صادفك موقف انه شخص مختنق ؟غريق؟ شخص يعاني من الم في منطقة الصدر ؟ نزيف؟ شو كان تصرفك 🤔

خسرنا الضحية 🥺 هذا شخص قريب عليك؟
#لأجل_من_نحب ولأجل استمرار الحياة لازم تحضر كورس #الاسعافات_الأولية حتى ماتصير في هذا الموقف وهذه الحيرة .

د.ليث النعيمي تبنى مبادرة كُن إنساناً وأنقِذ حياة والتي تهدف لزرع منقذ في كل بيت

#دعوة_عامة_للجميع مع شهادة حضور مجانا
#مجانا #ساهم_بإنقاذ_حياة #كن_منقذا_لأهلك_ولمن_تحب

💫 مركز دعم الحياة للتدريب/ مؤسسة النبض للتدريب والتطوير الطبي الدولي بالتعاون مع مركز البحوث والتدريب الطبي الاردني

#كورس_الإسعافات_الأولية

✨المنهاج حسب آخر تحديثات المجلس الأوروبي للاسعاف

"تنفيذاً لمبادرة "كن إنساناً وأنقذ حياة"

📍 يوم الجمعة المصادف : 1/4/2022
📍 الساعة ٨ مساءً بتوقيت بغداد
#الكترونيا على منصة FCC
#و سيمنح الحضور :شهادات_مجانية
#بالاضافة الى :شهادات_دولية_مع_باج لمن يرغب

📝للتسجيل
https://forms.gle/S6RREjQ2JPirwJwN9

https://join.freeconferencecall.com/ha36889331
رابط الدخول المباشر
الان يمكنكم الدخول

جمعة مباركة

اللهم صل وسلم وبارك على نبينا محمد ❤️

رمضان كريم
لاتنسونا بدعواتكم🦋
لاتفوتون صلاة التراويح واجرهه🦋
اطلبوا من رب العالمين امنياتكم وادعوا تتحقق🦋

راح نبدا ان شاء الله ننزل نصائح حلوة تخص حياتكم ودراستكم 🦋

راح نبدا بالطلاب واهم شيء نبدا بروتين الدراسة بالعطلة يعني جمعة وسبت او حسب ايام عطلتكم

اكو نوعين من الدراسة

الاولى🦋:تنامون بليل وتكعدون الصبح تقرون للظهر وبعدهه صلاة وقرءان تسابيح📿 وتنامون الى قبل الفطور تكعدون او اذا عدكم شغل للعصر وتكعدون

الثانية🦋:تقرون بليل الى الصبح وتنامون وتكعدون الظهر صلاة وقرءان وتسابيح وتكملون قرايتكم او اذا عدكم شغل


وتكدرون تعدلون بالاوقات حسب نشاطكم وقدرتكم

اي روتين راح تختارون؟
بالنسبة ليه ثاني روتين

رابط دخول البرنامج FCC لكورس الإسعافات الأولية الساعة 8 مساءً
https://join.freeconferencecall.com/laythnoon
اي شخص عنده مشكلة في دخول البرنامج في كورس الإسعافات يتبع التعليمات

رمضان كريم للجميع ..
ينعاد علينه بلصحة والعافية 🤲🏻☪️🌙

كتاب حلو،خفيف ومفيد 🌙

نموذج منظم مهام رمضاني تكدرون تسحبونه🦋

لاتنسون تبتعدون عن العصائر الصناعية لان مضرة وراح تزيد العطش بسبب السكريات اللي بيهه
+انهه راح تأذي المعدة

استبدلوهه بماء ولبن وعصائر طبيعية بدون اضافات

تقبل الله صيامكم🦋

اللَّهُمَّ أَعِنِّي عَلَى ذِكْرِكَ، وَشُكْرِكَ، وَحُسْنِ عِبادَتِكَ

النجاح لا يحتاج الى أقدام بل الى إقدام

اعزائي الطلاب ومن ضمنهم انا لا تخلون الكسل والتعب يسيطر عليكم حتى لو صايمين كونوا كدهه واقروا باللي تكدرون عليه
وربي يعينا ويعينكم

#احنا_گدهه

فوائد التمر عند الافطار ✨

السلام عليكم
راح اتكلم اليوم ان شاء الله عن
Toxoplasma gondii
شنو هو هذا؟، هذا طفيلي يدخل جسم الإنسان ويبقى عايش بيه فتره طويله
ممكن يسوي مرض مع اعراض نتكلم عنها فيما بعد وممكن يبقى داخل الجسم بدون اعراض
من الأمراض الي يسويها وكلش خطيره هي congenital birth defect و eye disease و fatal toxoplasmic encephalitis
شنو هاي الأمراض
امراض تصيب العيون وأمراض تسبب عيوب خلقيه في الجنين والتهابات في الدماغ ممكن تكون قاتله.

زين هذا الطفيلي الي يسبب النا هلامراض الخطيره من وين واشون يجي للجسم؟

هذا الطفيلي يكون موجود عند القطط اكيد مو كل القطط لكن الغالبيه بالذات بالعراق القطط عندنا مهمله وتتغذى على الحاويات وطول الوقت بالشوارع والمشكله انو منتشره ظاهرة انو البيوت عادي القطط فايته طالعه تلامس الجهال والاكل والملابس ومايعرفون مدى خطورة هذا الشي وشكد بي مضار بالذات على المرأه الحامل في بدايات حملها لان ممكن هاي القطه الملامسه الها او لاغراضها تكون حامله لهذا الطفيلي واذا انصابت الأم الحامل مصيبه لان الطريقه الثانيه لنقله لهذا الطفيلي عدا القطط هو عن طريق الام إلى الجنين عن طريق المشيمه(placenta) الي يتغذى عليها الطفل ووقتها اما الام المصابه يصير عندها إجهاض للجنين او يكتمل الحمل لكن يولد طفل عنده عيوب خلقيه او متخلف عقلياً وكل هلشي بسبب عدم انتباه لنظافة هاي القطط بما انو اكو ناس مدمنه عليها علاقل يكون اكو ابتعاد بفترة الحمل او تكون نظيفه وبس بالبيت ومتابعينها وبلعراق هلشي كلش قليل ونادر انو اكو اهتمام بلقاح قطط او ما شابه عادي تلكي البس بالشوارع وفجأه بنص البيت مع الأطفال

زين بعد اكو مصادر لهذا الطفيلي؟
يي اللحوم الغير مطبوخه بشكل جيد بالذات لحوم الأبقار الي ممكن تكون مصابه لازم اللحوم الحمراء تغلي هوايا وتطبخ بطريقه كامله وصحيه

زين في حال صارت الاصابه عند الام او جانت حامل وعندها قطه بالبيت او صار عندها إجهاض مسبق بدون سبب معين اكو فحوصات لازم تسويها بحملها الثاني بدايته او حتى قبل الحمل الشائع عنه يسمو فحص الجرثومه حتى تتأكد الام من سلامتها.

الادويه المستخدمه عدة مضادات لازم تنوصف من قبل طبيب في حال اكو أصابه
بس اكو حب كلش معروف وهو
(FOLIC ACID)
يا جماعه هذا الحب كلش كلش مفيد بهوايا شغلات عند المرأه الحامل اذا لا سامح الله كانت مصابه ف هو يمنع يصير عندها فقر دم بسبب الادويه المستخدمه لعلاج هذا الطفيلي
كما أنه حتى لو كانت غير مصابه هو مفيد ب انه يستخدم في الأشهر الأولى من الحمل او حتى قبل الحمل بفتره لان يمنع حدوث تشوهات خلقيه في الجنين ونقصه ممكن يسبب هلتشوهات لذلك يصرف بكثره في الدوائر الصحيه للنساء الحوامل. رغم للأسف قليل ناس تعرف قيمته وتستخدمه....


اشون نتجنبه وهاي اهم فقره......
اول شي نطبخ اللحوم بشكل جيد وغلي وغسل نظيف
وما نخلطها مع الخضار الي تأكل نيه
ثاني شي نغسل ايدينا كلش زين بعد ملامسة اي قط ولو يفضل الإبتعاد بشكل كامل مدري شتحبون بيهم يااخي🙂

ثالث شي المرأه الحامل نهائي ما تلامس قطط او تكون بالبيت


وخلصنا طبعا هذا مختصر للموضوع حتى بس توصل فكره بشكل عام مااريد اتعمق بالمصطلحات لان همي تصل فكره وناس تحذر منه وتستفاد من الكلام لا أكثر اما الي يريد يدرس او يتعمق موجوده مواقع تتخصص بهلشي🤍🤍🤍

ان شاء الله تستفادون ولو جزء بسيط
واذا استفاديتوا من اي معلومه مجنتو تعرفوها اذكروني بدعاء بسيط من القلب لوالدي ووالدتي ❤️

رانيه آل هياس 🤍

@freands2

- اغلب البنات معذورات بخوفهن من يتأخر زواجهن ، لأن عادات مجتمعنا يجبرهن على ارتباط ممدروس تحت ضغوط قاسية محد يكدر يستحملها او يتحملها ، ضغط اسرتها عليها من تشوف صديقتها انخطبت لو وحدة اتزوجت ، غير ضغطها هي على نفسها بسبب ارتباط اصدقائها ، الموضوع صاير للبنية المتأخرة بزواجها مثل الطالبة الكاعدة بالامتحان ومجاوبة صح ، تنتظر الاستاذ يصيح اسمها من العشرة الأوائل يصيح اسم الاولى مو هي ، يصيح اسم الثانية مو هي ، يصيح عالثالثة ، شوية شوية ويه كل صيحة اسم وهي اسمها مموجود حالتها النفسية تتعب ، توترها يزيد ، ويمكن هي اسمها يكون رقم 10 بس من كثر التوتر والضغط ممكن تتصرف تصرف يأذيها وتصرخ : اسمي وينة ؟
الي هو = بالحياة الواقعية توافق على اَي واحد يتقدملها العالم النفسي "الفريد أدلر" بكتابة معنى الحياة ) ، اصعب شيء يواجه الانسان هو اجبارة على تكملة حياته مع شخص ليس من اختيارة 100‎%‎ ، حينها سيعيش بنصف حياة ونصف روح ، زها حديد معمارية عراقية اختيرت كرابعة اقوى امرأة بالعالم ، ابداعها وتاريخها يسبقها ، جانت ممتزوجة وهذه الشي ماخلاها تكمل طموحها الحد مااتوفت بنوبة قلبية ، الله يرحمها الزواج مثل اَي شغلة بالحياة ممكن تشوفة زين بأمور وترفضة بأمور ثانية ، ماكو مشكلة اذا اتزوجت من وكت ولامصيبة اذا مااجتي قسمتج ، ماكو شي اسمة راح تعنسين او متلكه عروسة ترضى بيك ، ولاالك ذنب اذا اجه نصيب اصدقائك من وكت ، صح الزواج بي متعة تشوف بي جهالك يمك وتفرح بيهم ، بس المشكلة اذا جان الاختيار الأم خطأ او اختيار الاب مو صحيح التفكر صح وفاتها القطار احسن من التزوجت خطأ ودهسها القطار ، ( كن هباء في الهواء ينثرك الله حيثُ يشاء ) 🤍.

رابط دخول البرنامج FCC لكورس التغذية لمرضى القلب الساعة 9 مساءً بتوقيت العراق
https://join.freeconferencecall.com/laythnoon
اي شخص عنده مشكلة في دخول البرنامج في كورس التغذية يتبع التعليمات

دراسة: كثرة التعرض للأختبارات والأمتحانات الدراسية تجعل الشخص أكثر عدائية وعنفاً وترفع ضغط الدم وانفلات الإعصاب.


🌚🌝

النية اساس كلشي
خلو نيتكم تكون حقيقية من قلبكم باي شي
مرات شغلات نسعى ونتعب بيهه وما تتحقق ليش؟
خلونا نراجع النية ونشوفهه حقيقية؟ من كل قلبنا؟

زين ليش مرات نيتنا حقيقية ومن قلبنا والشي اللي نريدة مايتحقق ؟
الجواب هو الخير فيما اختاره الله

وسلامتكم😃

برمضان لازم نستغل وقتنا باشياء مفيدة
والكتب تعرفون فائدتهه العظيمة
قراءة ممتعة🦋

بطلوا تحسدوا الناس المقابيلكم على شي يخصهم متعرفون معاناتهم حتى حصلوا عليه ابد ابد ماكو شي يجي بسهولة
ادعوا الله يبارك الهم بي وادعوا انكم تحصلون الافضل منه
🦋

لاتنسون الحياة بيهه جانب سيء وجيد وممكن الشخص المقابيلكم ديحاول يظهر الكم حياته بافضل صورة مو يعني انه ماعنده معاناة🦋