ديما حر وفوق مكاني

بين اغربا ماتلقاني🔥🦅

امرايف يالنظار ارياف

على غفوة فيها لولاف🔥💔

شبت وشاب الرأس عليكم

يالولاف ايش ينسكم💔🔥

الجار علي جاره لفاف

ايش مغيبكم يا لولاف💔🔥

طايح في دار امواليته

عقلي مات عليها ميته❤️

دايرلك ظل مع صيفي

ماتلقى ياغالي كيفي❤️

وين ترافق لأصل الطيب

لا تنباع ولا تسيب❤️

تعت جابر لولاف ايزق

اللي قلنها كلمة حق🔥👍

الحق امربه فيت عليه

ان قلته مانتحشم فيه👍

عندي قول الحق قباله

ما ايكيد امغير الذلاله🔥😌

عايش ديمه طولي طالق👍

ما انحنيت إلا للخالق❤️🔥

كله م الحن اللي فينا

مسع هان عزيز علينا😔💔

حسيناها وين بردنا

قعدتنا ف الدار وحدنا💔

رانا حساسين انحسو

مشتاقين امغير اندسو💔🔥

اخساره يلي كنت انغيب

دقيقه يبقا يوم عطيب💔🔥

اشتاء دافي وبرودة صيف

اقدم م يلقو كيفي كيف🔥

بعد تلزمنا يالنظار

انديرو للغلطان عذار🔥

عقلي بين ايدين ودايد

ماعمره طبس ع البايد🔥

في عرب مادرت إلاهم

كان انسيت اسمي ننسااهم🔥🥺

غزلات غلانا جنه

دين خوات ودين محنه🔥

لومانك غالي ياغالي

ما شاقيت بغيرك والي🔥❤️