السلام عليكم
بشرو وين وصلتو شلونها الدراسة ؟

🔺طلاب اذا محاضره مافاتحيها ابد لاتتركونها اقرو على اي ملخص لأن اكو نسبة من MCQ تجي مباشره ..

🔺إذا قارين على محاضرات معينه لاتغيروها قبل الامتحان هيج تصير خربطه وصعوبة بتذكر المعلومات بالأمتحان ..

🔺ضروري قبل الامتحان بيوم او الصبح تحاولون تراجعون كل المحاضرات الي درستوهم ..

🔺عادي تشوفون نفسكم ناسين وبس تسدون المحاضره چنكم ماقاريها طبيعي من تشوفوه الاسئلة شوية شوية تتذكرون

🔺ثبتو القناة يمكم إن شاء الله راح يكون اكو شرح للسنة الجاية بترتيب اكبر ..

إن شاء الله التوفيق والنجاح للجميع 🤲

السلام عليكم بشرو
إن شاء الله خلصت 🤝

باجر إن شاء الله
خلو ببالكم كم نقطه

🔺النقطه إلي متأكدين منها 100% حوطوها بدائرة كاملة مثلا والنقطه الي شاكين بيها خلو عليه فقط خط مثلا علمود من تكملون تراجعون فقط الي بيهم شك ومايضيع وقتكم ..

🔺ضللو جزء بسيط من نقطه بالرصاص وارجعو تأكدو منهم بعدين طوخو بالقلم الجاف ..

🔺تقريبا تحتاجون للتضليل بالرصاص والجفاف وقت 30 دقيقة فحسبو حسابكم ..

🔺حاولو تراجعون الماده هسه والصبح وصدكو ماناسين 😁
هذا الشعور عادي تتذكرون بالأسئلة من تحلون إن شاء الله

بالتوفيق إن شاء الله وأعلى الدرجات 🤝

بشرو شلونها الأسئلة ؟

الحمد لله مادام سهله

🔺فكره الوزاري الي قاري كل الماده دائما ينجح لأن أكو فوق النصف أسئلة مباشره وتنحل بسهوله فحاولو لاتتركون ملازم والي ماتلحكون عليه اقرو اي ملخص وإن شاء الله الفيروسات هم تخلصون منها ...

🔴 الكتاب الرسمي لمعالجة حالات الطلبة :

- منح 5 درجات لتغيير حالة الطالب من الرسوب الى النجاح بعد انتهاء امتحانات الدور الاول

- منح 5 درجات لتغيير حالة الطالب للنجاح بالعبور او تقليل مواد الرسوب بعد انتهاء امتحانات الدور الثاني

- منح 5 درجات لسعي المادة التقويمية وليس لغرض النجاح بالامتحان التقويمي

- لا يوجد اي معالجات للامتحانات التقويمية حالياً الا بعد استعراض نسب النجاح والرسوب بعد استلام النتائج من الكليات

🔺🔺للتوضيح قرار ال5 درجات للتقويمي وغير التقويمي مشترك لغرض تحقيق النجاح يعني لازم ناجح بالببل شيت ياله يشملك ال5

🔴 وزارة التعليم تمنح 5 درجات لكل مادة وزارية ...

🔺الاضافة فقط للطلبة الراسبين بالببل شيت
يعني اذا مجاوب 45 نقطة تنجح بالتقويمي

🔺ستتم اضافة ال5 درجات من قبل اللجنة الامتحانية المسؤولة عن تصحيح المواد الوزارية ومن ثم ترسل الى الكليات لغرض اعلانها الى الطلبة

من المتوقع ارسالها بعد العيد الى الكليات.

🔴 وزارة التعليم تقرر إضافة قرار 10 درجات للمواد الثانوية الغير الوزارية بدلاً من 5

🔺يعني صار وزاري 5 لكل ماده على الببل شيئت

🔺10 للمواد غير الوزاريه ..

ألي اخذو النتائج بشرو شلونها نتائجكم ؟

🔺مبارك النجاح للناجحين
ويارب التوفيق للي طلعوا دور ثاني ..

🔺صراحه الوزاري يحتاج تبدي من بداية الكورس تقره وتحل هواي mcq

🔺إن شاء الله السنة القادمه يكون شرح افضل بهواي من السنة فإحتفضو بالقناة ..

🔺بإذن الله الشرح من الكورس الأول هم نشرح ..

السلام عليكم

🔺رايد ممثل من كل جامعة طالب أو طالبة يراسلني على هذا الحساب
يكتب الأسم والجامعة والمرحلة ويرسلها على هذا المعرف @J_AhmedA

🔺بخصوص الشروحات حته تنزل على حسب ملازمكم إن شاء الله بقية التفاصيل نتناقش بيها ..

🔺إن شاء الله المحاضرات تكون مصممه بطريقه تجيبون درجات عاليه بجهد أقل والتوفيق من الله ..

🔺لليحب يكون ممثل عن جامعتة أو مرحلتة يدز
الاسم
الجامعة
المرحلة
لهذا المعرف @J_AhmedA

🔺راح تكون فائده إلكم كلش جبيرة وتتسهل هواي أمور ..