زمانی دایك، زمانێكه‌ كه‌ منداڵ له‌ دایك و باوك و باقی ئه‌ندامانی بنه‌ماڵه‌وه‌ فێری ده‌بێت. لێكۆڵینه‌وه‌كانی بواری بیۆلۆژی و ده‌روون ناسی دریانخستووه‌ كه‌ منداڵ ته‌نانه‌ت پێش له‌دایك بوونیشی له‌گه‌ڵ زمانی دایكی ئاشنا ده‌بێت. به‌ بیستی ده‌نگی دایكی هه‌ست به‌ ئارام بوون ده‌كات. به‌ره‌به‌ره‌ هه‌ست و كوڵی ده‌روونی به‌ یارمه‌تی زمانی دایك شكڵ ده‌گرێت. به‌ زمانی دایك له‌گه‌ڵ جیهانی ده‌ورووبه‌ری ئاشنا ده‌بێت و له‌گه‌ڵی په‌یوه‌ندی ده‌گرێت. هه‌ستیارترین قۆناغی ژیانی منداڵ كه‌ بناغه‌ی ژیانی داهاتوویه‌تی، ته‌مه‌نی نێوان ٥ تا ٧ ساڵه‌ كه‌ به‌ یارمه‌تی زمانی دایك تێپه‌ڕی ده‌كات. بنه‌ماكانی كه‌سایه‌تی منداڵ له‌و ده‌وره‌یه‌دا شكڵ ده‌گرێت.

منداڵ هه‌ر له‌ سه‌ره‌تای ڕۆیشتنی بۆ باغچه‌ی ساوایان و مه‌دره‌سه‌، خۆی له‌گه‌ڵ ئه‌و شوێنه‌ تازه‌یه‌ به‌ بێگانه‌ ده‌زانێت و له‌به‌رئه‌وه‌یكه‌ دایك و باوك و ئاشناكانی له‌گه‌ڵ نییه‌، به‌ شێوه‌ی سرووشتی هه‌ست به‌ ترس و نیگه‌رانی ده‌كات. قسه‌كردنی موعه‌لیم به‌ زمانێكی دیكه‌ ئه‌و ترس و بێگانه‌بوونه‌ی منداڵ‌ دوو هێنده‌ ده‌كات و بنه‌ماكانی په‌یوه‌ندیی نێوان منداڵ و موعه‌لیم‌، له‌سه‌ر بێگانه‌ بوون داده‌ندرێ. به‌ڵام ئه‌و ترسه له ڕێگه‌ی زمانێكی هاوبه‌شه‌وه‌ كه‌ به‌ گوێی منداڵ ئاشنایه‌، ده‌توانێ بڕه‌وێ. په‌یوه‌ندێك له نێوان بنه‌ماڵه‌ و مه‌دره‌سه‌دا پێكدێت. منداڵ به‌ ئاسووده‌یی زۆرتره‌وه‌ فێر ده‌بێت و متمانه‌ به‌خۆیی تێیدا به‌هێزتر ده‌بێت. لێكۆڵینه‌وه‌ زانستیه‌كان نیشانیان داوه‌ كه‌ فێركردن و بارهێنان لانیكه‌م تا ته‌مه‌نی ١٠ ساڵ ده‌بێ به‌ زمانی دایك بێت. ته‌نیا به‌وجۆره‌یه‌ كه‌ منداڵ توانا ده‌روونیه‌كانی ده‌پشكوێ و ده‌توانێ به‌ ته‌واوی كه‌ڵكیان لێوه‌ربگرێ. توانای به‌كارهێنانی زمانی دایك ده‌بێته‌ هۆی ئه‌وه‌یكه‌ منداڵ له‌ فێربوونی زمانه‌كانی دیكه‌دا تواناتر بێت. هه‌ر له‌و ڕێگه‌یه‌شه‌وه‌ پۆتانسیه‌لی فێربوونی زمانی دووهه‌م و سێهه‌م و ده‌ستڕاگه‌یشتن به‌ كلتوور و ئه‌ندێشه‌كانیش ده‌خوڵقێت. له قۆناغه‌كانی دواتردا، خوێندن به‌ زمانی دایك، توانای تازه‌لاوان و لاوان بۆ ده‌وڵه‌مه‌ندتر كردنی كلتوور و زانستی كۆمه‌ڵگای مرۆڤ ده‌باته‌ سه‌رتر. به‌مجۆره‌ جیهانی ده‌ورووبه‌ری منداڵان و لاوان به‌رینتر ده‌بێته‌وه‌. هه‌مووی ئه‌و وه‌سفانه به‌وه‌مان ده‌گه‌یه‌نێ كه‌ ئه‌و ڕژیمه‌ كۆنه‌په‌رسته‌ی كه‌ وه‌ها مافێكی سه‌ره‌تایی له‌ منداڵان زه‌وت كردووه‌، له‌ ڕاستیدا، چ جه‌نایه‌تێك ده‌رحه‌ق تازه‌پێگه‌یشتووان و هێزی خوڵقێنه‌ری دواڕۆژی ئه‌و كۆمه‌ڵگایه‌ ئه‌نجام ده‌دات.

#کۆڵبەرنیوز
#kolbarnews
@kolbarnews

وتووێژی ئاریەن تێڤێ لەگەڵ هاوڕێ #فەرهاد_مەجیدی ئەندامی دەستەی بەڕێوەبەری کۆڵبەر نیوز و کارگر نیوز لە سەر بارودۆخی کۆڵبەران و دیاردەی کۆڵبەری لە ڕۆژهەڵاتی کوردستان

#کۆڵبەرنیوز
#kolbarnews
@kolbarnews

⭕️کوژرانی کاسبکارێکی خەڵکی بانە بە تەقەی ڕاسته‌وخۆی هێزە چەکدارەکانی ڕژیم
شەوی هەینی ٦ی مانگی ڕەشەمە، کاسبکارێکی خەڵکی گوندی “کەریم ئاوا”ی بانە بە ناوی “سەعدی پیران” ٣٥ ساڵ ته‌مه‌ن، بە تەقەی ڕاستەوخۆی هێزه‌ چه‌كداره‌كانی ڕژیم گیانی له‌ده‌ستدا.

له‌م باره‌وه‌ هاوڵاتیه‌ك بە کۆڵبەر نیوزی ڕاگه‌یاندووه‌، کە هێزه‌ چه‌كداره‌كانی ڕژیم لە سێ ڕێیانی “بۆین” بەبێ هیچ ئاگادار کردنەوەیه‌ك تەقەیان لە ئۆتۆمبێلی ئه‌و كاسبكاره‌ کردووە و له‌ ئاكامدا چەند گوللەیه‌ك بەر سەری کەوتووە. تەرمی ئه‌و هاوڵاتیه‌ کە خێزاندار و باوکی دوو منداڵە بۆ نەخۆشخانەی سەلاحەدینی ئەیووبی له‌ شاری بانە گوازراوەتەوە.

#کۆڵبەرنیوز
#kolbarnews
@kolbarnews

بە بۆنەی ڕۆژی جیھانی کرێکار

شێعر و خوێندنەوە: ئارام فەتحی

لینکی یوتیوب:

https://youtu.be/7zgHB_hIXKM

#کۆڵبەرنیوز
#kolbarnews
@kolbarnews

بە بۆنەی ڕۆژی جیھانی کرێکار

شێعر و خوێندنەوە: ئارام فەتحی

لینکی یوتیوب:

https://youtu.be/7zgHB_hIXKM

#کۆڵبەرنیوز
#kolbarnews
@kolbarnews

گفتوگۆیەکی سانا و ڕۆژانەی خەڵکانێک کە خۆیان ڕۆژانە و لە نزیکەوە ئاگادار و شایەتی ڕەنجی کۆڵبەرانن و باس کردن لە بەربڵاوی کۆڵبەری، هۆکارەکانی ڕووهێنان بۆ کۆڵبەری و  بێدەرەتانی و نەبوونی بژاردەیەکی تر بۆ بەشێکی زۆر لە دانیشتوانی ئەو ناوچەیە.

#کۆڵبەرنیوز
#ژینا_ئەمینی
#شۆڕشی_ژینا