අන්තිම දවස උනත් සුපුරුදු විදිහට FAST TRACK වැඩපිළිවෙළ ක්‍රියාත්මකයි.හෙට Paper No 05 උදේ 8.00 ට පටන්ගන්නවා.හැමෝම වෙනද වගේ කලින් එන්න.සම්පූර්ණ ප්‍රශ්න පත්‍රය බලලා ලකුණු ලබාදීම සිදු කරනවා.

ඒ වගේම හෙට ඔයාලට FAST TRACK Paper No 06 ලැබෙනවා.ඒක ඔයා ගෙදරදි කරන්න ඕනි.මේකෙ පිළිතුරු සාකච්ඡා කිරීම Online live Discussion එකක් විදිහට ලබාදෙන්නෙ.

💫 අපේ 2026 Theory, Theory Paper, Full Paper, Legendary Paper, Revision, Revision Paper ඕනෑම පන්තියකට දවසක් හෝ ආපු දරුවෙක්නම් හෙට අන්තිම දවසෙ එන්න කියලා අපි ආදරයෙන් ආරාධනා කරනවා.❤️

මම මෙහෙම කියන්නම්.. මේ දක්වා මට හම්බුන ලොකුම Competition එකක් තිබුන Talented ම Batch එක තමයි උඹලා. Papers වලදී මම සෑහෙන ගැඹුරු ප්‍රශ්න උඹලා එක්ක Discuss කරගෙන යද්දී ඒ වැඩෙත් එක්ක හැමෝම අනුගත වෙච්ච විදිහ ඒ morale එක මරු. මම පුලුවන් තරම් Papers අමාරු කරද්දි, කොහොම Paper එක දුන්නත් ලියන මානසිකත්වයෙන් ඉදපු අති මහත් බහුතරයක් පන්තියේ ඉදපු එක ගැන මට අවංකවම ආඩම්බරයි. ටිකක් ලේසි කරන්නද අහද්දි නෑ එපා කියලා උඹලා කිව්වෙ හෙන morale එකකින්. එහෙම Crowd එකකට උගන්වලා Stage එකෙන් බහිනකොට මට දැනෙන Feeling එක වචන වලින් කියන්න අමාරුයි. Advanced දේවල් උගන්නද්දී, උඹලව අමාරුවෙ දාන ප්‍රශ්න මම පන්තිය වෙලාවෙ අහද්දී හැමෝගෙම ඒක ඉගෙනගන්න තිබුන ආසාව මම උඹලගේ ඇස් වලින් Facial Expressions වලින් දැක්කා. ඒකට මම මාරම ආදරෙයි. ඒ හැමදේම එක්ක මේ වෙද්දී AL Paper එක අතට ගත්තම මේක paper එකක්ද කියලා හිතෙන Level එකකට උඹලා හැමෝම ඇවිත් ඉන්නවා.

ඉතින් මාත් එක්ක මෙහෙම අවුරුදු 2ක වගේ කාලයක් එකට ඉදලා අදින් ඒ හමුවීම අවසන් වෙනවා. මම කීයටවත් expect කලේ නෑ උඹලාට good bye කියන එක මට emotionally මෙච්චර අමාරු වෙයි කියලා. අන්න ඒ මට්ටමට build up වුන strong bond එකක් අපි අතරෙ තිබුනා. උඹලා හැමෝටම ජය. ❤️❤️

ඔයා පෑන් 10ක් විතර අරගන්න.ඒකත් මෙච්චර කල් ඔයා ලිව්ව පෑන් වර්ගයෙන්ම ගන්න.ඊට පස්සෙ ඔයා කරන්න ඕනි මේ ටිකේ ගෙදරදි වැඩ කරනකොට ඒ පෑන් ටික පාවිච්චි කරන්න.හැබැයි ඉවර වෙනකම්ම පෑන් ටිකෙන් ලියන්න එපා.😁 යම් පමණක තීන්ත ඉවර වෙන්න ලියනකොට ඉබේම ඔයාගෙ ඇගිලිවලට ඒ පෑන් හුරුවෙලා.ඊට පස්සෙ සාමාන්‍ය පුරුදු පෑනක් විදියට ඔයාට ලියන්න පුලුවන්.ඒ පෑන් ටික විභාගය ඉවර වෙනකම්ම පාවිච්චි කරන්න.✍️

විභාග ශාලාවට ගිහින් මුලින්ම ඔයාට අදාල ස්ථානය හොයාගන්න.ඊට පස්සෙ බලන්න ඔයාගෙ තැන ඔයාට ගැලපෙනවද කියලා.හදිසියේම වැසි දවසක් එහෙම වුනොත් ඔයා ඉන්න තැනට පින්න එහෙම එනවා නම් අදාල නිලධාරීන්ට කියලා ඔයාගෙ තැන වෙනස් කරගන්න පුලුවන්.❤️

මෙච්චර කල් ඔයා ඇඳපු සුදු ඇඳුමම අදින්න.මෙතෙක් දාපු සපත්තු දෙකම දාන්න.ඒවා අලුත් උනාම ඇගට නුහුරු ගතියක් දැනෙන්න පුලුවන්.ඒක ඔයාට අපහසුයි.ඒ නිසා පුරුදු ඇඳුම් පැළදුම්ම ඇද ගෙන යන්න.👕👖

✅ ප්‍රශ්න පත්‍ර ලබාගැනීමට ඔබගේ පැමිණීම අත්‍යවශ්‍ය නොවන අතර ඔබගේ මව පියා හෝ භාරකරුවෙකු යොමු කිරීම ප්‍රමාණවත් වේ.

✅ Fast Track Paper No 06 ඉතා වැදගත් ප්‍රශ්න පත්‍රයක් බැවින් එය ලබානොගත් සිසුන් එය ලබාගැනීමටද කටයුතු කරන්න.

✅ යම් දරුවෙකුට ආයතනයට පැමිණීමට නොහැකිනම් 0714683239 අංකයට whatsapp පණිවිඩයක් යොමු කර ප්‍රශ්න පත්‍රවල PDF ලබාගත හැක.

✅ ඒ වගේම ඔබ පිළිතුරු සැපයීම සිදුකල ලබාගත නොහැකි වූ ප්‍රශ්න පත්‍ර තිබේනම් පරීක්ෂා කර ලබාගැනීම සිදුකල හැක.

( පිළිතුරු සැපයීම් සිදු කල ප්‍රශ්න පත්‍ර සෙවීම සඳහා ඔබගේ Barcode පත හා විභාග අංකය අත්‍යවශ්‍ය බැවින් පැහැදිලිව එය සඳහන් කර රැගෙන පැමිණීමට කාරුණික වන්න. )

විභාගය ඉවර වෙනකම්ම ඔයාලා බාහිර වැඩ කරන්න යන්න එපා.විශේෂයෙන් පිරිමි ළමයි.බයිසිකල් පදින ඒවා වගේ ඒවා නොකරම ඉන්න පුලුවන් නම් හොදයි ඉතින්.ගැහැනු ළමයිනුත් එහෙමයි.ගෙදර උයන කපන කොටන වැඩ මේ ටිකේ නොකර ඉන්න.මේ ටිකේ නෙමෙයි කොහොමත් කරන් නැහැ තමයි.😁

තෙල් කෑම,කඩෙන් කන එක මේ දවස් ටිකේ නවත්වන්න.විභාගය ඉවර වෙලා හිතේ හැටියට කන්න.මොකද යම් හෙයකින් එහේම කාපු කෑමක් නිසා අජීර්ණයක් වගේ ඇතිවුනොත් වෙන්නෙ මොකද කියලා ඔයාට අමුතුවෙන් කියන්න ඕනි නැහැනෙ.ඒ නිසා පුලුවන් තරම් ගෙදර හදන සම්බෝලයි බතුයි හරි කමක් නැහැ කාලා යන්න.

තව වතුර බෝතලයක් අරන් යන්න පුලුවන් නම් හොදයි..

මේවා පුංචි දේවල් උනාට ළමයි හැදෙන අසනීපයක් ඇති ඔයාගෙ මේ අවුරුදු ගානක මහන්සිය ආපස්සට ඇදලා දාන්න.ඒ නිසා පුලුවන් තරම් පරිසම් වෙන්න.🫡

මොකද ඔයාගෙ වැරදි උත්තරයක් යාලුවා හරියට කරලා නම් එතනම ඔයා කඩන් වැටෙනවා.

ඒ ගැන හිත හිතා දුක් වෙවී එදා දවසම ගෙවනවා.පහුවෙනිදට තියෙන පේපර් එකත් ලියන්නෙ අර upset mood එකෙන්.ඒකෙන් වෙන්නෙ ඒකත් හරියට කරගන්න බැරි වෙන එක.

ඒ නිසා පේපර් එක ඉවර උන ගමන් ඔයා ගෙදර එන්න පිටත් වෙන්න.ඇවිල්ලා පහුවෙනිදා පේපර් එකට ලෑස්ති වෙන්න.

එහෙම විභාගයක ප්‍රශ්න පත්‍ර ලේසියෙන් පිට කරන්න බැහැ ළමයි.එහෙම උනොත් ඒවට හම්බවෙන්නෙ එසේ මෙසේ දඩුවම් නෙමෙයි.ඉතින් ඒ වගේ විභාගයක උත්තර කලින් දෙන්න බැහැ.ඇත්ත ඒකයි.සමහර විටක එහෙම වැරදි දේවල් ඔයාගෙ අතට මේ ටිකේ ලැබෙන්න පුලුවන්.මේවට සමහර අය අහුවෙනවා.සියලුම වැඩ නවත්තලා ඒ ටික විතරක් බලන් යනවා.අන්තිමට වෙන්නෙ ප්‍රශ්න පත්‍රය අතට ගත්තාම උඩ බලන් ඉන්න.😒

පාරෙ යද්දි, පාර මාරු වෙද්දි හරි කල්පනාවෙන් කරන්න.බස් එකෙන් බහිද්දි, නගිද්දි හොද කල්පනාවෙන් කරන්න.පිරිමි ළමයි බස් එක නවත්වන්න කලින් පනින්න, පා පුවරුවේ එහෙම යන්න එපා ඔන්න.ඔයා යන්නෙ කෝච්චියේ නම් ඒත් පරිස්සම් වෙන්න.

Mask 😷 එකක් හැමවෙලේම use කරන්න මතක ඇතුව.උන හෙම්බිරිස්සාවක්වත් හදාගන්න එපා.

විභාගයට යන පළමු වෙනි දවසෙ Admission එක අමතක වෙලා ගෙදර දාලා ගියා කියලා කලබල වෙන්න එපා.
(හිතලම අමතක කරලා යන්න එපා හොදේ)

ජාතික හැඳුනුම්පත (NIC), Driving License එක හෝ Passport එක තියෙනවා නම් ඔයාට පළමු දිනයේ විභාගයට මුහුණ දෙන්න පුළුවන්.​සාමාන්‍ය ක්‍රමවේදය අනුව ශාලාධිපතිතුමා හමු වී ඒ බව දැනුම් දී Declaration Form එක පිරවීමෙන් පසු විභාගයට වාඩි වෙන්න ඔයාට අවස්ථාව ලැබෙනවා.