مدة حفظ العينات في التلاجة حسب نوع الأنبوبة🤔

من الأخطاء الشائعة إننا نسيب العينات في الثلاجة من غير ما نحدد أقصى مدة مسموح بيها، وده ممكن يغيّر النتائج بشكل كبير.

🔴 أنابيب السيرم (Plain / Gel tube)

لابد من فصل السيرم → تحفظ 48 ساعة في التلاجة (2–8°C).

للفترات الأطول: يفضل فصل السيرم والتجميد -20°C.

🟣 أنابيب EDTA (CBC – صورة دم)

تصلح لمدة: 24 ساعة في التلاجة.

بعد كده ممكن يحصل تحلل في كرات الدم وتشوه في صورة الدم.

🔵 أنابيب Citrate (PT – APTT – Coagulation tests)

صالحة: 4 ساعات فقط في درجة حرارة الغرفة أو التلاجة.

بعد كده النتائج بتتأثر خصوصًا الـ APTT.

⚪️ أنابيب Fluoride Oxalate (Glucose tests)

صالحة: 24 ساعة في التلاجة.

الفلوريد بيحافظ على الجلوكوز لفترة محدودة فقط.

🟢 أنابيب Heparin (بعض كيمياء الدم وغازات الدم إذا لزم)

صالحة: 24 ساعة في التلاجة.

للـ ABG لازم تعمل فورًا، ما ينفعش يتأخر.👈👉

⚠️ ملاحظات :

يفضل دايمًا فصل السيرم أو البلازما عن الخلايا في أقرب وقت لتقليل أي تفاعل حيوي ممكن يغير النتائج.

التجميد مناسب للاختبارات اللي محتاجة وقت أطول (Hormones – بعض الإنزيمات – الفيروسات).

م تسيب العينات في باب التلاجة لأنه أكثر عرضة لتغيّر الحرارة.

‏تابع قناة Lab Notes 📚🗂️🧪🔬💉 في واتساب: https://whatsapp.com/channel/0029VbBBavIGpLHOIxZgzT1Q

اختبار ESR (Erythrocyte Sedimentation Rate) يعتمد على مبدأ ترسيب كريات الدم الحمراء داخل أنبوبة رأسية تحتوي على دم مضاف إليه مانع تخثر (عادة EDTA أو Citrate).

🔹 المبدأ الأساسي:

كريات الدم الحمراء أثقل من البلازما، وعند ترك العينة ساكنة تبدأ في الترسيب تحت تأثير الجاذبية.

سرعة الترسيب تعتمد على قدرة كرات الدم الحمراء على تكوين تكتلات (Rouleaux formation)، وهذه تتأثر بتركيز بروتينات البلازما (مثل الفايبرينوجين و الغلوبيولينات المناعية).

كلما زاد تركيز هذه البروتينات (كما في الالتهابات أو العدوى أو الأورام) → زادت قابلية كريات الدم الحمراء للالتصاق والتجمع → زادت سرعة الترسيب → ارتفع معدل ESR.

🔹 بالتالي:

ESR لا يقيس مرضًا بعينه، لكنه مؤشر غير نوعي لوجود التهاب أو خلل.

السلام عليكم , النهارده معانا تحاليل الكلى
من أهم التحاليل اللي الدكتور بيطلبها: Urea – Creatinine – eGFR …

الـ Urea - Blood Urea Nitrogen – BUNناتج من تكسير البروتين في الكبد والكلى هي اللي بتتخلص منه في البول.
ارتفاعه ممكن يدل على فشل كلوي، جفاف، نزيف معدي أو زيادة بروتين في الأكل.
لكن مش محدد للكلى بس ممكن يعلى لأسباب تانية غير الكلى.

الـ Creatinine:ناتج من تكسير الكرياتين في العضلات.
بيتخلص منه الجسم عن طريق الكلى فقط تقريبًا.
عشان كده هو أدق من اليوريا في تقييم وظيفة الكُلى.
الطبيعي بيختلف حسب العضلات (الرجالة أعلى من الستات).
ارتفاعه غالبًا معناه إن الكلى مش بتفلتر كويس.

ـ eGFR (Estimated Glomerular Filtration Rate):
معادلة بتتحسب من الكرياتينين + العمر + الجنس
بتقولنا الكلى بتفلتر قد إيه في الدقيقة.
لو أقل من 60 فيه Chronic Kidney Disease (CKD).
ولو أقل من 15 الحالة دخلت في فشل كلوي شديد (Kidney failure).

أوقات الدكتور بيطلب Urine Albumin/Creatinine ratio … ده مهم جدًا للكشف المبكر عن مرض الكلى خصوصًا في مرضى السكر والضغط.

التحاليل دي لازم تتفسر مع بعض، لأن ممكن الكرياتينين يكون طبيعي لكن الـ eGFR منخفض (خصوصًا في كبار السن).

تخيل إن الكُليتين حجمهم صغير (حوالي قبضة اليد) …
لكن كل يوم بيفلتروا حوالي 180 لتر دم!
وبيطلع منهم حوالي 1.5 لتر بول بس … يعني بيحتفظوا بالمفيد ويرموا الضار.
وكمان ربنا مديك كليتين … ولو واحدة بس اشتغلت بكفاءة 30-40% تقدر تعيش طبيعي!

سبحان الخالق .. مين غير الله يقدر يصمم جهاز تنقية طبيعي، شغال 24/7، من غير بطارية ولا شاحن … ومع كده دقيق لدرجة إنه يفرز السموم ويرجع لك الأملاح والسوائل اللي محتاجها بالظبط.