ابكل قناعه حتى لو نهيتوني الها نداعاا
نزاكو علي كون العزاز قناعه
نا وجد بوي وجد بوه وجده ..
واحملنا بلا زول ...صاحب موده
انظر وين عدا كي ماتكديت مني تكدااا ....

ماعد ليها احساس
ذبانه غلانا من افليت الياس
ليوم دايخه💔

خبر درته مادار حي💔
في وفيك شهود علي😩

حتّي لو فَرشْلك ورد فوق اوسَادك
وزيّن خجالك بالأكليل وعَطره
ايجيك يوم وتعودي علي مِيرادك
اللي مالجواجي عاشقك #بالفطره 😩

كانن ع الدمعه يزابن
سبحان عيوني اللي تابن

طحتي طيحه صبينالك
غير بعدها ردي بالك😩

نبي شهاده ياغني من دينك
وين هل القساوه كلها لقيها

يوم الفراق الغبر حتا عينك
فتشتا مالقيت روحي فيها☹️

حطب كايخ نار الي لي
ونا يلاك تلذع في )🖐🏻🖤

تهليبت العيب الحر يكبر بيها
و قليل الاصل يحسبها عليك مذله

الدنيا قليلة عهد يا ناسيها
عالناس وانت صاحب حق م اتبله 🖤!.

رجيت عاقر ترجا فيك
تعال لعيني عيب عليك☹️

يصعب عليك صعوبه
ضهر الفرس الي تريد ركوبه

ويصعب عليك حصاني
ويصعب عليك تكون من فرساني

جيته حنون و راس مالي ذاتي
مشروع الغلا فارح و راضي بيه

بطالة الزعل وظّفت في غاياتي
و فقر العواطف طال ما يغنيه

شاركت خاين عهد من راياتي
سلّمت فيده كل ماااااا يبيه

نحسابه إلا وافي اقطع حسباتي
راح بالدليل اللي أعبيت عليه

مشروعي أنهاس و عاودن عازاتي
والحال لوّلي تمّيت متمنيه

راسي اللي مرفوع طول حياتي
ردّيت مالغلا مديون وامواطيه

عمري خذيت أنبيع في روقاتي
و دين الندم مازلت حاصل فيه

#عوض_الحجازي

حدو هك طريق عطوها
حقت لولاف وحقوها👌🏻👌🏻

ملا حد عزيز اعزازه
وانتن دايركن للعازه