Excel dasturida xatolik turlari
#info / #excel

ℹ️ Formulani kiritish yoki tahrirlashda, shuningdek funksiyada qatnashuvchi qiymatlardan biri o‘zgartirilganida, Excel formula qiymatining o‘rniga xatoliklardan birini ko‘rsatishi mumkin. Dasturda sakkiz turdagi xatoliklar ko‘zda tutilgan:

1️⃣. ######## — agar yacheyka butunlay panjara belgisi bilan to‘ldirilgan bo‘lsa, bunda ikki variantdan biri, ya’ni yacheykadagi qiymat unga sig‘may turgani yoki unda manfiy vaqt qiymati (yacheyka formati – Время, ya’ni vaqt bo‘lganida yuzaga keladi) kiritilganini anglatadi. Birinchi holatda ustunni kengaytirish yoki shriftni kichraytirish yetarlidir, ikkinchisida – vaqt qiymati o‘zgartiriladi. Masalan, formulada kichik vaqt birligidan katta vaqt birligi ayirilgan bo‘lsa, unda buni aksincha amalga oshirish kerak bo‘ladi.

2️⃣. #ДЕЛ/0! — ushbu xatolik deyarli har doim yacheykadagi formula qandaydir qiymatni nolga bo‘lishga urinayotganini anglatadi. Ko‘pincha bu ushbu yacheyka bilan bog‘langan boshqa yacheykada nol qiymati mavjudligi yoki umuman qiymat yo‘qligi holatida yuzaga keladi. Muammoni bartaraf etish uchun, barcha bog‘langan yacheykalarni bunday qiymatlar mavjudligiga qarshi tekshirib chiqish lozim bo‘ladi.

3️⃣. #Н/Д — ushbu xatolik “недоступно”, ya’ni “mavjud emas” ko‘rinishida talqin qilinadi va u funksiya yoki formulaning qiymatga murojaat eta olmayotganini anglatadi. Muammoni bartaraf etish uchun, qiymat kiritilgan yacheykalarni xatoliklarga qarshi tekshirish lozim bo‘ladi, tekshirilayotgan yacheykalarda ham ushbu xatolik yuzaga kelgan bo‘lishi mumkin.

4️⃣. #ИМЯ? — ushbu xatolik formulada yacheyka, diapazon yoki formulaning nomini noto‘g‘ri ko‘rsatayotganingizda yuzaga keladi. Muammoni bartaraf etish uchun formuladagi barcha nomlar va nomlanishlarni yana bir bor ko‘rib chiqish lozim bo‘ladi.

5️⃣. #ПУСТО! — kamdan kam holatda uchraydigan xatolik, chunki ushbu xatolik yuzaga kelishiga sabab hisoblanuvchi kesishish operatoridan har kim ham foydalanavermaydi. Xususan, diapazonlar kesishmaganida yuzaga keladi. Muammoni bartaraf etish uchun kesishuvchi diapazonlarni ko‘rsatib o‘ting.

Masalan: =СУММ(A1:B5 A6:B10) formulasi xatolikka olib keladi.

=СУММ(A1:B5 A5:B10) formulasi esa xatosiz ishlaydi va A5:B5 diapazonini qaytaradi.

6️⃣. #ЧИСЛО! — ushbu xatolik formulada qabul qilingan doiradan tashqarida turuvchi noto‘g‘ri sonli qiymatlar mavjud bo‘lganida yuzaga keladi.

7️⃣. #ССЫЛКА! — ushbu xatolik formulada ko‘rsatib o‘tilgan yacheykalar o‘chirilgan taqdirda yuzaga keladi.

8️⃣. #ЗНАЧ! — ushbu holatda funksiya uchun noto‘g‘ri turdagi argument (ma’lumot) turi qo‘llanilgani haqida so‘z bormoqda.

📎 Ushbu postga qo‘shib ilova qilinayotgan faylda har bir xatolikka izohlari bilan birga misollar keltirilgan.

📌 P.S.: Excel dasturida xatoliklarga doir testlarni ishlab, o‘z bilimingizni sinab ko‘ring: 1️⃣ | 2️⃣ | 3️⃣ | 4️⃣ | 5️⃣

© @itspecuz

📌 Mavzuga oid postlar:
• Microsoft Office (Excel / Word / PowerPoint)

💻 Kompyuterni birga o'rganamiz ⤵️
Telegram / YouTube / Xarita

Windows 10’dagi tezkor tugmalar (3.1-qism)
#hotkeys

🔹An'anaviy klaviatura kombinatsiyalari (2-qism):
• Win+▶️ - oynani ekranning o‘ng chetiga o‘rnatish.
• Win+◀️ - oynani ekranning chap chetiga o'rnatish.
• Win+🔼 - joriy oynaning maksimal ko'rinishi.
• Win+🔽 - hozirda ekranda ko'rsatilgan oynani tiklash yoki minimallashtirish.
• Win+Q - ilovalar bo‘yicha qidirish.
• Win+D - barcha oynalarni kichraytirish va ish stoliga qaytish uchun yana bosish kerak.
• Win+L - ish stolini bloklash. Qulfni ochish uchun, agar o'rnatilgan bo'lsa, parolingizni kiritishingiz kerak bo'ladi.
• Win+B - kursorni tizim tepasidagi birinchi belgiga olib borish (soat yaqinidagi).
• Win+T - vazifalar panelining pastki qismidagi ilova piktogrammalarini almashtirish.
• Win+M - barcha ko'rsatilgan oynalarni kichraytiradi.
• Win+U - maxsus imkoniyatlar markaziga kirish.
• Win+C - "Charms Bar" panelini ochish.
• Win+R - “Выполнить” muloqot oynasini faollashtirish.
• Win+I - sozlamalar paneliga kirish.
• Win+E - "Открыть Компьютер" buyrug'i.

📌 Mavzuga oid oldingi postlar:
• Asosiy tezkor tugmalar (1-qism)
• Tizim elementlari bo'yicha (2-qism)
• An'anaviy klaviatura kombinatsiyalari (3-qism)

💻 Kompyuterni birga o'rganamiz ⤵️
Telegram I YouTube I Xarita

Microsoft Word dasturidagi barcha mashhur tugmalar kombinatsiyalari (130 ta)
#hotkeys / #word

ℹ️ Microsoft Word dasturida qo'llash mumkin bo'lgan 130 ta klaviatura kombinatsiyalari jamlangan PDF hujjatini kutib oling. Ushbu fayl to'liq o'zbek tilida (tarjimonni yaxshi tanisangiz kerak 😉).

😎 Word dasturida tezroq ishlashni istasangiz ushbu faylni chop etib olishingiz va doimiy tarzda undagi kombinatsiyalardan foydalanishingiz kerak bo'ladi.

💻 Kompyuterni birga o'rganamiz ⤵️
Telegram I YouTube I Xarita

Word va Excel dasturlarida rim raqamlarini yozishning eng oson yo'llari
#videodars / #word / #excel

ℹ️ Word va Excel dasturida rim raqamlarini yozishning ham bir qancha usullari mavjud. Bulardan eng osoni lotin harflaridan foydalanish, lekin biroz qiyinroq formulalardan ham foydalanish mumkin. Bugun shularni o'rganamiz.

▶️ YouTube'da ko'rish (HD)

⏳: 04:10 💾: 16.1 mb (720p)

📌 Mavzuga oid postlar:
• Microsoft Office dasturlari bo'yicha bepul video kurslar!

💻 Kompyuterni birga o'rganamiz ⤵️
Telegram / YouTube / Xarita / Guruh

Saqlangan Wi-Fi parollari
#mohirlik

ℹ️ Agar siz qachondir Wi-Fi tarmog'iga ulangan bo'lsangiz, ma'lum vaqtdan keyin parolni unutishingiz ajablanarli emas. Agar siz yangi qurilmani ulash yoki do'stlaringizga parol berish uchun uni eslab qolishingiz kerak bo'lsa, bu buyruq satri (Командная строка) orqali amalga oshirilishi mumkin.

✅ Uni ishga tushirib (Win+R ga cmd ni kiritib OK), netsh wlan show profiles buyrug'ini ishga tushiring. Parol kerak bo'lgan foydalanuvchi profilini toping va keyin netsh wlan show profile name="NAME" key=clear buyrug'ini ishga tushiring.

Asosiy tarkib maydoni Wi-Fi tarmog'ining parolini aniq matnda ko'rsatadi. ©️@pcTeapot

💻 Kompyuterni birga o'rganamiz ⤵️
Telegram I YouTube I Xarita

​Dastur o'rnatish sanʼati
#tavsiya

ℹ️ Kompyuterga biror dasturni o'rnatishni o'zi ham bir san'at hisoblanadi. Ko'pchilik dastur o'rnatish vaqtida dasturni xohishlarini e'tiborga olmaydi, shu sababli bu bo'yicha ma'lumot ulashishga qaror qildim!

❗️Demak biror dasturni o'rnatishda:

• Antivirusni vaqtincha o'chirib turish (sababi ba'zi dasturlarni antivirus virus yoki xavfli dastur deb o'ylaydi, agar antivirus yoniq qolsa dasturimizni biror faylini o'chirib tashlaydi, masalan, uTorrent dasturi bilan antiviruslar do'st emas);

• Internetni o'chirib turish kerak (ko'pchilik dasturlarni crack versiyasini ishlatishimiz sababli agar o'rnatish paytida internet yoniq bo'lsa dastur internet orqali biz qilayotgan ish yolg'onligini va kiritayorgan kalitimiz haqiqiy emasligini bilib qoladi);

• Belgilanadigan joylarga e'tiborli bo'lish (✅ ni belgilashda e'tiborli bo'lish kerak, ba'zi dasturlarni "dumi" bo'ladi ya'ni ular o'ziga qo'shib boshqa keraksiz dasturlarni ham o'rnatib olishmoqchi bo'lishadi; bundan tashqari dasturni avtozagruskaga qo'shilishiga ruxsat berishimiz (✅) kompyuter ishlashini sekinlashtiradi);

💻 Kompyuterni birga o'rganamiz ⤵️
Telegram / YouTube

Windows 10’dagi tezkor tugmalar (3.2-qism)
#hotkeys

🔹An'anaviy klaviatura kombinatsiyalari (3-qism):
• Win+H - Share-paneliga kirish.
• Win+V - hozirda faol bildirishnomalarni ko‘rsatish.
• Win+K - Devices-paneliga kirish.
• Win+O - ekran yo‘nalishini tuzatish.
• Win+F - tizimdagi fayllarni qidirish.
• Win+X - Windows Utilities (tizim) menyusiga kirish.
• Win+Z - Metro ilovalaridan pastki paneliga kirish.
• Win+P - qo‘shimcha monitor sozlamalari paneli.
• Win+W - qidiruv sozlamalari.
• Win+Space - ish stolini ko‘rsatish.

📌 Mavzuga oid oldingi postlar:
• Asosiy tezkor tugmalar (1-qism)
• Tizim elementlari bo'yicha (2-qism)
• An'anaviy klaviatura kombinatsiyalari (3-qism)

💻 Kompyuterni birga o'rganamiz ⤵️
Telegram I YouTube I Xarita