شوية كدة الناس اخدت فاصل ـ فادي رجع لي وقال لي وين انت مالك م جيتي قلتة ليهو والله جيت من قبيل ـ قال لي وين م شايفك ـ قلتة ليهو انا شايفاك عاين استريد حتشوفني ورفعتة ليهو يدي ـ جاء علي وسلم عينا انا و وجن وعرفتهم على بعض ...قال لينا مالكم واقفين بعيد تعالو ادخلو لجوة الدايرة وارقصو ولا بتخجلو ههههه ـ وجن قالت ليهو والله من قبيل بكلمها ندخل لجوة حبة نرقص مع الناس بس هي مثبتاني ـ طبعا حدرتة ليها وسكتت ـ فادي قال لي ي زولة مالك محدرة ليها كدةههههه كلامها صح تعالو لجوة ....والحفلة رجعت دورت من جديد والعرسان جو داخلين م شاء الله حلات الدنيا عليهم ـ العروس صراحة عسل بس خفيفة خفة ورقصت رقيص م خلت شي ....
انا كل م ارفع عيني بلقى فادي بعاين لي خجلني والله ..
شوية كدة حسيت بطني واجعاني شديد واتذكرت انو دي مواعيد البيريود ـ وااي دي شنو العوارض دي شلتة هم وخاصة انو البيريود بتعبني شديد والله بدردق في الواطة عديل من الالم وببكي بكاء ـ عشان كدة قبل الالم م يزيد قلتة لوجن ارح سريع البيت ـ قالت لي بسم الله مالك خلينا نكمل الحفلة اصلا م باقي ليها شي ـ قلتة ليها حاسة اني تعبانة وم حقدر اقعد عندي مغص ـ قالت لي سجمك الليلة ارح ارح سريع م تقومي تكوركي وتفضحينا ...قلتة لفادي يلا بعد كدة نحن حنمشي ـ قال لينا مابدري اقعدو لمن الحفلة تخلص واوصلكم البيت ـ قلتة ليهو لالا م تتعب نفسك والله م قصرت ,اثناء م كنت بتكلم معاه جاتني طعنة حارة اتأوهت براحة وغمضتة عيوني ـ فادي قال لي رسيل انت كويسة حاسة بشنو ـ قلتة ليهو كويسة انا بس تعبانة شوية ـ
قال لي سلامتك وطلع معانا لبرة وفتح عربيتو قال لينا يلا اركبو اوصلكم واياك تقولي لا ـ فادي والله العظيم ماف داعي وبعدين م صح تطلع والعرس شغال ارجع ونحن حنركب اقرب مواصلات ـ قال ل وجن عليك الله اقنعي اختك دي تركب م شايفاها تعبانة كيف ـ وجن قالت لي فعلا كلامو صح ارح نركب ـ ركبنا والوجع ماشي في زيادة وخلاص بقيت م قادرة اتحمل ـ ختيت يدي في بطني وبقيت ضاغطة عليها ودموعي بدت تنزل ـ يخوانا المغص حار حار مووت ـ فادي قال ل وجن رسيل دي تعبانة شديد حأوديها المستشفى ـ وجن قالت ليهو لالا هو طبيعي وسكتت مع عرفت تقول شنو ـ قال ليها كيف يعني طبيعي م شايفاها بتتلوى كيف من الالم امكن تكون زايدة لاقدر الله احسن نمشي المستسفى وعايز يغير طريقو فعلا عشان يوديها المستشفى لكن في النهاية وجن قالت ليهو عندها معض بسبب البيريود.
وبعدها عم الصمت... ورسيل اصلا في همها بتبكي وماسكة بطنها و وجن حاضناها عليها بتحاول تهدي فيها ـ فادي م قدر يتحمل يشوفها بالمنظر دة ونزل اقرب صيدلية في طريقو وجاب ليها مسكن سأال وجن عن اسم المسكن البتستخدمو وبرضو دخل اقرب سوبر ماركت اشترى موية وكرستالتين ماذا واداهم ليهم ـ رسيل بلعت حبتين مسكن لانو الالم كان حاد ومن سوء حظها الطريق كان زحمة بعد نص سااعة حتى وصلو البيت ـ رسيل نامت في العربية بعد م الالم خف ليها شوية ـ بعد وصلو وجن بقت بتصحي فيها عشان تنزل يدخلو البيت جوة ,بعد تعب حتى قدرت تنزل وكان متكلة على كتف وجن ـ فادي كان ماشي وراهم عشان لو وقعت يثبتها .....
امها لما فتحت الباب وشافت بتها بالصورة دي خافت عليها شديد وبدت تسأال مالها بتي والحاصل عليها شنو ـ وجن قالت ليها دة المغص قام عليها وجن شكرت فادي ودخلت جوة مع رسيل ـ خالتو رقية لما شافتو سلمت عليهو وحلفتو يدخل جوة يشرب موية بس هو اعتذر منها بطريقة لطيفة وقال ليها والله مستعجل شديد مرة تانية ان شاء الله ي أمي ومشى ....

تاني يوم رسيل اتحسنت وحست بالحرج من موقف امس وبقت بتقول لنفسها ليه دايما بيحصل معاها مواقف محرجة لما تكون مع فادي ـ اسي تاني تودي وشها وين بعد الحصل دة ...
فادي اتصل عشان يتطمن عليها بس هي م ردت لسة خجلانة منو ولا حتى م فتحت الداتا ...عدت فترة تلاتة يوم وم بترد على اتصالات فادي ولا حتى فتحت الداتا عشان يطمن عليها ـ بس تقريبا فادي حس بيها خجلانة ورسل ليها رسالة عادية قال ليها :رسيل كيفك كويسة انتي وعليك الله ردي على مكالماتي وماف حاجة بتخجل ـ لما تقري رسالتي دي مسكلي لي وبرجع ليك...
رسيل لما شافت رسالتو بقت مترددة مابين ترجع ليهو وبين لا ـ في نفس اللحظة الكانت مترددة فيها فادي اتصل عليها وفتحت الخط سلم عليها ولامها ليه ما بترد على مكالماتو وانو زاعلان من تصرفها ـ بس هي اعتذرت منو وانها م قاصدة وكدة....

عدت فترة ستة شهور ـ وفي الفترة دي اتغيرت حاجات كتيرة اولها كريم كلم ناس البيت عن علاقتو هو و وجن وطبعا كانو مصدومين لانهم م كانو متوقعين تحصل حاجة زي دي ـ بس كمان انبسطو ـ الحاجة الشجعت كريم انو يكلم ناس البيت عشان جاتو فرصة عمل في السعودية وقرر قبل م يسافر يعقد على وجن رسمي عشان يطمن انها حتبقى ملكلو حتى بعد تخلص جامعتها يكملو العرس ♥ أما رسيل و فادي بقو مقربين شديد من بعض وحتى انها بدت تحس بمشاعر تجاهو بس هي متجاهلة الحاجة دي وعلى طول فادي

بلمح ليها تحت تحت انو بحبها بس هي عاملة فيها عبيطة وم فاهمة شي لحدي م في يوم قرر انو يواجهها ويكلمها بالحقيقة والبحصل يحصل لانو م حيقدر يكتم مشاعرو اكتر من كدة لانو صبر كتيير وعايز بعد كدة تكون ملكو وحقتو بأي طريقة ف اتصل عليها وقال ليها عايز يقابلها ويحكي معاها في موضوع مهم .....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《15》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد مكالمة فادي معاي استغربتة ليه عايز يقابلني وشنو الموضوع المهم العايز يقولو لي حسيت بقلق ي ربي الحاصل معاهو شنو وحتى إنو طلب نتلاقى في الحديقة البلدية م في كافيه زي كل مرة ف دي الحاجة الخلتني اتحير شوية ـ ي رب يكون خير ....
تاني يوم بعد العصر جهزتة عشان امشي لبستة عباية سوداء وطرحة سوداء وشبط اسود يعني اسود في أسود وم كنت عاملة ميك اب غير لاينر وقلوس في شفايفي ولبستة زمامي ....
أول م وصلتة اتصلتة عليهو وقلتة ليهو انت وين انا حاليا وصلت ـ قال لي طيب انتظريني في البوابة جاي عليك انا ـ قلتة ليهو طيب ـ شوية كدة وجاني سلم علي ـ وشو كان م طبيعي كان واضح وش زول مرهق وشايل هم كبير ف قلقي زاد لما شفتو بالحالة دي ـ دخلنا جوة وقعدنا في حتة هادية م فيها ناس ــ فادي انت كويس ـ سكت م رد علي وخت يدينو في وشو زي الزول الحاصلة ليهو مصيبة كبيرة وما عارف يبدا من وين ـ قلتة ليهو عليك الله رد علي ولو بكلمة بديت اخاف والله وخلاص دموعي بقت في طرف عيوني ...
فادي :رسيل لا ماتخافي انا كويس والله ..
رسيل :بس شكلك م بيوحي إنك كويس وياهو الهم ظاهر فيهو ـ طيب احكي لي الموضوع المهم القلت عايز توريني ليهو شنو...
فادي :(بقى متوتر زيادة وبفرك في يدينو مع بعض) والله يارسيل ماعارف ابدا ليك كيف واقول ليك شنو بس برضو م قادر اسكت واحكي الجواي ....
رسيل :طَبْ احكي انا سامعاك واكيد اي مشكلة وليها حل بس انت خليك واثق فيني واحكي كل الفي قلبك اعتبرني مرايتك وعايز تفضفض ليها ..(إبتسمت معاهو وختت إيدها في إيدو)
فادي :بس أوعديني إنو بعد الكلام الحأقولو ليك دة حتقيفي جمبي وم حتتخلي عني مهما كانت ردة فعلك ..
رسيل :بوعدك يافادي ـ بس انت احكي انا خلاص م قادرة اصبر م تخوفني اكتر من كدة ارجوك ...
فادي :طيب حأبدا احكي وم تردي على كلامي الا بعد اقول ليك انا خلصت ..
رسيل :طيب تمام
فادي (جر نفس طويل بالاول فادي بدا يفكر كيف يبدا ليها الكلام عشان يمهد ليها الموضوع بس خالص م يقدر يصيغ ليها كلام معدل وكأنو لسانو اتربط كل العملو بقى بعاين ليها في عيونها لمن عيونو دمعت وبعد م خلاص غلبو يقول شنو قرر يعترف ليها من دون مقدمات وقال ليها رسيل انا بحبك ـ بحبك والله العظيم بحبك ـ بحبك بصورة م بتتخيليها ـ حبيتك من اول يوم شفتك فيهو ـ حبيتك لدرجة اني م قادر اشيلك من بالي وفي كل لحظة انت في ذاكرتي ـ حبيتك لدرجة اني كل يوم بدعى في صلاتي انك تكوني من نصيبي ـ حبيتك لدرجة انو اتغيرت فيني حاجات كتيرة بسببك وحياتي بقت احلى بوجودك وحسيت انو فعلا الدنيا بقى ليها طعم ـ رسيل أنا مجرد م اشوفك او أسمع صوتك مشاعري وأحاسيسي كلها بتكون جايطة ـ انا عارف انو الجرح الجواك لسة واجعك وم قادرة تنسيهو لدرجة انك قلتي لي قبل كدة انك م اظن تقدري تثقي في زول وتديهو قلبك مرة تانية بس كل البتمناهو منك انك بس تدي قلبك فرصة اخيرة ـ تفتحي لي قلبك وتديني فرصك اعيش معاك الحب ـ تديني فرصة اسعدك واكون ليك الحبيب والصديق والزوج واي حاجة بتتمنيها و صدقيني مستحيل مستحيل اخذلك وان شاء الله اموت او أتأذى لو فكرت في يوم اجرحك او اكسر قلبك ـ أنا واثق اني حأنسيك كل اللحظات البشعة العشتيها ـ واثق اني حأقدر ارمم الوجع الجواك وإلا م كان اعترفتة ليك بحبي ـ رسيل انا كل مرة بقول اعترف ليك فيها بمشاعري

برجع بتراجع وبقول انتظر شوية لاني خايف انك تصديني وتبعدي عندي ـ بس انا م حأخليك والله م حأسمح ليك انك تبعدي عني انت حتكوني لي يارسيل ولو اضطريت اخطفك ـ دة م تهديد بس انا حأموت لو رفضتيني وبعدتي عني ـ أنا الجواي كتير لدرجة اني والله ماقادر اعبر وكأنو لساني اتربط ـ رسيل أنا أنا (فادي حس بروحو مخنوق وم قادر يواصل ودموعو نزلت )
رسيل كمان م قدرت تشوفو وهو بالحالة دي ف ختت ايديها في عيونها وبقت بتبكي ـ فادي نزل ليها يدينها من وشها وطلع منديل قش ليها دموعها وبقى ماسكها من يدها ـ وقال ليها أنا م حكيت ليك عشان ابكيك ـ آسف والله لو كلامي جرحك بس والله م قدرت اخبي عنك مشاعري اكتر من كدة ـ رسيل لسة مواصلة بكاء لمن بتشهق ـ فادي قام قعد جمبها وبقى محتويها ـ رسيل حبيبتي الله يرضى عليك م تبكي ـ عارف انو كلامي م عجبك بس اعمل شنو جات كدة ... فادي قام مشى اشترى موية وعصير ورجع قعد جمبها ـ كانت رافضة انها تشربهم بس حنسها شديد لحدي م شربت ولسة كانت ساكتة م قالت شي ...لحدي م حست روحها راقت شوية وبدت تتكلم ...
رسيل :فادي أنا مريت بظروف بشعة جدا جدا لدرجة اني فكرت اموت حالي وارتاح من العذاب النفسي الكنت عايشاهو ـ انا اتجرحت بصورة بشعة جدا ـ عارف احساس انك تكون مبسوط انو خلاص عرسك باقي ليهو عشرة يوم وكل حاجة كانت جاهزة واموركم ظابطة وفجأة من دون سابق انذار شريكك يختفي ويقول إنو م عايز يكمل معاك من دون م يكلمك السبب ـ بس انت اتخيل معاي وخت نفسك مكاني ـ وقتها ردة فعلك حتكون شنو بالزات لو كنت بت ـ انت عارف انو بطريقتو دي شوه لي سمعتي قدام الناس ومعظم الناس فكرت انو خلاني عشان كنت لاعبة وراه واشاعات م بعدها اشاعات ـ انا دخلت في صدمة نفسية بسببو وبصعوبة قدرتة اتجاوز الحصل ـ انا اتهنت وكرامتي اتمرمطت بسببو وحتى خلاني اشكك في روحي وفقدتة ثقتي في كل العالم الحولي بسببو ـ أنا أنا (م قدرت تكمل وبقت بتبكي بحرقة) ...فادي كان محتويها عليهو وبحاول يسكتها بس هي ماقادرة توقف بكاء ـ بعد مسافة حتى سكتت ...
فادي :رسيل انا مستحيل اعصر عليك وأجبرك تحبيني بس كل البتمناهو انو تدي قلبك فرصة تانية انو يرجع يثق في الحب وانو م كل التجارب فاشلة ـ صدقيني لو قتحتي لي قلبك واديتيني فرصة حأثبت انو الحب دة أحلى حاجة في الدنيا وانسيك كل الماضي ـ بس اديني فرصة وقولي لي يافادي انا حأثق فيك وبعدها شوفي الحيحصل شنو ....
رسيل بقت ساكتة وم عرفت ترد بشنو وهل توافق ولا لا لانها كانت متخوفة من انو الحصل ليها يرجع ينعاد مرة تانية ـ بس إلحاح فادي عليها كان كفيل إنو يخليها توافق وتحاول تديهو فرصة من خلالها يثبت ليها إنو الحب مازال موجود ـ وقال ليها انو جاهز لو اليوم عايزة الزواج يتم حيتزوجها ....رسيل حست انو فادي صادق في حقيقة مشاعرو تجاها ف قررت تديهو فرصة يخش حياتها وتعيش معاهو الحب من أول وجديد ....
رسيل :فادي
فادي: قلب فادي ساامعك احكي
رسيل :أنا (سكتت مسافة)
فادي:إنت شنو احكي م تترددي(من جواهو كان خايف انو رسيل ترفضو وم تقبل تديهو فرصة)
رسيل :أنا موافقة ـ موافقة اديك فرصة وافتح ليك قلبي من جديد ـ عارف ليه ـ علشان حسيت بيك صادق وبتمنى تكون قدر الثقة الاديتك ليها ...
فادي:(من الفرح م عرف يقول شنو فحضنها عليهو شديد ـ رسيل اتحرجت وقالت ليهو ف فادي م صح )
بعدها انتبه على نفسو وعلى العملو واعتذر منها وانو م قاصد بس من قدر يتحكم في فرحتو....

وبكدة فادي قدر يعترف ل رسيل بكل الحاسي بيهو وهي ادتو فرصة وادت لروحها كمان فرصة جديدة وكانت بتدعي ربنا انو فادي يكون قدر كلمتو وم يخذلها ....وفعلا عدت الايام ورسيل وفادي علاقتهم كانت زي الفل لحدي فترة تلاتة شهور فادي قرر انو يتقدم ليها عشان يتزوجها طوالي لانو م قادر يصبر اكتر من كدة ونفسو بعد كدة تبقى زوجتو حلالو ...رسيل في البداية كانت مترددة من الخطوة دي وشايفة انو لسة بدري شوية ـ بس هو قدر يقنعها وانو لازم بعد كدة يتلمو في بيت واحد عشان خلاص م قادر يتحمل بعادها ... رسيل كلمت كريم اخوها بالحاصل كلو وقال ليها طيب عرفيني عليهو بالاول وبعدها حأكلم أمي وابوي ...وفعلا رسيل عرفتو على فادي واتطمن ليهو وسأال عنو ناس كتيرين واتأكد انو زول كويس و ود ناس ـ بعدها كريم كلم باقي ناس البيت والحمد لله وافقو وقالو ليهو طالما انت اتاكدت انو زول كويس ف على بركة الله♥♥أما فادي بدورو كلم أمو بالحاصل وحكى ليها عن رسيل و وصف ليها صورتها ـ ومشت ليهم في بيتهم اتعرفت عليها وعلى اهلها وطبعا حبتها شديد وانبسطت شديد من اختيارو لفادي ـ وبكدة الاسرتين وافقت وقررو يعملو العرس في اقرب وقت ♥♥♥
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《16》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كريم أخوي سفرو بعد اسبوعين ف قرر يعقد على وجن الجمعة الجاية ـ فادي قال لي خلاص يعقدو لينا نحن برضو معاهم مرة واحدة وفي نفس اليوم ... رغم انو عرسنا بعد شهرين ـ قلتة ليهو فادي ماف داعي تكلف نفسك مرتين اصلا م باقي كتير للعرس ف العقد والعرس يكونو سوا ـ بس هو كان مصر انو يعقدو لينا مع كريم و وجن ـ لما سألتو ليه مستعجل كدة ـ قال لي عشان اخد راحتي معاك ـ قلتة ليهو بخوف كيف يعني م فهمتك ـ قال لي روقي روقي م قاصد الفهمتيهو بس لو عايزين نطلع برة البيت سوا مثلا لو عايز اعزمك او نطلع نغير جو سوا أهلنا يكونو متطمنين اكتر لانك مع زوجك ♥ـ انا اتطمنت شوية عقلي طبعا كان مشى شمال شوية هههههههه .... ف أهلي قالو ليهو طالما انت عايز كدة ف ماف مشكلة ....
أنا كنت مبسوطة بس كمان في نفس الوقت كان في شوية قلق جواي بالذات لما اتذكر الماضي ...
طبعا خالاتي وبنات خالاتي كلهم جو وأهل أبوي برضو عشان يحضرو عقدنا انا و وجن يعني البيت كان م شاء الله عاامر ...
أنا رفضت انزل دخان لانو خايفة جسمي يشيل قشرة واصلا العقد الجمعة وباقي ليها تلاتة يوم ـ كنت بعمل عروكات وماسكات وشالو لي جسمي ...أما وجن فهي نزلت دخان من قبل اسبوعين وجسمها ماشاء الله بقى نضيف وحلو وهي اصلا حلبية فزادت نورتها ـ كريم طبعا مانعنو يجي على جهة النسوان وممنوع يشوفها ـ حاليا ليهم أكتر من اسبوعين م شافو بعض رغم انو كانو بحاولو يتلاقو بالدس بس انا خااالص م مدياها فرصة واقفة ليها في العزيزة هههههههه ...
بالليل قبل العقد بيوم وجن قالت لي اها شعورك شنو وخلاص بكرة حتبقي مرت راجل ـ قلتة ليها مبسوطة وفي نفس الوقت خايفة ـ قالت لي انت عبيطة تخافي من شنو دة انت حتعرسي سيد الرجال فاكراهو حيعمل نفس عملة العواليق داك ـ عليك الله ي رسيل الماضي دة انسيهو ـ أثناء م كنا بنحكي مع بعض فادي اتصل لي ـ قالت لي يلا انا حقوم اخليك تخلطي براحتك وانا زااتي ماشة اخلط راجلي ههههه ـ قلتة ليها شافعة قليلة ادب ـ قالت لي هييي شافعة انتي دي يلا ردي قبل م الخط يفصل ـ. ف رديت عليهو :
فادي :لا تسأليني كم أحبــــــــك
فليس لـحـبــــــــــك مقيـــاس
لا تسـألـيـنــــي كـم عـشـقـــتـــك
ولمــاذا إخـتــــرتــــك مــن دون الناس
لا تسـألـــيـنـي إلـى متى سـأظـــل أحبـــــــك
فـــأنــا ســـأحبــــك حتى تودعنـــي الأنفــــــاس.
❣️
رسيل :(ضحكت) أها يا أحمد شوقي ...
فادي :لا أنا فادي شوقي حبيب رسيل وبكرة حأبقى زوجها ♥
رسيل :(خجلت وسكتت)
فادي :ي السمحة مشيتي وين ...
رسيل :كيفك اليوم وكيف امسيت ...
فادي :لييه داايما بتتهربي من الكلام العاطفي والمشاعر المرهفة م رومانسية خالص خالص 😒😒على العموم كويس انا انت كيفك كويسة ...
رسيل :الحمد لله بخير
فادي :بالمناسبة انا رومانسي جدااا جداا وبحب الرومانسية من اسي اعرفي ههههه....
رسيل :وأنا عكسك ما رومانسية ولا بعرف اترومنس ...
فادي :هههههههه ما مشكلة بعلمك انا حبيبتي 😉

رسيل :اممممم
فادي :رسيل
رسيل :نعم
فادي :بحببك وغرقان في حبك وم قادر انتظر يوم بكرة دة والله ـ انت متخيلة معاي انو خلاص حتكوني حقتي وزوجتي وملكي وحلالي متخيلة!!!!
رسيل :(ساكتة وم عارفة تقول شنو اصلا بتبقى هطلة في كلام الحب والعواطف)
فادي :ماتسكتي ردي علي ـ عايز اسمع صوتك دة ..
رسيل :اقول شنو يافادي ماعارفة ...
فادي :قولي اي حاجة ان شاء الله تناديني بإسمي دة المهم م تسكتي ـ قولي فادي بحبك ..
رسيل :ف فادي انا نعسانة شديد و مرهقة وبكرة مفروض اصحى بدري وموضوع طويل وكدة ف عايزة انوم ...
فادي :هههههه دة كلو هروب مني بس عديلة نومي ونحكي بكرة ـ بس قبل م تقفلي عايزك تسمعيني كلام حلو ـ ويكون حلو شديد زيك ...
رسيل :اممممم اسي م متذكزة كلام حلو ـ بكرة بسمعك ليهو ...
فادي :طيب بحبك تصبحي على خير ي حلوة ..
رسيل :وانت من اهلو ...
بعد قفلت قلبي كان بضرب شديد م عارفة دة خوف ولا خجل ولا دة شنو ـ بس صراحة انا بتوتر جدا من كلام الغزل والحب والحاجات دي ـ الله يستر علي الايام الجاية بقيت شايلة هم عديل ....

يوم العقد من الصباح مشينا بيت وحدة صحبتنا قعدنا معاها لمن فطرنا وبعدها مشينا الكوفير ....
فادي كان كل شويتين بتصل علي وبنحكي شوية ـ وكأنو كان حاسي بيا وبطمني انو هو قريب مني ـ الفوبيا الدخلت فيني المرة الفاتت بقت معششة في راسي وبتجيني خيالات امكن يهرب ـ بس اتصالاتو كانت مطمناني وحبيت حركتو دي جداا ♥
بعد صلاة الجمعة تم العقد بحمد الله تعالى ♥وبقيت زوجتو لفادي شرعا وقانونا ـ أول زول اتصل وكلمني انو العقد تم هو فادي والله انا بكيت بكاء لدرجة انو هو بكا معاي وست الكوفير شغالة لي ي بت حتخربي المكياج م تبكي وانا اصلا كنت م قادرة ابطل بكاء ـ انا و وجن بقينا حاضنين بعض وبنبكي خلاص عقدو يخواانا ♥♥♥♥
بعدها رجعنا بيت صحبتنا لحدي م الناس تتغدى ونمشي عليهم عشان يباركو لينا .... كريم اتصل على وجن وقال ليها هو وفادي جايين علينا نوصف ليهم البيت ...
أول م وصلو كريم حضن وجن عليهو وببارك ليها زواجهم ـ أما أنا وفادي بقينا بنعاين لبعض وكانو م مصدقين انو خلاص بقينا زوجين على سنة الله ورسولة ـ بعدها جاء بكل لهفة وحضني عليهو بكل حنية حضن نساني كل العشتو من الم و وجع وقال لي الف مبروك لينا يا زوجتي وان شاء الله ربنا يتمم لينا الباقي على خير ...
رسيل :الله يبارك فيك ي فادي. واللهم امين ...
بعدها باس جبيني وخدى ـ وشي بقى احمر من الخجل ههههههه ....فادي قال لي أموت انا في خجلك دة
بعدها زحيت من حضنو ـ قال لي حرام عليك كان تخليك شوية ـ قلتة ليهو بصوت واطي وجن وكريم معانا انت ناسي ـ اول م قبلنا لقيناهم بعاينو لينا وبضحكو ـ خجلتة يخخخخ هههههه ـ مشيت حضنتة اخوي وباركتة ليهو كمان ـ قال لي اخيرا اختي الهبلة عرووس ربي يسعدك ويهنيك ويبعد عنك العوارض ...

بعدها ساقونا البيت عشان الضيوف بكونو منتظرننا ـ أول م وصلنا استقبلونا بالزغاريد والتبريكات ـ لحظات حلوة شديد ربنا يكتبها لاي وحدة م اتزوجت ي رب♥
طبعا الناس مستغربة شوية وجزء كبير منهم فاكرين فادي اجنبي م سوداني هههههه ....
المغرب لما اذن الناس خفت وفادي رجع من قبل العصر بيتهم عشان ضيوفهم منتظرنو يباركو ليهو ...
اليوم دة كان اجمل يوم في حياتي والله ـ بالليل قضيناها ونسة انا وبنات خالاتي للصباح وطبعا التلفون نسيت جدعتو وين ـ صلينا الصبح ونمنا وانا م صحيت الا عشرة ونص كنت فتراانة وجسمي مكسسر وجن قالت لي طبعا تلفونك دة من الصباح برن الا صمتو ـ قلتة ليها هو كان وين نسيت مكانو عديل ـ قالت لي لقيتو جوة الدرج حق التسريحة ـ وفعلا لما شفتة التلفون لقيت مكالمات كتيرة من فادي ـ بالاول قمتة استحميت وصليت حتى رجعتة ليهو ـ كان واضح انو زعلان وقال لي معقولة من امس اتصل عليك وم بتردي ـ بررتة ليهو الحصل واعتذرتة منو ـ قال لي م بينا اعذار ي حبيبتي بس عليك الله خلي تلفونك جمبك ولما اتصل ردي علي تمام ـ قلتة ليهو تمام ـ قال لي طيب بحبك ـ وانا اتلايقت شديد عشان اقول ليهو الكلمة دي ههههه...

بعد يومين انا و وجن وكريم وفادي طلعنا سوا نتعشا برا في مطعم فااخر وظريف شديد ـ بقينا نحكي ونتونس ونضحك ـ فادي يشيل ويشاغل فيني وانا عاملة فيها م منتبهة ـ بعد م اتعشينا مشينا مكان بتاع مثلجات اكلنا ايسكريم وحلويات ـ فادي كان ماسكني من يدي وشابك اصابعو مع اصابعي وقدر م حاولت اتفك منو م قدرت...
لما كنا راجعين البيت مفروض اركب مع مع كريم و وجن في العربية بس فادي قال ليهو مرتي حتركب معاي وبوصلها انا دة وانت سوق مرتك ـ طبعا ضحكو ضحك ـ كريم قال لي مرتك وحر فيها على الاقل كنت عايز اخفف عليك ي ناكر المعروف ههههههه ـ كريم و وجن مشو قدامنا ونحنا كنا وراهم ....

ركبتة مع فادي في عربيتو والمشاغلات بدت من جديد ـ وهو عارفني بخجل بس مصر يخجلني زيادة ـ لما قربنا نصل البيت فادي وقف العربية وفتح التظليل ـ بقيت مقلعة عيوني ـ ف ف فادي ليه وقفتة هنا و ليه شغلت التظليل ـ مسكني من يدي وبقى بقرب مني ـ ف ف فادي عيب عيب م صح وصلني البيت سريع والا انا حأنزل ـ عايزة افتح العربية لقيتها مؤمنة ـ بقى بقرب مني اكتر واكتر ومسكني من خصري ونظراتو كانت مركزة على شفايفي ـ انا بقيت برجف عديل من الخوف ودموعي بقت جارية فادي الله يخليك لا م تعمل فيني كدة ـ حرام عليك والله ازعل منك ـ هو خلاص بقى لاصق فيني لدرجة بقيت حاسة بأنفاسو في وشي ـ بقيت ابكي واترجاه عشان يفكني ـ قال لي انت لييه قاسية كدة انا بس عايز ابوسك ولو مرة واحدة ارجوكِ ـ فادي انا م عايزة م عاايزة واذا عملت كدة والله ازعل منك جد جد وم حأحكي معاك ـ قال لي خلاص طيب طيب حأبعد بس انت اهدي ـ بدأ يزح مني شوية شوية لحدى م فاجأني ب بوسة في رقبتي خلتني ادوخ عديل ـ بعدها زح مني ساق العربية و وصلني البيت وكأنو م عمل شي ـ نزلتة سريع حتى من دون اودعو ـ ناداني كذا مرة بس م رديت وجريت دخلتة بيتنا وانا برجف كلي ـ أول حاجة عملتها قفلتة تلفوني عشان خالص م يتصل علي ـ صليت العشاء ورقدتة عشان انوم بس والله م قدرت وكنت خاتة يدي رقبتي وبقيت بتذكر البوسة ـ حسيت بقشعريرة في جسمي بقيت حاضنة المخدة علي وببتسم براي لحدي م نمت ......
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《17》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اليوم التاني برضو أبيت أفتح تلفوني خالص ـ لازم اخليه يتأدب عشان م يكرر حركتو دي تاتي ـ طالما العرس م تم ما حأسمح ليهو يقرب مني ـ أهاااا معناها لما قال انو عايز يعقد علي عشان ياخد راحتو معاي قاصد حركاتو دي وتفكيري كان في محلو ـ لكن الترابة في خشمو لو فاكر انو حيقدر يتصرف معاي زي م عايز وتاني طلوع معاهو م حأطلع العرس زاتو م باقي ليهو شي كلها شهرين خليه يتحمل ...
اليوم كان حزين لانو خالاتي وبناتهم سافرو وخلو لينا البيت مسيخ شديد والله بكينا بكاء ـ خالتي قالت لي بعد شهرين تاني حنجي عرسك يعني م حتشتاقي لينا كتير هههههه قلتة لينا ي ريت لو الشهرين ديل تعدوها معانا بس الظروف زي م قلتي ...
بالليل فتحتة اللابتوب حقي ونزلتة لي فلمين ظابطين حضرناهم انا و وجن ـ بعد م خلصناهم وجن شالت تلفونها وقعدت تخلط وأنا عصرت روحي عشان انوم بس م جاني نوم ـ قلتة خلاص افتح تلفوني اصلا الزمن اتاخر وم اظن يحاول يتصل علي لانو بكون فتر من كترة المحاولة وبلقاه قافل ...أول م فتحتة تلفوني لقيت محاولات كتيرة منو ورسائل بعتذر مني على حركتو الامس وانو م قاصد وتاني م حيعيدها وبترجاني عشان افتح التلفون ـ فتحتة الداتا ودخلتة واتس لقيتو نشط الان في نفس اللحظة رسل لي اخيراا ي رسيل انا طلعتة طوالي من دون م افتح الرسالة ـ طوالي اتصل علي بعد مسافة حتى رديت ـ قال لي معقولة للدرجة دي زعلانة مني ليه انت قاسية كدة من امس بالليل قافلة تلفونك لحدي اللحظة ي داب فتحتيه وكمان م عايزة ترجعي لي ولا حتى بمسج تطمنيني عنك ـ أنا كنت ساكتة وم عايزة أرد ـ قال لي رسيل عليك الله ردي م تسكتي عارفك زعلانة مني طيب شاكليني وفشي زعلك فيني بس ارجوك م تسكتي ـ قلتة ليهو اقول شنو مثلا يافادي انا م اتوقعتك تتصرف معاي كدة ولا خلاص عشان عقدتة علي حابي تعصر علي بتصرفاتك دي وتغصبني عليها ـ بس خت في بالك طالما م تمينا العرس مستحيل اخليك تقرب مني فاهم وم تقول لي مجرد بوسة او غيرو إيدي دي م تلمسها وأصلا تاني من اليوم م حأطلع معاك لحدي م العرس يكتمل ـ كنت بتكلم ومنفعلة شديد ـ بعد م خلصتة قال لي رسيل روقي أنا اسف والله العظيم اسف والحصل امس م كان بيدي كانت لحظة ضعف مني و ليك حقي تزعلي بس يارسيل انت ماحاسة بالعلي انا مشتاق ليك شديد ونفسي شديد في الحاجة دي معاك نفسي احضنك وابوسك وامارس معاك الحب ف خلينا نقرب العرس ونخليهو بعد شهر لانو شهرين كتيرة ـ أنا بقيت ببلع في ريقي وطوالي قلتة ليهو فادي انا نعستة عايزة انوم وانو نقلص زمن العرس دي ماف ليها طريقة لانو في ترتيبات كتيرة م اتعملت و ...قاطعني قال لي الترتيبات دي حتبقى كلها خلال فترة الشهر بس انتي قولي خير وخلينا نتمم عرسنا ...لالا يافادي شهر بسيطة وم تنسى انو اتفقنا على شهرين يعني شهرين ـ قال لي طيب تمام ي رسيل العايزاه ببقى ـ وعلى كدة خلصت المكالمة ....
فادي كان زعلان من جواهو وليه رسيل بتتعامل معاهو بالجفا دة عشان بوسة واحدة في رقبتها قومت الدنيا وقعدتها ـ ياهو كل الناس العاقدين بعملوها وبعملو اكتر من كدة بقت على البوسة والحضن ـ لكن هانت بس اعرسك وقتها ماف حاجة بتحلك مني واشوفك حتتحججي لي بشنو تاني ....

عدت فترة الاسبوعين سريع وكريم خلاص حيسافر السعودية ـ والله وجن دي عملت عمايل كملت البكاء دة كلو حنسناها تحنيس وحتى كريم قعد وحكى معاها كتير بس هي حنينة شديد وكل م تتذكر انو مواعيد سفرتو قربت بتبكي ...
قبل سفرو بيوم كريم كان قاعد بجهز في شنطتو وبرتب في حاجاتو الساعة كانت 11ليلا ـ وجن جاتو داخلة هو اتخلع لما اتلف ولقاها وراهو ـ قال ليها وجن انت كويسة قالت ليهو لا م كويسة وبقت حاضناه ـ(كرم اخوه سافر عزاء واحد صاحبو ابوه اتوفى عشان كدة هي استغلت الفرصة وجاتو في الصالون لانو عارفاه براهو) ـ كريم حاوطها بيدينو وقال ليها مالك ي روحي عارف انك زعلانة على سفري وانا كمان والله حزين وم قادر على بعادك لكن الظروف هي الجابرانا لكن صدقيني حأجيكم زيارات طوالي لحدي م تخلصي جامعتك ونتمم عرسنا واسوقك معاي السعودية ـ وجن قالت ليهو كريم انا عمري دة كلو قضيتو معاك وفي نفس البيت واتعودتة على وجودك ف كيف اقدر اتعود على فراقك صدقني ما حقدر والله م حقدر وبقت حاضناهو عليهو اكتر ـ كريم قرب من اضانها وهمس ليها للدرجة دي بتحبيني ـ وجن زحت شوية من حضنو وعاينت ليهو في عيونو ـ قالت ليهو مش بحبك وبس انا بمووت فيك ـ بعدها بقو بعاينو لبعض نظرات كلها حب وحنين ورغبة لحدي م نسو العالم الحواليهم ـ م قدرو يتحكمو في الاحاسيس الحاسين بيها ـ كريم مسكها من خصرها وعصرها ليهو وبدا يبوس فيها بشهوة عجيبة ـ وجن كمان كانت مبادلاه بنفس الشي ومستمتعة شديد بالبحصل لحدي م عملو علاقة كاملة وحصل بيناتهم البحصل بين اي زوجين ....
بعد م حصل الحصل و وعوا على روحهم ـ وجن كانت بتبكي وجسمها كلو واجعها وحتى انها م كانت قادرة تقيف على حيلها عشان تمشي ـ كريم بقى بهدى فيها وحس بالندم لييه عمل كدة كان المفروض يتحكم في نفسو شوية ـ ساقها وثبتها عليهو دخلها الحمام وانتظرها برة لحدي م اتحممت وهو طلع الملاية النامو فيها لانها كانت فيها دم ـ وجن بعد م طلعت من الحمام لقت كريم واقف منتظرها جمب الباب ـ كانت خجلانة منو شديد ـ كريم مسكها من ايديها واعتذر منها على الحصل وانو المفروض م كاان يقرب منها لحدي م يتممو عرسهم بس للاسف خلاص حصل الحصل وماف شي حيتغير ـ وجن م قدرت ترد ولا حتي تحكي وراسها ماقادرة ترفعو وتعاين ليهو لانو هي السبب في كل الحصل ولو م كان هي جات وحضنتو بالأول م كان حصل الحصل ـ كل القدرت تقولو ليهو انها تعبانة وماشة تنوم وطلعت سريع وهي بتعرج من الالم ـ كريم م حاول يوقفها لانو كان حاسي بيها خجلانة ف خلاها على راحتها .....
سفر كريم كان الساعة أربعة صباحا ـ أهلو ودعوهو عدا وجن لما صحوها عشان تقوم تودعو عملت روحها نايمة وم قامت ـ كريم قال ليهم يخلوها لانو لو صحت حتعديها بكاء وقبل م يمشي ادى رسيل ظرف وقال ليها بعد تصحى سلميهو ليها .....
الصباح رسيل قالت لوجن كريم سافر قبل الصبح و قدر م صحيتك انت م قمتي ف أداني الظرف دة قال لي اديك ليهو ....وجن عيونها كانت مورمة وشعرها منكش ـ رسيل قعدت جمبها وبقت بتواسي فيها لانو كانت فاكراها كانت بتبكي الليل كلو بسبب سفرو لزوجها ..
بس الحاجة اللاحظتها كمان انو وجن كانت بتعرج لما بتمشي ـ سالتها ليه بتمشي كدة قالت ليها انها امس بالليل وقعت في الحمام عشان كدة موجوعة ....
وجن لما فتحت الظرف لقت رسالة طويلة من كريم بحكي ليها عن لحظاتهم الحلوة القضوها مع بعض والمواقف المضحكة الحصلت بيناتهم ولحظة اعترف ليها بحبو وكلام حلو شديد خلاها تضحك من قلبها ♥

مواعيد عرسي قربت وبقينا مشغولين شديد ـ جابو لي شيلة أمانة ماشيلة ـ ماخلو شي ماجابوهو لي والحاجات الجابوها لي كلها من الماركات الغالية (برجوازيين يخوانا) انا كنت بقول بيني وبين نفسي في حاجات مدتها حتخلص وم حأستخدمها من شدة م جابو حاجات كتيرة لمن بزار عديل ....
فادي كان بحاول يحنسني عشان نتلاقى ومرات بحنكني نظام نطلع سوا ونتغدى برامثلا بس انا كنت برفض عدييل والله مرات بزعل زعل مني وبقول لي اصبري لي لمن أعرسك والله بتسدا حقى كلو لمن تقولي الروب ـ امكن بكون بهظر بس بالجد كنت بخاف عديل لمن يقول كدة ف بقول ليهو انت بتخوف فيني يعني ـ قال لي ابدا ابدا البخوف شنو هههههه ....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《18》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
العرس باقي ليهو اسبوع واحد وماما و وجن شغالين فيني شغل الجن دخان وعروكات وماسكات والله انا م باقي لي الا اكورك زهجتة عديل من الشغلانة دي ـ طبعا الدخان لو م ماما وقفت لي قوي والله م كان اتدخنت ـ بس م شاء الله النتيجة كانت حلوة وجسمي بقى نضييف وناير وحتى فتح درجتين ..
فادي لما يتصل لي مرات بلقاني زهجانة بقول لي العروس مفروض تكون رايقة وم تزهج لانو الحالة النفسية اهم شي ويقعد يتفلسف فيني ف بنفصم فيهو بقول ليهو م ازهج كيف واليوم كلو مشوية انا في الدخان دة والله المرة الاخترعت الشي دة م عافية ليها ـ وهو يشيل ويضحك فيني ضحك وبقول لي دة اعظم اخترااع يااخ ـ قلتة ليهو فادي قفل مني م ناقصاك والله ـ قال لي بالمناسبة مش مفروض نمشي سوا اوريك بيتك عشان لو في حاجة ناقصة نتممها لانو البيت جاهز بس لو عايزة تغيري حاجة او تضيفي حاجة نعملها من اسي ـ قلتة ليهو امممم فعلا صح انت حتكون فاضي متين ـ قال لي بعد يومين م عندي شي ف خليك جاهزة بعد الفطور بجي بسوقك ـ قلتة ليهو طيب تمام..

*في مكان تاني خاالص*

يمان :والله ياجاد حيرتني معاك عديل وم قادر افهمك ـ كل مرة طالع لي بقرار جديد ي تستمتر في الشغل دة ي تخليهو وحركات انك تغيب على كيفك دي حتخليك تنطرد والشغل دة انت لقيتو بعد سلة روح فماممكن معاك ـ ولو الوضع هنا م عاجبك ارجع السودان بلاي ـ يخ ليك سنتين وانت ماقادر تستقر في شغل معين وللان م استفدت شي من اغترابك دة ماعارف الحاصل ليك شنو لانو ماممكن معاك والله انا لو ما صحبك وبحبك ماف زول حيتحملك ف عليك الله بطل البتعمل فيهو دة وركز في شغلك دة قبل م تنطرد وتسف التراب ـ لانو المرة دي لو انطردت والله م حأتعب روحي وافتش ليك شغل زي كل مرة ...
جاد :خلاص يا يمان حأحاول انتظم في شغلي مع اني م طايق الشغل ولا طايق ناسوا والله كل يوم بعصر على قلبي ليمونة عشان امشي ..
يمان :انت مالك ومال ناسها ـ انت ركز في شغلك بس وم عندك شغلة بشي ...
جاد :كدي انسانا من موضوع الشغل دة ـ سمعتة خبر انو الاكس عرسها الاسبوع الجاي ...
يمان :أها وشعورك شنو مبسوط ولا زعلان ـ مع انو م عندك الاحقية تزعل خالص وبعدين سؤال انت ليه مهتم بأخبارها للدرجة ...
جاد :امممممم ما عارف بالجد عارف ...
يمان :ماعارف ولا حاسي بالذنب تجاه الشي العملتو فيها
جاد :يمان لو سمحت ممكن نقفل السيرة دي ...
يمان :على م اعتقد دة انت فتحتة السيرة دي ...

بعد يومين كلمتة امي اني حأمشي مع فادي اشوف بيتي وكدة و وجن حتمشي معاي ـ قالت لي طيب ...
وجن قالت لي اسي انا امشي معاكم لييه مفروض انت وراجلك براكم تمشو ـ قلتة ليها انت متخلفة تمشي معاي يعني تمشي معاي ـ قالت لي يازولة ظابط الحالة كنت عايزاك تمشي براك عشان تاخدو راحتكم وكدة بس ع كيفك طالما عايزاني امشي ف حأمشي ...قلتة ليها راحتنا في عينك هو احنا ماشين نعمل شنو اصلا م ياهو ماشين نشوف البيت ـ شافتني وضحكت قالت لي يازولة قداام ههههه ـ طبعا ضحكتها دي ليها الف معنى حافظاها بصم العواليق التافهة ....

فادي جانا بدري شوية لقانا ي داب جهزنا الفطور ولسة م فطرنا ـ أمي قالت ليهو يغسل يدينو ويجي يفطر معانا ف قال ليها هو فطر والله لكن حلفتو ان شاء الله ياكل لقمتين بس ـ انا طبعا كنت مكمكمة بالتوب والمفروض م افتح وشي قدامو ـ مشيت المطبخ حشيت لي سندويتش اكلتو عملتة لي عصير شربتو ومشيت غرفتي لبستة عبايتي ونقابي وجوينتاتي ـ فادي سألهم عني ليه م جيت افطر معاهم ـ وجن قالت ليهو م العروس م صح تشوف وشها قبل العرس خاصة وعرسكم قرب ههههههـ
المهم بعد فطرو انا طلعتة وجن مشت عشان تلبس وماما كانت في المطبخ بتعمل في الشاي بقينا انا وهو قاعدين في الصالة ـ جاء وقعد جمبي ـ قال لي ي قاسية مشتاقين والله ـ ههههههه بالاكتر ـ والله ي رسيل اول مرة اشوف لي وحدة قاسية زيك يعني معقولة من اليوم الطلعنا فيهو سوا مع كريم و وجن م اتلاقينا تاني وانت رافضة رفضا باتا تلاقيني ـ قلتة ليهو فادي انت عارف السبب ماف داعي اعيدو ـ مسكني من يدي قال لي بسيطة كلها اسبوع بس وبأدبك وقام غمز لي ـ جريت منو يدي بس هو م راضي يفكني ...
رسيل:فادي احسن ليك فكني عايز تقوم لحركاتك (ولسة بجر في يدي وبحاول افكها بيدي التانية لكن والله م قدرتة اتفك خالص يخ قوي بصورة مبالغة)
فادي:م تحاولي لانك م حتقدري الا اذا انا فكيتك بإرادتي ههههههه ...
رسيل :انت واحد تافهه وعشان حركاتك دي سايقة وجن معانا لاني م ضامناك خالص ...
فادي :انت جادة! !وجن حتمشي معانا ..
رسيل :ايوة جاادة فاكرني حأمشي براي معاك (بقى ضاغطني اكتر في يدي لمن اتوجعت بعدها فكاني)
فادي :ههههههه كويس الاحتياط اهم شي ...
ماما جابت الشاي وقعدت تتونس مع فادي وعن ترتيباتهم للعرس وكدة لحدي وجن جهزت وطلعنا ...
أنا كنت راكبة قدام و وجن راكبة ورا ـ في البداية كنت عايزة اركب ورا معاها لكن هو قال لي تعال قدام ي رسيل ف ما حبيت اركب راس وركبتة معاهو قدام
المسافة كانت بعيدة بعد ساعة تقريبا حتى وصلنا وقفنا جمب ڤيلا رهييييبة عجييييبة بقيت مبحلقة سااي قال لي يلا انزلو وصلنا البيت ...وجن قالت ليهو ماشاء الله بيتك فخم وحلو شديييد ربنا يسعدكم فيه ـ قال ليها تسلمي يارب اتفضلو جوة ـ اول م دخلنا انا بقيت مصدومة معقولة القصر دة حيكون بيتي براي لا م قادرة اصدق ـ والله قدر م احاول اوصفو ليكم م حأقدر ـ كان كبير شديد و واسع وفخم حتى الاساس والديكور ـ قلتة ليهو البيت رهيب شديد يافادي م فيهو كلام بس كبير شديد علينا لانو حاليا نحن اتنين فقط ـ قال لي صح فعلا عشان كدة فكرتة أأجر الجزء العلوي والطابق التحت نحن نسكن فيهو ـ قلتة ليهو اي كدة ممكن ـ فرجنا على الغرف والمطبخ والصالة حقت الضيوف والصالون وقدام البيت فيهو نجيلة وزهور وشجر يعني بالجد المنظر حلو شديد يخطف القلب ♥
بس كان في شوية حاجات اديتو رأيي فيها ويغير فيها شوية وفي اضافات كلمتو عنها برضو ...بعد م خلصنا فادي قال لينا اخدو راحتكم شوية وبعدها نرجع قعدنا في الصالة وفتحنا المكيف لمن حسينا روحنا منعنشين لانو الجو كان ساخن وقعدنا نتونس ـ قام طلع الدكان جاب لينا شوية حاجات نقسقسها وبارد ـ وجن طبعا م صدقت ناامت ـ قلتة ليهو عليك الله شوف البت جنها نوم وعايزة اصحيها ـ قال لي لالا خليها تنوم شوية بتكون فترانة ـ قال لي طيب تعالي بالمسافة دي افرجك على الطابق الفوق ـ قمتة مشيت معاه لحدي م فرجني عليهو كلو وركبنا السطوح فوق برضو طبعا انا بخاف من المرتفعات والله فكنت مكنكشة فيهو وشغالة ليهو خلاص ارح ننزل ي فادي حاسة راسي لافي ـ بس هو شكلو عجبتو المسكة وما عايز ينزل وفعلا حسيت بدوخة لمن قربتة اقع قام ثبتني سريع ونزلنا لتحت ..
فادي :رسيل حبيبي انت كويسة
رسيل:(كانت متمسكة في فادي وخاتة راسها في صدرو) أيوة كويسة بس حاسة بشوية دوخة ..
فادي رفعها ل رسيل ودخلها في غرفة من الغرف ورقدها في السرير رفع النقاب من وشها ـ مجرد م زحاهو بقى سرحاان فيهاا وبقى ببلع في ريقو (الحبسة عاملة شغل بقت ناايرة ولونها فتح درجتين والشامة بقت ظااهرة شديد وشفايفها وردية و وشها نااعم لمن مندي كانت مغرية ) فادي بقى ملبوش ـ حالتو شاف وشها بس م شاف باقي جسمها ـ قام سريع مشى جاب موية وشربها ليها لحدي م حست روحها بقت احسن ـ فادي لسة سرحاان فيها وم قادر ينزل عيونو منها ـ هي كانت مستغربة ليه بعاين ليها كدة ,حتى انتبهت انو نقابها مرفوع عايزة تنزلو هو مسكها سريع من ايديها ورجعهم ليها ورا ضهرها وفاجئها ببوسة عميقة (بوساتهم كترت 😑) وهي كانت بتقاوم فيهو بكل قوتها عشان تبعدو عنها بس هو كان في عالم تاني وكان عنيف معاها لمن حست بنفسها حيقطع بعدها زح منها وحضنها وبدا يحاول بفتح العباية وهي خلاص كملت البكاء كلو وكانت منهارة شديد لما لقت انو خلاص حتكتم فيها والموضوع حيطور اكتر من كدة عضتوو شديد لحدي م بعد عنها وقامت من السرير بسرعة وجرت لبرة ـ فادي وعى على روحو وعلى حجم الغلط الكان حيعملو معاها ـ بعدها طلع وراها سريع عشان يعتذر منها...رسيل مشت الصالة عشان تصحي وجن

عشان يقومو يمشو وكانت بتتنفس بصعوبة وجسمها كلو برجف من فوق لتحت ـ قعدت في الكرسي جرت نفس ومسحت دموعها وصلحت عبايتها ونقابها وصحت وجن عشان تقوم ـ فادي لمن جاء بقى بعاين لرسيل نظرات اسف بس هي عينها م رفعتها وقامو طلعو ركبو العربية بس المرة دي رسيل ركبت ورا مع وجن وخشمها دة م فتحتو لحدي م وصلو البيت ـ فادي حاول يوقفها عشان يحكي معاها بس هي دخلت سريع البيت ـ وجن حست انو في شي حصل بيناتهم لانو رسيل كانت زعلانة شديد من ملامح وشها ـ فسألتها اذا فادي زعلها في شي ـ لكن رسيل م ردت عليها بشي واول م وصلت البيت استحمت ورقدت نامت ـ الخوف الجواها خلاها تنوم من دون م تحس ..
بالمساء لما نادوها للغداء قالت بطنها طامة وم حتقدر تاكل ـ فادي اتصل عليها كذا مرة بس المرة دي من الزعل الجواها جدعت التلفون لمن اتكسر حتة حتة ...

الاسبوع عدى سريع واهل رسيل كلهم جو عشان يحضرو عرسها وكانو مبسطوين واليوم كلو بغنو بالدلوكة ـ رسيل كانت زعلانة شديد انها خلاص حتخلي بيت ابوها وحتعيش بعيدة عنهم ...
يوم العرس رسيل طلعت احلى عروووسة م شاء الله بالجد كانت قمر 14ربنا يحفظها لما فادي جاء الكوفير عشان يسوقها اول م شافها حصنها وباسها في جبينها ـ هي كانت مبسوطة انها اخيرا حتعرس الزول البتحبو والبحبها♥بس كمان في جواها في شوية زعل من حركتو العملها ديك لانها من لحظتها م حكت معاهو خالص ـ وكانت خايفة شديد ومتوترة من الجاي ...
فادي مسكها من يدها وركبو العربية لحددي م وصلو المكان الحيعملو فيهو الاوت دور الطريق كلو كان ماسك يدها وبعاين ليها كانو م مصدق انها اخيرا حتكون ملكو للابد كان بشاغل فيها وبحاول يضحكها بس هي عاملة فيها لسة زعلانة منو ....
فادي كان مستمتع شديد اثناء التصوير واي وضعية يقولها ليهم المصور بعملها ـمرات في وضعيات شوية اوفر ورسيل بتكون خحلانة تعملها ومن جوها بتنبز المصور مية مرة هههههههه ـ اكتر وضعية بتوترها لما يكون في eyecontactبيناتهم م كانت بتقدر تعاين ليهو جوة عيونو خاصة فادي عيونو من قريب بتحسس الزول برهبة ورسيل كان بتخاف (الالبينو عيونهم من قريب بتكون لامعة بسموها الاعين الثلجية)....
عرسهم كان فخم بمعنى الكلمةـ عرس اسطوري عديل كانو عازمين فيها اغنياء البلد وفادي كان طالع وكأنو امير من امراء العصر الفكتوري وزفاف رسيل كان فخم لانو كان مستورد من تركيا ـ فادي كان مبسوط لدرجة انو حاسي عايز يطير من الفرحة ـ لما جات اللحظة الحيرقصو فيها اسلو رسيل كانت خجلانة شديد وفادي طبعا ولااا هماهو كان ماسكها من خصرها ومقربها عليهو شدييد وبرقص معاها وبهمس ليها في اضانها بكلمات كلها حب ورومانسية ـ كان بقول ليها حبيبي انت لسة زعلانة مني اسف والله اسف وباسها في رقبتها ـ رسيل طوالي نطت وعايزة تزح ـ هو ثبتها عليهو اكتر وبقى حاضنها عدييل وبرقص معاها ـ الناس كلها بقت تصفر والنسوان ديل يزغرتن ـ اما رسيل من الخجل م فضل الا يغمى عليها ♥بعد م الحفلة خلصت مشو يغيرو للجرتك ـ رسيل اتاخرت شوية في الغيار فادي مشى دخل عليها عشان يشوفها ويسوقها لقاها بزبطو ليها في التوب ـ طبعا الفستان كان قصير وضيق والتوب شفاف وشعرها كان مفكوك ـ كان بعاين ليها بذهول وقال بينو وبين نفسو البت دي حتقتلني يوم بجمالها دة ـ من جواهو م كان عايزها تطلع بالمنظر دة لانو خايف عليها من العين ـ مسكتها وحصنتها وبعدها طلعو جرتكوهم و ودعو اهلهم ♥
فريد اخوهو وداهم شقة يقضو فيها الليلة دي عشان بكرة حيسافرو شهر العسل ...♥
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《19》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ود عمو ل فادي وصلنا الشقة ورفع لينا الشنط دخلها لينا جوة ـ الشقة دي حقت ود عمو دة ف سمح لينا الليلة نقضيها هنا قال لينا اخدو راحتكم وكل حاجة جاهزة وحتى التلاجة مليانة ـ فادي شكرو ـ قال ليهو معقولة ي اخوي م بيناتنا شكر يلا بعد كدة انا حأمشي اخليكم تاخدو راحتكم وبعدها طلع ....
بعد م طلع وقفل الباب انا قلبي بقى بضرب بسرعة وبقيت ماسكة طرف التوب بقوة ـ التوتر كان في اعلى درجاتة ـ فادي مسكني من يديني ولفتني عليهو وقال لي اخيراا ـ اخيرا اتقفل علينا باب واحد يارسيل ♥اليوم انا اسعد انسان في الكون عارفة ليه, عشان خلاص البت البحبها وميت في عشقها بقت معاي وحتكون معاي للابد ♥انت عارفة اللحظة دي انا كنت بحلم بيها كل يوم لحدي م ربنا حققها لي ـ انا كنت بدعي في كل صلاة انو ربنا يتمم لينا عرسنا على خير ـ كنت خايف تحصل عوارض تبعدك عني بالجد انا حاسي اني في حلم ♥
فادي كان بحكي لرسيل كل المشاعر الحاسي بيها في اللحظة ديك ـ كان بحكي ودموعو نازلة وبعاين ليها نظرات مليانة حب وحنية واعترف ليها بكل حاجة في قلبو كان داسيها لليوم دة♥
رسيل بقت بتمسح ليهو في دمومو بطرف توبها وهي زاتها كانت بتبكي ـ كلامو خش ليها جوة قلبها وضمد ليها كل الوجع العاشتو ـ كان مستغربة كيف ممكن يكون في انسان بالحنية واللطافة والذوق دة ـ وقالت ليهو فادي انا م بعرف احكي واعبر عن الجواي لكن انت انسان عظيم واثبتة لي فعلا انو البحب مستحيل يجرح حبيبو وبعمل المستحيل عشان يكون جمبو ـ انا كنت كارهة مجتمع الرجال بسبب واحد خزلني وحطمني لكن انت اثبت لي انو ماكل الرجال واحد ف شكرا ليك من كل قلبي قربت منو وباستو في خدو بحبك يافادي♥
فادي ثبتها بإيديهو الاتنين من خصرها وقربها منو وبقى بعاين ليها في عيونها وانا بعشقك يا أسيل وبعشق التراب البتمشي فيه ـ رسيل خجلت وطوالي نزلت عيونها ـ فادي بقى بشم في ريحة شعرها لحدي م وصل رقبتها وانفو بقت لاصقة مع رقبتها ـ شوية شوية فادي بقى بحرك ايدهو في جسمها وطبع قبلة في رقبتها ـ رسيل بقت متشنجة و عايزة تزح منو بس فادي محاوطها بكلو ـ بقى بفتح في السستة حقت الفستان واول م مرر اصابعو في ضهرها رسيل اتنفضت لمن فادي اتخلع ـ رسيل حبيبي كويسة انتي ـ من الخوف العليها قالت ليهو لالا م كويسة انا نعسانة عايزة انوم والمغرب والعشاء لسة م صليتهم و...كانت بتتكلم و واضح انها خايفة شديد لمن اطرافها بترجف ـ فادي مسكها من ايديها و قال ليها طيب ي روحي أول حاجة اهدي وجري نفس طوييييل ـ عارفك خايفة ومتوترة لكن وعد مني م حألمسك الا اذا حسيت انو الخوف الجواك كلو انزاح ـ رغم اني والله م بقدر اتحكم في نفسي لما تكوني قدامي وانت عارفة الحاجة دي بس علشان عيونك الحلوة دي م حيصدر مني اي تصرف من دون موافقتك فخليك مسترخية ومتطمنة ف ماعايز اشوف نظرات الخوف دي تاني في عيونك تمام يلا وريني ابتسامتك الحلوة دي رسيل اتطمنت شديد من كلامو وابتسمت♥

بعدها ساقها من ايدها ودخلو الغرفة قال ليها ادخلي اتحممي ـ قالت ليهو انت ادخل بالاول ـ قال ليها طيب حاضر هههههه شال غيارو ودخل الحمام ـ رسيل بقت بتفتش ليها في اكتر روب ساتر عشان تلبسو لقت ليها واحد مع الركبة وايديهو نص كم وطلعت توبها الهزاز ختتهم في طرف السرير ومنتظرة فادي عشان يطلع ـ حست روحها عطشانة مشت

المطبخ فتحت التلاجة شربت ليها موية وعصير ـ لما رجعت لقت فادي طلع واقف قدام المراية وبنشف في شعرو ـ قفلت المكيف قالت ليهو كدة حيجيك التهاب بعد تنشف حتى شغلو ـ قال ليها حاضر ي مرتي الحلوة وغمز ليها ـ قالت ليهو فادي يخ بطل بخجل انا وغطت عيونها بيدها ـ قال ليها حيييي انا حبيبي الخجول هههههه ـ رسيل طوالي شالت ملابسها ودخلت الحمام ـ فادي قال البت دي شكلي حأتعب معاها شديد بخجلها دة لكن هاانت طالما بقيتي مرتي فحأكسر حاجز الخجل دة ههههههه♥

دخلتة الحمام استحميت وكبيت في شعري موية لاني كنت مصدعة شديد والله ـ بعدها لبستة واتوضيت واتريحتة ريحة خفيفة ـ لبستة توبي وطلعتة ـ لقيت فادي فارش المصلاية ومنتظرني ـ صلينا المغرب والعشاء وركعتين حمد وشكر ـ فادي كان بدعي وانا كنت بقول وراهو آميين ♥
مشينا المطبخ اكلنا تماام وشربنا عصير ـ والله كنت جعانة جوع ـ في البداية كنت خجلانة وم قادرة اكل زي الناس ـ فادي قال لي اكلي زي الناس وم تخجلي عارفك جعانة 😅😅ـ قلتة ليهو جعانة شديد بس عليك الله م تعاين لي لاني م حقدر اكل وانت بتشوفني بالطريقة دي ـ ضحك وقال لي خلاص اكلي مابعاين ليك والله ...

بعدها مشيت انبطحتة في السرير عشان انوم ...
فادي :حتنومي بالتوب يارسيل انت جادة?
رسيل :بردانة عشان كدة م طلعتو ..
فادي :ياها البطانية جمبك ـ طلعي توبك عشان تقدري تنومي براحتك واتغطي بالبطانية ...
رسيل :طيب تمام
طلعتة توبي ورقدتة قال لي تصبحي على خير وقرب مني باسني في خدي ـ قلتة ليهو وانت من اهلو ـ قال لي بوستي وينها ههههه ـ بستو في خدو بوسة سريعة وقبلتة ع الجهة التانية نمت ....كنت حاسة بضيق شوية لاني م بعرف انوم ولابسة حمالة خالص وعلى العليها الحمالة كانت ضيقة لانها جديدة ومضايقاني شديد بقيت بتقلب وم قدرتة انوم ـ لما غلبني مشيت الحمام طلعتها حتى قدرتة انوم براحتي...

فادي برضو الليل كلو بتقلب وم قادر ينوم ـ كل شويتين بقبل ع جهة رسيل وبعاين ليها ـ وم عايز يقرب منها اكتر لانو خايف يتصرف تصرف يزعلها وهو وعدها انو م حيغصبها على شي ...شال توبها الكان قاعد بيناتهم وبقى بشم ريحتها فيهو ـ ريحة التوب كانت خمرة ومسك ـ وهو خلاص اعصابو تلفت وبقى بشم في التوب اكتر لمن حس بروحو انو خلاص م قادر كان تعبان شديد ونفسو يمارس معاها الحب ـ لما م قدر يتحكم في نفسو قام بسرعة ودخل الحمام وفرغ شهوتو كلها لانو لو م عمل كدة حيجيه احتقان وحيمرض عديل بسببها ..
بعدها ارتاح شوية ورجع نام وهو حاضن توب رسيل عليهو ....الصباح فادي صحادخل الحمام اغتسل وبعدها صحى رسيل عشان يصلو الصبح بس هي كانت تعبانة وبتقول ليه امممم قايمة وتاني رجعت نامت ـ مشى قعد جمبها وصحاها لحدي م قامت وكانت مغمصة عين ومفتحة عين كان مثبتها عشان م تقع لانها لسة م كانت مجمعة ـ صدرها كان ظاهر لانو الروب خفيف وم لابسة حمالة ـ فادي بقى مركز معاهم بصورة واضحة لمن رسيل انتبهت خجلت شديد ـ قامت شالت توبها من السرير لبستو ومشت اتوضت وصلو الصبح ....
فادي النوم طار من عيونو وبقى بفكر في منظرها قبيل وهي م لابسة حمالة ومنظر رجولها وهما محننات ومدخنات كان نفسو يحضنها بس ويشم ريحتها عشان يرتاح شوية ـ رسيل رجعت واصلت نومها ـ بقى بقول لنفسو ياارب رسيل تحن علي وتخليني اقرب منها لاني ماقاادر خلاص انا فاض بي يارب صبرك ...

بعد الدنيا صبحت فادي عمل الشاي ونزل اشترى كيك وقعدو يتونسو باقي اليوم كلو ويضحكو ويتهابلو لحدي المساء بقو بجهزو في شنطهم عشان يسافرو شهر العسل ـ سفريتهم كانت الساعة 12بس هما مشو من 10مشو المطار عشان الاجراءات وكدة ...بعد م زمنهم جاء ركبو الطيارة وسافرو جزيرة بورا بورا الفرنسية ونزلو في منتجع اسمو سانت ريجيس بورابورا♥

*جزيرة بورا بورا الفرنسية*
بورا بورا :هي جزيرة من جزر ليوارد الذي يشكل جزء أرخبيل المجتمع في بولينيزيا الفرنسية التابعة لفرنسا في المحيط الهادي. تقع الجزيرة على بعد 230 كم شمال غرب بابيتي، تحيط بالجزيرة بحيرة وحاجز شعاب مرجانية. تتكون الجزيرة من بقايا براكين خامدة ترتفع إلى اثنين من القمم، جبل باهيا وجبل أويتمانو ويصل أعلى ارتفاع في الجزيرة إلى 727م.
*منتجع سانت ريجيس بورا بورا*
يقع منتجع سانت ريجيس بورا بورا على مساحة 44 فدانًا من الأراضي الطبيعية، ويتمتع المنتجع بموقع فريد على بحيرة ساحرة ، في ظل جبل أوتيمانو، ويوفر مكان الإقامة للأزواج فيلات فوق المياه بعضها يحتوي على حمامات سباحة خاصة بها، إلى جانب فيلات على الشاطئ، كذلك يحتوي المنتجع على منتجع صحي وشاطئ خلاب وحمامان سباحة و4 مطاعم...
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《20》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
المنتجع النزلنا فيهو اسمو سانت ريجيس بورا بورا ـ متخيلين معاي انو المكان عبارة عن جنةة على الارض ف المنتجع موجود في وسط البحيرة ـ يعني انا كنت حاسة اني بحلم وانو دة م حقيقة ـ الطبيعة والمياه الصافيه والتنظيم والخدمات يعني رهابة رهااابة ♥
وصلنا الجناح حقنا كان واااسع وطبعا النوافذ زجااجية بتقدر تشوف من برة كل حاجة لكن من برة م حتقدر تشوف شي من جوة ـ عندهم حمام سباحة جوة الجناح ...قلتة لفادي المكان رهيب شديد وحلوو ـ قال لي فعلا الطبيعة حلوة وانا اخترتة المكان دة بالزات لانو بساعد على الاسترخاء وطبيعي 100%ـ بتذكر قبل كدة قلتي لي انك بتحبي الطبيعة والبحر ف لقيت انسب مكان نجي هنا ـ اصلا كنت ناوي نمشي المالديف لكن للاسف الحجوزات لشهر العسل كانت مقفولة خلال الشهر دة ف بحثت عن مكان يكون هادي وجميل وطبيعي ف لفيت هنا افضل خيار ♥...
بعدها دخلنا غيرنا ـ انا لبستة لي بجامة تلات إربع فيها رسمة ميكي ماوس وسرحتة شعري ضفيرة وحدة ـ كنت زي الشافعة هههههه ـ فادي اول م شافني قعد يضحك قال لي واحلاتي ي ناس ـ هو كان لابس شورت قصير وفنيلة داخلية من دون اكمام ـ رقدنا في السرير وكنا بنحكي ونتونس ـ شوية كدة السيرفس جاء وجاب لينا الاكل والعصاير كانت طبيعية ـ عصير جوز هند ومعاه عصير اناناس فرش ...
بعد م خلاص اكلنا وشبعنا قعدنا جمب النافذة الزجاجية وبنتفرج على الطبيعة وعلى الناس برة بسبحو في البحر ـ طبعا النسوان لابسلات حمالات وانكسة رفيعة ومايوهات لانهم معظمهم اجنبيات وعادي بالنسبة ليهم..
فادي طلع فنيلتو ونزل يسبح في المسبح حق الغرفة ـ قال لي تعالي حتحسي بإسترخاء كنت خايفة في البداية لكن عايزة انزل برضو قلتة ليهو طيب جاية وعايزة انزل ببجامتي قال لي طلعيها كدة م حتكوني مرتاحة ـ بقيت مقلعة عيوني...
قلتة ليهو انا اصلا م عايزة ادخل كلي بس عايزة اقعد بالطرف وادخل رجليني لجوة ـ قعدتة طرف المسبح وبقيت بحرك في رجولي وبشيل الموية بيديني برشها في فادي من بعيد ـ والله كنت مستمتعة شديد بالحاجة دي ونفسي انزل لجوة بس م بقدر اطلع هدمومي واقعد قدامو بالحمالة ـ فادي جاء علي وقال لي احسن ليك تنزلي والله الشعور حلو ـ قلتة ليهم بس ....قال لي مابس وجراني دخلني جوة المسبح ـ بقيت ماسكاهو لاني كنت خايفة في البداية والموية باردةـ طبعا انا بعرف اسبح لكن لي فترة طويلة من السباحةـ شوية شوية الوضع بدا يعجبني وبرشني بالموية وانا برشو ـ مسكني فك لي ضفيرتي وعايز يطلع لي قميص البجامة اللابساه ـ قلتة ليهو بتردد ف فادي بتعمل في شنو ـ قال لي رسيل م تخجلي مني عايز اطلع ليك قميص البجامة عشان تكوني مرتاحة وانت بتسبحي وما تخجلي مني ـ قلتة ليهو ب بس ـ قاطعني اشششش جراني عليهو وطلع مني القميص وبقيت قاعدة بالحمالة ـ كنت خجلانة منو خجل بس هو واصل سباحة وانا كنت في مكاني م اتحركتة ومحاوطة صدري بيديني ـ قال لي يارسيل مالك ثابتة في مكانك ـ قلتة ليهو انا عايزة اطلع

قال لي الليلة ماف ليك طلوع وجراني من يدي وبقى مثبتني من خصري ولصقني عليهو قال لي مش قلنا نبطل خجل وبقى بعاين لي في عيوني ـ انا عايزة ازح منو تاني قربني عليهو وبقى ضاغطني عليهو اكتر من الاول (دة كلو وهما جوة حوض السباحة😅) وقرب وشو من وشها لحدي من انفو لامست انفها وغمض عيونو قال ليها رسيل انت عارفة نفسي في شنو ـ رسيل بقت بتبلع ريقها وقلبها من جوة شغال زي الطاحونة ـ قال ليها نفسي في شفايفك دي وبقى بمرر اصابعو فيها. بعدها فتح عيونو وقرب شفايفو من شفايفها وقبلها قبلة فرنسية طويلة خلتها ترجف عديل والغريب كانت مستمتعة بالحاجة دي وم أبدت أي مقاومة ـ فادي انبسط شديد من الحاجة دي وحس انو عايز يتمادى اكتر لكن خاف انها ترفض وم تتجاوب معاه وقال بينو وبين نفسو احسن يقرب منها بالتدريج شوية شوية لحدي م تتعود عليهو ويمارسو حياتهم زي اي زوجين..
بعدها طلعو من حوض السباحة وجففو نفسهم ورقدو ارتاحو شوية ـ رسيل كانت خجلانة من الحصل لكن البوسة عجبتها شديد وحست انو نفسها تاني يحصل كدة ...بالليل طلعو اتعشو في المطعم تبع المنتجع ومشو السينما حضرو فلم رومانسي طبعا معظمو خارجيات هههههه وهي م فضل ليها الا تدخل جوا اضافرها وطبعا كل الكابلز المعاهم حاضنين بعض ورومانسيات تقيلة ماف زول شغال بالتاني لحدي م الفلم خلص ورجعو جناحهم ....

كنت خجلانة شديد وم قادرة ارفع عيني في عين فادي
لما رقدنا عشان ننوم قال لي تعالي قريب خلينا اليوم ننوم في حضن بعض ـ انا بقيت متوترة شوية بس هو طوالي قرب مني وحاوطني عليهو ورقدني في حضنو ـ قال لي نحن في شهر العسل يعني م بجي نكون نايمين بعيدين عن احضان بعض ـ خلينا نكون قريبين من بعضنا حبيبتي .....وبدينا نتونس ونضحك لحدي م نعسنا بعد م فادي نام انا اتسحبت براحة طلعتة الحمالة ورجعتة نمتة ....
فادي كان حاسي بحركتها وعمل فيها نايم ـ يعني شافها لمن طلعتها بقى حاضنها عليهو وملصق ايديهو في صدرها نظام نايم وم منتبه ورسيل ابتدت تحس برغبة لكن كتمتها ـ لحدي م الاتنين نامو جدجد ...

تاني يوم الصباح رسيل صحت قبل فادي ولقتو حاضنها ورجلو فوق لرجولها ـ حاولت تبعد براحة من دون م يصحى بس هو كان مكنكش فيها ع الاخر ـ اثناء محاولتها عشان تقوم فادي صحى وقال ليها ماشة وين قالت ليهو داخلة الحمام وقوم عشان نصلي الصبح ـ قال لي طيب ـ دخلنا سوا الحمام اتسوكنا واتوضينا الحمام وسيع ـ صلينا الصبح ...فادي بقى راقد لي في رجولي وانا كنت بمشي يدي جوة شعرو ـ الحركة دي عاجباني شديد وخاصة شعرو حلوو وناعم لمن مبروم ـ هو زاتو كان متكيف شديد قال لي ايديكِ مريحة شديد ممكن تواصلي وم توقفي ـ مسك يدي التانية وختاها في قلبوـ قال لي رسيل ـ قلتة ليهو نعم حبيبي, طبعا قلتها من دون م احس م عارفاها طلعت من خشمي كيف, ـ بقى بعاين لي قال لي عيديها تاني حابي اسمعها ـ قلتة ليهو اعيد شنو ـ قال لي اخر كلمة قلتيها ـ قلتة ليهو ابيت ـ قال لي عليك الله عشان خاطري حابي اسمع الكلمة دي تاني ـ قلتة ليهو نعم حبيبي ـ قال احيييييي انا اموت في حبيبي البتقوليها دي ـ قعدتة اضحك ـ قال لي واصلي مالك طلعتي ايديك من شعري انا كدة مرتاح ـ
قلتة ليهو فادي ارح نلعب ليدو ـ قال لي هههههههه موافق ارح ـ لعبنا المرة الاولى غلبني ـ اتحرقتة وقلتة ليهو تاني نلعب برضو غلبني والله م باقي لي الا ابكي المرة التالتة لما قرب يغلبني شلتة التلفون وعايزة اخرب اللعبة هههههه هو بقى ماسك مني التلفون وبقيت بجر فيهو وبطبز لحدي م خربتة اللعبة قال لي اصبري لي والله م اخليك وقمتة جارية وهو جاري وراي لما قبضني بقيت بعتذر منو ـ فادي معليش حقك علي تاني م بعيدها ـ يازولة مااابعرف الليلة م بخليك مسكني ورماني في السرير وبقى من فوق لي ـ ف فادي بتعمل في شنو والله اسفة اصلا كدة كدة انا كنت الخسرانة و ... طوالي سكتني ب بوسة زي حقت المرة الفاتت🙊
بس المرة دي اتمنيت لو يواصل وم يبعد عني بديت احس برغبة تجاهو ونفسي يقرب مني اكتر من كدة
المهم اتعابطنا واتهابلنا وطلعنا من الصباح اتفسحنا ومشينا صالة الاسترخاء والتدليك الطبيعي ـ النساء عندهم قسم والرجال قسم براهم وعملنا تمارين لراحة الاعصاب م رجعنا الا المغرب ...
لما رجعنا كنا حاسين بسلام دااخلي وهدوء نفسي شديد بالجد التمارين ديك ريحتنا شديد ..
فادي قال لي مبسوطة ـ قلتة ليهو اكييد مبسوطة شديد ـ دخلتة غيرتة هدومي ولبستة لي روب خفيف من فوق للركبة اتدلكتة واتريحتة بخمرتي وجيت رقدتة في حضنو ـ ريحة عطرو كانت مثيرة شديد ـ بقيت خاتة يدي في صدرو وبمسح في صدرو براحة لحدي م نزلتة لبطنو وبقيت بتحسس في عضلات البطن ـ هو كان مغمص عيونو وبقول لي حلو واصلي ـ انا م قدرتة انزل لتحت اكتر من كدة و وقفت ـ قام مسك لي يدي واصلي ي روحي انزلي لتحت اكتر ـ نفسي اعمل كدة بس الخوف والخجل الجواي مانعني ...

فادي فتح عيونو وبقى من فوق لي وبعاين لي مرة في عيوني ومرة في خدودي ومرة في شفايفي ومرة في صدري نظراتو كانت متخللة جسمي ـ ضربات قلبي زادت ـ فادي خت يدو في قلبي وقال لي سامع صوت ضربات قلبك وبقى بحرك يدو في صدري من فوق ـ انا بقيت بتأوه وماسكة المخدة ـ شوية شوية نزل من صدري لبطني ولسة بحرك ايدو فيها ـ دخل يدو تحت لضهري وفك الحمالة ـ أنا كنت مغمضة عيوني ولسة شادة على المخدة ـ قرب من اضاني وهمس لي قال لي رسيل جاهزة عشان نبقى واحد ونكسر كل حواجز الخوف والخجل بينا ونعمل كل حاجة نفسنا فيها واسوقك لعالم تاني مليان بالمتعة والحنين والرومانسية ـ جاهزة تسلميني نفسي واعمل كل النفسي فيهو ,صدقيني كل حاجة حتكون براحة وبرواقة وم حتحسي بأي الم .... ـ قلتة ليهو جاهزة ي فادي ,جاهزة ابقى ملكك واسلمك كل قطعة في جسمي ♥
فادي لما سمع ردها قام وطفى الاضاءة عشان يعملو كل النفسهم فيهو من دون خجل ....
فادي ورسيل قضو اجمل ليلة مع بعض اللي هي ليلة دخلتهم ـ ليلة مليانة حب وحنان واحاسيس حلوة شديد ـ طلعو كل الكاتمنو جواهم من سنين ـ فادي كان خبير شديد في لمستاتو وقبلاتو لدرجة انها كانت بتبكي من المتعة مش من الالم ومرات لما خلاص تحس انها م قادرة تتحمل الاحساس دة بيغمى عليها وتاني بعد تستعيد وعيها فادي بعذبها ب حركاتو البتخليها تدوخ من جديد كان جرئ شديد في كلماتو مثلا كان بقول ليها المكان الفلاني حلو يارسيل عايز اعمل فيهو كدة ـ ريحتك معذباني شديد ـ وهي كانت مغرية شديد واهاتها بتعذبو ودلعها وصوتها بزيدو شهوتو زيادة ـ لحدي م حصل الحصل للاخرر وبقت مرة خلااص ـ صح تعبت شوية لحدى م امورها اتسلكت ومارسو الحب لحدي م ارتاحو♥♥♥
فادي ورسيل قضو احلى شهر عسل ـ شهر مليان حب ورومانسيات تقيلة ـ فادي خلاها تحب كل حاجة بعملها ليها وبتكون مستمتعة شديد لما يكون معاها ـ خلاها تكون جريئة شوية وكسر حاجز الخجل بيناتهم لدرجة انها مرات بتبادر بالحاجة دي في النهاية هو زوجها وحبيبها♥♥♥

بعدها سافرو تركيا قضو فيها شهر برضو وكانو ناويين يقعدو فيها اكتر لكن رسيل حملت وبدت تتوحم ف قالت عايزة ترجع السودان ـ فادي كان مبسوط شديد انو خلاص حيبقى اب للمرة الاولى♥
لما رجعو السودان نزلو طوالي في بيتهم وبعدها مشو سلمو على اهلهم ـ طبعا امها عرفت بإنها حامل رغم انها كانت عايزة تدس عنها لانها خجلانة وكدة ههههههه ـ وقالت ليها يابتي البخجل شنو معروف المرة لما تتزوج مصيرها تحمل وربنا يتمم ليك حملك على خير♥♥♥
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《21》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يمان :إنت جادي يا جاد عايز ترجع السودان?
جاد :ايوة جادي وحتى اني قطعت التذكرة وحسافر الخميس...
يمان :طيب تمام دي حياتك وحر فيها وطالما انت شايف انو الرجوع افضل ليك ف بالتوفيق ...
جاد :يمان انت مالك بتتكلم معاي كدة وكاني غلطان في قراري دة ـ انا البلد دي ما وقعت لي خالص +انا حاسي بعذاب الضمير ولو م مشيت اعتذرت منها وسامحتني ما حأرتاح والله ...
يمان :هههههه ومتوقع تسامحك مثلا?
جاد:ماعارف والله لكن حأحاول ...العملتو فيها صعب يتغفر والله ..
يمان :انت خذلتها وجرحتها وكسرت بخاطرها ..والله انت صحبي واي شي لكن العملتو في بت الناس دي مزعلني منك شديد ـ دي م شغلة بعملوها رجال ...
جاد :انت تخفف عني ولا تزيدها علي ـ عارف روحي غلطان وماعارف مخي كان وين لما عملتة العملة دي بس الشك كان مسيطر علي والرسايل البتصلني خلتني اصدق كل حاجة اتقالت عنها من دون م اصارحها او حتى افكر انو دة فخ عشان يخربو بيناتنا....
يمان :انت اصلا كيف تشك في واحدة حبيتها ـ معقولة البت الليك سنين بتحبها تصدق عنها اي كلام يتقال فيها..لدرجة انك تهرب تخليها وعرسكم باقي ليه10ايام
جاد :في البداية انا كنت مامصدق لكن لما وصلتني صورة كانت قاعدة فيها مع واحد وبضحكو هنا مخي اتلحس والشياطين الجواي كبرو لي القصة وبقيت مصدق الحكاية الاتقالت عندها وانت عارف انو انا من البداية كنت محذرها انها ما تحكي مع اي ولد مهما كان السبب...
يمان:مش ممكن الولد دة يكون ود اهلها او يكون زول بيعرفها وماف حاجة بيناتهم? ??
جاد:ماعارف ماعارف والله .....

الوحم كان متعبني شديد لدرجة اني رجعتة بيت امي وقلتة لفادي حاقضي معاهم كم يوم لحدي م اتحسن شوية ـ هو كان بحاول يحنكني عشان م امشي ولو على الطبخ وشغل البيت حتساعدني الشغالة وكدة بس انا قلتة ليهو لالا ماشة بيت امي بس ـ لما شافني راكبة راس خلاني امشي هههههه ....
رقية :والله يابناتي قلبي دة الليلة ناغسني م عارفة ليه حاسة انو في حاجة حتحصل ـ كدي اتصلو لي على كريم دة لي اسبوع م حكيت معاه ...
وجن :حاضر ماما ـ امس كنت بحكي معاه كويس والله دقيقة اتصل ليه واديك تتكلمي معاهو...(.وجن اتصلت اكتر من 4مرات وكريم مابرد)امكن يكون مشغول ياامي او التلفون صامت ...
رقية :لالالا كدي تاني اتصلي
وجن :بس ياامي مابرد شوية كدة حيرجع لينا ...
رقية :(ختت يدها في قلبها) يارب كريم يكون بخير
كانت خايفة شديد وحاسة انو كريم حاصلة ليهو حاجة ـ بعد ساعة وجن تاني حاولت بس كريم مابرد ـ يلا هي زاتها بدت تخاف لانو كريم م من عوايدو م يرد على مكالماتها وحتى لو مشغول بقول ليها انو مشغول وبرجع ليها ....
بعد حوالي تلاتة ساعات كريم اتصل على وجن برقمو السعودي مكالمة عادية م مكالمة واتس اب قالت لامها ياهو كريم رجع لي كنتي خايفة ساي ـ اول م ردت الصوت كان غريب وم صوت كريم ـ قال ليها معانا انت زوجة كريم جار النبي صح لانو الرقم مسجل بزوجتي ـ قالت ليهم ايوة زوجتو ـ قال ليها والله ياأخت ماعارفين نقول ليك شنو لكن الاعمار بيد الله وربنا يصبركم على فقد زوجك ان شااء الله ـ ع عفوا انت بتتكلم عن منو وقصدك شنو ب ربنا يصبركم ـ هنا طوالي رقية قامت علي حيلها وخطفت التلفون من وجن وقالت ليهو اسمعني ي ولدي انا امو لكريم ولدي مالو هو كويس صح رد علي سريع ـ والله ياخالة نأسف جدا و نقول

ليك انو ولدك كريم جار النبي عيسى احمد اليوم حصل ليهو حادث مروري بشع جدا فقد حياته من خلالها ف ربنا يرحمو ويغفر ليهو ويعوض شبابه الجنة ـ رقية لما سمعت الكلام دة وقعت على طولها ـ وجن ورسيل جو جاريين لامهم وبقو بصحو فيها ياأمي مالك ياأمي في شنو ـ وجن جرت جابت موية وبقت بترشها فيها لحدي م وعت ـ بعدها بقت بتكورك وبتقول كريييييم ولددددي مااااا مااااات اكيد بتهظروووو جيبو لي ولدددددي اسي ـ عااااااايزة ولددددددي ـ وجن رسيل قولو ليهم هما كذابين كريم مستحيل يموووت ـ وجن اول م سمعت انو كريم مات رررب وقعت وما فتحت عيونها الا بعد ودوها المستشفى ـ اما رسيل فكانت مستنكرة حكاية انو مات وبتقول اكيد حي وهي متاكدة انو حي شوية وعقلها يفوت الا فادي ضربها كف عشان ترجع لوعيها وتبطل الوهم العايشاه رغم انها حامل لكن لو م عمل كدة كان عقلها حيفوت. وحتجن .....
وفاة كريم كانت صدمة كبيرة شديد على اهلو ـ وعلى كل زول بعرفو ـ الناس ديل بكو بكاء حتى الرجال بكو وشدة ماكان محبوب والناس بتحبو ماف زول ماجاء وفاتو ـ حتى الاطفال كانو ببكو ـ كل الناس بتقول ماذا بينك وبين الله ياكريم لدرجة كل الناس بتحبك واتأثرت شديد بموتك ـ جو كترة عالم في وفاتو ـ بعد الجثمان جابوه السودان اهلو حلفو يفتحو الجثة ويشوفوه بس للاسف ملامحو كانت مختفية تماما بسبب التشوه الحصل ليهو في الحادث ....وجن كل يومين بتقع وبيودوها المستشفى وبطلت اكل خالص وحالة تحنن الكافر ....
تومو كرم كل يوم ببكي على فراق اخوهو البحبو ـ كان بتذكر لحظاتهم السمحة ـ ضحكة اخوهو ونصايحو ـ ربنا يرحمك ياأخوي بس من بعدك الدنيا ماليها طعم ....
فادي كان خايف شديد على رسيل لانها حامل والحزن والبكاء وعدم الاكل حيأثرو عليها ـ والله كانو بأكلوها بالغصب وبترجع تستفرغ الاكلتو ـ مرة كانت ماشة ااحمام ف حسيت في حاجة نازلة من بين رجولها لما شافتها لقتو دم ـ بقت بتكورك شالوها ولحقوها المستشفى والحمد لله قدرو ينقذوها وم يحصل للبيبي حاجة ـ من بعد الحصل ليها امها بقت متابعة معاها وباكلوها بالغصب ولما تركب راس وتقول م عايزة تاكل فادي بجي بنفسو وبضغطها لحدي م تاكل ولو لزم الامر بأكلها بإيدو .....
عدت تلاتة شهور على وفاة كريم والحزن لسة مسيطر كليا على اهلو وكل م يجيبو اسمو او سيرتو بقلبو البيت بكاء من أول وجديد ...💔💔💔💔
الفقد حار جدا يخوانا💔💔💔💔💔💔💔💔

خشيت السادس وبطني بدت تكبر ـ رجعتة بيتي طبعا وبقيت م بحب امشي بيتنا لاني لما اشوف منظر ناس بيتنا وبالزات وجن بنقلب البيت بكاء والله ...
فادي قال لي والله ماف شي اصعب من الموت لكن انتو كدة بتعذبوه ـ اعملو ليهو صدقة جارية او اطعمو فقراء صدقة لروحو ....
كلمتة بابا وكرم بالفكرة عجبتهم شديد وعملو ليهو مظلة بإسمو وفادي زوجي برضو م قصر والله عمل سبيل فيهو 8أزيار في الشارع صدقة لروحو ♥

وجن كانت حتجمد السمستر لانو ماليها نفس تقرا بس ماما وبابا حكو معاها كتير واقنعوها بعد تعب حتى وافقت تواصل ـ كانت بتقول لي حياتي دي م ليها اي لازمة من دون كريم ولو م الانتحار حرام كان زمان قتلت نفسي وارتحتة من العذاب دة ....
وجن كانت بتتذكر اخر لحظة ليها مع كريم وندمت ليه م ودعتو اخر وداع لما كان مسافر ـ بس حمد ربها انها اكملت زواجها وقدرت تعيش بعض اللحظات الحلوة معاه ـ والحصل بينها وبين كريم في اخر ليلة ليهم مع بعض حيبقى اجمل واحلى ذكرى ليها معاه للابد ...
كانت كل يوم بتشيل قميص من قمصانو وبتحضنو عليها حتى تنوم وبتقول صح كريم مات بس بالنسبة لي هو حي ومازال عايش جواي وحيظل حبي الاول والاخير ♥♥♥

كنت قاعدة بحضر في التلفزيون برنامج اسمو فتاوى موضوع الحلقة كان حقوق المرأة تجاه زوجها ـ الشيخ اتكلم عن حاجات كتيرة ومن بين حقوقو حقو الشرعي وانو مهما حصل لو زوجك طلبك في السرير تلبي رغبتو وما ترفضي ليهو الا اذا كان عندك عذر شرعي ـ انا طوالي اتذكرت قدر شنو انا مقصرة تجاهو ل فادي من وفاة كريم الله يرحمو انا م خليتو يقرب علي بحجة اني حزينة ومرات تعبانة مع الحمل ـ وهو كان م بضغط علي خالص رغم اني مرات بحس بيه نفسو في الحاجة دي بشدة ....
قلتة صح انا حزينة واي شي بس كمان هو زوجي وم لازم اهملو بالصورة دي ـ مشيت شلتة جسمي واتدخنتة على خفيف بس م اتحننتة واتدلكتة واتريحتة بصندليتي وبقيت جاهزة ليهو....
لما رجع وسلم علي بالاحضان ـ طبعا كل م يرجع من شغلو بسلم علي بالحضن وببوسني في جبيني حاجة ثابتة بعني♥ لما شم الريحة قال لي ي سلاام دي شنو الريحة السمحة دي وبقى بشم في رقبتي ومغمض عيونو ـ قال لي مشتاق ليك حبيبتي ـ قلتة ليهو وانا كمان مشتاقة ليك ي روحي واسفة علي كل لحظة كنت محتاج لي فيها وانا صديتك عني ـ قال لي ولا يهمك ي قلبي بحبك ♥ فادي انا م عارفة لو م كنت في حياتي كنت حاعمل شنو بالجد ـ انت مصبرني علي حاجات كتييرة ـ وجودك اكبر نعمة في حياتي م انحرم منك ي زوجي ♥ولا انحرم منك يازوجتي البحبها ♥بعدها بقى ببوس فيني ورفعني لحدى م

وصلنا غرفتنا ـ قلتة ليهو فادي بدلع ههههههه ـ قال لي قلب وروح فادي ـ قلتة ليهو براحة عشان البيبي تمام ـ ضحك وقال لي م تخافي حأكون حنين عليك ♥♥♥

حبيبتي
إذا تكلم قلبي فلن ينطق سوى إسمك💕
وإذا دق قلبي فلن ينبض إلا لأجلك
فكم أنا من العشق أحببتك
دعيني أتنفس أنفاسكَ وأذوب كالشمعة في أحضانك
أيتها الرائع بكل حالاتك أنا وصلت لدرجة حب لا حدود له.حب لم أحس بطعمه إلا معك أنتِ
❣️
دي اخر مسج كريم مرسلها لوجن في تلفونها كانت بتقراها وبتبكي ...
كريم ليه مشيت وخليتني ـ انا ماقادرة اعيش بلاك والله العظيم ـ اعمل شنو انا في الدنيا دي ـ ياريت لو كنت معاك ومت معاك شالت صورتو وبقت بتبوس فيها ـ بحبك ي قلبي ♥......
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*