حب كبير لعادات الأعراس الليبية الشرقاوية خصوصاً، التفاصيل متاعهن شيء في قمة النّعليا، الموسيقا لمة العيلة والجيران العقود والخيمة السحور وفطور الضحى كل شي في العرس الشرقاوي حاجة صح بكل، النوبة الليلية لعند الساعة تلاتة تقعد يمرن فيها جميع انواع الأغاني يبدن من غناوي العلم للشتاوي للألحان الطويلة للمرسكاوي ومرات نألفوا بروحنا على كل حد، تناسق الشتاوة مع الوضع الحالي وصوت التصفيق ورد الجميع ورا الشخص الي يغني صوت الطبل والدربوكة والزغروتة وتبيب السيارات تناغم غير طبيعي يخطر فيا ب أجزاء اعراس الصابري في زرايب العبيد.

مننسش حلة العلاقة والسياق والتطريفة الاسبوع والتفريش الحنايات والعربي وترتيبتهن وكلنا نغنوا بصوت واحد " حنايات تقول مسيرة علشانك يا سمح السيرة" ونعطوا البنات كلهن من حنة العروس عشانها فال كويس، سفر الحلويات والشكلاطة والعصير طول الوقت دز العيال الصغار ب قصاعي العشاء للجيران، وعادي جداً عشاء يكون 60 ارباعة عشان عربنا واجد ك عادة البوادي 😂💜.

‏وطبعاً اكيد العرس الغرباوي له طعمته وجوه مزال محصليش الشرف ان نحضر واحد ان شاءالله ربي يكتبلي ونحضر باقي العادات الليبية النزيكة سوا ف الغرب ولا الجنوب💜.

Same :
وربي منقدرش انزيد علي شرحها نقطه من كل شي فيه هالشرح انحب ان انا و دودز انحبوا الاشياء هذينا لازلنا😂🤍🤍🤍

Shitty days
Shitty life
Shitty feeling
Shitty friends
Shitty mood
+Dead soul

Ma favorite song in the winter🌨🌧

يوم شتوي في موسم صيفي🤍🌦

مطرررر🌧🌧

طشه مطر اليوم وغيوم عدلن مزاجييي 🌧🖤

اكثر شي نحكوا فيه بشغف وعقليه كبيره هوا

الحرب

شي مؤلم كل الألم فيه بس

علمتنا حاجات واجد وغيرت فينا واجد

الحرب هذي مستحيل ننسوها

ليبيا والحرب قصة من القصص الى يحكوا بيه الليبيين كلهم يحكوا عنها بشغف وعقلية كبيره رغم انها شي مؤلم الحرب غيرت حاجات واجد في الليبيين 6 مليون شخص في ليبيا كلهم تالموا كل شخص انا منهم ايضا ، نرقدوا علي أصوات القذائف والمتفجرات ، نطلبوا في الفرج من الله مفش شخص يقدر يحل هالقضية لا مسؤول ولا حكومة ولا مجلس النواب متفق مفش غير ليبيا الشرقية وليبيا الغربية وليبيا الجنوبية ، بقي معش في شغف ان نعيشوا فيها مع هذه الحرب من 2011 غير الاستعمار الإيطالي الى كنا فيه الى ان نحنا من 2011 الى حد الان الحرب مستمرة ملهش نهاية حرب دمرت كل شي جميل في ليبيا اتعبت وارهقت النفوس الليبية من شرقها وغربها وجنوبها معش عادوا الليبين كيف زمان معش قعدت الإبتسامة الحقيقة علي وجوه الليبين كيف زمان .

انا ديما يستهويني الم الحرب انا نعشق الدمار الناتج عن الالم انحب ونفتخر بالشباب والناس الى تخاف علي بلادها الشباب الى دموعهم يحكن الم الحرب الى يحكن لليبيا كله.

بنغازي ومن مقولات الصادق النيهوم للبنغازي "يُشاع عن بنغازي -أم اليتامى - إنها مدينة الكساد .. وإن الموتى يمشون في شوارعها في وضح النهار .. ويشاع عنها أيضا أنها (غولة مدينة) لأن بنغازي الحقيقية ماتت مقتولة في الحرب."
بنغازي من اجمل مدن ليبيا رغم ان بنغازي دمرت نهائي فقدت جمالها في هذه الحرب ولكن بنغازي لازلت تعم بالخير والامل رغم الالم بنغازي
"بنغازي قلعتنا العجوز، سوف يصلح المهندسون وجهها وسوف تختفي تجاعيدَها المُحزنة وتصَل إليها الشمس وتكفّ الخفافيش عن اعتبارها مَقبرةً مهجُورة..
- الصّادق النيهوم.

مرايف عليه غالي ومالي غيره

ماليش غيره غالي وماهناك غيره سكن في بالي

من غيبته ياناس صايف حالي