මොකක්ද මේ සෞදියේ ඉදිකරන්න යන ස්මාර්ට් නගරය (The Line)...?🇸🇦🤔👇🏻👇🏻

THE LINE 🔥

✨ පසුගිය ජුලි මාසයේ ලොව පුරාම අවධානයට ලක් වුණ සෞදි අරාබියේ ඉදිකිරීමට නියමිත The Line නම් නවතම තාක්ෂණික නගරය ගැන ඔබ මාධ්‍යන්හි දකින්න ඇති. මේ අනාගතයේ නගරය වන The Line පිළිබඳවයි.

✨ පසුගිය වසරේදී සෞදි අරාබියේ ඔටුන්න හිමි කුමරු වන Mohammed Bin Salman විසින් The Line තාක්ෂණික නගරය පිළිබඳ පළමු වරට ලොවට හෙළි කරනු ලැබුවා. මෙම නගරය සරල රේඛාවක ආකාරයට කිසිඳු මහාමාර්ගයක් නොමැතිව පුනර්ජනනීය බලශක්තියෙන් බලගැන්වෙන ආකාරයට ඉදිකිරිම පිළිබඳවයි ඔහු විසින් දක්වා තිබුණේ. එමෙන්ම මේ නගරය කඳු, වෙරළබඩ ප්‍රදේශ සහ කාන්තාර සමගින් වර්ෂය පුරාම ජිවත් වීමට හිතකර දේශගුණයක් සහිත ස්වභාවික පරිසරයක් සමගිනුයි නිර්මාණය වෙන්නේ.

✨ ඉන් අනතුරුව ජුලි මාසයේදී සෞදි රජය විසින් මේ නව තාක්ෂණික නගරය ඉදිකළ පසු බලාපොරොත්තු විය හැකි ආකාරයේ ඡායාරූප කිහිපයක් ප්‍රකාශයට පත් කිරීම සිදු කළා. මෙම නගරය 200m ක පළලක් සහ 500m ක උසකින් යුතුව 170km ක දිගකින් යුතු වෙනවා. මෙය වෙරළ තිරයක් දිගේ දිවෙන සරල රේඛිය ආකාරයේ දර්පණ සහිත සමාන්තර ගොඩනැගිලි දෙකකින් යුතු වන අතර මෙහි ඉදිකිරීම් අවසානයේ දී මිලියන 9ක පමණ පදිංචිකරුවන් ප්‍රමාණයක් සඳහා නවතන් ගැනීමට හැකිවනු ඇත.

✨ මෙය සැලසුම් කර ඇති ආකාරයට මිනිත්තු 5 ක් ඇවිදීමෙන් නගරයේදී ලබාගැනීමට අවශ්‍ය සියලු පහසුකම් මෙහි පදිංචිකරුවන්ට ලබා ගැනීමට හැකි වනවා. එමෙන්ම මෙම නගරයේ එක කෙළවරක සිට අනෙක් කෙළවර මිනිත්තු 20 කින් යාමට හැකි ආකාරයේ අධිවේගී දුම්රිය සේවාවක් ද මෙම නගරය සතු කිරීමයි මෙහි නිර්මාණකරුවන්ගේ බලාපොරොත්තුව.

✨ The Line ඩොලර් බිලියන 500ක පමණ Neom mega-city ව්‍යාපෘතියක් වන අතර මෙය Tabuk පළාතේ ඉදිකිරීමට නියමිතව තිබෙනවා. මෙහි පළමු අදියර යටතේ 14km ක ප්‍රමාණයක් 2030 වසරේදී අවසන් කිරීමට නියමිත අතර ව්‍යාපෘතිය වසර 2045 පමණ වන විට අවසන් කිරීමටයි යෝජිතව ඇත්තේ.

ඉතින් කව්ද යන්න කැමති . . . 🤗🤗⚡️

නිල් වෙරළු 🫐