ـ قام ضحك وزح ايدينو من وشي قال لي عرفيني كيف بالله هههههـ. ـ قلتة ليهو دي دايرة ليها عِرفة كمان واصلا دي حركاتك من زمان😒😒ـ قال حرم مشتاقين ي عسل ومالك قال حاربتينا وطولتي م جيتينا ـ والله ي مجد مشغوليات بس ـ قعد يحاكي فيني مشغوليات قال ـ ضربتو في كتفو وقلتة ليهو مجد احسن ليك إتلم ـ هههههههه طيب طيب معليش لكن علي الطلاق برضو مشتاقين ـ قلتة ليه بالاكتر ياسجم اخبارك شنو وكيفك مع الشغل ـ قال لي والله مضغوط شديد الايام دي لكن الحمد لله ماشي الحال... قعد اتونس معاي مسافة لحدي جهزتة البسبوسة وقطعتها ـ شال منها قطعتة واكلها وقال ي سلااااااام تصدقي وتؤمني بالله انو دي احلى بسبوسة اضوقها في حياتي كدي دسي لي كم قطعة لبعدين قبل م يقضو عليها كلها ـ قلتة ليهو هههههه عيوني ليك ـ قال لي عسل دة وغمز لي ـ طوالي صريت ليه وشي ـ قال خلاص بصل دة ـ طبعا قعدت اضحك ـ بعدها قال لي حيمشي يستحم وحيجي يشرب معانا القهوة ومااتنسي زي م وريتك دسي ليك زي اربعة قطع بعدين اتعشى بيهم ـ قلتة ليه م نااسية يلا غوور....
**مجد ود عمتها ل رسيل عمرو 26سنة ولد عمتو ندى الوحيد وعندها بتين كبار متزوجات وحدة في السعودية والتانية ساكنة القضارف ـ مجد شخصية طيبة وظريفة شديد وبعتبر رسيل زي اختو الصغيرة زي م هي شايفاهو اخوها ومن لما كانو صغار مجد بحب يشاغلها ويكاويها وزمان كانت بتبكي هههه بس اسي كبرت ومازال بحب يشاغلها وبعمل الحاجات البتغيظها..
وهاد كانت بتعمل القهوة في الكانون برة لانو ماما وعمتو بحبو ريحة القهوة وبالزات لما يقلوها ـ ولاء مشت عشان تجهز الفنكوش ..
بعد م خلصنا وجهزنا الصينية حقتنا عمتو ندى قالت لي امشي نادي مجد دة قولي ليهو يجي يشرب معانا القهوة ـ مشيت ليهو في الصالون ولقيتو واقف في المراية بظبط في شعرو ـ ناديتو عشان يجي يشرب القهوة ـ قبل م ارجع ناداني قال لي رسيل معليش طلب بسيط ـ قلتة ليهو اتفضل قال لي بس اكوي لي قميصي الفي طرف السرير دة والمكوة هناك في الشباك ـ قلتة ليهو تدفع كم ـ قال لي العايزاهو بدفعو ليك ههههه ـ المهم اتعابطتة ليه في البداية بس كويت ليه القميص ـ ولاء جاتنا قالت لي مالكم اتاخرتو كدة وقعدت تعاين لي من فوق لتحت نظرات كره ـ مجد قال ليها جايين جايين ومشينا ـ هي كانت قدامنا وانا ومجد وراها ـ مجد عمل لي حركة مضحكة نظام دي مالها دي ـ قلتة ليهو بري وقعدنا نضحك براحة ....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《08》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عدينا اليوم كان ظريف شديد رغم وجود البتين الم بطيقهم ولا هما كمان بطيقوني بس مجد كان ملطف الجو شديد ومضحكنا كلنا ـ الحاجة اللاحظتها انو ولاء مكرشة(يعني معجبة🤣) شديد على مجد من خلال نظراتها ليها ولما يكون بهظر معاي بحس بيها شوية وتجي تخنقني كنت مستمتعة جدا بالوضع هههههه ـ أما ماما وعمتو ف يغمزن لبعض ومبسوطات واكيد فاكرين اني وافقت على موضوعهم الخاتنو لي بس هما م عارفين انو مجد هو اخو بالنسبة لي ♥....
بالمساء لما كنا راجعين البيت مجد قال حيوصلنا البيت بعربيتو ـ في الطريق ماما تشيل وتشكر فيه ـ بعد م وصلنا البيت ماما نزلت قبلي وأنا قبل م انزل مجد قال لي بعدين م تنسي ترسلي لي الصور الاتصورناها بتلفونك تمام ـ قلتة ليه طيب يلا باي ـ قال لي تاني م تختفي تعالي طلي علينا ـ قلتة ليهو حاضر بس حاتصل ليك اليوم الحنجي فيه عشان لو بنات عمتك معاكم م نجي😏😏ضحك وقال لي يازولة ظاابط ههههههه ...
طبعا امي كانت مبسوطة وشغالة تلمح من فوق وتشكر لي في مجد ـ بس انا خشمي وعندي ....
كنت مرهقة وفترانة شديد دخلت استحميت سرحتة شعري كعكتين ـ وجن اتصلت علي اتونسنا وحكيت ليها تفاصيل اليوم م خليت حاجة وهي برضو بتحكي لي في الدرامات الحصلت ليها مع مرت ابوها هههههه وقلتة ليها ي بت الباقي دة تميهو لي بعد ترجعي عشان م نكمل الونسة من اسي ههههههه ـ قلتة اها انت حتجي متين مش مفروض تجي في اليومين الجاية دي ـ قالت لي اي جاية بعد بكرة ان شاء الله ـ قلتة ليها تصلي بالسلامة حبيبتي يلا تصبحي على خير ♥
بعدها دخلتة الواتس اب ولقيت مجد مرسل لي مسج وينها الصور ي بتت ـ قلتة ليهو م عندك صبر اسي كنت حارسلهم ليك 😒 رسلتة ليه الصور بس م كان م داخل..
بقيت بكشف في الاستوريهات ـ لقيت فادي خاتي استوري ومحتواه :‏مش مُهم تبقى مُبهر خالص على قدر ما مُهم إنّك تكون حقيقي، مَافي أحسن من إنّك تعيش بطبيعتك، تتكلم بطبيعتك، تضحك بطبيعتك، تزعل بطبيعتك، مَافي هأي داعي إنّك تخفي هويّتك وتتصنّع هوية تانية عشان تعجب زول، إنتَ ما موّجود في الدُنيا عشان تعجب ناس مُعينة، أنت موجود هنا لأجلك، فحب نفسك بجد واشتغل ليل ونهار عشان تعيشها زي ما هي تحب 💛💛💛...
بالجد الكلام عجبني شديد وم قدرت اني م اعمل ليه فيهو كومنت ـ قلتة ليهو كلام من ذهب ومعاه قلب ـ في نفس اللحظة رد لي طوالي وقال لي تسلمي ومعاه قلب..
بعدها سلمت عليه وبدينا نحكي قلتة ليهو طبعا خلصتة الرواية الحمد لله وبالجد كانت ممتعة اتمنيت لو م تخلص ـ قال لي م شاء الله والله خلصتيها سريع ـ قلتة ليهو لانها مشوقة ـ المهم حكينا كتير وبقينا نتناقش في مواضيع فلسفية وكدة ههههه ومن خلال ونستو عرفتة انو عندو مكتبة في بيتهم وفيها كم هائل من الكتب المختلفة عربية وانجليزية كتب سياسية ثقافية روايات يعني بالجد عندو كل انواع الكتب وحتى انو صور لي مجموعة من الكتب وقال لي اختاري العجبوك عشان اجيبهم ليك ـ ف اخترتة كتابين ورواية وقال لي بكرة هو فاضي لو حابة ممكن اجي استلمهم ـ قلتة ليهو تمام ـ وحنتلاقى في نفس مكان المرة الفاتت بس الساعة الساعة اربعة ...
بعدها قفلتة الداتا ونمت ....

*عند فادي *

كان مبسوط انبساطة شديدة بعد حكى مع رسيل ورجع فتح الدردشة من البداية بقرا فيها وببتسم وكان مستنى يوم بكرة بفارق الصبر ـ كان مشتاق ليها ومشتاق لشوفتها ـ قام مشى على دولابو وجهز ملابسو الحيلاقيها بيها والعطر والساعة والاسبورت ـ وكلها كانت حاجات ماركة وراقية جداا ... نام وهو بتخيل فيها وفي تفاصيلها لدرجة انو بتخيل انها معاه وقريبة منو شديد ....
تاني يوم الصباح صحى مفعم بالنشاط ومبسوط ـ نزل يشرب الشاي مع اهلو على غير العادة لانو نادرا م يشرب شاي الصباح معاهم, بشربها في غرفتو ـ طبعا كلهم كانو مستغربين وكمان بشاركهم في الونسة وبضحك ـ اي زول بقى بعاين للتاني ومتعجبين هههههه لانو طولو م شافوه وهو مبسوط كدة ...
فريد عاين ليهو وقال سبحان الله مغير الاحوال من حال الى حال ـ فادي قال ليهو خير الحاصل شنو ـ قال ليهو ابداا ماحاصل شي وسكت ....
بعدها فادي لبس وإتشيك آخر شياكة وطلع الشغل بنفسيات فل اول م وصل سلم على الموظفين بابتسامة وطبعا معظمهم مستغربين لانو م متعودين عليهو مبتسم ـ ف بدو يثرثرو فيما بينهم الخواجة دة دة مالو اليوم مبسوط كدة الحاصل شنو (طبعا ناس الشركة مسمنو خواجة )...
الساعة 4لما قربت اتجهز عشان يطلع يقابل رسيل ع حسب الزمن الاتفقو عليهو امس ـ قبل م يصل الكافيه غشى سوبر ماركت اشترى صندوق بتاع شوكلت وختاه في كيس هدية وبعدها وصل الكافيه وكان منتظرها بلهفة ....

الساعة 4الا تلت لمن جات كنت جاهزة عشان اصل مع الزمن الاتفقنا عليه وم اتاخر عليهو زي المرة الفاتت ـ كنت لابسة تيشيرت فنايلي بالون الكبدي وشاكاه مع اسكيرت اسود واسع وطرحة سوداء واسبورت باللون الكبدي عملتة روج كبدي ولاينر وكحل ولبستة زمامي وطلعتةـ الحمد لله انو ماكان في زحمة في المواصلات واربعة دي لما جات وصلتة الكافيه ودخلت فتحتة تلفوني عشان اتصل لفادي واقول ليه وصلت بس شفتو قاعد في نفس التربيزة الكنا قاعدين فيها المرة الفاتت رفع لي يدو واتبادلنا الابتسامات....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《09》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فادي أول م شاف رسيل وهي جاية عليهو عيونو بقت قلوب قلوب ـ وم قادر يخبي نظرات اعجابو بيها ـ كان بقول بينو وبين نفسو كنتِ وين من زمااان !!!انت البت البحلم بيها ونفسي اكمل معاها باقي حياتي ـ انت البت الوحيدة الحركتي مشاعري وخليتيني أؤمن بحاجة اسمها حب من أول نظرةــ انت الوحيدة ال بقيتي شاغلة تفكيري كل يووم ـ بس حيجي يوم وحتكوني ملكتي بإذن الله ....

ـ لما وصلت قام وسلم علي بكل احترام وسألني عن احوالي وناس البيت وانا كمان برضو نفس الشي ـ والمرة دي كنا بنحكي وكأنو بنعرف بعض من فترة طويلة ـ ساعة كاملة عدت سريع من دون م نحس بعدها استاذنت عشان ارجع البيت بس هو كان مصر انو يعزمني على مطعم ونتغدى سوا ـ انا حاولتة اتحجج وكدة بس هو م اداني فرصة وفي الاخير وافقت....
ركبت معاه العربية بس كنت مترددة وخايفة ـ لدرجة إنو هو كمان حس بإرتباكي وخوفي ف قال لي اتطمني م حأخطفك ههههه ـ انا ابتسمتة وسكتة ـ بعد م ركبتة قال لي اربطي حزام الامان ـ شغل التكييف وموسيقى هادية وكنا ساكتين ـ بصراحة لسة كان في خوف جواي بس حاولتة اخبيه ـ شوية كدة فادي وقف سواقة وعاين لي قال لي رسيل إنت حاسة اني حأذيك?? ? ـ قلتة ليهو أأأبدا فادي ليه السؤال ـ السؤال عشان انتِ خايفة, مش خايفة وبس خايفة شديد كمان و واضح جدا من ملامح وشك وحتى لما سألتك اذا خايفة او لا جوابك كان بإرتباك ـ ف فادي والله م كدة بس خايفة الزمن يتأخر و لازم اصل البيت قبل المغرب دي كل الحكاية ـ بعدها قال لي اتطمني اصلا م حنتأخر المعطم قريب وم حنقعد اكتر من نص ساعة ف م تخافي عليك الله تمام ـ قلتة ليهو طيب تمام ـ ابتسم معاي ورجع ساق العربية ـ تلقائيا خوفي بدا يتلاشى وهو زاتو بقى بحكي معاي و ونسني لحدي م وصلنا المطعم ـ واثناء م عايزة افك حزام الامان علّق معاي وابى يتفك ـ قرب مني عشان يساعدني انا رجعتي لورا وبقيت لاصقة في الكرسي وقلبي بضرب شديد ـ في اللحظة دي فعليا حسيت بتوتر مبالغة ـ بعد م فك لي الحزام رفع راسو وعاين لي ـ ف اتلاقت عيونا (eye contact) ـ نزلتة عيوني سريع ونزلتة ...
دخلنا المطعم كان هاادي وراقي ـ المنيو كان في التربيزة ف اخترنا طلباتنا العايزنها ـ بعدها فادي نادى الجرسون و وراه طلبنا ـ تلفونو رن ورد عليه طوالي ..
فادي :اهلا ي امي
علوية:وينك ي ولدي اليوم مالك اتاخرت منتظرنك للغدا
فادي :انتو اتغدو ياأمي اليوم انا متغدى برا
علوية :متغدي مع منو
فادي:م عرف يقول شنو ف قال ليها ياأمي بعد ارجع بحكي ليك يلا مع السلامة ...
رسيل كانت سرحانة في اتنين قاعدين في التربيزة الجمبهم و واضح انهم عرسان جدد الحاجة الشدت انتباها انو الراجل بشبه حبيبها القديم (اللي كان حيكون زوجها) فجأة حست انو بطنها طمت وعايزة تقوم ـ حتى انو ملامح وشها اتبدلت وظهر عليها الحزن ـ فادي انتبه وقال ليها رسيل انت كويسة? ـ بس هي كانت لسة سرحانة وم انتبهت انو بحكي معاها ـ خت يدو من فوق ليدها وقال ليها رسيل انا بتكلم معاك ـ اتخلعت وقالت ليهو اسفة بس سرحتة شوية ومن غير م تشعر في دمعة جات نازلة من عيونها وقشتها سريع بأطراف اناملها ـ فادي اتاكد انو جواها في حزن كبير وهي مخبياهو بس سكت وم حب يسألها عشان خايف انو يخرب ليها مودها ...بعد خلصو اكل طوالي طلعو عشان الزمن كان ضيق وكان حيوصلها بيتهم بس هي رفضت

قال ليها طيب اركبي اقرب ليك المسافة ولو شوية ـ ركبت معاه وكانت ساكتة وبتعاين بشباك العربية والحزن مغطي وشها ـ لما قربت تصل بيتهم قالت ليهو بس اقيف لي هنا ـ وقف وقبل م تنزل مد ليها البوكس حق الشوكلت ومعاه الكتب شكرتو وقبل م تنزل مسكها من يدها بس فكاها سريع عشان م تفهمو غلط وقال ليها يارسيل انا من اليوم عايزك تعتبريني اخوك وصديقك ولو في اي لحظة حسيتي انك محتاجة لشي او متضايقة من شي ف انا موجود و ابتسمي لانو الحزن لايليق بكِ ـ ابتسمتة وشكرتو مرة تانية ونزلت .....

وصلتة البيت ولما دقيت الباب لقيت وجن في وشي وهي الفتحت لي الباب ـ حضنا بعض وبكينا وكأنو لينا سنين م اتلاقينا وقلتة ليها امس مش قلتي لي حتجي بعد بكرة ـ ضحكت وقالت لي كنت عاملاها ليك مفااجئة
..... جية وجن غيرت لي مودي ونستني الحزن الكنت حاسة بيهو والليل كلووو قضيناه ونسة قريب للصبح حتى نمنا والله م خلينا شمار طاير م قلناه. ...

*عند فادي *
كان راقد في سريرو والليل كلو بتقلب وم قادر ينوم تفكيرو كلو كان عن رسيل وشنو الحاجة الحتكون مزعلاها لدرجة انو دموعها نزلت ـ اكيد في جرح كبير جواها كان متمنى لو يعرف الحاصل معاها وينسيها كل الالم الحاسة بيه ...
غمض عيونو عشان ينوم بس صورة رسيل لسة معششة في راسو اتذكر فبيل لما كانو في العربية وقرب منها عشان يفك ليها حزام الامان وعيونهم اتلاقت ـ وبتذكر في ملامح وشها ـ شفايفها البشبهو الفراولة ـ انفها الصغير ولابسة فيه الزمام ـ حركة انفاسها بصدرها لما قرب منها ـ فادي حس بقشعريرة سارية في جسمو ل لحظة اتخيلها وهي زوجتو وهما مع بعض في الفراش وب بوس فيها وحاضنها وبتحسس كل جزء من جسمها ـ امورو بدت تجوط ـ دخل الحمام سريع وغسل وشو وبقى بقول دة شنو البتعمل فيهو دة يافادي وكمان جابت ليها خيالات زي دي ...
طلع البلكونة شم هوا ورجع غرفتو استغفر ربو ونام ...
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《10》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بديت أعمل في الخدمة شغالة تلاتة ايام في الاسبوع ـ أحد ,تلاتاء وخميس ف المهم كنت متموضعة م قاعدة ساي ...وجن نتيجتها حق الشهادة قربت وطبعا هي جرسة شديد كل م نجيب سيرة النتيجة البت تنفسن وتخاف فعشان كدة بقينا م بنجيب ليها سيرة خالص بخصوص النتيجة لحدى م نتيجتها طلعت وكانت ظابطة شديد الحمد لله ـ عملت 87 انبسطنا شديد والله وحتى هي كانت مبسوطة عشان رغبتها تقرا تمريض وان شاء الله حتققهها بإذن الله ـ عملتنا ليها كرامة صغيرة بمناسبة نجاحها ـ كريم جاب ليها تلفون جديد ك هدية منو ـ اما ماما هدتها حلق دهب ـ اما انا وكريم جبنا ليها قفة فرح ولبستين ـ بابا كان سافر لكن رسل ليها قروش وقال ليها اشتري بيهو العايزاهو ♥

**حوالي الساعة 2بالليل كان بحكي معاها وبقول ليها:
......:لمتين حنخبي حبنا دة عن الناس ـ انا م حقدر اخبي عنهم اكتر من كدةـ انا عايز اتزوجك يخخخ م قادر اتحمل بعادك عني ...
قالت ليهو:
بس انا م بعيدة عنك انا على طول قريبة منك بس عليك الله عشان خاطري بس نأجل الموضوع دة شوية وبعدها نكلمهم ...
قال ليها :
شكلك م مشتاقة لي ولا حتى متحمسة لعرسنا زيي..
قالت ليهو :
بالعكس ي حبيبي والله متشوقة لليوم الحنكون فيهو لبعض اكتر منك ـ انت بس م حاسي بشوقي ليك وقدر شنو بحبك وعايزة اكون معاك وقريبة منك...
قال ليها :
طيب عايزاني أأجل الموضوع لييت ـ كلما افصحنا عن علاقتنا بدري كلمنا كان بكون افضل لينا..
قالت ليهو :
بس انا خايفة من ردة فعلهم ـ هل حيتقبلو الموضوع عادي كدة..
قال ليها :
تخافي وانا معاك??
وليه م يتقبلو الموضوع ـ هل بنعمل في شي غلط او حبنا لبعض حرام? ??

صحيت بالليل دخلتة الحمام ولما جيت راجعة لسريري لقيت وجن ماف وسريرها فاضي ولو افترضتة انها في الحمام اسي انا طلعتة منو ي ربي حتكون وين ـ تاني قلتة احتمال تكون جاعت ومشت المطبخ تاكل ليها حاجة ورقدتة عشان انوم ـ بس قلبي م كان متطمن ,مشيت المطبخ ولقيتها ماف برضو ـ خفتة شديد وبقيت افكر حتكون مشت وين ي ربي والزمن كان متأخر شديد ـ بقيت حايمة في البيت كلو وبفتش فيها اذا قاعدة ـ عندنا شجرة حقت ليمونة كبيييرة بتفصل بين جهة الصالون والجهة العلينا ـ لما قربتة منها كنت سامعة اصوات ناس بتكلمو بس بصوت واطي ـ خفتة في البداية قلتة احتمال يكونو حرامية ومندسين ورا الشجرة ـ بس الغريبة انو السمعتو صوت ضحكة انثوية ـ تاني فكرتة قلتة احتمال دي وجن جات هنا وبتخلط بالتلفون عشان م عايزاني اسمعها بس قلتة اتاكد اذا دي هي فعلا ـ بقيت بقرب اكتر من الشجرة ومن دون م اعمل صوت بس اتفاجأت اني سمعت صوت راجل والصوت دة م غريب علي ـ قربتة اكتررر واذا بيها القى الصدمة الم اتخيلتها وجن وكريم وهما بحكو مع بعض? ?? وم كلام عادي كلام حب وشوق ـ يعني وجن وكريم بحبو بعض? ??? معقول!! !!!...
وقفتة مسااافة وكنت بستوعب الحاصل وجن وكريم بحبو بعض ومخبيين عننا ـ طيب كيف ومتين والغريب في الموضوع انو م حصل لاحظت شي ولو بالغلط بدل على انو هم معجبين ب بعض او بحبو بعض ...ـ كويس التصبر لي وجن دي طلعت م سااهلة ههههههـ ....

بصراحة انبسطتة من الحاجة دي زغم اني كنت زعلانة برضو لانو وجن مش اختي وبس صحبتي و اسرارنا كلها عند بعض ليه م كلمتني بالحاجة دي طيب ـ معقولة تكون خجلانة مني هههههه...المهم رجعتة الغرفة والنوم طبعا طار لي من عيوني ـ بعد حوالي ربع ساعة جات داخلة الغرفة برااحة وعملتة روحي فيها نااايمة وم جايبة خبر ....
تاني يوم الصباح لما صحيت لقيت وجن نضفت البيت كلو وعملت الشاي ـ قلتة ليها متين صحيتي ولحقتي تعملي الشغل دة كلو ـ قالت لي والله اليوم مزاجي راايق والنوم طار لي من عيوني ـ عاينتة ليها وضحكتة ـ قلتة بيني وبين نفسي كيفن م تصحي رايقة ومبسوطة بعد الكلام السمح السمعوك ليهو امس هههههه ....
بقيت مركزة مع كريم و وجن شديد يعني لما نكون كلنا مع بعض بلاحظ لنظراتهم لبعض ومشاغلاتهم لبعض ف اتأكدتة انو الاتنين ديل وقعو في حب بعض جد جد ♥

كنت على تواصل مع فادي ـ على طول بنحكي مع بعض ونطمن ع بعض بصورة عامة يعني صداقتنا كانت في حدود من دون م اي واحد فينا يسأال عن خصوصية التاني .... ولانو بحب المعرفة كلما يقرا عن حاجة مفيدة برسل لي الرابط حقها اقراها برضو واستفيد ..
مرة كنت بقرا في الكتاب الشلتو منو وفي منتصف الكتاب لقيت ورقة مكتوبة فيها :
يكفيني أني عرفتك وبروحي أبصرتك
وبعقلي وقلبي أحببتك وبذاكرتي رسمتك
يكفيني أن أحس حبك وأصدق همسات صوتك
وأسمع دقات قلبكو أعيش الحياة منك
يكفيني أن أراك في يقظتي ومنامي
وتسمعي نبضات قلبي من كلامي...
❣️
قريت الورقة ورجعتها في مكانها قلتة اكيد حيكون كتبها لحبيبتو ونساها هنا ...م اشتغلتة بالموضوع كتير و واصلتة قرايتي ....

في بيت ناس فادي

علوية :فريد انت في يوم حتجيب لي جلطة والله ـ البت دي بتعرفها من وين لحدي م تقول عايز تعرسها ـ وين اصلها وفصلها م ممكن تجيب لي بت اهلها م معروفين وتقول لي عايز تتزوجها ـ كلام زي دة م بنفع معاي ...
فريد :ياأمي انا دة كلو م بهمني ـ المهم اني بحبها وحاتزوجها شئتو ام ابيتو ...
جعفر :ياولد احترم نفسك البتتكلم معاها دي امك ف اتكلم بأدب احسن ليك...
علوية :م خلاااص شايف نفسو كبر ونحن بالنسبة ليهو ولا شي ـ لكن لو عرستة البت دي لا ولدي ولابعرفك...
فريد:وانا غيرها مابعرررس ياأمي ي اعرسها هي ياعمري م حأعرس ..(وطلع برة البيت وهو في قمة الغضب) ...
فادي كان شايف البحصل وسااكت ـ انتطر بعد م فريد طلع وابوهو مشى الشغل ـ بعدها مشى لامو في غرفتها وقعد معاها وبدا يتكلم معاها بكل رواقة ....
فادي :أول حاجة مسك راس امو وباسها لانها كانت زعلانة شديد بعدها مسكها من ايديها وقعد تحت جمب رجولها (شايفين الادب والاحترام ♥)وقال ليها ياامي ياحبيبتي اول حاجة م عايزك تزعلي نفسك خالص بخصوص موضوع فريد و معليش على وقاحتو الاتواقحها معاك دي امسحيها لي في وشي ـ ياأمي فريد راجل كبير واكيد بعرف الصح من الغلط وطالما هو شايف انو زواجو من البت دي برضيهو خليهو يتزوج وبعدها يتحمل العواقب الحتحصل طالما انت وابوي اتكلمتو معاهو كتير وهو رافض يسمع كلامكم ف بعد كدة انتو عملتو العليكم ...
علوية :بس ياولدي فريد اخوك متهور زي م انت عارف وانا خايفة انو البت دي تطلع م كويسة وتأذيه...
فادي:ياأمي انت م تسبقي الشين اسي احتمال تطلع كويسة وانت عارفة فريد لو خت حاجة ف راسو حيعملها ف خليهو يتزوج وربنا يقدم الفيهو خير..
علوية:يعني انت شايف كدة! !!
فادي :ايوة ي امي ...
علوية:طيب خلاص انا م عندي مشكلة ـ خلي يعرس عرسو ونرتاح من نقتو دي ....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《11》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
موضوع عرسو ل فريد خلى ناس بيتهم كلهم متنشنين وخاصة انو فريد كان مستعجل وعايز كل حاجة تبقى بسرعة يعني العرس حيكون خلال شهرين على حسب كلامو ـ أمو كانت حزينة شديد لانو هو أول ولد وليها وكانت منتظرة الفرحة دي بفارق الصبر عشان تعمل ليهو عرس م حصل زيو وتختار ليهو العروس بنفسها ـ في الحقيقة هي كانت حاجزة ليهو بت صحبتها دكتورة وجميلة وبت ناس ف كانت عاجباها شديد ـ بس فريد حطمها من اول خطوة عشان هي في الاصل م مقتنعة بزواجو لكن مضطرة تسايرو وتعمل العايزو عشان العرس يعدي على خير ...
فادي كان قاعد في البلكونة وسرحان وقافلة معاهو شديد ـ شال تلفونو وقعد يتصفح ـ فجأة فتح جهات الاتصال ومن دون م يحسب حساب لاي شي اتصل ل رسيل ـ الساعة كانت 10مساء وحتى انو رسيل استعدت عشان تنوم بس لما شافت اتصال من فادي استغربت ليه بتصل عليها في الزمن المتأخر دة ـ ردت عليهو :
رسيل :الو السلام عليكم فادي
فادي :وعليكم السلام رسيل كيفك
رسيل:بخير الحمد لله انت كيفك ..
فادي :(جر نفس طويييل) ما كويس انا يارسيل ماااكويس مرهق وتعبان نفسيا وكاره اي شي في الدنيا دي ..
رسيل :(اتحيرت شديد وحست بالالم من صوتو يعني شكلو كان مغبون لمن م قادر يحكيـ كويس ) قالت ليهو فادي اول حاجة قول وراي بسم الله حتى يهدأ قلبي ..
فادي سكت ـ قالت ليهو تاني فادي قول بسم الله حتى يهدأ قلبي وغمض عيونك وجر نفس طوييل ...
فادي :بسم الله حتى يهدأ قلبي ـ وبعدها جر نفس طويل وغمض عيونو...
رسيل :عارف يافادي انا في الدنيا ماشة بأي قاعدة?
ماشة بقاعدة انو ماف حااجة بتستااهل وإنو الدنيا دي محطاات ـ يوم بتعيشها وانت مبسوط ويوم حزين ويوم مكتب ويوم ضايع ونحن كبشر بنمر بكل اللحظات دي ـ لحظات بنحس انو عايزين الدنيا تقيف في حتة معينة لانو خلاص م قادرين نكمل ـ بتمر بلحظات بتفقد فيها ذاتك وبتفقد الشغف الجواك ـ لحظات بتكره فيها كل الحواليك ...بس زي م بقولو الصبرر هو الحل لانو مهما فتشت من حلول م حتلقى غير حل واحد وهو الصبر أو اليقين يعني تكون متيقن وعارف انو الحالة السيئة البتمر بيها دي ماهي الا لحظاات وحتعدي ♥...
رسيل حكت معاهو كتير وطبعا هي عندها فن الطبطبة ـ يعني مهما تكون مغبون ومتضايق وكاره اي حاجة مجرد م تحكي معاها بتحس انك ارتحت شديد ـ فادي اطمن شديد من كلام رسيل لدرجة انو فتح ليها قلبو وحكى ليها كل الحاصل ...ف طبطبت عليه وخففت ليهو ألمو وضربت ليهو امثلة كتيرة لناس بتعاني وصاابرة ومن دون م تحس حكت ليهو كل الحصل معاها وقدر شنو هي اتكسرت وقلبها اتأذى ـ بس كانت متاكدة انو كلو لخير وياهو مواصلة حياتها عادي رغم انو الحصل معاها م اظن تنساهو في يوم لكن في النهاية دي سنة الحياة ولازم نتجاوز اي حاجة بتعيق اسلوب حياتنا ♥♥♥
فادي كان سااكت وبسمع فيها وهي بتحكي كل دة وعرف قدر شنو هي مجروحة وبكدا تقريبا عرف الالم الجواها وقدر شنو هي قوية ـ فادي كان ماقادر يعبر ويقول ليها شنو ـ كل القدر يقولو ليها :انت عظيمة شديد ي رسيل والزيك يتخت في العين والراس ـ وما عايز افتح ليك جرح الماضي لكن انت عارفة اكبر خسارة خسرها في حياتو انو ضيع واحدة زيك من يدو ـ واحدة بأخلاقك وبطيبة قلبك وبجمالك ـ م عارف ليه هو عمل كدة بس انت حلم ناس كتيرين ـ كتار البتمنو انو يكون عندهم شريكة حياة زيك ـ بعدها سكت وم قدر

يكمل لانو لو واصل امكن يقول كلام م المفروض يتقال في اللحظة دي ويخرب كل حاجة ـ فادي بكون ضعيف شديد لما يكون بحكي معاها مشاعرو واحاسيسو كلها بتجوط مرة واحدة ـ مرات بقرب يتهور ويعترف ليها بحبو ومشاعرو تجاهها ـ بس لو غلط واعترف ليها امكن يخسرها للابد عشان كدة قرر يصبر شوية ويشوف البحصل شنو لقدام ....الزمن اتاخر شديد وفادي حس بيها نعست لانو صوتها بقى متغير وطبعا صوت الزول النعسان والفتران بكون واضح ف قال ليها:
معليش ساهرتة بيك شديد بس والله لو كان م حكيت معاك وفضيت ليك الفي قلبي كنت مت من الوجع ..
رسيل:الف بعد الشر عليك وبعدين ماف اعتدار واسف بين الاصحاب وفي اي لحظة حسيت انك حابي تفضفض انا موجودة وفي اي زمن وحتى لو م فاضية حأفضى علشانك ♥♥(بعد اخر كلمتين قالتهم رسيل لفادي ـ حأفضى علشانك ـ حس انو عايز يحتويها عليهو وما يبعد عنها خاالص ـ اخر كلمتين حسستو قدر شنو هو عندو مكانة عندها ف من دون من يحس هو بقول في شنو قال ليها بحبك ...رسيل سكتت وم ردت ـ بعدها وعى على حالو وعشان يتدارك خطورة الموقف قال ليها بحبك ي صحبتي انت احن اخت والله ♥♥♥...
قالت ليهو شكرا على الكلام الحلو دة ي صديقي ♥
وقبل م يقفل الخط قال ليها بالمناسبة انت من اول المعزومين لعرس اخوي ولازم لازم تشرفينا ـ ضحكت ضحكة حلوة شديد ملانة رقة وانوثة ودلع وقالت ليهو ان شاء الله لو ربنا حيانا ـ فادي بعد م سمع ضحكتها وكلامها بصوتها الناعس حيلو كلووو مات وبقى ماسك نفسو بالعافية ـ وزي م عارفين بالليل المشاعر بتكون حساسة شديد والغريزة بتكون في قمة نشوتها لما تكون بتحكي مع الزول البتحبو ـ ف قال ليها عااايزك (طبعا شطـح شديد 😅 )رسيل قالت ليهو م فهمتك ـ قال ليها بإرتباك ق قصدي عايزك توعديني انك م تتغيري علي في يوم وتكوني ملاذي الآمن ♥♥♥قالت ليهو وانا بوعدك اني م حتغير عليك اذا انت فضلت زي م انت ♥♥قال ليها وانا حفضل زي م انا عشانك ♥♥♥
تصبحي على خيير ي أم قلب عسل ـ ضحكت وقالت ليه تلاقي الخير ي رب ♥♥♥...
وبكدة خلصت مكالمتهم ـ مكالمة مدتها 3ساعات ونص عدت من دون يحس بطول الزمن ـ رسيل لما شافت الساعة لقتها واحدة ونص اتخلعت متين الزمن دة عدى سريع كدة والحمد لله انو بكرة أوف يعني م شغالة وناامت على طوول ...
أما فادي قلبو كان بضرب بصورة م طبيعية ـ خت يدو في قلبو وغمض عيونو وقال :

أحببتُك لأنك نِصف الروح،
ونِصف العقِل، وكل القلب،
أحببتُك لانِي لا أكتمل إلا بك...
بـِ أختصَار،
أريدك أنْ تَعْرِفي أن العالم الذي يُسـعدني
هـو أنـتَ.❣️
مسك المخدة وضغطها عليه وقال متين يجي اليوم الحتكوني فيهو بين احضاني وتكوني زوجتي حلالي ♥....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《12》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم الصباح صحيت متاخرة الساعة 9عديل وحتى انو الصبح فاتني ربنا يغفر لي ـ قمتة اتسوكتة واتوضيت صليت ومشيت المطبخ عشان اشرب الشاي ـ لما دخلتة لقيت وجن بترتب و بتمر في المطبخ وبتغني ساااي ـ قلتة ليها م شاء الله الايام دي نفسياتك فل الله يديمها ـ ضحكت وقالت لي بسطة من الله سااي ـ قلتة ليها متاكدددة ولا داسة عني حاجةة ـ حسيت بيها اتوترت شوية لما قلتة ليها كدة ف قالت لي ادس عنك شنووو الزول م ينبسط😒 ـ قلتة ليها الله يديمهااا هههههههـ ـ اها اليوم الفطور حتعملي شنو ـ قالت لي حأعمل فطاير بس اصلا انا وانتي برانا ماف زول معانا ....
كبيت الشاي وقعدتة في الكرسي وبدينا نتونس ـ قالت لي رسيل معليش عندي سؤال وانت عارفاني فضولية م بعرف اسكت ـ قلتة ليها قولي قولي وتقريبا عارفة سؤالك شنو هههههههـ ـ قالت لي شنوو ـ قلتة ليها لا حابة اسمع السؤال منك ـ قالت لي امممم دة منو الامس الكنتي بتخلطي معاااه ـ هههههه والله كنت متاكدة حتساليني السؤال دة بس ح اجاوبك ي ستي دة واحد صديقي اتعرفتة عليه من فترة وامس كان متضايق ف اتصل علي , لو بتتذكري مش كان حكيت ليك عن الود الشلتة منو كتب وكدة ـ قالت لي ااي ـ قلتة ليها بس يااهو ...
قالت لي امممم وقعدت تعاين لي بنظراتها البفهمها ديك ـ قلتة ليها اصدقاااء اصدقاااء والفي راسك غلط غلط عشرة مرات غلط ـ ضحكت وقالت لي طيب اقتنعت ...
قلتة ليها اها وانتي جديدك والمكمل رصيدك وغمزتة ليها نظام تشغيلة ـ قالت لي بري يختي انا لسة صغيرة ع الامور دي وعملت روحها مشغولة ـ المهم عديتها ليها وم حبيت احكها معاها طالما هي م عايزة تحكي لي بخصوص علاقتها هي وكريم ف حأسكت واشوفها حتحكي لي متين ولوحدها من دون م اسألها.....

بعد اسبوعين كان في معارض لليوم العالمي للكتاب وكمان في مكتبة جديدة قريبة من السوق حيفتتحوها يوم الاثنين وأول يومين حيكون الدخول مجان وحتى حيكون في تخفيض في اسعار الكتب للناس العايزة تشتري وحيكون في مسابقات ثقافية وبرامج حلوة ف كنت متحمسة جدا وأكيد حأستمتع شديد ـ ف اتذكرت فادي وقلتة ي ربي حيكون عارف بالافتتاح دة ولا اكلمو ـ رسلتة ليهو رسالةة واتساب وكلمتو اذا حابي يجي ـ قال لي طبعا حأجي دي حاجة مستحيل افوتها ـ بعدها كلمتو باليوم والزمن حق الافتتاح ....
حاولتة اخلص اخر لي كتاب شلتو من فادي عشان بعد بكرة ارجعهم ليهو معاي مرة واحدة ...

بالمساء وجن قالت لي امشي معاها البوتيك الجمبنا عشان المرطب حقها خلص وزيت الشعر حقها برضو قرب يخلص ـ قلتة ليها اي ارح انا كمان عايزة اشتري السيروم حق فايتمين سي ومعاهو جل الالوفيرا والصن بلوك حقي برضو قرب يخلص ـ اتخمخمنا بتيابنا ومشينا
طبعا ولا واحدة فينا بتعرف تلبس توب زي الناس ههههه
ـ ونحن داخلين البوتيك مهاد كانت طالعة منو (صحبتي العرسها كان قبل 3شهور) انا وقفتة عشان اسلم عليها ـ بس بتتخيلو انها اتخطتني وعملت فيها م شايفاني بس عادي الموضوع م هماني شديد ف لو العرس بغير الناس كدة لدرجة سلام الله م بسلموه حريقة في العرس والله.

وجن قالت لي الاخت دي م صدقت انها عرست ولاشنو نافشة ريشها كدة الشينة المعولقة المابتشبه النسوان مشششم تف عليها وبيتها التقول م عاجبها كل يوم جاية ناطة بيت امها ـ قلتة ليها عيب عيب ي وجن تقولي كدة وبعدين هي حرة ودي حياتها تتصرف بالطريقة البتعجبها نحن م لينا دخل بيها ....

يوم الاتنين طبعا الافتتاح اللي هو حيكون الساعة 12ضهر كلمتة وجن عشان لو حابة تمشي معاي ـ قالت لي بري والله م قادرة واليوم لينا صحبتي جاية تقيل معاي عشان كدة ماف طريقة ـ قلتة ليها طيب تمام مامشكلة ـ عملتة ماسك الفحم لوشي ـ الماسك دة رهيب شديد وبخلي بشرتك ناااعمة وناايرة ـ بعد نشف طلعتو ومسحتة وشي ب gelالالوفيرا خليتو لفترة تلت ساعة ـ عملتة اسكرب طبيعي لجسمي بالبن والسكر وشوية حليب بدرة ـ بعدها استحميت واتمسحت لبستة عبايتي السوداء مفتوحة من قدام و من جوة فنيلة تركية بالابيض وبنطلون جينز بالازرق والاسبورت والطرحة اوف وايت ولابسة حجل رفيع في رجلي اليسار وشنطةسوداء متوسطة عشان لو اشتريت كتاب ادخلو فيها ـ عملتة ميكب خفيف وحلووو بس المرة دي غيرتة درجة الروج ـ عملتة لون زهري غامق بدل الكبدي ولبستة اكسسريس رفيعة وانيقة واتعطرت بعطري المفضل ـ والله لمن عاينة في المراية لمن روحي دي عجبتني هههه
ـ فادي اتصل لي وقال لي وين انتي مالك اتاخرتي كدة ـ قلتة ليهو والله ي داب طالعة لكن شوية وبحصل ـ قال لي طيب تمام ...
وجن لمن شافت اللوك النهائي صفرت وقالت وجع دة🔥
قلتة ليها ي بت حركات الاولاد دي شنو كمان ـ قالت لي علي الطلاق طالعة مزززة قاطعةةة تعالي لي احصنك ـ هههههه وفعلا حصنتي ـ قبل م اطلع اتذكرت اني امس كنت عاملة كنافة بالقشطة في العشاء وفضلت منها ف حبيت اشيلها معاي لفادي ـ ختيتها في فطارة صغيرة ولفيتها في جريدة ودخلتها جوة شنطتي ....
لما وصلتة الساعة كانت واحدة الا وللاسف لحظة الافتتاح فاتتني لانو بدا الساعة 12 ـ لما دخلتة لجوة كان في زحمة شديدة بس كل حاجة كانت مرتبة ومنظمة والمكان حلوو شديد ـ بعدها بقيت بفتش على فادي بعيوني ـ لمحتو من بعيد وهو بتفرج على المكان ـ مشيت عليهو لحدي م وقفتة جمبو بس بالاتجاه المعاكس وم انتبه لي لا نو كان مندمج بقرا في بوسترات ملصقة ـ لما قبّل علي وشافني اتفاجأ وقال لي متين جيتي والله م كنت منتبه ومد لي لي يدو عشان يسلم علي ـ سلمتة عليهو وقلتة ليهو لي دقيقتين واقفة جمبك بس عشان كنت واقفة عكسك بتكون م انتبهتة لي هههههه .....
فادي :اتأخرتي شديد فاتك بداية الافتتاح ..
رسيل :اي والله زعلتة شديد ـ قدر م حاولتة اطلع بدري عشان احصلو من بدايتو م اتوفقت ..
فادي :مامشكلة كل تأخيرة ليها خيرها
رسيل :صح ـ اخبارك شنو انت
فادي :الحمد لله تمام التمام وانتي ...
رسيل :بخير الحمد لله
فادي ورسيل بقو بحكو مع بعض واتفرجو على المعرض سوا ـ كانو مبسوطين شديد ـ فادي اشترى لرسيل الكتب العجبتها وقال ليها اعتبريهم هدية من صديقك المقرب ـ صح هي في البداية رفضت وقالت هي حتدفع حقهم بس قال ليها لو رفضتي والله حأزعل منك شديد ف اضطرت تقبلهم ♥
بعد ساعتين تقريبا رسيل قالت حترجع البيت لانها اتاخرت ـ فادي قال ليها هو زاتو حيرجع مكتبو ويواصل شغلو ... اول م طلعو برة الجو كان مغمم شديد والسحب شاايلة وشكلها حتنزل مطرة تقيلة والهوا كان قوي شديد ـ رسيل اول م طلعت برة طرحتها وقعت من شعرها عشان الهوا قوي وقدر م حاولت تثبتها م قدرت لانو الطرحة بدرة وم عندها دبابيس ـ فادي قعد يضحك فيها وقال ليها الطرحة تعبتك شديد وهي م باقي ليها الاتبكي لانو الطرحة زهجتها زهج ههههه...
قالت ليهو يلا ي فادي بعد كدة انا حامشي ـ قال ليها حأوصلك انا م شايفة الهوا دة ـ وامكن في اي لحظة ينزل مطر ولو قلتي تنتظري المواصلات حتلقى زحمة شديد ف اسمعي كلامي واركبي ...رسيل م جادلتو وركبت معاه لانو فعلا كلامو صح ...وفعلا بعد شويتين المطر بدا ينزل بغزارة شديدة والهواء كان عنيف جدا وصوت الرعد عالي ومخيف فادي نزل قزاز العربية عشان الهوا والمطر م يدخلو لجوة ـ رسيل كانت خايفة شديد من صوت الرعد والهوا ولقت اتصالين من امها وتلاتة اتصالات من كريم واتصال من وجن وعرفت انهم بكونو قلقانين عليها وخاصة انها عندها فوبيا من صوت الرعد ـ كانت عايزة ترجع ليهم بس الشبكة طشت ف دموعها بدت تنزل ـ فادي قال ليها رسيل مالك انت كويسة بس هي ساكتة وم ردت عليهو ـ بركن العربية بالطرف من الظلط ـ فجأة جات رعدة قوووية شديد وصوتها مخييف ـ رسيل نطت من الكرسي حقها وبقت حاضنة فادي بكل قوتها وشاداه من قميصو ومغمضة عيونها ـ كانت متشنجة عديل وضربات قلبها مرتفعة شديد ـ واصوات الرعد لسة متواصلة ف م قدرت تتحمل واغمى عليها من الخوف وهي بين احضان فادي .....

هل فعلا في ناس عندهم فوبيا من الرعد?
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《13》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فادي خاف عليها شديد لما شافها فقدت وعيها وعرف انو أكيد عندها فوبيا من الرعد ـ بقى بتأمل فيها وهي في حضنو وراسها على صدرو ـ طرحتها نزلت وشعرها اتفك وحالتها كانت حالة ـ يحليلا م واعية لشي ـ فادي ببلع في ريقو وم مصدق انو فعلا رسيل راقدة في حضنو كان حاسي كأنو بيحلم ـ رفع راسها شوية لفوف وبقى تايه في ملامحها من قريب ـ زح خصلات شعرها المغطية جزء من عيونها وحواجبها ـ بقى بمرر اطراف اصابعو في وشها وانفها وخدودها كانو ناعمين شديد وبشرتها نقية جدا كانها بشرة بيبي ـ لحدى م وصل شفايفها وهنا وقف وبقى مركز معاهم شديد وبعضي في شفايفو ومن دون م يحس هو بعمل في شنو ـ مرر اصابعو في شفايفها لحدي م حس برغبة شديدة انو عايز يبوسها لانها بالجد كانت مغرية حد الثمالة ـ قرب شفايفو من شفايفها وكان خلاص على وشك انو يقبلها ويتذوق طعم شفاها ـ بس فجأة وعى علي روحو وقال لنفسو عيب البتعمل فيهو دة ي فادي ـ معقولة عايز تستغلها وهي في لحظة ضعفها وم واعية لشي ـ بعدها شال كريستالة الموية القاعدة في عربيتو وبقى برشها في وشها شوية شوية لحدي م حس بيها بدت توعى ـ رسيل كانت لسة مغمضة وماسكاهو من قميصو بقوة وم عايزة تبعد عنو ـ بقى بطبطب على خدها برااحة وبقول ليها رسيل حبيبتي م تخافي انا جمبك ـ شوية شوية بدت تفتح عيونها ـ بعد م وعت تماما وفتحت ـ عيونها اتلاقت مع عيون فادي و لقت روحها راقدة في حضنو ومكنكشة فيهو معدماهو النفس ـ قعدت زي خمسة ثواني عشان تسوعب الحاصل وحاسة روحها زي الكانت بتحلم رجعت غمضت عيونها وتاني فتحتهم ولقت انو دة فعلا حقيقة م حلم ـ بعدها فكتو سريع وزحت منو وكانت خجلانة منو شديد لدرجة ما عارفت تقول ليهو شنو ـ شعرها كان مفكوك وعبايتها نازلة من اكتافها ومنظرها كان بيش شديد ـ صلحت روحها ولبست طرحتها واستعدلت في قعدتها ـ م كانت قادرة ترفع عيونها وتعاين ليهو ـ فادي حس بيها انها خجلانة منو شديد ف قال ليها رسيل انت كويسة لو تعبانة نمشي المستشفى ـ قالت ليهو لالا كويسة انا وسكتت...
المطر بدأ يخف شوية وفادي شغل عربيتو عشان يتحرك ـ الشارع بقى ملااان موية وفي طرق اتقفلت عديل ـ ف اضطر يمشي بالطريق التاني رغم انو طويل لكن احسن من باقي الطرق ـ قالت ليهو اسفة ومعليش تعبتك معاي ـ قال ليها يخسي عليك دة كلام تقوليهو اسفة وكمان تعبتك معاي عيب عيب يارسيل ...تلفونها رن ودي امها اتصلت عليها وكانت خايفة عليها شديد وبتسألها سؤال ورا سؤال ـ ف قالت ليها ياماما اطمني انا كويسة والله العظيم واسي انا في طريقي للبيت بس اصل وقتها بحكي ليك تمام يلا مع السلامة ....
فادي حب يكسر الصمت ويخلي الوضع طبيعي ويقلل من شعورها بالخجل ف بدا يونسها ويخلق مواضيع من مافي عشان يحسسها بالامان لحدي م قربت تصل البيت قالت ليهو بس اقيف لي هنا ـ قال ليها خليني اوصلك للباب عشان الطين بس هي رفضت وقالت ليهو اصلا داك البيت يعني خلاص وصلتني شكرا ليك كتير ـ قال ليها تاااني شكرا? مش قلنا م بينا شكر ـ ضحكت وقالت ليهو خلاص معليش وقبل م تنزل مدت ليهو الكتب القديمة الكانت استعارتهم منو ومعاه الكنافة الجابتها ليهو وقالت ليهو دي حاجة بسيطة عايزاك تضوقها وان شاء الله تعجبك ونزلت ـ قبل م تقفل الباب قال ليها رسيل ـ قالت ليهو ايوة فادي ـ قال ليها سعدت شديد باليوم دة لانك

رافقتيني ♥قالت ليهو وانا كمان واتبادلو الابتسامات وبعدها مشت ♥...فادي انتظرها لحدي م دخلت بيهم واطمن انها بخير حتى ساق عربيتو وفات ......
اليوم دة بالنسبة لرسيل وفادي حيكون في الذاكرة ومستحيل يتنسي بالنسبة ليهم ...

رسيل او م وصلت البيت امها حضنتها وقعدت تبكي ـ كنت وين ي بت وان شاء الله م اتاذيتي والحمد لله المطرة م بللتك ـ رسيل حكت ليها تفاصيل اليوم كلو عدا الحصل بينها وبين فادي في العربية وقالت ليها انو دة زميلها وكدة ـ امها قالت ليها ربنا يفتحها عليهو لو م هو ربنا اعلم كان حيحصل ليك شنو الحمد لله انك وصلتي بخير ي بتي وفي الخريف دة اياك تطلعي براك من البيت الا يكون معاك زول كويس ـ حاااضر ماما ♥♥

فادي كان ناوي يغشى مكتبو بالاول لكن رجع كسر الحنك ورجع البيت طوالي ـ كان مبسوط شديد م باقي ليهو الا يطير من الفرح ـ كيف م ينبسط والحاجة البتمناها تحصل حصلت ليهو اليوم ـ رسيل حبيبتو كانت بين احضانو ...طول الطريق كان مبتسم وبدندن مع الأغاني المشغلها لحدي م وصل البيت ...اول م دخل لقى امو قاعدة في المصلاية وبتسبح سلم عليها وباس راسها وعايز يمشي غرفتو ـ امو مسكتو من يدو وعاينت ليهو مساافة ـ قال ليها في شنو ياأمي ليه بتشوفيني كدة هههههه ـ قالت ليهو انت الايام دي ماااياكا ـ فادي ضحك لمن اتشرق ـ قال ليها كيفن ياأمي ـ قالت ليهو عدييييل كدي انا بالضبط م عارفة الحاصل شنو لكن متاكدة انو الموضوع فيهو بت ـ فادي عايز يحور في الموضوع عشان يطلع منها لانو متاكد لو اتزنق حيضطر يحكي لامو كل حاجة لانو بطبعو م بعرف يكذب وخاصة على اموو ـ لف ودور وقال ليها والله جعاان شديد انا طابخة لينا شنو ي نبع الحنان ـ قالت ليهو اي اي اتهرب لكن م مشكلة حيجي يوم وبراك حتحكي لي يلا قوم غير واستحم وتعال الغداء جاهز عاملة ليك اليوم كسرة ب بامية (بحبها جداا)ـ ي سلااااام يخخخ انا بحببك والله دقايق بس وجاي بالمسافة دي جهزي لي الاكل ....
دخل غرفتو شال ليهو غيارو ودخل الحمام ـ أول م فتح الدش غمض عيونو خت نفس الاصبع المررو في شفايف رسيل وحركو في شفايفو وبتخيل فيها ل لحظة حس بالندم انو ليه م باسها لمن كانت قريبة منو اتمنى لو اللحظة ديك ترجع تاني عشان يبوسها لمن يرتاح (الشيطان شاطر طبعا انو يزين للانسان الافكار دي 😶) بعدها بقى بمسح في صدورو واتذكر لحظة كانت راقدة في صدرو وحاضناهو بكل قوتها لدرجة انو كان حاسي بضربات قلبها و صدرها (نهودها) الخلتو يحس انو في عالم تاني ـ فادي كان بستذكر كل حاجة حصلت لحدي م حالتو بقت بطاالة وللاسف م قدر يمسك روحو ف مارس العادة وهو بتخيل انو معاها وكانها زوجتو وهما بمارسو الحب مع بعض لحدي م فرغ شهوتوكلها وارتاح ....بس بعدها حس بالندم وعلى تصرفو العملو ـ اغتسل واتوضى صلى واستغفر ودعا ربو يغفر ليهو ♥
فادي كان نفسو في نفسو في الحاجة دي شديد مع رسيل ـ نفسو يعيش معاها كل التفاصيل دي .....
أما رسيل فكانت لسة حاسة انها محرجة شديد من تصرفها القبيل ـ بس كل حاجة حصلت كانت خارج ارادتها وم عن قصد ـ بس فادي كبر في نظرها شديد وموقف اليوم خلاها تحبو وتحترمو اكتر وبقت تفكر انو لو كان زول غيرو امكن كان يستغل موقفها ويتصرف معاها تصرف م كويس ....بالليل أول م فتحت الواتس فكرت انها ترسل ليهو تطمن عليهو وصل كيف ـ فادي كأنو كان منتظرها أول م رسلت ليهو طوالي فتح المسج وطمنها عنو وانو وصل بخير ـ فجأة اتذكر الامانة القبيل ادتو ليهو مشى العربية وشالها لما فتحها لقاها كنافة بالقشطة انبسط شديد وخاصة انو طول شديد م اكلها ونادر م يعملوها ليهم في البيت لانو ابوهو عندو سكري ـ لما ضاقها حس انو في عالم تااااني والطعم شدة م حلووو بذوب في اللسان كان بياكلها ومستمتع شديييد ـ رسل ليها ريكورد وقال ليها اقسم بالله دي اطعم كنااافة اضوقها في حياتي كلها ف بحبك يارسيل ....بعد اخر كلمتين فادي قالهم ليها رسيل حست انو قلبها دق وبقت حاسة بمشاعرها بدت تجوط وقالت في سرها مستحيل مستحيل اسمح ليك ياقلبي انك تعذبني مرة تانية ـ فادي مجرد صديق واخ واكيد قال ليك كدة عشان هو بحبك كأختو وصديقتو ـ بعدها نامت وخاتة يدها في قلبها ....يتبع
***
احبك حبيبتي
احبك مهما ابعدتني عنكي الاقدار
احبك مهما عجزت عن الوصول إليكِ
احبك مهما حالت بيننا الامواج العالية
أحبك مهما ابتعدت الخطوات
اقفلت على قلبي بسلاسل عن حبك وهواك
لتحرسها شموع الحب والغرام
احبك حبيبتي وبغيرك لا ابالي
وساظل على حبك باقي حتى تجمعنا الاقدار
❣️

مش مفروض رسيل بعد كدة مشاعرها تبدا تتحرك وتنسى الماضي وتحب من جديد? ??
وعلاقة الحب مع الشهوة شنو?
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《14》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الايام عدت سريع وعرس اخوه لفادي باقي ليهو اقل من اسبوع وبقو مشغولين مع التجهيزات و التنظيم للعرس
بس علوية الوضع م عاجبها خالص بس مستحملة عشان فرحة ولدها وكانت دايما بتقول ليهم والله البت دي م ارتحتة ليها لكن عاد اعمل شنو فريد راسو اتلحس حليلو ـ وهو طبعا م شغال بكلامها خالص ومبسوط ..
قبل يومين من العرس فادي اتصل لي وقال لي لازم لازم تحضري العرس ـ قلتة ليهو ان شاء الله لو قدرت بجي ـ قال لي ماف حاجة اسمها لو قدرت ي رسيل انت اول المعزومين ولازم تلبي الدعوةـ قلتة ليهو حااضر ي فادي حاجي ـ قال لي طيب تمام حأكون في انتظارك ـ بعدها وراني الصالة الحيتم فيها العرس والزمن ....
طبعا فهمتة ناس البيت انو دة عرس اخو وحدة صحبتي وكدة عشان م يشغلوها لي ـ عدا وجن وريتها الحقيقة لانها حتمشي معاي برضو ...

يوم العرس ـ انا و وجن من الصباح شغالين ماسكات وعروكات واقنعة وشنو م بعرف هههههههه بس الحمد لله وشوشنا بقت ظاابطة ـ ماف ارهب من الماسكات والاقنعة الطبيعية ي بنات ...وتعبنا تعب عشان نختار الملابس الحنمشي بيها نشيل ونجرب ونغير ـ لحدي م في الاخر وبعد سلة روح اي وحدة فينا اقتنعت باللبسة الحتمشي بيها ـ انا اخترت فستان فنايلي بالزيتي مع الجسم حسيت بيهو بقى ضيق فيني نوعا ما بس لبستو ـ وشبط عالي بالفضي والشنطة والاكسسريس برضو بالفضي ـ الحجل الفضي حقي م لقيتو ف لبستة حجلي حق الدهب رفييع وحلوو...
اما وجن ف كانت لابسة طونكة طويلة باللون الجوافي وبنطلون جينز بالاسود واسبورت باللون الجوافي ...
العرس كان نهاري في مزرعة كبيرة منظمة بطريقة رهييبة ـ طبعا هما برجوازيين والرفاهية دي حقتهم 😂❤️ حتى اهلهم التقول م عايشين في سودانا دة الراحة ظااهرة فيهم ـ بإختصار رهاابة رهااابة شديدة ...
انا و وجن بس بقينا بنتفرج في المكان وفي خلق الله السمحة دي نسوانهم لرجالهم لاولادهم وبناتهم كلهم سمحين تبارك الله ♥
أول م وصلتة لقينا الحفلة بدت ـ اتصلتة لفادي م رد ـ ف قلتة اكيد حيكون منشغل ومع الصوت العالي دة م حيكون سمع اتصالي بقينا نرقص مع الناس وهجيج زي الهجيج ـ وجن دي الا ماساكاها من يدها عشان عارفاها جنها وجن الزنق تقوم تفضحني مع الناس هههههه ـ قلتة ليها ترقصي باحتراام فاهمة ....
شوية كدة لمحتة فادي وكان ببشر مع الناس ـ بصراحة اول م شفتو حسيت انو قلبي عمل شححح كان انيق شديد وشعرو بقى كتير و مبروم ـ والله البشوفو يقول م سوداني بشبه الخواجات البجيبوهم في ناشونال جوغرافي ـ قلتة لوجن دااك فادي ـ قالت لي وينو ـ قلتها الود الابيض داك ـ قالت لي الناس ديل كلهم بيض وينو فيهم بالضبط ـ قلتة ليها الود الابيض شدييد وشعرو ابيض دااك ـ قالت لي هوي كضابة اول حاجة دة م سوداني ـ قلتة ليها والله العظيم دة هو ـ قالت لي ومالو عامل كدة وشعرو ابيض ـ قلتة ليها هو البينو مش سمعتي بالحور يلا هو حوري ....قالت لي بلااي لكن الصراحة سمح سماحة جد والله لو م قلتي لي انو صحبك وبتعرفيهو ومتاكدة انو سوداني كان قلتة انو اوروبي عدييل ...كدي تعالي عرفيني عليه ـ قلتة ليها ي بت سيبي الخفة اسي م شايفاه مبسوط مع اهلو لبعدين بعرفك عليهو ...

شوية كدة الناس اخدت فاصل ـ فادي رجع لي وقال لي وين انت مالك م جيتي قلتة ليهو والله جيت من قبيل ـ قال لي وين م شايفك ـ قلتة ليهو انا شايفاك عاين استريد حتشوفني ورفعتة ليهو يدي ـ جاء علي وسلم عينا انا و وجن وعرفتهم على بعض ...قال لينا مالكم واقفين بعيد تعالو ادخلو لجوة الدايرة وارقصو ولا بتخجلو ههههه ـ وجن قالت ليهو والله من قبيل بكلمها ندخل لجوة حبة نرقص مع الناس بس هي مثبتاني ـ طبعا حدرتة ليها وسكتت ـ فادي قال لي ي زولة مالك محدرة ليها كدةههههه كلامها صح تعالو لجوة ....والحفلة رجعت دورت من جديد والعرسان جو داخلين م شاء الله حلات الدنيا عليهم ـ العروس صراحة عسل بس خفيفة خفة ورقصت رقيص م خلت شي ....
انا كل م ارفع عيني بلقى فادي بعاين لي خجلني والله ..
شوية كدة حسيت بطني واجعاني شديد واتذكرت انو دي مواعيد البيريود ـ وااي دي شنو العوارض دي شلتة هم وخاصة انو البيريود بتعبني شديد والله بدردق في الواطة عديل من الالم وببكي بكاء ـ عشان كدة قبل الالم م يزيد قلتة لوجن ارح سريع البيت ـ قالت لي بسم الله مالك خلينا نكمل الحفلة اصلا م باقي ليها شي ـ قلتة ليها حاسة اني تعبانة وم حقدر اقعد عندي مغص ـ قالت لي سجمك الليلة ارح ارح سريع م تقومي تكوركي وتفضحينا ...قلتة لفادي يلا بعد كدة نحن حنمشي ـ قال لينا مابدري اقعدو لمن الحفلة تخلص واوصلكم البيت ـ قلتة ليهو لالا م تتعب نفسك والله م قصرت ,اثناء م كنت بتكلم معاه جاتني طعنة حارة اتأوهت براحة وغمضتة عيوني ـ فادي قال لي رسيل انت كويسة حاسة بشنو ـ قلتة ليهو كويسة انا بس تعبانة شوية ـ
قال لي سلامتك وطلع معانا لبرة وفتح عربيتو قال لينا يلا اركبو اوصلكم واياك تقولي لا ـ فادي والله العظيم ماف داعي وبعدين م صح تطلع والعرس شغال ارجع ونحن حنركب اقرب مواصلات ـ قال ل وجن عليك الله اقنعي اختك دي تركب م شايفاها تعبانة كيف ـ وجن قالت لي فعلا كلامو صح ارح نركب ـ ركبنا والوجع ماشي في زيادة وخلاص بقيت م قادرة اتحمل ـ ختيت يدي في بطني وبقيت ضاغطة عليها ودموعي بدت تنزل ـ يخوانا المغص حار حار مووت ـ فادي قال ل وجن رسيل دي تعبانة شديد حأوديها المستشفى ـ وجن قالت ليهو لالا هو طبيعي وسكتت مع عرفت تقول شنو ـ قال ليها كيف يعني طبيعي م شايفاها بتتلوى كيف من الالم امكن تكون زايدة لاقدر الله احسن نمشي المستسفى وعايز يغير طريقو فعلا عشان يوديها المستشفى لكن في النهاية وجن قالت ليهو عندها معض بسبب البيريود.
وبعدها عم الصمت... ورسيل اصلا في همها بتبكي وماسكة بطنها و وجن حاضناها عليها بتحاول تهدي فيها ـ فادي م قدر يتحمل يشوفها بالمنظر دة ونزل اقرب صيدلية في طريقو وجاب ليها مسكن سأال وجن عن اسم المسكن البتستخدمو وبرضو دخل اقرب سوبر ماركت اشترى موية وكرستالتين ماذا واداهم ليهم ـ رسيل بلعت حبتين مسكن لانو الالم كان حاد ومن سوء حظها الطريق كان زحمة بعد نص سااعة حتى وصلو البيت ـ رسيل نامت في العربية بعد م الالم خف ليها شوية ـ بعد وصلو وجن بقت بتصحي فيها عشان تنزل يدخلو البيت جوة ,بعد تعب حتى قدرت تنزل وكان متكلة على كتف وجن ـ فادي كان ماشي وراهم عشان لو وقعت يثبتها .....
امها لما فتحت الباب وشافت بتها بالصورة دي خافت عليها شديد وبدت تسأال مالها بتي والحاصل عليها شنو ـ وجن قالت ليها دة المغص قام عليها وجن شكرت فادي ودخلت جوة مع رسيل ـ خالتو رقية لما شافتو سلمت عليهو وحلفتو يدخل جوة يشرب موية بس هو اعتذر منها بطريقة لطيفة وقال ليها والله مستعجل شديد مرة تانية ان شاء الله ي أمي ومشى ....

تاني يوم رسيل اتحسنت وحست بالحرج من موقف امس وبقت بتقول لنفسها ليه دايما بيحصل معاها مواقف محرجة لما تكون مع فادي ـ اسي تاني تودي وشها وين بعد الحصل دة ...
فادي اتصل عشان يتطمن عليها بس هي م ردت لسة خجلانة منو ولا حتى م فتحت الداتا ...عدت فترة تلاتة يوم وم بترد على اتصالات فادي ولا حتى فتحت الداتا عشان يطمن عليها ـ بس تقريبا فادي حس بيها خجلانة ورسل ليها رسالة عادية قال ليها :رسيل كيفك كويسة انتي وعليك الله ردي على مكالماتي وماف حاجة بتخجل ـ لما تقري رسالتي دي مسكلي لي وبرجع ليك...
رسيل لما شافت رسالتو بقت مترددة مابين ترجع ليهو وبين لا ـ في نفس اللحظة الكانت مترددة فيها فادي اتصل عليها وفتحت الخط سلم عليها ولامها ليه ما بترد على مكالماتو وانو زاعلان من تصرفها ـ بس هي اعتذرت منو وانها م قاصدة وكدة....

عدت فترة ستة شهور ـ وفي الفترة دي اتغيرت حاجات كتيرة اولها كريم كلم ناس البيت عن علاقتو هو و وجن وطبعا كانو مصدومين لانهم م كانو متوقعين تحصل حاجة زي دي ـ بس كمان انبسطو ـ الحاجة الشجعت كريم انو يكلم ناس البيت عشان جاتو فرصة عمل في السعودية وقرر قبل م يسافر يعقد على وجن رسمي عشان يطمن انها حتبقى ملكلو حتى بعد تخلص جامعتها يكملو العرس ♥ أما رسيل و فادي بقو مقربين شديد من بعض وحتى انها بدت تحس بمشاعر تجاهو بس هي متجاهلة الحاجة دي وعلى طول فادي

بلمح ليها تحت تحت انو بحبها بس هي عاملة فيها عبيطة وم فاهمة شي لحدي م في يوم قرر انو يواجهها ويكلمها بالحقيقة والبحصل يحصل لانو م حيقدر يكتم مشاعرو اكتر من كدة لانو صبر كتيير وعايز بعد كدة تكون ملكو وحقتو بأي طريقة ف اتصل عليها وقال ليها عايز يقابلها ويحكي معاها في موضوع مهم .....
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《15》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد مكالمة فادي معاي استغربتة ليه عايز يقابلني وشنو الموضوع المهم العايز يقولو لي حسيت بقلق ي ربي الحاصل معاهو شنو وحتى إنو طلب نتلاقى في الحديقة البلدية م في كافيه زي كل مرة ف دي الحاجة الخلتني اتحير شوية ـ ي رب يكون خير ....
تاني يوم بعد العصر جهزتة عشان امشي لبستة عباية سوداء وطرحة سوداء وشبط اسود يعني اسود في أسود وم كنت عاملة ميك اب غير لاينر وقلوس في شفايفي ولبستة زمامي ....
أول م وصلتة اتصلتة عليهو وقلتة ليهو انت وين انا حاليا وصلت ـ قال لي طيب انتظريني في البوابة جاي عليك انا ـ قلتة ليهو طيب ـ شوية كدة وجاني سلم علي ـ وشو كان م طبيعي كان واضح وش زول مرهق وشايل هم كبير ف قلقي زاد لما شفتو بالحالة دي ـ دخلنا جوة وقعدنا في حتة هادية م فيها ناس ــ فادي انت كويس ـ سكت م رد علي وخت يدينو في وشو زي الزول الحاصلة ليهو مصيبة كبيرة وما عارف يبدا من وين ـ قلتة ليهو عليك الله رد علي ولو بكلمة بديت اخاف والله وخلاص دموعي بقت في طرف عيوني ...
فادي :رسيل لا ماتخافي انا كويس والله ..
رسيل :بس شكلك م بيوحي إنك كويس وياهو الهم ظاهر فيهو ـ طيب احكي لي الموضوع المهم القلت عايز توريني ليهو شنو...
فادي :(بقى متوتر زيادة وبفرك في يدينو مع بعض) والله يارسيل ماعارف ابدا ليك كيف واقول ليك شنو بس برضو م قادر اسكت واحكي الجواي ....
رسيل :طَبْ احكي انا سامعاك واكيد اي مشكلة وليها حل بس انت خليك واثق فيني واحكي كل الفي قلبك اعتبرني مرايتك وعايز تفضفض ليها ..(إبتسمت معاهو وختت إيدها في إيدو)
فادي :بس أوعديني إنو بعد الكلام الحأقولو ليك دة حتقيفي جمبي وم حتتخلي عني مهما كانت ردة فعلك ..
رسيل :بوعدك يافادي ـ بس انت احكي انا خلاص م قادرة اصبر م تخوفني اكتر من كدة ارجوك ...
فادي :طيب حأبدا احكي وم تردي على كلامي الا بعد اقول ليك انا خلصت ..
رسيل :طيب تمام
فادي (جر نفس طويل بالاول فادي بدا يفكر كيف يبدا ليها الكلام عشان يمهد ليها الموضوع بس خالص م يقدر يصيغ ليها كلام معدل وكأنو لسانو اتربط كل العملو بقى بعاين ليها في عيونها لمن عيونو دمعت وبعد م خلاص غلبو يقول شنو قرر يعترف ليها من دون مقدمات وقال ليها رسيل انا بحبك ـ بحبك والله العظيم بحبك ـ بحبك بصورة م بتتخيليها ـ حبيتك من اول يوم شفتك فيهو ـ حبيتك لدرجة اني م قادر اشيلك من بالي وفي كل لحظة انت في ذاكرتي ـ حبيتك لدرجة اني كل يوم بدعى في صلاتي انك تكوني من نصيبي ـ حبيتك لدرجة انو اتغيرت فيني حاجات كتيرة بسببك وحياتي بقت احلى بوجودك وحسيت انو فعلا الدنيا بقى ليها طعم ـ رسيل أنا مجرد م اشوفك او أسمع صوتك مشاعري وأحاسيسي كلها بتكون جايطة ـ انا عارف انو الجرح الجواك لسة واجعك وم قادرة تنسيهو لدرجة انك قلتي لي قبل كدة انك م اظن تقدري تثقي في زول وتديهو قلبك مرة تانية بس كل البتمناهو منك انك بس تدي قلبك فرصة اخيرة ـ تفتحي لي قلبك وتديني فرصك اعيش معاك الحب ـ تديني فرصة اسعدك واكون ليك الحبيب والصديق والزوج واي حاجة بتتمنيها و صدقيني مستحيل مستحيل اخذلك وان شاء الله اموت او أتأذى لو فكرت في يوم اجرحك او اكسر قلبك ـ أنا واثق اني حأنسيك كل اللحظات البشعة العشتيها ـ واثق اني حأقدر ارمم الوجع الجواك وإلا م كان اعترفتة ليك بحبي ـ رسيل انا كل مرة بقول اعترف ليك فيها بمشاعري

برجع بتراجع وبقول انتظر شوية لاني خايف انك تصديني وتبعدي عندي ـ بس انا م حأخليك والله م حأسمح ليك انك تبعدي عني انت حتكوني لي يارسيل ولو اضطريت اخطفك ـ دة م تهديد بس انا حأموت لو رفضتيني وبعدتي عني ـ أنا الجواي كتير لدرجة اني والله ماقادر اعبر وكأنو لساني اتربط ـ رسيل أنا أنا (فادي حس بروحو مخنوق وم قادر يواصل ودموعو نزلت )
رسيل كمان م قدرت تشوفو وهو بالحالة دي ف ختت ايديها في عيونها وبقت بتبكي ـ فادي نزل ليها يدينها من وشها وطلع منديل قش ليها دموعها وبقى ماسكها من يدها ـ وقال ليها أنا م حكيت ليك عشان ابكيك ـ آسف والله لو كلامي جرحك بس والله م قدرت اخبي عنك مشاعري اكتر من كدة ـ رسيل لسة مواصلة بكاء لمن بتشهق ـ فادي قام قعد جمبها وبقى محتويها ـ رسيل حبيبتي الله يرضى عليك م تبكي ـ عارف انو كلامي م عجبك بس اعمل شنو جات كدة ... فادي قام مشى اشترى موية وعصير ورجع قعد جمبها ـ كانت رافضة انها تشربهم بس حنسها شديد لحدي م شربت ولسة كانت ساكتة م قالت شي ...لحدي م حست روحها راقت شوية وبدت تتكلم ...
رسيل :فادي أنا مريت بظروف بشعة جدا جدا لدرجة اني فكرت اموت حالي وارتاح من العذاب النفسي الكنت عايشاهو ـ انا اتجرحت بصورة بشعة جدا ـ عارف احساس انك تكون مبسوط انو خلاص عرسك باقي ليهو عشرة يوم وكل حاجة كانت جاهزة واموركم ظابطة وفجأة من دون سابق انذار شريكك يختفي ويقول إنو م عايز يكمل معاك من دون م يكلمك السبب ـ بس انت اتخيل معاي وخت نفسك مكاني ـ وقتها ردة فعلك حتكون شنو بالزات لو كنت بت ـ انت عارف انو بطريقتو دي شوه لي سمعتي قدام الناس ومعظم الناس فكرت انو خلاني عشان كنت لاعبة وراه واشاعات م بعدها اشاعات ـ انا دخلت في صدمة نفسية بسببو وبصعوبة قدرتة اتجاوز الحصل ـ انا اتهنت وكرامتي اتمرمطت بسببو وحتى خلاني اشكك في روحي وفقدتة ثقتي في كل العالم الحولي بسببو ـ أنا أنا (م قدرت تكمل وبقت بتبكي بحرقة) ...فادي كان محتويها عليهو وبحاول يسكتها بس هي ماقادرة توقف بكاء ـ بعد مسافة حتى سكتت ...
فادي :رسيل انا مستحيل اعصر عليك وأجبرك تحبيني بس كل البتمناهو انو تدي قلبك فرصة تانية انو يرجع يثق في الحب وانو م كل التجارب فاشلة ـ صدقيني لو قتحتي لي قلبك واديتيني فرصة حأثبت انو الحب دة أحلى حاجة في الدنيا وانسيك كل الماضي ـ بس اديني فرصة وقولي لي يافادي انا حأثق فيك وبعدها شوفي الحيحصل شنو ....
رسيل بقت ساكتة وم عرفت ترد بشنو وهل توافق ولا لا لانها كانت متخوفة من انو الحصل ليها يرجع ينعاد مرة تانية ـ بس إلحاح فادي عليها كان كفيل إنو يخليها توافق وتحاول تديهو فرصة من خلالها يثبت ليها إنو الحب مازال موجود ـ وقال ليها انو جاهز لو اليوم عايزة الزواج يتم حيتزوجها ....رسيل حست انو فادي صادق في حقيقة مشاعرو تجاها ف قررت تديهو فرصة يخش حياتها وتعيش معاهو الحب من أول وجديد ....
رسيل :فادي
فادي: قلب فادي ساامعك احكي
رسيل :أنا (سكتت مسافة)
فادي:إنت شنو احكي م تترددي(من جواهو كان خايف انو رسيل ترفضو وم تقبل تديهو فرصة)
رسيل :أنا موافقة ـ موافقة اديك فرصة وافتح ليك قلبي من جديد ـ عارف ليه ـ علشان حسيت بيك صادق وبتمنى تكون قدر الثقة الاديتك ليها ...
فادي:(من الفرح م عرف يقول شنو فحضنها عليهو شديد ـ رسيل اتحرجت وقالت ليهو ف فادي م صح )
بعدها انتبه على نفسو وعلى العملو واعتذر منها وانو م قاصد بس من قدر يتحكم في فرحتو....

وبكدة فادي قدر يعترف ل رسيل بكل الحاسي بيهو وهي ادتو فرصة وادت لروحها كمان فرصة جديدة وكانت بتدعي ربنا انو فادي يكون قدر كلمتو وم يخذلها ....وفعلا عدت الايام ورسيل وفادي علاقتهم كانت زي الفل لحدي فترة تلاتة شهور فادي قرر انو يتقدم ليها عشان يتزوجها طوالي لانو م قادر يصبر اكتر من كدة ونفسو بعد كدة تبقى زوجتو حلالو ...رسيل في البداية كانت مترددة من الخطوة دي وشايفة انو لسة بدري شوية ـ بس هو قدر يقنعها وانو لازم بعد كدة يتلمو في بيت واحد عشان خلاص م قادر يتحمل بعادها ... رسيل كلمت كريم اخوها بالحاصل كلو وقال ليها طيب عرفيني عليهو بالاول وبعدها حأكلم أمي وابوي ...وفعلا رسيل عرفتو على فادي واتطمن ليهو وسأال عنو ناس كتيرين واتأكد انو زول كويس و ود ناس ـ بعدها كريم كلم باقي ناس البيت والحمد لله وافقو وقالو ليهو طالما انت اتاكدت انو زول كويس ف على بركة الله♥♥أما فادي بدورو كلم أمو بالحاصل وحكى ليها عن رسيل و وصف ليها صورتها ـ ومشت ليهم في بيتهم اتعرفت عليها وعلى اهلها وطبعا حبتها شديد وانبسطت شديد من اختيارو لفادي ـ وبكدة الاسرتين وافقت وقررو يعملو العرس في اقرب وقت ♥♥♥
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#ألبينو《16》*
*#بقلم_غزل_وليد❤️*
*☆☆☆ـــــــ♡♡♡ــــــــــــــــــــــــــــــــ☆☆☆*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كريم أخوي سفرو بعد اسبوعين ف قرر يعقد على وجن الجمعة الجاية ـ فادي قال لي خلاص يعقدو لينا نحن برضو معاهم مرة واحدة وفي نفس اليوم ... رغم انو عرسنا بعد شهرين ـ قلتة ليهو فادي ماف داعي تكلف نفسك مرتين اصلا م باقي كتير للعرس ف العقد والعرس يكونو سوا ـ بس هو كان مصر انو يعقدو لينا مع كريم و وجن ـ لما سألتو ليه مستعجل كدة ـ قال لي عشان اخد راحتي معاك ـ قلتة ليهو بخوف كيف يعني م فهمتك ـ قال لي روقي روقي م قاصد الفهمتيهو بس لو عايزين نطلع برة البيت سوا مثلا لو عايز اعزمك او نطلع نغير جو سوا أهلنا يكونو متطمنين اكتر لانك مع زوجك ♥ـ انا اتطمنت شوية عقلي طبعا كان مشى شمال شوية هههههههه .... ف أهلي قالو ليهو طالما انت عايز كدة ف ماف مشكلة ....
أنا كنت مبسوطة بس كمان في نفس الوقت كان في شوية قلق جواي بالذات لما اتذكر الماضي ...
طبعا خالاتي وبنات خالاتي كلهم جو وأهل أبوي برضو عشان يحضرو عقدنا انا و وجن يعني البيت كان م شاء الله عاامر ...
أنا رفضت انزل دخان لانو خايفة جسمي يشيل قشرة واصلا العقد الجمعة وباقي ليها تلاتة يوم ـ كنت بعمل عروكات وماسكات وشالو لي جسمي ...أما وجن فهي نزلت دخان من قبل اسبوعين وجسمها ماشاء الله بقى نضيف وحلو وهي اصلا حلبية فزادت نورتها ـ كريم طبعا مانعنو يجي على جهة النسوان وممنوع يشوفها ـ حاليا ليهم أكتر من اسبوعين م شافو بعض رغم انو كانو بحاولو يتلاقو بالدس بس انا خااالص م مدياها فرصة واقفة ليها في العزيزة هههههههه ...
بالليل قبل العقد بيوم وجن قالت لي اها شعورك شنو وخلاص بكرة حتبقي مرت راجل ـ قلتة ليها مبسوطة وفي نفس الوقت خايفة ـ قالت لي انت عبيطة تخافي من شنو دة انت حتعرسي سيد الرجال فاكراهو حيعمل نفس عملة العواليق داك ـ عليك الله ي رسيل الماضي دة انسيهو ـ أثناء م كنا بنحكي مع بعض فادي اتصل لي ـ قالت لي يلا انا حقوم اخليك تخلطي براحتك وانا زااتي ماشة اخلط راجلي ههههه ـ قلتة ليها شافعة قليلة ادب ـ قالت لي هييي شافعة انتي دي يلا ردي قبل م الخط يفصل ـ. ف رديت عليهو :
فادي :لا تسأليني كم أحبــــــــك
فليس لـحـبــــــــــك مقيـــاس
لا تسـألـيـنــــي كـم عـشـقـــتـــك
ولمــاذا إخـتــــرتــــك مــن دون الناس
لا تسـألـــيـنـي إلـى متى سـأظـــل أحبـــــــك
فـــأنــا ســـأحبــــك حتى تودعنـــي الأنفــــــاس.
❣️
رسيل :(ضحكت) أها يا أحمد شوقي ...
فادي :لا أنا فادي شوقي حبيب رسيل وبكرة حأبقى زوجها ♥
رسيل :(خجلت وسكتت)
فادي :ي السمحة مشيتي وين ...
رسيل :كيفك اليوم وكيف امسيت ...
فادي :لييه داايما بتتهربي من الكلام العاطفي والمشاعر المرهفة م رومانسية خالص خالص 😒😒على العموم كويس انا انت كيفك كويسة ...
رسيل :الحمد لله بخير
فادي :بالمناسبة انا رومانسي جدااا جداا وبحب الرومانسية من اسي اعرفي ههههه....
رسيل :وأنا عكسك ما رومانسية ولا بعرف اترومنس ...
فادي :هههههههه ما مشكلة بعلمك انا حبيبتي 😉