ماھو!
زمستانی سارت ءُ تھاریں شپے ، من تھنا نشتگاں ءُ منی کش ءُ گوراں بس تاکریچیں درچکانی کپتگیں زردیں تاک اَنت کہ گوریچ ءِ شیکگاں گوں دردانی زِیمراں ساز کنان اَنت۔ لَھتیں روچ اِنت ابیتکیں مُولمانی تہ ءَ زند ءِ نہ وشیں روچاں تیلانک دیگ ءَ آں۔ چونائی ءَ درانڈیھ ءَ تھنائی ، ابیتکی ءُ مُونجائی زند ءِ دائمی ھمراہ اَنت ، بلے مروچاں ابیتکی، تھنائی ءُ مُونجائی گیش بوتگ اَنت ءَ اے ساھت ءَ چِد ءُ گیشتر۔۔۔۔۔۔۔
کئے بِہ پول اِیت اے تھنائیاں
کئے بہ مار اِیت اے ویرانیاں
کئے بہ منّ اِیت کہ رُژن اندر اِنت
چیر ءُ سر اِنت ءُ سیاہ شپ اِنت
ماھو!
ھمُک روچ زندگی چو مَٹّ بیتگیں موسمانی داب ءَ وتی ھر رنگ ءَ منی دل ءُ ارواہ ءِ سر ءَ نکش کنان اِنت۔ برے برے زندگی ءِ سارتیں روشت منی تھانگ ءِ بے تواری ءَ مرگ ءِ امبازاں چگل دنت ءُ برے برے من ءَ ھمے گُمان بیت کہ زندگی ءَ وت ھم بے وسی ءِ چادر مانپوشتگ ءُ مرگ ءِ امبازاں واب کپتگ۔۔۔
درانڈیھ بیتگیں زندگی یک انچیں روکیں چراگے ءِ پیم ءَ اِنت کہ گْوات ءُ شرتگانی سر ءَ تھنا اُوشتاتگ ءُ زندگ بُوَگ ءِ جُھد ءَ اِنت ءُ نہ زاناں گْوات ءِ کُجام شیکّگ زندگی ءِ روکیں کندیل ءَ کُش اِیت۔
ماھو!
ھمے کہ بچّے پہ زمین ندرْ بیت ، گُڑا پہ من ءَ درانڈیھ موتک کار اِیت ءُ ماہ کِسّہ۔ ھمے کِسّہ اَنت کہ ارواہ ءِ دامُن ءَ نکش بَہ اَنت۔ ھمے کِسّہ اَنت کہ منی ارواہ ءِ مُوتک جوڑ بَہ اَنت۔ ھمے سنج بستگیں ھونانی کِسّہ اَنت کہ ماتیں زمین ءِ دلبند ءَ تالان بَہ اَنت۔
ھال اِنت کہ لھتیں تیر دُرشتگیں لاش اَنت نادرھجاہ ءَ سر کنگ بیتگ اَنت کہ کوزہ گیر ءِ جنگی بالگردانی شیلنگ ءَ چہ شھید کنگ بیتگ اَنت ءُ چندے زمین ءِ بچّ اَنت کہ آوار جَنَگ ءُ زندان ءِ تھاریں کُوٹِیاں برگ بوتگ اَنت۔ پد ءَ ھالے تالان اِنت کہ بلوچستان ءَ چہ دور درانڈیھ ءِ بے راھیں گٹّ ءُ گراں بلوچ جھدکاریں زالبول بانُک کریمہ ءِ لاش دست کپتگ کہ کمے وھد ءَ چہ پیسر آوار جَنَگ بیتگ۔۔۔۔۔
ماھو!
زان ئے کریمہ کَے اَت؟ کریمہ بیست ءُ یکمی کرن ءِ کِسّھانی کارستے اَت۔ کریمہ نوکیں پدریچ ءَ پہ یک چیدگے اَت کہ زُلم ءِ ھلاپ ءَ چہ گس ءَ دراتکگ اَت۔ بلوچستان ءِ ھر ھلک ، میتگ ءُ شھراں گردان اَت ءُ واب کپتگیں بلوچ راج ءَ را گُلامی ءِ سما ءُ مارشت ءَ دَیَگ ءَ اَت۔ آیانی زمیر ءَ ٹوھینگ ءَ اَت۔ پد ءَ سیاست ءِ تب بدل بوت ، جَنَگ ءُ بَرّگ گیش بوت، ھلکانی ، ھلک لڈّ ءُ بار بیت ءُ درانڈیھاں پناھگیر بوت اَنت۔ گُڑا کریمہ ھم دیم پہ کینیڈا ءَ اِنسانی ھکّانی پچگرگ ءِ ھاتر ءَ واب کپتگیں اِنسانی زمیرانی ٹوھینگ ءِ ھاتر ءَ شُت ءُ درانڈیھ بوت۔
ماھو!
کریمہ ھما دگ ءُ کشکانی مساپر اَت آ دگ ءُ کشک ابدمان بُوَگ ءُ جسمانی ھوالہ ءَ جُتا بُوَگ ءِ راہ اَت ، بلے من گْوش آں کریمہ ءَ زندگ بُوَگی اَت۔ پہ وتی راج ءَ باز کار کنگی اَت ، وتی راج ءِ مْیان ءَ ساڑی بُوَگی اَت۔ انگت راج بے سما اِنت، گْراں واب اِنت۔ راج گُلامی ءِ گْرانیں واب ءَ چہ ٹوھینگی اِنت ءُ ھمے سما دَیَگی اِنت کہ شُما گُلام اِت پاد بیا اِت۔۔۔۔۔۔۔۔۔۔۔۔بلے کریمہ ابدمانیں مرگے ءِ امبازاں رپت ءُ پُشت ءَ ھزاراں تھل ءُ تُرپشیں یات پش گیتگ۔۔۔۔۔۔۔۔۔۔
ماھو!
برے برے ننداں جیڑاں کہ پہ بلوچاں ھر کُجا بلوچستان اِنت۔ آ کیلکور ءِ مراد مھمد میتگ بہ بیت یا کہ کینیڈا ءِ شھر ٹورنٹو ، ھر کُجائے زلمانی آس شنزیں نوبت تئی سر ءَ ساھیل اَنت۔ ھر نیمگ ءَ کُبلیں دروازگ ءُ کوریں دریگ ءُ رھچاریں چمّ۔۔۔۔۔ھشکیں یات ، زپتیں زھیر ، لھڑیں تْرانگ اَنت ءُ بے کِساسیں درد اَنت۔۔۔۔۔۔۔
ھما درد کہ نبشتہ کنگ نہ بَہ اَنت ، بس مارگ بَہ اَنت۔ بُن گِپتگیں ارواھے کہ آئی ءِ چِیھانٹاں جَھانے سر ءَ زُرتگ ، بلے کَرّ اَنت اے دھر ءِ گُوش کہ لگتمالیں راج ءِ چیھالاں اِش کنگ ءَ نہ اَنت۔۔۔۔۔
ماھو!
نُوں بس اِنت نِندگ ءُ تماشا چارگ ، زُلم ءِ ھلاپ ءَ پادآھگی اِنت ءُ جُنزگی اِنت۔ اگاں بلوچ انگت وشوابی ءِ ملاراں بوت ، گُڑا پہ آئی ءَ زندگی یک کِسّھے ، داستانے ، ھَور ءُ سْیاہ گْوات ءِ سر ءَ ایریں ڈیوایے ، یک دنز ءُ گُبارے، یک رازے ، اُپّے ، آہ ءُ پریاتے ءُ بس یک تماشایے۔۔۔۔۔۔۔۔۔۔کہ ھر کس کَیت ءُ تماشا۔۔۔۔۔۔۔۔۔
TAGS
مھروان کمبر
زمستانی سارت ءُ تھاریں شپے ، من تھنا نشتگاں ءُ منی کش ءُ گوراں بس تاکریچیں درچکانی کپتگیں زردیں تاک اَنت کہ گوریچ ءِ شیکگاں گوں دردانی زِیمراں ساز کنان اَنت۔ لَھتیں روچ اِنت ابیتکیں مُولمانی تہ ءَ زند ءِ نہ وشیں روچاں تیلانک دیگ ءَ آں۔ چونائی ءَ درانڈیھ ءَ تھنائی ، ابیتکی ءُ مُونجائی زند ءِ دائمی ھمراہ اَنت ، بلے مروچاں ابیتکی، تھنائی ءُ مُونجائی گیش بوتگ اَنت ءَ اے ساھت ءَ چِد ءُ گیشتر۔۔۔۔۔۔۔
کئے بِہ پول اِیت اے تھنائیاں
کئے بہ مار اِیت اے ویرانیاں
کئے بہ منّ اِیت کہ رُژن اندر اِنت
چیر ءُ سر اِنت ءُ سیاہ شپ اِنت
ماھو!
ھمُک روچ زندگی چو مَٹّ بیتگیں موسمانی داب ءَ وتی ھر رنگ ءَ منی دل ءُ ارواہ ءِ سر ءَ نکش کنان اِنت۔ برے برے زندگی ءِ سارتیں روشت منی تھانگ ءِ بے تواری ءَ مرگ ءِ امبازاں چگل دنت ءُ برے برے من ءَ ھمے گُمان بیت کہ زندگی ءَ وت ھم بے وسی ءِ چادر مانپوشتگ ءُ مرگ ءِ امبازاں واب کپتگ۔۔۔
درانڈیھ بیتگیں زندگی یک انچیں روکیں چراگے ءِ پیم ءَ اِنت کہ گْوات ءُ شرتگانی سر ءَ تھنا اُوشتاتگ ءُ زندگ بُوَگ ءِ جُھد ءَ اِنت ءُ نہ زاناں گْوات ءِ کُجام شیکّگ زندگی ءِ روکیں کندیل ءَ کُش اِیت۔
ماھو!
ھمے کہ بچّے پہ زمین ندرْ بیت ، گُڑا پہ من ءَ درانڈیھ موتک کار اِیت ءُ ماہ کِسّہ۔ ھمے کِسّہ اَنت کہ ارواہ ءِ دامُن ءَ نکش بَہ اَنت۔ ھمے کِسّہ اَنت کہ منی ارواہ ءِ مُوتک جوڑ بَہ اَنت۔ ھمے سنج بستگیں ھونانی کِسّہ اَنت کہ ماتیں زمین ءِ دلبند ءَ تالان بَہ اَنت۔
ھال اِنت کہ لھتیں تیر دُرشتگیں لاش اَنت نادرھجاہ ءَ سر کنگ بیتگ اَنت کہ کوزہ گیر ءِ جنگی بالگردانی شیلنگ ءَ چہ شھید کنگ بیتگ اَنت ءُ چندے زمین ءِ بچّ اَنت کہ آوار جَنَگ ءُ زندان ءِ تھاریں کُوٹِیاں برگ بوتگ اَنت۔ پد ءَ ھالے تالان اِنت کہ بلوچستان ءَ چہ دور درانڈیھ ءِ بے راھیں گٹّ ءُ گراں بلوچ جھدکاریں زالبول بانُک کریمہ ءِ لاش دست کپتگ کہ کمے وھد ءَ چہ پیسر آوار جَنَگ بیتگ۔۔۔۔۔
ماھو!
زان ئے کریمہ کَے اَت؟ کریمہ بیست ءُ یکمی کرن ءِ کِسّھانی کارستے اَت۔ کریمہ نوکیں پدریچ ءَ پہ یک چیدگے اَت کہ زُلم ءِ ھلاپ ءَ چہ گس ءَ دراتکگ اَت۔ بلوچستان ءِ ھر ھلک ، میتگ ءُ شھراں گردان اَت ءُ واب کپتگیں بلوچ راج ءَ را گُلامی ءِ سما ءُ مارشت ءَ دَیَگ ءَ اَت۔ آیانی زمیر ءَ ٹوھینگ ءَ اَت۔ پد ءَ سیاست ءِ تب بدل بوت ، جَنَگ ءُ بَرّگ گیش بوت، ھلکانی ، ھلک لڈّ ءُ بار بیت ءُ درانڈیھاں پناھگیر بوت اَنت۔ گُڑا کریمہ ھم دیم پہ کینیڈا ءَ اِنسانی ھکّانی پچگرگ ءِ ھاتر ءَ واب کپتگیں اِنسانی زمیرانی ٹوھینگ ءِ ھاتر ءَ شُت ءُ درانڈیھ بوت۔
ماھو!
کریمہ ھما دگ ءُ کشکانی مساپر اَت آ دگ ءُ کشک ابدمان بُوَگ ءُ جسمانی ھوالہ ءَ جُتا بُوَگ ءِ راہ اَت ، بلے من گْوش آں کریمہ ءَ زندگ بُوَگی اَت۔ پہ وتی راج ءَ باز کار کنگی اَت ، وتی راج ءِ مْیان ءَ ساڑی بُوَگی اَت۔ انگت راج بے سما اِنت، گْراں واب اِنت۔ راج گُلامی ءِ گْرانیں واب ءَ چہ ٹوھینگی اِنت ءُ ھمے سما دَیَگی اِنت کہ شُما گُلام اِت پاد بیا اِت۔۔۔۔۔۔۔۔۔۔۔۔بلے کریمہ ابدمانیں مرگے ءِ امبازاں رپت ءُ پُشت ءَ ھزاراں تھل ءُ تُرپشیں یات پش گیتگ۔۔۔۔۔۔۔۔۔۔
ماھو!
برے برے ننداں جیڑاں کہ پہ بلوچاں ھر کُجا بلوچستان اِنت۔ آ کیلکور ءِ مراد مھمد میتگ بہ بیت یا کہ کینیڈا ءِ شھر ٹورنٹو ، ھر کُجائے زلمانی آس شنزیں نوبت تئی سر ءَ ساھیل اَنت۔ ھر نیمگ ءَ کُبلیں دروازگ ءُ کوریں دریگ ءُ رھچاریں چمّ۔۔۔۔۔ھشکیں یات ، زپتیں زھیر ، لھڑیں تْرانگ اَنت ءُ بے کِساسیں درد اَنت۔۔۔۔۔۔۔
ھما درد کہ نبشتہ کنگ نہ بَہ اَنت ، بس مارگ بَہ اَنت۔ بُن گِپتگیں ارواھے کہ آئی ءِ چِیھانٹاں جَھانے سر ءَ زُرتگ ، بلے کَرّ اَنت اے دھر ءِ گُوش کہ لگتمالیں راج ءِ چیھالاں اِش کنگ ءَ نہ اَنت۔۔۔۔۔
ماھو!
نُوں بس اِنت نِندگ ءُ تماشا چارگ ، زُلم ءِ ھلاپ ءَ پادآھگی اِنت ءُ جُنزگی اِنت۔ اگاں بلوچ انگت وشوابی ءِ ملاراں بوت ، گُڑا پہ آئی ءَ زندگی یک کِسّھے ، داستانے ، ھَور ءُ سْیاہ گْوات ءِ سر ءَ ایریں ڈیوایے ، یک دنز ءُ گُبارے، یک رازے ، اُپّے ، آہ ءُ پریاتے ءُ بس یک تماشایے۔۔۔۔۔۔۔۔۔۔کہ ھر کس کَیت ءُ تماشا۔۔۔۔۔۔۔۔۔
TAGS
مھروان کمبر
Forwarded from بلوچی تامــر
بلوچی ڈرامہ بزدل
دلوک پلنگ پروش ءِ عجیبیں قصّہ
ھنچو گوش اَنت ھر کس وتی لوگ ءِ دپ ءَ شیر اِنت
مئے دلوک جان گُرَگان یکے بشکنت ھنچو سمج ایت کہ اے مزنین دلیرے بل ئے افسوز۔۔۔۔۔۔
دلوک پلنگ پروش ءِ عجیبیں قصّہ
ھنچو گوش اَنت ھر کس وتی لوگ ءِ دپ ءَ شیر اِنت
مئے دلوک جان گُرَگان یکے بشکنت ھنچو سمج ایت کہ اے مزنین دلیرے بل ئے افسوز۔۔۔۔۔۔
Audio
مہ ور دل ءَ کہ چییا بے کس ئے جھان ءِ تھا
شاعر محمّد روان بد
وانوک مریم بھار
(گیشیں دوستی) قصّہ ءِ شعر
شاعر محمّد روان بد
وانوک مریم بھار
(گیشیں دوستی) قصّہ ءِ شعر
Forwarded from بلوچی کتابجاه (بلال ریگی)
ملوکیں سُھب مُلا چمل.pdf
896.7 KB
📒 ملوکیں سُهب
✍🏻 ملا چمل (عبدالله عبداللهزاده)
#لچه_دپتر
#مجموعه_شعر
#شائری
#شعر_بلوچی
#بلوچی_لچه
🔷 @BalochiKetabjah
✍🏻 ملا چمل (عبدالله عبداللهزاده)
#لچه_دپتر
#مجموعه_شعر
#شائری
#شعر_بلوچی
#بلوچی_لچه
🔷 @BalochiKetabjah
Forwarded from بلوچی کتابجاه (Junayd baloch)
Gulzameen.pdf
77.6 MB
📕 گلزمین
✍️ #عطا_شاد
📖 بلوچی لچّھانی دیوان
♦️آس وتی گِس وتی سنگ وتی سر وتی
زَیمیں دل ءَ کُجا براں، تیر وتی جگر وتی
#شعر_بلوچی
#ادب_بلوچی
#بلوچی_لچه
🔷@BalochiKetabjah
✍️ #عطا_شاد
📖 بلوچی لچّھانی دیوان
♦️آس وتی گِس وتی سنگ وتی سر وتی
زَیمیں دل ءَ کُجا براں، تیر وتی جگر وتی
#شعر_بلوچی
#ادب_بلوچی
#بلوچی_لچه
🔷@BalochiKetabjah
تئی بندہ بوگ چونیں شانے ءِ واھُند اِنت
چہ ایشی ءَ مَستریں پھر نیست
کہ تو منی ھُدا بہ بَے!
تو اَنچیں ھدایے ئے
کہ من لوٹاں
گُڑا چہ من ءَ اَنچیں بندھے جوڑ بکن
کہ تو لوٹ ئے...🦋✨
چہ ایشی ءَ مَستریں پھر نیست
کہ تو منی ھُدا بہ بَے!
تو اَنچیں ھدایے ئے
کہ من لوٹاں
گُڑا چہ من ءَ اَنچیں بندھے جوڑ بکن
کہ تو لوٹ ئے...🦋✨
روچ ءُ شپانی گوازیءَ ،ارواہ نہ موڪتہ
اِنسان اَنچیں لئیبوے،لئیب تہا پروشیت
✍️خالق ارمان
اِنسان اَنچیں لئیبوے،لئیب تہا پروشیت
✍️خالق ارمان
Forwarded from میارجل
🔷 حَمَّل کلمتی ؛ اسطوره ی حیا و رادمردی و میارجَلّی کوه وفا و غیرت
🔹 صفحه اینستاگرام ایرانشهر لاولی سیتی با انتشار ویدیوییها شرح حالی از یک اسطوره تاریخی بلوچستان نوشت.
🔹 به گزارش گروه فضای مجازی پایگاه اطلاعرسانی میار جل؛ ایرانشهر لاولی سیتی نوشت: وقتی حکومت استعمار پرتغال در جنوب بلوچستان حمله کرد با جوانی به اسم هوت حَمَّل کلمتی (که اسطوره ی حیا و رادمردی و میارجَلّی کوه وفا و غیرت بود) مواجعه شد ، حمل و هم رزمانش با جنگ های چریکی خواب را بر چشمشان حرام کرده بودند تا اینکه بهش پیشنهاد دختر و زنان زیبا رو دادن و حمل در جوابشون گفت : جَن پَرَنگَنت کہ حَمَّلا پَسُند نَبَنت نہ چَم شودَنت نہ حُداے ناما گِرَنت حَمّلا وتے مولکے کاڈ خُمارے دوست بَنت کہ پَشکو سَریگو چادِرَنت وَهدے کہ راه رَوَنت پَشکِش چہ زَمینا بَحر بَرَنت
🔹 متن کامل این گزارش می توانید اینجا مشاهده کنید.
✅ میارجل ، رسانه فعالان فرهنگی اجتماعی اقتصادی بلوچستان
#میارجل
@mayarjal_ir
🔹 صفحه اینستاگرام ایرانشهر لاولی سیتی با انتشار ویدیوییها شرح حالی از یک اسطوره تاریخی بلوچستان نوشت.
🔹 به گزارش گروه فضای مجازی پایگاه اطلاعرسانی میار جل؛ ایرانشهر لاولی سیتی نوشت: وقتی حکومت استعمار پرتغال در جنوب بلوچستان حمله کرد با جوانی به اسم هوت حَمَّل کلمتی (که اسطوره ی حیا و رادمردی و میارجَلّی کوه وفا و غیرت بود) مواجعه شد ، حمل و هم رزمانش با جنگ های چریکی خواب را بر چشمشان حرام کرده بودند تا اینکه بهش پیشنهاد دختر و زنان زیبا رو دادن و حمل در جوابشون گفت : جَن پَرَنگَنت کہ حَمَّلا پَسُند نَبَنت نہ چَم شودَنت نہ حُداے ناما گِرَنت حَمّلا وتے مولکے کاڈ خُمارے دوست بَنت کہ پَشکو سَریگو چادِرَنت وَهدے کہ راه رَوَنت پَشکِش چہ زَمینا بَحر بَرَنت
🔹 متن کامل این گزارش می توانید اینجا مشاهده کنید.
✅ میارجل ، رسانه فعالان فرهنگی اجتماعی اقتصادی بلوچستان
#میارجل
@mayarjal_ir
Sazi Bejan Taw Saze Shaer e Bogosh
Aslam Zaheer - Balochsaaz.com @ Shahbaz ALi
🌸 سازے بجن او سازی (حافظ شیرازی ءِ نام ءَ)
🔸 گشندہ: اسلم زھیر
🔸 لچہ کار: استاد علی بخش دشتیاری
@rabeydaan_publications
🔸 گشندہ: اسلم زھیر
🔸 لچہ کار: استاد علی بخش دشتیاری
@rabeydaan_publications
رجانک: مھمد بلوچ پَھرئی
گاندی گوش ایت:
"اگاں ترا اے بُود نِیست کہ ھَکّ ءَ بہ گوش ئے گُڑا پہ ھما مَردم کہ ناھَکّیں کَن اَنت، چاپ وَ مہ جَن."
ناپلئون گوش ایت:
دگنیا ءِ جاوَر تاوان دَیوکِیں جاورے، ایشی ءِ سَوَب اے نہ اِنت کہ سِلّیں مردم سَکّ باز اَنت، ایشی ءِ سَوَب اِش اِنت کہ شَرّیں مردم بے تْرِکْ ءُ توار اَنت.
مُدام گُرک ءِ چُکّ گُرک بیت ءُ پَس ءِ چُک پَس، بلے مردمانی چُکّ بَرے گُرک بہ اَنت ءُ بَرے پَس.
گاندی گوش ایت:
"اگاں ترا اے بُود نِیست کہ ھَکّ ءَ بہ گوش ئے گُڑا پہ ھما مَردم کہ ناھَکّیں کَن اَنت، چاپ وَ مہ جَن."
ناپلئون گوش ایت:
دگنیا ءِ جاوَر تاوان دَیوکِیں جاورے، ایشی ءِ سَوَب اے نہ اِنت کہ سِلّیں مردم سَکّ باز اَنت، ایشی ءِ سَوَب اِش اِنت کہ شَرّیں مردم بے تْرِکْ ءُ توار اَنت.
مُدام گُرک ءِ چُکّ گُرک بیت ءُ پَس ءِ چُک پَس، بلے مردمانی چُکّ بَرے گُرک بہ اَنت ءُ بَرے پَس.
🌹آسکانءِشھیدانی نامءَ🌹
گلیں بمپشتءِآبریچءَ
مں آسکانءِسِکیں ھاکءَ
مروچی ھارں ھونانی
زمینءَرودنیں رنگے
چہ ھوناں ریٹویں زرتگ
اے کئی ھونانی تلکارانت
کہ نقش انت ماتءِدلبندءَ
کجام دئینءَکشگ بیت انت
میاراِش چی انت اۓ زوراک
اے لاڑیں بچّ انت ماتانی
عصاءانت پیریں پسّانی
اے برات انت مئے گھارانی
اے باسک انت پلیں براتانی
اے جود انت نازیں کاڑانی
پت انت نایاپتیں طفلانی
گوں نوھتّاں زبادانی
گوں ریشّءُچوٹواں سیاھیں
پہ چنڈے نانءِشوھازءَ
پہ سارتیں ساھگے اوستءَ
شدءُتناں کن انت اوپار
نوانیءِامیتءَاے
مں سارتیں پاساں راہءَانت
مں جندءِمکّہ ایں زیداں
جت انت گوں تیرءُٹوپاں تو
پہ بے رحمی پہ زوراکی
پتاں داغے دلءَداتے
ءُماتءَداں زندءَکُھتیگ انت
کت انت گمجت گھارءُبرات
جنوزام کرتے شہکاڑاں
کت انت چورہ گلیں نایاپت
پتی مھراں زبھربیت انت
منی حونءِشریدار ھم
پہ گازے گوادری گون انت
جن انت وت براتاں بے دئینءَ
کجام کار تو اشاں تو داتگ
کجام گنجءُمتاہ اِش گوں
کجاءانت میلّءُکارھانگ
کج انت شھجوءُکھنءُباغ
نہ منت انت جدّی ملکت مئے
کجام اوستءَبہ بیں زندگ
کجامءَاوستءَبہ بیں زندگ؟
یوسف انیس کلمتی
گلیں بمپشتءِآبریچءَ
مں آسکانءِسِکیں ھاکءَ
مروچی ھارں ھونانی
زمینءَرودنیں رنگے
چہ ھوناں ریٹویں زرتگ
اے کئی ھونانی تلکارانت
کہ نقش انت ماتءِدلبندءَ
کجام دئینءَکشگ بیت انت
میاراِش چی انت اۓ زوراک
اے لاڑیں بچّ انت ماتانی
عصاءانت پیریں پسّانی
اے برات انت مئے گھارانی
اے باسک انت پلیں براتانی
اے جود انت نازیں کاڑانی
پت انت نایاپتیں طفلانی
گوں نوھتّاں زبادانی
گوں ریشّءُچوٹواں سیاھیں
پہ چنڈے نانءِشوھازءَ
پہ سارتیں ساھگے اوستءَ
شدءُتناں کن انت اوپار
نوانیءِامیتءَاے
مں سارتیں پاساں راہءَانت
مں جندءِمکّہ ایں زیداں
جت انت گوں تیرءُٹوپاں تو
پہ بے رحمی پہ زوراکی
پتاں داغے دلءَداتے
ءُماتءَداں زندءَکُھتیگ انت
کت انت گمجت گھارءُبرات
جنوزام کرتے شہکاڑاں
کت انت چورہ گلیں نایاپت
پتی مھراں زبھربیت انت
منی حونءِشریدار ھم
پہ گازے گوادری گون انت
جن انت وت براتاں بے دئینءَ
کجام کار تو اشاں تو داتگ
کجام گنجءُمتاہ اِش گوں
کجاءانت میلّءُکارھانگ
کج انت شھجوءُکھنءُباغ
نہ منت انت جدّی ملکت مئے
کجام اوستءَبہ بیں زندگ
کجامءَاوستءَبہ بیں زندگ؟
یوسف انیس کلمتی
Forwarded from بلوچی کتابجاه (Junayd baloch)
سید ھاشمی ءِ کتابانی pdf
▪️سیدگنج
▪️انگر ءُ ترونگل
▪️بْرتکگیں بیر
▪️سچکانیں سسا
▪️شکّلیں شھجو
▪️بلوچی بُنگیجی
▪️بلوچی سْیاھگ ءِ راست نبیسّگ
▪️ سید نِمدی
▪️میر گِند
▪️نازُک
▪️ شھلچہ کار
▪️گِسِد گْوار
▪️بلوچی زبان و ادب کی تاریخ
▪️تْراپکُنیں تْرمپ
▪️شھلچّہ کار
▪️سبک نگارش بلوچی
▪️سیدگنج
▪️انگر ءُ ترونگل
▪️بْرتکگیں بیر
▪️سچکانیں سسا
▪️شکّلیں شھجو
▪️بلوچی بُنگیجی
▪️بلوچی سْیاھگ ءِ راست نبیسّگ
▪️ سید نِمدی
▪️میر گِند
▪️نازُک
▪️ شھلچہ کار
▪️گِسِد گْوار
▪️بلوچی زبان و ادب کی تاریخ
▪️تْراپکُنیں تْرمپ
▪️شھلچّہ کار
▪️سبک نگارش بلوچی
Telegram
بلوچی کتابجاه
📚 سید گنج
✍️ #سید_ھاشمی
📖 بلوچی زبان ءِ اَولی بزانت بلد
#بزانت_بلد
#فرهنگ_لغت
#بلوچی
#گال_گنج
🔷 @BalochiKetabjah
✍️ #سید_ھاشمی
📖 بلوچی زبان ءِ اَولی بزانت بلد
#بزانت_بلد
#فرهنگ_لغت
#بلوچی
#گال_گنج
🔷 @BalochiKetabjah
💠 مرگ ءِ آسر زند
✍ چندن ساچ
پت کہ پیر مرد اَت، گڑا آئی ءَ کروس دارگ ءِ شوق بوت۔ لوگ ءِ دپ ءَ مزنیں کاپرے ات۔ آئی ءِ چیر ءَ بازیں کروس بست اتنت ءُ کاپر ماہور ءَ ات۔ دانکہ پشی یے، کچکے، روباہے یا دگہ یلہ چریں کروسے مئیت ءُُ ایشاں تاوان مہ دنت۔ پت سہب ءُُ بیگاہ ہمے کروساں گلائش ات۔ برے یکے ءَ دان دئیگ اَت ءُ برے یکے کش اتگ ات ئے ءُُ ڈن ءَ برت ءُ یلہ داتگ ات ءِے کہ وتی پاداں پچ بکنت۔ پت ءَ وتی تحت کاپر ءِ نزیک ءَ جتگ ات ءُ من کہ شپ ءَ ہر وہدے بُست کُتگ ات تہ پت آگہہ ات ءُُ کروسانی پانگ ات۔
چیزے وہد ءَ پد من پہ وانگ ءِ ہاترا میتگ یلہ دات ءُُ شہر ءَ شتاں۔ من شہر ءَ اتاں کہ من ءَ برات ءَ فون کُت ءُُ پت ءِ بیرانی ءِ حال دات۔ من ہما روچ ءَ شہر ءَ چہ در کپت ءُُ کوچگ ءَ وتی لوگ ءَ شتاں۔ پت ءِ بیرانی ءِ چارمی روچ ءَ من پدا شہر ءَ واتر کت کہ منی چکاس بوہگ ءَ اتنت۔
چکاساں پد من لوگ ءَ واتر بوتاں تہ ابیتکی ات۔ پت ءِ تحت اودا نہ ات کہ پیسر ءَ بوتگ۔ کاپر ءِ چیر ءَ بندوکیں درستیں کروس گار اتنت ءُُ ایوکا یکے پش کپتگ ات۔اے پت ءِ دوستریں کروس بوتگ ءُُ شپ ءَ مدام وتی تحت ءِ پادگ ءَ بستگ ئے۔ پت ءَ اے کروس ءِ نام جبراک کتگ ات۔ جبراک ءِ گردن اسپیت ات ءُُ جند سُہر۔ دراجیں ہار اتنت۔ بُل ءِے سک کسان ات۔
من لوگ ءَ جست کُت کہ کروس کُج اَنت؟
آیاں من ءَ گوشت کہ یک روچے مردمے اتکگ ءُُ آئی ءَ شریں نہادے ءَ کروس زرتگ اَنت ءُُ ما داتگ اَنت۔ بَلے جبراک پمیشکا نہ داتگ کہ اِے پت ءِ دوستیں کروس بوتگ ءُُ پت ءِ یاتگار اِنت۔
من کروس ءِ نزیک ءَ شتاں تہ ملور ات۔ آئی ءَ یکبرے من ءَ انچو چار اِت گشئے زاناں آ منی تہا وتی اصل واہند ءَ شوہازگ ءَ اِنت بَلے گندگ ءَ نہ اِنت۔ من پت ءِ یاتگاریں کروس ءِ سرا دست ایر کُت ءُُ پدا آئی ءِ گردن ءَ ایرمرزگ ءَ بوتاں۔ ہمدا من جیڑ اِت۔ پت ءِ اے یاتگار داں چنت وہد ءَ لوگ ءِ دپ ءَ بندوک بیت۔ سہدارے، باندا اِے ہم مریت۔ من جبراک بوتک کہ بِلے پاداں پچ کنت۔ من چاراں تہ آ تچک ءَ ہما جاہ ءَ شُت کہ اودا پت ءِ تحت ایر بوتگ۔ آ تہ دیراں ہمودا اوشتات۔ بَلے آئی ءَ نہ وتی واہند دیست ءُُ نئیکہ تحت۔
شپ ءَ پت ءِ تحت من زرت ءُُ ہما پیشی جاہ ءَ جَت۔ جبراک ہم آورت ءُُ تحت ءِ پادگ ءَ بست۔ تحت ءِ سرا من وپتاں۔ استاراں چاراں چاراں باریں چونکائی واب کپتاں۔
واب ءَ گنداں تہ پت اِنت کہ کاپر ءِ چیر ءَ اوشتاتگ ءُُ گشگ ءَ اِنت۔
”منی تحت ءُُ جبراک ءَ باندا سہب ءَ من ءَ سر بکن۔ من چہ شما دگہ ہچ نہ لوٹاں ”
من بُست کت، تہ وابے گندگ ءَ بوتگاں۔۔۔۔
سہب ءَ ما تحت زرت ءُ شت،پت ءِ کبر ءِ سرون ءَ ایر کُت ءُ جبراک تحت ءِ پادگ ءَ بست۔ مردماں گشت کہ مردگ ءِ واب ءَ آیگ ءُُ چیز ءِ لوٹگ شر نہ اِنت۔ شما پسے بُکش ات ُُ حیرات بکن ءِے۔ بِلے آئی ءِ دلگوش ہمانگو بیت۔ بَلے من مردمانی گپ گوش نہ داشت اَنت۔
کروس داں چار ماہ ءَ زندگ بوت۔ اِے چاریں ماہاں گوہار ءَ ہر روچ شتگ ءُ کروس آپ ءُ دان کُتگ۔ یک روچے گوہار روت تہ کروس مرتگ۔ آ ہمودا کروس ءَ کل کنت۔
یک شپے گوہار واب ءَ گندیت کہ پت اِنت پدا اتکگ ءُُ لوگ ءِ دپ ءَ تحت ءِے جتگ ءُُ جبراک تحت ءِ پادگ ءَ بندوک اِنت۔ کاپر ہما وڑ اِنت کہ وہد ءَ بوتگ ءُ بیست ءَ چہ گیش کروس کاپر ءِ چیر ءَ بستگ۔ بَلے درستیں کروسانی سر مردمی اَنت۔
@Labzank
telegram.me/Labzank
✍ چندن ساچ
پت کہ پیر مرد اَت، گڑا آئی ءَ کروس دارگ ءِ شوق بوت۔ لوگ ءِ دپ ءَ مزنیں کاپرے ات۔ آئی ءِ چیر ءَ بازیں کروس بست اتنت ءُ کاپر ماہور ءَ ات۔ دانکہ پشی یے، کچکے، روباہے یا دگہ یلہ چریں کروسے مئیت ءُُ ایشاں تاوان مہ دنت۔ پت سہب ءُُ بیگاہ ہمے کروساں گلائش ات۔ برے یکے ءَ دان دئیگ اَت ءُ برے یکے کش اتگ ات ئے ءُُ ڈن ءَ برت ءُ یلہ داتگ ات ءِے کہ وتی پاداں پچ بکنت۔ پت ءَ وتی تحت کاپر ءِ نزیک ءَ جتگ ات ءُ من کہ شپ ءَ ہر وہدے بُست کُتگ ات تہ پت آگہہ ات ءُُ کروسانی پانگ ات۔
چیزے وہد ءَ پد من پہ وانگ ءِ ہاترا میتگ یلہ دات ءُُ شہر ءَ شتاں۔ من شہر ءَ اتاں کہ من ءَ برات ءَ فون کُت ءُُ پت ءِ بیرانی ءِ حال دات۔ من ہما روچ ءَ شہر ءَ چہ در کپت ءُُ کوچگ ءَ وتی لوگ ءَ شتاں۔ پت ءِ بیرانی ءِ چارمی روچ ءَ من پدا شہر ءَ واتر کت کہ منی چکاس بوہگ ءَ اتنت۔
چکاساں پد من لوگ ءَ واتر بوتاں تہ ابیتکی ات۔ پت ءِ تحت اودا نہ ات کہ پیسر ءَ بوتگ۔ کاپر ءِ چیر ءَ بندوکیں درستیں کروس گار اتنت ءُُ ایوکا یکے پش کپتگ ات۔اے پت ءِ دوستریں کروس بوتگ ءُُ شپ ءَ مدام وتی تحت ءِ پادگ ءَ بستگ ئے۔ پت ءَ اے کروس ءِ نام جبراک کتگ ات۔ جبراک ءِ گردن اسپیت ات ءُُ جند سُہر۔ دراجیں ہار اتنت۔ بُل ءِے سک کسان ات۔
من لوگ ءَ جست کُت کہ کروس کُج اَنت؟
آیاں من ءَ گوشت کہ یک روچے مردمے اتکگ ءُُ آئی ءَ شریں نہادے ءَ کروس زرتگ اَنت ءُُ ما داتگ اَنت۔ بَلے جبراک پمیشکا نہ داتگ کہ اِے پت ءِ دوستیں کروس بوتگ ءُُ پت ءِ یاتگار اِنت۔
من کروس ءِ نزیک ءَ شتاں تہ ملور ات۔ آئی ءَ یکبرے من ءَ انچو چار اِت گشئے زاناں آ منی تہا وتی اصل واہند ءَ شوہازگ ءَ اِنت بَلے گندگ ءَ نہ اِنت۔ من پت ءِ یاتگاریں کروس ءِ سرا دست ایر کُت ءُُ پدا آئی ءِ گردن ءَ ایرمرزگ ءَ بوتاں۔ ہمدا من جیڑ اِت۔ پت ءِ اے یاتگار داں چنت وہد ءَ لوگ ءِ دپ ءَ بندوک بیت۔ سہدارے، باندا اِے ہم مریت۔ من جبراک بوتک کہ بِلے پاداں پچ کنت۔ من چاراں تہ آ تچک ءَ ہما جاہ ءَ شُت کہ اودا پت ءِ تحت ایر بوتگ۔ آ تہ دیراں ہمودا اوشتات۔ بَلے آئی ءَ نہ وتی واہند دیست ءُُ نئیکہ تحت۔
شپ ءَ پت ءِ تحت من زرت ءُُ ہما پیشی جاہ ءَ جَت۔ جبراک ہم آورت ءُُ تحت ءِ پادگ ءَ بست۔ تحت ءِ سرا من وپتاں۔ استاراں چاراں چاراں باریں چونکائی واب کپتاں۔
واب ءَ گنداں تہ پت اِنت کہ کاپر ءِ چیر ءَ اوشتاتگ ءُُ گشگ ءَ اِنت۔
”منی تحت ءُُ جبراک ءَ باندا سہب ءَ من ءَ سر بکن۔ من چہ شما دگہ ہچ نہ لوٹاں ”
من بُست کت، تہ وابے گندگ ءَ بوتگاں۔۔۔۔
سہب ءَ ما تحت زرت ءُ شت،پت ءِ کبر ءِ سرون ءَ ایر کُت ءُ جبراک تحت ءِ پادگ ءَ بست۔ مردماں گشت کہ مردگ ءِ واب ءَ آیگ ءُُ چیز ءِ لوٹگ شر نہ اِنت۔ شما پسے بُکش ات ُُ حیرات بکن ءِے۔ بِلے آئی ءِ دلگوش ہمانگو بیت۔ بَلے من مردمانی گپ گوش نہ داشت اَنت۔
کروس داں چار ماہ ءَ زندگ بوت۔ اِے چاریں ماہاں گوہار ءَ ہر روچ شتگ ءُ کروس آپ ءُ دان کُتگ۔ یک روچے گوہار روت تہ کروس مرتگ۔ آ ہمودا کروس ءَ کل کنت۔
یک شپے گوہار واب ءَ گندیت کہ پت اِنت پدا اتکگ ءُُ لوگ ءِ دپ ءَ تحت ءِے جتگ ءُُ جبراک تحت ءِ پادگ ءَ بندوک اِنت۔ کاپر ہما وڑ اِنت کہ وہد ءَ بوتگ ءُ بیست ءَ چہ گیش کروس کاپر ءِ چیر ءَ بستگ۔ بَلے درستیں کروسانی سر مردمی اَنت۔
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan
💠 سیچن ء یک کار
✍ عابد آسکانی
یک برے من ءَ منی مهربانیں مات ءَ گْوشت: منچُک! مئے دار کُٹ اِتگ اَنت اے بُنڈ کہ لوگ ءِ دَپ ءَ ایراِنت تَل ئِے بہ کن. من دیست کہ چہ منی واک ءُ وس ءَ ڈَن اِنت. من هجبر بُنڈ تَل نہ کتگ. گنتر تَپر ءَ وتی ٹانگ ءَ جناں. پَد ءَ تَپر هم آلامتیں تَپرے. یک بلاهیں کُنٹ بُرّے کہ گوں من نہ چست کنگ بیت نہ ایر کنگ. گڑا من گْوشت منی ماتَل! اِے کُنٹ گوں من تَل کنگ نہ بیت. مهم جان (منی کستریں بْرات) ءَ بگوش همائِـے تَل کنت.
دگہ روچے مئے کَپسول کُٹ اِت مات ءَ گْوشت بیلُک ! مئے کپسول کُٹ اِتگ. ایشی ءِ جاگہ ءَ آ دگر ءَ بہ بَند . من دیست من هجبر اے کار نہ کتگ نے کہ ایشی ءِ سُر ءُ ساز ءَ زاناں. اے هنرے ایشی ءَ منی سَر دَر نہ روت گنتر وتی جند ءَ مانداراں. گڑا همساهگیں جنینے ءَ اے مشکل آسان کُت.
یک برے مئے گْور ءَ لهتے مهمان آتک مات ءَ گْوشت منی چُک! مهمانانی ناهاریگ اَڈ کَنگیگ اِنت. وتی لوگ ءِ دپ ءِ مُرگ ءَ کُشیں شَرتراِنت اَچا مہ دار! کارچ ءَ بہ زیر بکُش ئِـے کہ بے وهد اِنت. من گْوشت ماتی! تو وت زان ئے کہ من وتی زند ءَ دنیگا هچ ساهدارے ءِ ساه نہ گپتگ من ءَ بَزگ بیت. من دگرے پرمایاں کُش ایت ئِـے من مولُک پرمااِت. آ گنده بَچک ءَ هما دمان ءَ هلار کت. کُکڑ ءِ سَرگ سرّاِت ءُ دو گام جاه ءَ کَپت.
همے پیم ءَ دگہ رندے من ءَ یات اِنت کہ منی مهربانیں مات اد ءَ نہ اَت. ترپشیں شیر من ءَ ایدوگ کنگیگ اِت اَنت چوشیں مردمے نیست اَت کہ مئے پس ءَ بدوش ایت ءُ من ءَ بہ دنت گڑا من وتی همساهگ ءِ جَنک مهتی ملک گْوشت کہ پس ءَ من ءَ بدوش ایت ءُ بہ دنت. گوں منی اے گپّ ءَ مهتی شُت پہ کَندگ ءَ. من اجکہ ءُ هیران بوتاں کہ چہ گپّے. من ءَ گْوشت ئِـے واجہ تو بلاهیں مردمے ئے پسی دست چیر کنگ ءُ پَچُلّ کنگ ئے ! هم نہ زان ئے. هما کتره ءَ من ءَ ئِـے دُشت ءُ دات.
یک برے شهمیر ءِ مات ءَ گْوشت کہ بی بی لال بی بی مئے گندُکاں آتکگ. ءُ اِے سالی هامین ءَ گون کَپتگ. هامین وَ "بَش ءُ بُنبر" ءَ وتی هرجان جَت بلے وژنا شیپ ءِ مچ جوڑ اَنت یکّے گهتر کن ءُ بُرّ ءُ بیار بلے پوگسیں ناه بہ بنت .لال بی بی هورکیں دستاں کراچی ءَ مہ روت. ٹیکی یے گون ئِـے بہ بیت.
من گوں شهمیر ءِ مات ءَ گْوشت کہ گپ تئی راست اَنت بلے من مَچ توانے نیاں وتی زند ءَ مچے ءَ سر نہ کپتگاں گنتر کپاں ءُ سْرینوں دوگچّل بیت تو دگرے بگوش. گوں ترندیں گالوارے ءَ من ءَ ئِـے گْوشت شما وتی دل ءَ نامداریں شائراِت ، نَدکار اِت ، وکیل اِت ، زانتکاراِت ، مچّے ءَ لک دات نہ کن اِت. دو دانگ کلونٹ چت ءُ وارت نہ کن اِت شمئے سر اگاں مساپری یے بہ کپ ایت. گڑا شما چون کن اِت. شمئے شهزانتی ءَ چے گْوشت. مردم پهک پهک ءَ "سیچن ء یک کار" هم مہ بیت. چوشیں نابود ءُ ننویں مردم هم شَر نہ اِنت.
من دیست شهمیر ءِ مات ءِ هبر رد نہ اَنت. ما هچ نہ زانیں شهدُک یک چرسی موالی یے. بلے هرچ کارے ءَ بلد اِنت. من اِشکتگ گُد هم دوچ ایت.
همے دَرگت ءَ من وتی مهربانیں مات ءِ ترانگ ءَ کپتاں آئی ءَ هم زانتگ اَت کہ منی چُک سیچن یک کارے بلے ترندین ءُ داگ نالیں هبرئِـے من ءَ نہ گْوشتگ اَت. هو ماتل! تئی مٹ ماں جهان ءَ نیست اے یک گْواچینی گپّے کہ ما ندکار ءُ لچّہ کار سیچن ء یک کار هم نہ ایں ودّلیں نَدکار ءُ ودّلیں لچّہ کاریں دنیا ما را پوڑے هم نہ لیک ایت. یک برے من ءَ یات اِنت یک چرسی ءَ (باریں چرس ئِـے کُٹ اِتگ اِت اَنت چتور) منی سَر ءَ زهر گپت ءُ گْوشت ئِـے کہ تئی بستار چی اِنت. تو کئی پت ءِ شائر ئے ؟ تو کہ دنیا ءِ دگہ هچ کارے نہ زان ئے گڑا تو وتی دل ءَ جزم بزاں کہ تو هچے نہ ئے!!
@Labzank
telegram.me/Labzank
✍ عابد آسکانی
یک برے من ءَ منی مهربانیں مات ءَ گْوشت: منچُک! مئے دار کُٹ اِتگ اَنت اے بُنڈ کہ لوگ ءِ دَپ ءَ ایراِنت تَل ئِے بہ کن. من دیست کہ چہ منی واک ءُ وس ءَ ڈَن اِنت. من هجبر بُنڈ تَل نہ کتگ. گنتر تَپر ءَ وتی ٹانگ ءَ جناں. پَد ءَ تَپر هم آلامتیں تَپرے. یک بلاهیں کُنٹ بُرّے کہ گوں من نہ چست کنگ بیت نہ ایر کنگ. گڑا من گْوشت منی ماتَل! اِے کُنٹ گوں من تَل کنگ نہ بیت. مهم جان (منی کستریں بْرات) ءَ بگوش همائِـے تَل کنت.
دگہ روچے مئے کَپسول کُٹ اِت مات ءَ گْوشت بیلُک ! مئے کپسول کُٹ اِتگ. ایشی ءِ جاگہ ءَ آ دگر ءَ بہ بَند . من دیست من هجبر اے کار نہ کتگ نے کہ ایشی ءِ سُر ءُ ساز ءَ زاناں. اے هنرے ایشی ءَ منی سَر دَر نہ روت گنتر وتی جند ءَ مانداراں. گڑا همساهگیں جنینے ءَ اے مشکل آسان کُت.
یک برے مئے گْور ءَ لهتے مهمان آتک مات ءَ گْوشت منی چُک! مهمانانی ناهاریگ اَڈ کَنگیگ اِنت. وتی لوگ ءِ دپ ءِ مُرگ ءَ کُشیں شَرتراِنت اَچا مہ دار! کارچ ءَ بہ زیر بکُش ئِـے کہ بے وهد اِنت. من گْوشت ماتی! تو وت زان ئے کہ من وتی زند ءَ دنیگا هچ ساهدارے ءِ ساه نہ گپتگ من ءَ بَزگ بیت. من دگرے پرمایاں کُش ایت ئِـے من مولُک پرمااِت. آ گنده بَچک ءَ هما دمان ءَ هلار کت. کُکڑ ءِ سَرگ سرّاِت ءُ دو گام جاه ءَ کَپت.
همے پیم ءَ دگہ رندے من ءَ یات اِنت کہ منی مهربانیں مات اد ءَ نہ اَت. ترپشیں شیر من ءَ ایدوگ کنگیگ اِت اَنت چوشیں مردمے نیست اَت کہ مئے پس ءَ بدوش ایت ءُ من ءَ بہ دنت گڑا من وتی همساهگ ءِ جَنک مهتی ملک گْوشت کہ پس ءَ من ءَ بدوش ایت ءُ بہ دنت. گوں منی اے گپّ ءَ مهتی شُت پہ کَندگ ءَ. من اجکہ ءُ هیران بوتاں کہ چہ گپّے. من ءَ گْوشت ئِـے واجہ تو بلاهیں مردمے ئے پسی دست چیر کنگ ءُ پَچُلّ کنگ ئے ! هم نہ زان ئے. هما کتره ءَ من ءَ ئِـے دُشت ءُ دات.
یک برے شهمیر ءِ مات ءَ گْوشت کہ بی بی لال بی بی مئے گندُکاں آتکگ. ءُ اِے سالی هامین ءَ گون کَپتگ. هامین وَ "بَش ءُ بُنبر" ءَ وتی هرجان جَت بلے وژنا شیپ ءِ مچ جوڑ اَنت یکّے گهتر کن ءُ بُرّ ءُ بیار بلے پوگسیں ناه بہ بنت .لال بی بی هورکیں دستاں کراچی ءَ مہ روت. ٹیکی یے گون ئِـے بہ بیت.
من گوں شهمیر ءِ مات ءَ گْوشت کہ گپ تئی راست اَنت بلے من مَچ توانے نیاں وتی زند ءَ مچے ءَ سر نہ کپتگاں گنتر کپاں ءُ سْرینوں دوگچّل بیت تو دگرے بگوش. گوں ترندیں گالوارے ءَ من ءَ ئِـے گْوشت شما وتی دل ءَ نامداریں شائراِت ، نَدکار اِت ، وکیل اِت ، زانتکاراِت ، مچّے ءَ لک دات نہ کن اِت. دو دانگ کلونٹ چت ءُ وارت نہ کن اِت شمئے سر اگاں مساپری یے بہ کپ ایت. گڑا شما چون کن اِت. شمئے شهزانتی ءَ چے گْوشت. مردم پهک پهک ءَ "سیچن ء یک کار" هم مہ بیت. چوشیں نابود ءُ ننویں مردم هم شَر نہ اِنت.
من دیست شهمیر ءِ مات ءِ هبر رد نہ اَنت. ما هچ نہ زانیں شهدُک یک چرسی موالی یے. بلے هرچ کارے ءَ بلد اِنت. من اِشکتگ گُد هم دوچ ایت.
همے دَرگت ءَ من وتی مهربانیں مات ءِ ترانگ ءَ کپتاں آئی ءَ هم زانتگ اَت کہ منی چُک سیچن یک کارے بلے ترندین ءُ داگ نالیں هبرئِـے من ءَ نہ گْوشتگ اَت. هو ماتل! تئی مٹ ماں جهان ءَ نیست اے یک گْواچینی گپّے کہ ما ندکار ءُ لچّہ کار سیچن ء یک کار هم نہ ایں ودّلیں نَدکار ءُ ودّلیں لچّہ کاریں دنیا ما را پوڑے هم نہ لیک ایت. یک برے من ءَ یات اِنت یک چرسی ءَ (باریں چرس ئِـے کُٹ اِتگ اِت اَنت چتور) منی سَر ءَ زهر گپت ءُ گْوشت ئِـے کہ تئی بستار چی اِنت. تو کئی پت ءِ شائر ئے ؟ تو کہ دنیا ءِ دگہ هچ کارے نہ زان ئے گڑا تو وتی دل ءَ جزم بزاں کہ تو هچے نہ ئے!!
@Labzank
telegram.me/Labzank
Telegram
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
@Rimdan
@Rimdan