.....🌹🌹 وھــــــد🌹🌹......

وھــد جــی ھَــو! وھــد یَــک انچیــں تچــوکیـــں کـــورےءِ دابءَ اِنــت کِــہ آئــیءِ بــے رَھمیــں چَــول مـارا وتــئ امبــازاں کنــانءُ تیــنزیءَ گوما دیــم پَــہ بیگــو اھیءِ زرءَ بــَرنت
وھـد جــی ھو!وھـدیَــک اَنچیــں بـے مِنّتیـــں سنگــتےءِ دابءَ اِنت کـہ اگــاں مـا آئ شــرّی نَــہ کُـت گُــڑا آ گــوں مــزن ایــرموشیءُ سنگــدلیءَ مئے تیــوگیـں وشّــیءُ کیمــتی متـاھاں چمّـا پـچ گیــپت اِنت
وھــد جـی ھـو! وھـد یَـک انچیــں جادوگرےءِ دابءاِنت کــہ آمارا وڑ پَـہ وڑیــں پوشـاکاں بـدل بـدل کنـانءَ پیــش داراِیتءُ وتـی جادوگریءُ رِپکاں چَـہ زنـدگیءِ پُـرّ لِـزّتیــں کیپاں زِبــہرکنائین اِیت
وھـد جـی ھــو!وھــد یَـک انچیــں بُـرّ ناکیــں سـگارےءِ دابءَ اِنت کِــہ آ مئـے ھــر رَپتار،ھــر گُپـتار،ھـر کـِـردارءَ وتــی گِــرپتءَ زورگءَ اِنـت
@Labzank
telegram.me/Labzank

"فردوسی"
فردوسی فارسی زبان ء یک شاعرے بوتگ. آئی ء اسل نام حکیم ابوالقاسم حسن پور علی بوتگ. فردوسی آئی ء لقب انت.
فردوسی 940 ء خراسان ء دمگ ء یک کسانیں میتگی ء طوس ء ودی بوتگ.
آئی ء شاعری ء کتاب ء نام شاھنامہ انت. شاھنامہ ء تہا کساس 60 ھزار شعر نبشتہ انت.شاھنامہ سن 1000عیسوی ء نبشتہ کنگ بوتگ
شاھنامہ ء مانا بادشاہ ء کار کردگی یا کارپد چونکہ اے کتاب ء تہا فردوسی ء ایران ء بادشاھانی کارکردگی ء اود ء دود ء ربیدگ ء بابت ء نبشتہ کتگ پمیشہ اے کتاب ء نام شاھنامہ ایر کنگ بوتگ اے کتاب ء تہا فردوسی ء بازیں گیدی کسہ شاعرانہ اندازہ ء نبشتہ کتگ.
شاھنامہ ء تہا مارا بلوچانی راجدپتر ء بابت ھم جوانیں سرپدی رسیت.
شاہامہ ء تہا فردوشی نبشتہ کنت کہ کوھنیں نام مکا بوتگ ء ایشی ء بنجل بمپور شہر بوتگ مکا ء نام ایران ء بادشاہ ھخامنشی پر کتگ. وھد گوزان بوتگ مکا ء چہ مکران نام کپتگ. فردوسی ء متابک ء مکران دو فارسی لبزاں چہ زیرگ بیتگ ماھی خوراں بزاں ماھیگ وار.
ادے مردمانی وراکی ء وردن گیشتر ناہ و ماھیگ بیتگ.
فردوسی سن 1020 عیسوی ء طوس ء بیران بوتگ.
پٹ ءُ پولکار "امین عاقل"
@Labzank
telegram.me/Labzank

....🌹🌹میـــــر کمبــــر🌹🌹....

میــر کمبــرءِ آرپیــں پـتءِ نام سلیمــان بوتـگءُ آئــی مـکّہ ئـیں ماتءِ نـام سُلطان ھاتــون بــوتگ
اے اومَــر ولـدءِ دوستیــنءِ گــوھار بـوتگ
اے ھَمــے اومَــر اِنت کــہ گــوں مظـفرءَ دسـت پنجـگ بیــتءُ آئـیءَ جنتءُ سیاہ روہ کَنـت
کمبــرءِ لـوگ بانکءِ نـام مــریم بــوتگءُ مـریمءِ پـتءِ نام ھســن بوتگ کـہ سلیمـان بـرات بوتگءُ بُنـکیءَ ھــوت بوتگ اَنت
اے جنــگ اے سـَـوَبءَ بیــت کــہ ســردار مہــراب لنـگ لشکــر کنتءُ چــہ وتــی دَمـگءَ ســراوانءَ دَرکیت
پـہ مالیـاتءِ گِــرگءَ مالـداریـں بلوچـانی دیـم پـہ دیـم دَزّگءِ دَمــگءَ روتءُ اُودءِ مَــردماں مالیــات گیــپت
پدءَ چَــہ اودءَ درکیــتءُ دیــم پَــہ بنـتءُ دھـانءَ ماں فقیــر دادءِ ھَــلکءَ روت کـہ اُودءِ مــردم مالیـات نـہ دَینـت کــہ چــہ ایــشیءَ آ اُودءِ مـــردماں جنـتءُ کُــش اِیـتءُ بـازینـے گِپـتءُ بنـدیگ کَنــت
چَــہ ھَمــے بنـدیگـاں یَـک جنیــن آدمــے بیــت
کــہ آئیءِ دراہ ئیـں مـردم کُشـگ بنـت بلـے آ چــہ مہــرابءِ بنـدیگیءَ رکّ اِیـتءُ وتــی ساہ بـارت پَــہ میــر کمبــرءِ گــوراءَءُ عــرض کنـتءُ چــہ آئیءَ کُمــکّ لوٹ اِیــت
میـــر کمبــر آئـیءِ عــرضءَ گـــوش دار ایـتءُ گُـش اِیـت کــہ مـن ھـَـر پیــم کـن آں اے بنــدیاں پــدءَ تـرّیـن آںءُ آجــو کن آں
نــوں وتــی ھلـکءِ ورنـایاں لوٹائین اِیـت پــہ جنـگءَ تیـار کَنـت کمبــر گــوں وتـی ورنایـاں مہـــرابءِ گــوما جنــگ کَنــتءُ جنــگءِ میــانءَ مہــراب گــوں وتــی لشکــرءَ لگــور تَـرّ ایـتءُ تـچ ایت کمــبر بنــدیءُ مالاں تـرّین اِیـتءُ آجــو کنـتءُ رھـادگ بیـت کــہ مہــراب راہءَ ســرءِ بنـد اِیـت تیــرے جنـت ئے کــہ کمبــرءَ لـگّ اِیتءُ آ ھمــودءَ جَنــگ بیــت
بَلــے آ وتــی بَنــدیاں واتــر کَنـگءَ سوبیــن بیتءُ پـدءَ وھـدے کـہ کمبــر جَنـگ بیـت گُــڑا آئـیءِ پـت سُلیـمان وتــی زَھــرگءَ کار بنــداِیتءُ اے دگــہ مــردماں جـَـم کنـتءُ دیــم پــہ مہــرابءِ نیــمگءَ رھـادگ بیت مہــراب وھــدے ایشـاں گنــد اِیـت گُــڑا ھکّـل کنـت اِش کــہ او کسانیــں چُــکّءُ چــوریاں منــی راہءِ سـرءَ دور بــیا اِت، ،بَــلے سُلیــمان ھَمـا دمـانءَ جــوابءَ گــردیـن اِیـتءُ گُــش اِیـت کہ اے کسـانیــں چُـکّءُ چــوری نـــہ اَنت کـہ تــی راہ اِش بســتگ اے کمبــر اِنت گــوں ھَمــے گپـاں مہــرابءِ چَــم درکا ینتءُ زانت کــہ نــوں پمــن زندگیــں جان نیــست گُــڑا ھُــشکءُ ھیــران بیــت جـانءِ گــوشت ئے ایــر رِچ اِیــت ::گُــڑا کمبــرءِ پِــت گُــش اِیـت ....

اے کمبــر نہ اِنت اے کُنگرے
ســر کُشــتگءُ دم زندگ اِنت
چَــہ ایشــیءَ پـد جنــگ بیــت، مہــرابءُ آئــیءِ پشــت کپتگیــں لشکــرءَ کُــش اِیتءُ پدءَ واتــر کَنــت
اے جَنــگءِ تــہءَ کمبــرءِ ماتءِ ھَــم مـزنیــں کــردے ھست کــہ آ کمبــرءَ را گُشیــت کــہ اگاں تــوجنگءَ جَنــَگ بـہ بئے گُــڑا مــن تئـی مــرگءِ ســرءَ مــوتک نــہ کــن آں بلکیــں تــرا پــہ ھَــلو ھـالو کبــرءَ بــرآں ـ بَلــے اگـاں تو لگــور بـہ بئے گُــڑا منــی شیـــر ھَــم تــرا پــِہل نـہ ینت، اگا‍ں تـو گنــدلءِ ســرءَ مُــرت ئے مَنــی شیــر تـرا ھپــتاد بـرءَ ھــرام بات اَنت
@Labzank
telegram.me/Labzank

بلــوچســتان نمیــران انـت 🌴
مبـــارک کــازی
تناوھدی کہ دل آزاتی ءِ جھد ءِ زھیران انت
تناوھدی کہ شانتل وش گوشیں بز ءِ کھیران انت

تناوھدی کہ بولان سرمگیں گوں نپت ءُ بیران انت

بلـوچسـتان نمیـران انـت
بلـوچسـتان نمیـران انـت

تناوھدی کہ روچ ءِ رژن مھر ءِ برمش درشان ایت
ماں زلم ءِ سیہ شپاں جھدانی ڈیوا رُژنا مان ایت

بلوچ ءِ زھگ زرتاکیں کتـاب ءَ واھگ ءِ وان ایت
پہ نوکیں زندمان ءَ جھد ءُ مھر ءِ تانجواں تان ایت

دل ءَ وت واجھیں روچ ءِ مراد ءِ یات گیران انت
بلـوچسـتان نمیـران انـت
بلـوچسـتان نمیـران انـت
نـپ ءُ تـاوان یـک انـت
درد ءُ رنـج ءُ شـادمـانـی یـک

بلــوچســـتان نمیــــــران انــت.
نبیسـوک/ ھـارون اخــلاقـی@
🌴 کــــورُشـــــیں گــــال 🌴
لبـزانکـی مجلس کلمتـی کاروان.

.........🌹حکمـــــت(1)🌹......

مال پَــہ زنــدءِ آسیــدگی اِنت نئے کـہ پَــہ مـالءِ یکجــاہ کَنــگءَ

دانائے جُســت اِش کُـت نِگبــھت کئــے اِنتءُ شــوم کُجـام اِنت
پـَسّـــوئے دات:
نِگبھــت آئنت کــہ وت بــوارتءُ پَــہ آخــرتءَ بــہ کِشیــتءُ شـــوم آئـنت کــہ وت مــوارتءُ بــہ مِــریتءُ مـالءُ زرّاں پــہ دگــراں ایــر بـہ کَنـت

مہ کن نماز بر آن ھیچکس کہ ھیچ نکرد
کہ عمـر در سر تحصیل مال کرد و نخورد

بــزانت""پـہ چُشیــں مردمءِ جنازہءِ نمازءَ مـرو کـہ ھـچ ئے نـہ کُـت نئے وت ئے وارتءُ نئے دگــریءَ داتئے کُت
کــہ زنـدئے پــہ مالءِ یکجاہ کنـگءَ گـوازینتءُ وت ھـچ ئے نـہ وارت

محمّـد یـوسُف انیــس
کتـاب دَانکانی گنــج
@Labzank
telegram.me/Labzank

🌹🌹(پَنـــــت)🌹🌹

بــے پَہـــریــزیـں عالمءِ درور کــورے کــہ چــراگءِ دسـتءَ اِنت (وت ھیــچ نــہ گنــدیت بــلے مــردم چــہ آئیءِ رُژنءَ بَہــر گـرنتءُ راہءَ در گیــج اَنت

بے فائدہ ھـرکـہ عمـر در باخـت
چــــیزی نخـرید وزر بیانداخت

بــزانت""ھـر مردمـے کــہ بـے فائـدہ وتــی زنـدءَ ھــرجان بــہ کنت
ھما مـردمءِ داب اِنـت کــہ دکان دارءَ زَرّ بـہ دَنتءُچیــز مــہ زیـریت

محمّـد یوسف انیــس "
کتـاب"" دَانکانی گــنج

.........🌹🌹پَنــت🌹🌹..........

ھَــر رازءَ وتـی سنگـتءَ مَـہ گُــش، بیـت کَـنت کـہ روچے تــئ دژمِــن بـہ بیتءُ ھَــر تکلیــفءَ وتـی دژمـنءَ مـہ رسیــن کـہ بلکیــں یَکــروچے گــوں تو دوسـت بـہ ببیت (آ وھـدی پشــومان بئے)
رازے کِـہ تـو چیــردیگ لــوٹے گــوں کــسءِ مــہ گُــش اگـاں چَــہ نـزّیـک تــریـں دوستـے بِـہ ببیت چیـا کِــہ آ دوسـتءَ دگـہ نــزّیکیــں دوسـت ھــستءُ ھَمـے پیــم آ دگـراں

کتاب" دَانکـانی گنــج
محـمّـد یــوسف انیـــس
@Labzank
telegram.me/Labzank

.......🌹🌹گُشـــــتن🌹🌹......

⬅ مَــن ھَبـــر زاناں زوراکیـــں ھاکمءِ دیمءَ انّاں
⬅ کینــگءِ آس نــہ سوچ اِیت وتـی جنــدءِ آس اِنـت کــہ مــردمءَ ســوچ اِیت
⬅دلءَ کــہ ھیــل کُــتگ رنجـاں وشّیــاں نَــہ زیـراِیـت
⬅ زنـدگی چِــراگءِ وٹّ اِنت الّــم روچـے مِــراِیت
⬅ پاد گــران مَــہ بنت منــزل دور نَــہ اِنت
⬅ کِــرد آدینــکءِ شــرّءُ گنــدگءَ پیشــداراِیـت
⬅ مَــرد پَــہ کـارءَ چـمّاں جَہــل نَـہ جَنـت
⬅ دل نـادان اِنت کــہ دُژمــنءِ پنتـاں کَپــتگ
@Labzank
telegram.me/Labzank

..........🌹🌹چـاچ🌹🌹......

⬅ دَر کُتـگ چــہ کـوہءَ
تَــر کُــتگ مـاں آپءَ
ھــور کُتــگ گــوں آسءَ
ناستگ ماں چمّاں
(سُـر مگ)


چیـــزےھــست، بـے پـادءَ گــرداِیت
(مـار)
@Labzank
telegram.me/Labzank

کوریں چاگِرد ءَ منی بستار نیست
سرپدیں دیوانگ ءَ بازار نیست

پَھر بنداں چوں وتی دوست ءِ سرا
وھدے جِند ءِ ساھگ ءَ اتبار نیست

ما اگاں لُنٹے سُرین ایں برانز گیپت
لاڑُکیں وھد ءَ ھچ اوپار نیست

چہ من پیسر گُلزمین روچ ءَ کُشیت
آزمان ءِ گُڑگ ءَ استار نیست

درپہ در گرداں گنوکانی وڑا
درد ءِ شھر ءَ واھگ ءِ دربار نیست

چو لَد ءَ ویرانگیں چیپاں چر اِیت
بسمل ءِ پُرس ءَ گِرے ءُ زار نیست

منزور بسمل
@Labzank
telegram.me/Labzank

........🌹🌹وشکنــــد🌹🌹......

اُستـاد گــوں شاگـردء:َ تــئ اے نبشتـانک ســرجمیءَ ھــراب اِنت، مَــن تــئ پِـتءَ ھــال دیـاں
شــاگرد:واجــہ نبشــتانک منــی پِـتءَ نبــشتہ کُــتگ😂😂
@Labzank
telegram.me/Labzank

...🌹🌹سَیــدءُ بلــوچی🌹🌹...

انچــو گُـش اَنت کـہ یکــرندے سیــد ھاشمـی گــوں وتـی جــنءُ چُکّـاں کــراچیءَ رکــشہءَ ســوار بیـتءُ جـاگہــےءَ روگءَ بنتءُ رکــشہءِ تـہا سَیــد گــوں وتــی چُکّاں بلـوچی زبانءَ ھبــر کنگءَ لگّ اِیت
گُــڑا رکشــہءَ والا باریــں چــہ کومے بیــت آ سگّ اِت نکنـتءُ آئـیءَ بــرداشت نـہ بیـتءُ وتـی دلءَ داشت نــہ کنـت سیــدءَ گُــش اِیت،،شُمـا کجـام زبـانءَ گـڑ گڑ کنـگءَ اِت؟،،
سیــد رکــشہ والاءَ دیــمءَ کنــتءُ گُـش اِیت کــہ تـو لوگءَ روئے گـوں وتـی چُکّاں کُجـام زبانءَ ھبــر کـن ئے؟
رکــشہ والا گُــش اِیت کــہ وتـی زبـانءَ ھبــر کـن اِیـں،گُــڑا سیــد گُــش اِیت کـہ مـنءَ را ھـم وتءَ زبـانے ھـستءُ مـن پــرچہ شُمــے زبانءَ گَـپّ بـہ جنـاں؟
ھَمــے گَـپّءَ گــوں سیــد بد بارتءُ رکشــہ والاءَ گُــش اِیت کــہ بـدار،سیــد گــوں وتــی چُکّـاں چـہ رکشــہءَ ایــر کپ اِیتءُ مِیلّــے راہءَ گــوں وتــی چُکّـاں پیـادگءَ روت
@Labzank
telegram.me/Labzank

یَــک آشــوبـے آرگ بـات
نیــکءُ بـَـد پجّارگ بـات

نــامــداریـں بـَد کرداراں
چَمّ سُہرےپیشدارگ بات

وانـنـدھیــں بـے بــوداں
ھَـر جاھـے ڈوبارگ بـات

راجءِ پَنــدل بـــازانی
ھر رِپکءَ را مارگ بـات

سَـر داں پادءَ بے ائیبیں
زِنـدءَ را پلــگـارگ بـات

ڈیھءِ ھـرچ سِنـگءُ ڈوکءَ
چُکّگءُ چَمـّـاں دارگ بـات

سـاھر وازمنــــدیـں زنداں
آہ بـات نــئے اُپـّارگ بـات

مـــراد ســــاھر
@Labzank
telegram.me/Labzank

کُل تکانسر مَدگءُ مور سلیمان کُج اِنت
ترانگءِ تہتءِ روان شاہءِ پَریان کُج انت

اِدا کُل ششتگءُ ساپ اَنت گوں بہشتءِ آپءَ
من وَ دمبرتگاں درگیجگءَ شیطان کُج انت

انشپی توکہ نیاتکئے پہ گدارے ڈنّءَ
ماہ چو بانورءَ پِراتکگ بلے مہکان کُج اِنت

واہگءِ شہرءِ طبیباں چے کسے جست بکنت
آس پِرداشتگیں دردءِ منی درمان کُج اِنت

تو ماں تیربستگیں اولاکاں سوارئے گردے
سرکماش مُلکءِ منی لوگءِ نگہپان کُج اِنت

مردمے نیست کہ تئی لوگءِ پُراں آپ بہ جنت
قاضی مپتءَ تو گلگدارے مسلمان کُج انت
🌴مبارک قاضی🌴
@Labzank
telegram.me/Labzank

......🌹🌹 پَنـــت🌹🌹.....

ھـر کـس کــہ گــوں دژمنـاں صلــحءُ تــران بکنت وتـی دوستـانی رنجــینگءَ لوٹ اِیت

بشو ای خردمند از آن دوست دست
کہ بـا دشـمنـانت بـود ھــم نشــست
شــیخ سعـدی
بـزانت"او دانـا!چــہ آ سنگـتءَ دلءَ بشــود کــہ گــوں تــئ دژمنــاں ھـم نیـاد اِنت
کتــاب""دَانکـانی گنـــج
محمـّد یــوسُف انیـــس

....تو چی گوش ئے ...

دل ءَ دیاں دل ءَ براں تو چی گوش ئے
دل ءِ بدل دل ءَ دیاں تو چی گوش ئے

پہ سِتک ءُ دل رزا ءُ وش دل ءَ بہ بئے
من کازی باں شر ءَ جناں تو چی گوش ئے

وت ءَ ءُ درستاں دائم ءَ بے ھوش باں
زھیرگاں پر تو زراں تو چی گوش ئے

گوں سیاہ تابیں مارپیچیں زلپ ءِ تئی
پتاتگ دل من مھپراں تو چی گوش ئے

بہ لوٹ ئے تچک ءُ راستیں تو ھبر اگاں
دل ءَ چہ درستاں در کناں تو چی گوش ئے

دل ءَ نہ انت دل ءِ دیگ اگاں شوھاز
جناں من ڈیکو ڈنگراں تو چی گوش ئے

@@ یاسین شوھاز @
20/12/2002

.........🌹🌹زنـــد🌹🌹.......

اِنســانءِ زنـدءَ یــک مقصــدءِ بـہ بیت- پیــداک بئیـگءُ ورگءُ وپســگ زنــدءِ نـام نـہ اِنـت-
منــی نـزیکءَ زنـدءِ شــریں ءُ راستیــں کــرد ایـش اِنت کــہ ھــرچ انســان انسـانیتءِ کـارپـداں چـہ ســرپدءُ وانـگءُ زانـگءَ چــہ ھـم زانـوگر بـہ بیتءُ زنـدءَ یـک مقصـدءِ جــوڈ کنـــگءِ جھــدءَ بـہ کنـت
دُنیـاءِ تــہا ھمـا مــردم کـامیـاب بنـت کہ آہـاں زنـد پــہ یـک مقصــدے ایــر کُتــگءُ مقـصدءِ حـاصل کنـگءَ ءِ واســتءَ روچءُ شـپ جُہــد کنت
رجـانک: شعیــب احمـد
تاکبــند:کُمـب زہــران
@Labzank
telegram.me/Labzank

سد سھریں سلام بلوچی لبزانکءِ نمیران ءُ بوھیریں سرءَ
سد سلام وانگ ءُ زانگءِ پیامبرءَ
سد سلام بلوچ بلوچی ءُ بلوچستان ءِ چاگردءِ ھما شیدا ءُ آشکءَ کہ چہ وتی آریپیں سرءَ سرگوست بلے پد نہ کِنز ات
سد سلام سباہءِ پہ وتن دیوانگیءَ کہ ھمے دیوانگیءَ سباہ نمیران کُت
منی بیل ھمبلاں منءَ چوشیں المی ءُ لبزانکی بالادے نیست کہ من بلوچ بلوچی ءُ بلوچستان ءِ مستریں آشک ءُ شَیدا ءِ سرءَ گپے بجن آں
چیءَ کہ اے آشک ءُ شَیدا ءِ بستار ءُ بالاد منی دوئیں دانکانی مُھتاج نہ اِنت
سبا سبا ات سبا زانت ءُ زانگءِ دریاے ات سبا مارشست جھلانکی پراہ شاگان ات
سبا ءَ درد مارگ زانتگ ات سباءِ درد یکے نہ ات
بس کن شہِ دیوانگی ءِ باج
چہ تو مستریں آشکاں بُرت
سباءِ درد سئے درد ات آں ھر درد چہ دومیءَ چو تھار ءُ دراجیں شپءَ مستر ات
اولی درد بلوچیءِ نپس گیریں درد ات
سبا پہ بلوچیءِ پد منتگی نزوری ءُ نابودیءَ سک باز پدرد ات
کہ چہ وتی ھمسر ءُ ھمساھگاں پُشتءَ پشت داتگ ات ءُ دھرءِ تُرند ءُ تبدیں گوات ءُ مُجاں گار ات
سبا ءَ درد سرجمیءَ مار ات کہ اے درد بلائیں درد ءُ ویلے چوش مہ بیت کہ من ایمنی بِنندان ءُ بلوچی دھرءِ مُجّاں گار ءُ بیگواہ بہ بیت ءُ بلوچ شِگانیگ بہ بیت کہ بلوچ است بلے گُنگ اِنت زبان نیست
سباءَ مار اتگ کہ بلوچءِ مُچی ءُ تپاکیءَ بلوچیءِ کِرد بلائیں بستارے دار اِیت
پہ ھمے ھاترہ دیوانگیں سباءَ وتی سپر بِندات کُت
سباءَ پہ بلوچی ءُ بلوچیءِ مڈی آنی رکھینگءَ یک ادارہ ئے پکار ات بلے پہ بلوچی نامءَ ادارہ جوڑ کنگ ارزان ءُ آسان نہ ات
پرچا کہ سند ھکومت ءُ بلوچستان ھکومتانی تہءَ اے بود باشت نیست ات پہ بلوچی ءُ بلوچیءِ کُھنیں مڈی آنی رکھینگءَ سباءِ ادارہ سید ھاشمی ریپرنس لائبریریءَ ماڑی ئے جوڑ بہ کنت ءُ بِدنت
ءُ اسلام آباد ءِ سرکار بلوچیءِ پدانی سوچگ رندا ات چہ آئیءَ چوشیں امیت دارگ وتءَ بے شون کنگ ات
سباءَ نمیرانیں شہسسا سید زھور شاہ ھاشمیءِ کبرءِ سرونءَ اوشتات. ءُ سیدءَ کَول دات کہ تئی نیم بُندگیں کاراں من سرجم کن آں.
سباءَ ھما روچءَ کہ سید کبر ءَ چہ واتر بیت پہ وتی زبانءِ موکگءَ لوگ لوگ میتگ میتگ دمگ دمگءَ شُت
پہ بان ءُ ماڑی جوڑ کنگ بجاری کُت پنچ کلدار ءُ دہ کلدار ھم چہ مرماں زُرت.
کراچی ملیر سندءِ ھما دمگاں کہ بلوچ جاہ منند ات ھمودا شُت
پنجاب ءِ بلوچ دمگ ءُ سرجمیں بلوچستان پہ پاد گول ات.
ایران مزن ھور ءُ داں یورپءَ سر بیت واجہ وتی پکیری تَب ءُ شیریں لِسانءَ کسءَ ناں کُت نہ کُت.
سرجمیں دنیاءَ بلوچانی گورا پوڑی ءُ بجاری گرگ بیت بلے اے بجاری تہءَ اے گپ ءَ بلوچ مھلوکءِ دلءَ گیشتر جاہ کُت کہ نمیرانیں سباءَ وتی بجاری کُتگیں زرانی ھساب داد کلدار کلدارءَ نبشتءَ کُت ءُ ماہ تاک ھال تاک ءُ روتاکاں دات کہ اکبالءَ سد کلدار دات سلمانءَ پنچ سد ءُ ھالدءَ ھزار کلدار دات.
ءُ پہ بلوچ راجءَ چہ اِشیءَ مستریں ءُ وشتریں گپ نیست ات کہ اولی رندا گِپتگیں زرانی ھساب داد دئیگ بیتگ ءُ مستریں گپ اے ھساب داد ءِ ھمیش ات کہ استادءَ چہ اے زراں یک کلدارے ھم پہ نول یا کرے وردن یا دگہ ھرچ نہ کشتگ ات.
استادءِ اے کار ءُ کردءَ استادءَ چہ بلوچ راجءَ انچیں بے دروریں مہرے بکشات کہ بلوچ لبزانک ءُ بلوچ راج تہءَ کُسّءَ نہ رس اتگ ات.
استادءَ سرجمیءَ وتی اولی وابءَ مانا بکشات ءُ سید زھور شاہ ھاشمی ریپرنس لائبریری سرجم بیت.
استاد ملنگ ءُ دیوانگی ات کہ پہ بلوچ لبزانک ءُ بلوچی زبانءِ دیمروئی ھاترءَ بے لب ءُ نامءَ کارا ات اِشیءِ مستریں درور ھمش ات کہ لائبریری جوڑ کنگءَ رند یک کابینہءِ جوڑ کُت ءُ لائبریری ءِ واگ چہ وتی دستءَ چِست کُت ءُ کابینہ ءِ دستءَ دات ءُ وت ناں پاگواجہ بیت ءُ نہ سرکماش ءُ نہ کارمستر وت تھنا یک رابتہ کاردارءِ اُگدہ زُرت بلے وتی زندءَ گیشتریں کار وت کُت انت بلے وتارا کابینہءِ ھر پیسلہءِ منوگر لیکتگ ات.
بس استادءِ پلسپہ ھمیش کہ مہر بکن ءُ مُز مہ لوٹ.
ھمے بلوچیءِ مہر ات کہ پہ بلوچاں ءُ بلوچیءَ اے بان تھنا دو کوٹیءِ بانے نہ ات پہ بلوچ ءُ بلوچیءَ کوھیں کلاتے ات کہ مروچی ھم اِشی ساھگءَ ھزارانی ھساب بلوچی ند کار ءُ بلوچ نودر بر اِلم ءُ لبزانک ءِ پِڑءَ وتی المی ءُ لبزانکی تُنءَ پُروشگ ءُ دیمروئی کنگ انت.
دومی درد بلا زیریں درد ئی ات کہ بلوچءِ درد ات بلوچءِ پدمنتگی ءِ درد ات بلوچءِ بے کسیءِ درد ات بلوچءِ بے المی ءُ نا وانندھی درد ات کہ بلوچ چہ وتی ناوانندھیءَ پُشتءَ پشکپتگ پمے ھاترءَ سباءَ وتی کار ءُ کسبءِ گچین پہ استادے ءَ کُت ءُ بلوچستان یونیورسٹی شالءَ لیکچرار ے کار گِپت ءُ وتی راجءَ اِلم بکشات ءُ استاد روایتی استادے نہ ات استادءِ لوٹ ءُ واھگ ھمیش ات کہ نودربر وانگ ھمراھیءَ زانگءَ وتی چیدگ بہ کنت زانگ سسا چہ پاکستانی کالیج ءُ یونیورسٹی آنی کاگدے ڈگریاں چِہ دیمتر اِنت
استادءَ گوں وتی جھد کار ءُ کردءَ وتی نودربرانی دِلءَ مزنیں اذت ءُ شرپے گِپت استادءِ نودربر سرجمیں بلوچستان ءَ

است انت شھادت رند استادءَ کندیل نام داتگ اش کہ آیانی گوں استادءَ وتی نمیرانیں مھرءَ پدر کنت.
سیمی درد ھما درد ات کہ بازیں مھلوکءَ اے درد ءِ درد ءِ نام گرگءَ زمستانی تپ گِپت.
اے درد بلوچستان ءِ درد ات بلوچستان ءِ مھلوکءِ بدھالی ءِ درد ات بلوچستان ءِ لُٹ ءُ پُلءِ درد ات
بلوچستان ءِ مڈیانی بانگ ءُ بھر ءُ رُپت ءُ روپءِ درد ات
بلوچستان ءِ بچانی بیگواھی ءُ ٹپ ٹپ زدگ زدگ ءُ دلبند جگرانی گوں تیراں سُمبگءِ درد ات.
بلوچ رھشون بلوچ ورنا بلوچ نودر برانی کُشت ءُ کوشءِ درد ات بلوچستان ءِ بندیگیءِ درد ات.
اے ھما درد ات انت کہ پہ نمیرانیں سباءَ سگگ بیتگ ات انت ءُ ناں چم بند کُت کنگ بیتگ ات.
پمیشکہ اے ملنگ ءُ دیوانگءُ .شَیداءَ اے درد ھم وتی درد لیک ات
استاد سک پدردیگ کہ منی نونھالیں نودربر ءُ نوک بروتیں ورنا بیگواہ کنگ ءُ کُشگ بئیگءَ انت من چوں ایمنی نِشت کناں.
انچو کہ شھسسائیں سیدءَ گوشتگ ات کہ
وش نئیتکانی ردیں کار اَنت کہ سروں رھن اِنت انگت
داں نہ موکانی میاری چوٹواں رنداں چتور.
استادءَ ھم وتی سرین بست سرکارءِ اے امل ءُ کارے ھلاپءَ وتی کلم وتی سِلاہ کُت چہ وتی نبشتانک ءُ گُشتانکاں آس روک کُت ھمک جلسہ ھمک ریلی ھمک شھیدءِ جنازہ ءَ استاد ساڑی ات.
اے کار پہ سرکار ءَ نا وشیں کارے ات پمیشکہ سرکار نمیرانیں استاد شھید کُت.
ءُ استاد یکشیگیں واستہ نمیران بیت ءُ بلوچانی تھاریں دِلاں چو کندیلءَ روک اِنت ءُ رھشونی کنگ اِنت.
سنگتاں شمے باز وھد نزیراں بلے اِداں یک دو گپ المّءَ گیشگیوار کنگی اِنت کہ سنگت ھاس من لائبریری ءِ سنگتاں گوشگ لوٹاں کہ استادءِ جھد ءُ ھزمتءَ یک پہناتیءَ مہ چار ات اے گوں استاد ءُ لائبریری ءَ نا اِنساپیءِ بیت. ءُ
منءَ اے گپ ھم بژن بیت کہ بازیں سنگتے گوش اِیت کہ استادءِ لبزانکی کار لائبریری ءِ کار وت بلاھیں کار اتاں استاد پرچا جزباتی بیت سیاست ءِ آس گواریں راہ شُت ءُ وتءَ شھید کنائنت.
من اِشیءِ جوابءَ اے گوشاں کہ سبا بلوچ بلوچی ءُ بلوچستان ءِ دیوانگ ءُ آشکے بیتگ دیوانگانی گورا زندگی ءِ کَچ کئیل دگہ بنت.
شھسائیں سیدءَ پہ ھمشاں گوشتگ کہ
سُچے شر بِسُچ پُر بہ بئے کہ سرسُچگ بے ننگی ئے.
مئے چاگردءَ کامیابی ھمشیءَ گوش انت کہ شریں لوگے بہ بیت چار شش چُک بہ بنت گاڑی ئے بہ بیت بینکءَ زر بہ بیت وشیں زندے بگوازین ایت ھما کامیاب اِنت.
استادءِ منزل ھمے کامیابی نہ بیتگ.
استادءِ منزل نمیرانی بیتگ ءُ نمیران آشک ءُ دیوانگ بنت
گوں شئرءَ وتی گپاں گونڈ گراں
واب گِنداں کہ باں اُبینگ
بس تئی ھیال ءُ تئی شُبینگ
منتوار
اکبال ھاشمی

..........🌹🌹بتـــل🌹🌹.. .....
⬅ :بــے دلیـــں مــردم چــہ مـادرءِ مــوجودءَ مــہ بات
⬅:بــہ مـِـر پــہ ھمـائءَ کـہ مـراِیت پہ تو
⬅:سَئـیدچَــریت بـلے چـمءِ پــہ مـاتکوہءَ سـکّ اَنت
⬅:بَـلُّک کــہ بـاز بنـت چُـکءِ سـر لـونڑ بیـت
⬅:مـار وتــی ھــونڑءَ تچــک اِنت
@Labzank
telegram.me/Labzank