‏«أنا مش بخير»
‏هاد جوابي المختصر على كل سؤال.
‏لأنه لو هخوض ف تفاصيل، كل الانتكاسات الصحية اللي واجهتها من ٧ شهور في ٧ شهور أخرى ولكن لخصوصيتها وحساسيتها بنقول: مش بخير. ولكن مفيش انسان سليم صحياً ونفسياً في غزة الآن.

‏لما نشوف الناس احتفلت برأس السنة وشتت ورمضنت وعيّدت وصيّفت
‏يبقى احنا قاعدين بنعيش مسخرة، يبقى احنا إيش قاعدين بنعيش؟ بنعيش مسخرة!

‏الشغلة الوحيدة اللي لازم كل الناس تعرفها انه كل واحد فيه اللي مكفيه حتى لو ما كان مبين .

‏هي اسرائيل لما هتخلينا ننزح لأماكن تانية هي فقط هتغيّر مكان موتنا مش أكتر!
‏استمرار الحرب هي تجدد الفرص لموتنا!
‏إحنا نزحنا وهننزح والجيش بيودينا شمال وجنوب، ليش؟ لأنه احنا مش تحت أي مظلة فلسطينية نحتمي فيها! احنا ببساطة الكل تركنا نواجه مصير ما اخترناه!

‏خلص بطلت بدي أعيش ، كل هاد ليش محدش بيوقفه !؟ ليش محدش بيتعامل معنا كبشر !!

‏حاولوا تحفظوا ملامحنا كويس ونبرة صوتنا، سبع شهور كانت كفيلة تغيرنا كثير انهدينا وتغيرت ملامحنا، ونبرة صوتنا مليانة حزن وقهر.
سبع شهور مليانين خوف وقهر وبهدلة ومرمطة خسرنا ناس كانت إمبارح تضحك معنا.
كل يوم بنتغير وبتموت جواتنا أبسط الأشياء كل يوم بنفقد طاقة أكثر من اليوم الي قبل.
.

‏عندي تساؤل بس ما بدي أنفهم غلط ولا اعتراض على حكم ربنا أكيد، بس طوال فترة الحرب ال٧ شهور الطويلة والمستمرة، واستشهاد وإصابة هذا العدد الكبير من الأرواح بطرق فظيعة ومخيفة، ما اهتز عرش الرحمان عشانها وصار نهاية لهذا العالم أو صار حدث زلزل كل من تواطيء بهذه المحرقة الملعو.نة؟

‏"أكثر مشهد حنون هو مشهد الرجوع للبيت نهاية كل يوم، بالرغم من تكراره وعاديته إلا إن له تأثير مايتغير، يستاهل يكون مشهد شاعري."🥺🫂

‏أسوأ ما في الحرب أننا في سن الشباب، أنت تعيش الحرب بكامل وعيك وإدراكك للأمور، وتملك ذاكرة ناضجة ومتيقظة تسجّل كل تفصيلة.