دستونک ۔۔۔۔ مجید عاجز

" دُزّپ ( زاھدان ) شھیدانی نام ءَ "

ماں آسے سَنگرینیت آپ ھوناں
کہ مرچی بُڈّ اِتگ دُزّاپ ھوناں

پہ کوریں دیدگانی کَورَگان ءَ
نہ مینیت ھِنّیاں سرگْواپ ھوناں

چہ سرباز ءَ بگر دانکہ کراچی
وتن مئے مَلّ اِتہ الکاپ ھوناں

سْرپان اَنت آسمی ءُ گْواڑگی پُلّ
کتگ ھر نیمگ ءَ میتّاپ ھوناں

منی دل چو شھیدیں زاھدان ءَ
پہ تْرمپے تُنّی ءُ تاھاپ ھوناں

بہ انگار اِت بدیں روچاں ، بلوچاں
بہ پِٹّیت زھرگ ءَ زھراپ ھوناں

بہ تْرکات اَنت مجید ءِ عاجزیں چمّ
مہ دنت آجوہی ءِ زنداپ ھوناں

‍ 📄 سرشون 1

🔺 سْیاھگ ءِ راست نبیسّی، گچینی پہ ندکاراں

✍ کازی ریھان

🔹@Balochiketabjah

‍ ‍ 📄 سرشون 2

🔺 سْیاھگ ءِ راست نبیسّی، گچینی پہ ندکاراں

✍ کازی ریھان

🔹@Balochiketabjah

‍ ‍ ‍ 📄 سرشون 3

🔺 سْیاھگ ءِ راست نبیسّی، گچینی پہ ندکاراں

✍ کازی ریھان

🔹@Balochiketabjah

‍ ‍ ‍ ‍ 📄 سرشون 4

🔺 سْیاھگ ءِ راست نبیسّی، گچینی پہ ندکاراں

✍ کازی ریھان

🔹@Balochiketabjah

‍ ‍ ‍ ‍ ‍ 📄 سرشون 5

🔺 سْیاھگ ءِ راست نبیسّی، گچینی پہ ندکاراں

✍ کازی ریھان

🔹@Balochiketabjah

دستونک

گَپّ چوش اِنت کہ منی واب مدام واب نہ بنت
ھرچے زِیک بیتگ ءُ باندا چو ھما داب نہ بنت

صواد ءُ ضواد ءَ گوں دگہ عین ءُ دوٹِکّیں قاف ءَ
دوازدھیں آب اِے تازی ءِ منی آب نہ بنت

درد باں بستگیں زمزیلّاں گوں تئی ، چو زاناں
مِسکیں ملگور ءِ گُلیں لال ءِ منی تاب نہ بنت

باور اِنت مرچی کہ زوراک ء تمرد اِنت باندا
پَمّن ءَ زُلم ءِ پد ءَ گْوستگیں آ باب نہ بنت

آ کہ گم زِیر ءُ گم ءِ بار ءَ وت ءَ را لَڈّ اَنت
او وداریگ آ تئی پیم ءَ چو وشواب نہ بنت

وداریگ بلوچ

شھید ھدانور ءِ نام ءَ

وتی گوں ٹپّیں بانزُلاں گوں تُنّی ئیں ندارَھاں
کپوتے ءَ چو بال  کنت  چہ مَکّی ءِ  منارَھاں

مئے نوریں شَھرگاں پہ آجوئی ءِ روچ ءَ ناچ کنت
ءُ مارا دنتیں جُنزگ ءِ سکین ءَ گوں  اِشارَھاں

پہ راہ گاریں بالوانی کاروان ءِ منزل ءَ
شپ ءِ تھاری ءَ بَلّیت ءُ روک کنت ستارَھاں

پہ اَرس روشنیں چراگ ءِ وٹّ چو گواڑگ ءَ تِجیت
رُدیت ءُ ناڑ جنت مدام ماں شھردگی کِنارَھاں

تئی ریدگیں ھیال ، ءُ یات تئی گمبدیں ھمک جُمہ
گوں زھرشانیں سنگتاں وتیگاں جنتیں نارَھاں

آبد رھشون

بچ ءُ مُدام براتاں کُشیت
چو کپتگیں کوہ ءَ پُرشیت
چہ درچک ءَ پُلّے کہ کپیت
آسر کہ روچے گیمریت
آ کہ مُدام راج ءَ کُشیت
بیگواہ بیت برجاہ نہ بیت
ساتگ سر ءُ بُروان مچاچ
سرگوپ چے پیم میداں گوپیت
بل یے بشیر بے واریں نوں
انگت وتی شعراں گُشیت
بشیر بیدار

ظلم ءُ زور ءِ ھاکمی اِنت
مرچاں برباد زندگی اِنت
تیر گوار اَنت بچ ءُ براتاں
کئے درآمد کئے وتی اِنت
ما نوں امبروز ءَ نہ پہمیں
چونیں سال ءُ چے صدی اِنت
ھلک ءِ ہر ڈن ءُ ڈگاراں
گُرک ءُ ہفتار ءُ لدی اِنت
ما بشیر انگت نہ زانیں
مرگ ءِ باریگ تئی کدی اِنت
بشیر بیدار




https://t.me/Labzank

‏عکس از Qader Kalmati

چَنڈگائیں چادر ءَ رمضان ءِ ماہ
ما نہ کُت نیکیں عمل اپسوز ءُ آہ

رحمت ءِ پرزونگ ءَ سیر ءَ نہ وارت
بخشش ءِ شَند ءَ نہ شُشتاں ما گُناہ

برکت ءَ نیکانی مارا ھم ببکش
دوست بنت مارا ولی ءُ نیک راہ

بخشش ءِ جمبر کہ تئی اوھِنگ کنت
نیک ءُ بد دار اَنت دل ءَ مِھر ءِ تَماہ
یوسف انیس
@Labzank
telegram.me/Labzank

سید گنج ءِ ربوٹ:

@sayadganj_bot

سیدگنج ماں ربات دروشم ءَ

سرپد  نہ بوتگ آں  مں   وتی  یار ءِ  نیّت ءَ
"راه ءَ  نہ کپتگ آں  دل ءِ , دیدار ءِ نیّت ءَ"

باندا   بہ گندئے   پتّو   زمانگ   وپا   بکنت
کسّے   نہ زانت    بلکیں   وپادار ءِ   نیّت ءَ

تو  گوں  کلاه ءُ  تزبی ءَ , آنگو  هُدا  بزانت
لوگ ءَ  در اتکگ ئے  پہ کجام  کار ءِ نیّت ءَ

کائے   شراب    گونگیں   زُلپاں   درا   مکن
مرچاں   هراب   گندگ آں   بازار ءِ  نیّت ءَ

هر چے مں چنڈتگ بلے آستونکءَ در نئیت
باریں چہ پیمیں ڈنگے بہ بیت مارءِ نیّت ءَ

کسّے  هیا ءِ  تُرس ءَ  وتی لوگ ءَ در نئیت
کسّے  هزار ءَ گون اِنت  پہ کلدار ءِ  نیّت ءَ

من  وت  اجکّهاں  کہ  اے  چونیں زمانگے
دل مرچاں باز شکّ اِنت چہ دلدارءِ نیّت ءَ

بیا ءُ تبیب اِشک ءِ تپ ءَ روک اِنت مردمے
دراهی  نہ گند آں  من تئی بیمار ءِ نیّت ءَ

باسد تو مپت ءَ  وهد ءِ  شریدار بوتگ ئے
دروهگ دل ءَ اِنت زاناں شریدار ءِ نیّت ءَ

🖊 باسد هوت

@takband_kandeel

❤آہ !رمضان شت❤
چنڈگ ءَ انت چادر ءَ رمضان ءِ ماہ
مانہ کت نیکیں عمل اپسوز ءُ آہ


رحمت ءِ پرزونگ ءَ سیر ءَ نہ وارت
بخشش ءِ شند ءَ نہ ششت انت ما گناہ


تم کتگ بشی نہ گورتیں جمبراں
ڈوھو اش زرتگ چدا بے شور ءُ ڈاہ


دیرسریں کؤراں گروکے شھم کنت
گوست ءُ شت چوشھمی ءَ گنجیں متاہ


مگرب ءِ پاساں ودار ءِ لذت اَت
سرشپاں دراج اَت صفانی لمب ءُ شاہ


مئے جدیمگ چوصباھاں رژن اتنت
ذکر ءُ قرآن ءِ جلشک اَت جاہ پہ جاہ


برکت ءَ نیکانی مارا ھم ببخش
دوست بنت مارا ولّی ءُ نیک راہ


بخشش ءِجمبر کہ تئ اوھنگ کنت
نیک ءُ بد دارانت دل ءَ مھر ءِ تماہ


بے دریں یوسف در ءَ تئ پانگ انت
تئ در ءِ پانگ امیر ءُ وار ءُ شاہ


یوسف انیس
26رمضان 1439
کلانی



@Labzank
telegram.me/Labzank

زندگی

کھریں جاورانی نامءَ

منظور بسمل

زندگیءِ زِندانءَ
کھرمانیں اُستانءَ
زندگی گُشئے مَرگے
مَرگ زندمانی اِنت

آجویءِ نِیمونءَ
مَرگ پہ سر ءُ چمّ اِنت
ساہ ماں دلءَ دستءِ
تنک ءُ پی٘چاں گیدیءِ
شِنگ چو چِرتّےءَ
شور ءُ شار گزّانی
ژِیمب ءُ گَر تَلمبانی
اَنچو ھوش گاشی٘نتگ
تانکہ سر مجنت ڈنّءَ

آزمان فدائی یے
گُلزمین پاتْراپے
ماھکان فدائی یے
روژنائی جنگولے
رولہ ھم سِلا بندے
بام یاگی ئیں کاڑے
روچ وَتکشیں مَلّے
آزماں جھاں جلّے
سرمچار اَنت دْرچک ءُ دار
سِنگ ءُ ڈوک یاگی اَنت

مان اَتکہ ھر دیما
سوب سنجیں باھندے
شپ نھنگیں بیھارے

سھب تْراکے آزادءِ
نیست پاس جِیئندءَ
زھر جوش گْوھرام اِنت
آگہ اِنت مدام سرباز
آ مُرید شیدائیں
داگ دنت زوراکءَ

سَمّیانی اے ھال اِنت
ماہ رنگ کبسّءَ اَنت
ھچ مبات سبیہءَ
سادیہ سلامت بات
پوزیہ سلامت بات
سیما تاگتے، اوستے
لک بات ھَزاران مئے
بزّگ اِنت گُلزادی
گْریوگ اِنت مدام ھُوران
بیبوانی وائیاں
گیدی ماں سرا زُرتہ

ما بلوچ ھَپُشتی
لجّ ءُ ننگ ءُ ناموسءِ
پاسپان ءُ دیمپان ایں
ما نہ سگّیں کم شرپی
دست جنت گُشانءَ مئے
شانک دنت بَدیں چَمّاں،
گِینءَ ھِنگ بادی٘نیں
ناروائیں ناھارءِ

ھانی کُنگرے کوھیں
اَنگریں جَلے مَھناز
ماھَلانی ماھیں رُؤ
شارُلانی بچکنداں
مِھرُکانی مَلگوراں
مَھرمانی چمّءِ آپ
پَھر ءُ شان سَدگنجیں

"تنک اَتکہ لجّءِ جو"
تام ما دپءِ گِپتہ
بَد ما گوں وتا دِیتہ

چینچو نام دیما کیت
چِینچو کِرد سَھرا بیت
دْراج کشّیں داستانے
بِل کِسہءَ دردءِ
مارا سبر ءُ اوپاریں
دنت گَواھی راجدپتر
وھد راست کنت راہءَ

زِر کُجام بیھار اِنت؟
کوہءِ پسّو اِنت گوں وت
زِر پہ جاک مُلما بیت
ھرچی بیت پمّا بیت

(منی بیرانی ءَ چہ پد)

منی بیرانی ءَ چہ پد
بدل بیت گیدی ءِ دروشم
میار ءُ وشی ءِ موسم
کُماریں چم بچکنداں
کہ بِلّے ساھگر ءِ دست ءَ
شرابی شیشگے پرشتگ
نہ بیتیں کس ارمانی
منی دوست ءُ منی بیلی
دل گش ایت گنگل ءُ سنگت
دگہ دابے پلانی کنت
دل ءِ ویرانی ءَ چہ پد
گوں ارساں ماھکانی کنت
منی بیرانی ءَ چہ پد
بگندئے تلوس ایت اَمّا
تُسیت ءُ بود کنت اَدّا
دل ءَ ھاکاں مُشیت لالا
کُماریں چم بچکنداں
کہ بِلّے ساھگر ءِ دست ءَ
شرابی شیشگے پرشتگ
ھدا ءَ شائرے کشتگ
پہ دپ وشی گش ایت دنیا
نہ جل ایت یک دمانے ءَ
کہ من سرپد کتیں آجز
مرو انو ترا دنیا شگانی کنت
تئی بیرانی ءَ چہ پد
زیبلک چون زندگانی کنت

مجید آجز