ပုံပြင်ဆန်တဲ့ ဂန္တ၀င်သူရဲကောင်း

အညွှန်း

ဒီနေ့ခေတ်ဂျပန်နိုင်ငံကနေ တခြားကမ္ဘာမှာရှိတဲ့ Melromarc နိုင်ငံတော်ဆီ ဆင့်ခေါ်ခံလိုက်ရတဲ့ လူလေးယောက်က အဲဒီကမ္ဘာမှာတော့ ဒဏ္ဍာရီထဲကသူရဲကောင်းလေးဦးဖြစ်လို့နေပါတယ်။ အကြိမ်ကြိမ်နှောင့်ယှက်နေတဲ့ မိစ္ဆာကပ်ဘေးဒဏ်ကြောင့်မို့ Melromarc နိုင်ငံရဲ့ ကုန်းမြေတွေလည်းပျက်စီးပြီး နိုင်ငံသားတွေလည်း ရာစုနှစ်တွေအကြာကြီး ဒုက္ခရောက်နေရှာတယ်။ သူရဲကောင်းလေးဦးက ဓား၊ လှံ၊ လေး၊ ဒိုင်း ဆိုတဲ့ လက်နက်လေးမျိုးကို ကိုယ်စားပြုတဲ့တာဝန်တွေလည်း ရှိနေပါသေးတယ်။ ကံကြမ္မာက အိမ်တွင်းပုန်းဖြစ်တဲ့ Naofumi Iwatani ကို ဒိုင်းသူရဲကောင်းဖြစ်လာစေတော့ ကျိန်စာသင့်ဘဝကစတင်လာခဲ့ပါပြီ။ ဒိုင်းတစ်မျိုးတည်းကိုပဲ အသုံးပြုလို့ရတဲ့အခါ တိုက်စစ်ကအားနည်း လူကလည်းသာမန်ဆိုတော့ Naofumi ခမျာ တိုင်းပြည်ကသူတွေရော တခြားသူရဲကောင်းတွေဆီကပါ အားငယ်နေရပါတယ်။

သူရဲကောင်းတွေနဲ့လေ့ကျင့်ဖို့ လူရွေးချယ်တော့လည်း Naofumi ဘက်မှာ Malty Melromarc ဆိုတဲ့ကောင်မလေးတစ်ယောက်ပဲ ရှိနေပြန်ရော။ မကြာခင်မှာပဲ Naofumi ကအနိုင်ကျင့်၊ အခွင့်ကောင်းယူပါတယ်ဆိုပြီး Malty ကလိမ်ပြီးသစ္စာဖောက်လိုက်တယ်။ ဒါကိုလူတိုင်းကယုံပြီး အပြစ်မှမလုပ်ဘဲ စွပ်စွဲခံလိုက်ရတဲ့ Naofumi ကိုခွဲခြားဆက်ဆံကြတော့တယ်။ သစ္စာဖောက်ခံလိုက်ရလို့ ဘယ်သူ့ကိုမှမယုံကြည်တော့ဘဲ အစွမ်းတိုးတတ်ဖို့ရာ တိုင်းပြည်အနှံ့ ထွက်လာခဲ့ပါတော့တယ်။ တစ်ယောက်တည်းတိုက်ခိုက်ဖို့ ခက်ခဲနေတော့လည်း သေခါနီးဖြစ်နေတဲ့ လူတစ်ဝက် မိစ္ဆာတစ်ဝက် ကျွန်မလေး Raphtalia ကိုဝယ်ခဲ့ပြီး ခရီးဆက်လို့နေလေတယ်။

မိစ္ဆာကပ်ဘေး ကျရောက်မဲ့အချိန်နီးလာတော့  ဒိုင်းသူရဲကောင်းဖြစ်တဲ့ Naofumi ကရော သူ့ကိုအထင်လွဲ သစ္စာဖောက်ခဲ့တဲ့သူတွေကိုရော ခွင့်လွှတ်ပေးနိုင်မှာလား။ Raphtalia နဲ့နှစ်ယောက်ပေါင်းပြီး တိုင်းပြည်နဲ့ ပြည်သူတွေကိုကာကွယ်ပေးနိုင်မှာလား။ ဒါလေးကိုဆက်သိချင်ရင်တော့ SoulAnimedoM ကတင်ဆက်ပေးမဲ့ Raising of the Shield Hero ဇာတ်ကားလေးမှာ ကြည့်ရှုလို့ရနေပါပြီနော်။
Review By Diamond💎