ایا واقعا عملیات پای ته رسېدلي؟

د پاکستاني پوځي رژیم د واکمنې شریرې کړۍ د درک سترګې ړندې دي، دوی د مذاکراتو له لارې د افغانستان سره د پاکستان د ستونزو د حل منطق درک نه کړ، د اسلامي شریعت له اصولو سره سم په سیمه‌ییز ثبات کې د اسلامي امارت د همکارۍ اقدامات یې نادیده ونیول، د خپلو ناوړو سیاستونو له وجې له خپل ملت سره په روان تصادم او جګړه کې د خپلو ناکامیو د پټولو لپاره یې یوځل بیا د افغانستان په بې‌ګناه وګړو د بریدونو او حملو جسارت وکړ او بیا په پای کې وایي چې «عملیات پای ته رسېدلي»، د دې جسارت وروسته «اوس د عملیاتو پای ته رسېدل د دوی په لاس کې نه دي»، افغانانو کله هم چاته انتقام نه دی پرې ایښی او نه یې په خپله خاوره د چا تجاوز منلی، د پاکستان په پوځي رژیم کې واکمنه شریره کړۍ باید په خپل مخ د انتقام د یوې درنې څپیړې انتظار وباسي.

له تیارو وروسته رڼا حتمي ده.


💞🌸🦋

💠 #رمضان_یو_فرصت_دی!

ابن جوزی رحمه الله وایي:
«قسم په الله، که مړو ته وویل شي: هیله وکړئ…!
د رمضان د یوې ورځې هیله کوي.
📚 التبصره ۸۲/۲

اَللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ، وَالْمُسْلِمِينَ وَالْمُسْلِمَاتِ، الأَحْيَاءِ مِنْهُمْ وَالأَمْوَاتِ

میــنه څــه ده.!؟
کله به چی نبیﷺ خفه وو،
نـو عــائشــة ؓ ته به یــی ویل،
ای عایشه! راوغږیږه چی زړه می ارام شی.! 🫀


💞🌸🦋

یو عالم وایي: یوه شپه مې خوب لیده چې یوه ډله وفات شوي خلک ډېر خوشحاله وي، د دوی له شا د یو پوخ عمر خاوند روان وي، هغه ډېر غمجن وي، ما د ده د غم د وجې پوښتنه ترې وکړه، ده راته وویل: دوی ټولو پسې یې خپل اهل او کورنۍ صدقې کوي او زما داسې څوک نشته چې ما پسې صدقه وکړي.
ما ورته وویل: ستا داسې اولاد نشته چې تا پسې صدقه وکړي؟ ده راته وویل: زوی مې شته، خو هغه د سمندر په څنډه کې د جامو مينځلو کار کوي.
عالم وايي: کله چې له خوبه پاڅېدم، سيند ته لاړم اود هغه سړي زوی مې وليد چې په يوه تيږه يې کالي وينځل او له ځان سره یې ویل: تنګ، تنګ.
ما د دې جملې د ویلو سبب ترې وپوښت، ده راته وویل: زما او زما د کورنۍ روزي ډېره کمه ده او ژوند مو تنګ دی.
ما ورته وویل: په خپل مرحوم پلار پسې دې لږ څه صدقه کوه! ده راته کړل: زه خو هېڅ مال نلرم چې په پلار پسې یې صدقه کړم.
عالم وایي: ما ورته وویل: چې هر څومره لږ شی وي صدقه یې کړه! د دې خبرې په اورېدو سره ځوان په غوسه شو، درې لپې اوبه یې د سیند خواته وشیندلې او ویې ویل: همدا مې په پلار پسې صدقه کوم، له دې زیات نور څه نلرم.
عالم وایي: په دوهمه شپه مې هماغه سړی په خوب لیده چې خوشحاله و، ما ترې د حال پوښتنه وکړه چې اوس څنګه یې؟ ده راته وویل: هغه لږ اوبه چې زوی مې زما په نوم شیندلې وې، ماته یې زیاته ګټه ورسوله، زما غم او پرېشاني یې ختمه کړه او له االله ج څخه سوال کوم چې زما د زوی رزق پراخه کړي او حلاله روزي ورته نصیب کړي.
ما ترې وپوښتل: هغه اوبه خو بیخي لږ وې، آن تر دې چې یو تږی هم نشي سېرابه کولی. نو تا ته به د هغې صدقې څه اجر درکړل شي؟
ده راته وویل: هلته یو وړکی ماهی و چې له اوبو لرې پاتې و او د سمندر په غاړه یې وروستۍ سلګۍ وهلې، کله چې زما زوی سیند طرف ته اوبه وشیندې، نو هغه لږ اوبو ماهی له ځان سره سمندر ته یوړ، چې په دې سره هغه له مرګ وژغورل شو، زما د زوی د دومره لږ خیر په وجه الله ج په ما هم خوشحالي او د رحمت پراخي راوستله او زه له الله ج غواړم چې د هغه په رزق کې برکت او پراخوالی واچوي.
عالم وایي: څو میاشتې وروسته مې یې زوی ولید چې الله ج ورته زیات مال ورکړی و.

#نوټ: د لږ څه په ورکړه مه شرمېږه ځکه لږ له نشت څخه غوره دی، صدقه ورکونکی الله ج ته زیات خوښ دی.
موږ ټول یوه ورځ له منځه تلونکي یو، نو خپلې نیکۍ مو مور او پلار ته ډالۍ کړئ، له مور او پلار سره نیکي د هغوی په مرګ سره پای نه مومي، بلکې د هغوی له مرګ وروسته هم دوی ته د خپل اولاد د نېکو اعمالو ثواب رسیږي.
ژباړه: ضیاءالرحمن حمزه
۱۴۴۵/رمضان المبارک/ ۶