#سالفتنه_اليوم

الي بكَلب الضيف يقراه المعزب


بالخمسينات احد الشيوخ فد يوم اجاه خطار --- وطلب يلتقي بالشيخ --- فتلكاه ابن الشيخ اهلا وسهلا دخله للمضيف وشرب كهوه --- واجه الشيخ رحب بيه وبكامل الضيافه والعزوبيه فسأل الشيخ الضيف ابوفلان زيارتك هاي شرفتنا بيها وانت صاحب الفضل وخاف عندك شي تأمرنا بيه احنه خدام ---
كال الضيف للشيخ تسلم ابوفلان بس اني عندي حاجه اريد ابيعه الك لان محد يستاهلها ويقدرها غيرك.. كاله شنهي الحاجه وبيش ؟؟؟
رد الضيف كاله الحاجه هاي الابرة البنسلين واريدها بعشر دنانير كام انطاهه للشيخ -- الشيخ باوع عليها وخلاها تحت السجاده --- وصاح على ابنه كله بويه روح على امك كلها اطلع من الصندوق عشره دنانير وانطيها لعمك.
وره شهر سأل الابن ابوه الشيخ كاله بويه الشيشه الي اشتريتها من خطارنا اني ضميتها لان انته نسيتها وصارلي شهر اباوع عليها ماعرفت شنو الغالي بيها اشو مبين بيها ماي من النهر---- كاله بويه خطارنا جان محتاج فلوس واجه جايب ماي وجهه بالشيشه ولان هوه ابن جواد ومحترم وابن خير ماراد ينزل ماي وجهه كدام ناس ماتستاهل ويطلب منهم لان الوكت ضنكه شويه... اجاني واني يابويه موغشيم اشتري ابره بنسلين مابيها دوه بعشر دنانير وهي سعرها بخمس فلوس بالصيدلية وتاخذها من المستوصف بلاش بس مادام ظن بيه خير ودك بابي طالب شي مالازم افشله لواعرف ابيع اهدومي.... والمثل ايكول ----
(الي بكَلب الضيف يقراه المعزب )

#سالفتنه_اليوم


لاهادها ولامعارك بيها

چان اكو واحد اغم لايهش ولاينش ومابيه خير ورث تفگة من ابوه وعلگها بالمضيف وگاعد يمها ويوميه ينظف بيها ويگول الج يوم اسمع حسج يلعلع


تابعونا من على قناة خدام العقيلة

#سالفتنه_اليوم


لاهادها ولامعارك بيها

چان اكو واحد اغم لايهش ولاينش ومابيه خير ورث تفگة من ابوه وعلگها بالمضيف وگاعد يمها ويوميه ينظف بيها ويگول الج يوم اسمع حسج يلعلع وماعنده سالفة غير سالفة تفگة ابوه وثابر الوادم ثبيره المهم وبيوم من الايام العرب البصفهم غارت عليهم ورادت تاخذ حلالهم وصارت هوسه بديرته وصوت الفشك للظالين والناس انوخذت وصاحبنة ينزّل التفگة ويرجع يعلگها أجاه ابن عمه يركض وگاله خوية اطني التفگة اعارك بيهة ، گاله لا آنة اعارك بيها !! ورجع أجاه اخوه الازغر منه وگاله خوية اطني التفگة خايب الگوم خذتنه خلي اعارك بيها ، گاله : اها انت تحجي صدك چا آنة بيش اعارك !!
لحد ماطبولهم الغزو واخذوا الاول والتالي منهم وصار صاحبنة مثل للوادم
(لاهادها ولامعارچ بيها )

شاهد سالفتنه

اكو هواي ناس شايخين و مچلبين بسوالفهم التعبانه احنا وحنا وبس تسفيط حجي ويتگلبون على الوادم وهمه رجل دجاجه مايحلون وكل خير مابيهم مثل صاحبنة ابو تفگه ولابيهم خير ويفيدون الناس ولا تاركين سوالفهم التعبانه وحامين ديرتهم وناسهم ومجلبين بيها اتجلب ولامنطينها لناس عدها خبرة وتتحمل المسؤولية بعملها بحماية ناسها وديرتها وهايه السالفة يخوتي صارت مثل

لاهادها ولامعارج بيها

#سالفتنه_اليوم

(فرس مردان)

يسولفون اهلنا عن واحد من العرب راد بنت الشيخ والبنية هم رايدته وحلفت ماتصير لغيره
بس ابوها واحد طاغي وكلش زايم بروحه
كل مايخطبها الولد مايرضى
ماخله لاسيد ولا خيّر مانگله بالخطبه والابو الشيخ معصي ماينطيها ..

تابعونا من خلال قناة خدام العقيلة

#سالفتنه_اليوم

(فرس مردان)

يسولفون اهلنا عن واحد من العرب راد بنت الشيخ والبنية هم رايدته وحلفت ماتصير لغيره
بس ابوها واحد طاغي وكلش زايم بروحه
كل مايخطبها الولد مايرضى
ماخله لاسيد ولا خيّر مانگله بالخطبه والابو الشيخ معصي ماينطيها ..
الشيخ عنده صركال خبيث گاله
_امحفوظ انت عليش يوميه اتردلك مشيه ؟
اطلب عليه طلب تعجيزي حتى بعد مايجيك
الشيخ گال
_مثليش؟ شوفلي طلبه كون اگطع نيطه بيها
جاوب الصركال
_سهلة اذا اجاك انوب گله مهر بنتي فرس (مردان )..
وطبعاً هذا مردان شيخ عشيرة وفارس همام يحمل كل صفاة الرجولة والفروسية من شجاعة وكرم واصالة
وعنده خمسين فرس بس بيهن وحدة امخيرة هي الي شرطها مهر لبنت الشيخ ..
گول الولد مامأيس وهم جاب مشية من الاجاويد والسادة واجه يخطب حبيبته
هنا گال الشيخ
_ آنه موافق بس مهر بنتي فرس مردان
گالو المشيه
_شيخ هذا مو مهر هاي طردة فرس مردان منهو يوصلها
المهم گام الولد اعلى حيله وگال
_ابشر عز الله اذا مااجيب فرس مردان لفلانة آنه مااستاهلها ..
ثاني يوم غبش وگصد ديرة الشيخ مردان وهي بعد عن ديارهم ممشه عشرين يوم
گول وصل العصر وطب للمضيف لگاه عاجد من هالزلم الخشنة ومردان متوسط المضيف ويرهب هندامه وشكله
المهم عزبوه ثلاث ايام مثل عادة العرب ووراهن سأله الشيخ
_انت شنو من الضيوف محتاز شي نكضيه الك
گاله
_شيخنه انه وحيد ومطرود من سلفي واريد كرمك تشغلني عندك ابزاد بطني
الشيخ گاله
ابشر انت تبقى عندي تاكل وتشرب وتنام بالمضيف وحتى شغل ماتشتغل
ظل على هالحالة خمس ايام
تفگد المچان وشاف الفرس الجاي اعليها ..
الفرس بيها سايس ومربوطة بحديد واسطبل عليه حراس ..يعني الشغلة كلش صعبة
گام صاحبه صادگ السايس گام يطلع وياه ايعلج للخيل وعرف دروب السلف كلها..
السايس يوميه يروح يورد الخيل من نهر يحيط بسلف مردان وهذا النهر عريض وماتطفره بس هاي الفرس المطلوبة للمهر..
لكن السايس من يطلع يوردها يربط رسن الفرس على خصره يعني يتحزم برسنها احزام
صاحبنه گام يرافجه للماي ..
يوم اثنين ثلاثة خلاه كلش يأمن بيه ..
ذاك اليوم طلعو للنهر سوه روحه كلش مريض وطاح بالگاع وكام يبحث بالتراب من الوجع
فهذا السايس انكسر خاطره عليه لانه صار صديجه ويحبه ..گام فل الرسن من حزامه واركبه على ظهر فرس مردان المخيره ..
هذا صاحبنه طك الفرس بالرسن وهيه هذبت وبعد فرس مردان واعرف
تعال اعلى النهر طفره وطلع گبل
ركض السايس شحرج يمعود يكتلني الشيخ ولك يذبحوني ..ماكوو
آخر شي گاله روح ولك انت گطعت سبيل المعروف ...
اجت هاي الحچايه ترس اذن صاحبنه وره ماامن محد يلزمه دووم ...
وگف ودار وجه الفرس ورد بسرعته عليهم ..
طبعا بهذا الوكت السلف كله طلع يشوفون الخطار الاخذ الفرس وشرد بيها ..
المهم شافوه من رد ..فزعو اعليه كلهم يردون يكتلونه
مردان مارضى كلهم ولكم خلي اشوف شنهو سالفته
جابوه لمردان گاله
_ ليش رديت وانت اخذت الفرس ومنعت والدنيا كلها ماتلحكك بعد
گاله
_والله امحفوظ كسر ظهري السايس بچلمته من شردت وأيس مني گال روح انت گطعت سبيل المعروف ...وماتحملت هاي الچلمة وانا اعرف روحي بزرة حلال ..
گاله مردان
_ليش نهبت الفرس شلك بيها وهي معروفة فرسي وين ماچان
عاد سولفله سالفة البت العشگها وطلبة ابوها مهرها فرس مردان ..
گاله عز الله ابشر فرسي واني اروح بالمشيه وگي مرتك اعليه ...
وفعلا مردان گطع ويه الولد هو ووجوه العشيرة وخطبو البنت وانطو لبوها الفرس ومن شاف الولد نفذ طلبته عرف مابيها مجال يرفض رجع الفرس لمردان ووافق على زواجهم

#سالفتنه_اليوم

(زقوم)

يكولون

بسنة زمان الجان الملح والزاد يغزر والبيه معروف

اكو واحد خير يكول جنت جوعان ورحت الواحد برأس السوك يسوي صويخات (يعني يبيع تكة لحم) اكل يمه كلتله سويلي عشر أصياخ وبيومها لكيت واحد

تابعونا من خلال قناة خدام العقيلة

#سالفتنه_اليوم

(زقوم)

يكولون

بسنة زمان الجان الملح والزاد يغزر والبيه معروف

اكو واحد خير يكول جنت جوعان ورحت الواحد برأس السوك يسوي صويخات (يعني يبيع تكة لحم) اكل يمه كلتله سويلي عشر أصياخ وبيومها لكيت واحد فقير وملابسه وصخه أنكسر خاطري عليه
كلتله تعال ياولد تاكل وياي وجان يطفر وكعد يمي مديت ايدي على أول صيخ بعدني مامخلصه وصاحبي أكل التسع أصياخ
كلها كلتله اسويلك بعد كال لا شبعت
وسألني انت شسمك كلتله اسمي زقوم
كال والنعم وراح وبعد سنة رحت للحج والحج كان على البعير وقوافل من رجعنه لكينه قطاع طرق سلبونه اني كنت بآخر قافله وكنه ثلاث قوافل سلبوا اثنين من عدنا واني كنت بالقافله الثالثة وجان يوكف يمي القائد مالهم كلي شسمك كلتله وشتريد من أسمي قابل تريد اتناسبني اخذ سلبك التريده وروح
كال أني ماادري وين شايفك وظل يباوع عليه ويتذكر
كالي اذا مامتيه انت مو زقوم
كلتله أي اني هو زقوم
وجان صاح على جماعته قطاع الطرق رجعوا السلب مال قافلة زقوم ولحد يتقرب يمها وكلتله جا والقافلتين الراحن هذوله هم ربعي كال الجماعته الحكوهم ورجعولهم سلبهم الخاطر زقوم



👇👇👇👇👇👇
شاهد سالفتنه
هذا قاطع طريق وغزرن بيه الصيخات ورد الجميل الزقوم
هسى شكثر عدنا نكرو فضل زقوم وماغزر بيهم الملح والزاد بلوه

#سالفتنه_اليوم

#التاجر

اكو تاجر جانت عنده محلات واملاك واموره
كلش زينه بعد فتره من الزمن كامت بظاعته تنقص شويه شويه وصار عنده نقص ظل يبيع من املاكه حتى يشتري بظاعه للمحلات مالته ويسدد الدين العليه للتجار ويوم اعلى يوم اموره تعبت من شاف نفسه اتظايق واصبح


تابعونا من خلال قناة خدام العقيلة
اطيب التحايا

#سالفتنه_اليوم

#التاجر

اكو تاجر جانت عنده محلات واملاك واموره
كلش زينه بعد فتره من الزمن كامت بظاعته تنقص شويه شويه وصار عنده نقص ظل يبيع من املاكه حتى يشتري بظاعه للمحلات مالته ويسدد الدين العليه للتجار ويوم اعلى يوم اموره تعبت من شاف نفسه اتظايق واصبح مطلوب للتجار كال خلي الحك على نفسي وبيع البقن عندي وسدد الناس التطلبني احسن ماانشهر بين التجار
هذاك اليوم باع العنده والماعنده وصبح كلشي ماكو لافلس ولاعانه وظل كاعد بالبيت
شيسوي بعد كتله الجوع والبيت يريد منه وهو مايعرف غير شغلة التجاره ظل يدور على شغل شاف مسطر العماله كال باجر اغبش ويه هايه الوادم وحالي حالهم صدك غبش من الصبح للمسطر اجاه واحد كاله عمي تشتغل كاله اي اشتغل شعندك من شغل
كاله اريدك تنظف السبتتنك يعني البلوعه قبل جانت ماكو مجاري مثل هسه راح ويه الرجال من وصلو كاله الرجال هايه البلوعه
افتحها ونظفها وانطاه سطل وحبل وكله اريدها كون فارغه وهذا التاجر ظل صافن عليه ويكله صار تدلل كول صاحبنه ابو الدلال التاجر شد احزامه وفتح البلوعه وظل يسولف ويه روحه
كال اي ياروحي هسه تنزلين وتنظفين البلوعه لو اذبج بل انكس منها
هذا الرجال ابو البيت كاله شو تحجي ويه روحك اكو شي كاله لا بس اسولف ويه روحي كاله الرجال شسولف كاله التاجر هاي سالفه خاصه بيه مااكدر اسولفها اصر الرجال وقسم عليه ان يعرف سالفته
كاله سالفتي اني جنت تاجر ودارت الدنيا بيه
وهسه اسولف ويه روحي اكلها تنزلين تنظفين البلوعه لو اذبج بل انكس منها
كاله وشنهي الانكس منها
كاله التاجر الانكس منها الجداوه واني مااريد ابيع ماي وجهي
ابو البيت انقهر وكاله هاي يوميتك وباجر اطلع غيرك
رفض التاجر كاله لا مااقبل اذا قبلت اليوم باجر شلون

عماله تالي الشيب وبعمر ستين
اهون ولااطخ راس واسوك بدين

يوم الك يوم عليك يوم اعله غيرك
الدنيه_ من _ ادور _ ما تستشيرك

#سالفتنه_اليوم

الشيخ المتعوب


كان بزمان گبل جان اكو شيخ عشيرة  خير ومعدل بس عمامه حيل متعبينه بالمشاكل والطلايب وتعبوه كلش وظل حاير شيسوي يرحل ويعوفهم لو يكتلهم لو يتحمل مشاكلهم وطلايبهم


تابعونا من خلال قناة خدام العقيلة اطيب التحايا

#سالفتنه_اليوم

الشيخ المتعوب


كان بزمان گبل جان اكو شيخ عشيرة خير ومعدل بس عمامه حيل متعبينه بالمشاكل والطلايب وتعبوه كلش وظل حاير شيسوي يرحل ويعوفهم لو يكتلهم لو يتحمل مشاكلهم وطلايبهم ف جزعوه كلش وطلعت روحه منهم
و يوم من الايام گعد الشيخ من الصبح وحيل مغثوث ومختنك طلع ايدور على شخص يثق بيه و يفتهم و يشكيله حاله
راح يم جرف الشط تذكر عنده شيخ صديقه بالجهة الثانية وگف على الجرف وگام ايصيح بصوت عالي شيخ فلان شيخ فلان طلع الگهوچي مال الشيخ شافه عرفه
رجع للشيخ گله محفوظ هذا رفيجك شيخ فلان ايناديك اعبرله بالبلم اجيبة
الشيخ كله لا بابا مايصير هذا شيخ و اني اعبرله اجيبه
الشيخ ركب البلم وعبر للصوب الثاني حتى ايعبر الشيخ يصعده بالبلم وصعده وعبر الشط
من وصلو للصوب الثاني كله رجعني رجعه و من وصل للجرف كله لا اخذني يمك وكرر الحاله اكثر من خمس مرات والشيخ متحمل وساكت لحد ما عبرو ودخلو المضيف وقاموله بواجب الضيافه والشيخ ساكت ماحجه
الگهوجي سأل الشيخ كله محفوظ من ركبتو البلم كمت توصل الجرف وترجع ليش
الشيخ مو يعرفلها ويفتهم شيريد صاحبه الشيخ ردللكهوجي كله ابني هذا الشيخ عنده مشكله ويفكر وحاير ومتردد مايكدر يحجيها هذا الشيخ عمامه متعبينه وحاير شيسوي واجاني ايريد يستشيرني الشيخ دز الكهوچي مالته كاله بابا اني اعرف شلون احلها روح جيب سيفي وعباتي اريد اقدمهن للشيخ هديه
راح الكهوجي وجاب العبايه والسيف وخلاهن كبال الشيخ مالته
الشيخ شيلهن و خلاهن كدام صاحبه الشيخ المتعوب
كاله ياصاحبي اخذ هديتك
بهاي اللحظه الشيخ يباوع على السيف والعبايه ويفكر وبالاخير قرر الشيخ المتعوب ياخذ العبايه وعاف السيف وعرف الشيخ شنو يقصد بهديته للسيف والعبايه وعرف شنو النصيحه الي قدمها اله الشيخ
وكاله شيخ هسه رجعني لديرتي ورجعه •
بهاي اللحظه الگهوجي رجع سأل الشيخ كاله محفوظ شلون عرفت هذا الشيخ عنده مشكله ويه عمامه وليش قدمتله سيفك وعباتك وليش اخذ العبايه وعاف السيف .......
رد عليه الشيخ گاله ابني من شفته حاير ومتردد عرفت صاحبي مهموم و عنده حجي والمشكله ويه عمامه لان مايريد يفضح عمامه ويخرب سمعتهم ومو ياهو اليجي يحجيله سالفته
ومن قدمتله السيف والعبايه شفته وعرفته حاير ويفكر بالرحيل عنهم وانطيته حلين لو يقاتلهم لو يجمعهم ويصبر عليهم
گاله اخذ العبايه وعرف انو لازم يجمعهم

شاهد سالفتنه ورباطها

الي ايريد ايصير شيخ ويصدر المشهد لازم يجمع عمامه ويسمع منهم ويحترمهم ويصبر عليهم ويصلح بينهم مو ايفرقهم ويسلط عليهم ويتكبر عليهم
ويقول الشاعر
السيف لولا الجنايد ثكيل ما ينشال
ويضيع دمه هدر الماوراه ارجال

تحياتي الى كل العشائر العربية الأصيلة

#سالفتنه_اليوم

(  كل واحد ياخذ طبع أهله )

يگلك  أكو واحد .. مسافر وتاه بالطريق .. فشافله خيمه .. فگال خل احول يم أهل هاي الخيمه .. فطلعتله مره..گالتله منين الغريب؟ ... گلها .. ضيف
گلتله .. أهلا..وسهلا .. وياكل المراحب بيك تفضل ..


تابعونا من خلال قناة خدام العقيلة اطيب التحايا

#سالفتنه_اليوم

( كل واحد ياخذ طبع أهله )

يگلك أكو واحد .. مسافر وتاه بالطريق .. فشافله خيمه .. فگال خل احول يم أهل هاي الخيمه .. فطلعتله مره..گالتله منين الغريب؟ ... گلها .. ضيف
گلتله .. أهلا..وسهلا .. وياكل المراحب بيك تفضل .. قدمتله الشراب والاكل ..
فجأة اجه رجلها ..ماسلم طب على مرته گبل ... گلها منو هذا ... گلتله .. ضيف
گلها .. لا أهلا ولا مرحبا بيه .. مالنا والضيف ! فهذا من سمع رجلها خله وطلع
لهناك شافله خيمه.. فراح ليها ...تلگاه صاحب الخيمة .. گله منين الغريب .؟. گله ضيف .. گله أهلا وسهلا ..وياكل المراحب بيك تفضل ..فقدمله الماي والزاد .. فزوجة هذا الرجال گالت الرجلها منو هذا .. گلها ضيف ..گلتله لا اهلا ولا مرحبا بيه مالنا والضيف ! فهذا تعجب وظل يضحك .. گله ابو البيت ليش تضحك فسولفله گله مريت بناس المره رحبت بيّه والرجال تضايك ومريت بيكم الشغلة بالعكس
گله لاتتعجب .. ذيج المرة تصير اختي .. ومرتي تصير اخت ذاك الرجال التضايك منك
وكل واحد ياخذ ب طبع أهله يخوي
اكل زادك
&&&&&&&

( أحنه- ))
عدنه اطباع خوش اطباع
بقت من ذيچ اهالينا @
طبع منهن نضحي الروح
بس للي يخاوينا @
وطبع منهن نصير شموع
نضوي دروب كلمن ينشد علينا@
وطبع منهن نصير سيوف چتاله
ونشگ صدر الي يعادينا @
ولانترك ربعنا بضيج
ولحد الموت نمشي ويه اليماشينا

#اثارينه
مثل عنبر
يطش بينه الوفه ويكثر
مو مثل حيايا البر 🐍
وي كل لون تتغير 🍂

#سالفتنه_اليوم

سالفــة العطار

سنه من السنين

يكولون

أكو واحد عطار يجي بالبلم يفتر على السلف يبيع تمر ورمّان وهلاشياء الما موجوده بالريف .... يقايضهم كيلو تمر بخمس كيلوات تمن عنبر لان گبل فلوس ماكو 


تابعونا من خلال قناة خدام العقيلة اطيب التحايا

#سالفتنه_اليوم

سالفــة العطار

سنه من السنين

يكولون

أكو واحد عطار يجي بالبلم يفتر على السلف يبيع تمر ورمّان وهلاشياء الما موجوده بالريف .... يقايضهم كيلو تمر بخمس كيلوات تمن عنبر لان گبل فلوس ماكو  فيشترون بالمقايضه ...عاد كلما يجي للسلف ينزل ببيت رجال  چبير السلف يذبحله الديچ  وتمن عنبر مطبك بالدهن الحر وتلتم الوادم واخونه يلفط وعنده ولد يبيع ... ما يطلع من البلم يخاف يبوگون الرمان ..عاد مره اجاهم و چان ما عدهم شي اهل البيت گامو وذبحو الديچ
والمره لهوجت العشه وقدمته الهم وضلو جهالهه بدون عشه گالتلهم نامو يمه عيب من الخطار تبچون .....لكن عندهه ولد  شيطان گال الصاحبه ولك هذا يوميه يجينه
وما يوم ذبلنه كيلو رمان بس يلفط ويروح خلّي نسوي بيه دگه كون ما ينساهه ... گال الصاحبه روح جيبلي مطّال مكرم السامع كون بعده ما يابس ما يوج بسرعه عاد جاب المطال وشعله وضل ينفخ والدخان گبّر بالبلم لان البلم چان مغطّه مو مكشوف
عاد كلما الولد ابو البلم يختنك يطلّع راسه من الغطه صاحبنه يبوگله جم رمانه
ثاني يوم ابو المضيف گال المرته ولچ هذا ابو البلم ما نطاكم رمان گالتله لا ولله يبو فلان بس يلفط الديچ ويمسح بذيال الفراش ....عاد اجه الولد گله بويه انطيني الامان گله گول گله البارحه هيچ سويت ....خنگت البياع بالدخان وبگتلي چم رمانه وجبتهن لخوتي لان نمنه بدون عشه

شاهد سالفتنه

هسه احنه منين انجيب النه واحد يسويلنه دخانه تعمي عيون الحراميه
بلكي نرجع شويه من فليساتنه الباگوهن ...!!
بلوه
ولكم والله تعبنا

#سالفتنه_اليوم

سالفة الفلاح و الوالي

في سنه من السنين

يكولون

چان أكو فلاح يزرع رگي سمع سعر الرگي زين بالولاية فحمل رگياته وزماله بالبلم وراح للولاية عن طريق النهر، من وصل وطبگ على الشط وگام يفرغ من البلم ويحمّل على الزمال


تابعونا من خلال قناة خدام العقيلة اطيب التحايا

#سالفتنه_اليوم

سالفة الفلاح و الوالي

في سنه من السنين

يكولون

چان أكو فلاح يزرع رگي سمع سعر الرگي زين بالولاية فحمل رگياته وزماله بالبلم وراح للولاية عن طريق النهر، من وصل وطبگ على الشط وگام يفرغ من البلم ويحمّل على الزمال يريد ياخذ الحمل للعلوة وبهاي الفترة چان اكو والي مهتم بحقوق الحيوان وما يقبل واحد يضرب الحيوانات ومصدّر قانون كل واحد يخالف يسجنه أربعين يوم
فصاحبنة حمّل الرگيات وطلع وبنص الطريق طنگر الزمال فوگعله دگ بالخيزرانة ، ابو صابر مطنگر وقافل والفلاح مايدري بالقرار ومن حظه الفگر الحادثة صارت جدام بيت الوالي وشافه من الشباچ فدز الحراس جابوا الفلاح وگالوله ليش تضرب الحيوان المسكين ؟ گال الحيوان مالي وبكيفي ، گالوله لعد أمشي الوالي يريدك ، جابوه للوالي وگاله : ليش تضرب الزمال ما تدري آني مصدّر قرار أي واحد يضرب حيوان اسجنه اربعين يوم ،
هذا الفلاح خاف من السجن
فدنگ على راس الزمال وباسه وگال :
أعذرني سيادة الوالي اني ما ادري
هذا الزمال من گرايبك لو من حبايب
أمك الله يرحمها !!

ههههههههههههههههههه

هسة رباط سالفتنة

من تروح لدائرة رسمية تخاف تحچيلك وية موظف حتى لو مطي وما يعرف يقره ولا يكتب خاف يطلع من گرايب المدير
وماكلين من نفس العلف
ولكم سهلوا على الوادم
من الله لايسهل عليكم
ويسلط عليكم من لايرحمكم
انشاء الله
اقصد البعض
هذاك اليوم صارت عندي شغله يكلي بحبحها ولك شبحبحها اجرة ماعندي
يكلي وروح أخميس أخسر والدولار صاعد ١٦٠ هههههههه ولكم فلك ماصاير

#سالفتنه_اليوم

#الكصاب

اكو أخوان اثنين عدهم صديق كصاب بالسوك  من يروحون للسوك يمرون عليه ويشترون من عنده كل واحد منهم ياخذ نص كيلو لحم  على اعتبار صديقهم ويداريهم وهذا الكصاب يحطلهم عظمه على شحمه على كرواطه وشويه لحم ويخليها بالعلاكه وينطيها الهم من يوصلون للبيت النسوان



تابعونا من خلال قناة خدام العقيلة اطيب التحايا

#سالفتنه_اليوم

#الكصاب

اكو أخوان اثنين عدهم صديق كصاب بالسوك من يروحون للسوك يمرون عليه ويشترون من عنده كل واحد منهم ياخذ نص كيلو لحم على اعتبار صديقهم ويداريهم وهذا الكصاب يحطلهم عظمه على شحمه على كرواطه وشويه لحم ويخليها بالعلاكه وينطيها الهم من يوصلون للبيت النسوان يظلن يحجن عليهم هاي شنو شمخليلكم صاحبكم رجعو عليه اللحم
رجعو الجماعه و كالوله انت شمخليلنه شو بس عظم وكرواطه وشحم
كلهم سهله هاي راح اداريكم هم حط كرواطه على عظمه على لحمه على شوية شحم من باب التغيير ولفاها بعلاكه وكلهم هسه بعد نسوانكم ما يكدرن يفكن حلكهن ضاجوا منه كلش ومارادو يخربون وياه ورجعو للبيت
فد يوم إجاهم ابن عمهم من غير محافظه يشتغل كصاب
كلوله الله جابك عدنه كصاب صديقنا كلش مأذينه ونريدك اليوم تروح ويانه للسوك نشتري من عنده
كلهم مو تتدللون .راحوا همه وابن عمهم الكصاب للسوك
سلام عليكم وعليكم السلام
كلوله اليوم جبنالك واحد كصاب ونريده هو الي يحط اللحم النه
كلهم هاي بسيطه ما يصير خاطركم الا طيب تفضل خويه هذا الساطور وهاي السجين وهذا اللحم و الميزان كدامك وانت انطيهم ابن عمهم الكصاب شكل دشداشته وردانه وأخذ الساطور وطاب طيب وبالك عنه جاب شحمه وعظمه وكرواطه ولفلفهن بعلاكه وكلهم هسه امشونه
كلوله خايب جا انت شسويت يامغسول
لوظالين على لحمة صاحبنه الاوليه اهواي احسن
كلهم صاحبهم الكصاب آنه من كلتولي كصاب كلبي برد لأن احنه ماخذين شمره
على هالوضعيه....

شاهد سالفتنه ورباطها
تره سالفتنه نفس
سالفة الكصاب
ونفس اللحمه والشحمة والعظمه
ونفس الوضعيه
و حتى الكرواطه ماتشوفونها بعد

خو ما جبنا طاري الگصاصيب؟😁