ХУДО ХОҲЛАСА

(Афандининг саргузаштлари)

Якшанбада афанди,
Роса дамни олибди,
Шом кириб хотини ҳам,
Ошни сузиб қолибди.

--Барака топ хотинжон,
--Девзирагами дейман,
--Яхши бўлдида оҳ оҳ,
--Маза қилиб ош ейман.

--Ҳой дадаси ошиқманг,
--Ақлингиз балога тенг,
--Ёш болага ўхшаманг
--Худойим ҳоҳласа денг.

--Бўридай очман хотин,
--Бир қўй ейишга шайман,
--Худо хоҳламаса ҳам,
--Шу ошни ҳозир ейман.

Шундай деб енг шимариб,
Ошга қўл чўзган замон,
Тарақ, тарақ деб эшик,
Тақиллаб қопти ёмон.

Икки подшоҳ сарбози,
Бири форс, бири араб,
Олиб кетиб қолибди,
Афандини қўлтиқлаб.

Оч нохор афандининг,
Тишлари қамашибди,
То тонггача саройда,
Мажлисга қатнашибди.

Эрта озон уйини,
Эшигини қоқибди,
Ичкарида ким у деб,
Хотини сўз қотибди.

--Кеча пишган ошини,
--Еёолмаган шўрингман,
--Эшикни оч эй хотин,
--Худо хоҳласа  эрингман.

✍ Хуршид  Карим

💥 @LATIFA 💥