نصيحة صغيرة حول Linux 💡

عند إنشاء مجلد جديد، غالبا نكتب:

mkdir project
cd project

بس تقدر تختصر الأمرين في سطر واحد:

mkdir app && cd $_

ايه قصة "$_"؟

المتغير "$_" في Bash بيشير إلى آخر وسيط في الأمر السابق.

لذلك بعد ما تنفذ:

mkdir app

يصبح "$_" هو "app"، وبالتالي:

cd $_

تعادل:

cd app

#HiddenLock #Terminal

تخيل إنك بتفتح رسالة إيميل قديمة نزلها طالب جامعة في فنلندا سنة 1991 على مجموعة Usenet، وهو بيسأل مستخدمي نظام MINIX عن رأيهم بكل بساطة وتواضع، من غير ما يعرف إن رسالته دي هتكون الشرارة اللي هتغير شكل العالم الرقمي للأبد!

الرسالة دي هي الإعلان التاريخي الشهير اللي كتبه Linus Torvalds في 25 أغسطس 1991، لما قرر يشارك مجتمع البرمجة مشروعه الجديد وهو لسه في بداياته الأولى، وقال نصاً إنها مجرد هواية وبسيطة، ومش هتكون حاجة كبيرة ولا احترافية زي مشروع GNU

لينوس وضح في رسالته إنه شغال على النظام ده من شهر أبريل، إنه بيعمل مشروع مجاني موجه لأجهزة الـ 386 والـ 486، وذكر بحماس إنه قدر يعمل Port لبرامج زي bash و gcc والخلفية بدأت تشتغل وتظبط معاه، وعايز يعرف اقتراحات الناس على مميزات MINIX اللي يحبوا يشوفوها

الجزء الممتع والملهم في الرسالة هو الـ PS اللي كتبها في الآخر واعترافه بأن النظام مش هيكون قابل للنقل (Not portable) على معالجات ثانية، وغالباً مش هيدعم غير هاردات الـ AT بس، "علشان ده كل اللي حيلتي وأملكه حالياً" جملة عفوية جداً أطلقت نواة نظام تشغيل هو اللي مشغل سيرفرات العالم والإنترنت والـ Supercomputers النها

طيب انا مختفي والأدمن مختفي ومحدش بينشر ده مش معناه انكوا متسألوش الناس اللي كانت هنا راحت فين ؟

عدنا بعد غياب طويل 🐧

أعتقد ان الأغلب بقى ميت الفتره دي

في قرار جديد بالنسبة للمطورين اتعرض للتصويت واتحسم فيه القرار وهو يخص مشروع Debian للتعامل مع اي نموذج AI او نماذج الـ LLMS، وكان القرار كألاتي "حسم المشروع سجلاً واسعاً كان دافع لطرح عدة مقترحات تراوحت بين الحظر الكامل لأستخدام هذه الأدوات وبين فتح باب من دون قيود وانتهى التصويت بقرار ينص بأن ديبيان لا تحظر ولا تشجع استخدام هذه الأدوات في تطوير البرمجيات أو إعداد الحزم أو كتابة توثيق بل تركز على تنظيم سلوك المطور ومسؤوليته المباشرة بدلاً من محاولة تنظيم الأداه نفسها"

التركيز الأساسي للقرار ده على مبدأ المسؤوليه الكاملة للمسؤول البشري (اللي هو المطور) لأن المشروع مش بيمنح الـ AI اي وضع استثنائي ومش بيفرض عليه اي قواعد خاصة هتقولي يعني ايه طيب انا لسه مش فاهم ؟

هقولك بأن اي مطور هيقدم اي كود او تعديل هو اللي هيتحمل المسؤولية الكامله وبشكل مباشر عن جودته وصحته الفنية او ان يكون متوافق مع ترخيصه القانوني، بصرف النظر تماماً اذا كان هو اللي كتب الكود او لا واذا كان استخدم AI او لا، والقرار بيأكد ان قرار ان الرفع لأي برمجيه مش هيتم بشكل اعمى للـ Outputs من غير مراجعة بشرية، هيتم مراجعته وبشكل دقيق لأن دي يا صديقي سياسة الممارسات داخل مجتمع Debian، مع التشجيع للمطورين انهم يقولوا اذا كانوا استخدموا الـ AI ولا لا في كتابة البرمجية من غير ما يكون الشرط اجباري

ده غير انهم أعلنوا على حظر صريح لنشر او مشاركة اي معلومات غير علنية من خلال خدمات الـ AI الخارجية واللي هي خاصة بأي طرف ثالث، ومن ضمنها اي ثغره لسه متمش الأعلان عنها بشكل رسمي او اي مفاتيح تشفير او البيانات الأعتمادية او اي مراسلات الخاصة بالمشروع

الجميل في الموضوع ان بقى في ضوابط صارمه بأن يتم الألتزام بالقواعد الخاصة بالمساهمات علشان يتم ضمان عدم أغراق مستوداعات Debian بالتعديلات العشوائية

أعتقد بالنسبالي انها حاجة كويسة جداً لمجتمع ديبيان

للي مش عارفين موجود حساب رسمي للقناة فX ننزل فيه اخر الاخبار وبعض الاشياء المهمة كدا

https://x.com/KernCore7