..........🌹🌹چـاچ🌹🌹......

⬅ دَر کُتـگ چــہ کـوہءَ
تَــر کُــتگ مـاں آپءَ
ھــور کُتــگ گــوں آسءَ
ناستگ ماں چمّاں
(سُـر مگ)


چیـــزےھــست، بـے پـادءَ گــرداِیت
(مـار)
@Labzank
telegram.me/Labzank

کوریں چاگِرد ءَ منی بستار نیست
سرپدیں دیوانگ ءَ بازار نیست

پَھر بنداں چوں وتی دوست ءِ سرا
وھدے جِند ءِ ساھگ ءَ اتبار نیست

ما اگاں لُنٹے سُرین ایں برانز گیپت
لاڑُکیں وھد ءَ ھچ اوپار نیست

چہ من پیسر گُلزمین روچ ءَ کُشیت
آزمان ءِ گُڑگ ءَ استار نیست

درپہ در گرداں گنوکانی وڑا
درد ءِ شھر ءَ واھگ ءِ دربار نیست

چو لَد ءَ ویرانگیں چیپاں چر اِیت
بسمل ءِ پُرس ءَ گِرے ءُ زار نیست

منزور بسمل
@Labzank
telegram.me/Labzank

........🌹🌹وشکنــــد🌹🌹......

اُستـاد گــوں شاگـردء:َ تــئ اے نبشتـانک ســرجمیءَ ھــراب اِنت، مَــن تــئ پِـتءَ ھــال دیـاں
شــاگرد:واجــہ نبشــتانک منــی پِـتءَ نبــشتہ کُــتگ😂😂
@Labzank
telegram.me/Labzank

...🌹🌹سَیــدءُ بلــوچی🌹🌹...

انچــو گُـش اَنت کـہ یکــرندے سیــد ھاشمـی گــوں وتـی جــنءُ چُکّـاں کــراچیءَ رکــشہءَ ســوار بیـتءُ جـاگہــےءَ روگءَ بنتءُ رکــشہءِ تـہا سَیــد گــوں وتــی چُکّاں بلـوچی زبانءَ ھبــر کنگءَ لگّ اِیت
گُــڑا رکشــہءَ والا باریــں چــہ کومے بیــت آ سگّ اِت نکنـتءُ آئـیءَ بــرداشت نـہ بیـتءُ وتـی دلءَ داشت نــہ کنـت سیــدءَ گُــش اِیت،،شُمـا کجـام زبـانءَ گـڑ گڑ کنـگءَ اِت؟،،
سیــد رکــشہ والاءَ دیــمءَ کنــتءُ گُـش اِیت کــہ تـو لوگءَ روئے گـوں وتـی چُکّاں کُجـام زبانءَ ھبــر کـن ئے؟
رکــشہ والا گُــش اِیت کــہ وتـی زبـانءَ ھبــر کـن اِیـں،گُــڑا سیــد گُــش اِیت کـہ مـنءَ را ھـم وتءَ زبـانے ھـستءُ مـن پــرچہ شُمــے زبانءَ گَـپّ بـہ جنـاں؟
ھَمــے گَـپّءَ گــوں سیــد بد بارتءُ رکشــہ والاءَ گُــش اِیت کــہ بـدار،سیــد گــوں وتــی چُکّـاں چـہ رکشــہءَ ایــر کپ اِیتءُ مِیلّــے راہءَ گــوں وتــی چُکّـاں پیـادگءَ روت
@Labzank
telegram.me/Labzank

یَــک آشــوبـے آرگ بـات
نیــکءُ بـَـد پجّارگ بـات

نــامــداریـں بـَد کرداراں
چَمّ سُہرےپیشدارگ بات

وانـنـدھیــں بـے بــوداں
ھَـر جاھـے ڈوبارگ بـات

راجءِ پَنــدل بـــازانی
ھر رِپکءَ را مارگ بـات

سَـر داں پادءَ بے ائیبیں
زِنـدءَ را پلــگـارگ بـات

ڈیھءِ ھـرچ سِنـگءُ ڈوکءَ
چُکّگءُ چَمـّـاں دارگ بـات

سـاھر وازمنــــدیـں زنداں
آہ بـات نــئے اُپـّارگ بـات

مـــراد ســــاھر
@Labzank
telegram.me/Labzank

کُل تکانسر مَدگءُ مور سلیمان کُج اِنت
ترانگءِ تہتءِ روان شاہءِ پَریان کُج انت

اِدا کُل ششتگءُ ساپ اَنت گوں بہشتءِ آپءَ
من وَ دمبرتگاں درگیجگءَ شیطان کُج انت

انشپی توکہ نیاتکئے پہ گدارے ڈنّءَ
ماہ چو بانورءَ پِراتکگ بلے مہکان کُج اِنت

واہگءِ شہرءِ طبیباں چے کسے جست بکنت
آس پِرداشتگیں دردءِ منی درمان کُج اِنت

تو ماں تیربستگیں اولاکاں سوارئے گردے
سرکماش مُلکءِ منی لوگءِ نگہپان کُج اِنت

مردمے نیست کہ تئی لوگءِ پُراں آپ بہ جنت
قاضی مپتءَ تو گلگدارے مسلمان کُج انت
🌴مبارک قاضی🌴
@Labzank
telegram.me/Labzank

......🌹🌹 پَنـــت🌹🌹.....

ھـر کـس کــہ گــوں دژمنـاں صلــحءُ تــران بکنت وتـی دوستـانی رنجــینگءَ لوٹ اِیت

بشو ای خردمند از آن دوست دست
کہ بـا دشـمنـانت بـود ھــم نشــست
شــیخ سعـدی
بـزانت"او دانـا!چــہ آ سنگـتءَ دلءَ بشــود کــہ گــوں تــئ دژمنــاں ھـم نیـاد اِنت
کتــاب""دَانکـانی گنـــج
محمـّد یــوسُف انیـــس

....تو چی گوش ئے ...

دل ءَ دیاں دل ءَ براں تو چی گوش ئے
دل ءِ بدل دل ءَ دیاں تو چی گوش ئے

پہ سِتک ءُ دل رزا ءُ وش دل ءَ بہ بئے
من کازی باں شر ءَ جناں تو چی گوش ئے

وت ءَ ءُ درستاں دائم ءَ بے ھوش باں
زھیرگاں پر تو زراں تو چی گوش ئے

گوں سیاہ تابیں مارپیچیں زلپ ءِ تئی
پتاتگ دل من مھپراں تو چی گوش ئے

بہ لوٹ ئے تچک ءُ راستیں تو ھبر اگاں
دل ءَ چہ درستاں در کناں تو چی گوش ئے

دل ءَ نہ انت دل ءِ دیگ اگاں شوھاز
جناں من ڈیکو ڈنگراں تو چی گوش ئے

@@ یاسین شوھاز @
20/12/2002

.........🌹🌹زنـــد🌹🌹.......

اِنســانءِ زنـدءَ یــک مقصــدءِ بـہ بیت- پیــداک بئیـگءُ ورگءُ وپســگ زنــدءِ نـام نـہ اِنـت-
منــی نـزیکءَ زنـدءِ شــریں ءُ راستیــں کــرد ایـش اِنت کــہ ھــرچ انســان انسـانیتءِ کـارپـداں چـہ ســرپدءُ وانـگءُ زانـگءَ چــہ ھـم زانـوگر بـہ بیتءُ زنـدءَ یـک مقصـدءِ جــوڈ کنـــگءِ جھــدءَ بـہ کنـت
دُنیـاءِ تــہا ھمـا مــردم کـامیـاب بنـت کہ آہـاں زنـد پــہ یـک مقصــدے ایــر کُتــگءُ مقـصدءِ حـاصل کنـگءَ ءِ واســتءَ روچءُ شـپ جُہــد کنت
رجـانک: شعیــب احمـد
تاکبــند:کُمـب زہــران
@Labzank
telegram.me/Labzank

سد سھریں سلام بلوچی لبزانکءِ نمیران ءُ بوھیریں سرءَ
سد سلام وانگ ءُ زانگءِ پیامبرءَ
سد سلام بلوچ بلوچی ءُ بلوچستان ءِ چاگردءِ ھما شیدا ءُ آشکءَ کہ چہ وتی آریپیں سرءَ سرگوست بلے پد نہ کِنز ات
سد سلام سباہءِ پہ وتن دیوانگیءَ کہ ھمے دیوانگیءَ سباہ نمیران کُت
منی بیل ھمبلاں منءَ چوشیں المی ءُ لبزانکی بالادے نیست کہ من بلوچ بلوچی ءُ بلوچستان ءِ مستریں آشک ءُ شَیدا ءِ سرءَ گپے بجن آں
چیءَ کہ اے آشک ءُ شَیدا ءِ بستار ءُ بالاد منی دوئیں دانکانی مُھتاج نہ اِنت
سبا سبا ات سبا زانت ءُ زانگءِ دریاے ات سبا مارشست جھلانکی پراہ شاگان ات
سبا ءَ درد مارگ زانتگ ات سباءِ درد یکے نہ ات
بس کن شہِ دیوانگی ءِ باج
چہ تو مستریں آشکاں بُرت
سباءِ درد سئے درد ات آں ھر درد چہ دومیءَ چو تھار ءُ دراجیں شپءَ مستر ات
اولی درد بلوچیءِ نپس گیریں درد ات
سبا پہ بلوچیءِ پد منتگی نزوری ءُ نابودیءَ سک باز پدرد ات
کہ چہ وتی ھمسر ءُ ھمساھگاں پُشتءَ پشت داتگ ات ءُ دھرءِ تُرند ءُ تبدیں گوات ءُ مُجاں گار ات
سبا ءَ درد سرجمیءَ مار ات کہ اے درد بلائیں درد ءُ ویلے چوش مہ بیت کہ من ایمنی بِنندان ءُ بلوچی دھرءِ مُجّاں گار ءُ بیگواہ بہ بیت ءُ بلوچ شِگانیگ بہ بیت کہ بلوچ است بلے گُنگ اِنت زبان نیست
سباءَ مار اتگ کہ بلوچءِ مُچی ءُ تپاکیءَ بلوچیءِ کِرد بلائیں بستارے دار اِیت
پہ ھمے ھاترہ دیوانگیں سباءَ وتی سپر بِندات کُت
سباءَ پہ بلوچی ءُ بلوچیءِ مڈی آنی رکھینگءَ یک ادارہ ئے پکار ات بلے پہ بلوچی نامءَ ادارہ جوڑ کنگ ارزان ءُ آسان نہ ات
پرچا کہ سند ھکومت ءُ بلوچستان ھکومتانی تہءَ اے بود باشت نیست ات پہ بلوچی ءُ بلوچیءِ کُھنیں مڈی آنی رکھینگءَ سباءِ ادارہ سید ھاشمی ریپرنس لائبریریءَ ماڑی ئے جوڑ بہ کنت ءُ بِدنت
ءُ اسلام آباد ءِ سرکار بلوچیءِ پدانی سوچگ رندا ات چہ آئیءَ چوشیں امیت دارگ وتءَ بے شون کنگ ات
سباءَ نمیرانیں شہسسا سید زھور شاہ ھاشمیءِ کبرءِ سرونءَ اوشتات. ءُ سیدءَ کَول دات کہ تئی نیم بُندگیں کاراں من سرجم کن آں.
سباءَ ھما روچءَ کہ سید کبر ءَ چہ واتر بیت پہ وتی زبانءِ موکگءَ لوگ لوگ میتگ میتگ دمگ دمگءَ شُت
پہ بان ءُ ماڑی جوڑ کنگ بجاری کُت پنچ کلدار ءُ دہ کلدار ھم چہ مرماں زُرت.
کراچی ملیر سندءِ ھما دمگاں کہ بلوچ جاہ منند ات ھمودا شُت
پنجاب ءِ بلوچ دمگ ءُ سرجمیں بلوچستان پہ پاد گول ات.
ایران مزن ھور ءُ داں یورپءَ سر بیت واجہ وتی پکیری تَب ءُ شیریں لِسانءَ کسءَ ناں کُت نہ کُت.
سرجمیں دنیاءَ بلوچانی گورا پوڑی ءُ بجاری گرگ بیت بلے اے بجاری تہءَ اے گپ ءَ بلوچ مھلوکءِ دلءَ گیشتر جاہ کُت کہ نمیرانیں سباءَ وتی بجاری کُتگیں زرانی ھساب داد کلدار کلدارءَ نبشتءَ کُت ءُ ماہ تاک ھال تاک ءُ روتاکاں دات کہ اکبالءَ سد کلدار دات سلمانءَ پنچ سد ءُ ھالدءَ ھزار کلدار دات.
ءُ پہ بلوچ راجءَ چہ اِشیءَ مستریں ءُ وشتریں گپ نیست ات کہ اولی رندا گِپتگیں زرانی ھساب داد دئیگ بیتگ ءُ مستریں گپ اے ھساب داد ءِ ھمیش ات کہ استادءَ چہ اے زراں یک کلدارے ھم پہ نول یا کرے وردن یا دگہ ھرچ نہ کشتگ ات.
استادءِ اے کار ءُ کردءَ استادءَ چہ بلوچ راجءَ انچیں بے دروریں مہرے بکشات کہ بلوچ لبزانک ءُ بلوچ راج تہءَ کُسّءَ نہ رس اتگ ات.
استادءَ سرجمیءَ وتی اولی وابءَ مانا بکشات ءُ سید زھور شاہ ھاشمی ریپرنس لائبریری سرجم بیت.
استاد ملنگ ءُ دیوانگی ات کہ پہ بلوچ لبزانک ءُ بلوچی زبانءِ دیمروئی ھاترءَ بے لب ءُ نامءَ کارا ات اِشیءِ مستریں درور ھمش ات کہ لائبریری جوڑ کنگءَ رند یک کابینہءِ جوڑ کُت ءُ لائبریری ءِ واگ چہ وتی دستءَ چِست کُت ءُ کابینہ ءِ دستءَ دات ءُ وت ناں پاگواجہ بیت ءُ نہ سرکماش ءُ نہ کارمستر وت تھنا یک رابتہ کاردارءِ اُگدہ زُرت بلے وتی زندءَ گیشتریں کار وت کُت انت بلے وتارا کابینہءِ ھر پیسلہءِ منوگر لیکتگ ات.
بس استادءِ پلسپہ ھمیش کہ مہر بکن ءُ مُز مہ لوٹ.
ھمے بلوچیءِ مہر ات کہ پہ بلوچاں ءُ بلوچیءَ اے بان تھنا دو کوٹیءِ بانے نہ ات پہ بلوچ ءُ بلوچیءَ کوھیں کلاتے ات کہ مروچی ھم اِشی ساھگءَ ھزارانی ھساب بلوچی ند کار ءُ بلوچ نودر بر اِلم ءُ لبزانک ءِ پِڑءَ وتی المی ءُ لبزانکی تُنءَ پُروشگ ءُ دیمروئی کنگ انت.
دومی درد بلا زیریں درد ئی ات کہ بلوچءِ درد ات بلوچءِ پدمنتگی ءِ درد ات بلوچءِ بے کسیءِ درد ات بلوچءِ بے المی ءُ نا وانندھی درد ات کہ بلوچ چہ وتی ناوانندھیءَ پُشتءَ پشکپتگ پمے ھاترءَ سباءَ وتی کار ءُ کسبءِ گچین پہ استادے ءَ کُت ءُ بلوچستان یونیورسٹی شالءَ لیکچرار ے کار گِپت ءُ وتی راجءَ اِلم بکشات ءُ استاد روایتی استادے نہ ات استادءِ لوٹ ءُ واھگ ھمیش ات کہ نودربر وانگ ھمراھیءَ زانگءَ وتی چیدگ بہ کنت زانگ سسا چہ پاکستانی کالیج ءُ یونیورسٹی آنی کاگدے ڈگریاں چِہ دیمتر اِنت
استادءَ گوں وتی جھد کار ءُ کردءَ وتی نودربرانی دِلءَ مزنیں اذت ءُ شرپے گِپت استادءِ نودربر سرجمیں بلوچستان ءَ

است انت شھادت رند استادءَ کندیل نام داتگ اش کہ آیانی گوں استادءَ وتی نمیرانیں مھرءَ پدر کنت.
سیمی درد ھما درد ات کہ بازیں مھلوکءَ اے درد ءِ درد ءِ نام گرگءَ زمستانی تپ گِپت.
اے درد بلوچستان ءِ درد ات بلوچستان ءِ مھلوکءِ بدھالی ءِ درد ات بلوچستان ءِ لُٹ ءُ پُلءِ درد ات
بلوچستان ءِ مڈیانی بانگ ءُ بھر ءُ رُپت ءُ روپءِ درد ات
بلوچستان ءِ بچانی بیگواھی ءُ ٹپ ٹپ زدگ زدگ ءُ دلبند جگرانی گوں تیراں سُمبگءِ درد ات.
بلوچ رھشون بلوچ ورنا بلوچ نودر برانی کُشت ءُ کوشءِ درد ات بلوچستان ءِ بندیگیءِ درد ات.
اے ھما درد ات انت کہ پہ نمیرانیں سباءَ سگگ بیتگ ات انت ءُ ناں چم بند کُت کنگ بیتگ ات.
پمیشکہ اے ملنگ ءُ دیوانگءُ .شَیداءَ اے درد ھم وتی درد لیک ات
استاد سک پدردیگ کہ منی نونھالیں نودربر ءُ نوک بروتیں ورنا بیگواہ کنگ ءُ کُشگ بئیگءَ انت من چوں ایمنی نِشت کناں.
انچو کہ شھسسائیں سیدءَ گوشتگ ات کہ
وش نئیتکانی ردیں کار اَنت کہ سروں رھن اِنت انگت
داں نہ موکانی میاری چوٹواں رنداں چتور.
استادءَ ھم وتی سرین بست سرکارءِ اے امل ءُ کارے ھلاپءَ وتی کلم وتی سِلاہ کُت چہ وتی نبشتانک ءُ گُشتانکاں آس روک کُت ھمک جلسہ ھمک ریلی ھمک شھیدءِ جنازہ ءَ استاد ساڑی ات.
اے کار پہ سرکار ءَ نا وشیں کارے ات پمیشکہ سرکار نمیرانیں استاد شھید کُت.
ءُ استاد یکشیگیں واستہ نمیران بیت ءُ بلوچانی تھاریں دِلاں چو کندیلءَ روک اِنت ءُ رھشونی کنگ اِنت.
سنگتاں شمے باز وھد نزیراں بلے اِداں یک دو گپ المّءَ گیشگیوار کنگی اِنت کہ سنگت ھاس من لائبریری ءِ سنگتاں گوشگ لوٹاں کہ استادءِ جھد ءُ ھزمتءَ یک پہناتیءَ مہ چار ات اے گوں استاد ءُ لائبریری ءَ نا اِنساپیءِ بیت. ءُ
منءَ اے گپ ھم بژن بیت کہ بازیں سنگتے گوش اِیت کہ استادءِ لبزانکی کار لائبریری ءِ کار وت بلاھیں کار اتاں استاد پرچا جزباتی بیت سیاست ءِ آس گواریں راہ شُت ءُ وتءَ شھید کنائنت.
من اِشیءِ جوابءَ اے گوشاں کہ سبا بلوچ بلوچی ءُ بلوچستان ءِ دیوانگ ءُ آشکے بیتگ دیوانگانی گورا زندگی ءِ کَچ کئیل دگہ بنت.
شھسائیں سیدءَ پہ ھمشاں گوشتگ کہ
سُچے شر بِسُچ پُر بہ بئے کہ سرسُچگ بے ننگی ئے.
مئے چاگردءَ کامیابی ھمشیءَ گوش انت کہ شریں لوگے بہ بیت چار شش چُک بہ بنت گاڑی ئے بہ بیت بینکءَ زر بہ بیت وشیں زندے بگوازین ایت ھما کامیاب اِنت.
استادءِ منزل ھمے کامیابی نہ بیتگ.
استادءِ منزل نمیرانی بیتگ ءُ نمیران آشک ءُ دیوانگ بنت
گوں شئرءَ وتی گپاں گونڈ گراں
واب گِنداں کہ باں اُبینگ
بس تئی ھیال ءُ تئی شُبینگ
منتوار
اکبال ھاشمی

..........🌹🌹بتـــل🌹🌹.. .....
⬅ :بــے دلیـــں مــردم چــہ مـادرءِ مــوجودءَ مــہ بات
⬅:بــہ مـِـر پــہ ھمـائءَ کـہ مـراِیت پہ تو
⬅:سَئـیدچَــریت بـلے چـمءِ پــہ مـاتکوہءَ سـکّ اَنت
⬅:بَـلُّک کــہ بـاز بنـت چُـکءِ سـر لـونڑ بیـت
⬅:مـار وتــی ھــونڑءَ تچــک اِنت
@Labzank
telegram.me/Labzank

.....🌹🌹ســـر پدی🌹🌹...

دادشاہءِ پتءِ نام،کمال،بوتگ، دادشاہ 1970اکتــوبرءَ شہــید کنـگ بوتـگ

مــیــر چـاکـر رنـد1525ءَ بیــران بـوتگ

شــئے مـریدءِ اصلـی نام،پیـــر بخـش، بـوتـگ

حمّـلءِ جیـہندءِ بـوجیــگءِ نـام شـاگ بـوتگ

عطـا شـادءِ اصلـی نـام محمـد اسحـاق بوتگ

عطـا شادءِ پـتءِ نـام لعل محمـد بوتگ
@Labzank
telegram.me/Labzank

" یایهاالذین امنو کتب علیکم الصیام کما کتب علی الذین من قبلکم لعلکم تتقون"
اے ایمان داراں فرض کنگ بوتگ شمے سرا روچگ انچو که شمارا چه پیسریگینانی سرا بوتگ پمے که شما پرهیزگار به بئت-
الله وتی پاکیں کتاب تها گوں واجه محمد(ص) ءِ اُمتءَ گوں گشگءَ انت که شمے سرا من روچگ فرض کتگ ءُ همے یکیں ایات تها گشیت که انچو شمارا چا پیسریگیں امتانی سرا فرض کنگ بوتگ-
واجه هدا روچگ اصل فضیلتءَ بیان کنتءُ ایشی بنوکی مکسدءَ که روچگ من پمے فرض کتگ ایشیءِ سوبءَ شما پرهیزگار به بئت - -
پرهیزگار : هما مردمءَ گش انت که پرهیز بکنت بزاں هر هما چیزءَ که واجه هداءَ یا هر وهد واسته مکن کتگ یا تو روچگ وهدءَ که بازیں انسانی کارانی سرا پابندی جتگ ایاں چا وتءَ دور بدار ایت روچگ بس دپگ بوهگ نام نه انت-
بازیں مردم هست انت بس روچگ بنت ءُ نماز نوان انت که اے اسلام اولی رکن انت نه که ایدگه چیزاں چه دور بنت چو که دروگ گیبتءُ دگه مکنیں کاراں چه وتءَ دور نه دارانت اگاں چه روچگ و بنت بلے اے مردم روچگءِ اصل فضیلتءُ ‌‌‌‌ثواباں چه زبهر بیت

@Labzank
telegram.me/Labzank

روچگءَ عربیءَ صوم گشنت ایشی لبزی معنا اوشتگ ءُ رکینگ ئیگ انت ءُ شرعی اصطلاحءَ ورگءِ ورگءُ آپءِ ورگ ءُ وتی جنینءَ چه دور بوهگءِ نام صوم انت-
شرت همش انت که بام (طلوع صبح صادق) ءِ در اهگءَ ساری روچگ دارگ به بیت داں روچءِ ایر روگءَ تک -
روچگ واستا هژدری ئیں چیز نیت انت پمے مردم که احادیثءِ کتاباں چست کنت اولی حدیث نیتءِ بارهءَ انت پیگمبر گشتن انت هر یک عملےءِ گرءُ دار نیتانی سرا انت-
اگاں کسے اے سجائیں عملاں بکنت بلے ائیءَ روچگ نیت نکتگ گڈا روچگی گشگ نبیت-
ءُ اے ماهءِ یک مستریں فضیلتے ایش انت که اے ماهءَ واجه هدایا وتی پاکیں کتاب نازل کتگ بلکیں قرانءَ ابید ایدگه وتی صحیفه همے ماهءَ نازل کتگ انت
@Labzank
telegram.me/Labzank

روچگ نیّت:
، و بصوم غد نویت من شهرِ رمضان"
دپبوج دعا
اللهم انی لک صمت و بک امنت و علیک توکلت و علئ رزقک افطرت"
تراویح دعا
سبحان ذی الملک والملکوت سبحان ذی العزة والعظمته والهیبته والقدرة والکبریاء والجبروت ط سبحان الملک الحی الذی لاینام ولا یموت سبوح قووس ربنا و رب الملئکته و الروح ط الهم اجرنا من النار ط یا مجیرُ یا مُجیرُ یا مجیر
@Labzank
telegram.me/Labzank

شاعر؛ مبارک کازی
زر کؤشے دیدگاں گوں بدارئےِ کدی مرئے
اے زندگی نہ بوتگیں کارے کدی مرئے

دُزّی کنئے، نماز کنئے، مرگ لازم اِنت
زھرے ورئے کہ لَنشءُ پتارے کدی مرئے

یک سُتکگیں ڈگارے بچاراِت دلءِ تبءَ
اِمروز ھُشکیں دَنزءُ گبارے کدی مرئے

داناہیں مرد سِتک بزاں وت وتا کُشیت
یک ساھتے،دمانے، گدارے کدی مرئے

قاضی من ہرکُجا کہ رَواں زند شاہد اِنت
گوشاں منی کپیت توارے کدی مرئے
@Labzank
telegram.me/Labzank

جار

بلوچی زبان ءِ نامی ایں پٹ ءُ پولکار واجہ فقیر شاد ءِ بلوچ راجدپتر(National History) ءِ سرا پٹ ءُ پولی کتاب "ھزانگ" کہ ایشی ءِ تہا بلوچی زبان ءِ سئے ایں مشہوریں گالوار بزاں رخشانی ، کوہ سلیمانی،ءُ مکرانی گالوار ءِ عہدی شعرمان اں کہ واجہ فقیر شاد ءَ اے شعرانی پس منظر بیان کُتگ ءُ سئے ایں گالوارانی شعرانی تقابلہ جائزہ اے گپتگ ءُ گڑ سرا شعرانی سرا وتی حیال ءُ لیکہ در شان کتگ اں۔
ھزانگ دومی بہر (مہری بہر) شہ بلوچ کلب ءِ نیمگا چاپ ءُ شنگ بوتاکہ شمارا بلوچستان، کراچی ،خلیج ءُ یورپ ءُ تمامیں دنیا ءَ دست کپیت ۔ ءُ مئے کِرّا آن لائن آرڑر ءَ مُچ دنیا ءَ آن لائن ڑیلیوری (سر)کنگ ءِ آسراتی است
نہاد:
امریکہ ءُ یورپ۔14$(امریکن ڈالر)
خلیج ۔5 BHD (بحرینی دینار)
روچ ایر کپتی بلوچستانءُ ایران ۔200000 ایرانی ریال (20000تُمن)
روچ درتکی بلوچستان ءُ پاکستان؛575 PKR(پاکستانی کرنسی)
پہ گیش ایں سر پدی ءِ ءُ کتاب ءِ بہا زورگا واستہ بلوچ کلب ءِ ای میل Balochclubbh@gmail.com یا
Facebook www.facebook.com/BalochClubBH ءُ Twitter @BalochClubBH ،
اں گوں ما اے Whatsapp
0097339181147
0097333316921
0097335582331
0097334043410
نمبر اں رابطہ بکن ات۔
منت وار؛ بلوچ کلب بحرین
@Labzank
telegram.me/Labzank

جار

بلوچی زبان ءِ نامی ایں پٹ ءُ پولکار واجہ فقیر شاد ءِ بلوچ راجدپتر(National History) ءِ سرا پٹ ءُ پولی کتاب "ھزانگ" کہ ایشی ءِ تہا بلوچی زبان ءِ سئے ایں مشہوریں گالوار بزاں رخشانی ، کوہ سلیمانی،ءُ مکرانی گالوار ءِ عہدی شعرمان اں کہ واجہ فقیر شاد ءَ اے شعرانی پس منظر بیان کُتگ ءُ سئے ایں گالوارانی شعرانی تقابلہ جائزہ اے گپتگ ءُ گڑ سرا شعرانی سرا وتی حیال ءُ لیکہ در شان کتگ اں۔
ھزانگ دومی بہر (مہری بہر) شہ بلوچ کلب ءِ نیمگا چاپ ءُ شنگ بوتاکہ شمارا بلوچستان، کراچی ،خلیج ءُ یورپ ءُ تمامیں دنیا ءَ دست کپیت ۔ ءُ مئے کِرّا آن لائن آرڑر ءَ مُچ دنیا ءَ آن لائن ڑیلیوری (سر)کنگ ءِ آسراتی است
نہاد:
امریکہ ءُ یورپ۔14$(امریکن ڈالر)
خلیج ۔5 BHD (بحرینی دینار)
روچ ایر کپتی بلوچستانءُ ایران ۔200000 ایرانی ریال (20000تُمن)
روچ درتکی بلوچستان ءُ پاکستان؛575 PKR(پاکستانی کرنسی)
پہ گیش ایں سر پدی ءِ ءُ کتاب ءِ بہا زورگا واستہ بلوچ کلب ءِ ای میل Balochclubbh@gmail.com یا
Facebook www.facebook.com/BalochClubBH ءُ Twitter @BalochClubBH ،
اں گوں ما اے Whatsapp
0097339181147
0097333316921
0097335582331
0097334043410
نمبر اں رابطہ بکن ات۔
منت وار؛ بلوچ کلب بحرین
@Labzank
telegram.me/Labzank

گوشکند 😃😃

دبوج ءِ دوا

یک پٹانے ءَ یک ملایے ءِ گور ءَ اشکتگ اَت کہ دبوج ءِ وھد ءَ ھر وڑیں دوا کبول بیت گڑا پٹان ءَ رمزان ءِ اولی روچ ءَ دبوج ءِ وھد ءَ اے دوا لوٹ اِت ؛
یا اللہ باندا ائید بات.
@Labzank
telegram.me/Labzank

یک روچے سے مُلا (جُلّی)نِشتَگ ءُ تیجگ ورَگ ات انت ءُ یک بَزگ ءُ شُدیگیں پَکیرے ھمشانی نزیک ءَ نشتگ ءُ چارگ اَت.

بلے یکی دل ءَ ھم اے نہ اَت کہ چہ وتی بھر ءَ کَمُکے پہ ھمے پَکیر ءَ بہ دات.
یکی ءَ گْوشت کہ:روایت انت ، چہ ھما چیزاں کہ ھَیْرات کنگ اِش پہ دگراں شَرّ نہ انت یکے اَنار انت ءُ دگرے تیجگ انت.

دوھمی جُلی ءُ گوشت روایت انت کہ؛تیجگ ءَ ھمینچَک بہ وَر کہ وروک ءَ جواب بہ کنت بزاں دگہ ھِچ وارت مہ کنت.

سیومی ءَ گوْشت دگہ روایتے چُش انت کہ اگر کسے وتی سرا چہ تیجگ ءَ چِست مہ کنت بزاں ھما تیجگ ءِ وزن ءُ تُور ھساب ءَ آ مرد ءِ گُوشت گِیش بیت.



وھدے کہ تیجگ ھلاس بیت اے جُلّیاں دل نہ بیت کہ تیجگ پوُست اں پہ پکیر ءَ ایر بہ کن انت
پدا شرو بیتاں پہ روایت گوْشگ ء

اولی جُلی ءَ گوْشت کہ روایتے ھست کہ اگرکسے تیجگ پوست ءَ پہ دنتان بہ کَرّ ایت دنتان اِسپیت ءُ دل پہ ورگ ءَ پَچْ بیت.


دوھمی ءَ گوْشت کہ؛
روایت انت کہ تیجگ ءِ پوست انسان چماں ڈال ءُ مزن کنت ءُ انسان رنگ ءَ ھم نازُرک ءُ روشن کنت.
سیمی ءَ گوْشت کہ یک روایتے ھست کہ اگر کسے تیجگ پوست ءَ پہ دنتان بہ کَرّ ایت گُڑا آ مردے تکبّر کم بیت ءُ آ پہ ھداوند نزیک تِر بیت
اِشان تیجگ ءِ پوست گوں دنتان ھنچش کَرّاِت چو کاگَد ءَ کُت انت

پَکیر کہ نِشتگ ءُ اِشاں چارگ ات گوْشت ئی ؛من شُتاں،اگر من دگہ یک دمانے مھتل بہ باں من تُرساں شُمے روایت پہ جاھے بہ رس انت کہ شما تیجگ پوستے مُکام ءَ ھنچش بُرز بہ بَر اِت ءُ بہ گوْش ات کہ اے پوستاں چُش کُران پاک ءَ بہ زیر اِت ءُ بَگل چیرا بہ کن اِت ءُ گوں وت بہ بَر اِت.
ءُ پدا تیجگ ءِ تُوم اں بزیر ات تسبیہ بہ کن اِت ءُ زِکرءِ (یا قدّوس)بہ گوْش اِت.

عبید زاکانی

رجانک:مھمدرھیم درویش

َ@Labzank
telegram.me/Labzank