هذي صور باركودات من معرض بلاك هات حق التقنيه المقام حاليا بمركز الرياض للمعارض والمؤتمرات في ملهم وهذي بتفيد الاغلب مو معنا معرض تقني ان الباقين مالم شي ولكن الاغلبيه بيكون اغلب الفرص تخص التقنيه واهلها مع بعض الفرص للباقيين من التخصصات في بعض الجهات

سعيًا لنشر الوعي وبناء مستقبل أكثر صحة، أقام قسم العلوم الصحية بالكلية — بالتعاون مع النادي الثقافي والاجتماعي، وبالتنسيق مع وحدة العلاقات العامة والإعلام — فعالية اليوم العالمي للسكري.

‏وقد جاءت هذه الفعالية لتؤكد أن التوعية الصحية ليست خيارًا ثانويًا، بل هي خط الدفاع الأول لحماية أنفسنا ومجتمعنا. كما عكس تفاعل الحضور الإدراك المتزايد بأهمية نشر المعرفة والوعي الصحي.

‏معًا نواصل صناعة تأثير إيجابي يعزّز جودة الحياة.

للوصول للتغريده وباقي التفاصيل👇

اضغط هنا

بكره باذن الله الصباح وشرحنا بكره يمكن ينزل لكم شرح تقديم بالطريقه الصحيحه وتوضيحات بخصوص تقديم باقي الفروع سوا صوتيات او شرح صوتي او بالتطبيقي المباشر بفيديو يوضح كل النقاط وبنحاول نضع لكم ابرز الامور




https://youtube.com/channel/UCanVPYlaKjv_E0VlSQ4bNeQ?si=uvdWlRh7KULOuhO1

https://www.tiktok.com/@kisaudsanad?_r=1&_t=ZS-91v9bv0y05V






وبالأغلب بينزل لكم شروحات هنا وموضوع عليها هشتاقات وايضا بينزل باليوتيوب والتيك توك وباقي منصات سند تقريبا لكي تستطيعون من اقرب موقع لكم او منصه تحصلون الافاده ب اسهل طريقه ممكنه مايصير اجباري قناة هنا او بالواتس والخ من يبي يدخل قنوات يدخل وشي اختياري وبرضو روس الأموال حقتنا اللي هم الأجداد والجدات والكبار بالسن بالكاد يعرفون واتس او شي فا اجبرهم على منصات محدده ليه اقرب منصه تناسبه يقدر ياخذ علم منها ويفيد احفاده والخ مو شرط اجبار صحيح افضل يكون بقنوات وكذا وتكون مع الناس ولكن ليس الخيار الوحيد


وبرضو موجوده كل حسابات سند المعتمده واللي مسؤولين عنها حنا واللي ينشر يكون متابع بدقه باذن الله فيها موجوده في بايو القنوات حقتنا بكل مكان نتشرف فيكم جميعا ب اي منصه تشوفونها مناسبه

والارقام والخ ماهي راس مال كثر الدعوات لنا بالتوفيق والخ والكلام الطيب وان نشوف شغلنا وتعبنا طول الليل والنهار طويل السنين الماضيه والجايه على خير ينتشر ويعتد به ويعني يتم تقدير تعبنا سوا من بنات او عيال والخ بدون تحديد ماودنا ننسى احد او شي


والدنيا عبر وتجارب ولا توقف أبدا اليوم حنا بسند بكره بشي غيره وانتم كذلك اليوم طلبه وبكره باذن الله تعالى وزارء وأصحاب مناصب بشركات والخ وتحققون الاحلام وترفعون راس من يستحقون انهم يرتفع رأسهم على تعبهم وسعيهم معكم على طول السنين الماضيه


واليوم حنا احياء بكره اموات بعد العمر الطويل للجميع يارب وبرضو اليوم نزرع لبكره اي شي تسويه الحين صح او خطاء كان بيخلي ٤٠ سنه قدام مبنيه على الوقت الحالي فا اعرف كيف تزرع مستقبلك وتبنيه صح


سوا بنت او ولد كلامي عام للجميع وصحيح ما حنا كبار اكبر مشرف فينا ٢٣ او ٢٤ سنه وأصغرنا ٢٠ او ٢١ سنه محد كبير ٣٠ او ٤٠ تقريبا اتكلم عن مشرفين سند خصوصا القناة محد كبير فينا ولكن بشكل عام فيه ناس كبار ونتعلم منهم ومنكم اكيد والدنيا كذا تعلم من المهد إلى اللحد


بس حنا جربنا ونتكلم من واقع تجارب وشي نعي مانقوله


إذا بتاخذ بكلامنا فا خير وهلا واذا قلت لا ماتبي تاخذه فا خير وهلا انت ابخص بنفسك


وفالكم التوفيق يارب

كلام طويل ولكن شي مهم تفهمونه وبيخليكم تحسون بالمسؤوليه اللي الان عليكم تحديده ويعني كلام من القلب وباذن الله يوصل للقلوب ويفهم صح من الجميع صغير وكبير

🛑المحاسبه العامه - بنات

نفذت المقاعد بالتوفيق للمتقدمين

🛑اداره الموارد بشريه -مركز الجدارات فرع الروابي - بنات


نفذت المقاعد بالتوفيق للمتقدمين

العيال بيجيكم اليوم تحديث التخصصات المنتهيه لكم بإذن الله تعالى كما العاده ونرجو إرسال لنا في حال لديكم معلومات عن المقاعد من اجل نشرها للجميع هنا وشكرا لكم

صلو الوتر لو عندكم وقت ومتبقي ساعتين ونص وأكثر على صلاه الفجر بمدينة الرياض

وإذا عندكم وقت ايضاً صومو الخميس وثبت عن الرسول صلى الله عليه وسلم انه كان يصوم الاثنين والخميس

وايضاً اليومين هذي تعرض الأعمال على الله سبحانه وتعالى فا قال الرسول صلى الله عليه وسلم

أنهما يومان تعرض فيهما الأعمال على الله فاحب ان يعرض عملي وأنا صائم


إسناد صحيح رواه مسلم في الصحيح


واستندنا بكلامنا هذا على موقع الشيخ العلامه بن باز رحمه الله تعالى

واستغلو هذي الأوقات و وقت الإفطار ان استطعتم الصيام بالدعوات ولأن الصايم من الذين دعوتهم لا ترد طول الصيام للشخص وايضاً اذان الإفطار استغلوها لنفسكم وللتقديم وامور حياتكم لعل عملا عملتوه وأنتم مخلصون به وصادف وقت استجابه أو صيام يمنع شي قادم يكون شر لكم والله اعلم وأدرى ان بعض الدعاء يغير الأقدار

والله يكتب لنا ولكم الخير ونراكم بعد الساعه ٦ صباحا بعد قليل بإذن الله نعود لكم بالنشر بقنوات سند كافه

في خبر يشمل التقديم وبيكون حصرا يوم الجمعه باذن الله تعالى بكره يعني ولكن التقديم بيتوقف معه برضو مده محدده وبنقول لكم كل شي الساعه ٦ الصباح بعد شوي بعض الناس شافته ممكن وبعضهم لا ولكن المهتمين بالتقديم بيكون مهم جدا جدا لهم ولكن لا داعي للخوف لان الموضوع ماهو اقفال كلي فقط توقف جزئي للتقديم كم ساعه وبيرجع وبنوضح اكثر الصباح حاليا ارتاحو وباذن الله خير وفالكم خير يا وجيه الخير

الاقفال الكلي للتقديم الاربعاء القادم باقي ٦ ايام على الاقفال الكلي للتقديم ركزو على ٦ ايام باقي وقت على النهايه للتقديم

تخصصات عن بعد اقرو هذا البند حلوين هذا هو قرار الحذف النوع حق البرنامج من الوثيقه من قبل لا تتكلمون امس بقروب الدبلوم العام والموضوع يعمل عليه بسند والان صار ضروري يطلع للكل عشان يرتاح من الاخر مايكثر الهرج في النقطه هذي وتكثر الردود الغير مثبته

وطبعا بعد شوي بينزل لكم الملف بكبره وركزو على البند هذا والبند رقم ١٥ من بنود او مواد النظام لكي تكونون بالصوره

نقطه تم العمل به ام لا محد يدري تونا في اول ترم بعد إقرار النظام صحيح كان فيه ترم الفتره يوم صدر القرار ولكن حيثيات القرار والتفعيل الاغلب يكون بعد مده والمفترض الان دخل حيز التنفيذ ولان يكون به مشاورات بين مجالس صنع القرار والموضوع مايكون سريع طبيعي يتاخر التنفيذ


ما اقصد جامعه بعينها ولكن بشكل عام وبنحاول نشوف سعود طبقت او لا لو قدرنا طبعا

للأسف تستمر العمليات حقت النصب حدث ولاحرج وحسب ما بنت تحدثت ورصدنها ب احد القروبات وحددت جنسيه بعينه ولكن بعيدا عن الجنسيات فا طبيعي يكون عربي اللغه مستحيل يجي اجنبي يدور فلوس منك وخصوصا تقديم جامعه إلا مايكون الطعن من قريب او شخص يعرف اسلوب الشعب السعودي او الشعب المستهدف بالنصب حقه او الفئه العمريه المطلوبه الموضوع مو لعبه


إلى الان رصدنا تقريبا في متوسط حال ان البنت ومن معها حسب كلامها كعدد وإجمالي مبلغ حاليا لخمس حالات طول هذا التقديم يساوي ٣٣ الف و ٤٠٠ ريال يعني قول نص قرض لشخص راتبه دون ٨ الف ريال شهريا مبلغ مو بسيط يجيب سياره قديمه موديلات ٢٠ سنه ورا وحولها نظيفه إلى حد ما مو بس جوال زي ما كنا فيه الحين تطورنا المبالغ نتكلم عن منتجات مو من اجل المنتجات ولكن لتسهيل عليكم فهم المبلغ كيف كبير و وش يجيب اساس بالسعوديه عشان تعرفون كبر الموضوع


الموضوع مو سهل واجراءات تطول سنتين او اكثر حسب امور اخرى تعتمد عليها بالموضوع قضايا يعن وصرف مبالغ اكثر على الوقت الطويل هذا صحيح في رد ضرر ولكن كم بيكون مقابل اللي بيصرف على المراكض ولا ضاع حق وراه مطاليب ولكن فكرو هل عندكم نفس طويل تركضون ورا الموضوع او لا

بتقولون كيف انساقت علينا او او او هذا علم اسمه هندسه اجتماعيه مالها علاقها بالهندسه المعماريه والخ ولكن هذي تهندس العقل وتحرك نقاط محدده بالعقل بالكلام وتصدقون مهما كنت متمكن بتخصصك التقني او العقل حقك كبير تناسق عليك شي مو بيدك أبدا


ولو تبحثون عن الهندسه الاجتماعيه بقوقل بتفهمون كيف تشتغل وكيف تتعلمونها وهي مهاره زيها زي المهارات الانسانيه الاخرى المكتسبه او بالفطره