Huh 😄
Buyoqi qiziq bo'ldiku.

Yaxshi gumon qilamizmi? 😅

#bard

@JoshDeveloper

Every success story has its own pains, failures and patience. They may seem easy and simple to reach, but, what brings successful people there, is not always the seen, but the unseen, the efforts, the pains and the patience we don't see.

©️ Josh*

P.s:
Bir ilhom kelib qoldida :)
Faoliyatimda ro'y bergan "failure"lar haqida yozaymi ? 🌚

@JoshDeveloper

Ishdan haydalishim

Bu "failure"ni kamchilik yaqinlarim biladi. Junior paytim bir joyga ishga kirgandim. Ish ofisda edi. Boshlanishiga hammasi yaxshi ketayotgandi, ishni tushunib ham qolgandim. Ammo, bir kuni...

Sog'liqimda jiddiy muommolar yuzaga chiqishni boshladi. Eshitish qobiliyatim pasayishi qattiq sezilishni boshladi. Xatto ishdagi insonlarni gaplarini arang ilg'ay olardim. Juda qattiq stress boshlandi. Buni boshidan o'tkazganlar tushunadi, juda qattiq stress edi.
Shu stress oqibatida ko'plab xatolarga yo'l qo'yishni, kasallik oqibatida esa sog'lom muloqot olib bora olmaslikni boshladim.
Shu orada karantin ham boshlanib ketdi, ofisga bir amallab qatnardik, moddiy sharoit juda og'ir damlar. Uyda deyarli ishlayotgan odam o'zim edim. Orada uyoq buyoqdan pul topib, kattaroq narxga "eshitish aparati" olishga majbur bo'ldik, uni tayyor bo'lishiga bir kun qolganda esa...

Bir kun qolganda, boshliqim chaqirib, ishdan ketayotganimni aytdi. 😓

Shu kuni ko'chada qattiq xafa holatda, kezib yurganman...

Qattiq ta'sir qilgan voqealar.

Ammo, Alloh uni evaziga ko'plab boshqa tomondan yengilliklar bergan. Orada faqat uyda o'tirib ishladim, mayda ishlar. Ko'p o'tmasdan esa, ya'ni 19 yoshimda EPAM'ga kirgandim. EPAM'ga kirib ham, sarguzashtlar davom etgan, uni ham keyinroq yozaman inshaaAlloh.

Bu "failure"dan olinadigan saboq shuki, sog'liqni asrang 🙂
Hayotda ba'zan shunday qiyinchiliklar va kamchiliklar bo'lib turadi. Ularni yengib o'ta olish, tuzatib bo'lmas kamchiliklarga esa ko'nika olish va boriga shukur qila olishning o'zi ham katta muvaffaqiyat. Asosiysi, tushkunlikka va stressga tushib qolmang, hozir shu davrlarni eslasam, shunchaki jilmayib qo'yaman. Shuncha stress va xavotir esa shunchaki battar zarar qilgan xolos.

Shunaqa gaplar :)

@JoshDeveloper

Metro vagonlarini ayollar uchun ajratishda taklif 🚇Ⓜ️

Rasmda metro vagonlarini birinchi va oxirgisi faqatgina ayollar(bolalari bo'lsa ular ham) uchun ajratilishini, qolgan vagonlari esa ommaviy barcha uchun qolishini so'rab taklif chizdim.

Mutasaddi xodimlarga taklifimiz yoqsa va buni amalga oshirishsa hursand bo'lgan bo'lar edik.

Ikkita vagon ko'p bo'lsa, bittasiga ham rozimiz. Masalan eng oxirgi yoki eng birinchi vagonlar.

Rasm juda unaqa chiroyli chiqmadi, Dizaynerlar ko'rmasin faqat.🫣

#taklif

@JoshDeveloper

Bir yaqinimiz iltimos yo'llabdi. Be-e'tibor bo'lmang. 👇

Koma holatidagi inson uchun tezkorlik bilan qon guruhi -4 bo'lgan donor kerak agar sizda shu qon guruhi bo'lsa yoki tanishlaringizda bo'lsa iltimos shu raqamlarga aloqaga chiqing:

+99897774***
DONOR TOPILIBDI. ALHAMDULILLAH.
BARCHAGA RAHMAT.

Dasturlash guruhlaridagi holat.

Falonchibek:
Savolim bor edi. Falon narsa ishlamayapti, falon ishlar qildim, mana rasmi. Yordam bera olasizlarmi?

Birnecha kundan so'ng.
Insoflibek:
Falonchibek, savolingizni Google'dan qidirib ko'ring.

Falonxon 🧕:
Savolim bor edi.

Birnecha daqiqadan so'ng.
Pistonchibek, Falonjon, Pitonchibek, Javajon, Reaktchibek, Angularchiboy:
Nima savolingiz bor? Bering, yordam beramiz.

Tanqid biroz bo'rttirilib ko'rsatildi. Ammo, haqiqatga yaqin.

#tanqid #qattiqTanqid

@JoshDeveloper

Dasturlashda har doim ham biror "Error"ni yechimini topish uchun u darajada katta bilim va tajribali bo'lish shart emas.
Shunchaki "error message"ni o'qish kifoya. Deyarli barcha xatoliklar, qayerdan va nima sabab kelayotganini ko'rsatib turadi. Vahimaga tushmasdan, shunchaki nima yozilganini o'qib ko'rish kifoya.

#maslahat

@JoshDeveloper

Tajribali mentorlar bilan onlayn 1:1 uchrashuvlarni tekinga taqdim etayotgan saytni yuborib qolishdi.

Ishlatib ko'rmadim, ammo ko'rinishidan juda ajoyib.
Sayt linki: adplist.org

Ishlatib ko'rganlar bormi?

#tavsiya

@JoshDeveloper

O'zbek dasturlash olamida eng hurmat qiladigan insonlarimdan biri Farkhod aka Dadajonov bo'ladi.

Katta ilm ulashib kelyaptilar.
Alloh davomli qilsin, rozi bo'lsin.

#respect

@JoshDeveloper

Josh*Podcast'ni kutayotganlar bormi?)

Bu safargi mavzu nima haqida deb o'ylaysiz?

#JoshPodcast

@JoshDeveloper

Dasturlashda qilayotgan daromadingiz halolligiga ham e'tiborli bo'ling.

Masalan,
1. Ishlayotgan loyihangiz hukmi qandayligi biling.
2. Kuniga masalan 8 soat ishlashga kelishgan bo'lsangiz, 8 soat ishlab berishingiz kerak. Ammo, ish vaqti qanday o'tishini, vazifalaringiz nimalardan iborat ekanini kompaniya bilan kelishishingiz mumkin. Masalan o'zim, bu haqida ishlagan kompaniyalarim bilan gaplashganman va deyarli birhil javob olganman.
Bunday, "Vazifangiz bo'lmasa yoki ertaroq bo'lsangiz, ish kunining qolgan vaqtida "Available" bo'lishingiz kifoya" degan ma'noda. Ya'ni, bo'sh paytim kompyuterda o'z ishlarimni qilishim mumkin, ammo 8 soat ichida "Available" bo'lishim kerak.
Bu meni o'zimni holatim. Sizda kelishuv boshqacha bo'lishi mumkin. Balki ishingizni bajarsangiz, bo’ldidir.
Ishlayapman deb, umuman o'zingizni ishlaringizni qilib yurgan bo'lsangiz, daromadingizni halolligiga e'tibor bering. Eng yaxshi yo'li, ishga kirishdan oldin hammasini kelishib olish, yoki allaqachon ishga kirgan bo'lsangiz, o'zlaridan so'rab olsangiz bo'ladi.

#maslahat

@JoshDeveloper

Universitetlarimizdan birida o'qiydigan va "EPAM" kabi katta xalqaro kompaniyalardan birida ishlaydigan do'stimiz bilan gaplashgan edim.

Amaliyotga kompaniyalarga jo'natishyapti ekan o'qishdan, shu kompaniyadan hujjat olib borish kerak ekan o'qishiga. Do'stimiz "hop" deb, ishlayotgan xalqaro ishxonasidan "Shuyerda ishlaydi" degan hujjatni olib borsa, uni rad qilib, "Rektorni va universitetni nomiga yozishsin" deb qaytarishibdi 😅

E tovba...

[Shu yerda qattiq tanqidiy gaplar bo'lishi mumkin edi.]

#tanqid

@JoshDeveloper

⚠️Diqqat

Bu post barchamiz bilishimiz kerak bo'lgan tobora xavfli qurolga aylanib borayotgan loyiha haqida bo'ladi.

Deepfake texnologiyasining yuksalishi bilan tasvir va videolarni reallikdan deyarli farqlanmaydigan usullarda manipulyatsiya qilish har qachongidan ham osonlashdi. Bu bizning maxfiyligimiz, xavfsizligimiz va shaxsiy obro'-e'tiborimizga jiddiy ta'sir ko'rsatadi.
Xususan, men qizlar va ayollarni ogohlikka chaqirmoqchiman. Hozirgi davrda ijtimoiy tarmoqlarda fotolar yuklash kundalik hayotning odatiy qismiga aylangan. Shuni bilishimiz kerakki, bu fotolarni keyinchalik xohlagan ko'yga solish, osonlikcha o'zgartirish va bizga qarshi ishlatish mumkin.
Ayrim shaxslarning suratlaridan foydalangan holda, ko'pincha ularni sharmanda qilish yoki obro'sini to'kish maqsadida soxta videolar yaratilgan holatlar ko'payib ketgan. Masalan, p.rnografik tasvirlar yoki videolarga yuzlarini qo'yish. Buning oqibatlari haqiqatan ham dahshatli, odamlar sharmandalikdan hatto o'zini o'ldirishgacha borishi mumkin. Agar siz hech qachon nomaqbul xatti-harakatlar qilmagan bo'lsangiz ham, soxta video orqali sizni yuzingizni tasvirlab berishlari mumkin.

Ijtimoiy tarmoqlarga bo'lar-bo'lmas rasmlarni yulashni to'xtatishimiz kerak, agar menga baribir, rasm yuklayveraman desangiz ba'zi xavflardan xabardor bo'lishingiz va o'zingizni himoya qilish uchun choralar ko'rishingiz kerak. Mana bir nechta maslahatlar:
• Har qanday fotosuratlarni Internetga joylashtirishdan oldin ikki marta o'ylab ko'ring. O'zingizdan so'rang: "Bu fotoni menga yoqmagan tarzda qayta ishlatishlariga rozi bo'larmidim?"
• Fotosuratlarni kim bilan bo'lishayotganingizga e'tibor bering. Rasmlarni faqat o'zingiz ishonadigan odamlar bilan baham ko'rganingizga ishonch hosil qiling.
• Suratlaringizni kim ko‘rishini nazorat qilish uchun ijtimoiy media akkauntlaringizdagi maxfiylik sozlamalaridan foydalanishni o‘ylab ko‘ring.
• Tasviringizdan foydalanadigan deepfake videodan xabardor bo'lsangiz, darhol chora ko'ring. Bu haqda tegishli organlarga xabar bering va agar kerak bo'lsa, yuridik maslahat so'rang.

Xulosa qilib aytganda, biz fotosuratlarni Internetda baham ko'rishdagi xavflardan xabardor bo'lishimiz kerak, ayniqsa deepfake rivojlangan davrda. Opalar-singillar, rasmlaringizni tarqatishda, yoki ijtimoiy tarmoqlarga yuklashda ehtiyot bo'ling, iloji bo'lsa umuman yuzingiz tushirilgan rasmni yuklamang.

Bu shunchaki shaxsiy fikrlarim va maslahatlarim, xohishingiz o'z qo'lingizda.

@mabrur_dev

"ITechArt" kompaniyasi o'z nomini "Vention"ga o'zgartiribdi.

Uhmm, qiziq...

Sababi nima bo'lishi mumkin ekan-a? 🤔

👀

@JoshDeveloper

Oxirgi kunlar jamoamiz kamaygandan so'ng, ko'p vazifalar o'zimga qoldi. Orada ASP.NET Web API kursim ham bor. Xullas 🤯

Ko'p vaqtim UI kutubxonalarni "update" qilgandan keyin buzilgan mayda stillarni to'g'irlash bilan o'tyapti.

HTML va CSS ba'zan juda bosh og'riq bo'ladi. Juda... 😄

Hozirgina task'larimdan birini "Merge" qildim, yoqimli tuyg'u...🌚

Shunaqa gaplar...

@JoshDeveloper

Bugun, 18-may “Global Accessibility Awareness Day” ekan.

Accessibility so’zini o’zbek tiliga tarjima qilishga harakat qildim, rosa qiynaldim. U bizda yo’qmi?

Ko’p hollarda lug’atimizda biror so’z bo’lmasa - hayotimizda shu narsa yo’q degani.

Imkoniyati cheklangan insonlar soni 1 milliard ekan. Mahsulot yaratish paytida ularni ham inobatga olib keting. Shunda haqiqatda hamma uchun yaratgan bo’lasiz.

Misol uchun ilk bor SMS eshitmaydigan insonlarni o’ylab yaratilgan ekan. Telefon jiringlaganda tebranishi ham aynan imkoniyati cheklangan insonlarni o’ylab yaratilgan.

Yevropada 4 qavatli binolarda ham, metroga kirishda ham lift bor. Ko’zi ojizlar uchun svitofor ham ovoz chiqarib turadi.

Bu ham bir bag’ri kenglik.