لبزانکی مجلس کلمتی کاروان

#شعر #لچه

ظلـــمِ کوسیـــچ داں کدی بـرزاد رؤت
سر کہ سسـتــگ تو بگش چوں پاد رؤت

آ کــہ جنــــزیت پہ مـــرادِ منــــزلا
پــــد نــہ کنـــزیت ھرچـے بادا باد رؤت

اے کـہ سردست انت مروچی ظاھـرا
گـــار بیت بانـــدا غم و ایر مــــاد رؤت

فکــر مانیـــت داں ابد رھشـــونــــیا
ســـاہ رؤت اے گمجتـیں بـــــالاد رؤت

مئــے بــزیں دیوانا دژمـن مان مدئے
آرت مــانـــیــت ظاھــــرا و واد رؤت

گــوں سرمساد نہ سیل ایت ھمبـــلاں
اے ھما گوک انت کہ گوں پونساد رؤت

📝واجه مولوی یوسف انیس

950 views07:03

دودا‌ں فرنـگانی شموش

دوداں شموش دوداں شموش دوداں فرنگانی شموش

گپّاں منی تو شر نگوش دوداں فرنـگانی شــمـــوش

نیکراه ءَ گر رنگـراه ءَ تو چو سر مـہ جن همبـل منـی

داتگ ترا اللہ ءَ هـــوش دوداں فرنـگــانی شـــمــوش

جن سر درانت بیگانهـاں گوں هم نیاد انت بـے کمار

بــے عزت انت بـے پـــرده پـــوش دوداں فـرنگانی شموش

وت مں وت ءَ چک گوں پـت ءَ کنت جنگ ءُ چـوپ ءُ درّ ءُ دوچ

کـار انت اشـانی کشت ءُ کـوش دوداں فرنـگانی شموش

دیم کـوٹـگ ءُ ســر ٹــاپ کتگ بـے ســــدّر ءُ بـے بُنــدراں

آستون گدانی تــا سروش دوداں فرنگـانی شموش

نـــوش انت شراب سدّ ءُ سما سسّـا شتگ هـوش ءَ ز بـهـر

واب انت بـــرے گاهے هنـوش دوداں فـرنــگــانی شـموش

گار انـت اجـام، اشکام نیست، دل بـے قـرار ژندءُ پـلار

تـن تـرانـگـانـی ایر موش دوداں فـرنگـانی شموش

کفـر ءِ زراب غرب ءِ لـوار آسگـوارے انت بیـرشـانی انت

جـَنـتیـں پـہ اسـلام ءَ پتـروش دوداں فـرنگانی شموش

ملّـیں متـرس دینی سروک کـفـر ءِ کـلات ءُ مـاڑیــــاں

زیت کـن پـہ بامـردی بپروش دوداں فرنگانی شموش

اے واهگ ءُ اوسـتیـں منی زرد ءِ انیس پدّر کـنـاں

دینـی بـیـار زرد ءَ تـو جوش دوداں فرنگانی شـموش

یوسف انیس

499 viewsedited 06:46

لبزانکی مجلس کلمتی کاروان

بـــل منــاں دردءُ عـــذابءِ زنـدگــــی ءَ

کہ هز اِنت دل عیش ءُ وابءِ زندگــی ءَ

گـوں زری موجاں پدا سر چیــر باں کہ

لـذتـے گـون نیست تیــابءِ زندگــــی ءَ

من وت ءَ ماندارگاں بلکیـں کپیت انت

روشنــائــی شـهشنـــاب ءِ زنــدگــــی ءَ

چینکی ءَ پہ شیکری صـد برگہ انت چہ

مهتــر ءِ لـــوگ ءِ تـــــواب ءِ زندگـــی ءَ

موسمے ساچانی گون انت پہ کئے ءَ را

مهپــــرانـــی پیچ ءُ تاب ءِ زندگـــــی ءَ

دل زریت پہ گوستگیں دوراں پدا مئے

اتکگیـں اے ڈول ءُ دابءِ زنـــدگـــی ءَ

تـــو مکــــن دل کهر یکــی ءَ انیس هم

چنــد روچــــانی حســاب ءِ زندگـــی ءَ

✍یوسف انیس
سرچمگ:کانال اشعار استاد یوسف انیس

@Labzank
telegram.me/Labzank

لبزانکی مجلس کلمتی کاروان

آزمانک ، نوشتانک ، لچّه ، وشکند ، دُرّیں دانک

@Rimdan

512 views05:54

لبزانکی مجلس کلمتی کاروان

503 views06:14

لبزانکی مجلس کلمتی کاروان

517 views06:16

لبزانکی مجلس کلمتی کاروان

‏نه ادا کُلی گوں سازان نه گل ءِ جمال مانی

نه بهارءُ باغ ءُ بستان نه هما نهال مانی

اُ بهار اے باغ ءِ پُلّان تو سَهی بکن که باندا

نه ادا سمین ءِ کَشّی نه ادا شمال مانی

اے دوصد جواب گِندی چه جهان ءِ نقش ءُ داباں

بلے آیی ذهن ءِ پشت ءَ دگه صد سؤال مانی

نه اے عقل ءُ هوش ءِ وَڈّاں نظرانی بور ترَدّی

نه اے ذهن ءِ راه ءُ دَمکاں یه تُشے خیال مانی

نه غمی بِبِن په زیک ءَ نه که گل بِبِن په مرچی

نه ادا غمانی باری نه گلانی سال مانی

مَے مثال ادا مسافر مَے رَوَگ ادا یقینی

چه عجب اگر په مهرا چه منا مثال مانی

اے جهان ءُ قرن لیٹ اَنت اے زمان ءُ دور ترّ اَنت

فقط ءُ فقط همیشه منی ذوالجلال مانی

سر ءُ دل خدا ءِ مِلک اَنت تو بِچار اے مُلک ءُ زیدءَ

نه سَریں کهیر مان اَنت نه دلیں چنال مانی

منی دل خداءِ لوگ اِن ندیاں دلءَ بهارءَ

که بهارءِ سر زوال اِن بلے لایزال مانی

چه عجب گوں نیکنامی بُرواِن چه اے جهان ءَ

که ادا نه پَهربندی نه دگه کمال مانی

اے قدیمی عشق ءُ سوزے که ماں طارق ءِ ضمیرَیں

که اگر بُروت جهان ءَ دل ءِ گپ ءُ ٹال مانی

فقط اے منا یقین اِن که جهان داں هست ءُ گلشن

منی جسم ءُ خاک ءُ هَڈّاں منی شعرءُ گال مانی

طارق پسند

@Labzank
telegram.me/Labzank

لبزانکی مجلس کلمتی کاروان

آزمانک ، نوشتانک ، لچّه ، وشکند ، دُرّیں دانک

@Rimdan

842 views05:30

لبزانکی مجلس کلمتی کاروان

*بـاهـــــو*
ــــــــــــــــــ

وانـاں درود ءِ اکــبـر ، بـاهـــو پـدا بـهـــار اِنت
نودی شَلان انت جمبر ، اے مهـر ءِ کردگار اِنت

زهـرکـاه ءُ گـْرنچنـانی ، اتـکــگ پـدا نـشـــانی
شمش اَنت زمین ءِ پَتَّر، باهو چو مَـلگُـزار اِنت

ما قیس ءُ باهـو لیلا، رئیں جوسـراں پہ سیلا
سبز ءُ حریریں چادَر، زید ءِ گـُشانءُ شار اِنت

چو ادلس ءَ وطن مئے، سینگار اِتگ چَمَن مئے
افشان انت بُو ءُ عنبر ، گوات ءَ عبیر اوار اِنت

وصف‌تئی وطن‌هزاراَنت، بےحدّءُ بےشمار اَنت
کؤلیگ صدف دوصد بر، پہ مکـّهـیں دیار اِنت

*عبـدالسـتـار صـدف بادپـا*

@Labzank
telegram.me/Labzank

لبزانکی مجلس کلمتی کاروان

آزمانک ، نوشتانک ، لچّه ، وشکند ، دُرّیں دانک

@Rimdan

486 views07:22

لبزانکی مجلس کلمتی کاروان

@ ھاشمی آمڑ @
@ شُکریں ھُداءِ @

من وتی لوگءَ نِشتگ اتاں ءُ پیسبُکءَ چارگءَ اتاں ۔ ھانُلءِ مات اوں منی کَشءَ نِشتگ اَت ءُ منی پیسبُکءِ اکس ءُ وڈیو آں چارگءَ ات ۔
چاراں چاراناں داں سنگتےءَ پوسٹے شیئر کُتگ ات کہ سدانی ھسابءَ جنین اوشتاتگ بلا ایں پوسٹر ءُ پِلے کارڈ دستءَ اَنت اِش ۔
اِشانی سرءَ چو اے وڑ دری زبانےءَ لِکتگ ات ۔
من نزاناں تئی موزگ کُجءَ اَنت ۔
وتی ورگاں وت گرم کن ۔
گرمیں آپ مہ لوٹ وت گرم کن زیر دیم شود ۔
اِستری وت کن ئے شر دوبیءَ برے شر ۔
تو یک ھَکلے دے ، دہ ھکل اش دیاں ۔
منءَ چہ وپتگیں وابءَ پاد مکن شام مہ لوٹ ۔
لَٹ ءُ لگتءِ دھرہ جتگ ۔
ھانلءِ ماتءَ جُست کُرت، اے جنیناں چے بوتگ کہ اِداں جم اَنت ءُ کاگد اِش دستءَ اَنت؟
دمانےءَ منی گوش ئے زاناں ساہ اوں سِست، بلے من گُشادیءَ ھیال کُرت کہ ھانُلءِ مات وانگ نزانت ۔
گوشتوں ، اِشانی لوگ واجہ تبلیگءَ روگءَ اَنت، اے گوشگ اَنت چُکاں پہ ورگءَ آرت نیست شما تبلیگءَ مہ رَو اَت ۔
گوشتی ھَو بے ورگءَ چُک چتور ساڑ اَنت۔
من ھُداءِ شُکر گِپت کہ شریں ھانُلءِ ماتءَ ھِچ نہ ونتگ ۔
اگاں دو چار کلاس ونت ایں ، گُڑا آ دگہ کاراں بِل، من وتی موزگانی شوھازءَ وتی ڈوٹیءَ دیری کَشگ بوتگ اَتاں ۔
۔اکبال ھاشمی ۔

@Labzank
telegram.me/Labzank

لبزانکی مجلس کلمتی کاروان

آزمانک ، نوشتانک ، لچّه ، وشکند ، دُرّیں دانک

@Rimdan

508 views11:39

لبزانکی مجلس کلمتی کاروان

Forwarded from بلوچی کتابجاه

وانگی زرنوشت
شائر مبارک کازی

206 views06:23

لبزانکی مجلس کلمتی کاروان

Forwarded from بلوچی کتابجاه

qazi.pdf

11 MB

204 views06:23

لبزانکی مجلس کلمتی کاروان

Forwarded from بلوچی کتابجاه

وانگی رولھی شینک
شائر اختر مھمود

201 views08:32

لبزانکی مجلس کلمتی کاروان

Forwarded from بلوچی کتابجاه

رولھی شینک اختر مھمود.pdf

10 MB

206 views08:33

لبزانکی مجلس کلمتی کاروان

وشکند

یک گنوکے گوں دومی گنوک ءَ ...

من کسانی ءَ چہ کھیر درچکی ءَ کپتگ اں ...
دومی گنوک : گُڑا باریں تو مُرت ئے یا زندگ بیت ئے؟ ؟
اولی گنوک: تو زان ئے آ وھداں من سک کسان بیتگ اں پمیشکا من ءَ ھچ یات نہ کنت. 😂😁😅

@Labzank
telegram.me/Labzank

لبزانکی مجلس کلمتی کاروان

آزمانک ، نوشتانک ، لچّه ، وشکند ، دُرّیں دانک

@Rimdan

537 views05:07

لبزانکی مجلس کلمتی کاروان

Forwarded from بلوچی کتابجاه

نوروز ءِ ٹیکی پہ دوستاں 👇

📙فرھنگ بلوچی - فارسی

🖌 دکتر عبدالغفور جھاندیدہ

198 views06:08

About

Blog

Apps

Platform