#AAEB

የአዲስ አበባ ከተማ አስተዳደር ትምህርት ቢሮ የ2019 ትምህርት ዘመን ዓመታዊ የጊዜ ሰሌዳ ለሁሉም ክ/ከተሞች ትምህርት ጽ/ቤቶች እና በከተማ አስተዳደር ስር ለሚገኙ ሦስት አዳሪ ትምህርት ቤቶች ልኳል።

በዚህም፦
ከሐምሌ 19 እስከ ነሐሴ 22/2018 ዓ.ም
የነባር እና አዲስ ተማሪዎች ምዝገባ ይከናወናል።

ከነሐሴ 26 እስከ ጳጉሜን 5/2018 ዓ.ም
የአዲስ ገቢ የ7ኛ እና የ9ኛ ክፍል ተማሪዎች ምዝገባ ይከናወናል።

መስከረም 05/2019 ዓ.ም
የመጀመሪያ ቀን የመጀመሪያ መደበኛ ትምህርት ክፍለ ጊዜ ይጀመራል።

(የከተማ አስተዳደሩ ትምህርት ቢሮ ለሁሉም ክ/ከተሞች ትምህርት ጽ/ቤቶች እና በከተማ አስተዳደር ስር ለሚገኙ ሦስት አዳሪ ት/ቤቶች የላከው ሙሉ የ2019 ዓ.ም የትምህርት ካሌንደር ከላይ ተያይዟል።)

@Jifar1

የአካል መጉደል ያልበገረው ዶ/ር ሙሃባ ያባ

ነገሩ እንዲህ ነው ገና በልጅነቱ 1999 ዓ.ል ነበር አሰቃቂ የሆነ የመኪና አደጋ የደረሰበት። ቀኝ እግሩን አጣ : ጉዳቱ ተስፋውን የሚያጨልም የነበረ ቢሆንም አንዳንድ ሰዎች አሉ ልክ እንደ ዶ/ር  ሙሃባ ስብራት ማይበግራቸው መቻል ምን እንደሆነ የሚያሳዩ::

ከ4ኛ ክፍል አንስቶ በክራንች ታግዞ የሀይስኩል ት/ቱን በድል በማጠናቀቅ ወደ ጅማ ዩኒቨርሲቲ በ2011 ሜዲሲን በመግባት ትምህርቱን ይጀምራል።

ነገሩ ቀላል አልነበረም ፕሪ ሜድ ፣ PC 1፣ PC2 ሁሉም ጫናው ከባድ ነው። ከሁሉም ፈታኞቹ እና እልህ አስጨራሾቹ ደግሞ ከኪሊኒካል year ጀምሮ የነበሩት C1 C2 እና InterShip ናቸው።

የሆስፒታል ትምህርት እና ስራ በበሐሪው ከታማሚ ፣ ከአስታማሚ እና ከባለሙያዎች ጋር የተገናኘ ከመሆኑም በላይ መሯሯጥ ይበዛዋል። ነገር ግን ዶ/ር ሙሃባ ይህን ሁሉ ጉዞ በክራንች ድል በማድረግ በሰኔ 20/2018 ዓ.ል የዶክተሬት ዲግሪውን ተቀብሏል።

ይህ ሁሉ ችግር እና ጫና ሳይበግረው እዚህ የደረሰው ውድ ጓደኛችን የይቻላል ተምሳሌት እንኳን ደስ ያለህ ዶ/ር ሙሃባ። ስሜቱን በቅርበት ያለ ሰው ያቀዋል ፤ ቀላልም አልነበረም ግን ዶ/ር አድርጎታል።

በድጋሚ እንኳን ደስ ያለህ ዶክተር!