​​Kompyuterning asosiy xarakteristikasini bilishning bir necha usullari

O'zingizning kompyuteringiz xarakteristikasini bilish juda muhim hisoblanadi, sababi istalgan dastur yoki o'yinlarni o'rnatishdan oldin, bu dastur yoki o'yinlar sizning kompyteringizga mos tushadimi aniqlash lozim.

Asosiy xarakteristikaga quyildagilar kiradi:
▪️Kompyuter modeli
▪️Protsessor(CPU)
▪️Tezkor xotira(RAM)
▪️Plata(Motherboard)
▪️Videokarta
▪️Qattiq disk(HDD)

Bu xarakteristikalarni bilishning bir necha usullari bor, marhamat tanlan-tanlab ishlatavering:
1. Win + R -> msinfo32
2. Win + R -> dxdiag
3. Win + R -> cmd -> systeminfo (qora oynaga systeminfo yozamiz)
4. Win + pause tugmalari bosamiz va hosil bo'lgan oynaning chap tomonidan "Диспетчер устройств" menyusiga kiramiz.

☝️Har biri Windows 7 va Windows 10 tizimlarida tekshirildi.
Akmal Xudayberganov

👉 @Informatika

#Android #Ilova #Ingliz_tili

Dictus- Ingliz tili so’z boyligini oshirish uchun mo’ljallangan Android qurilmalari uchun ishlab chiqilgan o'zbek tilidagi appdir.

Dictus yordamida Ingliz tilidagi so’zlarni tez o’rganib olish mumkin. So’zlar 10talik guruhlarga bo’lingan bo’lib, guruhdagi har bir so’z uchun sodda va tushunarli misol keltirilgan. Ingliz tilidagi so’z va unga keltirilgan misolni eshitib ko’rish mumkin. Dastur haqida to’liq ma’lumotni Yordam bo’limidan olishingiz mumkin. Bu dasturning yana bir avfzalligi O’zingiz har kungi yod oladigan lug’atlaringizni Mening lug’atim bo’limi orqali kiritib, test ko’rinishida tez va oson o’rganib olishingiz mumkin.
BROKEN RIB maxsuloti.

👉 @informatika

​​Windows 10 tizimida tungi rejimni yoqamiz

Tungi rejim bu shunday holatki, bunda tizimdagi asosiy ranglar qoramtir rangga o'tadi. Bunday rejimdan foydalanish kechqurun ancha zavq bag'ishlaydi, ko'z charchashi va qamashishini oldini oladi.
Umuman olganda, kunduzlari yorqin rejim, kechqurunlari tungi rejimdan foydalanish ancha effekt beradi. O'zimni oladigan bo'lsam, asosan barcha dasturlar, ilovalar, operatsion tizimni tungi rejimda ishlataman, yorqin rejim tanlab qo'ysam, darhol o'zimni diskomfort his qilaman.

Windows 10 tizimidan boshlab, tungi rejim, ya'ni "тёмная тема" imkoniyati taqdim etildi. Demak, bu imkoniyatdan foydalanamiz:
1. Windows 10 tizimida, "Параметры Windows" oynasini quyidagi 2 usuldan birini tanlagan holda ochamiz:
- Win + I;
- "Пуск" -> "Параметры";
2. "Персонализация" bo'limiga kiramiz.
3. Chap tomondagi menyudan "Цвета" qismini tanlaymiz.
4. O'ng tomonda paydo bo'lgan qism menyuni quyiga tushamiz va "Выберите режим приложения по умолчанию" bandidan "Темный" holatini tanlaymiz.
5. Tanlanish bilan, tizim darhol tungi holatga o'tadi.

☝️Windows 10 1809 versiyadan boshlab, tungi rejimni yoqqanda, barcha sozlash menyulari, "Проводник", hattoki Google Chrome dasturi ham bu rejimga o'tadi.
Windows 10 1809 gacha bo'lgan versiyalarda, "Проводник" oynalari oqligicha qoladi, lekin qolgan menyular tungi rejimga o'tadi.
Bu rejim boshida sizga g'alati tuyulishi mumkin, lekin o'rganib olsangiz, oq rejimga qaytishni hayolingizga ham keltirmaysiz.
Akmal Xudayberganov

👉 @informatika

Telegram navbatdagi yangilanishlarni eʼlon qildi.

Unga koʻra, guruhlardagi ovozli chatlar davomida barcha qurilmalarda, jumladan, planshetlar va kompyuterlarda kameraniyoqish yoki ekranni ulashish imkonini berilmoqda.

Bu ovozli chatlarni onlayn darslar, biznes uchrashuvlari va oilaviy yigʻilishlar uchun foydalanish mumkin boʻladi.

Endilikda guruhdagi har qanday ovozli suhbatni darhol videokonferensiyaga aylantirish mumkin.

Guruhli videokonferensiyalar
Ovozli chatlar guruhli video konferensiyalarga aylanishi mumkin, bu borada videongizni yoqish uchun shunchaki kamera belgisini bosish kifoya.

👉 @informatika

“Рақамли иқтисодиётга оид терминлар луғати”

Луғат cаккиз мингдан ортиқ терминларнинг батафсил изоҳидан ташкил топган бўлиб, атамалар ўзбек тилида келтирилган.

Луғатнинг асосий имкониятлари:

- Терминларнинг ўзбекча изоҳда берилганлиги;
- Тезкор қидирув тизимининг мавжудлиги;
- мобил илованинг offline режимда ишлаши.

https://play.google.com/store/apps/details?id=com.tsue.lugat

👉 @informatika

Hozirda, kompyuter uchun 3 ta asosiy operatsion tizim ishatilmoqda: Windows, Linux, MacOS.
Yuqoridagi rasm bu tizimlar farqini juda yaxshi namoyon qilgan. Qisqacha izoh:

1. Windows. Har doim ta'mir talab, dasturlarni o'rnatishdagi xatoliklar, ularni sozlash, drayverlarni mosligiga ahamiyat berish, dastur ishlashi uchun kutubxonalar qidirish lozim bo'lgan tizim. Shu bilan birga foydalanuvchi uchun juda chiroyli ko'rinishga ham ega emas.

2. MacOS. Xaqiqiy go'zallik. Juda chiroyli interfeys, hammasi siz uchun qilib qo'yilgan, Dasturlarda muammolar bo'lmaydi, chunki barcha dasturlar Apple kompaniyasiga tegishli, lekin to'liq yopiq tizim, o'zingizcha bir nimalar qilib tashlolmaysiz.

3. Linux. Xaqiqiy linux tizimlarda sizga buyruqlar yozish uchun bitta terminal beriladi, o'zingiz shu orqali tizimni o'rnatishdan boshlab, oxirgi nuqtasigacha bajarasiz. Har bir dasturni topib, uni kodlar orqali o'rnatasiz. Xullas, kod orqali tizimni qurasiz.
Akmal Xudayberganov

👉 @informatika

​Barcha xakerlar yomonmi? Xakerlikning asosiy 5 turi

Xaker, kim o'zi u?
Dastlab, bu termin hisoblash texnikalarni yaxshi tushunadigan, dasturlash va tizimlarni mukammal biladigan insonlarga nisbatan ishlatilar edi. Ular muammolarni kutilmagan tarzda yechadigan, siz o'ylamagn tomondan yondashadiganlar edi.
Keyinchalik bu soha vakillari buzg'unchilik qila boshladilar va xaker so'zini buzg'unchi sifatida rivojlanishiga olib kelishdi.

Hozirda, hamma davlatlarda bu kabi buzg'unchilar uchun qattiq jazolar ishlab chiqilgan, shu sababli, buzg'unchi bo'lishdan saqlaning.

Endi, shu buzg'unchilarga qarshi turuvchi, hisoblash texnikalarni himoyalovchi kuchli mutaxxasislar yetishib chiqdi va ular ham yaxshi ma'noda "xaker"lar deyildi, lekin ular himoya vazifasini bajarishadi.

Bu yerdan xakerlarning turlari kelib chiqdi va ular quyidagilar:
⚪️ Oq xakerlar(White hat). Bular tizimlardagi muammolarni qidirib, ularni bartaraf etish bilan shug'ullanishadi, ya'ni buzg'unchilardan himoyalash vazifasini bajarishadi.
⚫️ Qora xakerlar(Black hat). Aynan shular buzg'unchilar, yomon niyatli, barchaga zarar keltiruvchilar. Bulardan ehtiyot bo'lish, himoyalanish haqida shu kanalda postlar berib bormoqdaman, o'qing va o'rganing.
🔘 Kulrang xakerlar(Gray hat). Bular vaziyatdan kelib chiqib, ish ko'rishadi, ya'ni hamilionlar. Muammolarni topishadi va ularni yechib berish uchun ma'lum mablag' talab qilishadi, lekin unchalik buzish ishlarida qatnashishmaydi.
🟢 Yashil xakerlar(Green hat). Bular xavfsizlik ishlarini endi boshlaganlar, o'rganuvchilar.
🔴 Qizil xakerlar(Red hat, bu nomni Linux tizimidagi Redhat bilan adashtirmang). Bular ham yaxshilar tomonida. Oq xakerlar, qora xakerlardan himoyalanishsa, qizil xakerlar, qora xakerlarga qarshi kurashadilar, ularni o'zlariga xujum qilishadi.

Asosiylari shular, ko'rib turganingizdek, qora xakerlardan boshqa hammasi, ularga qarshilardir. Shunday ekan, aslo buzg'unchi bo'lmang, ularning joyi #.

☝️ Bu postni nima uchun yozdim? Hozirda Wi-Fi routerni qanaqa buzadi? Kim buzib bera oladi? degan savollar ko'payib ketmoqda, aslo buzg'unchi va firibgar bo'lmang. Bizning davlatda ham, firibgarlik haqida jinoyat kodeksida aytib otilgan.
Akmal Xudayberganov

👉 @informatika

Kutib oling. Android qurilmalari uchun "Test tuzuvchi" dasturi

Test tuzuvchi dasturi orqali barcha fanlardan yoki mavzulardan savollarni kiritib test holatida ishlashingiz mumkin.

Masalan: Ingliz tilidan bugun 30 ta so'z yodlashingiz kerak. Ushbu so'zlarni Test tuzuvchi dastur orqali birma-bir kiritib test holatida bajarishingiz mumkin.

Bunda so'zlarni yozasiz, o'qiysiz va test holatida ishlasangiz ushbu so'zlar miyangizda bir umr saqlanib qoladi.

Keraksiz bo'limlarni chap yoki o'ngga surish orqali o'chirib tashlashingiz mumkin.

👉 @informatika

Endi Android ilovalarni kompyuterda ochamiz

Microsoft kompaniyasining yangi Windows 11 taqdimotida biz uchun juda qulay bo'lgan bir nechta funksiyalar taqdim etildi. Jumladan, endi Windows 11 OS ga ega foydalanuvchilar bemalol Android ilovalarini o'rnatib undan foydalanishlari mumkin.

Ilovalarni o'rnatish uchun shunchaki Microsoft Store ilovalar do'koniga kirish va kerak bo'lgan ilovani o'rnatish kifoya.

📍O'zbekiston yangiliklari: Kun.uz va Azon.uz 90 foiz musulmonlar yashaydigan yurtda, o'zbek imomlari bilan suhbat uyushtirgani hamda xalqimizni hayit bayrami bilan tabriklagani uchun 12.5 mln so'm jarimaga tortildi.

👉 @informatika

HTML darslar mobil ilovasini Play market do'konidan bepul yuklab olishingiz mumkin.

👉 https://play.google.com/store/apps/details?id=com.html.darslar

HTML tili muttasil rivojlanib bormoqda. O‘z navbatida web-brauzerlar ham yangilanib turibdi. Hozirgi kunda web-sahifa tayyorlash uchun asosan HTML-4 tilidan foydalaniladi. Lekin HTML-5 ham hozir ommaviy web sahifalar va boshqa maqsadli vazifalar uchun ishlatilmoqda.

HTML-5 bo'yicha darslarni ham joylashtiramiz.

👉 @informatika

#Excel #kerakli #video_dars

Excel dasturida so'zlarni bitta katak ichiga yozib qo'ydingiz. Lekin har bir so'zni alohida kataklarga joylashtirish uchun siz albatta so'zlardan nusxa olib joylashtirasiz.

Bir harakat orqali bitta katakda yozilgan so'zlarni har bir ustun va qatorga joylashtirishni bilasizmi? Yo'q deysizmi? Unda videoni ko'ring hamda sinab ko'ring.

👉 @informatika

#DOLZARB #FIKR

TIL O‘RGANISH KERAK(MI?)

Talabga taklif sifatida uch oyda til o‘rgatamiz deyayotgan o‘quv markazlari ishlayapti, maktablarda chet tillar o‘qitilyapti. Shu yerda o‘zi chet tilini o‘rganish kerakmi degan savol tug‘iladi. Albatta, kerak. Ammo faqat bu bilan kifoyalanish aslo mumkin emas. Tez orada (agar hozir bo‘lmasa) chet tilini biladigan odamlar ko‘payib ketadi va bu fazilat hech kimni ajablantirmay qo‘yadi (ayniqsa ish beruvchini).

Shuning uchun chet tili bilan parallel ravishda hozir va kelgusida dolzarb bo‘ladigan sohalarni o‘rganish kerak. Bular masalan:

- #dasturlash (hozirda juda talabgir)
- #grafik_dizayn (bu sohani hali beri sun’iy intellekt sizdan tortib ololmaydi)
- #big_data_analysis (katta ko‘lamdagi ma’lumotlar bilan ishlash)
- #internet_marketing (kelgusida kontent to‘liq onlaynga o‘tishini hisobga olsak bu sohaga talab kuchayadi)
- #tarjimonlik (tarjima dasturlari hali mukammal emas, inson aralashuvi baribir kerak)

Hozircha shular. Kommentda boshqa fikrlar bo‘lsa qo‘shinglar.

Mavlon Marasulov

🧲 Quyidagi rasmda 2025-yilga kelib qaysi kasblarga talab oshishi to'liq ko'rsatilgan.

👉 @informatika

Pokistonda TikTok rasman bloklandi deb xabar bermoqda sayt.uz

Pokiston TikTok-ga qo'yilgan taqiqni bekor qilganidan deyarli uch oy o'tib, dushanba kuni Sindh Oliy sudi tomonidan qayta bloklash talabi qo'yildi. Bu haqda Pokistonning TheNews nashri xabar berdi.

Sud muhokamasi chog'ida TikTok-ga qo'yilgan taqiqning sababi, platformaga joylanayotgan bir qancha videolar "axloqsiz va Islom ta'limoti"ga zid deb topilgan.

Bundan tashqari, Pakpattan shahrida yashovchi Ali Zebning aytishicha, TikTok odamlarni jinoyatchilikka targ'ib qilmoqda. Odamlar giyohvandlik vositalari va qurollar ishlatib videokliplar yuklashmoqda. Shu bilan birga, TikTok ta'lim muassasalaridagi o'quvchilar uchun jiddiy ta'sir ko'rsatmoqda.

👉 @informatika

Java dasturlash tilini o'zbek tilida to'liq o'rganmoqchimisiz? Unda ushbu dasturimizni Play market do'konidan bepul yuklab oling!

👉🏻 https://play.google.com/store/apps/details?id=com.java.nur

Ilovada hech qanday reklama mavjud emas. Darslar to'liq o'zbek tilida o'rgatilgan.

Java dasturlash tilini nega o'rganish kerak?

Bizning hayotimizni osonlashtiradigan kuchli va kamchiliklari mavjud bo'lgan dasturlash tillari juda ko’p. Java o'tgan 20 yil mobaynida eng yaxshi dasturlash tillaridan biri ekanini isbotladi. Vaqt o'tishi bilan Java muvaffaqiyatli dasturlarni amalga oshirish uchun muhim tarkibiy qism bo'lib o'z o'rnini egalladi. Dasturlash tillarining mashhurligining so'nggi indekslari Javaning eng mashhur tillardan biri ekanligini yana bir bor takrorladi.

👉🏻 https://play.google.com/store/apps/details?id=com.java.nur

Eslatib o'tamiz. Mobil ilovalar ishlab chiqishda ham aynan java dasturlash tilidan foydalaniladi.

👉🏻 @informatika

Бизга Қуёш ва Ойнинг ҳажми бир хилдек кўринади. Бунинг сабаби, Қуёш Ойдан 400 баравар катта ва Ой Ерга Қуёшга қараганда 400 баравар яқин.

Сизнингча бу тасодифми?!

👉 @informatika

​PDF fayllar ustida bilganimizni qilamiz

PDF - elektron xujjatlar saqlash uchun mo'ljallangan, juda qulay va ommabop formatdir. Elektron xujjat saqlashda, bu format, qolganlardan(misol uchun doc) quyidagi ikki asosiy sabab tufayli afzaldir:
- Operatsion tizimga bog'liq emas;
- bu formatni ochayotgan dastur versiyasiga bog'liq emas.

Misol uchun, Word dasturi orqali biror .doc faylni ochsangiz, versiyasiga qarab har xil ochilishi mumkin.

PDF2GO online xizmati mavjud, bu orqali siz pdf fayllar ustida ancha ishlarni amalga oshirishingiz mumkin:

1. PDF fayl ustida amallar:
● Faylni o'zgartirish;
● fayllarni birlashtirish;
● fayl ichidagi sahifalarni olib tashlash;
● fayl ichidagi sahifalarni joyini almashtirish.

2. PDF fayllarni himoyalash:
● Fayllarga parol o'rnatish;
● sahifalardagi matnlarni nusxasini olishdan himoyalash;
● sahifalarni qog'ozga chiqarishdan himoyalash(печать);
● matnlarni o'zgartirishdan himoyalash;

3. PDF fayllarni o'zgartirish:
● Fayllar hajmini qisqartirish;
● sahifa o'lchamlarini o'zgartirish;

4. PDF formatlarni almashtirish:
● pdf → doc → pdf; (Word fayl)
● pdf → jpg → pdf; (Rasm formati)
● pdf → pptx → pdf; (Power point fayl)
● pdf → xls → pdf; (Excel fayl)

☝️PDF formatni qog'ozga chiqarish imkoniyatini ishlatib ko'rdim, yoqdi, ba'zi hollarda yaxshi effekt beradi. Albatta bu online xizmatni brauzer vkladkasiga joylab qo'ying.
Akmal Xudayberganov

👉 @informatika

“Тарихимизга тош отишга ҳеч кимнинг ҳаққи йўқ” — Шавкат Мирзиёев айрим тиктокерларнинг хатти-ҳаракатларини танқид қилди

«Яқинда ижтимоий тармоқларда кўрсатилган хунук воқеалар, яъни жойлардаги Алишер Навоий, Амир Темур, Мотамсаро она ҳайкаллари ёнида айрим тарбиясиз ёшлар томонидан содир этилган номаъқул ҳаракатлар мени ниҳоятда ранжитди.

Бу болаларнинг ота-онаси, бобо-момолари, ўқитувчи ва муаллимлари, қолаверса маҳалла-кўй, ёшлар билан ишлайдиган масъул мутасаддилар қаерга қараяпти? Ватанимиз ёшларига мутлақо ярашмайдиган, барчамизга иснод келтирадиган бундай салбий кўринишларга жамиятимизда мутлақо ўрин бўлмаслиги зарур.

https://kun.uz/27192241