Konimex tumani Shurkul MFYda sog‘lomlashtirish ishlari davom etmoqda

Ayni kunlarda Konimex tumani Shurkul mahalla fuqarolar yig‘inida “Salomatlik oyligi” doirasida keng qamrovli tibbiy tadbirlar o‘tkazilmoqda. Tadbir doirasida tuman tibbiyot birlashmasining tor soha mutaxassislari hamda Katagan oilaviy shifokor punkti xodimlari hamkorligida kambag‘al oila ro‘yxatiga kiritilgan fuqarolar chuqurlashtirilgan tibbiy ko‘rikdan o‘tkazilmoqda.

Mazkur sog‘lomlashtirish ishlari aholining salomatligini yaxshilash, kasalliklarni erta aniqlash va profilaktik chora-tadbirlarni amalga oshirishga qaratilgan. Ko‘rikdan o‘tgan fuqarolarga zarur maslahatlar berilib, kerakli davo muolajalari belgilab berilmoqda.

Tadbir mahalliy aholi tomonidan iliq kutib olinib, salomatlikni asrash borasida muhim qadamlardan biri sifatida e’tirof etilmoqda.