KFUPM Files

بداية التوفل مقدور عليه لكن يحتاج وقت وجهد
مهما كان مستواك في الإنجليزي إذا ذاكرت بتقدر تحل لأن غالبا يجيك نفس الأفكار ونفس مستوى التدريبات.

Listening:
أول قسم في الاختبار ما انصح تعطيه كثير من وقت المذاكرة لأن ما يحتاج فهم بكثر ما يحتاج تركيز. اهم نقطة لازم تمر على التكنيكات وتعرفها وغالبا في الاستماع راح يجيبوا لك الاجابة نسخ لصق اللي سمعتها بالعكس لو شفت اجابه نفس اللي سمعتها ٨٠٪؜ تكون الاجابه ذي غلط.

أيضا في تكنيك كنت استخدمه وما اشوف احد يتكلم عليه هو اختيار اول اجابه جات ببالك، ثق بإحساسك ولا تفكر كثير وتطول وانت تختار لأن الأسئلة بتجي ورا بعض، حتى لو ما عرفت اجابه سؤال شوز أي شي على الأقل تغلط بواحد ولا تفقد تركيزك وكمل ع اللي بعده ع طول.

Written structure:
هذا أكثر قسم يحتاج مذاكره ومذاكره بفهم. بعد ما تتعلم المهاره تدرب عليها بعدها انتظر يوم كامل وارجع حل تمارين مختلفة عشان تتأكد انك فاهم المعلومة صح. أغلب الناس بعد ما يدرس المهاره يحل كل التدريبات مره وحده وهالشي غلط لأن طبيعي بتحل صح وانت دوبك فاهم الكونسبت. عشان كذا الكونسبت تدرب عليه كم يوم ارجع اختبر نفسك فيه، وأخطائك حط عليها هايلات عشان تعرف وين نقاط ضعفك واطلب من دكتورك يشرح لك إيياها عشان تتأكد انك فاهم ١٠٠٪؜ كمان بحط لكم لينك قناه تشرح القواعد بالعربي كنت معتمده عليه بمذاكرتي.

https://youtube.com/@smartenglisha1?si=nLeM3ex3ZEXRk5-k

Reading:
بالنسبة لي اشوفه اصعب قسم. الكلام كثير ويكون في نهاية الاختبار ويجيك دسم جدا لكن على صعوبته الا انك تقدر تحل الاسئلة حتى لو انت مو فاهم القطعه. ما انصح تقرأ القطعه كاملة لأن بيضيع عليك وقت طريقتي في الحل كانت كالتالي:

اولا اسحب ع اول سؤال لأنه غالبا يكون عنوان القطعه او المفهوم وهالشي يحتاج تقرأ القطعه كاملة. ابدا بكل سؤال واقرا المطلوب احاول تعرف بأي فقرة راح الاقي الحل وسؤال ورا سؤال الاقي نفسي فهمت القطعه كامله وارجع للسؤال الاول واحله.

اما بالنسبة للمراجعة اذا خلصت الخمس قطع كامل - هالشي نادر - ارجع حلي واحاول استخدم استراتيجية استبعاد الخيارات الخاطئة. نصيحة أخيرة لا تتعمقون بالتفكير فيها غالبًا اول حل يجي ببالك هو الحل الصحيح لا تشكك في حالك وحاول ما تغيره كثير.

نصيحه مهمه في المذاكره:
الاختبارات التجريبية لا تروح التوفل الا وانت حاللها لانها تقريبا نفس الاختبار بعد ما تشوف درجتك فيها حاول تعرف اش اكثر قسم انت تعاني منه؟ وإيش أكثر مهاره انت ضعيف فيها؟ وارجع لها وحاول تذاكرها بطريقة مختلفة عن قبل او اطلب من دكتورك يساعدك فيها.

اهم نصيحه: التوفل مو اهم من الميد والفاينل التوفل ممكن يرفع قدريك لكن اذا كنت مخلص الميد راح يضمن لك هالشي راجع بدرجه الميد والفاينل لذلك حاول تعطي الاولوية لهم وفقكم التوفيق يا رب.

Written by:
saba @saai9_4

❤21👍9

27.6K views11:45

KFUPM Files