ဆရာက ဆရာကြီးပါပဲ

Beryl Gardinant အမည်ရတဲ့ ကိုယ့်ကိုယ်ကိုယ်နူးညံ့တတ်တဲ့သူလို့အမွှန်းတင်လေ့ရှိတဲ့ ‌ဓားရေးနည်းပြတစ်ယောက်ဟာ ချောင်းဘေးရွာလေးတစ်ရွာက သူ့ကိုယ်ပိုင်သင်တန်းကျောင်းမှာပဲ နည်းပြလုပ်ရင်းအသက်မွေးလေတယ်။သူဟာအမြဲတမ်းဓားသမားအကျော်အမော်ကြီးတစ်ယောက်အဖြစ်အိပ်မက်မက်နေခဲ့ပေမဲ့အဲဒီလိုနေ့ရက်တွေဟာ အဝေးကြီးမှာကျန်နေခဲ့ပြီဖြစ်တယ်။

ဒါပေမဲ့မထင်မှတ်ထားစွာဘဲ သူ့ရဲ့နာမည်ကြီးတပည့်တစ်ယောက်ဆီက ဖိတ်ကြားစာတစ်ခုရလာခဲ့ပြီး အဲဒီဖိတ်ကြားစာဟာ Liberion Order ရဲ့ သူတို့ရဲ့သူရဲကောင်းတွေအတွက် သူ့အားအထူးနည်းပြအဖြစ်ဖိတ်ကြားခံရတာပင်။ Beryl ဟာသူ့ဘဝကြီးရုတ်ချည်းပြောင်းလဲသွားရပြီး သူ့ရဲ့တပည့်ဟောင်းတွေနဲ့ပြန်တွေ့ဆုံဖို့အတွက် မြို့တော်ကိုခရီးထွက်လာခဲ့ရပါတော့တယ်။

သူ့ရဲ့တပည့်ဟောင်းတွေဟာ အထက်တန်းဆင့်သူရဲကောင်းတွေ မှော်ဆရာကြီးတွေနဲ့ ထိပ်တန်းစွန့်စား‌ရေးသမားတွေတောင်ဖြစ်နေပါလျက်နဲ့ ဘာလို့သူသင်ပြပေးဖို့လိုအပ်ရမှာလဲလို့နားမလည်နိုင်ဖြစ်ခဲ့ရပါတယ်။ သူပိုပြီးသေချာတွေးကြည့်လေ သူတို့ပိုပြီး သူ့ကိုမလိုအပ်ပါဘူးဆိုတာပိုပြီးထင်ရှား‌လာလေဖြစ်တာကြောင့် ဘာလို့များသူ့ကိုခေါ်ခဲ့တာလဲဆိုတာနားမလည်ဖြစ်နေရတာပင်။

Beryl ဟာဒီရာထူးကြီးမှာနေရဖို့အဆင်ပြေပါ့မလား သူ့ရဲ့ချစ်ဖို့ကောင်းတဲ့တပည့်လေးတွေဆီကနေရော ခဏလောက်သူငြိမ်ငြိမ်းချမ်းချမ်းနေရပါ့မလားဆိုတာ SoulAnimedomမှာတင်ဆက်ပေးမဲ့ From Old Country Bumpkin to master swordman ဆိုတဲ့ဇာတ်ကားလေးမှာဆက်လက်စောင့်မျှော်ကြည့်ရှုလိုက်တော့‌နော်
Review By Yu

စုန်းမလေးရဲ့လူ့ဘ၀ခရီးစဉ်

အညွှန်း

Meg ဆိုတဲ့အလုပ်သင်စုန်းမကောင်မလေးတစ်ယောက်ဟာ သူ့ရဲ့၁၇ နှစ်ပြည့်မွေးနေ့မှာသူဟာ တစ်နှစ်ပဲအသက်ရှင်ရတော့မယ်ဆိုတာကိုသိသွားခဲ့ရပါတယ်။အဲဒါနဲ့ပဲ သူ့ရဲ့အသက်ရှည်စွာနေထိုင်ရတဲ့သူ့ရဲ့ဆရာမဖြစ်သူ Faist ဟာသူ့ရဲ့သေခြင်းတရားကိုပျောက်ပျက်အောင်လုပ်ဖို့ ပျော်ရွှင်ခြင်းမျက်ရည်တွေလိုက်စုဆောင်းပြီး ဘဝသစ်ပင်အသစ်ကိုပြန်စိုက်ရမယ်ဆိုတဲ့နည်းလမ်းတစ်ခုပေးခဲ့ပါတယ်။

ဒီလိုလုပ်ဖို့အတွက်လည်းသူ့ရဲ့မှတ်ဉာဏ်တွေကိုချိတ်ပိတ်ခဲ့ရပြီးတော့ ကမ္ဘာသစ်ကြီးဆီကိုထွက်သွားရမှာဖြစ်ပါတယ်။ဒါမှသာ Megအတွက်တွေ့ဆုံကြုံကွဲလောကဓံတရားကိုကြုံတွေ့ဖူးမှာဖြစ်ပြီး မျက်ရည်တွေကိုလည်းခံစားတွေ့ဖူးမှာဖြစ်ပါတယ်။ Meg ဟာ ပျော်ရွှင်တောက်ပတဲ့ခံစားချက်၊ ဘဝရဲ့ ချိုမိန်မှုအနှစ်သာရနဲ့ ခွဲခွာမှုအကြောင်းသင်ခန်းစာတွေကိုသင်ယူနိုင်ခဲ့ပါတော့တယ်။

Meg ဟာကမ္ဘာအသစ်ကြီးဆီမှာ ဘယ်လိုခံစားချက်အသစ်တွေ သင်ခန်းစာအသစ်တွေရရှိသင်ယူနိုင်ခဲ့မလဲဆိုတာ SoulAnimedom မှာပြသပေးမဲ့ Once Upon A witch's death ဇာတ်ကားလေးမှာဆက်လက်စောင့်မျှော်လိုက်ကြည့်ရှုလိုက်ကြရအောင်‌နော်
Review By Yu

မပြောင်းလဲသောသစ္စာ မမှားယွင်းခဲ့သော အမှန်တရား

ငယ်သူငယ်ချင်းတွေဖြစ်ကြတဲ့ Kafka Hibino နဲ့ Mini Ashiro တို့ဟာ Kaijuu လို့ခေါ်တဲ့မကောင်းဆိုးဝါးတွေရန်ကိုခုခံကာကွယ်ပေးနေတဲ့စစ်တပ်အဖွဲ့အစည်းထဲကိုဝင်ဖို့ကတိပြုခဲ့ကြပါတယ်။ဆယ်စုနှစ်လောက်ကြာသွားပြီးတဲ့နောက်မှာတော့ အသက် ၃‌၂နစ်အရွယ် Kafka ဟာဟီးရိုးတစ်ယောက်ဖြစ်ချင်တဲ့သူ့ရဲ့အိပ်မက်ကိုလက်လျှော့လိုက်ပြီး Minaကတော့ဟီးရိုးတစ်ယောက်ဖြစ်လာကာ Kafka တစ်ယောက်Kaijuu အကြွင်းအကျန်တွေကိုရှင်းတဲ့အလုပ်သာလုပ်ကိုင်လေတယ်။

မကြာခင် Kafkaဟာ Reno Ichikawa လို့ခေါ်တဲ့ငယ်ရွယ်တက်ကြွတဲ့ကောင်လေးတစ်ယောက်နဲ့အလုပ်တွဲလုပ်ရလေရဲ့။ ကံမကောင်းစွာဘဲ သူတို့နှစ်ယောက်ဟာ Kaijuu တစ်ကောင်နဲ့ဆုံတွေ့ခဲ့ရပြီး Renoကိုကယ်ဖို့ကြိုးစားရင်း Kafka ဟာသေလုမတတ်ဖြစ်စွာဒဏ်ရာရသွားလေတယ်။

ဆေးရုံမှာ ကုသမှုခံယူနေရစဉ်မှာပဲ Kafka ဟာတခြားသားရဲတစ်ကောင်တိုက်ခိုက်တာကိုခံလိုက်ရပြီး Kafka ဟာ Kaijuu No.8 လို့ ခေါ်တဲ့လူသားအသွင်နဲ့Kaijuအဖြစ်ပြောင်းလဲနိုင်တဲ့ စွမ်းရည်အသစ်ကိုရရှိခဲ့ပြီးနောက်မှာ Kafkaနဲ့ Reno တို့ဟာMinaလို ကာကွယ်ရေးတပ်ထဲကိုဝင်ဖို့ဆုံးဖြတ်ခဲ့ကြလေတော့တယ်။

ဒါဆို Kafkaအနေနဲ့ဒီစွမ်းအားကို ကောင်းကောင်းအသုံးချနိုင်မလား သူ့သူငယ်ချင်း Mina ကရောသူ့ရဲ့အသွင်ပြောင်းသွားတဲ့အပေါ်လက်ခံနိုင်ပါ့မလားဆိုတာ SoulAnimedom မှာတင်ဆက်ပေးမဲ့ Kaijuu No.8 ဆိုတဲ့ဇာတ်ကားလေးမှာဆက်လက်စောင့်မျှော်ကြည့်ရှုလိုက်တော့နော်
Review By Yu