ۱۷ ، جهگیر = نُمائنده . ۱۸ ، بَهرگ = اداره . ۱۹ ، آمید گِس = دادگاه . ۲۰ ، شاهیم = ترازو . ( منی بِراهندگیں براتاں اِے لبزاں وتی نبِشتانک ءُ شعرانی تها کارمَرز بکن اِت تاکہ اِے گَنجیں لبز گار ءُ بیگْواه مہ بَنت . )
@Labzank
telegram.me/Labzank

💐🌱رود رود بیت 🌱💐
🍃 نمیرانیں سید هاشمی🍃
زوراک ءِ تران، منگهیں راجانی دود بیت.
دود ءِ تلار، واهگ ءِ هاراں ، کرود بیت
آپستیں شادهانی، نه کُٹّکیں زندمـــــاں
اِمروز ءِ رنج ءِ بیلیءِ اشکندیں کود بیت
زَنکیں گمءِ نزنکّیں شپءِ تهلیں تْرانگــــــــــے
نازینک وشّءُ وژدلیں روچانی مود بیت
جمبر نزانتکاری ءِ گْرندوکیں نود کنت
گوں گل کمارے، زانگءِشنزوکیں نود بیت
یک رندے گم سماءَ بزانت سیه تلارءِ دل
سَد بر چه هوناں زَگریں وتی جانشود بیت
واهگ په بهرءُ بانگءُ شریداری کُــــــــــورُمیں
" وهدار" چو نه دیستگیں گلباگءِ جود بیت
بچکندگےءِ یاتءُ سمارےءِ ترانگ ءَ
" ساری" هنوشءُ تُستگیں بے ساری بود بیت
کد سْیه تلار کینگءِ ریزاِیت کس نزانت
مهرانی کیلیں زرد ءِ سما کد هَرود بیت
آس اِیت بام راستیءِ دروگءِ شپیں دلءَ
تنگه دو تنگه ایت ءُ کُٹّیں رود رود بیت
بدواه نه بارت تود، انگت زندگ انت سید
هانل مه بیت، هدائی چو اِشکندیں تود بیت
____________________________
@Labzank
telegram.me/Labzank

*قرآن وانگ‌ئے مُزّ و ثواب*

🌹حضرت عبدالله ابن مسعود گوشیت: پیگمبرا (صلی‌الله‌علیه‌وسلم) پرمائینت: هرکس یک حرف/آبے چه قرآن مجیدا بوانیت، آئیا یک نیکی‌یے رسیت، و هر نیکی‌یے برابر گوں ده نیکی‌ اِنت، من نگوشان «الم» یک حرفے، بلکیں الپ یک حرفے، لام یک حرفے، میم یک حرفے.
______________
💐 مَنْ قَرَأَ حَرْفًا مِنْ كِتَابِ اللهِ فَلَهُ بِهِ حَسَنَةٌ، وَالحَسَنَةُ بِعَشْرِ أَمْثَالِهَا، لاَ أَقُولُ الْم حَرْفٌ، وَلَكِنْ أَلِفٌ حَرْفٌ وَلاَمٌ حَرْفٌ وَمِيمٌ حَرْفٌ. سنن‌الترمذي (5/ 25)

@Labzank
telegram.me/Labzank

بتـل ؛

وت ءَ شئے کنـت ءُ مـناں شیتـان:

وت ءَ را سـار ءُ سمـا سـد منـاں ھـوش گنـوک ءُ نـاسـرپـد لیـک ایـت وت ءَ آکـل ءُ سـوگـہ ءُ دانـا ءُ منـاں نـادان ءُ پھـوالے بیـا رو ایـں پـلاں جـاگـہ ءَ مـن ھـوڈے دیستـگ، ھـوڈا ھـزانـگ مـان انـت ھـزانـہ ءَ کـش ایـں مـن ءُ تـو نـہ کـن ئے ھـوڈا مـارے مـان انـت وت ئے دیسـتگ، نـی لـوٹ ایـت مـن ءَ مـار ءَ بـواریـن ایـت کـہ ھـزانـہ مـژدہ ءَ مـن ءَ بـدنـت دسـت ءَ ھـوڈ ءَ ئے بـدنـت ءُ مـار ئے بـہ وارت ء ھـزانـہ ئـی رس ایـت منـی دل پھکـیں دوئیـں ھمبـراہ بیـت ایـں دیـم پـہ ھـوڈ ءَ شُـت ایـں وھـدے کـہ نـزیّک ءِ ھـوڈ ءَ رس ات ایـں ھـوڈ اوں دیسـت ھـوڈ ءِ جـاگـہ پـلک اَت ھـوڈ ءِ کـش ءُ گـوراں مـاری پـد بـاز ات مـن دراینـت بـاریـًں ادا ھـزانـھے ھسـت یـا نیسٌت وت ءَ کـن ئے شئے نـی مــن ءَ کـن ئے شیـتان کـہ مـاری بـہ دج ایـت یـا مـارا واریـن ئے.
🌴 کـــــورُشـــــیں گــــال 🌴
لبـزانکی مجلـس کلمتی کاروان.

الهی
چه عزتی دارد
اینکه بنده ی تو باشم،
و چه فخری بالاتر از اینکه،
تو خدای من باشی!

تو آنگونه خدایی هستی که
من دوست دارم،
پس از من
آن بنده ای را بساز
که تو دوست داری!


یا پاکیں ھاوند
چہ اِزت ءُ شرپے دار ایت
اِشے کہ تئی بَندگ بہ باں
ءُ چہ پھرے بُرزتر چہ اِشے کہ
تو منی ھاوند بہ بئے
تو ھما وڑیں ھاوندی یے ءِ کہ من ءَ دوست بیت
گڑا چہ من ھما بندگ ءَ جوڑ کن
کہ ترا دوست بیت

رجانک : اَمّــار ھــاشُــمــزھــی بــلــوچ
@Labzank
telegram.me/Labzank

انسان بـــــبـــــے.....
پَرک نه کنت
رمزان به بیت یا شابان
تیر به بیت یا آبان
دسامبر به بیت یا ژوئن؟!!!
هما روچ ءَ که نیزگار دست گپت
گریب دل وتی کُت
ارسءِ پهک کُت
گڈا انسانیءِ

رجانکار: کادربکش کلمتی

@Labzank
telegram.me/Labzank

چہ شیخ ھادی نجم آبادی ءَ جُست اِش کُت:

آیا اسلام ءِ تہ ءَ ساز ءُ زیمل ناروا( حرام)اِنت؟

پَسّوئِے دات : ھما ساز ءُ زیمل حرام اِنت کہ چہ سیریں ءُ ھزگاریں ھمساھگ ءِ اِستان ءِ توار ءَ کہ منجل ءِ بَٹّانی تہ ءَ بہ لگّ اِیت چِست بہ بیت ءُ نیزگاریں ھمساھگ ءِ شُدیگیں چُکّانی گوشاں بکپ اِیت.

@Labzank
telegram.me/Labzank

⛔بلوچاں هُژّار بِت!

چنت هپتگ پیش هالے شِنگ بوت آ مردے که چار سال اَت گوں بلوچاں ماشینِ سَودایی و لین و دَینی کرتگ، بلوچانی بازیں مالی دزّتگ و چه ایرانا دیم په ترکیا جِستگ، اول سرا اِے گپ باورکنگی نهت، بلے کم کم زانگ بیت که هو راستیں گپے مردا مال زرتگنت و جِستگ.
چوش که گوشنت اِے کمبهتا، بزّگیں بلوچانی هزار ملیارد تومنا گیش دُزتگ و گوں وت برتگ. چار سال بوتگ که اِشیا گوں بلوچاں معامله کرتگ و آیانی اعتماد و دلی وتی نیمگا کشّ اِتگ، پمشا بازیں بلوچیا اِشیِ سرا اعتماد کرتگ و وتی مال اِشیا داتگ اَنت.
اِے هالِ سکیں په دردیں هالے اَت. بازیں بلوچے چه اِے هالا په درد بوتنت و هنو رمضانِ وشیں روچاں گوں اپسوز و حسرت گوازینگ اَنت.
بلے مئے براتیں بلوچ بزاننت که «مالِ بدلّ، مال اِنت». مال اپدا کئیت همے که آیانی سر سالم اِنت باز اِنت، مئے واجهیں برات هُژّار ببنت که گوں وت مه مڑ اَنت، آیانی دژمن آیانی در میانا شیطانی مکننت و جنگ و شدتے پاد مکننت، باید گوں وت تپاک ببنت و په وتی مالانی پدجنگا جهد بکننت چه ملکِ قانونی راه و رهبنداں وتی حقّا رندگیری کننت،
اے وهدی مئی عالم و زانتکارانی وظیفه گران اِنت باید اِے واجهانا که وتی مالِش چه دستا داتگنت په صبر و اوپارا دعوت دینت، چو مبیت مال شومّیں گجرا وارتنت و هنّو بلوچ وت ماں وتا به مِڑ اَنت و کشت و کشارے ملکا بندات ببیت.

________