እነሆም የመጀመሪያ እርምጃ

እኔ ሕይወትን ብዙ አልችልበትም። እንዳመጣልኝ ነው። እግዚአብሔር ግን እንደ እሱባለው አበራ ያለ ጓደኛ ሰጥቶ ከራሱ ጋር አብሮ የእኔንም አለመቻል ይሸፍንልኛል። ያጎደልኩትን ይኖርልኛል።
ዝርዝሩ ብዙ ነው። ብቻ ግን የመጀመሪያ የልብወለድ መጽሐፌን እኔም እንደ እንግዳ ሆኜ "በየት ገባ?" "በየት ወጣ" ሳልል እጄ ላይ አምጥቶ አስደንግጦኛል። እነሆም የመጀመሪያ መጽሐፌ ዛሬ በገበያ ላይ ውሏል። እንደምትወዱት አስባለሁ። ለደስታዬ ደስ ለሚላችሁ ሁሉ አብዝቼ አመሰግናለሁ።

የመሸበት እንግዳ የምታስተናግዱ ከአሁኑ ሰዓት ጀምሮ መጽሐፉን በጃዕፋር መጻሕፍት መደብር ታገኙታላችሁ ! መልካም ንባብ !

" ኢትዮጵያ ካሏት የልብ ቀዶ ጥገና ሀኪሞች አንዱ የሆነው ዶ/ር ፈቀደ አግዋር ባለፉት 4 ዓመታት ብቻ ከ300 በላይ ልቦችን ቀዶ ጠግኗል ። ከእነዚያ መሀል አብዛኞቹ በሀገራችን የልብ ቀዶ ጥገና ታሪክ የመጀመሪያ የሆኑ የ17 አስገራሚ ቀዶ ጥገናዎችን ልብ መሳጭ በሆነ ቋንቋ ከሽኖ አቅርቦላችኋል ። ከ90 ዓመቱ የሮይተርስ ጋዜጠኛ የወራት እድሜ እስካላቸው ጨቅላ ህጻናት ልባቸውን ከፍቶ አክሟል ።
ይህ መጽሐፍ የተዋቀረው በአስራሰባት ታሪኮች ቢሆንም፤ የመጨረሻዎቹ ሶስት ታሪኮች ግን የአንድ አላማ መዳረሻ ቅርንጫፎች ናቸው። ታዲያ እነዚህ ታሪኮች ምንም እንኳን በልብወለድ መልክ ቢቀርቡም እውነት ከመሆንም ባሻገር በሀገራችን ልጆች እውቀት የልብ ቀዶ ጥገና እንዴት እንደተደፈረ፤ በመቀጠልም ትልልቅ የሚባሉ የልብ ቀዶ ጥገናዎች እንዴት እንደተጀመሩ በትረካ መልክ ያቀርባል። በመጽሐፉ ፍጻሜ ላይ እነዚህ ታካሚዎች ያንን አስቸጋሪ ጊዜ አልፈው፤ ዛሬ ላይ ይህንን መጽሐፍ ባነበቡ ወቅት የተሰማቸውን ስሜት አስፍረነዋል። አሁን ያለውም ሆነ መጪው ትውልድ የልብ ቀዶ ጥገና ከውጪ ዜጎች ግዛትነት እንዴት ወደ ሀገር በቀል እውቀት እንደተሸጋገረ ቁልጭ አድርጎ ያመላክታል ብየ አምናለሁ። ከሁሉም ባሻገር በዚህ መጽሐፍ ውስጥ የሚንጸባረቁ ብዙ ስብዕናዎች ትውልድን ያነቃቃሉ፤ ያነጋግራሉ ብየ አምናለሁ። "
ፈቃደ አግዋር (የልብ ቀዶ ጠጋኝ)

❝የሀገር እናቶች ትላንትን የሙጥኝ እንዳሉ ያዘግማሉ። ክሳዱን ጨምድደው ሊጥ በሚጠልቁበት ቅል አናት አናቱን ይቀውሩታል — “ጊዜ የሰጠው ቅል እንኳን ትላንትን ድንጋይ ይሰብራል”። ሮጠው ያልጠገቡ ልጆቻቸው መልኩን አይተውት ለማያውቁት ንጉሥ፤ ጎባጣ ይሁን ለግላጋ... ግራጫ ይሁን ቢጫ ለማይለዩት ርዕዮተ—ዓለም ሲሞቱ አይተዋል። ማኀፀናቸው ውስጥ ሲገላበጥ የረገጣቸው እግር ተቆርጦ ሲመለስ፤ በውስጣቸው የተላወሰ ገላ በሦስት ክንድ መሬት ውስጥ ሲረጋ አልቅሰው ሸኝተዋል። በሆዳቸው ውስጥ ተቀምጦ የተዋደደ አጥንት ሲከሰከስ፤ በሰውነታቸው ውስጥ የተቋለፈ ጅማትና ደምሥር በአንዲት አረር ዓይናቸው ሥር ታሪክ ሲሆን፤ ከዚያችም አረር ጀርባ ታጣፊ ክላሺንኮቭ፤ ከእርሱ ጀርባ ቃታውን የሳበች ጣት፤ ከእርሷ ጀርባ ሌላኛው ልጃቸው መኖሩን ተመልክተዋል። ለሞተው ልጃቸው ባማረሩበት አፍ፤ ገዳይ ሆኖ ለተረፈ ልጃቸው “ተመስገን” ይሉበታል።
-
|ከመጽሐፉ የተወሰደ - ሀገር ያጣ ሞት
ሄኖክ በቀለ|
.
.
አከፋፋይ — ጃዕፈር መጻሕፍት።
አድራሻ :- ለገሃር ኖክ ተወልደ ሕንጻ ሥር።
.
የእርስዎን ቅጂ ፎቶ በማንሣት፣ እንዲሁም መጽሐፉን አንብበው የተሰማዎትን ያጋሩን!!

“ ° ° ° ለእዚህች ሕይወቴ አምርሬ ለምጠላት፤ ቂም ለምታበቅል ፍቅር ፊት ብተክላት፤ ለዚህች ሕይወቴ ለማትረባው፤ ለእዚህ ወጣትነት ልጅነት ላልገባው፤ እናቴን ስላሳመምኳት፣ ስለበደልኳት በምጧ፤ ስላስቆምኳት በ‘ወይኔ’ታ፤ ስላስኬድኳት በቅምጧ ‘ይቅር’ በለኝ።”

፠ ፠ ፠

ለእዚህች ሕይወቴ ለምታፈቅረው ጨለማ፤ “ሀ…… ሁ” “ለ……ሉ”ውን ለማትሰማ፤ ኑሮውን፣ ቄንጡን፣ ጉልምስናውን ስለወሰድኩበት፤ ለደኅና ያሰበው ልክፍቱን ስላባከንኩበት፤ ‘ልጄ ከእኔ ይሻላል’ ያለው አባቴን ስላሳፈርኩት፤ ‘ማንም ከዘሬ እንዳይነካው’ ያለውን ድህነት ስለደፈርኩት ‘ይቅር’ በለኝ። በል መጣሁ እጅህን ዘርግተህ ተቀበለኝ! • • • ”

ከሞት በፊት በተስፋ የተጸለየ ጸሎት | (ከ) ሀገር ያጣ ሞት | HEnock Bekele | ገጽ 167 | Photography Gebrela Shewakena

' ሀገር ያጣ ሞት '

በ ሄኖክ በቀለ ለማ

የገጽ ብዛት - 208

". . . ሮጠው ያልጠገቡ ልጆቻቸው መልኩን አይተውት ለማያውቁት ንጉሥ ጎባጣ ይሁን ለግላጋ . . . ግራጫ ይሁን ቢጫ ለማይለዩት ርዕዮተ-ዓለም ሲሞቱ አይተዋል፡፡ ማህጸናቸው ውስጥ ሲገላበጥ የረገጣቸው እግር ተቆርጦ ሲመለስ በውስጣቸው የተላወሰ ገላ በሶስት ክንድ መሬት ውስጥ ሲረጋ አልቅሰው ሸኝተዋል። በሆዳቸው ውስጥ ተቀምጦ የተዋደደ አጥንት ሲከሰከስ በሰውነታቸው ውስጥ የተቋለፈ ጅማትና ደምስር በአንዲት አረር አይናቸው ስር ታሪክ ሲሆን ከዚያችም አረር ጀርባ ታጣፊ ክላሽንኮቭ ፥ ከእርሱ ጀርባ ቃታውን የሳበችው ጣት ከእርሷ ጀርባ ሌላኛው ልጃቸው መኖሩን ተመልክተዋል ። ለሞተው ልጃቸው ባማረሩበት አፍ ጋዳይ ሆኖ ለተረፈ ልጃቸው 'ተመስገን ' ይሉበታል "

ከመጽሐፉ የተወሰደ

ጋዜጠኛ እና ደራሲ ጳውሎስ ኞኞ በስተግራ - ጋዜጠኛ እና ደራሲ መዝገቡ አባተ በስተቀኝ

" ሀገር ያጣ ሞት "