‏فایل صوتی از طرف ساسان

شاعر: سمین کلمتـی
گلوکار: اقبال صابر

باه برداشت نکنید شعر قشنگیست از ایرج میرزا




 آﻥ ﺷﺐ که ﺗﻮ ﺭﺍ ﮐﺮﺩﻡ
ﺩﺭ ﮔﻮﺷﻪ ﯼ ﺍﯾﻦ ﺧﺎﻧﻪ
ﺍﺯ ﺧﻮﺍﺏ ﺧﻮﺷﺖ ﺑﯿﺪﺍﺭ؟؟
〰〰〰〰〰〰
ﮔﻔﺘﻢ که ﺑﺨﻮﺭ ﺍﯾﻨﺮﺍ
ﺳﺮﺥ ﺍﺳﺖ ﻭ ﭘﺮ ﺍﺯ آﺏ ﺍﺳﺖ
ﺍﯾﻦ ﺳﯿﺐ ﺧﻮﺩﻡ ﭼﯿﺪم
ﺍﺯ ﺁﻥ ﻃﺮﻑ ﺩﯾﻮﺍﺭ
〰〰〰〰〰〰

ﺧﻮﺭﺩﯼ ﻭ ﺧﻮﺷﺖ آﻣﺪ
ﺧﻨﺪﻩ به ﻟﺒﺖ آﻣﺪ
ﮔﻔﺘﯽ که ﺑﮑﻦ ﺣﺎﻻ
ﺗﻌﺮﯾﻒ ﺍﺯﯾﻦ ﺩﯾﺪﺍﺭ
〰〰〰〰〰〰

ﯾﺎﺩﺵ ﻫﻤﮕﯽ ﺧﻮﺵ ﺑﺎﺩ
ﻣﯿﺪﺍﺩﯼ ﻭ ﻣﯿﮑﺮﺩﻡ
ﺗﻮ ﺩﺭﺱ ﻣﺤﺒﺖ ﺭﺍ
ﻣﻦ ﮔﻮﺵ به ﺍﯾﻦ ﺍﻗﺮﺍﺭ
〰〰〰〰〰〰

ﻣﻦ ﻋﺎﺷﻖ ﻭ تو ﻋﺎﺷﻖ
ﮔﻔﺘﻢ که ﺑﺪﻩ، ﺩﺍﺩﯼ
ﻭآﻧﮕﺎﻩ ﻓﺸﺮﺩﻡ ﻣﻦ
ﺩﺳﺘﺎﻥ ﺗﻮ ﺭﺍ ﺍﯼ ﯾﺎﺭ
〰〰〰〰〰〰

ﺷﺐ ﺑﻮﺩ ﻭ ﻧﻔﻬﻤﯿﺪﯼ
ﺩﺭ ﭘﺸﺖ ﺗﻮ ﺑﻨﺸﺴﺘﻢ
ﺗﺎ ﺻﺒﺢ ﺗﻮ ﺭﺍ ﮐﺮﺩﻡ
ﻫﺮ ﻟﺤﻈﻪ ﺩﻋﺎ ﺑﺴﯿﺎﺭ
〰〰〰〰〰〰

ﯾﮏ ﻟﺤﻈﻪ ﻧﻔﻬﻤﯿﺪﻡ
ﺁﺏ آمد و ﺭﻭﯾﺖ ﺭﯾﺨﺖ
ﻓﻨﺠﺎﻥ ﭼﭙﻪ ﺷﺪ ﯾﮏ ﺩﻡ
ﺍﺯ ﺩﺳﺖ ﻣﻦ ﺑﯿﻤﺎﺭ
〰〰〰〰〰〰

ﺍﻧﮕﺸﺖ ﺧﻮﺩ آﻭﺭﺩﻡ
ﮐﺮﺩﻡ ﻫﻤﮕﯽ ﺳﯿﺨﺶ
ﺗﺎ ﺑﻬﺮ ﺗﻮ ﺑرچینم
ﯾﮏ ﺷﺎﺧﻪ ﮔﻞ ﺗﺒﺪﺍﺭ
〰〰〰〰〰〰

ﺩﺭ ﺩﺳﺖ ﺗﻮ ﻧﺴﭙﺮﺩﻩ
ﺗﻮ ﺩﺍﺩ ﺯﺩﯼ ﺍﯼ ﻭﺍﯼ
ﮔﻔﺘﯽ که ﺑﮑﺶ ﺑﯿﺮﻭﻥ
ﺍﺯ ﻧﺎﺧﻦ ﻣﻦ ﺍﯾﻦ ﺧﺎﺭ
〰〰〰〰〰〰

ﭼﻮﻥ ﭘﺮﺩﻩ به ﺑﺎﻻ ﺭﻓﺖ
ﺗﻮ ﺩﺍﺩ ﺯﺩﯼ ﺩﺭ ﺩﻡ
ﺑﯿﺮﻭﻥ ﻫﻤﻪ ﺭﻭﺷﻦ ﻫﺴﺖ
ﺍﺯ ﻧﻮﺭ ﭼﺮﺍﻍ ﺍﻧﮕﺎﺭ
〰〰〰〰〰〰

ﮔﻔﺘﻢ که ﺑﺮﻭ آﻧﻮﺭ
ﺑﺮﮔﺮﺩ ﻭ ﺑﮑﺶ ﭘﺎﯾﯿﻦ
ﺍﺯ ﭘﻨﺠﺮﻩ آﻥ ﭘﺮﺩﻩ
ﮐﯿﻦ ﻧﻮﺭ ﺩﻫﺪ ﺁﺯﺍﺭ
〰〰〰〰〰〰

آن شب، ﺷﺐ ﺧﻮﺑﯽ ﺑﻮﺩ
ﻫﯽ ﮐﺮﺩﻡ ﻭ ﻫﯽ ﺩﺍﺩﯼ
ﻣﻦ ﮔﺮﯾﻪ ﺑﺮﺍﯼ ﺗﻮ
ﺗﻮ ﻋﺸﻖ به ﺍﯾﻦ ﺩﻟﺪﺍر
〰〰〰〰〰〰

ایرج میرزا
ـــــــــــــــــــــــــــــــــــ

آ شپ کہ ترا کُت من
اے کُڈُّک ءِ کُنڈیّ ءَ
اچ وپتگیں واب ءَ چے
آگاه ءُ پدا بیدار
﹌﹌﹌﹌﹌﹌﹌
گْوشتوں: کہ بِگِر بْواری
زَنڈ اِنت ءُ عجب دْراج اِنت
اے موز چِتگ من وت
سوگاتے پہ تو دوستدار
﹌﹌﹌﹌﹌﹌﹌﹌
تو وارت ءُ ترا وشّ بیت
بچکندے جتگ پُلّیں
تو گوشت: بکن انّوں
توصیف ءَ چَرے دیدار
﹌﹌﹌﹌﹌﹌﹌﹌
تهتال پہ مراد بات اَنت
تو دات ءُ کتگ شَرّ من!
تو درس ءِ وفا جانی
من گوش پہ اے اقرار
﹌﹌﹌﹌﹌﹌﹌﹌
من عاشق ءُ تو عاشق
گوشتوں: کہ بدئے! تو دات!
من گپتگ ءُ شَرّ پْرِنتک اَنت
تئی دست دوئیں ائے یار
﹌﹌﹌﹌﹌﹌﹌﹌
شپ تار اَت ءُ تو بے سُدّ
نِشتاں مں تَئیِ پُشت ءَ
داں سُهب ءَ ترا کُرتگ
من نیکیں دعا بسیار
﹌﹌﹌﹌﹌﹌﹌
یک وهدے نہ کت دلگوش
آپ اتک تئی سر ءَ رِتک اَنت
آپانی گلاس کپتگ
اچ دست ءِ من ءِ بیمّار
﹌﹌﹌﹌﹌﹌﹌
آؤرت اَں وتی لنکُک
شِلّ کُرت اَں چو گُلمیهـ ءَ
داں پَر تو چِن آں پِنچے
وژبوئیں گُل ءِ ڈولڈار
﹌﹌﹌﹌﹌﹌﹌
تئی دست نہ رَست دلبر
پِریات تو کُت ءُ گْوشتگ:
جَلدی نوں پَدئے دَر کَن
کُت کُنٹَگ ءَ دست بےوار
﹌﹌﹌﹌﹌﹌﹌﹌
پرده پہ گْومے لانتکگ
پریات تو کتگ سَهت ءَ
لوگ ءَ چہ دَروں رُژن اِنت
اچ نور ءِ شَمع ءَ بازار
﹌﹌﹌﹌﹌﹌﹌
گْوشتوں: کہ برو آنگو
واترّ ءُ پدا کَشّی
تو پرده ءَ بَر جَهل ءَ
تا رُژن مہ دات آزار
﹌﹌﹌﹌﹌﹌
آ شپ چوں عجب وشّ اَت
من کُرتگ ءُ تو داتگ
من زاری ءُ پریات دوست
تو درس ءِ وفا دلدار
*************


*رحـــــمـــــن نـثــــار*

جَنین چُکّے لیلوک
لیلو لیل مَنی مَھرَنگا
مَھرَنگیں بُلور بالادا
ھور و پِرِشتِگانی سْیادا
لال و تَلمَلے بُنیادا
آ شَپ کہ منی لال بیتَّگ.
مُلک و ھُلکَواں گَل زُرتَگ.
سْیاد و وارِساں رُمب کُرتَگ.
کُلّ چہ بانُکا پُرّ بیتَگ.
چانگال و ڈَلَگ وارینتَگ.
چارپاسیں شَپاں چَنڈینتَگ
آسی مِرمِریں روک کُرتَگ.
سي جزییں کُرانوں وانتَگ.
ماھیں دُتَّگوں میچینتَگ.
نُکّوں شیرَگاں چَرپینتَگ
مَہلال پہ کِھیب رودینتَگ.
ماھے گونگون جوڑینتَگ.
گونگي نا سباهان داتگ
هونکین پنیر بیگاهان
گُوَنگي نا چہ آ مَچ داراں.
ھونَکّیں پَنیر مال داراں.
آ که پہ گُلا زامات بیت
شَش ماھا رَو و آیا بیت.
جُتکی آسنین کوش درّیت
زَرّا چو جَوا جوھان کَنت.
سُھرا چو کُروچے نایا
بلے رازیگ نبیت لالے مات
لوٹیت دِیوَلے گامیشاں.
دِشتاري نکَنت رِنداني
رِند و بارَگیں بوراني

@Labzank
telegram.me/Labzank

*البُلوشیانی نام ءَ*

هو ترا شیک ءِ امارات ءُ گَتر واب ءَ کئیت
مارا باهو وتی وش زیدیں نگور وابءَ کئیت

کودکیں پگر تئی وشّیاں بندیگ کتگ
کہ ترا جُنزگ ءُ درملک ءِ سپر واب ءَ کئیت

مکّران باگے , بلے چاکری پنتاں زُرتگ
مکّهیں مات ءَ مدام تُرْک ءِ نپر واب ءَ کئیت

چو تئی پرک ءُ وتی نوبت ءِ هال ءَ زاناں
کہ ترا کیپ ءُ منا تیر ءُ جگر واب ءَ کئیت

نود شنز انت ترا مهکج ءِ تران ءَ گیج اَنت
هور گواریت منا داس ءُ تپر واب ءَ کئیت

چو ترا ساچک تئی زیادهیں دیناراں کتگ
مارا کلدار ءُ تمن سلپ ءُ سَدَر واب ءَ کئیت

مئے پچاسی اگاں گوں ڈیزلءِ باراں ایرانت
مارا هر شپ اگاں ریمدانءِ گجر وابءَ کئیت

ما وتی پُلّیں بلوچی ءَ "بلوشی" نگوشیں
مارا داں گوانزگی ءَ مات ءِ هبر واب ءَ کئیت

من وا بهمانگاں تو ناں کہ بلوچ ءِ ناں اَرَب
بهرن ءَ واب ئے ترا دشت ءِ کُنر واب ءَ کئیت

بے زبان باسد ترا مشکتی هلواه ءَ کتگ
دادشاه ئے تو ترا شیر ءُ شکر واب ءَ کئیت

*باسد هوت

@Labzank
telegram.me/Labzank

مـن مِـراں روچـے موتک مکن ھجـبر
بـات سلامـت ، داں ابـد تـئی ســر

تـرا نـہ کنت باور مـن وراں سـوگنـد
جان مھـمد ءِ بازار ءِ مسـیت ءَ بَــر

گالـوار ، گوانـک ءُ نـاں چڑکایـے
گِس دپـی ہـر لـوگ ءِ جتگ ڈنـگر

رِپـک ءُ رھـبنـداں کئے کجـا رَد کپـت
ھـورک ءُ ھالیـگ اَنـت بسـتگـیں سَنگر

شعـر پِـر بنـدئے مـن بشیـر منّـاں
تـو اَتـا ءِ نـاں پازُل ءِ درور

✍بشیـر بیـدار

Besam:
@Labzank
telegram.me/Labzank

*باز جوانیں گپّ اَنت*

”گاندی“ ءَ گوشتگ:
*اگاں ترا پہ حق ءُ راستیں ھبر کنگ ءَ ھاٹیگ نیست گڑا پہ ناحق ءُ دروگیں ھبر کنوکانی واستا چاپ مجن*

”ناپلئون“ ءَ گوشتگ:
*دنیا چہ تباھی ءَ سرریچ اِنت؛ بلے نئے پہ ھرابیں مردمانی نیمون ءَ! بلکیں پہ شَرّیں مردمانی مدامی بےتواری ءَ*

*گُرک ھر وھد ءَ گُرک پیداگ کنت ءُ میش ھروھد ءَ میش*
*بلے ایوک ءَ بنیادم اِنت کہ برے گُرک پیداگ کنت ءُ برے میش*

*وھدے کہ چم بندکائی مراگشاں چار آں گڑا یک شَرّیں چیزے گِند آں:*
*مردم ھمائی ھاتر ءَ چاپ جننت کہ ھیران ءُ برّ بکنت اِش! پہ آئی ھاتر ءَ کہ سوگھ بکنت اِش ھجبر چاپ نہ جننت!*

رجانکار: *رحــمــن نـثــار*

#مھر ءِ ساچان
#بلوچی لبزانکی دیوان

🍃✨🌸✨🍃✨🌸
*جمـــــلات ناب*
*قبل از اینکه صحبت کنید*
*کلمات را از سه دروازه عبور دهید*

*اولین دروازه، از خود بپرسید:*
*آیا این حرفی که می خواهم بزنم حقیقت است؟*

*دومین دروازه بپرسید
آیا لازم است الان مطرحش کنم؟*

*سومین دروازه بپرسید*
*آیا حرفم نیش و کنایه ندارد که کسی را برنجاند*

🍃✨🌸✨🍃✨🌸
*دُرّیں گُپتار*
*پیش چہ ایشی ءَ کہ گپّ بہ کن اِت..*
*گُشگ ئِے گالاں چہ سَے دَروازگ ءَ بہ گْوازین اِت.*

*اوّلی دَروازگ ایش اِنت*
*چہ وَت ءَ جُست بہ کن اِت باریں اِے گپے کہ من جَنَگ لوٹ آں راستیں گپے؟*

*دوّمی دَروازگ ایش اِنت کہ چہ وت جُست بہ کن اِت..*
*باریں زلورت اِنت کہ اِے گپّ ءَ اَنّوں درشان بہ کن آں ..؟*

*سوّمی دَروازگ ایش اِنت : چہ وت جُست بہ کن اِت..*
*باریں منی اِے گپ تژنی گپے نہ اِنت کہ کسے ءَ دلرنج بہ کنت.*
📖📖📖
*📝 رَجانـــــکار:*
*✍🏻اَبدُلگپـور گُــردهـانـی*/ لاشار

*🐪🌴 بلوچستان لبزانکی کاروان🐪🌴*

سَیَد ھاشمی ءِ اَنگریں گال پہ زُبان دُژمناں

گُرّئے کہ تئی گَپسگ ءِ پسّو من نہ داتگ
من کاروان سالار تو گَپسوک بہ گَپسار

شَھکَور ءِ مڑا نیلّگیں گْورمانی نھنگ اِنت
کَنڈانی مَٹُونڑ! چے تئی بِست ءُ تئی بِستار؟؟

گْوندئے اَگاں بے اَیبیں سَراں اَیب پہ تَمَردی
پولنگ بیت تئی شال! تئی دوستار ءِ گْور ءِ شار

اَنگار بہ کَن ناشَری ءُ ناشَریں ھیلاں
دَنت ناشَری آریپّیں سَرَاں جَھندم ءَ اَنگار

سْیہ بَند ءِ دل ءُ زِرد زِر ءِ ھِچّ نہ چَنڈ اَنت
کْراک اَنت پُگُل، تْراک اَنت تَیَاب ءَ سَتَر ٹانٹار

چون رون بیت! چون موش بیت! چون سَجّ بیت! چون زاگ!؟
نَنگار گِلاں کَپتگ ءُ وپتگ تئی جُتکار

پہ نیکی ءِ پَدگاری ءَ چوش نیکاں مَہ گِرّین!
کہ نیکی ءِ گِرپد کَن اَنت تئی جِند ءِ پَداں گار!

کِرم کَپتہ سَما گَندگیں، گَھ اِتگ تئی ھَبَر دان
زِند چہ ترا بیزار اِنت ءُ مرگ چہ ترا بیزار

اَمب، اَمب ءِ بَر اِنت، زھریں کَرَگ اَمب نہ بیت اَمب
کَئی وَلّ ءِ نَوَلّیں بَرئے تو بے بُنیں بِھگار!؟

اُہ پہ ترا اُہ پہ تئی بے سر دَریں کاراں
زار پہ تو ءُ زار پہ تئی ھمکاسگیں ھمکار!

گْور بند ءَ ھَری سِند وتی! دِرّ دْروگ ءِ کَوَار ءَ
اَنگت پہ تو دَر بَند نہ اِنت، توبہ ءِ دربار

پہ زَرّ بھا زُرتگ اِت بَنّامی ءُ ٹاکور
پہ گالے ءَ گوں تو نہ بیت وَشنامی ءِ باپار

سر لانگوَی چَنڈینت اِت ءُ دلپْروش کُت اَنت بْرات
مرچی ھمے بْراتانی رِد ءَ نیست ترا بِستار!

چہ کِینَگ ءُ کَست ءَ وت ءَ بے راھاں مہ پِرّین!
گوں بے سَریں کاراں مہ کَن کُلّ ءَ وتی بازار

اُہ پہ چُشیں نام ءَ بدیں، زار پہ چُشیں زِند ءَ
سْیہ پہ چُشیں زَرّ ءَ کہ تئی پولنگ نہ بنت پلگار

شپ شام شَگالانی شُد ءُ گُژن ءِ مزار ءِ
دَر مَنتگ ءُ پَد مَنتگ ءُ بَھمَنتگ ءُ رَھگار

بلکیں گوں گِھیں شاہ ءِ کِراماتاں بہ کنت بود
زیر انگریں گالے منی زِرد ءَ وتی پِردار

رَھدار بلوچی نہ رَگاں ھون بلوچی
سوگند بلوچی ترا چون کَنت وَپَادار؟

شھسَسّا سید ھاشمی



@Labzank
telegram.me/Labzank

📙 لیلان
🖌 منیر مومن

لیلان، منیر مومن ءِ آزمانکانی کتاب اِنت، اے کتاب ءِ تہ ءَ شما منیر ءِ رَم ءُ ردانکی زُبان ءِ تَب ءُ درشانداب ءَ پہ جْوانی آشنا بہ اِت. 👇👇

‏نه ادا کُلی گوں سازان نه گل ءِ جمال مانی

نه بهارءُ باغ ءُ بستان نه هما نهال مانی

اُ بهار اے باغ ءِ پُلّان تو سَهی بکن که باندا

نه ادا سمین ءِ کَشّی نه ادا شمال مانی

اے دوصد جواب گِندی چه جهان ءِ نقش ءُ داباں

بلے آیی ذهن ءِ پشت ءَ دگه صد سؤال مانی

نه اے عقل ءُ هوش ءِ وَڈّاں نظرانی بور ترَدّی

نه اے ذهن ءِ راه ءُ دَمکاں یه تُشے خیال مانی


نه غمی بِبِن په زیک ءَ نه که گل بِبِن په مرچی

نه ادا غمانی باری نه گلانی سال مانی

مَے مثال ادا مسافر مَے رَوَگ ادا یقینی

چه عجب اگر په مهرا چه منا مثال مانی

اے جهان ءُ قرن لیٹ اَنت اے زمان ءُ دور ترّ اَنت

فقط ءُ فقط همیشه منی ذوالجلال مانی

سر ءُ دل خدا ءِ مِلک اَنت تو بِچار اے مُلک ءُ زیدءَ

نه سَریں کهیر مان اَنت نه دلیں چنال مانی

منی دل خداءِ لوگ اِن ندیاں دلءَ بهارءَ

که بهارءِ سر زوال اِن بلے لایزال مانی

چه عجب گوں نیکنامی بُرواِن چه اے جهان ءَ

که ادا نه پَهربندی نه دگه کمال مانی

اے قدیمی عشق ءُ سوزے که ماں طارق ءِ ضمیرَیں

که اگر بُروت جهان ءَ دل ءِ گپ ءُ ٹال مانی

فقط اے منا یقین اِن که جهان داں هست ءُ گلشن

منی جسم ءُ خاک ءُ هَڈّاں منی شعرءُ گال مانی

طارق پسند


@Labzank
telegram.me/Labzank

#شعر #لچه

ظلـــمِ کوسیـــچ داں کدی بـرزاد رؤت
سر کہ سسـتــگ تو بگش چوں پاد رؤت

آ کــہ جنــــزیت پہ مـــرادِ منــــزلا
پــــد نــہ کنـــزیت ھرچـے بادا باد رؤت

اے کـہ سردست انت مروچی ظاھـرا
گـــار بیت بانـــدا غم و ایر مــــاد رؤت

فکــر مانیـــت داں ابد رھشـــونــــیا
ســـاہ رؤت اے گمجتـیں بـــــالاد رؤت

مئــے بــزیں دیوانا دژمـن مان مدئے
آرت مــانـــیــت ظاھــــرا و واد رؤت

گــوں سرمساد نہ سیل ایت ھمبـــلاں
اے ھما گوک انت کہ گوں پونساد رؤت

📝واجه مولوی یوسف انیس

@ رِداں راست کن اَت @
جُماءِ نمازءِ وھد ات ءُ مُلا نہ رستگ ات، یک دیوانگے سر کپت ممبر سرا کہ واز بہ کنت ، مردماں مکن کُت، بلے میتگءِ کماشےءَ ھکل کُت کہ بِل اتی کہ واز کنت ۔
دیوانگءَ وتی واز بِندات کُت گوشت کہ دُرستیں سَتا پہ پروردگارءَ اَنت کہ آئیءَ درست چہ دوءَ ( مات ءُ پِتءَ)پیداگ کُتگ اَنت ءُ دو جَنس (مردین ءُ جنین)ءِ تھا بھر کُتگ ۔
ءُ اِشانی تھاءَ لھتے ازگار کُت کہ منی شُگرءَ بِگر اَنت، ءُ لھتے نیزگار کُت کہ اوپار بکن اَنت ۔
بلے ناں ازگاراں شُگر گِپت ءُ ناں نیزگاراں اوپار کَشت۔
درستانی سرا ھُداءِ لانت بِبات ۔
مُناپکاں پہ نمازءَ رِداں راست کن اَت ۔
رجانکار - اکبال ھاشمی

چوں ما زبھر بئیں چہ وتی بامڑیں زِراں
چہ بندن ءُ تیاب ءُ چہ گْواش ءُ کھچراں

دیم ءَ منی دوار ءِ سول اِنت ساھگی
پُشت کپوت نال انت ھوشام ءِ زیمراں

دوروکاں ژنژل اینتگ بالاد بڑّلُیں
ما دل نہ ششت اچ وتی دازانی کونراں

لبّاں شتگ نہ دئیناں مئے ڈیھ پیرُکی
امیت ءِ سرک پْروشت ودارانی جمبراں

ھیلاں پہ تلوسگ من باراں چہ ھاتر ءَ
زید ءَ مں اجنبی گاں لوگ ءَ مساپراں

چو ھیلڑو ءَ ھیلاں پہ تلوسگ سچگ
اے مں دل ءَ نہ جیڑاں باندات من مراں

سیاداں مں شیھ مرید ءِ ھانل منی گم اِنت
منّاں کہ بے وپا اینت زوراکیں چاکراں

تھنائی ءَ تئی قومی ھچّی نہ کت اسر
رھشونی ءَ درانی ءَ چہ کئے من پچ گراں.
عنایت اللہ قومی
کورُشیں گال#
لبزانکی مجلس کلمتی کاروان@

💠 رَم لچّہ

🖋 صبا دشتیاری

رم لچّہ ءِ بارو ءَ گوْشگ بیت کہ ایشی ءِ بنگیج چہ فرانس ءَ بوتگ ءُ اے تہر چو آزات لچّہ VERSE LIBRA ءِ پیم ءَ کوْھن انت ۔ چہ فرانسیسی زبان ءَ پد انگریزی لچّہ کاری ءِ تہءَ رواج گپت ۔ رم لچّہ بنیادی ھساب ءَ یک انچیں لچّہی تہرے کہ چہ آزاد لچّہ ءَ اے پیم ءَ جتا ءُ گستا انت کہ آزاد ءِ تہءَ سنگ ءُ بحر ءِ ارکان ءُ باسکاں بہر بہر کن اَنت ءُ وتی تہءَ جوزگ ءُ باھنداں درشان کن انت بلئے رم لچّہ ءِ تہءَ سنگ ءُ بحر ءِ پابندی پہ بھ نیست بلئے اے گپ دلگوش کرز ایت کہ ایشی ءِ تہءَ پہ ھرچ ڈول لچّہی تام ءُ "شعریت" ءِ لہتے لوٹ ءُ گرز الّم ءَ ھست انت کہ پورا کنگ لوٹ انت بزاں اے گپ ءِ دلگوش کنگ ھژدری انت کہ ایشی ءِ تہءَ "اشاریت" ءُ ایمائیت" بہ بیت ھمگْرنچی ءُ وحدت بہ بیت گْونڈی ءُ اختصار CONTRACTION بہ بیت ءُ چہ دْرستاں مستریں چیز ایشی ءِ تہءَ توار ءِ زیل ءُ بام ءِ بیگ الّم اِنت پرچاکہ ھمے توار ءِ زیل ءُ بام یا آھنگ سنگ ءُ پارسنگ ءِ ھند ءَ "گپت ءُ رم لچّہ" چہ رم ءَ آجو کنت ءُ لچّہ ءُ شعر ءَ ھمگْرنچ کنت ۔
ماں اردو لچّہ کاری ءَ رم لچّہ ءِ سکین بنگیج کنوک ءُ دیم ءَ بروکانی تہءَ واجہ سجّاد ظہیر، ڈاکٹر محمد حسن، بلراج کومل ءُ ندا فاضلی ءَ ابید قمر ھاشمی، مبارک احمد ءُ احمد ھمیش ءِ نام اھم انت ایشاں ابید لچّہ کاراں کہ اے پڑءَ سکّیں کامیابیں تجربت کرتگ ات آیانی تہءَ سارا گفتہ، مبارک احمد ءُ قمرجمیل مشہور انت ۔ قمر جمیل ءَ وَ اے تہر ءِ دیمپانی ءِ ھاتر ءَ باز نبشتہ ھم کرتگ ءُ ھما مردماں کہ اے تہر ءَ نہ منّ اتگ آیانی ایرادانی پسّو ءِ دیگ ءِ کوشست کرتگ ۔
ماں اردو لچّہ کاری ءَ اینکس لچّہ کارانج تجربت ءُ کسہ کاری ءَ ھور اے تہر ءُ ماں اردو لچّہ کاری ءَ دلدوست ءُ رواج گپت نہ بوت ایشی ءِ بنیادی سبب ایش انت کہ فرانسیسی یا انگریزی لچّہ کاری ءِ پیم ءَ سلامت ءُ جان داریں پربندان ءَ گوْاھی نہ رس ایت ءُ گیشتریں اردو لچّہ کاراں ایوک ءَ تجربت پہ تجربت ءِ گپ برجاہ داشتگ پد ءَ دومی گپ ایش انت کہ اردو لچّہ کاری ءِ جند ءُ وتی تب ءُ رویے ھست پمشکا اے تہر کہ گوں اردو لچّہ کاری ءَ ھمدپ ءُ ڈیک نہ وارت آئی ءَ اے زبان ءَ راہ ءُ جاہ کنگ مشکل انت پمشکا فیض احمد فیض ءِ پیمیں زانتکاریں لچّی کارے ءَ اے درگت ءَ وتی یک انٹرویوے ءَ وتی ھیال درشان کنان ءَ گْوشتگ یا وَ رم بیت یا لچّہ اے رم لچّہ ءَ مئے سردر نہ روت پد ءَ ھم چکاسکارانی پدریچے دنیگا اردو لچّہ کاری ءَ رم لچّی آکبت ءِ بارو ءَ پر اُمیت انت انچوکہ ھندوستان ءِ زانتکاریں پدریچے کوْاس ءُ نگدکار ڈاکٹر گوپی چند نارنگ ءَ پہ اے تہر ءِ کارمرزی ءُ ایشی ءِ لچّہی امکان ءِ بابت ءَ مزنیں اوستے درشان کرتگ ۔
ھردیں "رم لچّہ" ءِ بارو ءَ بلوچی لچّہ کاری ءِ حوالہ ءَ گپ جنگ بیت گڑا منی جند ءِ نزانتکاری ءُ کمے شوھاز کاری ءَ اے گوْش ایت کہ دنیگا اے پڑ ھورک ءُ ھالیگ انت پہ گوْشگ لہتے مردم انچیں شعر وتی منّ ءَ پربندگ ءَ انت کہ آئی ءَ چہ وتی نیمگ ءَ رم لچّہ گوْش انت بلئے من گمان کن آں کہ بلوچی ءِ تہءَ رم لچّہ دنیگا پر بندگ نہ بوتگ پرچاکہ اے وَ نوکیں تہرانت ایشی ءَ یلہ کن دنیگا مئے لچّہ کارانی گیشتریں بہرے کوْھنیں لچّہی تہرانی بارو ءَ گیش نہ زانت ءُ سرّا برّا انت ۔ واجہ عباس علی زیمی ءَ وتی کتابے چاپ کتگ "الہان" ءِ نام ءَ آئی ءِ وتی گوْشگ انت کہ ایشی ءِ تہءَ رم لچّہ انت ۔ بلئے من گوْشاں آں کہ ایشاں "لچّہ" بیگ وتی جاگہ ءَ انت ایشی ءَ کس سلامتیں "رم" ءِ نام ھم دات نہ کنت ۔ پرچاکہ رم یک ادبی تہرے ءُ گوْش انت آیاں ایوک ءَ تچک ءَ تچک ءُ پدر بہ بیت بلکیں ادبی ءُ ندکاری تام ءُ دروشم ئِے مان بیت اگاں الہان ءِ تہءَ نبشتگیں پربند "رم لچّہ" انت گڑا چہ دْرستاں شرتریں رم لچّہ کتاب واجہ سید ھاشمی ءِ "سستگیں دستونک انت" کم چہ کم آئی ءِ تہءَ ندکاری زبان ءُ اسلوبے وَ ھست ۔ بلئے چوش نہ انت ناں واجہ سید ھاشمی ءِ "سستگیں دستونک" "رم لچہ" انت ءُ ناں واجہ عباس علی زیمی ءِ "الہان" لچّہی کتاب انت ۔ ھو! ما گوْشت کن ایں اے انچائیں ھبر انت کہ واجہ کار ءِ دل ءُ جبین ءَ آتکگ انت ءُ درشان کنگ ءَ رند واجہ ءَ دیستگ کہ چوش کہ ایشانی تہءَ دگہ شعری ڈکشن ءُ درشمے نیست پمشکا مروچاں رم لچّہ ھر کسے ءِ دپ ءَ انت ۔ اے ڈول ایشی ءِ سر ءَ ایراد کت نہ کنت ۔ بلئے واجہ کاراں ھشک ءَ نام ءِ پربندگ ءَ انچائیں رد ءُ کتارگیں کشک ءُ دو کشک "صنف" جوڑ نہ بیت ۔ مروچی مئے بلوچی زبان ءِ تاکبند ءُ ماھتاک یا کتاباں گوں وتی سرگپ ءُ بنگپاں ھمنچک شعر ءُ پربند کہ نبشتہ بنت بلئے ایشانی تہءَ تکنیک ءُ رھبند ءِ ھساب چوشیں ھچ چیز نہ گوْاہ ایت ۔ رم لچّہ ءِ اڑ ءُ جیڑہ دنیگا اردو ءِ پیمیں شہنشائیں ءُ دیم ءَ شُتگیں زبانے ءِ تہءَ گڑ ءُ منج انت گڑا ما کجام باگ ءِ بٹاگ ایں ۔ ما وَ ھما بد بہتیں زبان ءِ واھند ایں کہ دنیگا غزل گال ءُ دستونک ءِ بنیادی اڑ ءَ گیشینت نہ کن ایں کہ چل سال ءَ گیش بیت مئے گوْ

را اے تہر ءِ تہءَ لچّہ کاری بیگ ءَ انت ۔ رم لچّہ ءِ بارو ءَ سید ھاشمی ءَ سک جوانیں جتکے (شعرے) گوْشتگ کہ ناں ایوک ءَ مزنیں تژنے بلکیں زنڈیں راستی یے ھم آ گوْش ایت

*رَم گُلیں لچّہ اَنت شکر گالیں*
*پہ نزانتکاری لچّہ اِش رَم کُت*


@Labzank
telegram.me/Labzank

ما پرچے چو بربادیں؟
منی بیلاں
منی براتاں
گوھاراں
دُتّگان ءُ مکھیں ماتاں
شما سسّا کتگ ھجبر
شما ھجبر ھیال کرتگ
کہ ما پرچے چو بربادیں؟
چی ءَ پشکپتگیں پشت ءَ
روین ءُ منزل ءَ نہ رسیں
وتی جند ءِ گلیں زید ءَ
چہ کرناں زور ءِ چمداریں؟
جھان ءِ زندگین ءُ آگھیں راجاں
زمین ءُ آزمان ءُ زِر وتی کُرتگ
زمین اِش پوّت ءَ
باگیں بھشتے جوڑ کتگ مرچی
زر ءَ مانشانتگ اِش لنجیں
دل ءَ ئے درّان ءُ بُرّان انت
ماں آزمان اِش پدگ بستگ
اِے ھور ءُ گوات
اے ماہ ءُ روچ
اےاستار نیلیں آزمان ءِ
پہ ایشاں چُکّی لیبو انت
نی بیا کہ من ترا بُگشاں
اے راز ءَ چیر ءُ پھنامیں
بہ کش گوشانی پُکیاں
ءُ گوشدار گوں دل ءِ گوشاں
ما زانت ءُ زانگ ءُ رژن ءَ چہ نا سرپد
ھنر مئے ملکی مُرگے نہ انت
اے وانگجاہ
اے دانشگاہ
ادارہ رُژن زانتانی
ھنر جاہ سائینس ءُ کمپیوٹر
اے انٹرنیٹ جھانگیریں
اے مئیگی چیز نہ انت بیھ ءَ
گوں ما سیادی اِش نیست دیر ءَ
اے گون انت آگھیں راجاں
کہ ما آیانی چمداریں
ءُ مارا
رژن ءُ زانت ءِ اے وڑیں چیزانـی جاگاہ ءَ
چلّیم ءُ چرس ءُ چنڈو گوں
جگر شنگیں ءُ پُپ ساڑیں
شراب ءُ بنگ ءُ تریاک گوں
تباھیّانی بن بنیاد
ءُ ھیرون گوں
نپسگیرین ءُ بـے پیریں
پمیشکا
اے منی ھمبل
جھان ءَ مارا رمبینتگ
گُشاد گامیں
پہ آیاں اے جھان جنّت
ءُ پمّا سے جھاں جھندم
گڑا
کلام ءَ دے اِے تریاک ءَ
بُسوچ ھپت آس ءَ ھیروین ءَ
چلّیم ءُ چرس ءُ چنڈواں
بُکُورّا ھپت زر ءِ لُنج ءَ
شراب ءُ بنگاں جھندم کن
اگاں لوٹ مئے کہ ھمگام بَـے
گوں دنیا ءَ وکاب بالیں
مُراد ءِ منزل ءَ سر بَـے
مہ بـے مھتاج ھچ کسّی
گڑا
یلو دے کور کشکان ءُ بگر تو مادنیں راہ ءَ
منی بیلاں
منی براتاں
گوھاراں
دُتّگان ءُ مکّھیں ماتاں
شما سسّا کتگ ھجبر
شما ھجبر ھیال کرتگ
کہ ما پرچـے چو بربادیں؟
چی ءَ پشکپتگیں پُشت ءَ
روین ءُ منزل ءَ نہ رسیں
وتی جند ءِ گُلیں زید ءُ
چہ کرناں زور ءِ چمداریں؟

📝ابِد آسکانی


@Labzank
telegram.me/Labzank