Forwarded from لبزانکی مجلس کلمتی کاروان
@ رِداں راست کن اَت @
جُماءِ نمازءِ وھد ات ءُ مُلا نہ رستگ ات، یک دیوانگے سر کپت ممبر سرا کہ واز بہ کنت ، مردماں مکن کُت، بلے میتگءِ کماشےءَ ھکل کُت کہ بِل اتی کہ واز کنت ۔
دیوانگءَ وتی واز بِندات کُت گوشت کہ دُرستیں سَتا پہ پروردگارءَ اَنت کہ آئیءَ درست چہ دوءَ ( مات ءُ پِتءَ)پیداگ کُتگ اَنت ءُ دو جَنس (مردین ءُ جنین)ءِ تھا بھر کُتگ ۔
ءُ اِشانی تھاءَ لھتے ازگار کُت کہ منی شُگرءَ بِگر اَنت، ءُ لھتے نیزگار کُت کہ اوپار بکن اَنت ۔
بلے ناں ازگاراں شُگر گِپت ءُ ناں نیزگاراں اوپار کَشت۔
درستانی سرا ھُداءِ لانت بِبات ۔
مُناپکاں پہ نمازءَ رِداں راست کن اَت ۔
رجانکار - اکبال ھاشمی
جُماءِ نمازءِ وھد ات ءُ مُلا نہ رستگ ات، یک دیوانگے سر کپت ممبر سرا کہ واز بہ کنت ، مردماں مکن کُت، بلے میتگءِ کماشےءَ ھکل کُت کہ بِل اتی کہ واز کنت ۔
دیوانگءَ وتی واز بِندات کُت گوشت کہ دُرستیں سَتا پہ پروردگارءَ اَنت کہ آئیءَ درست چہ دوءَ ( مات ءُ پِتءَ)پیداگ کُتگ اَنت ءُ دو جَنس (مردین ءُ جنین)ءِ تھا بھر کُتگ ۔
ءُ اِشانی تھاءَ لھتے ازگار کُت کہ منی شُگرءَ بِگر اَنت، ءُ لھتے نیزگار کُت کہ اوپار بکن اَنت ۔
بلے ناں ازگاراں شُگر گِپت ءُ ناں نیزگاراں اوپار کَشت۔
درستانی سرا ھُداءِ لانت بِبات ۔
مُناپکاں پہ نمازءَ رِداں راست کن اَت ۔
رجانکار - اکبال ھاشمی
Forwarded from لبزانکی مجلس کلمتی کاروان
آریپی ءُ بوهیری
چے کہر نہ ساز اِیت تئی گوں کینگاں لاپ سیری
کستاں گوں بہ بات بیگْواه تئی واجہی ءُ میـری
آیـوکـیں همـا پـدریچ پدّر کنـت همـے گپّ ءَ
بْراه اِت کے ءَ بـدواهـی زیـب اِت کـے ءَ هک زیری
تـرا هچّ میار پـر نیست سْـرمـب چاری ءِ منّـوگـر
سک دیر اِنـت چہ تئی پـگر ءَ آریپـی ءُ بـوهـیـری
تـولگ تبـیں نامـرداں مـرچی پد ءَ هال شِنگ اِنت
سنگینءَ گوں سیکّ دات اِش کئی سینگءَ سـی تیـری
آزمـان ءَ پـدگ بسـتگ آ راجـاں نـزانـاں تـئـی
کُـٹّ اِیـت کـدی باریں وت بْرات ءَ گوں گُْٹ گیری
یـک گامـے نہ گامین ئے پہ دیمروئی اے رنـگ ءَ
چہبار شُتگ روت اِنـت گـوں گْـوادر ءَ پلّـیـری
سـی سالیگـی سنگت زات ءُ زُریات ءَ بکنت توّاب
باز بہـتر اِنـت اِے رنگـیں دوست ءَ چہ گُش اَنت دیری
تـو شیر مـن روباه چـون دیر گْوست بہ کنت پـدّر
باریں داں کُجا روت مئے روباهـی ءُ تئی شیـری
تـو ایمنـی ءَ گردئے گـوں دشـمنءَ دسـت پہ دسـت
اتکگ چے ءَ زار پہ تئی ورناهـی ءُ مئے پـیـری
شہزانتـیں سیـد رَبّ ءَ ٹیکـی کُت بلـوچ راج ءَ
بہ کن اِت کہ سیـد کرزیـت پہ واهـگـے رنـدگیـری
هـر یکے وتـی زِیـد ءَ ڈولـدار اِنت ءُ وشنود اِنت
چے لوٹ اَنـت بلـوچ ڈیهـ ءَ پنجـاپـی ءُ کِشـمیری
شاهـی ءُ گـداهـی دْرسـت تو دات کن ئے یا رَبّ
بـرجان ءِ نسیـب ءَ کـن دو سُجـده ءِ شبّـیری
📝برکت برجان بلوچ
@Labzank
telegram.me/Labzank
چے کہر نہ ساز اِیت تئی گوں کینگاں لاپ سیری
کستاں گوں بہ بات بیگْواه تئی واجہی ءُ میـری
آیـوکـیں همـا پـدریچ پدّر کنـت همـے گپّ ءَ
بْراه اِت کے ءَ بـدواهـی زیـب اِت کـے ءَ هک زیری
تـرا هچّ میار پـر نیست سْـرمـب چاری ءِ منّـوگـر
سک دیر اِنـت چہ تئی پـگر ءَ آریپـی ءُ بـوهـیـری
تـولگ تبـیں نامـرداں مـرچی پد ءَ هال شِنگ اِنت
سنگینءَ گوں سیکّ دات اِش کئی سینگءَ سـی تیـری
آزمـان ءَ پـدگ بسـتگ آ راجـاں نـزانـاں تـئـی
کُـٹّ اِیـت کـدی باریں وت بْرات ءَ گوں گُْٹ گیری
یـک گامـے نہ گامین ئے پہ دیمروئی اے رنـگ ءَ
چہبار شُتگ روت اِنـت گـوں گْـوادر ءَ پلّـیـری
سـی سالیگـی سنگت زات ءُ زُریات ءَ بکنت توّاب
باز بہـتر اِنـت اِے رنگـیں دوست ءَ چہ گُش اَنت دیری
تـو شیر مـن روباه چـون دیر گْوست بہ کنت پـدّر
باریں داں کُجا روت مئے روباهـی ءُ تئی شیـری
تـو ایمنـی ءَ گردئے گـوں دشـمنءَ دسـت پہ دسـت
اتکگ چے ءَ زار پہ تئی ورناهـی ءُ مئے پـیـری
شہزانتـیں سیـد رَبّ ءَ ٹیکـی کُت بلـوچ راج ءَ
بہ کن اِت کہ سیـد کرزیـت پہ واهـگـے رنـدگیـری
هـر یکے وتـی زِیـد ءَ ڈولـدار اِنت ءُ وشنود اِنت
چے لوٹ اَنـت بلـوچ ڈیهـ ءَ پنجـاپـی ءُ کِشـمیری
شاهـی ءُ گـداهـی دْرسـت تو دات کن ئے یا رَبّ
بـرجان ءِ نسیـب ءَ کـن دو سُجـده ءِ شبّـیری
📝برکت برجان بلوچ
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
Forwarded from لبزانکی مجلس کلمتی کاروان
سِستگیں اوتاگ
منظور بسمل
ما کہ وہدے 'بلوچ' کنیں، کُلاں پیش بائد ما وتی کرّ ءُ کشانی چارگءِ بدلءَ وتی جندءِ گْورجیگءَ سر بہ کشّیں بچاریں، چیا کہ ما مدام 'بلوچ' بلوچ کنیں، بلے وتی جندءَ شَید و بید کنیں۔
بلوچیءَ 'کوم'ءِ مانا مُچی، رُمب، گلگ، مانریچ، حاکوٹ، بلے وہدے ہمے رُمب ءُ گلگ، یک رہبندے، دودے، زبانے، ربیدگے، رسمے ءُ ربَیتے کہ ہوریءَ داریت تہ 'قوم' گُشگ بیت۔ قوم چہ تمن، تمن چہ ٹَک، ٹک چہ بولک، بولک چہ حاندان (لوگمان) ءُ حاندان چہ مردمانی ہوریءَ جوڑ بنت۔
اگاں ما اُورت بچاریں مابلوچی رسم ءُ ربیدگ یلہ داتگ انت، قومی منّ ءُ مراد کُشتگ انت،پہ دپ بلوچ بلوچ ءُ قوم قوم کنگائیں۔
سکندر وہدے ہندوستانءِ پُلپانچ کنگءَ روت تہ یک ءُ دو روچءَ داریت، وتی جاسُو پاسُواں شہر ءُ بازاراں یلہ دنت، روچ کہ کپیت، ہر نیمگا آسُکے روک بیت۔ سکندر وتی چارُوگاں پُرسیت کہ اے چی اَنت؟ آ پسو دینت کہ اے ترُون انت، تِین اَنت، نان پَچُکائی اِنت، کنوری آس اَنت، ورگ گْرادُکا اِنت۔
سکندرءِ ایمان کالبءَ بیت، سارتیں گِینّے کشّیت ءُ درّائینیت: "آ قوم کہ یک پرزونگےءِ سرا پہ تپاکی ورگ نہ وارت، آ جنگءَ چوں ہَمپَتّ بیت؟"
دیر نہ گْوزیت ہندوستان تاراج بیت، لُٹّ و پُلءِ آماچ بیت، ہر نیمگا تباہی ءُ بربادی بیت، آہ ءُ زار بیت۔
بلوچ راجی رہشون کہ ہمے 'رہشونی'ءِ نامءَ نہ کرزنت، کس نہ زانت کہ کےءَ اے بلوچ راجءِ 'رہشون' نامینتگ انت؟؟ ہرکس پہ دیم کمرزانی یے بہ جَن، کُرشی یے منڈین، "قومی ہیرو، قومی لیڈر، قومی رہنما، قومی رہشون" دگہ باریں چُنت بگر و بدار۔۔۔ دْرُست دْروگ انت۔
منی واجہاں کمّو دلگوشءَ گْور کن ات! شما تنیگا 'قوم'ءِ لبزی ماناءَ نہ زانگائے، اگاں ناں شما چُشیں بٹاک ہچبر نہ جتگ ات۔
"تُنّیگ ءَ بُز مِتکگ" ورّود ءُ جَتگانیں مہلوکءِ مانا ءُ چوَکّیں رمگءِ مانا یک، ہمک مُچّی ءُ رُمبءِ مانا 'قوم' نہ اِنت۔ قومءِ لہتیں لوٹ ءُ گزر اَنت، تاں آ پیلو مہ بنت، تو مہلوکءِ رُمب ءُ گلگءَ 'قوم' گُشت نہ کنئے۔
بلوچءِ بدبہتی کہ آئیءِ قومی وحدت ءُ یکّوی ہما اِنت کہ پْروشگ بوتگ، پدا ہچبر آ قومےءِ بستارءَ چِنئگ ءُ نزّارگ نہ بوتگ۔ بلوچءَ تنیگا آ راجی رہشون نہ رستگ کہ آئیءَ قومی پجّارے بہ دنت۔ ہرکس وت دلءَ میر اِنت کہ "من نہ کُشتگ ہلار نہ اِنت۔"
بلوچ قومءِ دستور 'بلوچی' اِنت۔ چہ بلوچی زبانءَ ابید، بلوچ زند رہبندءَ 'بلوچی' گُشنت۔ 'بلوچی' تنیگا نبشتاکی دْروشمءَ آرگ نہ بوتگ۔ دود ءُ ربیدگاں بگر تاں رسم ءُ رواجاں بیا، کُل سرزُبانی اَنت، وہد ءُ زمانگاں وَ مئے پیریناں یات بوتگ انت، بلے وہد گْوزان، پیرین مِران، نوکیں پدریچ آیان۔۔۔ دود ءُ ربیدگ بار گِران، چیرگْوچّان، بدلان، مِران، گار ءُ گور بُؤان انت، اگاں بلوچءِ راجی جاور ہمے بہ بنت، اے پدریچءَ رند بلوچ بے دود ءُ ربیدگءَ زندگ بیت، آ زند پہ بلوچءَ چونیں زندے بیت، حُدا گِہتر زانت۔
انچو کہ من پیسرا گُشت بلوچ سیاسی گل ءُ پارٹی کہ بلوچءِ نامءِ سرا 'آزادی'ءِ یا 'پارلیمانءِ' سیاستءَ کنگا اَنت، (اے سیاستے نہ انت، لُٹ و پُلے) بلوچی دود ءُ منگہاں سرپد نہ اَنت یا پہ زانت ڈالچار اِش کتگ اَنت، شمارا بلکیں باور مہ کنت، بلے من شمارا درورے دیاں، شما وت بچار اِت کہ چیزے وہد پیسر ہچ بلوچ سیاسی گلءِ دستور بلوچی زبانءَ نہ بوتگ۔ ہمے چندے سال اِنت کہ پہ دپ راجدوستیں چیزے گلءَ ہوش کتگ، وتی دستور (بلکیں) بلوچی زبانءَ نبشتگ انت، بلے چد و پیسر اردوءَ بوتگ انت۔ آ دگہ ہبرے کہ ہمے نبشتگیں دستورانی تہا 'بلوچی دستور'ءِ نام ءُ نشان نہ گْواہیت۔
لج، مڑاہ، میار، باہوٹ، بیر، بدل، مہمان، گندک، سور، پرس، اواچک، کُمک، اَشر ءُ دگہ بازیں راجی کیلو کہ (اردوءَ رجانک کنگ نہ بنت) بلوچ زندمانءِ مُہکمیں باسک ءُ بہر انت، چہ نامگپتیں راجی ءُ لبزانکی گلانی دستوراں انچو گار ءُ بیگْواہ انت، مردم نہ زانت بہ گْریت یا بہ کندیت۔۔۔
نُو ما بہ نندیں پرے گل ءُ پارٹیاں موتک بیاریں، زنگ بہ جنیں، گِلگ درشانی بہ کنیں، منی دلءَ ہچ نپ نیست، چرے کوریں کارءِ بدلءَ ما پہ بْراتی، پہ مُلک مردمی، پہ راجی ءُ مردم گِری اِشاں حال بہ دیئیں کہ:
"رہدربرءِ راہے دِگر ءُ مئے دگہ راہے"
گُڈسرا منی گوں بلوچ واہیں ہما گَلانی سروک کہ بلوچءِ نامءِ پُشتا آپ و لاپ اَنت، وتی منّ ءَ وتا بلوچءِ بیرکدار لیکنت، کُلّاں پیش وتی گَلانی دستوراں چمّے بہ جننت کہ آیا آ بلوچ قومءِ دستوری جہگیریءَ کنگا اَنت یا "تچوکیں آپءِ پُشتا کِشک رَندگا انت"
اَگاں چُشیں راجدوستیں گلے اَست کہ آئیءِ دستورءِ تہا بلوچی سَّڈ و مِنّ، دود ءُ ربیدگ یا رسم و رواج بلوچ راجی دستورءِ حسابءَ است انت، گُڑا بلوچءِ راجی گل ہما اِنت۔ اگاں ناں کُل پُوچ اَنت۔
بلوچ راجی دود ءُ ربیدگ زندگ بات انت.
@Labzank
telegram.me/Labzank
منظور بسمل
ما کہ وہدے 'بلوچ' کنیں، کُلاں پیش بائد ما وتی کرّ ءُ کشانی چارگءِ بدلءَ وتی جندءِ گْورجیگءَ سر بہ کشّیں بچاریں، چیا کہ ما مدام 'بلوچ' بلوچ کنیں، بلے وتی جندءَ شَید و بید کنیں۔
بلوچیءَ 'کوم'ءِ مانا مُچی، رُمب، گلگ، مانریچ، حاکوٹ، بلے وہدے ہمے رُمب ءُ گلگ، یک رہبندے، دودے، زبانے، ربیدگے، رسمے ءُ ربَیتے کہ ہوریءَ داریت تہ 'قوم' گُشگ بیت۔ قوم چہ تمن، تمن چہ ٹَک، ٹک چہ بولک، بولک چہ حاندان (لوگمان) ءُ حاندان چہ مردمانی ہوریءَ جوڑ بنت۔
اگاں ما اُورت بچاریں مابلوچی رسم ءُ ربیدگ یلہ داتگ انت، قومی منّ ءُ مراد کُشتگ انت،پہ دپ بلوچ بلوچ ءُ قوم قوم کنگائیں۔
سکندر وہدے ہندوستانءِ پُلپانچ کنگءَ روت تہ یک ءُ دو روچءَ داریت، وتی جاسُو پاسُواں شہر ءُ بازاراں یلہ دنت، روچ کہ کپیت، ہر نیمگا آسُکے روک بیت۔ سکندر وتی چارُوگاں پُرسیت کہ اے چی اَنت؟ آ پسو دینت کہ اے ترُون انت، تِین اَنت، نان پَچُکائی اِنت، کنوری آس اَنت، ورگ گْرادُکا اِنت۔
سکندرءِ ایمان کالبءَ بیت، سارتیں گِینّے کشّیت ءُ درّائینیت: "آ قوم کہ یک پرزونگےءِ سرا پہ تپاکی ورگ نہ وارت، آ جنگءَ چوں ہَمپَتّ بیت؟"
دیر نہ گْوزیت ہندوستان تاراج بیت، لُٹّ و پُلءِ آماچ بیت، ہر نیمگا تباہی ءُ بربادی بیت، آہ ءُ زار بیت۔
بلوچ راجی رہشون کہ ہمے 'رہشونی'ءِ نامءَ نہ کرزنت، کس نہ زانت کہ کےءَ اے بلوچ راجءِ 'رہشون' نامینتگ انت؟؟ ہرکس پہ دیم کمرزانی یے بہ جَن، کُرشی یے منڈین، "قومی ہیرو، قومی لیڈر، قومی رہنما، قومی رہشون" دگہ باریں چُنت بگر و بدار۔۔۔ دْرُست دْروگ انت۔
منی واجہاں کمّو دلگوشءَ گْور کن ات! شما تنیگا 'قوم'ءِ لبزی ماناءَ نہ زانگائے، اگاں ناں شما چُشیں بٹاک ہچبر نہ جتگ ات۔
"تُنّیگ ءَ بُز مِتکگ" ورّود ءُ جَتگانیں مہلوکءِ مانا ءُ چوَکّیں رمگءِ مانا یک، ہمک مُچّی ءُ رُمبءِ مانا 'قوم' نہ اِنت۔ قومءِ لہتیں لوٹ ءُ گزر اَنت، تاں آ پیلو مہ بنت، تو مہلوکءِ رُمب ءُ گلگءَ 'قوم' گُشت نہ کنئے۔
بلوچءِ بدبہتی کہ آئیءِ قومی وحدت ءُ یکّوی ہما اِنت کہ پْروشگ بوتگ، پدا ہچبر آ قومےءِ بستارءَ چِنئگ ءُ نزّارگ نہ بوتگ۔ بلوچءَ تنیگا آ راجی رہشون نہ رستگ کہ آئیءَ قومی پجّارے بہ دنت۔ ہرکس وت دلءَ میر اِنت کہ "من نہ کُشتگ ہلار نہ اِنت۔"
بلوچ قومءِ دستور 'بلوچی' اِنت۔ چہ بلوچی زبانءَ ابید، بلوچ زند رہبندءَ 'بلوچی' گُشنت۔ 'بلوچی' تنیگا نبشتاکی دْروشمءَ آرگ نہ بوتگ۔ دود ءُ ربیدگاں بگر تاں رسم ءُ رواجاں بیا، کُل سرزُبانی اَنت، وہد ءُ زمانگاں وَ مئے پیریناں یات بوتگ انت، بلے وہد گْوزان، پیرین مِران، نوکیں پدریچ آیان۔۔۔ دود ءُ ربیدگ بار گِران، چیرگْوچّان، بدلان، مِران، گار ءُ گور بُؤان انت، اگاں بلوچءِ راجی جاور ہمے بہ بنت، اے پدریچءَ رند بلوچ بے دود ءُ ربیدگءَ زندگ بیت، آ زند پہ بلوچءَ چونیں زندے بیت، حُدا گِہتر زانت۔
انچو کہ من پیسرا گُشت بلوچ سیاسی گل ءُ پارٹی کہ بلوچءِ نامءِ سرا 'آزادی'ءِ یا 'پارلیمانءِ' سیاستءَ کنگا اَنت، (اے سیاستے نہ انت، لُٹ و پُلے) بلوچی دود ءُ منگہاں سرپد نہ اَنت یا پہ زانت ڈالچار اِش کتگ اَنت، شمارا بلکیں باور مہ کنت، بلے من شمارا درورے دیاں، شما وت بچار اِت کہ چیزے وہد پیسر ہچ بلوچ سیاسی گلءِ دستور بلوچی زبانءَ نہ بوتگ۔ ہمے چندے سال اِنت کہ پہ دپ راجدوستیں چیزے گلءَ ہوش کتگ، وتی دستور (بلکیں) بلوچی زبانءَ نبشتگ انت، بلے چد و پیسر اردوءَ بوتگ انت۔ آ دگہ ہبرے کہ ہمے نبشتگیں دستورانی تہا 'بلوچی دستور'ءِ نام ءُ نشان نہ گْواہیت۔
لج، مڑاہ، میار، باہوٹ، بیر، بدل، مہمان، گندک، سور، پرس، اواچک، کُمک، اَشر ءُ دگہ بازیں راجی کیلو کہ (اردوءَ رجانک کنگ نہ بنت) بلوچ زندمانءِ مُہکمیں باسک ءُ بہر انت، چہ نامگپتیں راجی ءُ لبزانکی گلانی دستوراں انچو گار ءُ بیگْواہ انت، مردم نہ زانت بہ گْریت یا بہ کندیت۔۔۔
نُو ما بہ نندیں پرے گل ءُ پارٹیاں موتک بیاریں، زنگ بہ جنیں، گِلگ درشانی بہ کنیں، منی دلءَ ہچ نپ نیست، چرے کوریں کارءِ بدلءَ ما پہ بْراتی، پہ مُلک مردمی، پہ راجی ءُ مردم گِری اِشاں حال بہ دیئیں کہ:
"رہدربرءِ راہے دِگر ءُ مئے دگہ راہے"
گُڈسرا منی گوں بلوچ واہیں ہما گَلانی سروک کہ بلوچءِ نامءِ پُشتا آپ و لاپ اَنت، وتی منّ ءَ وتا بلوچءِ بیرکدار لیکنت، کُلّاں پیش وتی گَلانی دستوراں چمّے بہ جننت کہ آیا آ بلوچ قومءِ دستوری جہگیریءَ کنگا اَنت یا "تچوکیں آپءِ پُشتا کِشک رَندگا انت"
اَگاں چُشیں راجدوستیں گلے اَست کہ آئیءِ دستورءِ تہا بلوچی سَّڈ و مِنّ، دود ءُ ربیدگ یا رسم و رواج بلوچ راجی دستورءِ حسابءَ است انت، گُڑا بلوچءِ راجی گل ہما اِنت۔ اگاں ناں کُل پُوچ اَنت۔
بلوچ راجی دود ءُ ربیدگ زندگ بات انت.
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
چَنڈگائیں چادر ءَ رمضان ءِ ماہ
ما نہ کُت نیکیں عمل اپسوز ءُ آہ
رحمت ءِ پرزونگ ءَ سیر ءَ نہ وارت
بخشش ءِ شَند ءَ نہ شُشتاں ما گُناہ
برکت ءَ نیکانی مارا ھم ببکش
دوست بنت مارا ولی ءُ نیک راہ
بخشش ءِ جمبر کہ تئی اوھِنگ کنت
نیک ءُ بد دار اَنت دل ءَ مِھر ءِ تَماہ
یوسف انیس
@Labzank
telegram.me/Labzank
ما نہ کُت نیکیں عمل اپسوز ءُ آہ
رحمت ءِ پرزونگ ءَ سیر ءَ نہ وارت
بخشش ءِ شَند ءَ نہ شُشتاں ما گُناہ
برکت ءَ نیکانی مارا ھم ببکش
دوست بنت مارا ولی ءُ نیک راہ
بخشش ءِ جمبر کہ تئی اوھِنگ کنت
نیک ءُ بد دار اَنت دل ءَ مِھر ءِ تَماہ
یوسف انیس
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
رجانک اکبال ھاشمی
@ دومی سیر @
مردکےءَ شَور کُت کہ دگے سیرے کن آں، پرداچ سرجم بوت، کرار ات کہ جُمہءِ روچءَ نِکاہ بہ بیت ۔
جنینءَ ھال سر بیت کہ جُمہءِ روچءَ منی لوگ واجہءِ نِکاہ اِنت ۔
جُمہءِ شپءَ وپت اَنت، سہبءَ مردک پاد اتک جان شُشت، پُچ ءُ لبیس بیت ۔
جنینءَ جُست کُت کہ تَو ھال کن پُچ ءُ لَبیس ئے کُجءَ روگ ئے، ۔
مردءَ جواب ترینت کہ جُمہءِ نمازءَ روگءَ آں ۔
جنینءَ گوشت مروچی جُمہءِ روچ نہ اِنت۔
مروچی روچاں یک شنبے اِنت۔
من ترا وابءِ گولی داتگ تَو سَے روچءَ رند چہ وابءَ پاد اتکگے ۔
دگہ برے گِندے اگاں تَو انچیں ھیالے دلءَ بِدارے، گُڑا انچش کناں کہ کیامت روچءَ پاد بیائے ۔
@Labzank
telegram.me/Labzank
@ دومی سیر @
مردکےءَ شَور کُت کہ دگے سیرے کن آں، پرداچ سرجم بوت، کرار ات کہ جُمہءِ روچءَ نِکاہ بہ بیت ۔
جنینءَ ھال سر بیت کہ جُمہءِ روچءَ منی لوگ واجہءِ نِکاہ اِنت ۔
جُمہءِ شپءَ وپت اَنت، سہبءَ مردک پاد اتک جان شُشت، پُچ ءُ لبیس بیت ۔
جنینءَ جُست کُت کہ تَو ھال کن پُچ ءُ لَبیس ئے کُجءَ روگ ئے، ۔
مردءَ جواب ترینت کہ جُمہءِ نمازءَ روگءَ آں ۔
جنینءَ گوشت مروچی جُمہءِ روچ نہ اِنت۔
مروچی روچاں یک شنبے اِنت۔
من ترا وابءِ گولی داتگ تَو سَے روچءَ رند چہ وابءَ پاد اتکگے ۔
دگہ برے گِندے اگاں تَو انچیں ھیالے دلءَ بِدارے، گُڑا انچش کناں کہ کیامت روچءَ پاد بیائے ۔
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
زند ءِ فلسفہ
اے زندگی سکیں مزنیں سوگاتے ءُ ھرکس ءَ وتی زندگی سک دوست انت. ھرکسی جھد ھمیش انت کہ من گیشاں چہ گیشتر زندگی بہ کناں ءُ شر ءَ چہ شرتریں آسراتیانی واھند بہ باں.
ادءَ گیشتریں مردم پہ وت ءَ زندگ بوھگ ءِ جھد ءَ انت.چوشیں مردم چہ مرگ ءَ پد ھاک بیت رؤت.
ھما پہ وت ءَ زندگیں کلاتے بست کنت، ھما دائم ءَ زندگ مانیت کہ وتی زاتی نپ ءُ آسراتیاں پُشت بہ جنت ءُ پہ دگر ءَ (پہ راج ءِ مچانکی نپاں) زندگ بہ بیت ءُ پہ دگر ءَ وتی زند ءَ ندر بہ کنت.
اصغر زہیر
@Labzank
telegram.me/Labzank
اے زندگی سکیں مزنیں سوگاتے ءُ ھرکس ءَ وتی زندگی سک دوست انت. ھرکسی جھد ھمیش انت کہ من گیشاں چہ گیشتر زندگی بہ کناں ءُ شر ءَ چہ شرتریں آسراتیانی واھند بہ باں.
ادءَ گیشتریں مردم پہ وت ءَ زندگ بوھگ ءِ جھد ءَ انت.چوشیں مردم چہ مرگ ءَ پد ھاک بیت رؤت.
ھما پہ وت ءَ زندگیں کلاتے بست کنت، ھما دائم ءَ زندگ مانیت کہ وتی زاتی نپ ءُ آسراتیاں پُشت بہ جنت ءُ پہ دگر ءَ (پہ راج ءِ مچانکی نپاں) زندگ بہ بیت ءُ پہ دگر ءَ وتی زند ءَ ندر بہ کنت.
اصغر زہیر
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
دستونک ۔۔۔۔ مجید عاجز
" دُزّپ ( زاھدان ) شھیدانی نام ءَ "
ماں آسے سَنگرینیت آپ ھوناں
کہ مرچی بُڈّ اِتگ دُزّاپ ھوناں
پہ کوریں دیدگانی کَورَگان ءَ
نہ مینیت ھِنّیاں سرگْواپ ھوناں
چہ سرباز ءَ بگر دانکہ کراچی
وتن مئے مَلّ اِتہ الکاپ ھوناں
سْرپان اَنت آسمی ءُ گْواڑگی پُلّ
کتگ ھر نیمگ ءَ میتّاپ ھوناں
منی دل چو شھیدیں زاھدان ءَ
پہ تْرمپے تُنّی ءُ تاھاپ ھوناں
بہ انگار اِت بدیں روچاں ، بلوچاں
بہ پِٹّیت زھرگ ءَ زھراپ ھوناں
بہ تْرکات اَنت مجید ءِ عاجزیں چمّ
مہ دنت آجوہی ءِ زنداپ ھوناں
" دُزّپ ( زاھدان ) شھیدانی نام ءَ "
ماں آسے سَنگرینیت آپ ھوناں
کہ مرچی بُڈّ اِتگ دُزّاپ ھوناں
پہ کوریں دیدگانی کَورَگان ءَ
نہ مینیت ھِنّیاں سرگْواپ ھوناں
چہ سرباز ءَ بگر دانکہ کراچی
وتن مئے مَلّ اِتہ الکاپ ھوناں
سْرپان اَنت آسمی ءُ گْواڑگی پُلّ
کتگ ھر نیمگ ءَ میتّاپ ھوناں
منی دل چو شھیدیں زاھدان ءَ
پہ تْرمپے تُنّی ءُ تاھاپ ھوناں
بہ انگار اِت بدیں روچاں ، بلوچاں
بہ پِٹّیت زھرگ ءَ زھراپ ھوناں
بہ تْرکات اَنت مجید ءِ عاجزیں چمّ
مہ دنت آجوہی ءِ زنداپ ھوناں
Forwarded from اتچ بات
Telegram
attach 📎
Forwarded from اتچ بات
Telegram
attach 📎
Forwarded from اتچ بات
Telegram
attach 📎
Forwarded from اتچ بات
Telegram
attach 📎
Forwarded from اتچ بات
Telegram
attach 📎
دستونک
گَپّ چوش اِنت کہ منی واب مدام واب نہ بنت
ھرچے زِیک بیتگ ءُ باندا چو ھما داب نہ بنت
صواد ءُ ضواد ءَ گوں دگہ عین ءُ دوٹِکّیں قاف ءَ
دوازدھیں آب اِے تازی ءِ منی آب نہ بنت
درد باں بستگیں زمزیلّاں گوں تئی ، چو زاناں
مِسکیں ملگور ءِ گُلیں لال ءِ منی تاب نہ بنت
باور اِنت مرچی کہ زوراک ء تمرد اِنت باندا
پَمّن ءَ زُلم ءِ پد ءَ گْوستگیں آ باب نہ بنت
آ کہ گم زِیر ءُ گم ءِ بار ءَ وت ءَ را لَڈّ اَنت
او وداریگ آ تئی پیم ءَ چو وشواب نہ بنت
وداریگ بلوچ
گَپّ چوش اِنت کہ منی واب مدام واب نہ بنت
ھرچے زِیک بیتگ ءُ باندا چو ھما داب نہ بنت
صواد ءُ ضواد ءَ گوں دگہ عین ءُ دوٹِکّیں قاف ءَ
دوازدھیں آب اِے تازی ءِ منی آب نہ بنت
درد باں بستگیں زمزیلّاں گوں تئی ، چو زاناں
مِسکیں ملگور ءِ گُلیں لال ءِ منی تاب نہ بنت
باور اِنت مرچی کہ زوراک ء تمرد اِنت باندا
پَمّن ءَ زُلم ءِ پد ءَ گْوستگیں آ باب نہ بنت
آ کہ گم زِیر ءُ گم ءِ بار ءَ وت ءَ را لَڈّ اَنت
او وداریگ آ تئی پیم ءَ چو وشواب نہ بنت
وداریگ بلوچ
شھید ھدانور ءِ نام ءَ
وتی گوں ٹپّیں بانزُلاں گوں تُنّی ئیں ندارَھاں
کپوتے ءَ چو بال کنت چہ مَکّی ءِ منارَھاں
مئے نوریں شَھرگاں پہ آجوئی ءِ روچ ءَ ناچ کنت
ءُ مارا دنتیں جُنزگ ءِ سکین ءَ گوں اِشارَھاں
پہ راہ گاریں بالوانی کاروان ءِ منزل ءَ
شپ ءِ تھاری ءَ بَلّیت ءُ روک کنت ستارَھاں
پہ اَرس روشنیں چراگ ءِ وٹّ چو گواڑگ ءَ تِجیت
رُدیت ءُ ناڑ جنت مدام ماں شھردگی کِنارَھاں
تئی ریدگیں ھیال ، ءُ یات تئی گمبدیں ھمک جُمہ
گوں زھرشانیں سنگتاں وتیگاں جنتیں نارَھاں
آبد رھشون
وتی گوں ٹپّیں بانزُلاں گوں تُنّی ئیں ندارَھاں
کپوتے ءَ چو بال کنت چہ مَکّی ءِ منارَھاں
مئے نوریں شَھرگاں پہ آجوئی ءِ روچ ءَ ناچ کنت
ءُ مارا دنتیں جُنزگ ءِ سکین ءَ گوں اِشارَھاں
پہ راہ گاریں بالوانی کاروان ءِ منزل ءَ
شپ ءِ تھاری ءَ بَلّیت ءُ روک کنت ستارَھاں
پہ اَرس روشنیں چراگ ءِ وٹّ چو گواڑگ ءَ تِجیت
رُدیت ءُ ناڑ جنت مدام ماں شھردگی کِنارَھاں
تئی ریدگیں ھیال ، ءُ یات تئی گمبدیں ھمک جُمہ
گوں زھرشانیں سنگتاں وتیگاں جنتیں نارَھاں
آبد رھشون
بچ ءُ مُدام براتاں کُشیت
چو کپتگیں کوہ ءَ پُرشیت
چہ درچک ءَ پُلّے کہ کپیت
آسر کہ روچے گیمریت
آ کہ مُدام راج ءَ کُشیت
بیگواہ بیت برجاہ نہ بیت
ساتگ سر ءُ بُروان مچاچ
سرگوپ چے پیم میداں گوپیت
بل یے بشیر بے واریں نوں
انگت وتی شعراں گُشیت
بشیر بیدار
چو کپتگیں کوہ ءَ پُرشیت
چہ درچک ءَ پُلّے کہ کپیت
آسر کہ روچے گیمریت
آ کہ مُدام راج ءَ کُشیت
بیگواہ بیت برجاہ نہ بیت
ساتگ سر ءُ بُروان مچاچ
سرگوپ چے پیم میداں گوپیت
بل یے بشیر بے واریں نوں
انگت وتی شعراں گُشیت
بشیر بیدار
ظلم ءُ زور ءِ ھاکمی اِنت
مرچاں برباد زندگی اِنت
تیر گوار اَنت بچ ءُ براتاں
کئے درآمد کئے وتی اِنت
ما نوں امبروز ءَ نہ پہمیں
چونیں سال ءُ چے صدی اِنت
ھلک ءِ ہر ڈن ءُ ڈگاراں
گُرک ءُ ہفتار ءُ لدی اِنت
ما بشیر انگت نہ زانیں
مرگ ءِ باریگ تئی کدی اِنت
بشیر بیدار
https://t.me/Labzank
مرچاں برباد زندگی اِنت
تیر گوار اَنت بچ ءُ براتاں
کئے درآمد کئے وتی اِنت
ما نوں امبروز ءَ نہ پہمیں
چونیں سال ءُ چے صدی اِنت
ھلک ءِ ہر ڈن ءُ ڈگاراں
گُرک ءُ ہفتار ءُ لدی اِنت
ما بشیر انگت نہ زانیں
مرگ ءِ باریگ تئی کدی اِنت
بشیر بیدار
https://t.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
چَنڈگائیں چادر ءَ رمضان ءِ ماہ
ما نہ کُت نیکیں عمل اپسوز ءُ آہ
رحمت ءِ پرزونگ ءَ سیر ءَ نہ وارت
بخشش ءِ شَند ءَ نہ شُشتاں ما گُناہ
برکت ءَ نیکانی مارا ھم ببکش
دوست بنت مارا ولی ءُ نیک راہ
بخشش ءِ جمبر کہ تئی اوھِنگ کنت
نیک ءُ بد دار اَنت دل ءَ مِھر ءِ تَماہ
یوسف انیس
@Labzank
telegram.me/Labzank
ما نہ کُت نیکیں عمل اپسوز ءُ آہ
رحمت ءِ پرزونگ ءَ سیر ءَ نہ وارت
بخشش ءِ شَند ءَ نہ شُشتاں ما گُناہ
برکت ءَ نیکانی مارا ھم ببکش
دوست بنت مارا ولی ءُ نیک راہ
بخشش ءِ جمبر کہ تئی اوھِنگ کنت
نیک ءُ بد دار اَنت دل ءَ مِھر ءِ تَماہ
یوسف انیس
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan