Agar xotiram meni tashlab ketsa ham, iltimos, Allohdan so‘rang, qalbim sizni unutmasin. Men sizni bu dunyoda yana quchoqlay olmasam ham, oxiratda yana «oyi» deb yoningizga yugurib borishni xohlayman. Faqat shu niyat qolgan menga. Bugun tunda uxlolmadim. Onamni eslashga harakat qildim. Eslolmadim. Va shu narsaning o‘zi meni yig‘latdi. Chunki ba’zan inson yaqinini bir marta emas, yillar davomida yo‘qotar ekan. Avval o‘lim bilan. Keyin vaqt bilan. Keyin xotiralar bilan. Men esa onamni yana bir marta yo‘qotib qo‘yishdan qo‘rqyapman. Bu safar xotiram ichida. Oyi... Men sizni sog‘indim. Iforingizni eslolmayapman, lekin sog‘indim. Qo‘llaringizni eslolmayapman, lekin sog‘indim. Quchog‘ingizni eslolmayapman, lekin sog‘indim. Ovozingizni aniq eslolmayapman, lekin «bolam» deganingizni yana bir marta eshitgim kelyapti. Juda kelyapti. Men shunchaki bir marta... yana bir marta... «Oyi...» deb chaqirsam-u, narigi xonadan o‘sha tanish ovoz kelsa edi: «Ha, bolam?..»

Hozir daftarlarim orasidan tugallanmagan hikoyamni bir qismini topib oldim bu hikoya real hayotimga aloqasi yoʻq lekin sizlar bilan boʻlishgim keldi bir oʻqib baho beringlarchi agar yoqsa davom ettiraman

Bunaqa oʻqish senga nega kerak?
Kim uchun oʻqiyapsan..
Kimlarni qurbon qilib oʻqiyapsan...?

Oʻqib olim boʻlding ham deylik, seni olim boʻlishingga umrini, sogʻligʻini, hayotini baxshida qilgan insonlar uchun nima qib berolasan?

Hukumat odamlari boshqaradi, nafslarni emas!

Shayton yoʻldan urdi deb uni ayblamang, u ham bunday jirkanchilikdan hazar qiladi.
Bogʻchada voqeani hamma eshitdi menimcha uni odam deb atashni oʻzi hatoyu hayvon desak, hayvonlar ham bizdan emas deb hafa boʻlishdi.

Shunday manzarada ikkimiz ham qachondir, nasib qilsa, bir piyola choy ustida uzoq suhbatlasharmiz. ☕🤍

Sal kam 50mingta odam roʻyxatdan oʻtibdi omadimiz kelib chiqib qolsak a 😅

Ichimni bir savol tugʻiladi 2 kundan beri javob izladim oxiri topdim..

Odam bir kishini ham yaxshi ko‘rib, ham yomon ko‘rishi mumkinmi?

Odamning nafas oladigan joyi bilan bo‘g‘iladigan joyi bitta-ku. Nega mumkin bo‘lmasin, deya javob topa oldim holos

Darding aytib yig‘lat meni,
Dardim erur darding sening.
Ko‘zing to‘lsa, ko‘zim to‘lsin,
G‘aming erur g‘amim mening.
Kulging bilan kulsin ko‘nglim,
Ohing bilan sinsin jonim.
Sen yiqilsang, qo‘l uzatib,
Tirgov bo‘lsin zaif tanim.
Darding bo‘lsa, bo‘lishaylik,
Yarim sening, yarim meniki.
Baxting kelsa, duo qilay,
G‘aming kelsa — dardimniki.
Darding aytib yig‘lat meni,
Darding erur dardim mening.
Sen jim qolsang, kim ham bilur,
Ichingdagi olam sening?..

🫀: zoʻr ramantik havo boʻlyapti, qizing bilan koʻchaga chiqib aylanib kel

.

🧠: sen oʻzingni bir oʻqitvor seni qizing yoʻq ***

Agar o‘lsam, kimdir meni eslarmikan...

O‘zim uchun eslashlikka eng go‘zal hikoyalar qilibman-u, lekin boshqalarning hikoyasida bormanmi, yo‘qmanmi, hech o‘ylamabman... Bu hikoyalarni qayta varaqlash uchun umrim yetadimi yoki yo‘qmi, uni ham bilmayman.

Gunohlarim, bilib-bilmay insonlarning ko‘nglini og‘ritganim-u, kimlarning haqqiga yeb yuborganim... Qaysi birini aytishni bilmayman. Qo‘rqyapman. Qilgan gunoh amallarimdan, tavbalarim kamligidan, Rasulimizga munosib ummat bo‘la olmaganimdan qo‘rqyapman. O‘qigan namozlarimdan ko‘ra o‘qimaganlarim ko‘pligidan qo‘rqyapman. Robbimning farzlarini tark etib, shaytonning yo‘lini tanlaganimdan qo‘rqyapman.

Robbimning huzurida Rasulimizning sunnatlariga amal qilmaganlar haqida gap ketganda, «Men kim degan odam bo‘laman?» Ha, qo‘rqyapman, juda qo‘rqyapman.

Qaniydi, ey Robbim, Senga yoqqan bir go‘zal amalim bo‘lsa-yu, joynamoz ustida sajda qilib, qaytib turmasam...

Ey Robbim, gunohlarim ko‘pligidan Sening rahmatingdan noumid bo‘lib qolishdan asra. Meni O‘zingga qaytgan, tavbasi qabul bo‘lgan bandalaringdan qil. Umrimning qolgan qismini avvalgisidan go‘zalroq yashashimga yordam ber.

Agar sizni koʻnglingizni ranjitgan boʻlsam iltimos kechiring.