فادي جانا بدري شوية لقانا ي داب جهزنا الفطور ولسة م فطرنا ـ أمي قالت ليهو يغسل يدينو ويجي يفطر معانا ف قال ليها هو فطر والله لكن حلفتو ان شاء الله ياكل لقمتين بس ـ انا طبعا كنت مكمكمة بالتوب والمفروض م افتح وشي قدامو ـ مشيت المطبخ حشيت لي سندويتش اكلتو عملتة لي عصير شربتو ومشيت غرفتي لبستة عبايتي ونقابي وجوينتاتي ـ فادي سألهم عني ليه م جيت افطر معاهم ـ وجن قالت ليهو م العروس م صح تشوف وشها قبل العرس خاصة وعرسكم قرب ههههههـ
المهم بعد فطرو انا طلعتة وجن مشت عشان تلبس وماما كانت في المطبخ بتعمل في الشاي بقينا انا وهو قاعدين في الصالة ـ جاء وقعد جمبي ـ قال لي ي قاسية مشتاقين والله ـ ههههههه بالاكتر ـ والله ي رسيل اول مرة اشوف لي وحدة قاسية زيك يعني معقولة من اليوم الطلعنا فيهو سوا مع كريم و وجن م اتلاقينا تاني وانت رافضة رفضا باتا تلاقيني ـ قلتة ليهو فادي انت عارف السبب ماف داعي اعيدو ـ مسكني من يدي قال لي بسيطة كلها اسبوع بس وبأدبك وقام غمز لي ـ جريت منو يدي بس هو م راضي يفكني ...
رسيل:فادي احسن ليك فكني عايز تقوم لحركاتك (ولسة بجر في يدي وبحاول افكها بيدي التانية لكن والله م قدرتة اتفك خالص يخ قوي بصورة مبالغة)
فادي:م تحاولي لانك م حتقدري الا اذا انا فكيتك بإرادتي ههههههه ...
رسيل :انت واحد تافهه وعشان حركاتك دي سايقة وجن معانا لاني م ضامناك خالص ...
فادي :انت جادة! !وجن حتمشي معانا ..
رسيل :ايوة جاادة فاكرني حأمشي براي معاك (بقى ضاغطني اكتر في يدي لمن اتوجعت بعدها فكاني)
فادي :ههههههه كويس الاحتياط اهم شي ...
ماما جابت الشاي وقعدت تتونس مع فادي وعن ترتيباتهم للعرس وكدة لحدي وجن جهزت وطلعنا ...
أنا كنت راكبة قدام و وجن راكبة ورا ـ في البداية كنت عايزة اركب ورا معاها لكن هو قال لي تعال قدام ي رسيل ف ما حبيت اركب راس وركبتة معاهو قدام
المسافة كانت بعيدة بعد ساعة تقريبا حتى وصلنا وقفنا جمب ڤيلا رهييييبة عجييييبة بقيت مبحلقة سااي قال لي يلا انزلو وصلنا البيت ...وجن قالت ليهو ماشاء الله بيتك فخم وحلو شديييد ربنا يسعدكم فيه ـ قال ليها تسلمي يارب اتفضلو جوة ـ اول م دخلنا انا بقيت مصدومة معقولة القصر دة حيكون بيتي براي لا م قادرة اصدق ـ والله قدر م احاول اوصفو ليكم م حأقدر ـ كان كبير شديد و واسع وفخم حتى الاساس والديكور ـ قلتة ليهو البيت رهيب شديد يافادي م فيهو كلام بس كبير شديد علينا لانو حاليا نحن اتنين فقط ـ قال لي صح فعلا عشان كدة فكرتة أأجر الجزء العلوي والطابق التحت نحن نسكن فيهو ـ قلتة ليهو اي كدة ممكن ـ فرجنا على الغرف والمطبخ والصالة حقت الضيوف والصالون وقدام البيت فيهو نجيلة وزهور وشجر يعني بالجد المنظر حلو شديد يخطف القلب ♥
بس كان في شوية حاجات اديتو رأيي فيها ويغير فيها شوية وفي اضافات كلمتو عنها برضو ...بعد م خلصنا فادي قال لينا اخدو راحتكم شوية وبعدها نرجع قعدنا في الصالة وفتحنا المكيف لمن حسينا روحنا منعنشين لانو الجو كان ساخن وقعدنا نتونس ـ قام طلع الدكان جاب لينا شوية حاجات نقسقسها وبارد ـ وجن طبعا م صدقت ناامت ـ قلتة ليهو عليك الله شوف البت جنها نوم وعايزة اصحيها ـ قال لي لالا خليها تنوم شوية بتكون فترانة ـ قال لي طيب تعالي بالمسافة دي افرجك على الطابق الفوق ـ قمتة مشيت معاه لحدي م فرجني عليهو كلو وركبنا السطوح فوق برضو طبعا انا بخاف من المرتفعات والله فكنت مكنكشة فيهو وشغالة ليهو خلاص ارح ننزل ي فادي حاسة راسي لافي ـ بس هو شكلو عجبتو المسكة وما عايز ينزل وفعلا حسيت بدوخة لمن قربتة اقع قام ثبتني سريع ونزلنا لتحت ..
فادي :رسيل حبيبي انت كويسة
رسيل:(كانت متمسكة في فادي وخاتة راسها في صدرو) أيوة كويسة بس حاسة بشوية دوخة ..
فادي رفعها ل رسيل ودخلها في غرفة من الغرف ورقدها في السرير رفع النقاب من وشها ـ مجرد م زحاهو بقى سرحاان فيهاا وبقى ببلع في ريقو (الحبسة عاملة شغل بقت ناايرة ولونها فتح درجتين والشامة بقت ظااهرة شديد وشفايفها وردية و وشها نااعم لمن مندي كانت مغرية ) فادي بقى ملبوش ـ حالتو شاف وشها بس م شاف باقي جسمها ـ قام سريع مشى جاب موية وشربها ليها لحدي م حست روحها بقت احسن ـ فادي لسة سرحاان فيها وم قادر ينزل عيونو منها ـ هي كانت مستغربة ليه بعاين ليها كدة ,حتى انتبهت انو نقابها مرفوع عايزة تنزلو هو مسكها سريع من ايديها ورجعهم ليها ورا ضهرها وفاجئها ببوسة عميقة (بوساتهم كترت 😑) وهي كانت بتقاوم فيهو بكل قوتها عشان تبعدو عنها بس هو كان في عالم تاني وكان عنيف معاها لمن حست بنفسها حيقطع بعدها زح منها وحضنها وبدا يحاول بفتح العباية وهي خلاص كملت البكاء كلو وكانت منهارة شديد لما لقت انو خلاص حتكتم فيها والموضوع حيطور اكتر من كدة عضتوو شديد لحدي م بعد عنها وقامت من السرير بسرعة وجرت لبرة ـ فادي وعى على روحو وعلى حجم الغلط الكان حيعملو معاها ـ بعدها طلع وراها سريع عشان يعتذر منها...رسيل مشت الصالة عشان تصحي وجن

عشان يقومو يمشو وكانت بتتنفس بصعوبة وجسمها كلو برجف من فوق لتحت ـ قعدت في الكرسي جرت نفس ومسحت دموعها وصلحت عبايتها ونقابها وصحت وجن عشان تقوم ـ فادي لمن جاء بقى بعاين لرسيل نظرات اسف بس هي عينها م رفعتها وقامو طلعو ركبو العربية بس المرة دي رسيل ركبت ورا مع وجن وخشمها دة م فتحتو لحدي م وصلو البيت ـ فادي حاول يوقفها عشان يحكي معاها بس هي دخلت سريع البيت ـ وجن حست انو في شي حصل بيناتهم لانو رسيل كانت زعلانة شديد من ملامح وشها ـ فسألتها اذا فادي زعلها في شي ـ لكن رسيل م ردت عليها بشي واول م وصلت البيت استحمت ورقدت نامت ـ الخوف الجواها خلاها تنوم من دون م تحس ..
بالمساء لما نادوها للغداء قالت بطنها طامة وم حتقدر تاكل ـ فادي اتصل عليها كذا مرة بس المرة دي من الزعل الجواها جدعت التلفون لمن اتكسر حتة حتة ...

الاسبوع عدى سريع واهل رسيل كلهم جو عشان يحضرو عرسها وكانو مبسطوين واليوم كلو بغنو بالدلوكة ـ رسيل كانت زعلانة شديد انها خلاص حتخلي بيت ابوها وحتعيش بعيدة عنهم ...
يوم العرس رسيل طلعت احلى عروووسة م شاء الله بالجد كانت قمر 14ربنا يحفظها لما فادي جاء الكوفير عشان يسوقها اول م شافها حصنها وباسها في جبينها ـ هي كانت مبسوطة انها اخيرا حتعرس الزول البتحبو والبحبها♥بس كمان في جواها في شوية زعل من حركتو العملها ديك لانها من لحظتها م حكت معاهو خالص ـ وكانت خايفة شديد ومتوترة من الجاي ...
فادي مسكها من يدها وركبو العربية لحددي م وصلو المكان الحيعملو فيهو الاوت دور الطريق كلو كان ماسك يدها وبعاين ليها كانو م مصدق انها اخيرا حتكون ملكو للابد كان بشاغل فيها وبحاول يضحكها بس هي عاملة فيها لسة زعلانة منو ....
فادي كان مستمتع شديد اثناء التصوير واي وضعية يقولها ليهم المصور بعملها ـمرات في وضعيات شوية اوفر ورسيل بتكون خحلانة تعملها ومن جوها بتنبز المصور مية مرة هههههههه ـ اكتر وضعية بتوترها لما يكون في eyecontactبيناتهم م كانت بتقدر تعاين ليهو جوة عيونو خاصة فادي عيونو من قريب بتحسس الزول برهبة ورسيل كان بتخاف (الالبينو عيونهم من قريب بتكون لامعة بسموها الاعين الثلجية)....
عرسهم كان فخم بمعنى الكلمةـ عرس اسطوري عديل كانو عازمين فيها اغنياء البلد وفادي كان طالع وكأنو امير من امراء العصر الفكتوري وزفاف رسيل كان فخم لانو كان مستورد من تركيا ـ فادي كان مبسوط لدرجة انو حاسي عايز يطير من الفرحة ـ لما جات اللحظة الحيرقصو فيها اسلو رسيل كانت خجلانة شديد وفادي طبعا ولااا هماهو كان ماسكها من خصرها ومقربها عليهو شدييد وبرقص معاها وبهمس ليها في اضانها بكلمات كلها حب ورومانسية ـ كان بقول ليها حبيبي انت لسة زعلانة مني اسف والله اسف وباسها في رقبتها ـ رسيل طوالي نطت وعايزة تزح ـ هو ثبتها عليهو اكتر وبقى حاضنها عدييل وبرقص معاها ـ الناس كلها بقت تصفر والنسوان ديل يزغرتن ـ اما رسيل من الخجل م فضل الا يغمى عليها ♥بعد م الحفلة خلصت مشو يغيرو للجرتك ـ رسيل اتاخرت شوية في الغيار فادي مشى دخل عليها عشان يشوفها ويسوقها لقاها بزبطو ليها في التوب ـ طبعا الفستان كان قصير وضيق والتوب شفاف وشعرها كان مفكوك ـ كان بعاين ليها بذهول وقال بينو وبين نفسو البت دي حتقتلني يوم بجمالها دة ـ من جواهو م كان عايزها تطلع بالمنظر دة لانو خايف عليها من العين ـ مسكتها وحصنتها وبعدها طلعو جرتكوهم و ودعو اهلهم ♥
فريد اخوهو وداهم شقة يقضو فيها الليلة دي عشان بكرة حيسافرو شهر العسل ...♥
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《19》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ود عمو ل فادي وصلنا الشقة ورفع لينا الشنط دخلها لينا جوة ـ الشقة دي حقت ود عمو دة ف سمح لينا الليلة نقضيها هنا قال لينا اخدو راحتكم وكل حاجة جاهزة وحتى التلاجة مليانة ـ فادي شكرو ـ قال ليهو معقولة ي اخوي م بيناتنا شكر يلا بعد كدة انا حأمشي اخليكم تاخدو راحتكم وبعدها طلع ....
بعد م طلع وقفل الباب انا قلبي بقى بضرب بسرعة وبقيت ماسكة طرف التوب بقوة ـ التوتر كان في اعلى درجاتة ـ فادي مسكني من يديني ولفتني عليهو وقال لي اخيراا ـ اخيرا اتقفل علينا باب واحد يارسيل ♥اليوم انا اسعد انسان في الكون عارفة ليه, عشان خلاص البت البحبها وميت في عشقها بقت معاي وحتكون معاي للابد ♥انت عارفة اللحظة دي انا كنت بحلم بيها كل يوم لحدي م ربنا حققها لي ـ انا كنت بدعي في كل صلاة انو ربنا يتمم لينا عرسنا على خير ـ كنت خايف تحصل عوارض تبعدك عني بالجد انا حاسي اني في حلم ♥
فادي كان بحكي لرسيل كل المشاعر الحاسي بيها في اللحظة ديك ـ كان بحكي ودموعو نازلة وبعاين ليها نظرات مليانة حب وحنية واعترف ليها بكل حاجة في قلبو كان داسيها لليوم دة♥
رسيل بقت بتمسح ليهو في دمومو بطرف توبها وهي زاتها كانت بتبكي ـ كلامو خش ليها جوة قلبها وضمد ليها كل الوجع العاشتو ـ كان مستغربة كيف ممكن يكون في انسان بالحنية واللطافة والذوق دة ـ وقالت ليهو فادي انا م بعرف احكي واعبر عن الجواي لكن انت انسان عظيم واثبتة لي فعلا انو البحب مستحيل يجرح حبيبو وبعمل المستحيل عشان يكون جمبو ـ انا كنت كارهة مجتمع الرجال بسبب واحد خزلني وحطمني لكن انت اثبت لي انو ماكل الرجال واحد ف شكرا ليك من كل قلبي قربت منو وباستو في خدو بحبك يافادي♥
فادي ثبتها بإيديهو الاتنين من خصرها وقربها منو وبقى بعاين ليها في عيونها وانا بعشقك يا أسيل وبعشق التراب البتمشي فيه ـ رسيل خجلت وطوالي نزلت عيونها ـ فادي بقى بشم في ريحة شعرها لحدي م وصل رقبتها وانفو بقت لاصقة مع رقبتها ـ شوية شوية فادي بقى بحرك ايدهو في جسمها وطبع قبلة في رقبتها ـ رسيل بقت متشنجة و عايزة تزح منو بس فادي محاوطها بكلو ـ بقى بفتح في السستة حقت الفستان واول م مرر اصابعو في ضهرها رسيل اتنفضت لمن فادي اتخلع ـ رسيل حبيبي كويسة انتي ـ من الخوف العليها قالت ليهو لالا م كويسة انا نعسانة عايزة انوم والمغرب والعشاء لسة م صليتهم و...كانت بتتكلم و واضح انها خايفة شديد لمن اطرافها بترجف ـ فادي مسكها من ايديها و قال ليها طيب ي روحي أول حاجة اهدي وجري نفس طوييييل ـ عارفك خايفة ومتوترة لكن وعد مني م حألمسك الا اذا حسيت انو الخوف الجواك كلو انزاح ـ رغم اني والله م بقدر اتحكم في نفسي لما تكوني قدامي وانت عارفة الحاجة دي بس علشان عيونك الحلوة دي م حيصدر مني اي تصرف من دون موافقتك فخليك مسترخية ومتطمنة ف ماعايز اشوف نظرات الخوف دي تاني في عيونك تمام يلا وريني ابتسامتك الحلوة دي رسيل اتطمنت شديد من كلامو وابتسمت♥

بعدها ساقها من ايدها ودخلو الغرفة قال ليها ادخلي اتحممي ـ قالت ليهو انت ادخل بالاول ـ قال ليها طيب حاضر هههههه شال غيارو ودخل الحمام ـ رسيل بقت بتفتش ليها في اكتر روب ساتر عشان تلبسو لقت ليها واحد مع الركبة وايديهو نص كم وطلعت توبها الهزاز ختتهم في طرف السرير ومنتظرة فادي عشان يطلع ـ حست روحها عطشانة مشت

المطبخ فتحت التلاجة شربت ليها موية وعصير ـ لما رجعت لقت فادي طلع واقف قدام المراية وبنشف في شعرو ـ قفلت المكيف قالت ليهو كدة حيجيك التهاب بعد تنشف حتى شغلو ـ قال ليها حاضر ي مرتي الحلوة وغمز ليها ـ قالت ليهو فادي يخ بطل بخجل انا وغطت عيونها بيدها ـ قال ليها حيييي انا حبيبي الخجول هههههه ـ رسيل طوالي شالت ملابسها ودخلت الحمام ـ فادي قال البت دي شكلي حأتعب معاها شديد بخجلها دة لكن هاانت طالما بقيتي مرتي فحأكسر حاجز الخجل دة ههههههه♥

دخلتة الحمام استحميت وكبيت في شعري موية لاني كنت مصدعة شديد والله ـ بعدها لبستة واتوضيت واتريحتة ريحة خفيفة ـ لبستة توبي وطلعتة ـ لقيت فادي فارش المصلاية ومنتظرني ـ صلينا المغرب والعشاء وركعتين حمد وشكر ـ فادي كان بدعي وانا كنت بقول وراهو آميين ♥
مشينا المطبخ اكلنا تماام وشربنا عصير ـ والله كنت جعانة جوع ـ في البداية كنت خجلانة وم قادرة اكل زي الناس ـ فادي قال لي اكلي زي الناس وم تخجلي عارفك جعانة 😅😅ـ قلتة ليهو جعانة شديد بس عليك الله م تعاين لي لاني م حقدر اكل وانت بتشوفني بالطريقة دي ـ ضحك وقال لي خلاص اكلي مابعاين ليك والله ...

بعدها مشيت انبطحتة في السرير عشان انوم ...
فادي :حتنومي بالتوب يارسيل انت جادة?
رسيل :بردانة عشان كدة م طلعتو ..
فادي :ياها البطانية جمبك ـ طلعي توبك عشان تقدري تنومي براحتك واتغطي بالبطانية ...
رسيل :طيب تمام
طلعتة توبي ورقدتة قال لي تصبحي على خير وقرب مني باسني في خدي ـ قلتة ليهو وانت من اهلو ـ قال لي بوستي وينها ههههه ـ بستو في خدو بوسة سريعة وقبلتة ع الجهة التانية نمت ....كنت حاسة بضيق شوية لاني م بعرف انوم ولابسة حمالة خالص وعلى العليها الحمالة كانت ضيقة لانها جديدة ومضايقاني شديد بقيت بتقلب وم قدرتة انوم ـ لما غلبني مشيت الحمام طلعتها حتى قدرتة انوم براحتي...

فادي برضو الليل كلو بتقلب وم قادر ينوم ـ كل شويتين بقبل ع جهة رسيل وبعاين ليها ـ وم عايز يقرب منها اكتر لانو خايف يتصرف تصرف يزعلها وهو وعدها انو م حيغصبها على شي ...شال توبها الكان قاعد بيناتهم وبقى بشم ريحتها فيهو ـ ريحة التوب كانت خمرة ومسك ـ وهو خلاص اعصابو تلفت وبقى بشم في التوب اكتر لمن حس بروحو انو خلاص م قادر كان تعبان شديد ونفسو يمارس معاها الحب ـ لما م قدر يتحكم في نفسو قام بسرعة ودخل الحمام وفرغ شهوتو كلها لانو لو م عمل كدة حيجيه احتقان وحيمرض عديل بسببها ..
بعدها ارتاح شوية ورجع نام وهو حاضن توب رسيل عليهو ....الصباح فادي صحادخل الحمام اغتسل وبعدها صحى رسيل عشان يصلو الصبح بس هي كانت تعبانة وبتقول ليه امممم قايمة وتاني رجعت نامت ـ مشى قعد جمبها وصحاها لحدي م قامت وكانت مغمصة عين ومفتحة عين كان مثبتها عشان م تقع لانها لسة م كانت مجمعة ـ صدرها كان ظاهر لانو الروب خفيف وم لابسة حمالة ـ فادي بقى مركز معاهم بصورة واضحة لمن رسيل انتبهت خجلت شديد ـ قامت شالت توبها من السرير لبستو ومشت اتوضت وصلو الصبح ....
فادي النوم طار من عيونو وبقى بفكر في منظرها قبيل وهي م لابسة حمالة ومنظر رجولها وهما محننات ومدخنات كان نفسو يحضنها بس ويشم ريحتها عشان يرتاح شوية ـ رسيل رجعت واصلت نومها ـ بقى بقول لنفسو ياارب رسيل تحن علي وتخليني اقرب منها لاني ماقاادر خلاص انا فاض بي يارب صبرك ...

بعد الدنيا صبحت فادي عمل الشاي ونزل اشترى كيك وقعدو يتونسو باقي اليوم كلو ويضحكو ويتهابلو لحدي المساء بقو بجهزو في شنطهم عشان يسافرو شهر العسل ـ سفريتهم كانت الساعة 12بس هما مشو من 10مشو المطار عشان الاجراءات وكدة ...بعد م زمنهم جاء ركبو الطيارة وسافرو جزيرة بورا بورا الفرنسية ونزلو في منتجع اسمو سانت ريجيس بورابورا♥

*جزيرة بورا بورا الفرنسية*
بورا بورا :هي جزيرة من جزر ليوارد الذي يشكل جزء أرخبيل المجتمع في بولينيزيا الفرنسية التابعة لفرنسا في المحيط الهادي. تقع الجزيرة على بعد 230 كم شمال غرب بابيتي، تحيط بالجزيرة بحيرة وحاجز شعاب مرجانية. تتكون الجزيرة من بقايا براكين خامدة ترتفع إلى اثنين من القمم، جبل باهيا وجبل أويتمانو ويصل أعلى ارتفاع في الجزيرة إلى 727م.
*منتجع سانت ريجيس بورا بورا*
يقع منتجع سانت ريجيس بورا بورا على مساحة 44 فدانًا من الأراضي الطبيعية، ويتمتع المنتجع بموقع فريد على بحيرة ساحرة ، في ظل جبل أوتيمانو، ويوفر مكان الإقامة للأزواج فيلات فوق المياه بعضها يحتوي على حمامات سباحة خاصة بها، إلى جانب فيلات على الشاطئ، كذلك يحتوي المنتجع على منتجع صحي وشاطئ خلاب وحمامان سباحة و4 مطاعم...
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《20》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
المنتجع النزلنا فيهو اسمو سانت ريجيس بورا بورا ـ متخيلين معاي انو المكان عبارة عن جنةة على الارض ف المنتجع موجود في وسط البحيرة ـ يعني انا كنت حاسة اني بحلم وانو دة م حقيقة ـ الطبيعة والمياه الصافيه والتنظيم والخدمات يعني رهابة رهااابة ♥
وصلنا الجناح حقنا كان واااسع وطبعا النوافذ زجااجية بتقدر تشوف من برة كل حاجة لكن من برة م حتقدر تشوف شي من جوة ـ عندهم حمام سباحة جوة الجناح ...قلتة لفادي المكان رهيب شديد وحلوو ـ قال لي فعلا الطبيعة حلوة وانا اخترتة المكان دة بالزات لانو بساعد على الاسترخاء وطبيعي 100%ـ بتذكر قبل كدة قلتي لي انك بتحبي الطبيعة والبحر ف لقيت انسب مكان نجي هنا ـ اصلا كنت ناوي نمشي المالديف لكن للاسف الحجوزات لشهر العسل كانت مقفولة خلال الشهر دة ف بحثت عن مكان يكون هادي وجميل وطبيعي ف لفيت هنا افضل خيار ♥...
بعدها دخلنا غيرنا ـ انا لبستة لي بجامة تلات إربع فيها رسمة ميكي ماوس وسرحتة شعري ضفيرة وحدة ـ كنت زي الشافعة هههههه ـ فادي اول م شافني قعد يضحك قال لي واحلاتي ي ناس ـ هو كان لابس شورت قصير وفنيلة داخلية من دون اكمام ـ رقدنا في السرير وكنا بنحكي ونتونس ـ شوية كدة السيرفس جاء وجاب لينا الاكل والعصاير كانت طبيعية ـ عصير جوز هند ومعاه عصير اناناس فرش ...
بعد م خلاص اكلنا وشبعنا قعدنا جمب النافذة الزجاجية وبنتفرج على الطبيعة وعلى الناس برة بسبحو في البحر ـ طبعا النسوان لابسلات حمالات وانكسة رفيعة ومايوهات لانهم معظمهم اجنبيات وعادي بالنسبة ليهم..
فادي طلع فنيلتو ونزل يسبح في المسبح حق الغرفة ـ قال لي تعالي حتحسي بإسترخاء كنت خايفة في البداية لكن عايزة انزل برضو قلتة ليهو طيب جاية وعايزة انزل ببجامتي قال لي طلعيها كدة م حتكوني مرتاحة ـ بقيت مقلعة عيوني...
قلتة ليهو انا اصلا م عايزة ادخل كلي بس عايزة اقعد بالطرف وادخل رجليني لجوة ـ قعدتة طرف المسبح وبقيت بحرك في رجولي وبشيل الموية بيديني برشها في فادي من بعيد ـ والله كنت مستمتعة شديد بالحاجة دي ونفسي انزل لجوة بس م بقدر اطلع هدمومي واقعد قدامو بالحمالة ـ فادي جاء علي وقال لي احسن ليك تنزلي والله الشعور حلو ـ قلتة ليهم بس ....قال لي مابس وجراني دخلني جوة المسبح ـ بقيت ماسكاهو لاني كنت خايفة في البداية والموية باردةـ طبعا انا بعرف اسبح لكن لي فترة طويلة من السباحةـ شوية شوية الوضع بدا يعجبني وبرشني بالموية وانا برشو ـ مسكني فك لي ضفيرتي وعايز يطلع لي قميص البجامة اللابساه ـ قلتة ليهو بتردد ف فادي بتعمل في شنو ـ قال لي رسيل م تخجلي مني عايز اطلع ليك قميص البجامة عشان تكوني مرتاحة وانت بتسبحي وما تخجلي مني ـ قلتة ليهو ب بس ـ قاطعني اشششش جراني عليهو وطلع مني القميص وبقيت قاعدة بالحمالة ـ كنت خجلانة منو خجل بس هو واصل سباحة وانا كنت في مكاني م اتحركتة ومحاوطة صدري بيديني ـ قال لي يارسيل مالك ثابتة في مكانك ـ قلتة ليهو انا عايزة اطلع

قال لي الليلة ماف ليك طلوع وجراني من يدي وبقى مثبتني من خصري ولصقني عليهو قال لي مش قلنا نبطل خجل وبقى بعاين لي في عيوني ـ انا عايزة ازح منو تاني قربني عليهو وبقى ضاغطني عليهو اكتر من الاول (دة كلو وهما جوة حوض السباحة😅) وقرب وشو من وشها لحدي من انفو لامست انفها وغمض عيونو قال ليها رسيل انت عارفة نفسي في شنو ـ رسيل بقت بتبلع ريقها وقلبها من جوة شغال زي الطاحونة ـ قال ليها نفسي في شفايفك دي وبقى بمرر اصابعو فيها. بعدها فتح عيونو وقرب شفايفو من شفايفها وقبلها قبلة فرنسية طويلة خلتها ترجف عديل والغريب كانت مستمتعة بالحاجة دي وم أبدت أي مقاومة ـ فادي انبسط شديد من الحاجة دي وحس انو عايز يتمادى اكتر لكن خاف انها ترفض وم تتجاوب معاه وقال بينو وبين نفسو احسن يقرب منها بالتدريج شوية شوية لحدي م تتعود عليهو ويمارسو حياتهم زي اي زوجين..
بعدها طلعو من حوض السباحة وجففو نفسهم ورقدو ارتاحو شوية ـ رسيل كانت خجلانة من الحصل لكن البوسة عجبتها شديد وحست انو نفسها تاني يحصل كدة ...بالليل طلعو اتعشو في المطعم تبع المنتجع ومشو السينما حضرو فلم رومانسي طبعا معظمو خارجيات هههههه وهي م فضل ليها الا تدخل جوا اضافرها وطبعا كل الكابلز المعاهم حاضنين بعض ورومانسيات تقيلة ماف زول شغال بالتاني لحدي م الفلم خلص ورجعو جناحهم ....

كنت خجلانة شديد وم قادرة ارفع عيني في عين فادي
لما رقدنا عشان ننوم قال لي تعالي قريب خلينا اليوم ننوم في حضن بعض ـ انا بقيت متوترة شوية بس هو طوالي قرب مني وحاوطني عليهو ورقدني في حضنو ـ قال لي نحن في شهر العسل يعني م بجي نكون نايمين بعيدين عن احضان بعض ـ خلينا نكون قريبين من بعضنا حبيبتي .....وبدينا نتونس ونضحك لحدي م نعسنا بعد م فادي نام انا اتسحبت براحة طلعتة الحمالة ورجعتة نمتة ....
فادي كان حاسي بحركتها وعمل فيها نايم ـ يعني شافها لمن طلعتها بقى حاضنها عليهو وملصق ايديهو في صدرها نظام نايم وم منتبه ورسيل ابتدت تحس برغبة لكن كتمتها ـ لحدي م الاتنين نامو جدجد ...

تاني يوم الصباح رسيل صحت قبل فادي ولقتو حاضنها ورجلو فوق لرجولها ـ حاولت تبعد براحة من دون م يصحى بس هو كان مكنكش فيها ع الاخر ـ اثناء محاولتها عشان تقوم فادي صحى وقال ليها ماشة وين قالت ليهو داخلة الحمام وقوم عشان نصلي الصبح ـ قال لي طيب ـ دخلنا سوا الحمام اتسوكنا واتوضينا الحمام وسيع ـ صلينا الصبح ...فادي بقى راقد لي في رجولي وانا كنت بمشي يدي جوة شعرو ـ الحركة دي عاجباني شديد وخاصة شعرو حلوو وناعم لمن مبروم ـ هو زاتو كان متكيف شديد قال لي ايديكِ مريحة شديد ممكن تواصلي وم توقفي ـ مسك يدي التانية وختاها في قلبوـ قال لي رسيل ـ قلتة ليهو نعم حبيبي, طبعا قلتها من دون م احس م عارفاها طلعت من خشمي كيف, ـ بقى بعاين لي قال لي عيديها تاني حابي اسمعها ـ قلتة ليهو اعيد شنو ـ قال لي اخر كلمة قلتيها ـ قلتة ليهو ابيت ـ قال لي عليك الله عشان خاطري حابي اسمع الكلمة دي تاني ـ قلتة ليهو نعم حبيبي ـ قال احيييييي انا اموت في حبيبي البتقوليها دي ـ قعدتة اضحك ـ قال لي واصلي مالك طلعتي ايديك من شعري انا كدة مرتاح ـ
قلتة ليهو فادي ارح نلعب ليدو ـ قال لي هههههههه موافق ارح ـ لعبنا المرة الاولى غلبني ـ اتحرقتة وقلتة ليهو تاني نلعب برضو غلبني والله م باقي لي الا ابكي المرة التالتة لما قرب يغلبني شلتة التلفون وعايزة اخرب اللعبة هههههه هو بقى ماسك مني التلفون وبقيت بجر فيهو وبطبز لحدي م خربتة اللعبة قال لي اصبري لي والله م اخليك وقمتة جارية وهو جاري وراي لما قبضني بقيت بعتذر منو ـ فادي معليش حقك علي تاني م بعيدها ـ يازولة مااابعرف الليلة م بخليك مسكني ورماني في السرير وبقى من فوق لي ـ ف فادي بتعمل في شنو والله اسفة اصلا كدة كدة انا كنت الخسرانة و ... طوالي سكتني ب بوسة زي حقت المرة الفاتت🙊
بس المرة دي اتمنيت لو يواصل وم يبعد عني بديت احس برغبة تجاهو ونفسي يقرب مني اكتر من كدة
المهم اتعابطنا واتهابلنا وطلعنا من الصباح اتفسحنا ومشينا صالة الاسترخاء والتدليك الطبيعي ـ النساء عندهم قسم والرجال قسم براهم وعملنا تمارين لراحة الاعصاب م رجعنا الا المغرب ...
لما رجعنا كنا حاسين بسلام دااخلي وهدوء نفسي شديد بالجد التمارين ديك ريحتنا شديد ..
فادي قال لي مبسوطة ـ قلتة ليهو اكييد مبسوطة شديد ـ دخلتة غيرتة هدومي ولبستة لي روب خفيف من فوق للركبة اتدلكتة واتريحتة بخمرتي وجيت رقدتة في حضنو ـ ريحة عطرو كانت مثيرة شديد ـ بقيت خاتة يدي في صدرو وبمسح في صدرو براحة لحدي م نزلتة لبطنو وبقيت بتحسس في عضلات البطن ـ هو كان مغمص عيونو وبقول لي حلو واصلي ـ انا م قدرتة انزل لتحت اكتر من كدة و وقفت ـ قام مسك لي يدي واصلي ي روحي انزلي لتحت اكتر ـ نفسي اعمل كدة بس الخوف والخجل الجواي مانعني ...

فادي فتح عيونو وبقى من فوق لي وبعاين لي مرة في عيوني ومرة في خدودي ومرة في شفايفي ومرة في صدري نظراتو كانت متخللة جسمي ـ ضربات قلبي زادت ـ فادي خت يدو في قلبي وقال لي سامع صوت ضربات قلبك وبقى بحرك يدو في صدري من فوق ـ انا بقيت بتأوه وماسكة المخدة ـ شوية شوية نزل من صدري لبطني ولسة بحرك ايدو فيها ـ دخل يدو تحت لضهري وفك الحمالة ـ أنا كنت مغمضة عيوني ولسة شادة على المخدة ـ قرب من اضاني وهمس لي قال لي رسيل جاهزة عشان نبقى واحد ونكسر كل حواجز الخوف والخجل بينا ونعمل كل حاجة نفسنا فيها واسوقك لعالم تاني مليان بالمتعة والحنين والرومانسية ـ جاهزة تسلميني نفسي واعمل كل النفسي فيهو ,صدقيني كل حاجة حتكون براحة وبرواقة وم حتحسي بأي الم .... ـ قلتة ليهو جاهزة ي فادي ,جاهزة ابقى ملكك واسلمك كل قطعة في جسمي ♥
فادي لما سمع ردها قام وطفى الاضاءة عشان يعملو كل النفسهم فيهو من دون خجل ....
فادي ورسيل قضو اجمل ليلة مع بعض اللي هي ليلة دخلتهم ـ ليلة مليانة حب وحنان واحاسيس حلوة شديد ـ طلعو كل الكاتمنو جواهم من سنين ـ فادي كان خبير شديد في لمستاتو وقبلاتو لدرجة انها كانت بتبكي من المتعة مش من الالم ومرات لما خلاص تحس انها م قادرة تتحمل الاحساس دة بيغمى عليها وتاني بعد تستعيد وعيها فادي بعذبها ب حركاتو البتخليها تدوخ من جديد كان جرئ شديد في كلماتو مثلا كان بقول ليها المكان الفلاني حلو يارسيل عايز اعمل فيهو كدة ـ ريحتك معذباني شديد ـ وهي كانت مغرية شديد واهاتها بتعذبو ودلعها وصوتها بزيدو شهوتو زيادة ـ لحدي م حصل الحصل للاخرر وبقت مرة خلااص ـ صح تعبت شوية لحدى م امورها اتسلكت ومارسو الحب لحدي م ارتاحو♥♥♥
فادي ورسيل قضو احلى شهر عسل ـ شهر مليان حب ورومانسيات تقيلة ـ فادي خلاها تحب كل حاجة بعملها ليها وبتكون مستمتعة شديد لما يكون معاها ـ خلاها تكون جريئة شوية وكسر حاجز الخجل بيناتهم لدرجة انها مرات بتبادر بالحاجة دي في النهاية هو زوجها وحبيبها♥♥♥

بعدها سافرو تركيا قضو فيها شهر برضو وكانو ناويين يقعدو فيها اكتر لكن رسيل حملت وبدت تتوحم ف قالت عايزة ترجع السودان ـ فادي كان مبسوط شديد انو خلاص حيبقى اب للمرة الاولى♥
لما رجعو السودان نزلو طوالي في بيتهم وبعدها مشو سلمو على اهلهم ـ طبعا امها عرفت بإنها حامل رغم انها كانت عايزة تدس عنها لانها خجلانة وكدة ههههههه ـ وقالت ليها يابتي البخجل شنو معروف المرة لما تتزوج مصيرها تحمل وربنا يتمم ليك حملك على خير♥♥♥
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《21》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يمان :إنت جادي يا جاد عايز ترجع السودان?
جاد :ايوة جادي وحتى اني قطعت التذكرة وحسافر الخميس...
يمان :طيب تمام دي حياتك وحر فيها وطالما انت شايف انو الرجوع افضل ليك ف بالتوفيق ...
جاد :يمان انت مالك بتتكلم معاي كدة وكاني غلطان في قراري دة ـ انا البلد دي ما وقعت لي خالص +انا حاسي بعذاب الضمير ولو م مشيت اعتذرت منها وسامحتني ما حأرتاح والله ...
يمان :هههههه ومتوقع تسامحك مثلا?
جاد:ماعارف والله لكن حأحاول ...العملتو فيها صعب يتغفر والله ..
يمان :انت خذلتها وجرحتها وكسرت بخاطرها ..والله انت صحبي واي شي لكن العملتو في بت الناس دي مزعلني منك شديد ـ دي م شغلة بعملوها رجال ...
جاد :انت تخفف عني ولا تزيدها علي ـ عارف روحي غلطان وماعارف مخي كان وين لما عملتة العملة دي بس الشك كان مسيطر علي والرسايل البتصلني خلتني اصدق كل حاجة اتقالت عنها من دون م اصارحها او حتى افكر انو دة فخ عشان يخربو بيناتنا....
يمان :انت اصلا كيف تشك في واحدة حبيتها ـ معقولة البت الليك سنين بتحبها تصدق عنها اي كلام يتقال فيها..لدرجة انك تهرب تخليها وعرسكم باقي ليه10ايام
جاد :في البداية انا كنت مامصدق لكن لما وصلتني صورة كانت قاعدة فيها مع واحد وبضحكو هنا مخي اتلحس والشياطين الجواي كبرو لي القصة وبقيت مصدق الحكاية الاتقالت عندها وانت عارف انو انا من البداية كنت محذرها انها ما تحكي مع اي ولد مهما كان السبب...
يمان:مش ممكن الولد دة يكون ود اهلها او يكون زول بيعرفها وماف حاجة بيناتهم? ??
جاد:ماعارف ماعارف والله .....

الوحم كان متعبني شديد لدرجة اني رجعتة بيت امي وقلتة لفادي حاقضي معاهم كم يوم لحدي م اتحسن شوية ـ هو كان بحاول يحنكني عشان م امشي ولو على الطبخ وشغل البيت حتساعدني الشغالة وكدة بس انا قلتة ليهو لالا ماشة بيت امي بس ـ لما شافني راكبة راس خلاني امشي هههههه ....
رقية :والله يابناتي قلبي دة الليلة ناغسني م عارفة ليه حاسة انو في حاجة حتحصل ـ كدي اتصلو لي على كريم دة لي اسبوع م حكيت معاه ...
وجن :حاضر ماما ـ امس كنت بحكي معاه كويس والله دقيقة اتصل ليه واديك تتكلمي معاهو...(.وجن اتصلت اكتر من 4مرات وكريم مابرد)امكن يكون مشغول ياامي او التلفون صامت ...
رقية :لالالا كدي تاني اتصلي
وجن :بس ياامي مابرد شوية كدة حيرجع لينا ...
رقية :(ختت يدها في قلبها) يارب كريم يكون بخير
كانت خايفة شديد وحاسة انو كريم حاصلة ليهو حاجة ـ بعد ساعة وجن تاني حاولت بس كريم مابرد ـ يلا هي زاتها بدت تخاف لانو كريم م من عوايدو م يرد على مكالماتها وحتى لو مشغول بقول ليها انو مشغول وبرجع ليها ....
بعد حوالي تلاتة ساعات كريم اتصل على وجن برقمو السعودي مكالمة عادية م مكالمة واتس اب قالت لامها ياهو كريم رجع لي كنتي خايفة ساي ـ اول م ردت الصوت كان غريب وم صوت كريم ـ قال ليها معانا انت زوجة كريم جار النبي صح لانو الرقم مسجل بزوجتي ـ قالت ليهم ايوة زوجتو ـ قال ليها والله ياأخت ماعارفين نقول ليك شنو لكن الاعمار بيد الله وربنا يصبركم على فقد زوجك ان شااء الله ـ ع عفوا انت بتتكلم عن منو وقصدك شنو ب ربنا يصبركم ـ هنا طوالي رقية قامت علي حيلها وخطفت التلفون من وجن وقالت ليهو اسمعني ي ولدي انا امو لكريم ولدي مالو هو كويس صح رد علي سريع ـ والله ياخالة نأسف جدا و نقول

ليك انو ولدك كريم جار النبي عيسى احمد اليوم حصل ليهو حادث مروري بشع جدا فقد حياته من خلالها ف ربنا يرحمو ويغفر ليهو ويعوض شبابه الجنة ـ رقية لما سمعت الكلام دة وقعت على طولها ـ وجن ورسيل جو جاريين لامهم وبقو بصحو فيها ياأمي مالك ياأمي في شنو ـ وجن جرت جابت موية وبقت بترشها فيها لحدي م وعت ـ بعدها بقت بتكورك وبتقول كريييييم ولددددي مااااا مااااات اكيد بتهظروووو جيبو لي ولدددددي اسي ـ عااااااايزة ولددددددي ـ وجن رسيل قولو ليهم هما كذابين كريم مستحيل يموووت ـ وجن اول م سمعت انو كريم مات رررب وقعت وما فتحت عيونها الا بعد ودوها المستشفى ـ اما رسيل فكانت مستنكرة حكاية انو مات وبتقول اكيد حي وهي متاكدة انو حي شوية وعقلها يفوت الا فادي ضربها كف عشان ترجع لوعيها وتبطل الوهم العايشاه رغم انها حامل لكن لو م عمل كدة كان عقلها حيفوت. وحتجن .....
وفاة كريم كانت صدمة كبيرة شديد على اهلو ـ وعلى كل زول بعرفو ـ الناس ديل بكو بكاء حتى الرجال بكو وشدة ماكان محبوب والناس بتحبو ماف زول ماجاء وفاتو ـ حتى الاطفال كانو ببكو ـ كل الناس بتقول ماذا بينك وبين الله ياكريم لدرجة كل الناس بتحبك واتأثرت شديد بموتك ـ جو كترة عالم في وفاتو ـ بعد الجثمان جابوه السودان اهلو حلفو يفتحو الجثة ويشوفوه بس للاسف ملامحو كانت مختفية تماما بسبب التشوه الحصل ليهو في الحادث ....وجن كل يومين بتقع وبيودوها المستشفى وبطلت اكل خالص وحالة تحنن الكافر ....
تومو كرم كل يوم ببكي على فراق اخوهو البحبو ـ كان بتذكر لحظاتهم السمحة ـ ضحكة اخوهو ونصايحو ـ ربنا يرحمك ياأخوي بس من بعدك الدنيا ماليها طعم ....
فادي كان خايف شديد على رسيل لانها حامل والحزن والبكاء وعدم الاكل حيأثرو عليها ـ والله كانو بأكلوها بالغصب وبترجع تستفرغ الاكلتو ـ مرة كانت ماشة ااحمام ف حسيت في حاجة نازلة من بين رجولها لما شافتها لقتو دم ـ بقت بتكورك شالوها ولحقوها المستشفى والحمد لله قدرو ينقذوها وم يحصل للبيبي حاجة ـ من بعد الحصل ليها امها بقت متابعة معاها وباكلوها بالغصب ولما تركب راس وتقول م عايزة تاكل فادي بجي بنفسو وبضغطها لحدي م تاكل ولو لزم الامر بأكلها بإيدو .....
عدت تلاتة شهور على وفاة كريم والحزن لسة مسيطر كليا على اهلو وكل م يجيبو اسمو او سيرتو بقلبو البيت بكاء من أول وجديد ...💔💔💔💔
الفقد حار جدا يخوانا💔💔💔💔💔💔💔💔

خشيت السادس وبطني بدت تكبر ـ رجعتة بيتي طبعا وبقيت م بحب امشي بيتنا لاني لما اشوف منظر ناس بيتنا وبالزات وجن بنقلب البيت بكاء والله ...
فادي قال لي والله ماف شي اصعب من الموت لكن انتو كدة بتعذبوه ـ اعملو ليهو صدقة جارية او اطعمو فقراء صدقة لروحو ....
كلمتة بابا وكرم بالفكرة عجبتهم شديد وعملو ليهو مظلة بإسمو وفادي زوجي برضو م قصر والله عمل سبيل فيهو 8أزيار في الشارع صدقة لروحو ♥

وجن كانت حتجمد السمستر لانو ماليها نفس تقرا بس ماما وبابا حكو معاها كتير واقنعوها بعد تعب حتى وافقت تواصل ـ كانت بتقول لي حياتي دي م ليها اي لازمة من دون كريم ولو م الانتحار حرام كان زمان قتلت نفسي وارتحتة من العذاب دة ....
وجن كانت بتتذكر اخر لحظة ليها مع كريم وندمت ليه م ودعتو اخر وداع لما كان مسافر ـ بس حمد ربها انها اكملت زواجها وقدرت تعيش بعض اللحظات الحلوة معاه ـ والحصل بينها وبين كريم في اخر ليلة ليهم مع بعض حيبقى اجمل واحلى ذكرى ليها معاه للابد ...
كانت كل يوم بتشيل قميص من قمصانو وبتحضنو عليها حتى تنوم وبتقول صح كريم مات بس بالنسبة لي هو حي ومازال عايش جواي وحيظل حبي الاول والاخير ♥♥♥

كنت قاعدة بحضر في التلفزيون برنامج اسمو فتاوى موضوع الحلقة كان حقوق المرأة تجاه زوجها ـ الشيخ اتكلم عن حاجات كتيرة ومن بين حقوقو حقو الشرعي وانو مهما حصل لو زوجك طلبك في السرير تلبي رغبتو وما ترفضي ليهو الا اذا كان عندك عذر شرعي ـ انا طوالي اتذكرت قدر شنو انا مقصرة تجاهو ل فادي من وفاة كريم الله يرحمو انا م خليتو يقرب علي بحجة اني حزينة ومرات تعبانة مع الحمل ـ وهو كان م بضغط علي خالص رغم اني مرات بحس بيه نفسو في الحاجة دي بشدة ....
قلتة صح انا حزينة واي شي بس كمان هو زوجي وم لازم اهملو بالصورة دي ـ مشيت شلتة جسمي واتدخنتة على خفيف بس م اتحننتة واتدلكتة واتريحتة بصندليتي وبقيت جاهزة ليهو....
لما رجع وسلم علي بالاحضان ـ طبعا كل م يرجع من شغلو بسلم علي بالحضن وببوسني في جبيني حاجة ثابتة بعني♥ لما شم الريحة قال لي ي سلاام دي شنو الريحة السمحة دي وبقى بشم في رقبتي ومغمض عيونو ـ قال لي مشتاق ليك حبيبتي ـ قلتة ليهو وانا كمان مشتاقة ليك ي روحي واسفة علي كل لحظة كنت محتاج لي فيها وانا صديتك عني ـ قال لي ولا يهمك ي قلبي بحبك ♥ فادي انا م عارفة لو م كنت في حياتي كنت حاعمل شنو بالجد ـ انت مصبرني علي حاجات كتييرة ـ وجودك اكبر نعمة في حياتي م انحرم منك ي زوجي ♥ولا انحرم منك يازوجتي البحبها ♥بعدها بقى ببوس فيني ورفعني لحدى م

وصلنا غرفتنا ـ قلتة ليهو فادي بدلع ههههههه ـ قال لي قلب وروح فادي ـ قلتة ليهو براحة عشان البيبي تمام ـ ضحك وقال لي م تخافي حأكون حنين عليك ♥♥♥

حبيبتي
إذا تكلم قلبي فلن ينطق سوى إسمك💕
وإذا دق قلبي فلن ينبض إلا لأجلك
فكم أنا من العشق أحببتك
دعيني أتنفس أنفاسكَ وأذوب كالشمعة في أحضانك
أيتها الرائع بكل حالاتك أنا وصلت لدرجة حب لا حدود له.حب لم أحس بطعمه إلا معك أنتِ
❣️
دي اخر مسج كريم مرسلها لوجن في تلفونها كانت بتقراها وبتبكي ...
كريم ليه مشيت وخليتني ـ انا ماقادرة اعيش بلاك والله العظيم ـ اعمل شنو انا في الدنيا دي ـ ياريت لو كنت معاك ومت معاك شالت صورتو وبقت بتبوس فيها ـ بحبك ي قلبي ♥......
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《22》*
*#♡الاخــــــــــــــــــــــــــــــــيرة♡*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*بعد مرور خمسة سنين*

ياكريم تعال أكل واقفل التلفزيون دة سريع ....ياماما دقيقة بس ـ مسلسل غامبول يخلص وبجي ....لالا تعال اكل بالاول ....ياماما عليك الله خليني اشوفو وبجي باكل والله ...طيب خلاص بديك عشرة دقايق بس والقاك قفلتة التلفزيون وجيت تمام عشان م نتاخر على ناس حبوبة ....حاضر ماما ...
بتي الحلوة ي ناس ننوشتي انا حبيبة ماما وقلبها (وبتلعب فيها) ...شالت تلفونها واتصلت ل زوجها:
الو حبيبي ...يلا انا شوية كدة وحامشي لناس امي م تتاخر علينا تمام ...طيب يلا باي ♥
بعد ولدها خلص مسلسلو البشاهدو فطرت وفطرتو ورضعت بتها وحممتهم وجهزو منتظرين ابوهم عشان يوديهم بيت حبوبتهم ـ لما اتاخر رجعت اتصلت ليهو وقال ليها هو في الباب خلاص يطلعو ـ ركبو عربيتهم و وصلهم البيت ...دخل سلم أهل زوجتو ورجع شغلو ....

ياأمي وجن مشت وين مش عارفة احنا جايين ليه طلعت ـ قالت ليها قاعدة دخلت الحمام قبل شوية ...
كيمووو حبيب تيتا تعال هنا دي شنو الضربة الفي جبهتك دي .... والله ياامي كريم دة بقى مشاغب شديد امس كان بلعب وانضرب في الباب ....والله يابتي الشفع اصلا كلهم كدة بالزات في طورو دة حركتو بتكون كتيرة شديد ....وننوشة السمحة دي خبرها شنووو كدي جيبيها ـ قالت ليها امس الليل كلو كانت مساهرة بينا مسننة الايام دي ويومها كلو بكااء واااي ي امي العرس دة م كنت قايلة مسؤوليتو صعبة كدة ـ ههههههههه يلا حسي بتعبو معاكم زمان لما كنتو شفع ولسسسة م شفتي حاجة ههههه ـ واي ي امي اشوف شنو اكتر من كدة انا قلتة الرووووب ....
رسيل:وجن حبيبتي كيييفك مشتااقين
وجن :كتيير ي قلبي ـ كيمووو حبيب خالتو كييف وننوش دي ادوني ليها اشتقتة ليها شووق امووووح السمحة دي العسل دي روح خالتها ي ناااس ..
رسيل :اها اخبارك شنو وكيف الشغل معاك
وجن :والله يارسيل تعب مبالغة وبالزات الايام دي مضغوطين شديد ...
رسيل :يحليلك ربنا يسهلها عليك ....
رسيل:كرم لسة م رجع من رفاعة...
رقية :لسة والله لكن احتمال يجي بعد بكرة قبيل كنت بتكلم معاهو ...
*رسيل بقى عندها ولد وبنوتة حلاة الدنيا عليهم ـ ولدها البكر سمتو على اخوها كريم ربنا يرحمو ـ بعد تلاتة سنين حملت ب بتها نرجس ...
وجن اتخرجت السنة الفاتت من الجامعة وحاليا شغالة في الخدمة ....

****
أنا خلاص زهجتة وقرفتة من العيشة معاك استحملتك كتير انا واستحملتة عدم مسؤوليتك دي وبعد كدة قعادي معاك بقى مستحيل وهسي دة تطلقني ...
اول حاجة وطي صوتك وانت بتتكلمي معاي واضح?
لا مابوطي صوتي و وريني حتعمل شنو...
مسكها وضربها كف لمن وقعت ...
تضربني انا ي عواليق ي تافه والله الليلة م بخليك والله اكلم ليك اخواني يجو يقطعوك قطيع...
لمت ملابسها ومشت بيت اهلهاوحكت ليهم الحاصل وكمان اتمادى وضربها ـ اخوانها الاتنين مشو ليهو في البيت ولقوهو ماف تقريبا خاف وهرب ....
حيهرب لمتين الجبان دة مصيرو يرجع وحتأدبو من اول وجديد ....

كان ماشي في الشارع وتايه قعد تحت شجرة من الشجر وخت يدينو في راسو وبقى بقول لنفسو اكيد دة حقك ي رسيل وانا بتعاقب بسبب العملتو فيك وبسبب ظلمي ليك ـ من اللحظة الخليتك فيها وانا حياتي كلها بقت جايطة وم مفهومة ـ سافرتة برة السودان واموري م ظبطت ولما رجعتة عشان اعتذر منك تسامحيني رفضتي رفض قاطع وحتى م كلفتي تسأليني عن السبب واضح انو بطنت طمت مني بس معاك حق انا استاهل كل البحصل فيني دة ـ قررت اني انساك وابعد عنك واتزوجت وياهو زواجي فشل وكل يوم مشكلة معاها وم اتهنيت بيوم حلو معاها ـ ااااخ انا خربتة حياتي بيدي ـ الانسانة الوحيدة الكانت حتفهمني وتتحملني هي انت يارسيل بس بسبب غبائي وشكوكي ضيعتك من يدي وياهو بدفع في التمن ......

رسيل كانت بتحكي مع وجن وقالت ليها اها ماف جديد كدة ولا كدة وغمزت ليها وزولنا داك اخبارو شنو لسة قلبك م حن عليهو ـ وجن قالت ليها جديد يجي من وين ياهو مع الشغل بس وانت عارفة رأيي في فكرة الحب والزواج لاني من بعد كريم مستحيل اتزوج واحب غيرو
رسيل اتكلمت مع وجن كتير وانو الحياة دي اصلا كدة فيها موت وفقد بس كمان نحن مضطرين نواصل حياتنا وم ندفن روحنا في الماضي ـ انت لازم بعد كدة تشوفي حياتك وتتزوجي لساك صغيرة ولسة قدامك عمرر طويل تحبي فيهو من جديد وتجيبي اطفال حلوين يملو حياتك بهجة وسعادة ـ مهاب(ود عمتها لرسيل لو بتتذكروهو) دة بحبك شديد وشاريك واصلا هو قال لي هو كان بحبك من بدري وحتى انو كان ناوي يتقدم ليك بس لما عرف كريم بحبك وحيتزوجك انسحب وقرر ينساك بس ماقدر ـ وياهو بعد وفاتو قرر انو ماحيدخل اي انسانة في حياتو غيرك رغم انو حاليا كبر وعمرو داخل على ال36بس لسة م اتزوج والخمس سنين الفاتت دي كلها منتظرك وقال حينتظرك للابد ـ وجن عليك الله فكري في كلامي دة واستخيري وانت عارفة انو امي قالت لو ما زوجتك وامنت عليك م حترتاح لانها شايلة همك وعايزة تشوف وليداتك .....
وجن بقت بتبكي وقالت ليها بس انا لسة بحبو وماقادرة انساه كيف اتزوج غيرو وانا قلبي لسة متعلق بذكراه ...
رسيل حضنتها عليها وقالت ليها بعد تتزوجيه انا متاكدة انك حاجات كتيرة حتتغير وحينسيك الماضي وحيجي يوم وحتحبيه كمان انا واثقة من الشي دة انت بس استخيري وربنا يكتب الفيهو خير .....

عدت فترة ستة شهور ـ وجن مبدئيا قدرت تقتنع بفكرة زواجها من مهاب ـ طبعا ناس البيت تعبو معاها شديد عشان يقنعوها ومهاب برضو بدورو بتصل وبحكي معاها وبطمنها انو حيخليها اسعد انسانة في الدنيا لو وافقت انها تبقى زوجتو وحينسيها كل الحزن العاشتو ♥وجن قالت ليهو انها عايزة تطلب منو طلب عشان تكون صريحة معاهو من البداية ـ قال ليها اتفضلي احكي واكيد انا تحت امرك ـ قالت ليهو توعدني انك م تلمسيني الا اذا حسيت اني مستعدة اني اعمل الحاجة دي معاك بس كل العايزاك انك تستحملني وتطول بالك علي ...قال ليها طالما انت جمبي ومعاي مستعد اعمل كل البتطلبيه واعتبري انو طلبك مقبول ♥

وجن صح وافقت انها تتزوجو بس م عشانها عشان الحاح ناس البيت وعشان خالتها الربتها كانت متمنية تشوفها عروس من جديد ف ماحبت تكسر خاطرها...
اهل مهاب جو اتقدمو ليها وحددو مواعيد العرس ...
اكتر حاجة خايفة منها انها تظلم ود الناس دة. وم تقدر تسعدو لانها من البداية ماعرست عن قناعة.....
بعد بعد تلاتة شهور العرس تم بس من دون حفلة وجوطة ـ بس عملو كرامة وجرتك لانها هي طلبت يكون كدة ـ مهاب قال ليها البتطلبيهو كل ببقى زي م عايزة ♥
بعدها جرتقوهم مهاب ساق عروستو وسافرو السعودية طوالي عشان بدل شهر العسل حيكون عمرة ـ وجن كانت مبسوطة شديد لانو بالجد نفسها تمشي عمرة ...
دعت لكريم كتييير وكمان دعت انو ربنا يسهلها عليها ويقدرها تسعد مهاب لانو طيب ويستاهل كل خير♥

بعد عملو العمرة سافرو الرياض قضو فيها اجمل تلاتة اسابيع مع بعض وكل يوم بوديها مكان بفسحها وبضحكها وبحاول انو ينسيها حزنها ♥
قبل م يرجعو السودان مشو اتسوقو وخلاها تختار اجمل الملابس والعطور والميك اب وحتى انها شالت هدايا لناس بيتهم ♥
وصلو السودان بالسلامة الحمد لله ونزلت في بيتها ـ طبعا حتسكن مع نسيبتها في نفس البيت ...
ام مهاب رحبت بيها شديد وكانت مجهزة ليهم غرفتهم وقالت ليها يابتي اعتبريني زي امك وم تختي بينا حواجز خالص ولو مهاب زعلك طوالي تعالي كلميني وحاعاقبو تمام ـ مهاب ضحك وقال ليها الله لا يجيب الزعل بيناتنا ومستحيل ازعلها في يوم ♥امو قالت ليهو ربنا يحفظكم ويخليكم لبعض يااارب♥

الايام عدت و وجن كانت مبسوطة من معاملة مهاب وامو وابوهو ليهاـ كانو بحبوها شديد ومدلعنها شديد وهي كمان كانت محترماهم شديد ...مهاب خالص م ضغط عليها بخصوص حقو الشرعي ومخليها على راحتها ...

نعمة قالت ليها ليه ي بتي لا بتتحني ولا بتدخني انت عروس يلا قومي لخي حنتك اسي دي ـ وجن م اعترضت لانها م عايزة تحسسها بشي ـ ف اتحننت واتدخنت تمام وبقت نجفة ...مهاب لما رجع من شغلو لقاها بتطبخ و م لابسة توبها لابسة جلباب م قصير وكمان م طويل بس رجولها ظاهرة والدخان عامل شغل مع لونها ـ حس انو م قادر يمسك نفسو وعايز يحضنها وينوم معاها ـ قرب منها من ورا هي اتهجمت وختت يدها في قلبها قالت ليهو خلعتني ـ ضحك وبقى بقرب منها اكتر ـ هي بدت تتوتر وعايز تزح منو مسكها من نصها وقال ليها انت حلوة شدييييد وبزح في خصلات شعرها من وشها وعايز يبوسهاو يحضنها ـ في اللحظة دي خالتو نعمة جات داخلة المطبخ اتهجمت وهما زاتهم اتهجمو وخجلو ـ وجن جرت خلتهم مشت غرفتها ـ امو قالت ليهو حرام عليك خجلتة البت يلا امشي ليها وغمزت لولدها ـ مهاب ضحك وقال ليها ماكدة ي امي هههههه...
مهاب مشى ليها في الغرفة واعتذر منها على تصرفو ـ هي قالت ليهو مامشكلة حصل خير ....

مرة وجن صحت بدوخة واستفراغ وكانت تعبانة شديد ـ نسيبتها طوالي قالت دة اكيد حمل وانبسطت شديد وقالت ليها يابتي انت اكيد حامل ـ وجن قالت ليها لالا ياخالتي دة م حمل اكيد ملاريا او تايفويد ...مهاب كان قاعد وقال ليها عشان يمشو المستشفى يفحصو ليها وهما الاتنين عارفين انو م حمل لانو اصلا م حصل بينهم شي ...وفعلا لما مشو لقو عندها ملاريا تقيلة ادوها ادوية ورجعو البيت ...خالتو نعمة كانت منتظرة البشارة وفاكرة حيقولو ليها وجن حامل بس قالو ليها دي ملاريا ....مهاب كان خايف علي وجن شديد والليل كلو مساهر معاها لانها بتهضرب بالليل ومرات حمتها بترتفع ـ بعمل ليها مكمدات لحدي م ترتاح شوية ....لحدي م صحتها اتحسنت وبقت كويسة كان واقف جمبها وحتى شغلو نساهو بسبب مرضها لزوجتو ♥
وجن بدت تحس بمشاعر تجاهو وبترأف على حالتو شديد وحاسة انها ظالماهو لانها حارماهو من حقو الشرعي واكيد حيكون ماسك نفسو بالعافية ...
مرة كانت قاعدة في غرفتها وبتتصفح في الفيس وبتحضر الفيديوهات الفي الفيس ومهاب كان في الحمام ـ فمر عليها فيديو حميمي شديد ورومانسي لدرجة انها تعبت شديد ونفسها دخلت في الحاجة دي ـ في اللحظة دي مهاب طلع من الحمام ولابس شورت قصير وم لابس شي من فوق وشعرو كان نازل في وشو عشان غسلو ـ وجن بقت بتعاين ليهو وفي جسمو ـ مهاب قرب منها قال ليها حبيبتي انت كويسة ـ هي كانت بتعاين ليهو بس وساكتة ـ هو فهم نظرتها وحس بيها انها تعبانة ومحتاجة ليهو ـ قال ليها وجن ـ قالت ليهم ايوة بصوت كلو رغبة مكتومة ـ هي كانت بتحاول تخبي شعورها الحاسة بيهو بس مجرد م مهاب قرب منها وحضنها هي رعشت ـ وهنا طوالي اتاكد انو هي في اعلى درجات شهوتها بعد باسها ورقدها في السرير وهي كانت مغمضة عيونها ـ هو كان بعذب فيها بمداعباتو ولمستاتو لحدي م خلاص وصلت مرحلة بقت حاضناه شديد وقالت ليهو مهاب حرام عليك م تعذبني اكتر من كدة لاني م قاادرة ـ قال ليها لييه كاتمة رغبتك وانا زوجك موجود انا ليك وانت لي ومن واجبي اريحك واطفي رغبتكـ بعدها حصل الحصل وقضو ليلة كاملة زيهم وزي اي زوج وزوجة♥

الحصل بيناتهم خلاهم يبدو يمارسو حياتهم طبيعية كاي زوجين طبيعيين وبكدة اتكسر الحاجز الكان بيناتهم ـ مهاب كان زوج حنون جدا جدا وقدر يكسب قلبها ♥
بعد شهر فقط وجن بقت حامل والفرحت دخلت في قلوبهم وحتى انو وحمها م تعبها خالص لحدي م ربنا سهل عليها حملها و ولدت جابت احلى بنوتة سمتها عسجد ♥
عائلتهم كان عائلة سعيدة وب ولادة بتها حست وكانو الدنيا ي داب بدت تضحك في وشها ودائما كانت بتحمد ربنا على عِوضو الجميل ♥♥♥♥

فادي ورسيل و وجن ومهاب كان اجمل ثنائي وبيضربو بيهم المثل في الحب الصادق والعِوض الجميل ♥♥♥♥

الحياة على قدر م تشيل منك بتديك ♥وابدا اقدار ربنا ماكانت عقاب في يوم وانما بتكون لخير مخبى نحن م عارفنو ♥♥♥

*تحياتي غزل وليد♥*
*النهـــــــــــــــــــ❤ـــــاية*
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*

تمت♥️

شيرو الرابط♥️♥️

عزّ عليّ أنني مشيت إليك بكل يقين
وعدت منك بقلب خدشته الخيبات !🩶

أحياناً تكـون النجاة بأن تفوتـك الأشيـاء .♥️

فكأن أنياب المصائب عانقتك ، لترفعك .♥️

لطالمَا شبّهتك بالطمأنينـة ما الذي جعَل مِنك شيئاً يُقلقني ؟!🩶