نازولو فاضلانو.ته🫀

دا چـــې ځلــیږي لکه ستورې ګلان
د پــــاک نـبـي د بــــاغیچې بـلبـلان
د فضـیلت دسـتار پـه سر یې کړلو
ورته خوشحاله موراو پلار استادان

ستر مسؤلیت شو در له غاړي ګرانه
کـار د آمـت شـو در لــه غاړي ګرانه
علم ادب دې کـــړو حاصل جانانه
د ټــولو ستـرګې سـتا په لاري ګرانه
نن دې پوره دا لوی ارمان شو ګله
خدای دی همیش لره کامیاب او کامران

دا د جـــانــان څــــو فــاضـــلان ګلونه
شـــول وارثـــان د خـــــوږ نبي لعلونه
سپینې بګړۍ چې يې په سر دې ګوره
د خدای کلام باندي یې ډک دې زړونه
کږی وږی بګړی یې خوند کړي بیخې
دستار د نـور یـې کـړو په سر د جانان

پلار جانه تا چې مې اصلاح غوښتله
نن پــه دینې تربیـت پــوښلـی راغلم
بیا هم توفیق غواړم له پاک الله نه
قرآن مې زړه کې دی ساتلی راغلم
جـلال الــدین شاعره جار دی شمه
خدایه همیش لري کامیاب شاعران


✍🏻جلال الدین حقمل
0793048066 واټساپ

یو سړي عمر بن خطاب رضي الله عنه ته وویل:تر اوسه مې له تا نه غوره سړی نه دی لیدلی.عمر رضي الله عنه وفرمایل:ایا ابوبکر رضي الله عنه دې لیدلی دی؟،هغه وویل:نه.عمر رضي الله عنه وفرمایل:که دې ویلي وای چې هغه مې لیدلی دی،نو په درو به مې وهلی وې.(فضائل الصحابة للإامام امام احمد بن حنبل رحمه الله:١٢٢)

همدا باید زمونږ ریښتینی الګو وی.
مونږ هم عجیبه خلک یو عزت غوارو خو دعزتمنو خلکو په لاره نه ځو!؟

ډير باور مو هم ملا ماتوي.! 😊

💞🌸🦋

ــــــــــــــــــــــــــــــــــــــــــــــــ
بِسْمِ اللَّهِ الرَّحْمٰنِ الرَّحِيمِ
ــــــــــــــــــــــــــــــــــــــــــــــــ
که د چا په بدن کې درد وي – په نبوي ﷺ طریقه یې علاج
ــــــــــــــــــــــــــــــــــــــــــــــــ
بِسْمِ اللَّهِ أَعُوذُ بِعِزَّةِ اللَّهِ وَقُدْرَتِهِ مِنْ شَرِّ مَا أَجِدُ وَأُحَاذِرُ

[مسلم ٢٢٤/٢ رقم : ٥٨٦٧ ، ابو داود رقم : ۳۸۹۳ ، الترمذي : ٣٥٨٨] .

ترجمه:په نوم د الله تعالی پناه غواړم په عزت او قدرت د الله تعالی باندی د شر د تکلیف هغه نه چه زه ئی مومم او تری یریږم

فائده:حدیث کی راځی د چا چه کوم ځائ درد کوی نو دری ځله دی- بِسْمِ اللَّهِ بِسْمِ اللهِ بِسْمِ اللّٰهِ بِسْمِ اللّٰهِ - ووایی، او اوه (۷) ځله دی دادعا:أَعُوذُ بِعِزَّةِ اللَّهِ وَقُدْرَتِهِ مِنْ شَرِّ مَا أَجِدُ وَأُحَاذِرُ:ووائی او په هغه درد مند ځائ دی لاس کیدی نو الله تعالی به یی روغ کړی.

عثمان بن ابي العاص رضي الله عنه فرمایي:پر ما داسې درد راغلی و چې نږدې و هلاک مې کړي،نو رسول الله ﷺ راته دا دعا او دا طریقه وښوده. ما هم همداسې وکړل، نو الله تعالی مې درد ختم کړ.اوس زه تل دا دعا خپل اهل او نورو خلکو ته هم ورښیم.(ابو داود، ترمذي –او مسنون مستند اذکار او دعاګانې)
ــــــــــــــــــــــــــــــــــــــــــــــــ

ټي ټي پی غازیانو ته ډالۍ

جار تحریکي زلمیو
د ټی ټي پي زلمیو
رسو تر منزل راسره مل دی ذالجلال
مات مو دښمن ګوری راغلی یې زوال

د ټیـنـګـي نــــه دي غلامــان
له پوستو تاوی شول غازیان
غوټ کړی تري سرونه د بې دینو او دجال

شور د تکبیر د زمزمو
رګونو ډک دي له جزبو
ځو د عشق په لاره همیش لوړ ساتو مُرال

په تشکیل ځې زما لالی
له سر یې تاو کړله پټی
وار کړي پر شیطان لکه د ستورو یې کمال

دغــه کــمــزوری تـن او سر
خدایه قبول کړه ستا په در
د جلال الدین حقمل در ځار مال او ایال

✍🏻جلال الدین حقمل
0793048066 واټساپ

نوی کیوبیس طرز

🔹 پر هغه چا چې د ګناه مرتکب شوی وي،واجب ده چې په رښتینې او خالصه توبی سره الله تعالی ته وګرځي،او شاوخوا ټولنه هم باید د هغه د توبې او رجوع په لاره کې ورسره مرسته او ملاتړ وکړي.او باید په بشپړه توګه له دې څخه ډډه وشي چې د هغه پېښې اړوند کوم خبر،انځور، غږ،او حتّی هغه الفاظ چې ترې صادر شوي وي،خپاره شي.

🔸 او هر کله چې د صادقانه توبې آثار په نارینه او ښځه کې څرګند شي، پر ټولنه واجب دی چې له هغوی سره داسې چلند وکړي لکه هېڅ پېښه چې نه وي شوې،تر هغه وخته پورې چې په توبه کې الله ته ریښتینی او صادق وي.

📚 - إرشاد المتقين، شرح ریاض الصالحین(5/66) اثر؛ شیخ عبدالقدوس حکیمی رحمه الله.

د حضرت محمد رسول الله ﷺ لند ژوند لیک

د محمد رسول‌الله ﷺ د ژوند لیک په اړه ډېرې لیکنې شته؛سلګونه کتابونه د هغه ﷺ د سیرت په اړه راټول شوي دي.او حتی له علماوو څخه یو عالم د رسول‌الله ﷺ د ژوندلیک په اړه په ۲۵ جلدونو کې کتاب لیکلی دی، او تر ټولو لنډ د سیرت کتاب امام نووي رحمه الله د «تهذيب السيرة النبوية» په نوم لیکلی دی.خو زه غواړم هغه څه چې نامتو تاریخ‌پوه جناب زرکلي په «الأعلام» کې لیکلي دي، دلته وژباړم او تاسو ته یې وړاندې کړم.

هغه ﷺ: محمد رسول‌الله ﷺ (۵۳ ق هـ – ۱۱ هـ / ۵۷۱ – ۶۳۳ م) د عبدالله زوی، د عبدالمطلب زوی، د هاشم زوی، د عبدالمناف زوی، د قصي زوی، د کلاب زوی، د مره زوی، د کعب زوی، د لؤي زوی، د غالب زوی، د فهر زوی، د مالک زوی، د نظر زوی، د کنانه زوی، د خزیمه زوی، د مدرکه زوی، د الیاس زوی، د مضر زوی، د نزار زوی، د معد زوی او د عدنان زوی دی.

هغه ﷺ د قریشو یوه نیکه بېلګه،او د اسلامي ټولنې مؤسس، د ښو اخلاقو او عاداتو بنسټګر،د ګوندونو او ډلو یو امت ته راټولونکی، د سیاسي او تشریعي ژوند پیلونکی و.چې یتیم لوی شو،او مور یې آمنه بنت وهب هغه روزلی و.کله چې محمد ﷺ شپږ کلن و، مور یې وفات شوه، نو سرپرستي یې عبدالمطلب پر غاړه واخیسته. دوه کاله وروسته عبدالمطلب هم وفات شو، نو کفالت یې ابو طالب (کاکا یې) پر غاړه واخیست.رسول الله ﷺ یو زړور او صادق سړی و، لوړ همت یې درلود،د خپل لاس له کاره یې خوراک پیدا کاوه او هغه به یې خورل.د هغه اخلاقو ټول خلک حیران کړي وو، عقل یې بشپر،او تجربه یې تر ټولو ثابته وه.قوم یې هغه ته د «امین» لقب ورکړی و. کله چې د رسول الله ﷺ عمر ۲۵ کاله شو، له خدیجې رضی الله عنها سره یې واده وکړ.له هغې سره شام ته په سوداګرۍ لاړ او هلته دوی ته ګټوره سوداګري نصیب شوه.کله چې د رسول الله ﷺ عمر ۴۰ کلونو ته ورسېد،ریښتینې خوبونه یې پیل شوې او تنها والی او خلوت ورته محبوب شو. نو هغه ﷺ به غار حراء ته تللو او هلته به یې عبادت کاوه.په رمضان کې (۱۳ ق هـ / ۶۱۰ م) په غار حراء کې ورته دا آیت نازل شو:«اقرأ باسم ربك الذي خلق،خلق الانسان من علق» نو پټ دعوت یې،لومړی له خپلوانو څخه پیل کړ:له خپلې میرمنې خدیجی رضی الله عنها،د خپل کاکا زوی علی بن ابی طالب،خپل ملګری ابوبکر،او دهغه مولا زید بن حارثه،او د هغه د قوم یو شمېر خلکو پری ایمان راوړ.

له دې وروسته،دعوت یې ښکاره کړ،او خلکو ته یې د اسلام او توحید بلنه ورکړه،د شرک او بت پرستۍ څخه یی خلک ودار کرل،قریشيان پر هغه پاڅیدل،او هغه ته یې آزار او اذیت رسول،خو هغه ﷺ صبور و، ګواکې دغه اذیتونه هغه ځواکمنه کوی.ابو طالب تر خپلې مړینې پورې د هغه ملاتړ وکر،کله چې حمزه رضی الله عنه او عمر بن خطاب رضی الله عنه ایمان راوړو،نو دین او دعوت قوي شو،خو د مشرکانو بریدونه او اذیتونه هم لا زیات شول.نو هغه د حبشو خاورې ته د هجرت امر صادر کړ؛په لومړي پړاو کې ۱۱ کسانو او په دویم پړاو کې ۸۳ کسانو هجرت وکر.د وخت په تېرېدو سره اسلام خپور شو،او د اوس او خزرج له اهل د مدینې څخه شپږ کسان مسلمان شول.د مسلمانانو شمیر ورو ورو زیات شو،رسول الله ﷺ مصعب بن عمیر رضی الله عنه هغوی ته واستاوه ترڅو خلکو ته د اسلام شریعت او دقرآن تعلیم ورکړي.اسلام په مدینه کې خپور شو.هغوی له رسول الله ﷺ څخه وغوښتل چې مدینې ته هجرت وکړي،او ژمنه یې وکړه چې د رسول الله ﷺ دفاع به کوي. نو رسول الله ﷺ د دوی غوښتنه ومنله،خپلو صحابه وو ته یې امر وکړ او هغوی مدینې ته هجرت وکړ.کله چې هغوی مدینې ته ورسېدل،خبر یې قریشيانو ته ورسېد،نو هغوی د رسول الله ﷺ د وژلو په لټه کې شول، خو الله تعالی هغه وساته.په مدینه کې رسول الله ﷺ ابادیګانې جوړې کړې،او هلته یې یو جومات جوړ کړ او له هغه ځایه یې دعوت عام کاوه.د قریشو مشرکانو سره له دې هم هغه آرامه پرېنښود،نو الله تعالی ﷺ د جهاد اجازه ورکړه، او لومړۍ آیه چې نازل شوه:«أذن للذين يقاتلون بأنهم ظلموا» وه.

لومړۍ جګړه د رسول الله ﷺ له خپل قوم (قریشو) سره د مدینې په نېږدې کې په بدر کې د روژی په میاشت کې رامنځته شوه.په دې سلسله کې د رسول الله ﷺ د غزاګانو لړۍ د اسلام د دښمنانو پر وړاندې پیل شوه.رسول الله ﷺ په ټول عمر کې په ۲۷ غزاګانو کې ګډون کړی او په ۵۳ سریو کې یې امیر ټاکلی و.رسول الله ﷺ یوازې په جګړو بسنه ونه کړه، بلکې پاچاهانو ته یې هم لیکونه استول.رسول الله ﷺ (نُه) ښځی،او اوه ماشومان درلودل(درې زامن او څلور لوڼې) چې ټول یې د هغه ﷺ په ژوند کې وفات شول پرته له حضرت فاطمه رضی الله عنها.خپل ژوند په پای کې، هغه د حج په جریان کې خلکو ته یوه خطبه ورکړه، چې د حجة الوداع په نوم یادیږي.هغه خطبه په خپل اوښ باندې ویلې وه. دا یوه ډېره اوږده او ارزښتناکه خطبه وه، چې د دین او دنیا ټول اړخونه یې رانغاړلي وو. کله چې رسول الله ﷺ وفات شو، د هغه صحابه شاوخوا ۱۲۴,۰۰۰ تنو ته رسیدو.

📚 سیمای ظاهری پیامبر ﷺ بر اساس روایت نزدیکانش

ــــــــــــــــــــــــــــــــــــــــــــــــ
بِسْمِ اللَّهِ الرَّحْمٰنِ الرَّحِيمِ
ــــــــــــــــــــــــــــــــــــــــــــــــ
موضوع:په مشخص کس باندی لعنت ویل
ــــــــــــــــــــــــــــــــــــــــــــــــ
فائدة عجيبة:په شريعت كی دلعنت تقاضا کونکی څیزونه دری دی(۱)کفر، (۲) بدعة،(۳)فسق، او بیا په هر یوکی دری مرتبی دی-(۱)اول لعنت په عام وصف باندي لكه(لعنة الله على الكافرين والمبتدعين والفاسقين)
(۲) لعنت په وصف خاص سره د مخکنی نه لکه(لعنة اللهِ عَلَى الْيَهُودِ وَالنَّصَارَى)يا (عَلَى القدرية والخوارج، والروافض أو على الزناة والظلمة و أكل الربا)دا ټول جائز دی-

(۳)-دريم لعنت په شخص معین باندی لکه یو شخص وايی:زيد لعنه الله-يا ووائي چه دافلانی فاسق یا بدعتی یا منافق دی نو پدی کی تفصیل دی۔(۱) که دیوتن شرعاً کفر ثابت وی نو په هغه لعنت وئيل جائز دی پدی شرط چه بل مسلمان ته په کی ضرر نه وى لكه(لعنة الله على فرعون وأبي جهل) ځکه دا ثابته ده چه دا خلق په کفر کی وفات شویدی-(۲)او که شرعا د هغه کفر نه وی ثابت لكه لعنت په زید او عمرو و غیره نو پدی کی ډیر خطر دی ځکه چه د هغه د خاتمی حال نه دی معلوم دیر کرته داسی کیدی شی چه کافر مسلمان شی یا توبه وباسی او الله تعالی ته مقرب جوړ شی او بیا پری مرگ راشی نو هغه باندی د ملعون کیدو حکم څنگه جانز کیدی شی-لکه مثلاً وحشی بن حرب به ته وگوره چه در سول الله ﷺ تره حمزہ رضی الله عنه یی شهید کری وو لیکن بیا یی اسلام قبول کرو او الله تعالى ورته د جنت زیری ورکرو-
او هر چه نبی اکرم ﷺ دی نو هغه ته به وحی سره معلومه شویی وه چه دا فلانی فلانی به کفر کوی په دی وجه هغه ابو جهل،عتبه بن ربيعه،و غیره په لعنت سره خاص کریدی او د کوم کسانو په باره کی چه نبی اکرم ﷺ ته معلومات نهٔ وو نو په هغوی باندی د لعنت ويلو نه الله تعالى په{لَيْسَ لَكَ مِنَ الْأَمْرِ شَيْءٌ}(آل عمران:۱۲۸)آیت کی منع وفرمائیله،دارنگه هر هغه شخص چه دهغه په کفر باندی مرکیدل مونږ ته معلوم شی نو دهغه ذم او په هغه لعنت وئیل جائز دی-خو شرط دا دی چه بل مسلمان ته دهغه په لعنت وئیلو کی ضرر نهٔ وی لکه د یو مسلمان پلار کافر وی،نو په دغه شخص باندی لعنت وئیلو سره دهغه مسلمان ځوی ته ضرر رسیږی نو دا کار هم جائز نه دی،لکه د سعيد بن العاص رضی الله عنه په باره کی ابو بكر صديق رضی الله عنه ووئيل:(دا د هغه سری قبر دی چه د الله او د رسول نه سرکشه وو)نو دهغه ځوی عمرو بن سعید غصه شود ابوبكر رضی الله ته یی ووئيل:داد هغه سری قبر دی چه د ابو قحافه نه خلقو ته ډیر طعام ورکونکی(سخی)وو او ډیری کوپری و هونکی وو نو ابو بکر صدیق رضی الله عنه نبی اکرم ﷺ ته ددی گیله وکره نبی اکرم ﷺ عمرو بن سعيد رضی الله عنه ته وفرمائيل:دابو بکر نه قلارشه! او بیا یی ابو بکر ته وفرمايل:کله چه تاسو کافر ذکر کوی نو عموم طریقی سرہ یی ذکر کوی ځکه که تاسو تخصیص وکړی نو ځامن به د پلارانو دپاره غصه کیږی)[مراسیل ابی داود تخریج احاديث الاحياء رقم:٣]
نو خلق ددی کار نه بند شوی.دارنگه بل شرط دا دی چه هغه (شخص معین) باندی په لعنت او بد رد وئیلو کی به دینی فائده وی مثلًا داچه هغه مبتدع کافروی چه دهغه د شر نه خلق ځان وساتی لکه هغه د شر کتابونه لیکلی وی،نو ته دهغه بدی بیان کری ددی دپاره چه خلق دهغه دشرنه محفوظ شی،او په عامو گناهکارانو باندی لعنت وئيل هم صحیح نه دی لکه صحیح بخاری کی دی چه یو شخص د عبد الله په نوم چه لقب یی حمار وو نبی اکرم ﷺ به یی کله نا کله خندولو هغه شراب وڅکل او هغه ته سزا ورکرل شوه،نو یوه ورځ راوستی شو او امر وکړی شو چه جلاد (دری) ورته ورکړی نو په ناستو خلقو کی یو سرى ووئيل:(داكس دی الله تباه کری هر وخت راوستلی شی د سزا دپاره)نبی اکرم ﷺ و فرمایل:(په ده باندی لعنت مه وایی ځکه ما ته دا معلوم دی چه د الله او رسول ﷺ سره محبت ساتی)په بل روایت کی دی:(د شيطان سره د خپل مسلمان ورور په مقابله کی مدد مه کوی) [بخاری:۶۷۸۱] نو په معین فاسق باندی لعنت وئیل جائز نشو،او که فاسق مر شوی وی نو په هغه لعنت وئيل خو ډیر سخت دی،مگر کله چه دهغه د شر نه د حفاظت په نیت په هغه لعنت وويلی شی نو دا جواز لری-و كذا في تحفة الأحوذي (۱۳۸/۳) نقلاً عن الطيبي، واحياء العلوم(١٥٧٣/٣) وفتح المجيد ص (۱۲۵).
حاصل:دا چه په اشخاصو باندی په لعنت وئیلو کی خطره ده ځان ترینه ساتل ضروری دی،خصوصاً چه کله دهغه فسق او بدعت او کفر معلوم نه وی-
بله فائده:لعنت کله دی ته وائى(لعنة الله على فلان) دویمه معنی ښیری:ښیرا او بد دعائی کول دی لکه فلانی دی الله تعالى هلاك كرى،جهنمی دی شی وغیره وغیره ـــ

فائده بديعة:په شریعت کی لعنت په کومو کسانو او څیزونو باندی وئیلی شویدی،یعنی...
ــــــــــــــــــــــــــــــــــــــــــــــــ
حکمت القرآن

تفکر،یعنې د الله تعالی په مخلوقاتو کې سوچ،غور،او فکر کول داسې یو عبادت دی چې نن زموږ له منځه ورک شوی دی؟!

«تفکر داسې یو عبادت دی چې د الله تعالی د اولیاوو او د هغه د عارفانو له ځانګړنو څخه دی»

— علامه ابن سعدي رحمه الله
📚 تفسیر السعدي