Dasturlashda har doim ham biror "Error"ni yechimini topish uchun u darajada katta bilim va tajribali bo'lish shart emas.
Shunchaki "error message"ni o'qish kifoya. Deyarli barcha xatoliklar, qayerdan va nima sabab kelayotganini ko'rsatib turadi. Vahimaga tushmasdan, shunchaki nima yozilganini o'qib ko'rish kifoya.

#maslahat

@JoshDeveloper

Tajribali mentorlar bilan onlayn 1:1 uchrashuvlarni tekinga taqdim etayotgan saytni yuborib qolishdi.

Ishlatib ko'rmadim, ammo ko'rinishidan juda ajoyib.
Sayt linki: adplist.org

Ishlatib ko'rganlar bormi?

#tavsiya

@JoshDeveloper

O'zbek dasturlash olamida eng hurmat qiladigan insonlarimdan biri Farkhod aka Dadajonov bo'ladi.

Katta ilm ulashib kelyaptilar.
Alloh davomli qilsin, rozi bo'lsin.

#respect

@JoshDeveloper

Josh*Podcast'ni kutayotganlar bormi?)

Bu safargi mavzu nima haqida deb o'ylaysiz?

#JoshPodcast

@JoshDeveloper

Dasturlashda qilayotgan daromadingiz halolligiga ham e'tiborli bo'ling.

Masalan,
1. Ishlayotgan loyihangiz hukmi qandayligi biling.
2. Kuniga masalan 8 soat ishlashga kelishgan bo'lsangiz, 8 soat ishlab berishingiz kerak. Ammo, ish vaqti qanday o'tishini, vazifalaringiz nimalardan iborat ekanini kompaniya bilan kelishishingiz mumkin. Masalan o'zim, bu haqida ishlagan kompaniyalarim bilan gaplashganman va deyarli birhil javob olganman.
Bunday, "Vazifangiz bo'lmasa yoki ertaroq bo'lsangiz, ish kunining qolgan vaqtida "Available" bo'lishingiz kifoya" degan ma'noda. Ya'ni, bo'sh paytim kompyuterda o'z ishlarimni qilishim mumkin, ammo 8 soat ichida "Available" bo'lishim kerak.
Bu meni o'zimni holatim. Sizda kelishuv boshqacha bo'lishi mumkin. Balki ishingizni bajarsangiz, bo’ldidir.
Ishlayapman deb, umuman o'zingizni ishlaringizni qilib yurgan bo'lsangiz, daromadingizni halolligiga e'tibor bering. Eng yaxshi yo'li, ishga kirishdan oldin hammasini kelishib olish, yoki allaqachon ishga kirgan bo'lsangiz, o'zlaridan so'rab olsangiz bo'ladi.

#maslahat

@JoshDeveloper

Universitetlarimizdan birida o'qiydigan va "EPAM" kabi katta xalqaro kompaniyalardan birida ishlaydigan do'stimiz bilan gaplashgan edim.

Amaliyotga kompaniyalarga jo'natishyapti ekan o'qishdan, shu kompaniyadan hujjat olib borish kerak ekan o'qishiga. Do'stimiz "hop" deb, ishlayotgan xalqaro ishxonasidan "Shuyerda ishlaydi" degan hujjatni olib borsa, uni rad qilib, "Rektorni va universitetni nomiga yozishsin" deb qaytarishibdi 😅

E tovba...

[Shu yerda qattiq tanqidiy gaplar bo'lishi mumkin edi.]

#tanqid

@JoshDeveloper

⚠️Diqqat

Bu post barchamiz bilishimiz kerak bo'lgan tobora xavfli qurolga aylanib borayotgan loyiha haqida bo'ladi.

Deepfake texnologiyasining yuksalishi bilan tasvir va videolarni reallikdan deyarli farqlanmaydigan usullarda manipulyatsiya qilish har qachongidan ham osonlashdi. Bu bizning maxfiyligimiz, xavfsizligimiz va shaxsiy obro'-e'tiborimizga jiddiy ta'sir ko'rsatadi.
Xususan, men qizlar va ayollarni ogohlikka chaqirmoqchiman. Hozirgi davrda ijtimoiy tarmoqlarda fotolar yuklash kundalik hayotning odatiy qismiga aylangan. Shuni bilishimiz kerakki, bu fotolarni keyinchalik xohlagan ko'yga solish, osonlikcha o'zgartirish va bizga qarshi ishlatish mumkin.
Ayrim shaxslarning suratlaridan foydalangan holda, ko'pincha ularni sharmanda qilish yoki obro'sini to'kish maqsadida soxta videolar yaratilgan holatlar ko'payib ketgan. Masalan, p.rnografik tasvirlar yoki videolarga yuzlarini qo'yish. Buning oqibatlari haqiqatan ham dahshatli, odamlar sharmandalikdan hatto o'zini o'ldirishgacha borishi mumkin. Agar siz hech qachon nomaqbul xatti-harakatlar qilmagan bo'lsangiz ham, soxta video orqali sizni yuzingizni tasvirlab berishlari mumkin.

Ijtimoiy tarmoqlarga bo'lar-bo'lmas rasmlarni yulashni to'xtatishimiz kerak, agar menga baribir, rasm yuklayveraman desangiz ba'zi xavflardan xabardor bo'lishingiz va o'zingizni himoya qilish uchun choralar ko'rishingiz kerak. Mana bir nechta maslahatlar:
• Har qanday fotosuratlarni Internetga joylashtirishdan oldin ikki marta o'ylab ko'ring. O'zingizdan so'rang: "Bu fotoni menga yoqmagan tarzda qayta ishlatishlariga rozi bo'larmidim?"
• Fotosuratlarni kim bilan bo'lishayotganingizga e'tibor bering. Rasmlarni faqat o'zingiz ishonadigan odamlar bilan baham ko'rganingizga ishonch hosil qiling.
• Suratlaringizni kim ko‘rishini nazorat qilish uchun ijtimoiy media akkauntlaringizdagi maxfiylik sozlamalaridan foydalanishni o‘ylab ko‘ring.
• Tasviringizdan foydalanadigan deepfake videodan xabardor bo'lsangiz, darhol chora ko'ring. Bu haqda tegishli organlarga xabar bering va agar kerak bo'lsa, yuridik maslahat so'rang.

Xulosa qilib aytganda, biz fotosuratlarni Internetda baham ko'rishdagi xavflardan xabardor bo'lishimiz kerak, ayniqsa deepfake rivojlangan davrda. Opalar-singillar, rasmlaringizni tarqatishda, yoki ijtimoiy tarmoqlarga yuklashda ehtiyot bo'ling, iloji bo'lsa umuman yuzingiz tushirilgan rasmni yuklamang.

Bu shunchaki shaxsiy fikrlarim va maslahatlarim, xohishingiz o'z qo'lingizda.

@mabrur_dev

"ITechArt" kompaniyasi o'z nomini "Vention"ga o'zgartiribdi.

Uhmm, qiziq...

Sababi nima bo'lishi mumkin ekan-a? 🤔

👀

@JoshDeveloper

Oxirgi kunlar jamoamiz kamaygandan so'ng, ko'p vazifalar o'zimga qoldi. Orada ASP.NET Web API kursim ham bor. Xullas 🤯

Ko'p vaqtim UI kutubxonalarni "update" qilgandan keyin buzilgan mayda stillarni to'g'irlash bilan o'tyapti.

HTML va CSS ba'zan juda bosh og'riq bo'ladi. Juda... 😄

Hozirgina task'larimdan birini "Merge" qildim, yoqimli tuyg'u...🌚

Shunaqa gaplar...

@JoshDeveloper

Bugun, 18-may “Global Accessibility Awareness Day” ekan.

Accessibility so’zini o’zbek tiliga tarjima qilishga harakat qildim, rosa qiynaldim. U bizda yo’qmi?

Ko’p hollarda lug’atimizda biror so’z bo’lmasa - hayotimizda shu narsa yo’q degani.

Imkoniyati cheklangan insonlar soni 1 milliard ekan. Mahsulot yaratish paytida ularni ham inobatga olib keting. Shunda haqiqatda hamma uchun yaratgan bo’lasiz.

Misol uchun ilk bor SMS eshitmaydigan insonlarni o’ylab yaratilgan ekan. Telefon jiringlaganda tebranishi ham aynan imkoniyati cheklangan insonlarni o’ylab yaratilgan.

Yevropada 4 qavatli binolarda ham, metroga kirishda ham lift bor. Ko’zi ojizlar uchun svitofor ham ovoz chiqarib turadi.

Bu ham bir bag’ri kenglik.

Mana Instagram, Facebook'lardan chiqishni samarasi, https://t.me/JR_TwitGram/1721

O'tgan yili #deletedInstagram chellenjini uyushtirganim esingizdami?

Foydasi bo'ldimi? Yoki yana qaytib oldingizmi? Yoki o'rniga boshqa keraksiz mashg'ulotlar topdingizmi? 😄

Manga ancha foydasi bo'ldi 🙋‍♂

@JoshDeveloper

"Dasturlash menga emas ekan" deb, o'z vaqtida undan chiqa olish ham bir mahorat.

Kasblar ko'p. "IT"dan boshqa sohalarda ham shu summalarni ishlay olasiz.

Faqat o'zingizga mos ish bo'lsa va qattiq harakat qilsangiz, inshaaAlloh.

Yoshlarga ayniqsa bu maslahatim. Ularni ota-onalariga ham.

Hamma ham dasturchi bo'lish uchun moslashmagan. Hammada iqtidorlar harxil.
Bular haqida ham o'ylanglar.

@JoshDeveloper

🥲🥲🥲

Eehh...😢

@JoshDeveloper

"Senior ham HTML CSS yozib o'tiradimi? yoki Junior ham katta vazifalarni qila oladimi?" deydiganlarga Khumoyun tog'am javob yozibdi.

https://t.me/khumoyun_codes/403

Postni qisqacha pastdagi koddan tushunib olsangiz bo'ladi. 🌚

class Junior {...}

class Middle extends Junior {...}

class Senior extends Middle {...}

if(needed)
Middle.prototype = Senior.prototype;

if(reallyNeeded)
Junior.prototype = Senior.prototype;

Warning ⚠️: Don't do it in real projects! It doesn't work :D

@JoshDeveloper

Tepadagi kodni ishlatib ko'rganlar bormi? 🙋‍♂️

Agar siz JS o'rganayotgan bo'lsangiz va kodga qiziqib ham ko'rmagan bo'lsangiz, demak sizdan yaxshi dasturchi chiqishi biroz qiyinroq.

Chunki, o'sadigan dasturchi hardoim shunday narsalarga qiziqadi, no-odatiy narsalarni ham o'rganadi, ishlatib ko'radi.

Ha aytgancha, tepadagi kod ishlamaydi. Prototype chaining qoidalariga zid kod yozilgan, ammo boshqacha yo'llari bilan shunaqaroq natijani qilsa bo'ladi. Buni JS o'rganayotgan shovvozlarga qoldirdim. Izlaning.

@JoshDeveloper

Mana shu sayt foydalanishga arziydigan sayt. Avval ham yuborganman, yana yuboryapman.

Roadmap.sh - Developer Roadmaps

#roadmap

@JoshDeveloper