مَھـریی ءِ دار آں نـامـی شیـدا انـت

جـامـگ تئی نـازرک انت جـان تئی پیـدا انت.

تیـز تـک شتـری دارم
شیـدا نـام
جان تو پیداست زیبا
پیداست
از حریر پیراھن ات.

کوٹـی یے بنـد آن، گـوں چَـٹ ءُ کُنٹان

گپے جنـت بـورجان روڈُلیـں لُنـٹان.

خـانـہ ایی مـی سـازم
از تن و از برگ نخل
حرفی بزن بورجان
با ھمین لبان عنابی اَت
حـرفـی بـزن!
رجانک/ ھارون اخـلاقی.
لبـزانکـی مجلـس کلمتـی کـاروان.

سید ھاشمیءِ چاپ بوتگیں کتابانی لڑ
1 سستگیں دستونک
2 برتکیں بیر
3 تراپ کُنیں ترمپ
4 انگرءُ ترونگل
5 بلوچی بنگیجی
6 بلوچی اردو بول چال
7 بلوچی سیاھگے راست نبیسگ
8 جزعم بلوچی
9 نازک
10 سیر کند
11 بلوچی زبان و ادب کی تاریح
12 سچکائیں سسا
13 شکلیں شھجو
14 سید نمدی
15 شھلچہ کار
16 زوتگر ءُ دیر ھل
17 سید گنج
18 گید گوادر
19 بلوچی دربر
20 شھگوسنیں شاھار
21 بلوچی دلبندیں لچھہ کاری


سید ھاشمیءِ چاپ نہ بوتگیں کتاب اِش اَنت

1 چکاس
2 بے سر گال
3 گاریں کلدار
4 غمءِ تالان کنیں
@Labzank
telegram.me/Labzank

ــــــــ مــلاپـازُل ــــــــ
کـئے پَرے شمشیـر ءَ بجنت گَـپ ءَ

دیم پہ دیم بیت گوں دژمن ء سرپ ءَ

ناگھــاں چـامپولے کَـپ ایت چَـپ ءَ

لیـٹ کنـٹ شـیرازی پہ یک کَــپ ءَ

سَـتر تیـز انـت بلے نہ بارت ٹَـپ ءَ
...........ـــــــ ـــــ...............
جَــن اگـاں بـالاد ءَ بلنــد کَـدر انـت

اَھـل ءِ پـرمان ءُ سـاھب ءِ سدر انت

سورت ءُ رنگ ئِے چاردھـی بَـدر انت

گَنـج ئِے گوں میـراس ءَ سر ءِ نَدر انت
@Labzank
telegram.me/Labzank

🌸 شـاھـار 🌸

چَہ سَـتگڑہ ءُ چَہ دیرواں داں مَـرو ءِ بِـدرَنگاں
چَہ مَـرو داں کِرمان گوں ھم سیم سریں روبار.

چَہ لِنگہ ءُ گَمـبرون چَہ میناب ءُ جگین، جاشک
نیم راہ ءِ مزن منزل ءِ اوسپـان ماں چھبــار.

چھبــار،گُلیں گوتر، جیمُّـڑی باگیں، گِھیں گوادر
پَسّینی ءُ اورماڑہ ءُ کِـیّـاماڑی ءِ گــــواتدار.

چَہ بُندر ءَ داں سِــند ھو ءِ شھڈور تئی تیاب کِرّ
سِــــند ھو وتی نودبندگیں گورماں گوں تئی سیم دار.

بے دسرســی ، بے واکی انگت ماں سر ءَ ساھیــل
اِے زِر تبیں پھنــات اِے آزمـان تبیں شـــاھـــار.

بوھــیریں تپــاکی ءِ گِھیں سندلے اَمبــاز
تو سِستـگیں دستـونکے نہ ئے شِنگ اِتگیں شــار.

بے پَـتّـی ءُ بے سَـنَّتی ءِ ھیل ءُ تَب ءَ پــــروش
تــو جیــلّے بِکـن پــرشتگیں باسکاں پد ءَ تیمّـار.

بَــژن اِنت کہ وت برات ءِ نَپَس گیری ءَ مِـــنّ ئے.
اَرمـان کہ ساہ اِت پہ درآمد ســر ءُ ســـاھــار.

ساھِگ تئی ھمــراھے نہ اِنت گرم نہ سَــگّ اِیت
دیمپان کَنت ترا اَنگریں بـرانزانی بلد کار.

کَس پَـتّـو ءُ تئی راج ءَ نہ گِپتگ بُنی درداں
چَہ کـسّ ءَ مَـبئے ھم پَرے نیمّـون ءَ گِـلگـدار.


🌻 سید ھاشمی 🌻

شوھاز کار: جی. ھــوت
رمس: ۹۴/۹/۱۶ اورکیُ
@Labzank
telegram.me/Labzank

مرچیگیں رِند ءُ لاشار ءِ نام ءَ

عطا شاد

آس وتی گِس وتی سنگ وتی ءُ سر وتی
زیمیں دل ءَ کُجا براں تیر وتی جگر وتی

کینگ ءُ کَست ءِ جمبریں نپت شلیت ءُ ھار کنت
واھے گِدان ءِ نشتگیں گْوات ءَ کنئے سِپَر وتی

آھِن پہ آس موم بیت بلئے آپ نہ بیت دل تئی
او منی مہر ءِ وشنیاتک بیا واھگاں بہ بر وتی

مُولا ءِ شہجواں بگِند گیرار تلّ ءُ تازیاں
چاکر ءِ ھاریں گورُم ءَ مَلّ اتگ کھچر وتی

دل کہ اگاں سُچیت عطا شیرکنیں گال زھر بنت
ما تئی ھیال ءِ ساھگاں مارا مہ لیک در وتی
@Labzank
telegram.me/Labzank

..........🌹🌹کِسّـــــہ🌹🌹......

(نیـــکیءِ بــدل نیــکی)

یَـک رنـدے مـاں جنگـلءَ شیـــرے وشّ واب اَت
مُشــکے چَــہ ھـونڑےءَ در اَتکءُ شیــرءِ ســرءَ تـردّگءَ لـگّ اِت
کِــہ اناگتءَ جنگــلءِ بـادشاہءَ چَـہ وابءَ بُســت کُـت
ھنچــو مُشـک ئِے گِپــتءُ وتــی ھــون واریــں پنجــگانی تــہءَ کُـت
مُـشکءَ بـاز منّــتءُ زاری کُـت کــہ مـنءَ یل بــدئے روچــے نــہ روچــے بلکـــن تَـــی کارءَ بیـا آں گُــڑا الّــم تــئ کارءَ کــن آں
شیــرءَ پَــہ تــژن آئیءَ را چاراِتءُ چَــگل ئے دات
مُشــک میــدانءَ ھــونڑءَ پُتــرِت
دپءِ ھَبــر زوت گُـوز ِایتءُ سالءُ مـاہ دیــر گُـوزاَنت
یَــک شکــاری یے ماں شکـارءَ ھمــے جنگــلءَ گــردان بیــت
ھَمــا شیــر درچکــےءِ ساھــگءَ واب بیتءُ ھمــے شکـاری دامءِ تــہءَ بنـدیـگ ئے کنـت
شکـاری وتــئ ھَمــراھانی نیمــگءَ رھـادگ بیت
دمانےءَ رنـد مُشــک چَــہ وتــی ھــونڑءَ درکیــت تـرّانءُ سئیــل کنـان بیـت ھَمـے درچـکءِ کــرّا سـر بیت
چار اِیت دانــکہ ھَمــا شیــر دامءَ بندیــگ اِنت
مُشــکءَ شیــرءَ را جُســت کُــت .....مَن تــئ کُمـکءَ کُـت کـن آں؟
شیــرءَ پــہ تَــژن کنــداِتءُ گُشــت تــو مَنــی چــے کارءَ کــائے
مُشــکءَ گـوں وتــی تیــنزیں دنتـانـاں دامءِ گُــڑگ بنــدات کـُـتءُ دمـانےءَ پـد دام ئے کَـپ کَـپ کُـت
شیـــر ھبکّـــہ ھبکّــــہءَ مُشــک ءَ را چــارگ اَت
ســاھتےءَ پـد دام کَـپ کَـپ بــوتءُ شیـــر چَــہ دامءَ آجــو بـوت
آ سنگــت بــوت اَنتءُ دیــم پَــہ جنگــلءَ شُــت اَنت
@Labzank
telegram.me/Labzank

💥چه هرءَ بترس

پیل چه جنگلءَ تچگءَ اَت، جست اِش کت: تـو پـرچـا تــچگ ئــے؟
گوشتی: شیرءَ حکم داتگ پهکیں گوکُشتِر گِــرَگ ءُ کشگ بہ بنت.
گوشت اِش: بلے تو وا گوکشترے نہ ئے، مہ تُرس.
گوشتی: زاناں، بلے شیرءَ هَر پرماتگ، آ نہ چار ایت، لپاشیت روت. 👈🏽😂

✺ گوکشتر: زرافه
@Labzank
telegram.me/Labzank

کِـــــسّـہ
یک شیرے گِــرّ نـادراھی ءَ گپتک اَت .روباہ ءَ گُشت تو گورھرے شکارکن گوشت ءَ من وراں،ءُ آئی ءِ سگندان ءِ رگ ءَ گوں ترا بند آں تئی گرّ روت،
شیر ءَ گور ھرے شکار کت روباہ ءَ گوں سگندان رگ ءَ شیر بست،وھدے گورھر ءِ سگندان رگ ءَ گرم جنت آچو زمزیل ءَ بیتّ ءُ ،مکاریں روباہ ءَ گوشتاں وارت ءُ سیر کنت تــچ ایت،مُشکــے روگ ءَ بیت شیـــر ءَ گند ایت کـہ گرم ءِ سر ءَ بـستگ،مشک روت ءُ شیر ءَ بوج ایت.
شیر چـہ اے دھات ءَ روت کس نہ گندیت ئے،
مدتی ءَ رند ھپتار ءَ یک دگے جنگلی ءَ شیــر دیست . ءُ جــُسـتی کُــت کـہ:
ــ ھاں واجـہ تو وتی ملک یل داتگ پرچا؟
شــیر ءَ پسّــہ دات کــہ:
ــ آ جاہ ءَ کـہ دژمن روباہ ءُ میار جلّ مُشک بہ بنت آ ملک نندگی جــاھے نـہ اِنت.
رجانک: وژدل
Telegram.me/gbbalochi

🌺دُرّیـــں دانــــک🌺
ادار ءِ پکر کنگ چـہ ھپتاد سال ءِ ابابت ءَ گھتر اِنت.
ایوکی باز گھتر اِنت،چـہ سلیں مردمانی ھمراھی ءَ.
ھر کس دژمنی کِش ایت، نکسان رُن اِیت.
ھر وھدے کم زات مستری ءَ برس انت،شریں مردم بیران بنت.
چـہ جاھل ءَ گوں باوست کنگ ءَ، ھاموشی گھتر انت.
گیشتریں جیڑہ ءُ جنگ چـہ زبان ءَ بنگیج بنت.
@Labzank
telegram.me/Labzank

راجدپتر ءَ سردارانی راجی کرد ۔۔۔ اولی بہر.....الطاف بلوچ

بلوچ راجدپترءُ کوْہنیں شاعری ءَ کہ وانئے تہ مارا سرپدی رسیت کہ بلوچ یک انچیں راجے کہ چہ کدیماں جنگ ءُ جدل ءِ تہا رُستَگ ءُ اے کَدّ ءَ اتکگ سر اِنت۔

کبیلہ، ٹَکّ ءُ کُٹُم انسان ءِ اے سرزمین ءِ سرا اولی جوڑ کتگیں چاگردی گل اَنت کہ انسان ءَ بید ء اِشاں وتارا زندگ داشت نہ کتگ۔ ہمے ہاترا، ما وہدے بلوچ راج ءَ گنداں کہ دگہ دگہ ٹَکّ ءُ کبیلہاں بہر اِنت یا بلوچ ءِ پجّار گیشتر کبیلہ ءِ دروشم ءَ انت، اے ہمے  شون ءَ دنت کہ بلوچ یک تاریخی قومے، انسانی تہذیب ءُ ارتقاء (ردوم) ءِ بنداتی زمانگانی قومے۔

ٹَکّ و بولک یا کبیلہاں مدام انسانی تاریخ ءِ تہا وتی یک رہبندے جوڑکتگ کہ ہما چاگرد ءِ جیڑہانی گیشّ ءُ گیوار کنگ ءِ زلورتانی پورا بہ کنت۔ ٹَکّ ءُ بولکاں وتی وتی مستر ،کماش ءُ زانتکاریں، مزن جگریں مردم ،انصاف کنوکیں ءُ دُور چاریں مردم   سروک جوڑ کتگ اَنت ءُ اندگہ مردماں ہمائی ءِ دست ءِ چیرءَ کار کتگ ءُ وتی چاگردانی جنجال ٹہینتگ اَنت۔ اے ہما زمانگ انت  کہ انسان ءَ ریاست، کانود، آئین ءُ رہبند نہ بوتگ۔ ہمے پیما بلوچ ٹَکّاں اوں وتی چاگردی جیڑہانی ہاترا وتی کبیلہانی سرکماش وتی وتی میتگ ءِ سروک ءُ میِر جوڑ کتگ اَنت ءُ چاگردی رہبندے وتی راجی تب ءِ متابک ءَ ٹہینتگ کہ آہانی زند ءِ جنجالانی گیش و گیوار کُت بہ کنت۔

انچش گشنت کہ کدیمیں زمانگاں ہما چاگردی سروک ءِ گچین ساپ ءُ پلگاریں ڈیموکریٹک رنگےءَ بوتگ۔  یک سروکے ءِ بیرانی ءَ پد دگرے مردماں پہ وت گچین کتگ۔ اگں پیسری سروک ءِ چُک، یا برات ءُ وارس  نابودے بوتگ، بزدلے بوتگ یا نالائق ءُ احمقیں مردمے بوتگ، آئرا پہ وارسی  سروکی ءِ جاگہ ءَ آرگ نبوتگ بلکن ہما کبیلہ ءِ تہا لائق ،ایماندارءُ دلیریں مردم اِش دَرچتگ ءُ کلانی سوج ءُ سَلاہ ءَ پد نوکیں سروک گچین کنگ بوتگ۔

بلوچ نبشتہ کار واجہ ڈاکٹر شاہ مہمد مری وتی  کتاب  بلوچ قوم2 ءِ تاکدیم 64 ءِ سرا نبشتہ کنت کہ بلوچانی تہا سردارءِ جاہ ءُ مکام یا ارزشت سک مزن بوتگ،ءُ پرچہ مہ بیت کہ سردار موروثی بزاں پت ءُ پیرُکی نہ بوتگ اَنت۔ ٹَکّ ءِ دُرساں چہ شر تریں مردم بوتگ اَنت کہ آہانی تہا بلوچیت ءِ درہیں شرّی بوتگ اَنت ءُ سرداراں وتی ٹَکّ ءِ دیمروئی ءُ گہبودی ءِ واستا کار کتگ۔

مرچیگیں سردارءُ نواب ءِ اصطلاح کہ مئے چاگرداں است اِنت، کوّاسءُ دپتر زانتانی گشگ اِنت کہ اے اصطلاح یا رہبند بلوچ ءِ زندمان ءِ واستا نوکیں چیزے کہ ڈنّی زورآوریں ہما راج کہ بلوچ چاگرد ءِ تہا اتکگ اَنت ءُ بلوچ اِش لَٹّ و کُٹّ کتگ، بہرءُ بانگ کتگنت ءُ بلوچ سرڈگار اِش پُل اِتگ ،اے رہبند ہما راجانی داتگیں سوگاتے۔ اے زورآوریں راجاں کہ وتی کدم بلوچ سرڈگارءِ سرا ایر کتگ انت تہ آہاں اے سرڈگا ءِ کشّوکیں گوْات، کؤرانی ڈَل ءُ سنگ، کوہانی ٹُلّ، زِر، اے زمینءِ سرءُ چیرا استیں گْواجن، بلوچ سرڈگار ءِ سیمسر ءُ آئی ارزشت ءَ سرپد بوتگ انت۔

دری راجانی مدام جہد ہمیش بوتگ کہ اے سرڈگارءِ واجہ ما بہ باں،ءُ ہمے لوٹانی پدا دری راجاں بلوچ سرڈگارءِ سرا اُرش ہم سک باز کتگ ءُ بازیں غیرت مندیں بلوچ شہید کتگ۔ ہما زمانگاں کہ بلوچ یک پَتّ و تپاک بوتگ اَنت ءُ دری زورآوریں راجانءَ پروش داتگ اِش ءُ چہ سرڈگارءَ گَلّینتگ اِش، ہما زمانگاں ڈنّی مہلونک ءَ یک پندلے جوڑ کتگ کہ بلوچءِ سرا ہاکمی کنگ ءُ آئرا گلام دارگ ءِ مستریں سازش ہمیش بوت کنت کہ اشاں وت ماں وت جَنگ دئے، گڑاں بلوچ ءِ سرا حاکمی ءُ آئی ءِ سرڈگارءِ گْواجنانی لُٹ ءُ پُل ارزان بیت۔

ہمے ہاترا ڈنّی زوراوریں مالداریں راجاں بازیں ہما میتگاں کہ یک بلوچ قبیلہ ءِ مردماں گوں دومیگ ءَ گوْنڈیں نارازی یے بوتگ گُڈا ڈّنی مردماں ہما نزوریں مردم وتی دست ءَ کتگ، زَرّ ءُ ملام داتگ ،لشکر داتگ کہ تو وتی مخالف مردماں گوں جنگ کن ءُ دمگ ءِ سروک جوڑ بو،ما تئی ہر پیمیں کُمک کناں۔ ہمے دولت، واجہی ءُ سروکی ءِ لالچ ءَ بلوچ چاگرد ءَ جاگہ کُتگ ءُ بلوچ روایات پرْشان ءُ سردارءُ نوابی ءِ شیرکنی ءَ بلوچ چاگرد پرشت ءُ پروش ءِ آماچ جوڑ کت۔

اے رنگیں کِسّہ ماں بلوچ راج دپترءَ سک باز اِنت کہ بلوچ ءَ وت ماں وتی جنگاں سی ءُ چِلّ سالاں یکے دومیگ جتگ ءُ کُشتگ۔ ہمے واستا بلوچ دود میزان میزان ءَ پرشان ءُ چاگرد ءِ ڈیموکریٹک رہبند گوں ہاکاں ہوار بوتگ۔ ءُ مرچیگیں سردارءُ نوابی رہبند دیما اتک کہ ہچ رنگ ءَ گوں بلوچ تب یا انسانی ڈیموکریٹک رہبنداں ہمدپ نہ اِنت۔ چیا کہ ادا سرداری ،نوابی سٹ اَپ ءُ واجہ کاری ہما اِنت کہ یک مردمے اگاں سروک اِنت آئی ءَ پد آئی ءِ چک، نماسگ، برات، برات زتک یا دگہ وارسے ہما سرداری ءِ جاگہ ءِ وارس اِنت۔ اے  کبیلہ ءِ تہا اندگہ مردمانی ڈیموکریٹک حقانی ھلاپ اِنت ءُ یک لوگے ءِ ھاکمی گشگ بیت۔

اگاں ہمے سردارءِ ہما سیاسی وارس بزدلے بیت، لالچی یے بیت، وتی ٹَکّ ءُ کبیلہ ءِ لوٹانی متابک ءَ مہ بیت، احمقے بیت، بلے آ سردار الم بیت چیا کہ آئرا اے حق چہ وراثت ءَ گو

ن اِنت۔ اے رہبند ءَ بلوچ راج سک باز نُکس داتگ۔

ما وہدے چہ اژدہمی کرن ءِ دست کپتگیں راج دپتری نشانیاں چاراں تہ مارا سما کپیت کہ بلوچ چاگرد ءَ بے ایمنی، برات کُشی، دُزی، لُٹّ ءُ پُل ءُ ہمے رنگ ءِ جاور سک باز گندگا کئیت۔ اشی ءِ مستریں سوْب ہمے واجہ کاری ءُ سرداری سسٹم اِنت ۔ما گندگائیں کہ سرداری ءُ واجہ کاری ءِ پاگ ءِ سرا کنگ ءِ واستا پِت وتی چکاں، چک وتی پتءَ، برات وتی برات ءَ ءُ اندگہ وارساں اوں کُشگا اَنت داں کہ ہاکمی ہمائی ءِ دست ءَ بئیت۔ اگرچہ مارا اے رنگیں جاور اندگہ بازیں راجانی راج دپترءِ تہا گندگا کئیت بلئے بلوچ ءِ راجی تب چَٹءَ جتا ءُ یکتا اِنت۔ ءُ اے نادراہی گشئے بلوچ زندمان ءِ تہا گیش ترسناکیں رنگ ءُ دروشمے ءَ دیما اتکگ ءُ تاریخ ءِ تاکاں کہ وانئے تہ سک بیمناکی یے مئے دیما کئیت کہ پہ ہاکمی ءِ ہاترا بلوچ سردارءُ واجہ کاراں  چے چے نہ کتگ۔ ہر ہما کار کہ بلوچ دودانی ھلاپ انت گیشتریں سردار ہما کار ءِ کنگا تیار بوتگ انت۔ ہمے واستا مرچی سیاسی پڑءَ بلوچ چہ اندگہ راجاں پشت کپتگ۔

اے نبشتانکءِ تہا من جہد کناں کہ ماں بلوچ چاگرد ءِ تہا بلوچ سردار، نواب ءُ واجہ کارانی سیاسی کرد چے بوتگ ءُ چینکس پہ بلوچ سرڈگارءَ اے سیاسی کرد ءِ نپ ءُ نُکس بوتگ اَنت۔ءُ مرچی کہ مئے سیاسی جاورال اَنت دیمترا بلوچ چہ وتی سرداراں کجام اوستءَ بداریت۔

ڈاکٹرشاہ مھمد مری وتی کتاب بلوچ قوم2ءِ تاکدیم 64 ءِ تہا نبشتہ کنت کہ لبز”سردار“ درآمدیں لبزے کہ نصیر خان اول ءِ زمانگ ءَ بندات بیت۔ اِشیءَ چہ پیسر بلوچاں سردارءِ جاگہہ ءَ ”مِیر“ءِ لبز کار مرز کتگ ۔
ما اگاں چہ پانزدہمی کرنءِ مِیروءَ بندات بکناں ءُ دانکہ بیست ءُ یکمی کرن ءِ نوکتریں نواب مہران مری ءَ بیا ئیں، مارا بلوچ چاگرد ءُ راجکاری ءِ تہا مزنیں کُشت ءُ ہونے گندگا کئیت کہ پہ واجہ کاریءِ واستا بوتگ ءُ چرے کُشت ءُ ہوناں ہزاراں بلوچ پُسّگ ءُ مزنیں لائکیں ءُ راجی بامردیں سر جَنَگ ءُ کُشگ بوگا انت۔

گل خان نصیر ءِ نبشتگیں تاریخ بلوچستان (بلوچ راج دپتر) ءِ دومی باب ءِ تاکدیم نمبر 6 ءَ واجہ نبشتہ کنت کہ ہما زمانگ ءَ کلاتءِ سرا سیوا نامیں ہندویے ہاکم بوتگ۔ بلئے اے ہاکمی ہندو دراوڑ ٹَکّ ءِ بوتگ۔ پانزدہمی کرنءِ نیام ءَ کہ ماں ہندوستان ءِ سرا منگولاں اُرش کت تہ کلات ءِ ہندو حاکم اوں ہمے اُرش ءِ زَد ءَ اتک۔

منگولانی بابت ءَ دپتر زانت نبشتہ کننت کہ اے سکّیں دلیریں، زالم ءُ زوراکیں راجے بوتگ۔ منگولاں ہر کجا کہ جَنگ بندات کتگ اودا ناں جنین اشتگ، ناں کہ کسانیں زہگ، کماش ءُ ورنا، یا نادراہ، ہچ مردم چریشانی زہم ءَ نہ رکّتگ۔ اے زوراکاں چم بستگ ءُ مردم کُشان کتگ اَنت۔ کئے کسان، کئے مزن، کئے پیرءُ کئے ورنا اِنت ءُ کئے زالبولے، اشان ہچ کِمار نہ کتگ۔

میرو ہمے زمانگ ءَ بلوچانی براہوی بولک ءِ سردار بوتگ۔ میرو ءَ زانتگ کہ منگول چو ابرستگ اَنت اے دمگ ءَ اوں یک آشوبے کئیت۔ پمشکہ  میرو گوں وتی ٹک ءِ مردمانی ہمراہی ءَ گوں منگولاں ہمراہ داری کنت ءُ کلات ءِ سرا ہندو بولک ءِ ہاکمی ءَ ہلاس کنگ ءَ گوں منگولاں ہوار بیت ءُ اے دمگ ءَ چہ ہندو دراوڑ ءُ جدگال بولک ءِ مردم تاچینگ بنت۔ نوک دست کپتگیں راج دپترءِ رِدا اے بلوچانی ہاکمی ءِ اولی دور زانگ بیت ءُ بلوچانی کلات ءِ سرا ہا کمی ءِ بُن ہِشت ہمیش بیت۔ بلئے سک باز وہد نہ گوْست کہ منگول ماں اے دمگاں نزور بوان بوت اَنت، ہمے ہاترا بلوچانی ماں کلات ءِ ہاکمی اوں نزور تَرّان بوت۔

میروءِ مرگ ءَ پد کندھار(قندھار) ءِ ارغون ہاندان ءَ کلات ءِ سرا ارش کت ءُ منگول پروش دات اَنت،ءُ کلات ءِ ہاکم زنّون بیگ ارغون نامیں اوگانی یے جوڑ کنگ بوت۔ بلئے 1530 ء ءَ وہدیکہ کندھار ءِ ہاکم ہاندان ارغون، مغلانی دیما پروش وارت، تہ سردار میرو ءِ بچ سردار عمر میرواڑی گوں لشکرءَ کلات ءِ سرا یکبرے پدا ارش کنت ءُ سوبین بیت۔

بلئے ماں مکران ءِ کوہی دَمگاں پہ گَردگ ءُ سیلءَ شُتگیں میر شیہک رند (میر چاکر رندءِ پت) ءُ گہرام لاشاری اے ھال ءَ سرپد بنت تہ میر عمر میرواڑی ءِ ھاکمی ءِ ہلاپ ءَ پاد کاینت ءُ دیم پہ کلات ءَ لشکر کشی کننت۔ اے لشکر کشی ءِ سوب ءَ سردار عمر میرواڑی کُشگ بیت ءُ کلات ءِ ہاکم نوں ہمیش بنت۔ بزاں رند ءُ لاشارانی تپاکیں ھاکمی یے بیت۔

میر گل خان نصیر تاریخ بلوچستان ءِ تہا نبشتہ کنت کہ میر شیہک رند ءُ میر گہرام لاشاری مدام گوں وتی لشکرءَ ماں کوہاں یلہ چر بیتگ اَنت ءُ مدام مردم اِش لُٹ ءُ پُل کتگ۔ ہمے ہاترا اشانءَ کلات ءِ پیمیں اِستان ءِ سرا ہاکمی ءِ وڑ ءُ پیم نزانتگ۔ کلات ءِ سرا ارش ءَ پد رند ءُ لاشاراں دیم پہ سیوی ءُ ڈھاڈرءَ دات کہ چد ءُ دیم راج دپترءُ بلوچی کوہنیں شائری ءِ رد ءَ رند ءُ لاشاراں وت ماں وتا سی سالاں داں بلوچ کُشی ءِ مستریں ریکارڈ جوڑ کت۔

روان انت
@Labzank
telegram.me/Labzank

🌺دُرّیــں دانــک🌺
چــہ ھــاونــد ءَ جُست اش کـــت کــہ :
اَے ھـاوند چتور ءُ چـہ داب ءَ گھتر زِنــد گـوازیــنگ بیت؟
ھـاونـد ءَ پــسّہ دات:
گوستگین وھـد ءَ بـے مڈا ءَ بزور ءُ پہ گـوستگین ءَ مـہ جیــڑ
گوں ستک ءُ بـروسہ ھستیں وھــد ءَ بـہ گوازین.
بـے ترس ءَ آیوکیں وھد ءِ واستا تـــیار بــو
سِــتک ءَ مُھر بِــدار ءُ تُـرس ءَ کُنـڈی ءَ دَور بــِدئے.
شـَــکـّانی سرا بروسہ مکن، ءُ سِــتکانی سرا شکّ مکن.
زندگی سـَکّ وش اِنت، اگا تو بزان ئے چون کنگ بیت.
نِـلسون مَنڈیلـا
@Labzank
telegram.me/Labzank

ھــمّل ءِ جیـــھنـد ءِ پسّـــہ پـہ چــاکــر سھــاک کــولــوائــی ءَ


تئی دپ ء- دروگــے زیادھــیں بستــگ

تو گوشتــگ من ھمل ء_سنجـاں زندگ ء- بوجاں

چاکر ڈاچی منی سُہرچَمّــیں بلوچان انت
گیشتر ماں مزن پھــریں واجہاں گون انــت

جتّ اگاں ھال ء- پـہ من ء- بیار ایــت
من نندان ء، سنج کناں سیاہ ء-

سیاہ ء- گوں سوگات ء- دیــاں کُشتی

سیاہ راہ رو ء، میداناں شکاریگ انــت
دور نہ کنت چیلّ ء- وت میاریگ انــت

تو دیم کن ئــے ھولان سر ء_ پروشاں

پشت کن ئـے ٹونٹانش بگاڈیناں

تو گوشتگ من ھمل ء _ سنجاں زندگ ء- بوجاں

بـــے مــِڑ ءُ داوا ءُ گُــلائــیش ءَ

َ ھـِـچّ بــلوچ ءَ کــارے نــہ کُـت چــوش ءَ

تیــگ ماں آ ھوتــیں ھمّــل ءِ لانکءَ

تــو چــونی کار ئے بســتگیں سنجـــاں؟؟

چـاکر زندگ ءَ سنــجانـی بــرگ سَــکّ انت

کُش ئے گــڑا ســنجانــی بـَرگ ھَــکّ انــت

بــلے چــاکــر مــن ءَ قــول انت وتی کاریگر ھَرِنّانــی
...............
@Labzank
telegram.me/Labzank

🌹 شـــریـــعت 🌹
پاکیں ھاوند راستی ءَ دوست دار ایت
بلے ھاوند ءِ نیکیں بندگ مُلـا راستی ءَ چـہ ترس اَنت
یک تاجری ءَ کابل ءَ شیک (فتح اللہ) ءِ تمپ ءِ کش ءِ مسیت گور ءَ ھوٹلــے جوڈ کُت
اے ھوٹلـے تــہ ءَ سَــوت ءُ ساز ، ناچ شراب ءُ دگـے بــازیـں گناھیں کِرد بوت
ملـّا ءَ ھر نماز ءَ رند گوں مومناں نشت ءُ دوا کــُت یا ھُــدا اے ھوٹل ءَ گار کن آزمانی ازابـےِ بیاری سرءَ
یک روچے مزنیں گواتــےِ اتک ءُ ھوٹلــی برباد کُت
مـلـا گوں مومناں گل بوت ءُ نماز ءَ رندَ وازی کُت ءُ گُـشت:
مومـن اگاں گوں راستیں دل ءَ چـہ ھاوند ءَ چیــزے بـہ لوٹ ایت ھاوند آئی ءَ بے بھر نہ کنت
ملـا ءِ گل ءَ دیر نـہ گوست تاجر ءَ اے ھال اشکت ءُ شت شریھتــی کُت ءُ چـہ ملـّا ءَ نکس ءُ ھسارتانی لوٹوک بوت
کازی ءَ ملـا ءُ مومن لوٹات اَنت
کازی ءَ دوئیں نیمگانی گپ گوش داشت اَنت ءُ گُشت
من نــــی چی بکن آں ؟؟؟؟
یک نیمگــے ملـاءُ نماز وانیں مردم انت کـہ گوش اَنت ما دوا ءَنـہ مَنّ ایں
یک نیمگ ئے شراب بھاکنوکیں تاجرے کــہ آئـــی ءَ دوا ءِ ســر ءَ ســِتک ءُ بــروســہ انــت
★رجانک ★وژدل بـلـــوچ
@Labzank
telegram.me/Labzank

🌹 کنــدءُ مـَــن کَنــــدیــں🌹

( ٹــارچ ،بَتّـــی )

پَٹھـان،جَنـّت گُـلءَ وتـئ چیــزے جَــرءُ رزان مـاں ھَلـکـاں بہــا کُتـگ اَتءُ چیــزے پَشـت کَپــتگ اَت
تَہــار مگــربءِ وھــدءَ وتــی ھَــرءَ ٹِکّیــناںءُ سَــردیان واتــر دیــم پَــہ وتــی لــوگءَ پیــداک اَت
َہـور ھَــم بــوتگ اَت بَــلے جمبـــراں اَنگـتءَ آزمانءِ دیــمءَ را سیــاھیــں چـادرے پِـرداتگ اَت
وھــدءِ پٹھـان پـــر ھنــدگءِ کــورءِ نــزدیکءَ اتـک دیــست ئے داں کــورءَ بلاھیــں آپءِ آورتـگ
آیءَ تــوکل کُــت گــوں ھَــرءَ آپءَ مانـدات
وھـدءِ آپءِ میـانجیءَ شُـت دیــست ئے
داں آپ گیــشتر بـوان اِنت آپءَ ھَــرءَ را گــوں بارءَ چِــست کُـتءُ ماں جہــلانکیءَ بُــرتءُ دور دات
پَٹھـان پُـہ وتـی رکّیــنگءَ کــورءَ تـَہـا کَــہیرےءَ سَــر کَپـت
گُــڑا وھـدے جَمبــرءَ کــہ گِــروکءَ جُـت پَٹـھان چَـہ زھــرءُ گُــشگءَ لـگّ اِت
ھُـداءَ را پہ من بَــزّگ ھــوں نَـہ بیــت ھَــرے ئے گــوں بارءَ بُـــرت نــوں ٹارچ جَنــگءُ چـارگءَاِنت کِــہ پٹـھان باریــں کُجـا شُــت 😂😂
@Labzank
telegram.me/Labzank

.....🌹🌹 وھــــــد🌹🌹......

وھــد جــی ھَــو! وھــد یَــک انچیــں تچــوکیـــں کـــورےءِ دابءَ اِنــت کِــہ آئــیءِ بــے رَھمیــں چَــول مـارا وتــئ امبــازاں کنــانءُ تیــنزیءَ گوما دیــم پَــہ بیگــو اھیءِ زرءَ بــَرنت
وھـد جــی ھو!وھـدیَــک اَنچیــں بـے مِنّتیـــں سنگــتےءِ دابءَ اِنت کـہ اگــاں مـا آئ شــرّی نَــہ کُـت گُــڑا آ گــوں مــزن ایــرموشیءُ سنگــدلیءَ مئے تیــوگیـں وشّــیءُ کیمــتی متـاھاں چمّـا پـچ گیــپت اِنت
وھــد جـی ھـو! وھـد یَـک انچیــں جادوگرےءِ دابءاِنت کــہ آمارا وڑ پَـہ وڑیــں پوشـاکاں بـدل بـدل کنـانءَ پیــش داراِیتءُ وتـی جادوگریءُ رِپکاں چَـہ زنـدگیءِ پُـرّ لِـزّتیــں کیپاں زِبــہرکنائین اِیت
وھـد جـی ھــو!وھــد یَـک انچیــں بُـرّ ناکیــں سـگارےءِ دابءَ اِنت کِــہ آ مئـے ھــر رَپتار،ھــر گُپـتار،ھـر کـِـردارءَ وتــی گِــرپتءَ زورگءَ اِنـت
@Labzank
telegram.me/Labzank

"فردوسی"
فردوسی فارسی زبان ء یک شاعرے بوتگ. آئی ء اسل نام حکیم ابوالقاسم حسن پور علی بوتگ. فردوسی آئی ء لقب انت.
فردوسی 940 ء خراسان ء دمگ ء یک کسانیں میتگی ء طوس ء ودی بوتگ.
آئی ء شاعری ء کتاب ء نام شاھنامہ انت. شاھنامہ ء تہا کساس 60 ھزار شعر نبشتہ انت.شاھنامہ سن 1000عیسوی ء نبشتہ کنگ بوتگ
شاھنامہ ء مانا بادشاہ ء کار کردگی یا کارپد چونکہ اے کتاب ء تہا فردوسی ء ایران ء بادشاھانی کارکردگی ء اود ء دود ء ربیدگ ء بابت ء نبشتہ کتگ پمیشہ اے کتاب ء نام شاھنامہ ایر کنگ بوتگ اے کتاب ء تہا فردوسی ء بازیں گیدی کسہ شاعرانہ اندازہ ء نبشتہ کتگ.
شاھنامہ ء تہا مارا بلوچانی راجدپتر ء بابت ھم جوانیں سرپدی رسیت.
شاہامہ ء تہا فردوشی نبشتہ کنت کہ کوھنیں نام مکا بوتگ ء ایشی ء بنجل بمپور شہر بوتگ مکا ء نام ایران ء بادشاہ ھخامنشی پر کتگ. وھد گوزان بوتگ مکا ء چہ مکران نام کپتگ. فردوسی ء متابک ء مکران دو فارسی لبزاں چہ زیرگ بیتگ ماھی خوراں بزاں ماھیگ وار.
ادے مردمانی وراکی ء وردن گیشتر ناہ و ماھیگ بیتگ.
فردوسی سن 1020 عیسوی ء طوس ء بیران بوتگ.
پٹ ءُ پولکار "امین عاقل"
@Labzank
telegram.me/Labzank

....🌹🌹میـــــر کمبــــر🌹🌹....

میــر کمبــرءِ آرپیــں پـتءِ نام سلیمــان بوتـگءُ آئــی مـکّہ ئـیں ماتءِ نـام سُلطان ھاتــون بــوتگ
اے اومَــر ولـدءِ دوستیــنءِ گــوھار بـوتگ
اے ھَمــے اومَــر اِنت کــہ گــوں مظـفرءَ دسـت پنجـگ بیــتءُ آئـیءَ جنتءُ سیاہ روہ کَنـت
کمبــرءِ لـوگ بانکءِ نـام مــریم بــوتگءُ مـریمءِ پـتءِ نام ھســن بوتگ کـہ سلیمـان بـرات بوتگءُ بُنـکیءَ ھــوت بوتگ اَنت
اے جنــگ اے سـَـوَبءَ بیــت کــہ ســردار مہــراب لنـگ لشکــر کنتءُ چــہ وتــی دَمـگءَ ســراوانءَ دَرکیت
پـہ مالیـاتءِ گِــرگءَ مالـداریـں بلوچـانی دیـم پـہ دیـم دَزّگءِ دَمــگءَ روتءُ اُودءِ مَــردماں مالیــات گیــپت
پدءَ چَــہ اودءَ درکیــتءُ دیــم پَــہ بنـتءُ دھـانءَ ماں فقیــر دادءِ ھَــلکءَ روت کـہ اُودءِ مــردم مالیـات نـہ دَینـت کــہ چــہ ایــشیءَ آ اُودءِ مـــردماں جنـتءُ کُــش اِیـتءُ بـازینـے گِپـتءُ بنـدیگ کَنــت
چَــہ ھَمــے بنـدیگـاں یَـک جنیــن آدمــے بیــت
کــہ آئیءِ دراہ ئیـں مـردم کُشـگ بنـت بلـے آ چــہ مہــرابءِ بنـدیگیءَ رکّ اِیـتءُ وتــی ساہ بـارت پَــہ میــر کمبــرءِ گــوراءَءُ عــرض کنـتءُ چــہ آئیءَ کُمــکّ لوٹ اِیــت
میـــر کمبــر آئـیءِ عــرضءَ گـــوش دار ایـتءُ گُـش اِیـت کــہ مـن ھـَـر پیــم کـن آں اے بنــدیاں پــدءَ تـرّیـن آںءُ آجــو کن آں
نــوں وتــی ھلـکءِ ورنـایاں لوٹائین اِیـت پــہ جنـگءَ تیـار کَنـت کمبــر گــوں وتـی ورنایـاں مہـــرابءِ گــوما جنــگ کَنــتءُ جنــگءِ میــانءَ مہــراب گــوں وتــی لشکــرءَ لگــور تَـرّ ایـتءُ تـچ ایت کمــبر بنــدیءُ مالاں تـرّین اِیـتءُ آجــو کنـتءُ رھـادگ بیـت کــہ مہــراب راہءَ ســرءِ بنـد اِیـت تیــرے جنـت ئے کــہ کمبــرءَ لـگّ اِیتءُ آ ھمــودءَ جَنــگ بیــت
بَلــے آ وتــی بَنــدیاں واتــر کَنـگءَ سوبیــن بیتءُ پـدءَ وھـدے کـہ کمبــر جَنـگ بیـت گُــڑا آئـیءِ پـت سُلیـمان وتــی زَھــرگءَ کار بنــداِیتءُ اے دگــہ مــردماں جـَـم کنـتءُ دیــم پــہ مہــرابءِ نیــمگءَ رھـادگ بیت مہــراب وھــدے ایشـاں گنــد اِیـت گُــڑا ھکّـل کنـت اِش کــہ او کسانیــں چُــکّءُ چــوریاں منــی راہءِ سـرءَ دور بــیا اِت، ،بَــلے سُلیــمان ھَمـا دمـانءَ جــوابءَ گــردیـن اِیـتءُ گُــش اِیـت کہ اے کسـانیــں چُـکّءُ چــوری نـــہ اَنت کـہ تــی راہ اِش بســتگ اے کمبــر اِنت گــوں ھَمــے گپـاں مہــرابءِ چَــم درکا ینتءُ زانت کــہ نــوں پمــن زندگیــں جان نیــست گُــڑا ھُــشکءُ ھیــران بیــت جـانءِ گــوشت ئے ایــر رِچ اِیــت ::گُــڑا کمبــرءِ پِــت گُــش اِیـت ....

اے کمبــر نہ اِنت اے کُنگرے
ســر کُشــتگءُ دم زندگ اِنت
چَــہ ایشــیءَ پـد جنــگ بیــت، مہــرابءُ آئــیءِ پشــت کپتگیــں لشکــرءَ کُــش اِیتءُ پدءَ واتــر کَنــت
اے جَنــگءِ تــہءَ کمبــرءِ ماتءِ ھَــم مـزنیــں کــردے ھست کــہ آ کمبــرءَ را گُشیــت کــہ اگاں تــوجنگءَ جَنــَگ بـہ بئے گُــڑا مــن تئـی مــرگءِ ســرءَ مــوتک نــہ کــن آں بلکیــں تــرا پــہ ھَــلو ھـالو کبــرءَ بــرآں ـ بَلــے اگـاں تو لگــور بـہ بئے گُــڑا منــی شیـــر ھَــم تــرا پــِہل نـہ ینت، اگا‍ں تـو گنــدلءِ ســرءَ مُــرت ئے مَنــی شیــر تـرا ھپــتاد بـرءَ ھــرام بات اَنت
@Labzank
telegram.me/Labzank

بلــوچســتان نمیــران انـت 🌴
مبـــارک کــازی
تناوھدی کہ دل آزاتی ءِ جھد ءِ زھیران انت
تناوھدی کہ شانتل وش گوشیں بز ءِ کھیران انت

تناوھدی کہ بولان سرمگیں گوں نپت ءُ بیران انت

بلـوچسـتان نمیـران انـت
بلـوچسـتان نمیـران انـت

تناوھدی کہ روچ ءِ رژن مھر ءِ برمش درشان ایت
ماں زلم ءِ سیہ شپاں جھدانی ڈیوا رُژنا مان ایت

بلوچ ءِ زھگ زرتاکیں کتـاب ءَ واھگ ءِ وان ایت
پہ نوکیں زندمان ءَ جھد ءُ مھر ءِ تانجواں تان ایت

دل ءَ وت واجھیں روچ ءِ مراد ءِ یات گیران انت
بلـوچسـتان نمیـران انـت
بلـوچسـتان نمیـران انـت
نـپ ءُ تـاوان یـک انـت
درد ءُ رنـج ءُ شـادمـانـی یـک

بلــوچســـتان نمیــــــران انــت.
نبیسـوک/ ھـارون اخــلاقـی@
🌴 کــــورُشـــــیں گــــال 🌴
لبـزانکـی مجلس کلمتـی کاروان.

.........🌹حکمـــــت(1)🌹......

مال پَــہ زنــدءِ آسیــدگی اِنت نئے کـہ پَــہ مـالءِ یکجــاہ کَنــگءَ

دانائے جُســت اِش کُـت نِگبــھت کئــے اِنتءُ شــوم کُجـام اِنت
پـَسّـــوئے دات:
نِگبھــت آئنت کــہ وت بــوارتءُ پَــہ آخــرتءَ بــہ کِشیــتءُ شـــوم آئـنت کــہ وت مــوارتءُ بــہ مِــریتءُ مـالءُ زرّاں پــہ دگــراں ایــر بـہ کَنـت

مہ کن نماز بر آن ھیچکس کہ ھیچ نکرد
کہ عمـر در سر تحصیل مال کرد و نخورد

بــزانت""پـہ چُشیــں مردمءِ جنازہءِ نمازءَ مـرو کـہ ھـچ ئے نـہ کُـت نئے وت ئے وارتءُ نئے دگــریءَ داتئے کُت
کــہ زنـدئے پــہ مالءِ یکجاہ کنـگءَ گـوازینتءُ وت ھـچ ئے نـہ وارت

محمّـد یـوسُف انیــس
کتـاب دَانکانی گنــج
@Labzank
telegram.me/Labzank