ــــــــــــــــــــــــــــــــــــــــــــــــ
بِسْمِ اللَّهِ الرَّحْمٰنِ الرَّحِيمِ
ــــــــــــــــــــــــــــــــــــــــــــــــ
موضوع:په مشخص کس باندی لعنت ویل
ــــــــــــــــــــــــــــــــــــــــــــــــ
فائدة عجيبة:په شريعت كی دلعنت تقاضا کونکی څیزونه دری دی(۱)کفر، (۲) بدعة،(۳)فسق، او بیا په هر یوکی دری مرتبی دی-(۱)اول لعنت په عام وصف باندي لكه(لعنة الله على الكافرين والمبتدعين والفاسقين)
(۲) لعنت په وصف خاص سره د مخکنی نه لکه(لعنة اللهِ عَلَى الْيَهُودِ وَالنَّصَارَى)يا (عَلَى القدرية والخوارج، والروافض أو على الزناة والظلمة و أكل الربا)دا ټول جائز دی-

(۳)-دريم لعنت په شخص معین باندی لکه یو شخص وايی:زيد لعنه الله-يا ووائي چه دافلانی فاسق یا بدعتی یا منافق دی نو پدی کی تفصیل دی۔(۱) که دیوتن شرعاً کفر ثابت وی نو په هغه لعنت وئيل جائز دی پدی شرط چه بل مسلمان ته په کی ضرر نه وى لكه(لعنة الله على فرعون وأبي جهل) ځکه دا ثابته ده چه دا خلق په کفر کی وفات شویدی-(۲)او که شرعا د هغه کفر نه وی ثابت لكه لعنت په زید او عمرو و غیره نو پدی کی ډیر خطر دی ځکه چه د هغه د خاتمی حال نه دی معلوم دیر کرته داسی کیدی شی چه کافر مسلمان شی یا توبه وباسی او الله تعالی ته مقرب جوړ شی او بیا پری مرگ راشی نو هغه باندی د ملعون کیدو حکم څنگه جانز کیدی شی-لکه مثلاً وحشی بن حرب به ته وگوره چه در سول الله ﷺ تره حمزہ رضی الله عنه یی شهید کری وو لیکن بیا یی اسلام قبول کرو او الله تعالى ورته د جنت زیری ورکرو-
او هر چه نبی اکرم ﷺ دی نو هغه ته به وحی سره معلومه شویی وه چه دا فلانی فلانی به کفر کوی په دی وجه هغه ابو جهل،عتبه بن ربيعه،و غیره په لعنت سره خاص کریدی او د کوم کسانو په باره کی چه نبی اکرم ﷺ ته معلومات نهٔ وو نو په هغوی باندی د لعنت ويلو نه الله تعالى په{لَيْسَ لَكَ مِنَ الْأَمْرِ شَيْءٌ}(آل عمران:۱۲۸)آیت کی منع وفرمائیله،دارنگه هر هغه شخص چه دهغه په کفر باندی مرکیدل مونږ ته معلوم شی نو دهغه ذم او په هغه لعنت وئیل جائز دی-خو شرط دا دی چه بل مسلمان ته دهغه په لعنت وئیلو کی ضرر نهٔ وی لکه د یو مسلمان پلار کافر وی،نو په دغه شخص باندی لعنت وئیلو سره دهغه مسلمان ځوی ته ضرر رسیږی نو دا کار هم جائز نه دی،لکه د سعيد بن العاص رضی الله عنه په باره کی ابو بكر صديق رضی الله عنه ووئيل:(دا د هغه سری قبر دی چه د الله او د رسول نه سرکشه وو)نو دهغه ځوی عمرو بن سعید غصه شود ابوبكر رضی الله ته یی ووئيل:داد هغه سری قبر دی چه د ابو قحافه نه خلقو ته ډیر طعام ورکونکی(سخی)وو او ډیری کوپری و هونکی وو نو ابو بکر صدیق رضی الله عنه نبی اکرم ﷺ ته ددی گیله وکره نبی اکرم ﷺ عمرو بن سعيد رضی الله عنه ته وفرمائيل:دابو بکر نه قلارشه! او بیا یی ابو بکر ته وفرمايل:کله چه تاسو کافر ذکر کوی نو عموم طریقی سرہ یی ذکر کوی ځکه که تاسو تخصیص وکړی نو ځامن به د پلارانو دپاره غصه کیږی)[مراسیل ابی داود تخریج احاديث الاحياء رقم:٣]
نو خلق ددی کار نه بند شوی.دارنگه بل شرط دا دی چه هغه (شخص معین) باندی په لعنت او بد رد وئیلو کی به دینی فائده وی مثلًا داچه هغه مبتدع کافروی چه دهغه د شر نه خلق ځان وساتی لکه هغه د شر کتابونه لیکلی وی،نو ته دهغه بدی بیان کری ددی دپاره چه خلق دهغه دشرنه محفوظ شی،او په عامو گناهکارانو باندی لعنت وئيل هم صحیح نه دی لکه صحیح بخاری کی دی چه یو شخص د عبد الله په نوم چه لقب یی حمار وو نبی اکرم ﷺ به یی کله نا کله خندولو هغه شراب وڅکل او هغه ته سزا ورکرل شوه،نو یوه ورځ راوستی شو او امر وکړی شو چه جلاد (دری) ورته ورکړی نو په ناستو خلقو کی یو سرى ووئيل:(داكس دی الله تباه کری هر وخت راوستلی شی د سزا دپاره)نبی اکرم ﷺ و فرمایل:(په ده باندی لعنت مه وایی ځکه ما ته دا معلوم دی چه د الله او رسول ﷺ سره محبت ساتی)په بل روایت کی دی:(د شيطان سره د خپل مسلمان ورور په مقابله کی مدد مه کوی) [بخاری:۶۷۸۱] نو په معین فاسق باندی لعنت وئیل جائز نشو،او که فاسق مر شوی وی نو په هغه لعنت وئيل خو ډیر سخت دی،مگر کله چه دهغه د شر نه د حفاظت په نیت په هغه لعنت وويلی شی نو دا جواز لری-و كذا في تحفة الأحوذي (۱۳۸/۳) نقلاً عن الطيبي، واحياء العلوم(١٥٧٣/٣) وفتح المجيد ص (۱۲۵).
حاصل:دا چه په اشخاصو باندی په لعنت وئیلو کی خطره ده ځان ترینه ساتل ضروری دی،خصوصاً چه کله دهغه فسق او بدعت او کفر معلوم نه وی-
بله فائده:لعنت کله دی ته وائى(لعنة الله على فلان) دویمه معنی ښیری:ښیرا او بد دعائی کول دی لکه فلانی دی الله تعالى هلاك كرى،جهنمی دی شی وغیره وغیره ـــ

فائده بديعة:په شریعت کی لعنت په کومو کسانو او څیزونو باندی وئیلی شویدی،یعنی...
ــــــــــــــــــــــــــــــــــــــــــــــــ
حکمت القرآن

تفکر،یعنې د الله تعالی په مخلوقاتو کې سوچ،غور،او فکر کول داسې یو عبادت دی چې نن زموږ له منځه ورک شوی دی؟!

«تفکر داسې یو عبادت دی چې د الله تعالی د اولیاوو او د هغه د عارفانو له ځانګړنو څخه دی»

— علامه ابن سعدي رحمه الله
📚 تفسیر السعدي

«هر هغه څه چې د نفس لپاره دردناک او سخت وي،د ګناهونو کفاره ده»

— علامه ابن رجب حنبلي رحمه الله
📚 (مجموع الرسائل: ۴ / ۱۷)

🔹 هغه کسان چې د مشرانو ناروغانو پالنه او خدمت کوي، ضروري ده چې صبرناک او زغمناک وي، د دوی په تېروتنو او د مزاحمتونو په رامنځته کولو سترګې پټې وساتي، او هېڅکله دې هغوی ته زیان، اذیت، سپکاوی یا ملنډې ونه وهي؛ځکه داسې ناوړه چلند د انساني کرامت او شخصیت سره سمون نه لري، د ناروغۍ او اضطراب کچه ډېروي، او حتی ممکن د نورو ناروغیو قرباني هم شي.له بلې خوا، قرآن ډېری مسؤلیتونه د ناروغانو، مشرانو او کمزورو کسانو له اوږو لېرې کړي دي.

📚 نکته‌های نغز تفسیر عون المنان.

د رسول الله ﷺ د پیدایښت څرنګوالی

رسول الله ﷺ د خلقت له پلوه تر ټولو کامل انسان و.

انس رضی الله عنه وايي:«ليس بالطويل الْبَائِنِ وَلَا بِالْقَصِيرِ، وَلَيْسَ بِالْأَبْيَضِ الْأَمْهَقِ، وَلَيْسَ بِالْآدَمِ، وَلَيْسَ بِالْجَعْدِ الْقَطَطِ، وَلَا بِالسَّبْطِ، بَعَثَهُ اللَّهُ عَلَى رَأْسِ أَرْبَعِينَ سَنَةً، فَأَقَامَ بِمَكَّةَ عَشْرَ سِنِينَ وَبِالْمَدِينَةِ عَشْرَ سِنِينَ، وَتَوَفَّاهُ اللَّهُ عَلَى رَأْسِ سِتِّينَ سَنَةً، وَلَيْسَ فِي رَأْسِهِ وَالْحِيَنِهِ عِشْرُونَ شَعَرَةً بَيْضَاءَ».بخاری (٥٤٤٩)

یعنې:«رسول الله صلی الله علیه وسلم نه ډېر لوړ وو او نه ډېر لنډ، نه یې پوستکی ډېر سپین و او نه ډېر غنم رنګه، نه یې وېښتان په بشپړه توګه مستقیم وو او نه ډېر تاو/ګوڼګوټي.الله تعالی هغه په څلویښت کلنی کې مبعوث کر،لس کاله په مکه کې پاتې شو او لس کاله په مدینه کې،او الله تعالی د هغه روح په شپیته کلنۍ کې قبض کړه، په داسې حال کې چې د هغه په ​​مبارک سر او ږیره کې له شلو څخه زیات سپین ویښتان نه وو».

یادونه:شیخ محمد صالح العثیمین رحمه الله وایي:علما د پیغمبر ﷺ د مکې د استوګنې مودې په اړه اختلاف لري،خو غوره (راجح) قول دا دی چې هغه ﷺ په مکه کې ۱۳ کاله اوسېدلي وو. والله اعلم.

عَنِ الْبَرَاءِ رضی الله عنه قَالَ:كَانَ رَسُولُ الله ﷺ أَحْسَنَ النَّاسِ وَجْهَا، وَ أَحْسَنَهُ خَلْقًا، لَيْسَ بِالطَّوِيلِ الْبَائِنِ وَلَا بِالْقَصِيرِ.

یعنی:براء رضي الله عنه وایي:«رسول الله ﷺ د مخ او خلقت له پلوه د ټولو خلکو تر ټولو ښکلی وو،او قامت یې نه ډېر اوږد او نه ډېر لنډ وو»

📚 سیمای ظاهری پیامبر ﷺ بر اساس روایت نزدیکانش