Google onlayn stajirovka tashkil etibdi.
Google проведет стажировки онлайн.

Она, хафа бўлманг -- менда вақт тиғиз,
Сизлар-ку қишлоқда яшайсиз беғам,
Мен ҳозир энг кучли "трол"ман ёлғиз,
Ҳар куни фейсбук, ҳар зум телеграм.

Соғинган бўлсангиз замонга йўйинг,
"Заказ"им жуда кўп, топмас ниҳоя.
Ҳар кун биттагина "лайк" босиб қўйинг,
Она, шунинг ўзи менга кифоя.

Исроил Шомиров

👉🏻 @informatika

Энг қийин диалог:

- Нима иш қиласиз?
- Программистман.
- Пайнетчими?
- Йўқ.
- Компьютер тузатасизми?
- Йўқ программист, программа ёзаман.
- Хаа, телефонга программа ташаб берасизми?
- Йўқ программа, сайт яратаман!!!
- Хаа тушунарли, мени хам сайтим бор одноклассникда...

Зафар Собиров

👉🏻 @informatika

#abituriyent #tezkor #barchaga_ulashing

❗️JSHSHIR (PINFL) nima va uni qanday aniqlash mumkin?

20 iyundan boshlab abitur.dtm.uz sayti orqali OTMlarga onlayn hujjat qabul qilishga start beriladi.

Onlayn ro‘yxatdan o‘tishda fotosurat yoki pasport nusxasi shart emas. Shunchaki JSHSHIR, pasport seriya va raqami kiritilsa kifoya.

Pasport seriya va raqami tushunarli.

Xo‘sh, JSHSHIR (PINFL) nima? Va uni qanday aniqlash mumkin?

JSHSHIR – jismoniy shaxsning shaxsiy identifikasion raqami bo‘lib, u har bir fuqaroning pasportida yozilgan bo‘ladi. Pasportni yangisiga almashtirsangiz ham, seriya va raqam o‘zgarishi mumkin, ammo JSHSHIR o‘zgarmaydi (o‘ta kamdan-kam uchraydigan hollar bundan mustasno).

Uni aniqlash juda oson. Quyida ko‘rsatilgan surat orqali pasportingizdan 14 ta raqamni toping, ana shu Sizning JSHSHIRingiz bo‘ladi.

☝️Shu o‘rinda, 16 yoshga to‘lgan, lekin hali pasport olmagan abituriyentlar tezroq pasport olishga harakat qilishlari kerak. Chunki pasport bo‘lmasa JSHSHIR raqam ham bo‘lmaydi, bu degani abituriyentlar hujjat topshira olmay qolishlari mumkin. Pasportini yo‘qotgan/shikastlagan abituriyentlar ham pasportini tezroq yangilashi lozim.

Manba: @Xushnudbek

👉🏻 @informatika

Namuna: JSHSHIR – jismoniy shaxsning shaxsiy identifikasion raqami

👉🏻 @informatika

Davlat test markazining rasmiy veb-sayti orqali ro‘yxatdan o‘tish bo‘yicha kengaytirilgan videoqo‘llanma

Youtube orqali ko'rish (HD formatda)

Davlat test markazining ijtimoiy tarmoqlardagi sahifalari:
Telegram | Facebook | Instagram | Youtube

​​Балки кўпчилик ўқимагандир дея мана бу воқеани яна бир бор пост қилишга қарор қилдим.

Бизникилар “тупуриб қўйган” интеллектуал мулк!

Чет элда юрган пайтим бир талаба билан танишиб қолдим. Имтиҳонларга қаттиқ тайёргарлик кўриш жараёнида ҳамма бир китобнинг нашрдан чиқишини пойлар эди.

Не, ажабки, ўша китобнинг электрон нашри менинг флешкамда бор экан (ўша ерда ҳам ўзбеклигимизга борамиз-да😆).

Мен шунда бояги талаба йигитга менда электрон шакли бор, шундан ўқисанг ҳам бўлаверади дедим. У эса ёш бўлишига қарамасдан менга ажойиб дарс бериб қўйди.

“Йўқ, яқинда нашрдан чиқади, мен шунда сотиб олиб ўқийман, ахир бу китобни ёзиш учун муаллиф қанча меҳнат қилган, қанча кўзининг нурини кетказган, қанча одам бу китоб устида ишлаган, мен ҳозир бу китобни электрон шаклда ўғирлаб ўқисам, муаллиф ва бошқаларнинг ҳаққига хиёнат қилган бўламан”, - деб жавоб берди.

Тўғриси, бир христианнинг ҳақни бу қадар таниши мендек бир мусулмоннинг ақлини шоширди, бўғзимда бир нарса тиқилди.

Бир сўз дея олмадим, ҳозирда ҳеч бир сўроқ-жавобсиз бутун бошли китобларни бўлишадиган каналлар бировнинг ҳаққи деган тушунчага қандай жавоб беришар экан?

Агар шундай танишларингиз бўлса, уларни хабардор қилинг, токи бировнинг ҳаққи маҳшар куни бўғзиларидан олмасин.

tme.to/tentakminds #tupurganskiyintellectualproperty

IT nima?

Birinchi darsning asosiy savoli “IT nima?” bo‘ladi. Agar Siz ushbu savolning javobini bilsangiz, maqolani o‘qib ko‘rish baribir foydali va, umid qilamizki, qiziqarli bo‘ladi.

IT (“ay-ti” deb o‘qiladi) qisqartirilgan inglizcha Information Technology jumlasi bo‘lib, Axborot Texnologiyalari (AT) deb tarjima qilinadi.
Quyidagi savol yuzaga keladi: “axborot texnologiyalarining o‘zi nima?”. Avval oddiy javob beramiz, keyin esa biroz murakkablashtiramiz.

Axborot texnologiyalari (AT) – bu axborotga ishlov berish, saqlash va uzatish bilan bog‘liq bo‘lgan barcha narsalar.
Xullas, bu juda qisqartirilgan ta’rif, agar nolinchi darajadan birinchiga o‘tish niyatingiz bo‘lsa, to‘liqroq ta’rif bilan tanishib chiqishingizni tavsiya etamiz:

Axborot texnologiyalari (AT yoki IT) – bu hisoblash texnikasidan foydalangan holda axborotni yaratish, qayta ishlash, saqlash, himoya qilish va uzatish usullarini o‘rganuvchi va amaliyotda qo‘llovchi ko‘plab bir-biri bilan bog‘liq ilmiy va texnik bilimlar sohalaridir.
Yuqorida sanab o‘tilganlarning barchasi kompyuter texnikasi yordamida amalga oshirilganligi sababli, AT deganda odatda kompyuter texnologiyalari nazarda tutiladi.


Kichik eslatma
Agar Siz “AT-texnologiyalar” iborasini ko‘rsangiz, darhol, yumshoq qilib aytganda, buning noto‘g‘ri tuzilganligini anglashingiz mumkin. Ushbu ifoda pleonazm (ortiqcha ifoda) deyiladi, unda bir xil so‘zlar ortiqcha qaytariladi.

Faqat “AT” qisqartmasi (ingliz variantida esa “IT”)ni yoki birato‘lasi “axborot texnologiyalari” iborasini qo‘llash to‘g‘ri sanaladi.

AT’ning qo‘llanilishi
Axborot texnologiyalari shiddat bilan rivojlanmoqda, 10 yilcha oldin juda kam sonli odamlarda mobil telefon bo‘lgan, hozir esa deyarli har bir telefon orqali Internetga kira olishingiz mumkin (uning ham biz uchun odatiy ko‘rinishda paydo bo‘lganiga 20 yillarcha bo‘ldi).

Axborot texnologiyalarining qayerda va qaysi tarzda qo‘llanilishini tasavvur qilish uchun biz kichik tasniflashga to‘xtalib o‘tamiz. AT’ning qo‘llanilish yo‘nalishlari (taxminan foydalanishda qanchalik mashhurligi bo‘yicha joylashtirilgan):

- O‘yin-kulgi (filmlar, musiqa, kitoblar, o‘yinlar);

- Muloqot (ijtimoiy tarmoqlar, elektron pochta, chatlar va hokazo);

- Axborot olish imkoniyati (yangiliklar, ob-havo xabarlari va hokazo);

- Axborotga ishlov berish (matematik hisoblash dasturlari, grafika, ovoz hamda video muharrirlari va hokazo);

- O‘rganish (o‘quv qo‘llanmalari, interaktiv darslar, vebinarlar, ma’lumotnomalar).

IT sohalari bo'yicha masofaviy ta'lim olish va o'rganish uchun IT online ilovasini yuklab olish kifoya

Manba: @ITSPECUZ

Abituriyentlar bugundan boshlab abitur.dtm.uz sayti orqali hujjatlarini online topshirishlari mumkin.

👉🏻 @informatika

❗️Абитуриентлар ва уларнинг ота-оналари диққатига!

Жуда кўп расмий сайтлар қабул жараёнлари бошланганини маълум қилишмоқда. Бу ўтган йилги сценарийни ёдимга солмоқда.

☝️Сизларга дўстона маслаҳатим шуки, 3-4 кун давомида сабр қилиб ҳужжат топширмай туринг. Бугун ҳужжат топширганларда эртага муаммо чиқиш эҳтимоли йўқ эмас. Бундан ташқари фанлар мажмуасию, тиллар кесимида квоталар ҳам аниқ эмас.

«Шунчаки синаш учун топшириб кўряпман, кейин таҳрирлаб оламан» дейдиганларга ҳам унча маслаҳат бермайман. Техник носозликлар бўлиб турган пайтда таваккал қилиш эртага тестга кириш пайти муаммо чиқариши мумкин. Хуллас, сабаблари кўп.

Бу шунчаки дўстона маслаҳатим. Истанг бунга амал қилинг, истанг йўқ. Барчага омад тилайман!


👉 @xushnudbek 👈

Tim Kuk bu galgi maslahatida yoshlarga qanday qilib kelajakda kasbiy muvaffaqiyatga erishish mumkinligi to‘g‘risida maslahat berdi.

"Agar men 10 yoshli o‘quvchi bo‘lganimda ingliz tilidan ko‘ra, ko‘proq dasturlash tilini o‘rganishni ma’qul ko‘rgan bo‘lar edim. Men bu bilan odamlarni ingliz tilini o‘rganishdan voz kechishga undamoqchi emasman. To‘g‘ri, bu til sizga sayyoramizning 7 milliard aholisi bilan tillashishga yordam beradi. Biroq, mening o‘ylashimcha, dasturlash tili jahon miqyosida maktablarda o‘rgatiladigan majburiy fan bo‘lishi kerak".

Aytish joizki, ayni patda jahonning ko‘plab mamlakatlari dasturiy ta’minot yaratishni o‘rgatuvchi fanlarni maktab darslari qatoriga qo‘shish rejasida yurishibdi. Tim Kukning o‘zi ham yaqindagina 21-asrda biror dastur uchun kod yoza olish o‘qish va yozish kabi inson savodxonligining bir qismi sifatida tan olinishi zarurligini aytgan edi. Darvoqe, shu yildan boshlab Yaponiyada dasturlash boshlang‘ich sinfdayoq bolalarga o‘qitila boshlandi.

👉🏻 @informatika

​​Xalq ta'limi vazirligi IT mutaxassislarini hamkorlikka taklif etadi

🇺🇿 O'zbekistonda IT sohasini rivojlantirish, yoshlarni bu sohaga bo'lgan qiziqishlarini oshirish maqsadida, Xalq ta'limi vazirligi yaxshi fikrni ilgari surdi.

"Informatika" fani bo‘yicha yangi darslikni baholash va uni takomillashtirish bo‘yicha ekspertlar guruhi shakllantirilmoqda.

💡 Darslikni yaratish jarayonida informatika fani o‘qituvchilari, IT sohasi mutaxassislari yoxud frilanserlar ishtirok etishlari mumkin. Yevropaning ilg'or mamlakatlari ham aynan IT sohasini yoshlar orasida ommalashtirish, ularning ko'p sohada peshqadamga aylanishida muhim rol tutib kelgan.

Bundan tashqari, darslikni tayyorlash jarayonida ishtirok etgan ekspertlarga haq to'lanishi ham belgilangan. Bu esa, IT sohasini rivojlantirishdagi jiddiy qadam ekanligining yaqqol namoyondasi. Darslikni tayyorlashda ishtirok etish istagida bo'lganlar quyidagi havoladagi so'rovnomani to'ldirishlari kerak bo'ladi.

📌 Havola: http://bit.ly/3hXDcy0

👉 @informatika

Нега таълимга киритилган инвеститция самара бермаяпти?

Ҳеч ўйлаб кўрганмисиз, нега таълимга киритилаётган инвеститциялар самара бермаяпти? Нега шунча мактаблар, лицейлар, коллежларга қилинаётган инвеститциялар бесамар кетмоқда?

Иқтисодиётда ҳар қандай инвеститция маълум бир мақсад билан қилинади. Кўпинча бу мақсад фойда олиш ҳисобланади. Яъни бир сўм пул сарфланса, у икки сўм бўлиб қайтиши керак.

Таълимга қилинган инвеститция ўзини оқлаши учун меҳнат бозорида табиий рақобат бўлиши керак. Дейлик, сиз ўзингизга инвеститция қилдингиз ва номдор университетларда таҳсил олдингиз, яхши билим олдингиз, лекин меҳнат бозорида коррупция илдиз отиб кетганлиги учун сиз ўтиришингиз керак бўлган жойда ҳокимнинг аммаваччаси михланиб олган.

Яъни, агар буни инвеститция деб оладиган бўлсак, шунча йиллик ҳаракат ва маблағ бесамар кетди, сиз фойда ололмадингиз. Бу фақат фараз, бу шундай бўлади дегани эмас.

Энди бу ҳолатни кўрган бошқа одамлар таълим фойда келтирмас экан, яхшиси таниш орттиришим керак ёки бозорга чиқиб савдо қилишим керак деб ўйлайди, чунки меҳнат бозорини ҳам кўринмас қўл бошқаради, яъни талаб ва таклиф бу ерда ҳам асосий қонунлигича қолади.

Демак таклиф кўп-у, лекин талаб бўлмаса ёки талаб сунъий йўқотилса, сиз бу бозорга пул тикмайсиз.

Кўпчилик менга собиқ депутат Қобул Дусовнинг тарқаб кетган видеосини жўнатиб шунга изоҳ беришимни сўрабди. Видеони кўрдим, лекин Қобул Дусов кўп нарсада таълим тизимидаги раҳбарларни, хусусан, Шерзод Шерматовни айблагани билиниб қолган. Лекин бу саёз фикр, чунки Шерматовнинг бунда айби йўқ, у тизимнинг ичидаги бир механизм, тизим қайси томонга етакласа, ўша томонга кетади.

Таълим тизими ривожлантириш учун аввало иқтисодиёт ривожланиши керак. Коррупцион схемалар орқали ишга жойлашиш, қариндош-уруғчилик иллатлари йўқолса ва одамлар таълим олса, фойда келиши мумкинлигини ҳис қилишса, таълим ўз-ўзидан ривожланиб кетаверади.

Халқимизда ажойиб нақл бор: “Қуруқ қошиқ оғиз ертар”, минг марта таълимни ривожлантирамиз деб баландпарвоз гаплар гапирмайлик, умумий тизим ва иқтисодиёт ривожланмас экан, барча сарфланган инвеститция “0” га тенг бўлиб қолаверади.

P.S. Қобул Дусовнинг фейсбук саҳифасига кириб кўрдим, менимча, бу собиқ депутатнинг ўзига имло қоидаларини бир такрорлаб чиқиш фойдадан ҳоли бўлмас эди.

Ўзим ҳам таълимни кўп гапираман, лекин бу камчиликлар бир кишининг айби эмас, бу бутун тизимнинг айби.
Ҳозирча тизим ўзгаришига умид қилишдан бошқа чорамиз йўқ.

@tentakminds #nooneaybdorunderthistizim