السلام عليكم دكاترة✨️

ربي يوفقكم و يفتح عليكم غدوا و يوم الأحد و تطلعوا من الإمتحان و انتو مجاوبين كويس ياارب 🤲

التوتر و الخوف قبل الإمتحان و شعور انكم ناسين هلبا معلومات كلنا مرينا بيه😥 و راهو أمر طبيعي هذا مع ضخامة و طول منهج الباطنة

نصيحة ليكم عشية اليوم ارتاحوا ، اسمعوا كلام د.سيف اعطوا راحة لل brain باش يرتاح و يترتب كدس المعلومات للي فيه📝

توكلوا على ربي و ان شاء ختامها مسك و ربي يجازيكم كل خير على قد الصبر اللي صبرتوه🤍

اللهم إن من توكل عليك فلن يخيب ، ومن جعلك ملاذه فلن يضيع✨️

اللهم إنا نسألك النجاح و الفلاح و التوفيق و السداد في كل أمورنا
اللهم عزماً لا يثنى و صبراً لا ينفذ و قلباً لا يعرف لليأس سبيل
اللهم ارضنا و ارضى عنا

صباح و التوفيق و النجاح لكل من تمناه🤍

Good luck 🙏✌️

بيبر ون اصحبت من الماضي خلاص معاش تفكروا فيها🙅‍♀️ و بإذن الله تكونوا جاوبتوا فيها كويس🤍


توا كيف تراجعوا ل بيبر تو ؟🤔

⬅️بالأسئلة و ركزوا عالشباتر الصغيرة و المتوسطة ، لأنها تنتسى مش زي الشابتر الكبيرة ديما نبدوا قارينهم و متبتينهم كويس

Nephrology
Rheumatology
Endocrinology
Hematology
Infections
Dermatology
Psychiatry
اللي تلحقوا عليه خير و بركة

طبعاً بيبر تو للأسف فيها عدد لا باس بيه من الاسئلة معتمدة عالحفظ ، ف حاولوا اديروا اختصارات mnemonics تتفكروا بيهم 📝

بالتوفيق و النجاح 🤍

حاجة تانية توا و انتو بتشوفوا اسئلة mcq حتلقوا حاجات تفكركم باسئلة بيبر ون ، شعور صعب لكن ديروا الحولة.😂

صباح الخير 🌸

يوم جديد و آمال متجددة ، قصة الأمس إنتهت وقصة اليوم هاهي تبدأ
بك أصبحنا و عليك توكلنا و إليك المصير يا الله. "
Good luck ✌️✌️🙏🙏

مساء الخير دكاترة ✨️

الحمد لله
Paper 1 ✅️Done
Paper 2 ✅️Done

و اللي جاي أسهل بهلبا و مضمون اكثر بعون الله

اليوم ارتاحووووووا 💆‍♀️💆

غدوا ان شاء الله حنكتبلكم خطة كاملة تقروا بيها الاورال و الكلينك (hx , exa)و حنساعدكم باللي نقدر عليه شيتات و ملخصات📝📝

موفقين ان شاء الله. ✌️✌️

How to pass oral exam
By Doha Rawag

القناة هادي كويسة هلبا لل basics of ECG

بالنسبة للامثلة و الكيسات حنزللكم كل مرة متال بال interpretation و الأسئلة اللي تنسأل بعده بنفس طريقة الإمتحان 📝

ال pdf هذا عبارة عن كيسات محلولة و فيه أغلب ال ECG cases اللي تجي في الإمتحان ، ان شاء الله يفيدكم🌸

أهم مواضيع ال ECG في إمتحان الاورال✋📝✏

🟨MI (بأنواعها )
🟨Acute pericarditis
🟨Arythemia(بأنواعها Tachy and brady)

AF
Atrial flutter
SVT(مش شرط تحدد النوع المهم تزبطها )
VT
VF (ما تجيش هلبا)
Torsade de pointes (ما يجيش هلبا)
Heart block (بأنواعه التلاتة)

طبعاً بعد ما تقروا ال ECG و تقدموا ال interpretation يسألك بعدها على DX و ال Causes لازم اتبتوهم مهماااات هلباا💡💡

بالنسبة لل TTT ما يسألوش عليها و لو سألوا يبوا إجابة سطحية .

بالتوفيق.✌️✌️

تجمعية لل ECG 📝

لبّيكَ إن العُمرَ دربٌ مُوحش ٌإلا إليك
لبيكَ والقلب المُعنّى ساجدٌ دوماً لديك

ربي يتقبل دعائكم و يفتح عليكم 🤍


لا تنسونا من صالح دعائكم 🥺

عيد أضحى مُبارك✨️

أعاده الله علينا وعليكم بالخير واليمن والبركات و حج بيته الحرام 🩵

كل سنة و انتو طيبين 🤍

ما شاء الله عليكم ، شبه الدفعة كلها خدت ال pass🏅👏

عقبال الأورال و الكلينك شدوا الهمة.✌️💪