اي اوبشن اسمه طويل كدا بيبقى غالبا جهات خارجية مش مركزي

بعض التفاصيل الغير مكتوبة في الإعلان😂
بعد ما تختم ختم النسر من الدور السادس، هتروح ادارة التكاليف و الاحصاء اللي قدام عمليات القلب و الصدر (نفس مكان مكتب د.منال المصري بس الدور اللي فوقيه)، و بمجرد ما تخش هتلاقي على شمالك سلم كدا اطلع على الدور الرابع في الادارة على مكتب الحسابات او اسأل على استاذ اسامة أو هيثم أو حد تالت مش فاكر اسمها دول موظفين مكتب الحسابات، يمضولك على الوصل الأول، و بعدها انزل الخزنة بس مش اللي في اخر الطرقة لا الباب اللي قبله، هتدفع الفلوس و تديك وصلين واحد اخضر و واحد احمر، الاحمر هتستلم بيه اللوج بوكات بعد ما تتراجع، الاخضر دا تخليه في مكان مأمون و معروف عشان دا اللي هتستلم بيه الشهادات في الاخر خااالص بعد ما تمضي د.ايمان فؤاد و تاخد فورم المراجعة من عندها
..
الشؤون فاتحة من الحد للخميس من ٩ ل ٢ بس اخرهم في استلام التقديمات واحدة

معلومة اضافية من مكتب د.منال (بقى اسمه مكتب د.ايمان فؤاد دلوقت)
احنا مش بنروح من نفسنا نقدم اللوج بوكات، هم بينزلوا جداول بمين ييجي و في فترات ايه... قالتلي بالترتيب، بس معرفش قصدها الترتيب التراكمي بتاعنا ولا ترتيب أسبقية التقديم زي ما شئون الامتياز قالولي

مساء الخير يا جماعة.

ده link ل spreadsheet نجمع فيه أسماء الناس اللي هتدخل امتحان فبراير عشان نقدم طلب عشان الإمضاء.

يا ريت نزود أسماءنا.


https://docs.google.com/spreadsheets/d/1DH8IfSfq2Cw0JjvJ33KDU5ai9r78FT5x-5rBsqx3SKs/htmlview

دلوقتي بدأوا يجهزوا الموقع لتسجيل الرغبات بس لسه مفتحش كاملا و مفروض يفتح الايام الجاية
المطلوب دلوقتي الناس ترفع صورة البطاقة لان الخطوة دي بتاخد وقت شوية علي ما يتحققوا منها
انما الاحتياجات و الرغبات لسه بيجهزوا فيها

1- لو مكنتش مسجل بيانات
للاسف هتعرف ترفع البطاقة دلوقتي بس متقلقش لما الموقع يفتح كاملا هتعرف تسجل ان شاء الله

لو مسجل بيانات قبل كده خش علي صورة البطاقة

2- خطوة رفع صورة البطاقة
ده اللينك
http://mhealthatb.cu.edu.eg/AdminstudentDataNational.aspx
هتختار الجامعة
تكتب الرقم القومي و دوس "ابحث بالقومي عن الاسم"
هتلاقي خانة تحتها اسمها الاسم دوس عليها هتفتح لك قائمة فيها اسمك بس
لو ملقتش اسمك يبقي لازم متأكد انك سجلت بيانات

بعد كده هتلاقي خانة الرقم السري
ده باسورد علشان تأمين بيه حسابك هتكتب باسورد تفتتكره
و امن حاجة اكتبه بره في نوت و انسخه في الموقع علشان ممكن و انت بتكتب في الكيبورد تغلط في حرف و لا مسافة و تتعب انك تغيره بعدها
هتكتبه مرتين خانتين فوق بعض

بعد كده خانة البطاقة
هتلاقي اول مربع قدامك هترفع فيه وش البطاقة

تصور بالموبايل البطاقة الاصلية الالوان مش صورتها
و تقص الصورة بحيث يبقي الصورة باين فيها البطاقة بس من غير اي حاجة جنبها
تختار browse و تختار الصورة من جهازك و بعدين upload

بعد ما تترفع هيجبلك "تم رفع الصورة بنجاح" مكتوبة بالاخضر

هتلاقيه حمل الصفحة من الاول و خانة السري فضيت ، متقلقش هتكتب السري تاني كأنك بتبدأ من الاول و ترفع الظهر بقي
هتنزل للمربع اللي تحت
نفس الكلام بتاع الصورة بتاع الوش بنفس الطريقة
و طبعا اتفقنا السري كوبي بيست متكتبوش

بعد ما تترفع هيجبلك "تم رفع الصورة بنجاح" مكتوبة بالاخضر

3- لو نفترض نسيت السري اللي كنت عامله فوق
هتروح لصفحة "نسيت السري"
http://mhealthatb.cu.edu.eg/AdminstudentDataNationalForForgetten.aspx
هتختار الجامعة
و تكتب القومي
و تختار اسمك
بنفس الطريقة اللي فوق

و تكتب السري الجديد بنفس الطريقة ، تكتبه بره و تنسخه في الموقع كوبي بيست
و ترفع البطاقة بنفس الطريقة

اجابة علي اغلب الاسئلة المكررة بخصوص رفع البطاقة

1- الموقع فاتح لرفع صور البطاقة طول ما هو فاتح لتسجيل الرغبات و بالتالي لما يفتح الموقع لتسجيل الرغبات قول معانا لسه اسبوعين علي الاقل

2- لو واحد بطاقته منتهية الافضل تروح تجددها علشان كده كده هتحتاج تجددها علشان ورق الترخيص و قلت قبل كده في بوست ورق الترخيص ان انت دلوقتي في نهاية الامتياز و الحق اختم الاستمارة من مستشفي الجامعة قبل ما تخلي بدل ما تحتاس بعد كده و لما تجددها ارفعها علي الموقع
و تجديد البطاقة فيه مستعجيل بعد يوم و فيه بعد 3 ايام يعني مش هياخد وقت كتير ان شاء الله

3- بالنسبة للي مسجلوش بيانات متقلقش لما الموقع يفتح لتسجيل الرغبات هيبقي متاح تسجل بيانات ان شاء الله

4- بالنسبة للمتزوجات علشان انا عارف هتسألوا كتير
لسه مفيش معلومة اكيدة لازم تكوني مجددة البطاقة متزوجة و لا لا بس اللي حصل السنة اللي فاتت انها مفرقتش ، فنستني لما الموقع يفتح لتسجيل الرغبات و نحاول نتأكد ساعتها و زي ما قلت فوق معانا وقت محدش يقلق و لو عايزه تريحي دماغك و تجدديها دلوقتي خلاص مفيش مشكلة معانا وقت

5- بالنسبة للي غير محافظة السكن
لو هي نفس المحافظة اللي سجلت بيانات علي اساسها خلاص ارفع البطاقة عادي
انما لو محافظة مختلفة غالبا مش هتفرق و نستني لما المقوع يفتح نتأكد ان شاء الله

- بالنسبة لمشاكل الموقع
6- لما تخلص تسجيل و يجبلك تم رفع الصورة بنجاح كده انت سجلت و تقفل الصفحة عادي
7- واحد كان مسجل بيانات و مع ذلك مش عارف يرفع البطاقة ، نستني لما الموقع يفتح للرغبات و ساعتها هيكونوا ضافوا باقي الاسامي
8- رفعت الوش مرتين او الظهرمرتين ، ادخل تاني و حاول ترفعهم تاني
9- الرقم السري غير مطابق يبقي ادخل علي لينك تغيير الرقم السري و ارفعهم تاني
ده اللينك
http://mhealthatb.cu.edu.eg/AdminstudentDataNationalForForgetten.aspx

10- مشكلة server error حاول تقلل جودة صورة البطاقة ، ابعتها لحد واتس و نزلها تاني هتلاقي جودتها قلت و ابقي حاول في اوقات الموقع مفيش ضغط عليه و جب من فون و كمبيوتر لغاية ما تظبط معاك ان شاء الله

11- طيب الموقع هيفتح امتي للرغبات
لسه مش معروف بس طالما بدأوا يجهزوا فيه كده يبقي قربوا يفتحوه

12- نصيحة بقي حاول تخلص من الورق المطلوب للترخيص قبل ما تتشغل بالرغبات علشان هتلاقي دماغك بتفكر في مليون حاجة و مش هتبقي طايق نفسك ولا الورق و لا الموظفين
شوف البوست ده و خليك مع رقم 1 لـ 12 بس + رقم 16 و بص علي اول صورة في البوست هتلاقيها ملخصة الدنيا

https://www.facebook.com/groups/286723126845889/posts/572172494967616/

الاوراق المطلوبة في مكتب د.ايمان فؤاد لاستخراج شهادات الامتياز:-
-ال ٦ لوج بوكات مختومين من المدربين و الادارات
-شهادة الانفكشن كنترول
-ملف بكبسون يتحطوا فيه
..
و يتسلموا بداية من النهاردة حسب الرقم اللي اتكتبلك لما قدمت على الشهادات في الشئون
-من رقم ١ إلى ٢٠٠ يسلموا انهاردة ١/٣ و يستلموها متراجعة يوم ٤/٣
-من رقم ٢٠١ إلى ٤٠٠ و ما قبله يسلموا يوم ٢/٣ و يستلموها متراجعة يوم ٥/٣
-من رقم ٤٠١ إلى ٦٠٠ و ما قبله يسلموا يوم ٤/٣ و يستلموها متراجعة يوم ٦/٣
-من رقم ٦٠١ إلى ٨٠٠ و ما قبله يسلموا يوم ٥/٣ و يستلموها متراجعة يوم ٧/٣
-من رقم ٨٠١ إلى ١٠٠٠ و ما قبله يسلموا يوم ٦/٣ و يستلموها متراجعة يوم ٨/٣
-من رقم ١٠٠١ إلى ١٢٠١ و ما قبله يسلموا يوم ٧/٣ و يستلموها متراجعة يوم ٩/٣
..
هكذا يعني بتسلم و تستلم بعد يومين

تعديل معلش... الترتيب كان يقصد بيه ترتيب الدفعة مش ترتيب التقديم🙂 شئون الامتياز غلطوا في دي معلش

التسجيل في النقابة

كام ملحوظة على الخطوات:-
*متستخرجش فيش موجه للمديرية دلوقت عشان لو الاستلام اتأخر ممكن صلاحيته تنتهي
.
*التجنيد بيطلبوا بردو شهادة الميلاد، لو فيها الرقم الثلاثي المدون في ال ٦ جند مش بيطلبوا ال ٦ جند
.
أي اصل معاك صوره و خلي معاك نسخة pdf نضيفة منه تطبعها في اي وقت، و اطبع صور يعني عشان بعض الاماكن معندهاش مكنة تصوير من فايل على اللاب عندهم فوتوكوبي بس

لأول مرة للأطباء حديثي التخرج دفعة ٢٠٢٣..تسجيل البيانات للقيد ومزاولة المهنة على الموقع الإلكتروني.
* فيديو توضيحي لخطوات التسجيل الإلكتروني
د. أحمد علي: خدمة جديدة تقدم تسهيلات للأطباء ودقة في مراجعة البيانات
..............................
يتقدم د. حسين خيري نقيب الأطباء وأعضاء مجلس النقابة العامة للأطباء بخالص التهنئة والأمنيات بالتوفيق للزملاء الجدد أطباء دفعة ٢٠٢٣.
ولأول مرة في تاريخ نقابة الأطباء تقدم النقابة خدمة تسجيل البيانات وتحميل المستندات المطلوبة للقيد في سجلات النقابة وترخيص مزاولة المهنة عن طريق الأطباء بأنفسهم على الموقع الإلكتروني للنقابة ويكون حضور الأطباء إلى مقر النقابة الفرعية أو العامة لتسليم أصول المستندات ودفع الرسوم فقط.
قال د. أحمد علي عضو مجلس النقابة العامة الأطباء والمشرف على تطوير النظام الرقمي والإلكتروني للنقابة، أن هذه الخدمة الجديدة المقدمة للأطباء حديثي التخرج ستسهل على الأطباء الوقت والانتظار في النقابات الفرعية والعامة لتسجيل البيانات ومراجعتها، كما ستكون البيانات أكثر دقة لأن الطبيب يقوم بتسجيلها بنفسه، وأضاف د. أحمد علي أن الطبيب بعد هذه الخطوة بالتوجه للنقابة الفرعية أو النقابة العامة لتسليم أصول المستندات التي قام بتحميلها إلكترونيا ودفع الرسوم وفي حالة حدوث أي خطأ من الطبيب في تسجيل بياناته يقوم بتعديلها عند حضوره للنقابة، وأضاف أن النقابة العامة للأطباء تستقبل مندوبي النقابات الفرعية كما تستقبل الأطباء من خريجي كليات محافظة القاهرة في الأيام المعلنة بالجدول رابط http://bit.ly/3ZxVydQ

وعن خطوات التسجيل على الموقع الإلكتروني عبر الرابط https://eservices.ems.org.eg/services قامت اللجنة الإعلامية بإعداد فيديو توضيحي علي الرابط https://youtu.be/40gxAFmvJfE

وشرح د. أحمد علي الخطوات في الآتى :
1- يقوم الطبيب بالدخول على الموقع الالكترونى للنقابة العامة للأطباء https://eservices.ems.org.eg/services
ويختار " عضو جديد ثم يختار من قائمة خدمات " طلب قيد بالجدول العام" .
2- يسجل الطبيب الرقم القومى له ثم يأكده ويقوم بعدها بتسجيل بياناته ويقوم بتحميل المستندات والشهادات الواردة فى البند التالى سكانر بصيغة PDF ، ما عدا الصورة الشخصية بصيغة Jpeg ولا يقوم الطبيب بإرسال البيانات والمستندات إلا بعد مراجعة ورقه بدقة .
3- المستندات والأوراق المطلوبة إرسالها عل الموقع ثم إحضارها إلى النقابة العامة أو الفرعية :
- استمارة القيد بجدول النقابة التى حررها الطبيب على الموقع بعد طباعتها .
- استمارة ترخيص مزاولة المهنة التى حررها الطبيب على الموقع بعد طباعتها .
- عدد 2 من أصل شهادة البكالوريوس .
- عدد 2 من أصل شهادة الامتياز .
- عدد 4 صورة شخصية .
- عدد 2 صورة من الرقم القومى .
- صحيفة حالة جنائية موجه لنقابة الأطباء " فيش وتشبيه " .
- عدد 2 صورة شهادة الميلاد .
- الموقف من التجنيد لوزارة الصحة
- نتيجة امتحان مزاولة المهنة .
4- توريد مبلغ وقدره 1000 جنيه ( ألف جنيه ) بالنقابة الفرعية أو العامة قيمة رسوم القيد أول مرة واستخراج الكارنيه ورسوم ترخيص مزاولة المهنة ومصروفات إدارية .
5- في حالة وجود أية أخطاء من الطبيب في تسجيل البيانات بعد إرسالها يحيط موظفي النقابة الفرعية أو العامة بها عند حضوره وسيتم تصحيحها.

يا ريت نملا الفورم دا ضروري بخصوص مشكلة موقع التكليف
https://www.facebook.com/groups/564650923710574/permalink/2500854623423518/?mibextid=Nif5oz

Emailing Graduation classification.pdf