Окуу жана түшүнүү


Уландысы 👇

Экинчи уга турган сөзүңүз. Сиз өз оюңузду айтып жатканда, аябай берилип угушат. Ал тургай кубаттап да турушат. Бирок нары басарыңыз менен, “ой тим эле, кыйратып ийчүдөй болуп, өзүн укмуш элестетип алыптыр” дейт. Мисалы өзүн Жефф Безос, Илон Маск, Жек Ма деген сыяктуу же сиздин тармакта бирөөнүн атын айтып, ошол элестетип алыптыр деши толук мүмкүн. Бул сөздү дароо уга албайсыз, бирок сиз жолуңузду улантып баратканда, сөзсүз бул сөздөр ушак болуп сизге жетет. Анда эле сиз эң туура жолдосуз. Жолуңузду улантыңыз.
Үчүнчү уга турган сөзүңүз. Кыла турган ишиңиз, сиз жарата турган ийгилик, албетте жаратуу Аллага гана таандык, бирок тилибизде ушундай калыптанып калган, аны талкуулабай коё туруңуздар. Адам деле себептерге таянып, бир нерселерди жаратат. Ошол жагы менен айтып жатам. Албетте, сиз жарата турган ийгиликтин материалдык жагы да болот. Бир топ кирешеси болушу мүмкүн, миллиондогон киреше алып келиши мүмкүн. Бул жагын айтканыңызда, “оюнун баары эле акча, акчадан башканы ойлонбойт, ач көз, акчага тойбойт” деген сыяктуу сөздөрдү угасыз. Демек, сиз туура жолдосуз. Эгер ушул сөздөрдү уксаңыз, анда эле туура жолдосуз. Жолуңуздан кайтпаңыз.
Төртүнчү сизге айтыла турган сөз. Ошентип жүрүп, бир жыгылып, бир туруп, турмуштун казанында кайнап, кагылып-согулуп, ысыгына да чыдап, суугуна да чыдап, бир күнү баштаган ишиңиз жолго түшүн калганын байкайсыз. Мына ушул учурда, баягы эле сөздөрдү айтып жүргөн адамдар, дагы деле сизге жакшы сөздү айта калышпайт, “шанс келип калды окшойт” дешет. “Өзү деле кыйрата алмак эмес. Жөн эле шанс келип калса керек да” дейт. Мейли, айта беришсин. Сиздин буга чейинки кылган иштериңизди, баскан кадамдарыңызды алар билбейт. Сиз билесиз. Башкалар сизди өтүп кеткенде эле артыныздан ушактап калып калышкан, ошондо эле унутушкан. Ал эми сиз болсо ийгилик жолуңуздагы кадамдарыңызды унутпайсыз. Кадам-кадам эсиңизде бек сакталат. Сиз туура жолдосуз, жолуңузду уланта бериңиз.
Булардын бары артта калды. Акыркы уга турган сөзүңүз, барынан дагы кызык. Ошондуктан айтылса керек, досум чачтан көп деп мактанба, башыңы кыйынчылык түшсө, таз экениң билинет деп. Же, кээде жигит төө минет, кээде жигит жөө жүрөт, жөө жүргөндө жигитти, эл шылдыңдап көп күлөт демекчи, төө мингенди жигитти тегеректеп эл жүрөт демекчи. Сиз жөө жүргөндө сиздин ким экениңизди эч ким билбейт. Болгону ушак кылып, артыныздан сүйлөм, бирок сиз жөө болсо дагы алдыга кадам таштап баратканыңызды биле беришпейт. Алар өз ушагы менен сиздин кадамдардын алдында кала беришет. Акыры ийгилик сизге чын жылмайган кезде. Атагыңыз таш жарып, тапканыңыз ташкындап калган кезде, “мен ушуну билгем, мен айткам, ушул ийгиликтүү болот дегем” – дешип, дагы деле артыңыздан сөздөрүн жайнатып кала беришет.
Сиз бул ийгиликке жетүү үчүн, далай кадам баскансыз. Далай кыйынчылык тарткансыз. Далай ушак уккансыз. Демек сиз бул нерселерге бышкансыз. Эсиңизден чыгарбаңыз. Ийгиликтин туу чокусу абдан суук болот. Бирок сиз бул суукта чыдап тура аласыз. Сиз бул жерге келгенге чейин ар бир кадамыңызда ушул кыйынчылыктарды тартып жүрүп келгенсиз. Демек, ийгиликтин туу чокусунда, сиз гана чыдап тура аласыз. Сизге ийгилик каалайм! Сиз бул ийгиликке татыктуусуз. Эми уга турган сөздөр, эми сиз жөнүндө кылынган ушактар сизге чейин деле жетпейт. Анткени ийгилик абдан бийик жерде, таза жерде болот. Ал жердеги кыйынчылыктар такыр башка, ал жердин суугу такыр башка, ал жактагы суук дагы таза, кыйынчылык дагы таза. Ал жакта сиз эми өзүңүз менен күрөшөсүз. Майда барат ышактар тынчыңызды албайт. Өлкөбүздү издеген, аракеттенген, окуган, адал эмгек кылган адамдар өнүктүрөт. Сиздер өнүктүрөсүздөр, биз өнүктүрөбүз. Эч качан жолуңардан кайтпагыла!!

Грамматика
👇👇👇👇👇