روچگءَ عربیءَ صوم گشنت ایشی لبزی معنا اوشتگ ءُ رکینگ ئیگ انت ءُ شرعی اصطلاحءَ ورگءِ ورگءُ آپءِ ورگ ءُ وتی جنینءَ چه دور بوهگءِ نام صوم انت-
شرت همش انت که بام (طلوع صبح صادق) ءِ در اهگءَ ساری روچگ دارگ به بیت داں روچءِ ایر روگءَ تک -
روچگ واستا هژدری ئیں چیز نیت انت پمے مردم که احادیثءِ کتاباں چست کنت اولی حدیث نیتءِ بارهءَ انت پیگمبر گشتن انت هر یک عملےءِ گرءُ دار نیتانی سرا انت-
اگاں کسے اے سجائیں عملاں بکنت بلے ائیءَ روچگ نیت نکتگ گڈا روچگی گشگ نبیت-
ءُ اے ماهءِ یک مستریں فضیلتے ایش انت که اے ماهءَ واجه هدایا وتی پاکیں کتاب نازل کتگ بلکیں قرانءَ ابید ایدگه وتی صحیفه همے ماهءَ نازل کتگ انت
@Labzank
telegram.me/Labzank

🌺غلام حسین شوهاز🌺..
🌹🌹لچہ(جَوک)🌹🌹
مُلک پَرنگانی اگاں وش ءُ زیبا انت
عرب اگاں سیر انت دولت ءُ مال ء'
دولت اش سربار انت ستر تیل ء'
مُلک ءِ یونان ءُ قبرص تُرکی.....
بل ئے واهند برق ءُ بُرجانی
مغرب ءُ تونس ءُ پرانس وش انت
چو جنتء'انت بل شام ءُ اسرائیل
مصر ءُ لبنان ءُ بےبها سوڈان
کہ مں درائیں هَند گولت ءُ رپتاں
تہ هچ نہ جت بے بوهیں دل ء' گواتے
نے منء' مان آتکاں جِنک هِند ءِ
نے کہ پلپینءُ چین ءُ هِلمند ء
نے دلء جوزیناں منی بنداں
لَندنءِ بازار ءُ ترانگ اسپین ءِ
تلوسا ں من پہ بلءُ مَچّات ء'
کہ منء' تمپ ءِ ترانگاں پُروشتگ
ءُ مند منی ساه ءِ کشئگء' گون اِ نت
کہ کِیچ منی تُنیگیں دل ءِ ارواه
بَندن منی زند ءِ بندری لوٹ انت
زامران منی ساہ ءُ مهکمیں دلواه
کہ پنجگور منی گنجءُ ترانگانی ماه🌹💝
@Labzank
telegram.me/Labzank

رجـانـک : ادَبـی هَـکـیـم
وَرنـایـے هَـکـیـمـے ءِ گـوَرا شُـت ءُ جُـسـت کـُـرت :
واجَـہ ، راسـتـیـں مِـهـر کـُـجـام یَـکّ اِنـت ؟!!!... هَـکـیـم ءَ گـوَشـت بُـرو چـہ آ بـاگ ءَ پـہ مَـن یَـک ڈولـدار ءُ وَشّـبـوُئـیـں پُـلّـے بـہ سِـنـد ءُ بـیـار ، وَرنـا مـاں بـاگ ءَ شُـت دِیـرے ءَ رَنـد آتـک بـلـئـے آئـی ءَ پُـلّ گـون نـہ اَت!!!... وَرنـا ءَ گـوَشـت واجَـہ مـن یَـک ڈولـدار ءُ وَشّـبـوُئـیـں پُـلّـے دیـسـت بـلـئـے مـن پـگـر کـُـرت کـہ چـہ آئـی ءَ دگـہ یَـک ڈولـدارتِـر ءُ وَشّبـوُتـریـں پُـلّـے چِـنـاں ، بـلـئـے رَنـدا مـن زانـت کـہ هَـمـا پُـلّ چـہ درُهـیـں پُـلّاں ڈولـدارتِـر ءُ وَشّـبـوُتِـراَت کـہ مـن آئـیءَ رَمـبـیـنـت ، پَـدا مـن شُـت ءُ آ پُـلّ ءَ بـاز شـوهـاز کـُـرت بـلـئـے آ پُـلّ دَر کـَـپـت !!!... هَـکـیـم ءَ گـوَشـت راسـتـیـں مِـهـر هَـمـش اِنـت کـہ مـاں تـئـی دَسـتءَاَت بـلـئـے تـو آئـیءِ کـَـدر ءَ نـہ زانـت تـو هَـمـا وَهـد ءَ آئـیءِ کـَـدر ءَ زانـت کـہ آ چـہ تـئـی دَسـت ءَ گـار بـوُت .


@Labzank
telegram.me/Labzank

Manzúr Bismil
" متلب "

پہ تئی ھَر واھگ ءَ داتگ من ساہ ءُ سر
تئی متلب نہ زانتگ من
گوں تئی اِشکءَ من وانگ جاہ یلدات ءُ تباہ بوتاں
وتی اُمرءِ بہارگاہءَ......وتی ورنائیءِ روچاں
من پہ تو سگتگ سکّی
تو گُشتہ شپ ،من گُشتہ روچ
تو گُشتہ چادرءِ گردے من سوٹے پہ تو آؤرتگ
وتی دستءِ گھڑی برتہ نہادیگءَ
پہ تئی یک جوڑہے کوشءَ
پہ شوکیں منگلیکےءَ
وتی دنیا من باہینتگ
پہ تئی ہرروچی ئیں داباں...... پہ سینگاراں
پہ ٹھلیں تْران ءُ بچکنداں
منی دل رھن بوتگ گوں تلاھیں اوست ءُ ارماناں
پہ تئی زرّیں گوْرءِ ہارءَ
من شش سال مچھءَ گوازینتگ
پہ تئی گوشءِشِپیں دُرّاں
پہ تئی مُندْریگ ءُ باھینکاں
پہ تئی ہر زیور ءُ سہتءَ
برے من راہ بستگ رہگْوزیانی
برے گوں کپتگاں دُزّانی ٹولیءَ
برے من شہر ءُ بازارانءَ داتگ آس
برےمن برتگ اَنت
شہرءِ شرپدارانی لاڑیں چُک پہ لبّاں
برے مں زندگی گْوازینتگ رنگےءَ
بگش پہ کئے؟
بلے انگت
من ءَ تئی اے کُلہ رَستگ گوں سرگْواتءَ
" منی نامءَمگر!......پہ من مَیا کہ نام ءُ دپ باں من "
تئی تژن ءُ شگانانی جپیں آسءَ
منی آدینک زاہر کت
( تماھاں تئی من ءَ پرماتگ سِلکاری)
من تئی گْرانیں گَمانی جنترءَ دُْرشتگ وتی ارواہ
برے بےآپءَ
شیشگ پْروشتگ اَنت ءُ تنّ رودینتگ
برے چرس ءُ برے بنگ ءُ برے تریاک
تئی گْرانیں گمءِدرمان زانتگ من
وتا چو شپچرءَپاتکگ تئی دیما
تو آبوئے......
تومھروئے......
تو زَرجان ئے......
برے تو چو شرابءِ شیشگءَ
ھر مجلسءَتالان
برے چو درْینءِ رنگاں شنگ ماں ہرجاہ
برے تو چو کِراءِگس
برے چو زیمر ءُ سازءَ
ہمک دل پہ وتا کشّئے
برے تو چو وتی جندءَ
نہ زانئے ماں کئی امبازاں ساکم باں؟
برے گوں یکےءَ گوْازینگائے زندمانیءَ
توئے ھانک......
ترا چرس ماں کٹورءَ اَنت
توئے پاتو......
ترا تریاک پندولءَ
توئے آسی......
ترا " ہیرُون " گُشانءَاَنت
من گل محمد وفا
باقی بلوچ
اقبال رازاں
یا
شریف واہگ
تئی متلب نہ زانتگ من
ترا پجّہ نیاؤرتگ
منی دْراھیں بدیں کردانی آدینک
تئی وتی جند اِنت

"
@Labzank
telegram.me/Labzank

بناکن انچیں آھے ناتوانیں دل جھان ءَ سوچ

کَپَسّ ءَ زلم ءَ سیاد ءِ گوں باگ ءُ بوستان ءَ سوچ

کئی بیم ءَ ترا اے زندگانی ءَ کتگ درگوز

چہ وت سرگوز اے بے رھمیں زمین ءُ آسمان ءَ سوچ

سدی گوست اَنت نشانے منزل ءِ ھم گندگ ءَ نئیت انت

چشیں گلگ ءَ چشیں راہ ءَ ءُ چشیں ساربان ءَ سوچ

پہ نان ءِ چُنڈے ءَ چورہ ءُ جنوزام لوگ سد گول اَنت

چشیں کوم ءِ لجوزیں امیر ءُ واجھان ءَ سوچ

ناں اِلم شوک ناں کـوم ءِ دوستی ناں سُدّ ءِ دنیا ءِ

چشیں بے جوھر ءُ جان دُزّ ءُ سُستیں نوجوان ءَ سوچ

بہ کن پھریز چہ اے رِزک ءَ کہ بارت اِنت ننگ ءُ ناموس ءَ

بہ سند پاندا گلامی ءِ اے چرپیں چُنڈے نان ءَ سوچ

اے ساھـر گپ ءُ کسہ شائری ءَ پہ دگہ باز اِنت

شپ ءُ روچ وش تبیں ماھگونگانی داستان ءَ سوچ
مـــــــراد سـاھـــــر
🌴 کـــورُشــــــیں گـــال 🌴
ــــ ــــــــــــــــــــــ ـــــ

بلـوچـی زبانءِ آسـر

بلوچـی زبانءِ آسـرءِ بابتءَ سیـد گُش اِیـت چـوشکه چـوشیں زبانـے که هزار سالانـی لگتمالـیءَ گارءُ بیگواه کرت نه کرت - مرچـی بلوچـی زبانءَ مزنیں منزلـے گواز کُتگ -
پمیشکا بلوچـی ادبءِ آسر الّمءَ چـو که ایدگه زنـدگیں زبانانـی ادب ئیگءَ گِهـ ءُ نگهـ اَنـت -
☀️☀️☀️

@Labzank
telegram.me/Labzank

انسان بـــــبـــــے.....
پَرک نه کنت
رمزان به بیت یا شابان
تیر به بیت یا آبان
دسامبر به بیت یا ژوئن؟!!!
هما روچ ءَ که نیزگار دست گپت
گریب دل وتی کُت
ارسءِ پهک کُت
گڈا انسانیءِ

رجانکار: کادربکش کلمتی

@Labzank
telegram.me/Labzank

🌸🌸🌸🌸🌸🌸🌸🌸🌸🌸🌸🌸

ازشیخ هادی نجم آبادی پرسیدند:

آیا در اسلام موسیقی حرام است؟

جواب داد:

آن موسیقی حرام است که
ازصدای کشیده شدن کفگیر
بر ته دیگ پلو همسایه غنی برخيزد
و
به گوش اطفال گرسنه
همسایه فقیر برسد...
🌸🌸🌸🌹🌹🌹🌸🌸🌸🌹🌹🌹🌸🌸

چہ شیخ ھادی نجم آبادی ءَ جُست اِش کُت:

آیا اسلام ءِ تہ ءَ ساز ءُ زیمل ناروا( حرام)اِنت؟

پَسّوئِے دات : ھما ساز ءُ زیمل حرام اِنت کہ چہ سیریں ءُ ھزگاریں ھمساھگ ءِ اِستان ءِ توار ءَ کہ منجل ءِ بَٹّانی تہ ءَ بہ لگّ اِیت چِست بہ بیت ءُ نیزگاریں ھمساھگ ءِ شُدیگیں چُکّانی گوشاں بکپ اِیت.
رجانک : جنید بلوچ
@Labzank
telegram.me/Labzank

(مجید عاجزؔ ءِ وانگءَ ہَپتگے رند)

بچکندگال ۔۔۔۔ ناکو لشکو

چاچانی کَشءَ وپتگیں معناے چِن ءُ بیار
نَٹّ ے من بُبوجاں برو پاناے چِن ءُ بیار

ھَیّا کن ، منا پِستہ ءُ بادام نہ ساچیت
دُکّان ءَ برو پاتکگیں کاجاے چِن ءُ بیار

دنتان ءِ منی کَنڈّ پدا شِیرکنی لوٹیت
باتیلءِ کَش ءَ سِرتَگیں حلواے چِن ءُ بیار

جزماں کہ منی گَردُواں تئی بَیگ نہ داریت
ھَیّا کن بِتَچ ، تربت ءَ شَنتاے چِنءُ بیار

عاجز تو شت ئے ہردیں کِیبین ءَ پہ مُشوکے
پہ ناکو ءِ واستا وتی ماواے چِن ءُ بیار

@Labzank
telegram.me/Labzank

# رجانک اکبال ھاشمی #
@ یک یکءَ @
وھدے کہ ھاجی سھودیءَ سر بیت گرم سک باز ات ۔
مھلوکءِ رَش اوں باز اَت ۔
ھاجی سرترگےءَ گِپت کپت ءُ بے ھوش بوت ۔
لہتے سھتءَ رند ھوشءَ اتک ءُ گوں وتی دلءَ جیڑگءَ لگ اَت کہ من کُجءَ آں ۔
گُڑا ھَیال کُت ھَو، من ھُداءِ لوگءَ مَرگءِ دُوا لوٹتگ ات ۔
ھو ھمشیں منی دُوا ھُداءَ وتی درءَ کبول کُتگ ۔
کَش ءُ گوراں چار ات، پاک ءُ پلگاریں جاہ اسپیتیں گُد، اسپیتیں چادر ، اِنچو پاک ءُ پلگاری اِشیءَ پاکستانءَ نہ دیستگ ات ۔
کماش سرپد بوت کہ من مُرتگاں ءُ اتکگ بہشتءَ سر بوتگاں ۔
گُشاد گُشادءَ چہ وتی تھتءَ پاد اتک کہ رواں وتی مھلءَ چاراں کہ چِینچو مزن ءُ شاھگان اِنت ۔
اے انچو کہ چہ کوٹیءَ در کپ ایت دیمءَ پِلپینی نرسءَ گوں کتابی ایں پُچ ءَ لبیساں گِند ایت کہ وتی کارا دز گٹ ات ۔
اسپیت اسپیت چو شیرءَ، بارگ بند ءُ کمان میانے اَت ، شَوک ات چو دُتُکءَ اَت ۔
کماشءَ چہ دِلءِ سوکءَ توار جت ۔
ماشا اللہ ماشا اللہ
ھُور الھین !!! ھُورالھین!!! ھورالھین!!!،.
ھسپتالءَ شورے چِست بوت، کش گورءِ درستیں نرس درست اتکاں کہ کماشءَ گرمءَ جتگ ٹگل اتگ ۔
بلے کماش دومی دنیاءَ اَت، سرپد بوت کہ ھپتادیں ھُوراں منی سرا اُرش کُتگ ۔
کموکے ھیرانیءَ پد گوں بزگیءَ گوشتی،
چو اوں زُلم مہ کن یک یکءَ بیا اِت ۔

@Labzank
telegram.me/Labzank

" سر سبز ءُ چو شاداب اَنت دنیا ءِ دگہ کھچر
اپسوز کہ مدام سُھریں ھونان اِنت بلوچستان "

زلم روت بُرز ءَ ءُ پدا ترّ ایت
سرکپ ءَ ھستیں ایرکپے ناچار

غنی آدیش بلوچی لبزانک ءِ دلستکیں ھمراہ ءُ سید ھاشمی ءِ شیدائیں مریدے اَت چہ غنی ءِ مرگ ءَ بلوچی لبزانک یک دلستکیں جھدکارے ءَ چہ زبہر بوت ۔۔۔۔بلوچی پاک نازینکانی سرا آئی ءِ تاکبند بلوچی لبزانک ءِ تہا جتائیں کارے اَت۔۔۔۔۔۔

وشّی بیا پدا وشّیں روچ
مهرانی گُلاں سینگاراں
درد ءِ میتگاں روپاں کن
کست ءُ کینگانی هاراں


پروشاں کن بن ءُ بنیاد ءَ
وت گِندیں پِڑے آدینکاں
جی په شیشگاں آ دیم گِند
دنیا ءَ راستی ءَ پیشداراں


علم ءِ کوکراں گواروکیں
گواریں پہ بلوچ راج ءَ مئے
مهر ءُ محبت ءَ سرریچ کاں
تنّیگیں دل ءِ آپداراں


هرکس راستی ءَ جَاه بیاریت
حقّ ءُ باطل ءِ میدان ءَ
راستی ءَ بِہ کَنت همراهی
هنچیں نوبتی راهچاراں


قولیں من نصیب شعراں گوں
راج ءِ پُسّگاں نازیناں
ربّ ءِ داتگیں زانت ءَ گوں
گالاں دل جَمیں کتّاراں


ناصر نصیب
باهو کلانی

@Labzank
telegram.me/Labzank

میزاں میزان ءَ منی وابءُ ھیالاں چہ درا

دل چہ بنداں تئی اندوہ ءُ گماں چو سستگ
کہ من دل گْوشتگ بلےزیادگیں دْروگے بستگ
ایشی ءِ اُپّارگاں سالے ءُ دو شش ماہ گْوستگ
یک دمانے بیت کہ دردانی دوارجاہ تْرہ اِتگ

مِنّت واراں تئی ایشیءَ نی مہ ٹوھین پہ ھُدا
میزاں میزانءَ منی واب ءُ ھیالاں چہ درا

وتی ملگوراں مہ شنگین منءَ بے سار مکن
شھد ءُ وش زیملیں گالاں گوں وتی گار مکن
واھگ ءُ دوستی ءَ مارا پدءَ بیگار مکن
چو منءَتْرند مچار ءُ دل ءَ واھدار مکن

دست بنداں کہ چَما راہ ءَ برو تَرّ پدا
میزاں میزانءَ منی واب ءُ ھیالاں چہ درا

چو منی بَھت ئیگ ءَ شپ پہ کسے ءَ سیاہ مبات
کسی بالاد ءَ گمانی چشیں مشکل مہ کپات
گوں تو ھانل منی اے یکّیں دُوا ھمراہ بات
وژدلیں کُلّ تئی دِلواھیں مُراداں گِندات

زیر وتی داتگیں سوگاتاں پہ وشّی ءُ رَزا
میزاں میزان ءَ منی واب ءُ ھیالاں چہ درا

...... سید ھاشمی


@Labzank
telegram.me/Labzank

سَیَد ھاشمی ءِ اَنگریں گال پہ زُبان دُژمناں

گُرّئے کہ تئی گَپسگ ءِ پسّو من نہ داتگ
من کاروان سالار تو گَپسوک بہ گَپسار

شَھکَور ءِ مڑا نیلّگیں گْورمانی نھنگ اِنت
کَنڈانی مَٹُونڑ! چے تئی بِست ءُ تئی بِستار؟؟

گْوندئے اَگاں بے اَیبیں سَراں اَیب پہ تَمَردی
پولنگ بیت تئی شال! تئی دوستار ءِ گْور ءِ شار

اَنگار بہ کَن ناشَری ءُ ناشَریں ھیلاں
دَنت ناشَری آریپّیں سَرَاں جَھندم ءَ اَنگار

سْیہ بَند ءِ دل ءُ زِرد زِر ءِ ھِچّ نہ چَنڈ اَنت
کْراک اَنت پُگُل، تْراک اَنت تَیَاب ءَ سَتَر ٹانٹار

چون رون بیت! چون موش بیت! چون سَجّ بیت! چون زاگ!؟
نَنگار گِلاں کَپتگ ءُ وپتگ تئی جُتکار

پہ نیکی ءِ پَدگاری ءَ چوش نیکاں مَہ گِرّین!
کہ نیکی ءِ گِرپد کَن اَنت تئی جِند ءِ پَداں گار!

کِرم کَپتہ سَما گَندگیں، گَھ اِتگ تئی ھَبَر دان
زِند چہ ترا بیزار اِنت ءُ مرگ چہ ترا بیزار

اَمب، اَمب ءِ بَر اِنت، زھریں کَرَگ اَمب نہ بیت اَمب
کَئی وَلّ ءِ نَوَلّیں بَرئے تو بے بُنیں بِھگار!؟

اُہ پہ ترا اُہ پہ تئی بے سر دَریں کاراں
زار پہ تو ءُ زار پہ تئی ھمکاسگیں ھمکار!

گْور بند ءَ ھَری سِند وتی! دِرّ دْروگ ءِ کَوَار ءَ
اَنگت پہ تو دَر بَند نہ اِنت، توبہ ءِ دربار

پہ زَرّ بھا زُرتگ اِت بَنّامی ءُ ٹاکور
پہ گالے ءَ گوں تو نہ بیت وَشنامی ءِ باپار

سر لانگوَی چَنڈینت اِت ءُ دلپْروش کُت اَنت بْرات
مرچی ھمے بْراتانی رِد ءَ نیست ترا بِستار!

چہ کِینَگ ءُ کَست ءَ وت ءَ بے راھاں مہ پِرّین!
گوں بے سَریں کاراں مہ کَن کُلّ ءَ وتی بازار

اُہ پہ چُشیں نام ءَ بدیں، زار پہ چُشیں زِند ءَ
سْیہ پہ چُشیں زَرّ ءَ کہ تئی پولنگ نہ بنت پلگار

شپ شام شَگالانی شُد ءُ گُژن ءِ مزار ءِ
دَر مَنتگ ءُ پَد مَنتگ ءُ بَھمَنتگ ءُ رَھگار

بلکیں گوں گِھیں شاہ ءِ کِراماتاں بہ کنت بود
زیر انگریں گالے منی زِرد ءَ وتی پِردار

رَھدار بلوچی نہ رَگاں ھون بلوچی
سوگند بلوچی ترا چون کَنت وَپَادار؟

شھسَسّا سید ھاشمی



@Labzank
telegram.me/Labzank

سید ھاشمی ءِ کتابانی pdf

▪️سیدگنج

▪️انگر ءُ ترونگل

▪️بْرتکگیں بیر

▪️سچکانیں سسا

▪️شکّلیں شھجو

▪️بلوچی بُنگیجی

▪️بلوچی سْیاھگ ءِ راست نبیسّگ

▪️ سید نِمدی

▪️میر گِند

▪️نازُک

▪️ شھلچہ کار

▪️گِسِد گْوار

▪️بلوچی زبان و ادب کی تاریخ

▪️تْراپکُنیں تْرمپ

#حسین_پناهی
رجانک ـ ریئسی
------------------------
من روچگ آں !!!
سجّهیں سال ءَ روچگ آں .
بلے دپ ءُ لاپ ءِ بدل ءَ منی سسا روچگ اِنت .
منی سسا ءَ اے هکّ نیست اِنت کہ مردمے ءِ بے ازّتے ءَ بہ کنت .
منی سسا ءَ اے هکّ نیست اِنت کہ مردمے ءَ زاه ءُ بد بہ گوش ایت .
منی سسا ءَ هکّ نیست اِنت مردمے ءِ مال ءُ مڈّی ءِ باره ءَ سسا بہ کنت .
منی سسا ءَ هکّ نیست اِنت یکّے ءِ زندگی ءَ تباه ءُ ویران بہ کنت .
منی سسا ءَ بائد نہ انت یکّے ءَ بهتام بہ جنت .
منی سسا ءَ بائد نہ انت یکّے ءِ سر ءَ زبردستی بہ کنت .
منی سسا ء بائد نہ انت یکّے ءِ دل ءَ بہ پروش ایت .
منی سسا ءَ بائد نہ انت دروگ بہ بُرّ ایت .
منی سسا ءَ بائد نہ انت چورواں چار ءُ وار مہ کنت .
منی سسا ءَ بائد نہ انت گوں مردماں زورانسری بہ کنت .
منی سسا ءِ بائد نہ انت وهدے کہ کم دستے ءَ گند ایت آئی ءِ نیمگ ءَ دلگوش مہ دار ایت ءُ آئی ءَ سرگوز بہ کنت .
منی سسا ...
جی هو من روچگ آں ،
بلے بس اچ ورد ءُ وراک ء روچگ نیاں ،
بلکیں پہ انسان بیگ ءَ روچگ آں ،
روچگ آں دانکہ گوں بهادری وتی زند ءَ بہ گوازین آں ،
روچگ بیاں داں مکیمی بہ بیاں .
جی هو من سجهیں سال ءَ روچگ آں .
سجهیں ساهتاں روچگ آں .
ءُ سجهیں دماناں روچگ آں .
رجانک : رئیسی
🌴 کــورُشــیں گــال 🌴

Besam:
Besam:
@Labzank
telegram.me/Labzank

@ رِداں راست کن اَت @
جُماءِ نمازءِ وھد ات ءُ مُلا نہ رستگ ات، یک دیوانگے سر کپت ممبر سرا کہ واز بہ کنت ، مردماں مکن کُت، بلے میتگءِ کماشےءَ ھکل کُت کہ بِل اتی کہ واز کنت ۔
دیوانگءَ وتی واز بِندات کُت گوشت کہ دُرستیں سَتا پہ پروردگارءَ اَنت کہ آئیءَ درست چہ دوءَ ( مات ءُ پِتءَ)پیداگ کُتگ اَنت ءُ دو جَنس (مردین ءُ جنین)ءِ تھا بھر کُتگ ۔
ءُ اِشانی تھاءَ لھتے ازگار کُت کہ منی شُگرءَ بِگر اَنت، ءُ لھتے نیزگار کُت کہ اوپار بکن اَنت ۔
بلے ناں ازگاراں شُگر گِپت ءُ ناں نیزگاراں اوپار کَشت۔
درستانی سرا ھُداءِ لانت بِبات ۔
مُناپکاں پہ نمازءَ رِداں راست کن اَت ۔
رجانکار - اکبال ھاشمی

آریپی ءُ بوهیری

چے کہر نہ ساز اِیت تئی گوں کینگاں لاپ سیری
کستاں گوں بہ بات بیگْواه تئی واجہی ءُ میـری

آیـوکـیں همـا پـدریچ پدّر کنـت همـے گپّ ءَ
بْراه اِت کے ءَ بـدواهـی زیـب اِت کـے ءَ هک زیری

تـرا هچّ میار پـر نیست سْـرمـب چاری ءِ منّـوگـر
سک دیر اِنـت چہ تئی پـگر ءَ آریپـی ءُ بـوهـیـری

تـولگ تبـیں نامـرداں مـرچی پد ءَ هال شِنگ اِنت
سنگینءَ گوں سیکّ دات اِش کئی سینگءَ سـی تیـری

آزمـان ءَ پـدگ بسـتگ آ راجـاں نـزانـاں تـئـی
کُـٹّ اِیـت کـدی باریں وت بْرات ءَ گوں گُْٹ گیری

یـک گامـے نہ گامین ئے پہ دیمروئی اے رنـگ ءَ
چہبار شُتگ روت اِنـت گـوں گْـوادر ءَ پلّـیـری

سـی سالیگـی سنگت زات ءُ زُریات ءَ بکنت توّاب
باز بہـتر اِنـت اِے رنگـیں دوست ءَ چہ گُش اَنت دیری

تـو شیر مـن روباه چـون دیر گْوست بہ کنت پـدّر
باریں داں کُجا روت مئے روباهـی ءُ تئی شیـری

تـو ایمنـی ءَ گردئے گـوں دشـمنءَ دسـت پہ دسـت
اتکگ چے ءَ زار پہ تئی ورناهـی ءُ مئے پـیـری

شہزانتـیں سیـد رَبّ ءَ ٹیکـی کُت بلـوچ راج ءَ
بہ کن اِت کہ سیـد کرزیـت پہ واهـگـے رنـدگیـری

هـر یکے وتـی زِیـد ءَ ڈولـدار اِنت ءُ وشنود اِنت
چے لوٹ اَنـت بلـوچ ڈیهـ ءَ پنجـاپـی ءُ کِشـمیری

شاهـی ءُ گـداهـی دْرسـت تو دات کن ئے یا رَبّ
بـرجان ءِ نسیـب ءَ کـن دو سُجـده ءِ شبّـیری

📝برکت برجان بلوچ

@Labzank
telegram.me/Labzank