GPT-4 ham chiqib kelibdi birpasda🌚

Manba: https://openai.com/product/gpt-4

#yangilik

@JoshDeveloper

Meta yana 10 000 ishchisini ishdan haydayotgan ekan. 👀

Manba: https://www.nytimes.com/2023/03/14/technology/meta-facebook-layoffs.html

Bunga fikringiz qanday ?
Bozorga qanday ta'sir qilishi mumkin bu narsa ?
React'chilarni haydagan bo'lsa, yana ko'payishasizlar😢, hazil)

#yangilik

@JoshDeveloper

Yaxshi yangilik ham bor 😄

10 000 ishchini o'rniga baribir yana qanchadir olishadi. Faqat biroz kamroq oylikka. Kamroq oylik ham biz uchun katta oylik aslida. Bu ham bizga bir imkoniyat Meta'ga kirishga.
Yana, Meta'dan chiqqanlar ko'pisi Startup'lar qiladi, kompaniyalar ochadi va ishchi olishadi.(O'zim guvohi bo'ldim buni)

Bu degani yana ish joyi ko'payadi.

Xullas, bu yomon yangilik emas, "gazini bosish kerak" degan yangilik. 😉

@JoshDeveloper

Rivojlanishimiz kerak.

Jahon bozorini ko'ryapsiz. Ishchilar bo'shatilyapti. Ammo, o'rniga odam olinyaptiku deysiz. Ha to'g'ri. Ammo, olinayotgan odamlarni katta qismi "Hindiston, Belarusiya, Polsha va hkz davlatlar"ga to'g'ri keladi. Bizdan esa kam.

Nega ?
1. Ishonch yo'q hali bizga. Endi oshyapti.
2. Sifatli kadr kam.

Sifatli kadr oshsa, ishonch ham oshadi.

Sifatli kadr tayyorlashimiz esa, siz va menga bog'liq.

Shaxsiy profilimga juda-juda ko'pchilik odam ishsizlikdan yozadi. Bularni ko'rib be-ixtiyor siqilaman. Nima qilsak bo'larkan deb. Shu insonlarni ko'pchiliki React dasturchi bo'lganiga, Angular'ni "hayp" qilishni boshladim shunga. Ozgina bo'lsa ham bozorni muvozanatiga ta'sir qilar deya. Ammo, bu ham muommoni yechishga haqiqiy javob emas.

Haqiqiy javob esa ham aniq...
Ko'pchilik sifatli kadr emas. Tajriba ham kam.

Shu lahzada, tajribali dasturchilar faqat o'ziga vaqt ajratavermay, 50-100 ta shogird olib, 1-2 oy o'z yo'nalishidagi qiyin mavzularni o'rgatib tashlasa bo'lmaydimi deb qolaman.

Boring mayli pullik qilar. Ammo, sifatli kadr chiqarsin. Ozgina o'rgatib qo'yib, "bo'ldi, tugadi" deyayotgan o'quv markazlar sabab ham shaxsiyimda shuncha yuzlab odamlar bordir balki.

Birlashib ko'tarilsak nima qiladi axir ? Bozor dengiz kabi chayqalib yotgan davrda, biz unga qarshi turadigan kema bo'lsak nima qiladi ?

Bilmadim.

Oramizda biror tajribali mard odam bo'lsa, biror foydali nimadir qilar deya yozyapman.

Sizda qandaydir takliflar bo'lsa, bemalol yozishingiz mumkin. Ishsizlikka qarshi kurash ochamiz inshaaAlloh.

@JoshDeveloper

IT sohasini "hayp" qilayotgan "mutasaddi"lar endi minglab ishsiz yurganlarni tayyorlash uchun byudjet ochishsa adolatdan bo'lardi.

#tanqid #taklif

@JoshDeveloper

IT sohasi hammaga ham emas.

Buni aytishni xohlamayman, ammo, hozir dasturlash bo'yicha mutaxassis va mentor bilan suhbatimdan keyin, buni ham aytmasam bo'lmaydi. Boshqa yo'nalishdagilar uchun ham muhim.

- Agar IT'dan tashqarida biror narsani o'rganishni qoyillatib qo'ymagan bo'lsangiz, IT'ga kirib ovora bo'lmang. Masalan, ingliz tili yoki rus tili. Yoki matematika kabi fanlarni o'rganib ko'rgan va eplagan bo'lsangiz, IT'ni eplashingiz ham birozgina oson bo'ladi. Mantiqiy fikrlash ham shu o'rinda.
Agar hech vaqoni o'rganmagan, o'rganishga layoqatingiz bo'lmasa, IT'da qiynalib ketasiz. Chunki bu soha "O'rganish"dan iborat. O'z ustingizda ishlashni shakllantira olmasangiz, sizga pul berib eng zo'r kursga yuborsak ham foydasi yo'q. Eng qimmat kurslarni tekin qilib bersak ham foydasi yo'q. Agar shundaylar qatorida bo'lsangiz, yaxshisi boshqa sohalarda o'zingizni sinab ko'ring. Masalan savdogarlik va hkz.

Bu gaplarimni qandaydir nafratdan yoki jahldan yozayotganim yo'q. Bloger sifatida, Musulmon sifatida, haqiqatlarni aytishim kerak.
Siz eshitayotgan falon ming dollar'lik oyliklar yo'q. Ularga yetishish uchun juda katta sinovlar bor. O'z ustingizda davomiy ishlamasangiz, unga yetib bora olmaysiz. Oylik tugur, ish topishni o'ziga 2-3 yil ketib qoladi bu yo'nalishda ba'zilar uchun.

"Hayp" ortidan quvmasdan, o'z qobiliyatingiz nimaga yetsa, nima ish sizga yoqsa, halol bo'lsa, shunda o'sing.
Qo'lingizda pichoq bo'lsa, daraxt kesa olmaysiz, arra bo'lsa non kesa olmaysiz. Nimangiz borligiga qarang.

IT'ni boshlayotganlarga yuboring.

#maslahat

@JoshDeveloper

10 kishiga sovg'a.

Yangilik, Frontint.uz kursimizning Pro tarifiga 10 ta sharoiti og'irroq bo'lgan insonlar uchun 100% chegirma beriladi. (Tekin degani 😉)

Kursni olishni xohlayotgan, ammo sharoitingiz yetmayotgan bo'lsa, unda pastdagi formani bemalol to'ldirishingiz mumkin.
Ma'lumotlar ochiqlanmaydi.

Qanday tanlab olamiz 10 ta insonni ?
18-Mart kuni shaxsan o'zim 10 ta insonni tanlab olaman va ularga bog'lanamiz.

Forma: https://forms.gle/nsxwjRdnY5bgF9h56

@JoshDeveloper

"Notes" yozib yuring.

Ishdagi vazifalarni qaysi statusda ekanligini, nima haqida ekanligini, nima ish qolganligini yozib yurishni boshlaganimdan beri ishimda ancha samara oshgan.

Ba'zan bir vaqtni o'zida 4-5 talab vazifalar ustida ishlayman. Biri falon statusga yetganda, boshqasi boshqa jarayonda bo'ladi. Hammasini miyada saqlab yurish bir kun kelib xato qilishingizga sabab bo'lishi mumkin.
Shu sabab o'zingiz uchun "notes" yozib yuring. Masalan, "Notion" dasturi orqali. Tugagan ishni ✅ qilib qo'yish ham bir boshqacha "mazza".

Oxirida esa, ortga qarasangiz, shuncha narsa yozgan bo'lasiz va nimalar qilganingiz yaqqol ko'rinib turadi.

#maslahat

Ulashing ✈️

@JoshDeveloper

Diqqat, "Josh*Podcast"ning uchinchi soni e'loni. 🎙

Podcast muvzusi 📃:
"Angular: Yaxshi frontend dasturchi bo'lish"

Mehmonlarimiz 👥:
- Ismail Salikhodjaev (Senior Software Engineer @ Toptal)
- Doniyor Yusupov (Senior Software Engineer @ Noveo Group)

Mezbonlar qatorida men bilan birgalikda Muhammadrasul aka bo'ladilar.

Sana va vaqti 🕔:
19-Mart, 20:00

Jonli efir linki📍: https://www.youtube.com/live/61py77BsnBs

Savollaringizni shu post ostiga yoki video "Live chat"iga yo'llab tursangiz bo'ladi.

#podcast

Tepada aytilgan chegirma o'z egalariga topshirildi.

73 ta inson so'rovnomani to'ldiribdi.

Agar siz to'ldirgan bo'lsangiz-u, sizga yozmagan bo'lsak, bizni kechirasiz. Hammaga bera olmas edik.
Qabul qilganlarni esa tabriklayman. Alloh xayrli qilsin.


@JoshDeveloper

Bugun 20:00 da Josh*Podcast'ni navbatdagi soni bo'lib o'tadi inshaaAlloh.

Podkastda hardoimgidek barcha frontendchilarga qiziq mavzular gaplashiladi. Shuningdek,
Angular nima uchun React'dan yaxshi degan savolga ham, Angular'chilar nega ko'proq pul topadi degan savolga ham javoblarni olishingiz mumkin bo'ladi. 😁🌚

Hammangizni podkastda kutaman. 😉

@JoshDeveloper

25 daqiqaga boshlaymiz. Tayyorlanib oling.

Podkast uchun link: https://www.youtube.com/live/61py77BsnBs

#podcast

@JoshDeveloper

Podcast o'z nihoyasiga yetdi.

Speaker'larimizga katta rahmat. Foydali ma'lumotlar uchun. ☺️

Keyingi podkast nima haqida bo'lsin ?

Frontend'ga chuqurroq kiramizmi ?

@JoshDeveloper

Kechagi Podcast'da Nx haqida ham gap bo'lgan edi.

Ko'pchilikka qiziq bo'lsa, Fireship kanalida ushbu video bor ekan: https://youtu.be/VUyBY72mwrQ

Videoda React va Angular loyihalarni bir loyihada Nx orqali boshqarish ko'rsatilgan.

Enjoy 😉

@JoshDeveloper

Ingliz tili o'rganmoqchi bo'lganlar uchun "Yoshlar ishlari agentligi" hamkorligida bepul 0 dan ingliz tili darslari chiqibdi. Hozir ulashib qolishdi.
Sizlarga ham ulashyapman.

Batafsil: https://t.me/alisher_sadullaev/3675

Ingliz tilisiz yaxshi dasturchi bo'lish qiyin. Ish topish esa undan ham qiyin. Maslahatim, ingliz tilini bosing)

@JoshDeveloper

Daniel aka yaxshi gap yozibdi.

#maslahat

@JoshDeveloper

Ramazon sanasi ham aniqlandi, 23-martdan tongdan boshlab ro'za tutilar ekan.
Bugundan, ya'ni 22-martdan taroveh namozlari boshlanadi inshaaAlloh.

Barcha musulmonlarga ushbu go'zal oy muborak bo'lsin. Alloh bu oydan unumli foydalanib qolguvchi bandalaridan qilsin.

Ramazon muborak. 🕋🌙

#tabrik #ramazon

@UmarSadullayev

Dasturlashni o'rganishdan maqsad nima ? ...

Shu ma'noda birnechta savollar bilan so'rovnoma qilganimda, ko'plab javoblar keldi. Ko'pchilik "soqqa qilish" degan va "soqqa" qilishdan maqsadlarini bilmaydi yoki aytmagan, yana ko'pchilik "soqqa"dan maqsad o'zi va oilasi uchun moliyaviy barqarorlik olib kelish degan. Ammo, moliyaviy barqarorlikdan maqsadlarini aytmagan.

Bugun sizlar bilan bir narsa haqida gaplashmoqchiman. Juda muhim mavzu.
Sabr qilib, o'qishda davom etasiz degan umiddaman.

Maqsad degan so'z bu, sizni biror narsani qilishingizga undaydigan narsa. Maqsadingiz suv ichish bo'lsa, suv olishga borasiz, suvni ichasiz, maqsad tugadi. Endi sizda maqsad yo'q. Maqsadingiz pul topish bo'lsa, pul topasiz. Maqsadga erishdingiz, ammo endi nima qilasiz ?
Maqsadingiz moliyaviy barqarorlik bo'lsa, ota-onangizni hajga yuborish bo'lsa, zo'r dasturchi bo'lish bo'lsa, ularga ham yetarsiz, keyin nima qilasiz ?
Keyinchi ?

Aslida, maqsadingiz oliyroq, avloroq bo'lmas ekan, umringiz ziyonda o'taveradi. Oxirini ko'rolmaysiz, "Keyinchi ?" degan savolga ikkilanib qolasiz.
Meni fikrim qanday ?
Fikrim shuki, bunday maqsadlar oliy maqsadga xizmat qilmas ekan, ular sizni oxiri yo'q jarlikdan boshqa joyga olib bormaydi. Oliy maqsad sizni hayotda tinmay harakat qilishingizga undaydi, boy bo'lish, moliyaviy barqaror bo'lish, go'zal oila qurish, bular hammasi kichik maqsadingiz bo'ladi va bular, sizni oliy maqsadga olib boradigan kichik eshiklar bo'ladi. Biriga erishasiz, ammo to'xtamaysiz, hammasiga erisharsiz, ammo to'xtamaysiz, chunki oliy maqsad sizni umringiz oxirigacha davom etadi. Unga erishish uchun esa, "Keyinchi ?" degan savollarga javob hardoim bo'ladi.
Aynan shu, sizni hayotda muvaffaqqiyatga erishishingiz omillaridan biri hisoblanadi.

Ha, u oliy maqsad nima ekan deyapsizmi ? Nima meni shuncha katta maqsadlarimni kichikkina maqsadchaga aylantirib tashlay oladi va o'ziga xizmat qildira oladi ? Qanday maqsad u ?

U maqsad, Alloh roziligiga erishish. Unga yanada-yanada yaqin bo'lishdir. Shuni oliy maqsad qiling.
Ha, boy bo'lish bugundan sizni katta maqsadingiz emas, oliy maqsadingizga yetishtiradigan kichik bir omil, maqsadcha, xolos. Qanday ? Boy bo'lib, oilangizga, qarindoshlaringizga, qo'shnilaringiz-u dindoshlaringizga moliyaviy ko'mak bera olasiz, ularni ilm olishiga pullar ajrata olasiz, ularga kitoblar olib bera olasiz, kasallarga xayriyalar bera olasiz, va bu bilan oliy maqsadingiz, Alloh rizosi uchun harakat qilayotgan bo'lasiz.
Zo'r dasturchi bo'lishdan maqsad ham, Alloh rizosi bo'lsin. Bu orqali, oilangizga halol rizq topishni, boshqalarga ilm ulashishni, ishsizlarni ishga kirishiga va halol pul topishiga yordam berishni, ota-onangizni hajlarga yuborishni niyat qilasiz, va bu niyatdan maqsad Alloh rizosi bo'ladi. Ha, bu kabi barcha "yaxshi" maqsadlar, sizni oliy maqsadingizga yetaklar ekan, siz adashmaysiz, charchamaysiz.

Shuni maqsad qiling. Mayda maqsadchalarni oliy o'rindan olib tashlang, mayda inson bo'lishdan to'xtang va ularni haqiqiy oliy maqsadning xizmatchilariga aylantiring. Oliy maqsaddan esa chetga chiqmang, pul topib, xaromga ketmang, oliy maqsaddan uzoqlashmasdan yashang.

Alloh hammamizni oliy maqsadimizga yetishtirsin.

@JoshDeveloper

getRandomNumber() 😄

#joke

@JoshDeveloper