በዚህች አለም ላይ እንድነበር የሚቆይ ምንም ነገር የለም።
ዛሬ የመጣው ነገ ይሄዳል
ሲነጋ ያገኘኸው ሲመሻሽ ይጠፋል
ሲኖርህ ወዳጅ የሆነህ ስታጣ ጠላትህ ይሆናል።
እግዚአብሔር ግን ሁሌም ያው ነው።
በህይወት ጉዞህ ሁሉ አብሮህ አለ።
ከእርሱም በቀር አብሮህ የሚዘልቅ ምንም የለም።🙏

#ዛሬ_እኮ_ቅዱስ_ኡራኤል_ነው22♥♥
የቅዱስ ዑራኤል ታሪክ ባጭሩ
በስመ አብ ወወልድ ወመንፈስ ቅዱስ አሐዱ አምላክ አሜን።
እንኳን ለሊቀ መላእክት ቅዱስ ዑራኤል መታሰቢያ ክብረ በዓል በሰላም አደረሰን።
ዑራኤል የሚለው ስም “ዑር” እና “ኤል” ከሚሉ ሁለት ቃላት የተመሠረተ ስም ነው።
ዑራኤል ማለት ትርጉሙ «የብርሃን ጌታ» «የአምላክ ብርሃን » ማለት ነው።
ቅዱስ ዑራኤል ለነቢዩ ዕዝራ ጽዋዓ ልቡና ያጠጣዉ ጥበብና ማስተዋልን የሰጠዉ የጠፉትን ቅዱሳት መጻህፍትን በቃሉ አጥንቶ እንደገና እንዲጽፋቸዉ የረዳዉ መልአክ ነዉ (ዕዝ ሱቱኤል13፥39)
ቅዱስ ዑራኤል ቅድስት ማርያም ልጅዋን ህጻኑን ኢየሱስ ክርስቶስን ይዛ ለስደት በተነሳች ጊዜ ከምድረ እስራኤል ወደግብጽ ከዚያም ወደ ቅድስት ሀገራችን ኢትዮጵያ እየመራ ያመጣት መልአክ ነው።
(ድርሳነ ዑራኤል ገጽ 26 ምዕ 4)
አቤቱ የመላእክት ሁሉ አለቃ የሚሆን የቅዱስ ዑራኤል አምላክ ጌታ ኢየሱስ ክርስቶስ ሆይ በክርስቶስ ክርስቶሳውያን የተሰኘን የጥምቀት ልጆች ከመከራ ሥጋ ፤ከመከራ ነፍስ ጠብቀን ለዘለዓለሙ አሜን።

#ጌታ_ሆይ😢😢🙏🙏🙏
የምንሰማውና የምናየው እንደ ማዕበል ያናውጣልና ሞገድ የማይቀርበው መርከባችን ሆይ አሳርፈን፡፡ የሰው ዘር በጭንቅ ተይዟልና መላ ያለህ ጌታ አንተ ዕረፍትን ስጠን፡፡ የሚያስቀናው ፍቅራችን ተፈትኗልና መነፋፈቅን መልስልን፡፡ ክብር ርቆን ተደፋፍረናልና መንፈስህን ላክልን፡፡ ያለ ቃልህ እንስማማለን ብለን ተደበላልቆብናልና እንደ ሐሳብህ እንድናስብ፣ እንደ ፈቃድህ እንድንኖር፣ እንደ ቃልህ እንድንናገር አቤቱ ሆይ እርዳን፡፡ ብንረሳህ አትርሳን አለማወቃችንን ይቅር በለው፡፡ ካለንበት ምጥ ከአንተ በቀር የሚያወጣን የለምና የድንግል ልጅ አማኑኤል ሆይ እባክህ ድረስልን፡፡ ሁሉን በሚገዛው ስልጣንህ እናምናለን🙏🙏

አቤቱ፥ እንደ ቸርነትህ መጠን ማረኝ፤ እንደ ምሕረትህም ብዛት መተላለፌን ደምስስ።
ከበደሌ ፈጽሞ እጠበኝ፥ ከኃጢአቴም አንጻኝ፤
እኔ መተላለፌን አውቃለሁና፥ ኃጢአቴም ሁልጊዜ በፊቴ ነውና።
አንተን ብቻ በደልሁ፥ በፊትህም ክፋትን አደረግሁ፥ በነገርህም ትጸድቅ ዘንድ በፍርድህም ንጹሕ ትሆን ዘንድ።
እነሆ፥ በዓመፃ ተፀነስሁ፥ እናቴም በኃጢአት ወለደችኝ።
እነሆ፥ እውነትን ወደድህ፤ የማይታይ ስውር ጥበብን አስታወቅኸኝ።
በሂሶጵ እርጨኝ፥ እነጻማለሁ፤ እጠበደስ ከበረዶም ይልቅ ነጭ እሆናለሁ።
ሐሤትንና ደስታን አሰማኝ፥ የሰበርሃቸውም አጥንቶቼ ደስ ይላቸዋል።
ከኃጢአቴ ፊትህን መልስ፥ በደሌንም ሁሉ ደምስስልኝ።
አቤቱ፥ ንጹሕ ልብን ፍጠርልኝ፥ የቀናውንም መንፈስ በውስጤ አድስ።
ከፊትህ አትጣለኝ፥ ቅዱስ መንፈስህንም ከእኔ ላይ አትውሰድብኝ።
የማዳንህን ደስታ ስጠኝ፥ በእሽታ መንፈስም ደግፈኝ።
ለሕግ ተላላፎች መንገድህን አስተምራለሁ፥ ኃጢአተኞችም ወደ አንተ ይመለሳሉ።
የመድኃኒቴ አምላክ እግዚአብሔር ሆይ፥ ከደም አድነኝ፥ አንደበቴም በአንተ ጽድቅ ትደሰታለች🙏🙏🙏
መዝሙረ ዳዊት ምዕራፍ 51

ጸሎት ለማድረግ አታቅማማ፤ ሥጋ ከምግብ በተከለከለ መጠን ደካማ እንደሚሆን ነፍስም ከጸሎት ስትከለከል ደካማ ትሆናለች፡፡
ስለሁሉም ነገር ሳታቋርጥ ጸልይ፤ እንዲህ ካላደረግክ ምንም ነገር ያለ ልዑል እግዚአብሔር ፈቃድ የማታከናውን ትሆናለህ፡፡ ያለጸሎት ራሱን በማንኛውም ዓለማዊ ጉዳዮች የሚያደክም ሰው በመጨረሻ ውጤታማ ሊሆን አይችልም፡፡ ሰው ራሱን ኃጢአተኛ እንደሆነ እያሰበ ወደ እግዚአብሔር ካለየ ጸሎቱ ተቀባይነት አይኖረውም ፡፡
እግዚአብሔር ለሰው ምሕረትን ሲያድል አንድ ሰው እንዲጸልይለት ያነሣሣዋል፡፡ በዚህ ጸሎት አማካኝነትም ይረዳዋል፡፡ በመከራ ጊዜ ያለማቋረጥ መሓሪውን አምላክ በጸሎት ጥራው፡፡ ባለማቋረጥ የእግዚአብሔርን ስም መጥራት ለነፍስ ቁስል መድኃኒት ነው፡፡ ሰው በታመመ ጊዜ ዶክተሩ ፍቱን መድኃኒትን ፈልጎ ለበሽተኛው እንደሚሰጠው መድኃኒቱም ወደ ሰውነቱ ገብቶ ሥራ ሲሠራ እንጂ እንዴት እንደሚሰራ እንደማናውቀው በተመሳሳይ ሁኔታ የእግዚአብሔርን ስም አዘውትረን ስንጠራ እንዴት ጸሎታችን እንደሰራ ሳናውቅ የእግዚአብሔርን ፍቅር ምህረትና ርኅራኄ በእኛ ላይ ሲደረግ እንመለከታለን፡፡

የቅዱስ ጊዮርጊስ ታሪክ
ሊንኩን በመጫን አንብቡ👇🙏
https://www.facebook.com/632494927133079/posts/1076418569407377/

#ሽሽታችሁ_በክረምት_እንዳይሆን_ጸልዩ🙏
እቃዎች የኣገልግሎት ግዜያው ኣልቆ እንደሚጣሉት ሁሉ ፣ እቺ
ዓለም የኣገልግሎት ግዜዋ እያለቀ ይመስላል።
#በዚህ_ዘመን ወንጌል የመጸሓፍ ቅዱስ ቃል / በዓለም ሁሉ
እየተሰበከ ናው ፡፡ ካቶሊኩ ፣ መናፍቁ ፣ ጆህባው ……..ወንጌሉን
በዓለም ኣሰራጭተውታል ፡፡ በኢንተርኔት፣ በቴሌቪዥን እና
ገጽበገጽ በስብከት የወንጌሉ ቃል ያልደረሰው ሰው የለም ፡፡
ማንኛውም ክርስቲያን ፣ ከቤቱ መጸሓፍ ቅዱስ የሌለው የለም ፡፡
ስለዚህ በፍርድ ቀን ወንጌሉን ኣላውቅም የሚል ሰው ኣይኖርም
፡፡ ማስረጃ ፡- " ወንጌል በዓለም ሁሉ ይሰበካል ፤ያን ግዜ
ፍፃሜ ይደርሳል ፡፡ ማቴ 24 ÷ 14"
በዚህ ዘመን የሰውን ልጅ ሃይማኖት ኣልገራውም ፡፡ ሁሉም
የእግዚኣብሔርን ህግ በመጣስ የዘፈቀደ ኑሮ እየኖረ ነው ፡፡
ኣለባበሱ የኣህዛብ ሆኗል ፡፡ ሴቶች ጭናቸውን እና ባታቸውን
ሲገልጡ ፣ እንደ ወንድ ሱሪ ና ቀበቶ ሲታጠቁ ፣ በየ መድረኩ
ሲበለበሉ ፣ ባእድ ኬሚካል ሲለቀለቁ ፣ ለፋሽን ሲጨነቁ ፣
በባላቸው ላይ ሲማግጡ ፣ በመልካቸው ሲመኩ ፣ የሴትነት
ስጦታቸውን እንደ ፍየል ሲያጋልጡ ፣ሃይማኖትን ሲወረውሩ
እየታየ ነው ፡፡ ወንዶችም እንደ
እህቶቻቸው ኬሚካል ሲለቀለቁ ፣ በመጠጥ ሲዋኙ ፣ በዝሙት
ሲናኙ ፣ እንደ ካልስ ሴት ሲቀያይሩ ፣ በገንዘቡ ኃጢኣትን ሲገዙ
፣ በሽጉጥ ሲመኩ ፣ …….. እያየን ነው ማስረጃ 1 ፡"
በኃጢኣታቸው የሚለያዩ እና ልቡናቸው በወደደው የሚያስቱ …
የይሁዳ 1÷ 19 " ማስረጃ 2፡ " እንግዲህ … ርኩሱም ይርከስ
፣ ጻዲቁም ይፅደቅ ፣ቅዱሱም ይቀደስ ራዕ 22÷11
በዚህ ዘመን ሰምተነው የማናውቀው ፣ ሳይንሱ የማይፈውሰው
በሺታ መጥቷል ፡፡ ፍርሃት ነግሷል ፡፡ እርስ በርስ የሰው ልጅ
የማይተማመንበት ግዜ ላይ ደርሷል ፡፡ ከኣምላክ ይልቅ
ባለስልጣን ፤ ከነፍስ ይልቅ ስጋ ፣ ከሕገ እግዚአብሄር ይልቅ ሕገ
መንግስት እያስፈራራ ነው ፡፡ ዘመናዊ ህክምና የሰው ልጅ የነፍስ ኣባት ሆኗል። ።ጠበል መሄድ የድህነት እና የባላገርነት መገለጫ
ሆኗል። ማስረጃ "በሰውም ላይ በሽታ እና ፍረሃት ይመጣል
ሉቃ 21 ÷ 10-19
በዚህ ዘመን ቤተክርስቲያን እየተደፈረች ነው። እስከ ጫማቸው ቤተ መቅደስ እየገቡ ነው ፡፡ ኣህዛቡ ሁሉ ተመሳስሎ ኣውደ ምህረት ላይ እየሰበከ ነው። ኣህዛቡ ስጋወ ወደሙን እያቀበለ
እና እየተቀበለ ነው። ነገር ግን ነገ ከዚህ የከፋ ነገር ይመጣል እናዳናስተውልም ተጋርደናል
መንፈስ ቅዱስ ርቆናል። ማስረጃ ፡" የጥፋት
ርኩሰት በማይገባው በቅዱስ ቦታ ላይ ቆሞ በኣያችሁ
ግዜ….ሽሹ ….ማር 13 ÷ 14-18
በዚህ ዘመን እየተወደደ ያለው ሃይማኖተኛ ሳይሆን ሙደኛ እና
ዱርየ የሆነ ነው ፡፡ እየተወደደች ያለችውም ከሕገ እግዚአብሐየር ወጥታ ወደ ሕገ ፋሺን የገባችው ናት ፡፡
የቤተክርስቲያኗ ስብከት ተወርውሮ የዓለም የሆነው ኮሜዲ ፣
ሮማንስ ፣ አክሺን እና ኣድቬንቸር ፣ …….ፊልም ተመልካቾቻቸው
ከልክ በላይ ሆኗል ፡፡ መዝሙር ጧት ብቻ ይከፈትና ሲረፍድ ወደ
ዘፈን ዓለም ይገባል ፡፡ ከሃይማኖት ኣስተማሪ ይልቅ የፊልም
አክተር ይወደዳል፣ይፈቀራል። የኔ ሮል ሞዴል እገሌ እገሊት…. ነው ይባላል ፡፡ ፖስተሩን እንደ ቅዱሳን ስዕል
ከቤት ይሰቀላል፡፡ ትውልዱ ኣብዛኛው ባዶ ነው፡፡ የሚጠቅመውን አይመርጥም ፡፡ ሲኒማ ቤት ከቤተክርስቲያን የበለጠ ክብር አግኝታለች ፡፡ ቤተክርስቲያን ሲጨንቅህ ብቻ
የምትሄድባት ባጣ ቆይሽ ሆናለች ፡፡ ዓለምን እያናናቀ የሚያስተምር ይጠላል ፡፡ መንፈሳዊ ሰው ይጠላል ፡፡ ከተወሰ
ግዜም ቡሃላ የሚመጣውን እንመለከታለን ፡፡ ሃማኖተኛ ኣሸባሪ
የሚባልበት ግዜ ደርሷል ፡፡ ነጭ ለባሽ የሚወገድበት ግዜ ቀርቧል ፡፡ ማእተብህ ማነቂያህ የሚሆንበት ግዜ ደርሷል ፡፡
ነገር ግን ሁሉም ኣይነቃም ፡፡
ማስረጃ1 ፡ " ስለስሜ በሰው ሁሉ ዘንድ የተጠላችሁ
ትሆናላችሁ ማር 13 ÷ 13 ፤ ማስረጃ 2፡ ወላጆቻችሁ
……..ኣሳልፈው ይሰጧችኋል ፡፡ ሁሉም ስለ ስሜ ይጠሉኣችኋል
ይገድሉምኣችኋል ፡፡ ሉቃ 21 ÷ 10-19
በቅርቡ የሰው ልጅ ሁሉ በተለያዩ ማሳመኛወች በማሳመን ሲም
ካርድ መሰል /ማይክሮ ቺፕ/ ከሰውነቱ ያሰቀብራል ፡፡ ይህ ከሆነ
ቡሃላ የሰው ልጅ እንደ እንስሳ ሆነ ፡፡ የሰው ልጅ እንስሳትን
ማዘዝ ኣይችልም ፣ ራሱን ኣይቆጣጠርም፡፡ ምክንያቱም
ህሊናውን ኣያውቅም ሁሉም የሰው ልጅ ቴክኖሎጅውን ይቀበላል።የቤተክርስቲያን ልጅ ነኝ የሚለው ሁሉ ይቀበላል፡፡
ተጋርደናል፣ ከመንፈስ ቅዱስ ርቀናል ፡፡ በዚህ ሰዓት ንብረቴን፣ ስልጣኔን ፣ ሳይሉ የሚሸሹ የተመረጡት ብቻ ናቸው ፡፡ እንደ
ፈለገ ቢራ እና ቁርጥ እያግበሰበሰ የኖረ ሆድ ለነገዋ ቀን
ጠላት ይሆነዋል ፡፡ ነገ ተራራውን የሚወጡት ድሃዎቹ እና ኣሁን
የተጎሳቆሉት በጣም ውስኖቹ ብቻ ናቸው ፡፡ /// " ማስረጃ 1፡
ወደ ተራሮች ሽሹ ……በሰገነት ያለውም ወደ ምድር ቤት ኣይውረድ ፣ በቤት ውስጥ ያለውም ይወስድ ዘንድ ኣይግባ
በዱር ያለም ልብሱን ይወስድ ዘንድ ኣይግባ ፣ነገር ግን በዚያን
ወራት ለፀነሱ ና ለሚያጠቡ ወዮላቸው ፡፡ ነገር ግን ሽሽታችሁ
በክረምት እናዳይሆን ጸልዩ ማር 13 ÷14-18
እግዚአብሔር ምህረቱን ይላክልን
በይቅርታ ይጎብኘን አሜን🙏🙏🙏

#አልነቃ_ብለን_እንጂ_ካስጠነቀቁን_ቆይተናል
በረከታቸው ይደርብንና. ይህችን አለም ጥለው ወደፈጣሪ ከመሄዳቸው በፊት አባ ዘወንጌል አሁን እየሆነ ያለውን በሙሉ ተናግረው ነበር።
በ 2012 መድሃኒት የሌለው በሽታ እንደሚገባ፣ በበሽታውም ሰው እንደሚሞት፣ ንስሀ ለመግባት እንኳን አባቶችን እንደማናገኝ፣ የአብይ ፆም እማይፆምበት ቤተክርስትያን የማንሄድበት ግዜ እንደሚመጣ ቀድመው ተናግረዋል
የተናገሩት ሳይቆይ እያየነው ነው።
እኛ ግን አልነቃንም ፈዘዝን ይሄው ያሉት ሁሉ ሆነ
አሁን የቀረው እረሀብ፣ስደትና ሞት ነው። እግዚአብሔር ግን ይሄን አያሳየን ይቅር ይበለን
እግዚአብሔር ምህረትን ይቅርታን ያውርድልን
የ አባታችን አባ ዘወንጌል በረከት ይደርብን
ስለ እነሱ ፀሎት ልመና ሲል ኢትዮጵያን ይጠብቅልን🙏🙏

እንኳን ለጻድቁ አባታችን ቅዱስ ተክለ ሃይማኖት ዓመታዊ በዓለ ፅንሰት በሰላም አደረሳችሁ፤ አደረሰን። † †
#ቅዱስ_ተክለ ሃይማኖት ሐዋርያዊ
ጻድቁ አቡነ ተክለ ሃይማኖት ለኢትዮጵያ ቤተ ክርስቲያን ዐይን ናቸው:: ጻድቁን መንካት የቤተ ክርስቲያንን ዐይኗን መጠንቆል ነው::
ተክለ ሃይማኖት እንደ ሊቃውንት ሊቅ: እንደ ሐዋርያት ሰባኬ ወንጌል: እንደ ሰማዕታት ብዙ ግፍ የተቀበሉ: እንደ ጻድቃን ትሩፋት የበዛላቸው: እንደ ደናግል ንጽሕናን ያዘወተሩ: እንደ ባሕታውያን ግኁስ: እንደ መላዕክትም ባለ ክንፍ አባት ነበሩ:: ለዚሕ ነው ተክለ ሃይማኖትን የኢትዮጵያ ቤተ ክርስቲያን ዐይኔ የምትላቸው::
††† ልደት †††
††† መልካም ዛፍ መልካም ፍሬን ያፈራልና ተክለ ሃይማኖትን የወለዱት ደጋጉ: ጸጋ ዘአብ ካህኑና እግዚእ ኃረያ ናቸው:: እርሱ በክህነቱ: እርሷ በደግነቷ: በምጽዋቷ ጸንተው ቢኖሩ እግዚአብሔር ጣፋጭ ፍሬን ሰጥቷቸዋል::
በዳሞቱ ገዢ በሞተለሚ አደጋ ቢደርስባቸው ቅዱስ ሚካኤል: ጸጋ ዘአብን ከሞት: እግዚእ ኃረያን ከትድምርተ አረሚ (ከአረማዊ ጋብቻ) አድኗቸዋል:: በኋላም የቅዱሱን መወለድ አብስሯቸዋል::
ጻድቁ አቡነ ተክለ ሃይማኖት የተጸነሱት መጋቢት 24 ቀን በ1206 ዓ/ም ሲሆን የተወለዱት ደግሞ ታኅሣሥ 24 ቀን በ1207 ዓ/ም ነው:: በተወለዱበት ቀንም ብዙ ተአምራት ተገልጸዋል:: ቤታቸውም በበረከት ሞልቷል::
ዕድገት
የጻድቁ የመጀመሪያ ስማቸው "ፍሥሃ ጽዮን" ይሰኛል:: ይሕንን ስም ይዘው: አባታቸው ጸጋ ዘአብን ተከትለው አድገዋል:: በተለይ ቅዱሳት መጻሕፍትን (ብሉያት: ሐዲሳትን) ተምረዋል:: በሥጋዊው ጐዳናም ብርቱ አዳኝ እንደ ነበሩ ይነገራል:: ዲቁናም ከወቅቱ ጳጳስ አባ ጌርሎስ ተቀብለዋል::
መጠራት
አንድ ቀን ፍሥሃ ጽዮን ለአደን ወጥቶ ሲያነጣጥር ድንገት ከሰማይ አስደንጋጭ ድምጽ ተሰማ:: የክብር ባለቤት ጌታችን ኢየሱስ ክርስቶስን አእላፍ መላእክት እያመሰገኑት በሚካኤል ክንፍ ተቀምጦ ወረደ::
የወጣቱን አዳኝ ፍርሃቱን አርቆ ጌታችን ተናገረ:: "ከዛሬ ጀምሮ ስምህ ተክለ ሃይማኖት (ተክለ ሥላሴ) ይሁን:: ከዚህ በኋላ አራዊትን ሳይሆን ነፍሳትን ታድናለህ:: ዘወትር ካንተ ጋር ነኝ" ብሎ በግርማ ዐረገ:: ቅዱስ ተክለ ሃይማኖት ከዚህ ጊዜ በኋላ ሰዓትን አላጠፉም:: ንብረታቸውን ለነዳያን በትነው በትር ብቻ ይዘው ቤታቸው እንደ ተከፈተ ወደ ምናኔ ወጡ::
አገልግሎት
ቅዱስ ተክለ ሃይማኖት ከጳጳሱ ቅስና ተቀብለው የወንጌል አገልግሎትን ጀመሩ:: በመጀመሪያ ስብከታቸው እዚያው ሽዋ (ጽላልሽ) አካባቢ ብቻ በ10ሺ የሚቆጠሩ ሰዎችን አሳምነው አጠመቁ:: ያን ጊዜ ኢትዮጵያ 2 መልክ ነበራት::
1ኛ. ዮዲት (ጉዲት) በፈጠረችው ጣጣና በእስላሞች ተጽዕኖ ወደ ደቡብ አካባቢ ያለው ነዋሪ አንድም ሃይማኖቱን ክዷል: ወይም በባዕድ አምልኮ ተጠምዷል::
2ኛ. በዛግዌ ነገሥታት ጥረት ክርስትናና ምናኔ ተነቃቅቶ ነበር::
ግማሹ ሃገር በጨለመበት ወቅት የደረሱት ሐዲስ ሐዋርያ አባ ተክለ ሃይማኖት በወጣት ጉልበታቸውና በኃይለ መንፈስ ቅዱስ ብዙ ቦታዎችን አደረሱ:: ሕዝቡን: መሣፍንቱን ወደ ሃይማኖት መልሰው: ማርያኖችን (ጠንቋዮችን) አጥፍተዋል::
ገዳማዊ ሕይወት
ቅዱስ ተክለ ሃይማኖት በወንጌል ብርሃን ኢትዮጵያን ከማብራታቸው ባለፈ ገዳማዊ ሕይወትንም አስፋፍተዋል:: እርሳቸው ከሁሉ የተሻሉ ሳሉም በ3 ገዳማት በረድዕነት አገልግለዋል::
እነዚህም በአቡነ በጸሎተ ሚካኤል ገዳም ለ12 ዓመታት: በአቡነ ኢየሱስ ሞዐ ዘሐይቅ ገዳም ለ7 ዓመታት: በደብረ ዳሞ ከአቡነ ዮሐኒ ጋር ለ7 ዓመታት: በአጠቃላይ ለ26 ዓመታት አገልግለዋል::
በአቡነ ኢየሱስ ሞዐ ከመነኮሱ በኋላም ወደ ምድረ ሽዋ (ዞረሬ) ተመልሰው በአንዲት በዓት ውስጥ ለ22 ዓመታት ቆመው ጸልየዋል:: በተሰበረ እግራቸውም 6 ጦሮችን በግራና በቀኝ ተክለው ለ7 ዓመታት ጸልየዋል::
ስድስት ክንፍ
ኢትዮጵያዊው ጻድቅና ሐዋርያ ቅዱስ ተክለ ሃይማኖት ከኢትዮጵያ ወደ ኢየሩሳሌም ተጉዘው ከቅዱሳት መካናት ተባርከዋል:: ጻድቁ ምድረ እሥራኤል የገቡት በየመንገዱ መንፈሳዊ ዘርን እየዘሩ: እያስተማሩና እያሳመኑ ነበር::
የወቅቱ ሊቀ ጳጳሳት አባ ሚካኤል ጋርም ተገናኝተው ቡራኬን ተሰጣጥተዋል:: ዋናው ጉዳይ ግን ከዚህ በኋላ ነው:: ጻድቁ እመቤታችንና ጌታችን ከጽንሰታቸው እስከ ዕርገታቸው የረገጧቸውን ቦታዎች ሲመለከቱ በፍጹም ተደሞ እንባቸው ይፈስ ነበር::
ምክንያቱም እግዚአብሔር ስላበቃቸው ተክለ ሃይማኖት የሚያዩት ቦታውን አልነበረም:: በገሃድ:-
-በቤተ መቅደስ ብስራቱን
-በቤተ ልሔም ልደቱን
-በቤተ ዮሴፍ ግዝረቱን
-በፈለገ ዮርዳኖስ ጥምቀቱን
-በቤተ አልዓዛር ተአምራቱን ይመለከቱ ነበር::
የጉብኝታቸው የመጨረሻ ክፍል ወደ ሆነው ቀራንዮ ደርሰው ጌታቸውን እንደ ተሰቀለ ሆኖ ቢመለከቱት ከዓይናቸው ይፈስ የነበረው ቁጡ እንባ መልኩን ቀየረና ዓይናቸው ጠፋ::
በዚያች ቅጽበት ስም አጠራሯ የከበረ እመቤታችን ድንግል ማርያም ፈጥና ደርሳ ቅዱስ ተክለ ሃይማኖትን ወደ ሰማይ አሳረገቻቸው::
በዚያም:-
*የብርሃን ዐይን ተቀብለው
*ስድስት ክንፍ አብቅለው
*የወርቅ ካባ ላንቃ ለብሰው
*ማዕጠንተ ወርቁን ይዘው
*ከሃያ አራቱ ካህናተ ሰማይም ተደምረው
*ሥላሴን በአንድነቱና ሦስትነቱ ተመልክተው
*"ስብሐት ወክብር ለሥሉስ ቅዱስ ይደሉ" ብለው መንበረ ጸባኦትን አጥነው ወደ መሬት ተመልሰዋል::
ተአምራት
የአቡነ ተክለ ሃይማኖት ተአምራት እንደ ሰማይ ከዋክብት የበዛ ነው::
*ሙት አንስተዋል
*ድውያንን ፈውሰዋል
*አጋንንትን አሳደዋል
*እሳትን ጨብጠዋል
*በክንፍ በረዋል
*ደመናን ዙፋን አድርገዋል::
ብዙ ደቀ መዛሙርትን አፍርተው ደብረ ሊባኖስን መሥርተዋል:: በዚያም ሴትና ወንድ መነኮሳት እንደ ሕፃናት አብረው ኑረዋል:: በዘመናቸው ሰይጣን ታሥሯልና::
ዕረፍት
ጻድቅ: ሰማዕትና ሐዋርያ አቡነ ተክለ ሃይማኖት ብርሃን ሆነው መከራን በብዙ ተቀብለው: እልፍ አእላፍ ፍሬን አፍርተው: በተወለዱ በ99 ዓመት: ከ8 ወር: ከ1 ቀናቸው ነሐሴ 24 ቀን በ1306 ዓ/ም ዐርፈዋል:: ጌታ: ድንግል ማርያምና ቅዱሳን ከሰማይ ወርደው ተቀብለዋቸዋል:: 10 ትውልድ የሚያስምር ቃል ኪዳንም ተቀብለዋል::
=>ይህች ዕለት ለጽንሰታቸው መታሰቢያ በዓል ናት፡፡
††† አምላከ ቅዱሳን ከጻድቁ አባታችን በረከትን ይክፈለን::
††† መጋቢት 24 ቀን የሚከበሩ ዓመታዊ የቅዱሳን በዓላት
1.ቅዱስ ተክለ ሃይማኖት (ጽንሰቱ)
2.ቅዱሳን እግዚእ ኃረያና ጸጋ ዘአብ
3.ቅዱስ አባ መቃርስ ሊቀ ጳጳሳት
††† ወርኀዊ በዓላት
1.ቅዱስ አጋቢጦስ ጻድቅ
2.ቅድስት ክርስቶስ ሠምራ
3.ቅዱስ ሙሴ ፀሊም
4.ቅዱስ ቶማስ ዘመርዐስ
5.ቅዱስ አብላርዮስ ታላቁ
6.ሃያ አራቱ ካኅናተ ሰማይ
††† "በረከት በጻድቅ ሰው ራስ ላይ ነው:: የኀጥአንን አፍ ግን ግፍ ይከድነዋል:: የጻድቅ መታሰቢያ ለበረከት ነው:: የኀጥአን ስም ግን ይጠፋል::" †††
(ምሳሌ ፲፥፮)
የተክልሃይማኖት ምልጃና ፀሎት አይለየን

ሳሙና የሚገድለው በሽታ ቤተ ክርስቲያንን አዘጋ
ሙት ያስነሳው የኤልያስ አምላክ ሆይ ወዴት አለህ?
ከሞተ በሇላ በአጽሙ ሙት ያስነሰው የኤልሳዕ አምላክ ሆይ ለምን ዝም አልክ?
ባህር የከፈለው የሙሴ አምላክ ሆይ ወዴት ነህ?
በእጣኑ በሽታን አርቆ ምሙማንን የፈወሰው የአሮን አምላክ ሆይ ለምን ዝም አልክ?
ፀሐይን ያቆመው የኢያሱ አምላክ ሆን ለምን ተውከን?
ጣቢታን ከሞት ያስነሳው የጴጥሮስ አምላክ ሆይ ወዴት ነህ?
በቤተ መቅደሱ በር ድውያንን የፈወሱ የጴጥሮስ የዮሐንስ አምላክ ሆይ መቅደስህ ሲዘጋ ለምን ዝም አልክ?
በልብሳቸው ድውያንን የሚፈውሱ በጥላቸው ምህረትን የሚያመጡ የቅዱሳን አምላካቸው ሆይ ተለመነን
የነቢያት አምላካቸው ምህላችን ስማን
የሐዋርያት አምላካቸው ጸሎታችን ከፊትህ ትድረሰን
የሰማእታት አምላካቸው ስለእነሱ ብለህ ራራልን
በቃል ዐላዛርን ጠርተህ ከሞት ያስነሳሀው የአላዛር አምላክ ሆይ ሞትና ህማም በአንተ ዘንድ ኢምንት ናቸውና እባክህ እንደክፋታችን አትክፈለን
በዘመነ ሰማእታት በከሀድያን ነገስታት ቤተ ክርስቲያን ተዘግታ ነበር
ዛሬ ደግሞ ሳሙና በሚገድለው በሽታ ምክንያት በደምህ የዋጀሃት ቤተ ክርስቲያንህ ስትዘጋ ዝም አትበል
በቆሮንቶስ የፈተነህ ሰይጣን ዛሬም በዓለም ዙሪያ በሽታ ዘርቶ ቤተ ክርስቲያንህን ፈትኗታል በቆሮንቶስ ድል እንደነሳሀው ዛሬም ድል መንሳትህ ከቤተ ክርስቲያንህ አታርቅ
አምላክ ሆይ ታረቀን ተለመነን ማረን እዘንልን እንደ ኀጢአታችን አትፍረድብን
ቁጣህን በምረትህ መልስልን
አምላክ ሆይ ከአንተ ደጅ ተለይቶ ከመኖር ከባድ ሞት ነው ከጅህን ክፈትልን
ሳሙና የሚገድለው በሽታ ሰውን በመግደል ሰውን አስጨንቋልና
ለዓለም ፈውስህን ላክላት እጆችህን ዘርጋላት
በዚህ ቤተ ክርስቲያን በምትዘጋበት ዘመን መፈጠሬን አምርሬ ጠላሁት
ሞተ ሥጋ የማይቀር ነው ከደጅህ መቅረት ግን ከባድ ሞት ነው
መጻጉን የፈወሱ እጆችህ
አላዛርን ያነሳ ድምጽህ
ወለተ ኤያኤሮስን ያነሳ ዝምታህ
አጋንንትን ያወጣ ኀይልህ
ድውያንን የፈወሰ ምህረት
አይለየን
መጋቤ ሐዲስ ሄኖክ ፈንቴ ✍

አንድን አባት ሰዎች መጡና "ዘወትር ጸሎት በማድረግህ በሕይወትህ ላይ የጨመረልህን ነገር ንገረን?" አሉት። እርሱ ግን "ጸሎት በማድረጌ ከጨመርሁት ይልቅ የቀነስሁት ይበዛልና እርሱን ልንገራችሁ። ጸሎት በማድረጌ ከሕይወቴ ውስጥ ጭንቀት ፍርሃት ተስፋ መቁረጥና ቁጡነትን ቀንሻለሁ አላቸው

ጎልያድ በማንም ልብ ውስጥ ፍርሀትን ሊነዛ የሚያስችል ቁመናና ትልቀት የነበረው ግዙፍ ሰው ነበር። ዳዊት ደግሞ የ አስራ ሰባት አመት ኮሳሳ ወጣት ነበር ይህ ጎረምሳ ለቤተሰብ ስንቅ ሊያደርስ ወደ ጦርነቱ ስፍራ በደረሰበት ወቅት ይህን ግዙፍ ሰው ተመለከተና ለምንድነው ይህንን ሰውየ ትግል የማትገጥመው? ሲል ወንድሞቹን ጠየቃቸው አታይም እንዴ ምን ያህል የሚያስፈራ ግዙፍ እንደሆነ? አሉት ወንድሞቹ። ዳዊት ግን በመገረም አዎ ግዙፍማ ግዙፍ ነው ሆኖም ግዙፍነቱ ድንጋይ ወርውራችሁ እንዳትስቱት ትልቅ አጋጣሚ ይሆናል በማለት ዳዊት ጎልያድን ባንዲት የወንጭፍ ድንጋይ ከመሬት ዘረረው።
እና ምን ለማለት ፈልጌ ነው ሁሉም ነገር መጥፎ ቢሆንም በጎነት አለው የጎልያድ ግዝፈት ዲንጋይ ወርውሮ እንዳይስት ያደርገዋል።
የኛም ችግር መከራ ስቃይ ቢገዝፍም በ እግዚአብሔር ከታመንን የማናሸንፍበት ምክንያት የለም።
ኢየሱስም እውነት እውነት እላችሁአለው የስናፍጭ ቅንጣት የሚያህል እምነት ቢኖራችሁ ይህን ተራራ ከዚህ ወደዚያ እለፍ ብትሉት ያልፋል እንዳለው።
እኛም በእግዚአብሔር ሀያልነት አምነን ችግራችንን እንጋፈጠው።
ሁሉም በእግዚአብሔር ያልፋል።

ዛሬ ቅዱስ መርቆሪዎስ ነው 25♥♥
ሰማዕቱ ቅዱስ መርቆሬዎስ አገሩ ሮም አስሌጥስ ነው። አባት እናቱ አረማውያን ነበሩ። ቅዱስ መርቆሬዎስ ከተወለደ በኋላ መልአኩ የተናገረው ቃል ሁሉ እንደተፈጸመ ሲያውቅ አባቱ ከነቤተሰቡ አምነው ተጠምቀዋል። የመርቆሬዎስ ስመ ጥምቀቱ “ፕሉፖዴር” ነው፤ ገብረ እግዚአብሔር ማለት ነው። በጥበብ በፈሪሀ እግዚአብሔር አድጎ አባቱ ሲሞት የአባቱን ሹመት ወረሰ።
በወጣትነቱ ከሃዲው ንጉስ ኡልያኖስ ላቆመው ጣኦት አልሰግድም ብሎ የሰው ልጅ ሊሸከመው የማይችለውን መከራ ተቀበለ፤ ደም ውሃና ወተት ከአንገቱ ፈሰሰ። ይህ ሰማዕት በአገራችን በስሙ በርካታ ገዳማትና አብያተክርስቲያናት አሉት። በተለይም ቅዱስ ላሊበላ ካነጻቸው 11 ውቅር አብያተ ክርስቲያናት አንዱን ቤተ መርቆሪዎስ ብሎ ሰይሞለታል። በዚህ በሰሜን ሸዋ ደግሞ የሚገርም ገዳም አለው። ካህናት በማህሌት ወረብ ሲያቀርቡ ስዕሉ ያሸበሽባል ይዘላል፤ ይህንንም አይቶ ማረጋገጥ ይቻላል። በመዲናችን አዲስ አበባ ቅዱስ ኡራኤል ቤተክርስቲያን ውስጥ ታቦቱ አለ:: በኋላም አንገቱን ቆርጠው ከገደሉት በኋላ ፈረሱ ለሰባት ዓመት ወንጌልን አስተምሯል። እንዴት ብሎ የሚገረም የበልአምን አህያ ይጠይቃት። እኛስ እስመ አልቦ ነገር ዘይሳኣኖ ለእግዚያብሔር ብለን እንመልሳለን፤ ዘኁልቁ 22፤28 ቅዱስ ጴጥሮስም እንዲህ አለ ቃል የሌለው አህያ በሰው ቃል-ተናግሮ የነብዩን እብድነት አገደ ይላል። 2ጴጥ2፤16።
ሰማእታትን ያፀና አምላክ እኛንም በኦርቶዶክስ ተዋህዶ ቅድስት እምነታችን ያፅናን ! ታላቁ ሰማእት ካልታሰብ ክፉ ድንገተኛ ነገር ሁሉ ይጠብቀን አሜን!!!

የመሸሸግያ ሀገራችሁን ፈልጉ...
አንድ ሰው ሁለት ሃገር ሊኖረው ይገባል በሠላም ግዜ መደሰቻ ፤ በመከራ ግዜ መሸሸጊያ ሃገር ሊኖሩት ይገባል ፡፡ አሁን ግዜው የመሸሸጊያ ሃገራችንን እንድንናፈላልግ ደውሉን የደወለ ይመስላል ፡፡
ምንግዜም ሦስት ሰዎች አሉ ፡፡ የቆመ ፣ የተቀመጠ እና የተኛ ፡፡ ደወሉ ሲደውል ከቆመው የተቀመጠው ፣ ከተቀመጠው ደግሞ የተኛው ይተርፋል ፡፡ ➊ የቆመው ሰው ማን ነው ? በሁሉም ነገር ኣለሁ አለሁ የሚለው ፣ ስሙኝ አዳምጡኝ የሚለው ፣ የፖለቲካ ተዋናኙ ፣ ዘፋኙ ፣ ዳናሹ ፣ ከተሜው ፣ … ማዕበሉ ሲመጣ ጠራርጎ ይወስዳቸዋል ፡፡ እነዚህ የበጋ ቅጠሎች ይባላሉ ፡፡ በጋ ሲመጣ በቅፅበት ይረግፋሉ ፡፡ ➋ የተቀመጠው ሰውስ ማን ነው ? በሁሉም ነገር ቀዳሚ ባይሆኑም ተከታይ ጋሻ ጃግሬ የሆኑ ፣ የዘፋኙ አድናቂ ፣ የፖለቲካው እድርተኛ ፣ አሽቃባጩ ፣ ጀሮ ጠቢው ፣ ያለም የለለም የማይመስል ፣….. ማዕበሉ ሲመጣ ተጠራርገው ይሄዳሉ ፡፡ ➌ የተኛው ማን ነው ? ከዓለሙ ወሬ ተገለው ፣ ከዓለሙ መንገድ ርቀው የሰፈሩት ፣ ሲሞቅ የማይሞቃቸው ፣ ሲበርድ የማይበርዳቸው ፣ ከብልጭልጩ ዓለም ባላንጣ የሆኑት ባላገር የምንላቸው ደወሉ ሲደወል ማዕበሉ ያልፋቸዋል ፡፡ አሁን ባላገር አንደተባሉት ነገ ‹ ባለ ሃገር › ሆነው ሀገሪቱን ይረከባሉ ፡፡ እነዚህ ሰዎች የሰፈሩበት ቦታ ‹ ከእግር በስተቀር የዳቢሎስ ጎማ › አይገባበትም ፡፡ መብራት የላቸውም ፣ ሰልክ የላቸውም ፣ ሆቴል የላቸውም ፣ የዘመኑ ስልጣኔ አልነካቸውም ፤ በመጨረሻው ሰዓት ግን የተገፉት ይካሳሉ ፣ ኋለኞች ፊት ሆነው ፀሐይን ይሞቃሉ ፡፡ ፊተኞች ኋላ ሆነው ባሳደጉት ጅብ ይበላሉ ፡፡ ቀደም ቀደም ያሉት ይቀራሉ ፡፡ መለያየት ለአንዴና ለመጨረሻ ግዜ ……. አወ ! አባቶቻችን የተናገሩት ሁሉ እውነት ይሆናል ፡፡
ሦስቱ እንስሳት እንዲህ ሆኑ ፡- ነብሩ ምግብ ስጠኝ ብሎ ፣ ሚዳቋዋ ከጠላት አድነኝ እያሉ ሲጸልዩ … ሲጸልዩ… አሳማ ግን ሆድ አምላኩ ነውና ጾሎት አያውቅም ፡፡ ‹ ነብር ርቦት እያለ በርቀት ሚዳቋን ተመልክቶ እያባረራት እያለ ሚዳቋ በድንገት የተኛውን አሳማ ዘላ ስትሄድ ነብሩ የተኛውን አሳማ
ተመልከተ ፤ ሃሳቡን ቀየረ ፤ ሩጫውን ትቶ የተኛውን አሳማ አንቆ በላ ፡፡ › አውጣኝ ያለው ወጣ ፣ አብላኝ ያለው በላ ፣ የተኛው - ዝም ያለው ተበላ ፡፡ የዚህ ዘመን ሰውስ እንደ አሳማው ነው ? ወይስ እንደ ሚዳቋዋ ? -------------
በዚህ ዘመን የመደሰቻ ግዜ አልቋል ፡፡ የመደሰቻም ሃገር አያስፈልግም ፡፡ በዚህ ዘመን የመሸሸጊያ ሃገር ብቻ ያስፈልጋል ፡፡ ብልህ ሰው የመሸሸጊያ ሃገሩን ያመቻቻል ፡፡
የመሸሸጊያ ሃገር ምንድን ነው ? ሦስት ናቸው
- ➊ የመሸሸጊያ ሃገር አንድም እግዚአብሔር ነው
- ➋ የመሸሸጊያ ሃገር አንድም ጸሎት ነው
- ➌ የመሸሸጊያ ሃገር አንድም ከከተማ እጅግ እጅግ የራቀ የዳቢሎስ ጎማ የማይደርስበት ደጋ - ጫካ - በረኃ ቦታ ነው።
አሁን በዓለም ላይ የኑሮ ውድነት እየተባለ ሰው ስለ ገንዘብ ይጨነቃል ፡፡ ይህ ቀላል ነው ፡: ይህ እንደ ሚከሰት አባቶቻችን ተንብየውት ነበር ፡፡
ይህ ሁሉ ነገር ግን በዚህ ቢያልፍ መልካም ነበር ፡፡ ከዚህ የባሰ የሞት ርካሽነት ይመጣል ፡፡ የሰው ልጅ ሞትን የሚሸሽበት ዘመን ከፊታችን ይጠብቀናል፡፡ እየሸሸም ነው። ሸሽቶም ተከተለው እንጂ። ይህም አያስጨንቅም ፡፡ ምክንያቱም ምድራዊ ነው ፡፡ የሚያስጨንቀው የላይኛው ቤት ነው ፡፡ የሰው ልጅ ወደ ቤተሰቡ ሲሄድ ባዶ እጁን በማይሄድበት ሰዓት ፤ ለዋናው ወደ ፈጠረው አምላክ ሲሄድ ባዶ እጁን ማለትም ምግባርና ሃይማኖትን ሳይዝ መሄዱ አሳፋሪ የሆነበት ዘመን ላይ ነን ፡፡
☞ አንዲት ሴት ምጥ ተይዛ ታምጣለች …… ልጁም ለምን ያለግዜየ አመጣሽኝ ብሎ ይወቅሳታል !
☞ አዛውንቱ ፀሐይን ለምን በቶሎ አትገቢም እያለ ይወቅሳታል !
☞ ወጣቱ የጨረቃን መውጣት ይጠባበቃል ፤ ስትወጣለትም ይደነግጣል !
- መዝሙረ ዳዊት “ በመከራየ ቀን በድንኳኑ ሸሽጎኛልና ፣
በድንኳኑም መሸሸጊያ ሰውሮኛልና ፣
በዓለትም ላይ ከፍ ከፍ አድርጎኛልና ፡፡
እንሆ አሁን እግዚአብሔር በጠላቶቼ ላይ ራሴን ከፍ ከፍ አደረገ ፡፡ 26 ÷ 5 -
- ውዳሴ ማርያም “ ሰማዕታት የዚህን ዓለም ጣዕም በዕውነት ናቁ ደማቸውንም ስለ እግዚአብሔር አፈሰሱ ፡፡ ስለ መንግሥተ ሰማያትም መራራ ሞትን ታገሱ ፡፡ እንደ ይቅርታህ ብዛት ይቅር በለን ፡፡ ቅድስት ሆይ ለምኝልን።
“ ድንግል ሆይ ሰይጣን እንደ ስንዴ ሊያሸንፈኝ በእኔ ላይ ይመኛል ፡፡ ይቅርታ የሚያደርግልኝ ልጅሽን ለምኝው ፡፡ በኔ ላይ እንዳያሰለጥነው ፡፡ ጸሎቴም በሚቃረን ፊት በአርበኛ እጅ እንደ ፍላጻ በኃይልም እንደሚወጋ ጦር ፤ የጎን አጥንትንም እንደሚሰብር እንደሚያቆስልም ይሁን🙏
@tewahiido

ልባችሁ እንዲጽናና የጥበብን ፍቅር እንዲሰጣችሁ ፤ የእግዚአብሔርን መጻሕፍት መስማት ውደዱ። ሁልጊዜ ቅዱሳት መጻሕፍትን አንብቡ ፤ የሃይማኖት ትምህርት ቃል ሰይጣንን ያቃጥለዋልና። ሐዋርያት በዲድስቅልያ "እግዚአብሔር መንግሥተ ሰማያትን ከአዝርዕት ሁሉ በምታንሰው የሰናፍጭ ፍሬ መስሏታል ፤ እርሷ ሰው በሚቀምሳት ጊዜ እንደምታቃጥል ሁሉ የሃይማኖት ትምህርት ቃልም እንዲሁ ሰይጣንን ታቃጥለዋለችና" በማለት እንደተናገሩት። እንደዚህ ብታደርጉ የመንፈስ ቅዱስ ማደሪያ ትሆናላችሁ ሰይጣንም ከነክፉ ሥራዎቹ ከእናንተ ይርቃል ሕሊናችሁም ከሌላው ፍሬ ይልቅ የእግዚአብሔርን ትእዛዛት ለማወቅ ይሰባሰባል። ቅዱሳት መጻሕፍትን መስማት ፤ ከሰማይም ይሁን ከምድር ወገን ወዳለው በጎ ነገር ያደርሳልና። ስለዚህም ሁሉ ይጨመርላቸኋል

አቤቱ ቃሌን አድምጥ ጩኸቴንም አስተዉል ፤የልመናዬንም ቃል አድምጥ ፣ ንጉሴና አምላኪ ሆይ አቤቱ ወዳንተ እጸልያለሁና፡፡
በማለዳ ድምጼን ትሰማለህ በማለዳ በፊትህ እቆማለሁ እጠብቃለሁም፡፡
አንተ በድልን የማትወድ አምላክ ነህና ክፉ ካንተ ጋር አያድርም፡፡
በከንቱ የሚመኩ በአይኖችህ ፊት አይኖሩም ፤ ክፉ አድራጊዎችን ሁሉ ጠላህ ፤ ሐሰት የሚናገሩትን ታጠፋቸዋለህ ደም አፍሳሾቹን ፣ሸንጋዩንም ሰዉ እግዚአብሔር ይፀየፋል፡፡
እኔ ግን በምህረትህ ወደ ቤትህ እገባለዉ አንተን በመፋራት ወደቅድስናህ መቅደስ እሰግዳለሁ {መዝ ፭፥፩}

ሰው እንጂ እግዚአብሔር አልረሳኝም✤
በጸሎት ኃይል የሚያምን አንድ ፅኑዕ ክርስቲያን ነበር፡፡ ይህም ክርስቲያን ጥሪት የሌለው ደኃ ፣የሚበላውን የሚቸገር ረሃብተኛ ፣ልብሱ በላዩ ላይ አልቆ የታረዘ ምስኪን ነው፡፡ ከእለታት አንድ ቀን በጸሎት ሕይወቱ የነበረውን ትጋት በቅርብ ሆኖ ይታዘብ የነበረው ወዳጁ እንዲህ አለው ‹ቢያንስ ለረሃብህ ማስታገሻ ቁራሽ ዳቦ እንኳን ማስገኘት ካልቻለ የመጸለይህ ትርጉም ምንድር ነው? በቃ ፈጣሪህ አልሰማህም ማለት ነው!› ሲል ተስፋ በሚያስቆርጥ ቃል ተናገረው፡፡ ያ ምስኪን ክርስቲያን ግን እንዲህ ሲል መለሰለት ‹እግዚአብሔርማ አልረሳኝም! ለአንዱ ሰው ከዕለት እንጀራው የበለጠ አትርፎ በመስጠት ለእኔ እንዲያካፍለኝ ነግሮት ነበር፡፡ ነገር ግን ይህን አደራ የተቀበለው ሰው ዘነጋኝ፡፡ ስለዚህ እግዚአብሔር ሳይሆን ይህ ሰው ረስቶኛል!!!›
ክርስቲያኖች ለምን አንዳንዶች ከዕለት የሚተርፍ ብዙ እንጀራ ሲያገኙ፤ አንዳንዶች ደግሞ ለዕለት እንኳን የሚሆን ቁራሽ እንጀራ ያጣሉ? መቼም ‹ለሰው ፊት የማያዳላ› እግዚአብሔር አድልዎ ኖሮበት ነው አትሉም?! (ሐዋ. 10፥34) ይህስ የሆነው እንደ ቅዱስ ዮሐንስ አፈወርቅ ትምህርት አትርፈው ያገኙት ምንም የሌላቸውን በመርዳት እና በመመገብ በባሕርይው መግቦትን ገንዘብ ያደረገውን አምላክ በጸጋ እንዲመስሉትና በፈጠራቸው ሰዎች መካከል ያለውን ትስስር የበለጠ ለማጠናከር ነው፡፡
ስለዚህ ‹የዕለት እንጀራችንን ስጠን ለዛሬ› ብለን የለመንነው አምላክ ከዕለት እንጀራችን አትርፎ የሚሰጠን ይህን አምላካዊ አደራ እንድንወጣም ስለሚፈልግ እንደሆነ ብንረዳው እንዴት መታደል ነበር!!!