🚨 კრემლის ეკონომიკური პროგნოზები ისევ აცდა რეალობას - და პუტინი უკვე საკუთარ ეკონომიკურ გუნდს საჯაროდ საყვედურობს.
რუსეთის პრეზიდენტმა მთავრობისა და ცენტრალური ბანკისგან ახსნა მოითხოვა, რატომ მიდის 2026 წლის ეკონომიკა იმაზე სუსტად, ვიდრე ამას არა მხოლოდ ექსპერტები, არამედ თავად ხელისუფლების პროგნოზებიც ელოდა. Reuters-ის ცნობით, წლის პირველ ორ თვეში რუსეთის ეკონომიკა წინა წლის ანალოგიურ პერიოდთან შედარებით 1.8%-ით შემცირდა, მაშინ როცა ადრე ზრდას ელოდნენ.
ბუნებრივია, ჩინოვნიკებმა პუტინს ვერ უთხრეს, რომ მთავარი მიზეზი მისი უსასრულო და წარუმატებელი ომია. ამიტომ ოფიციალური ახსნა ბანალურია - იანვარსა და თებერვალში ნაკლები სამუშაო დღე იყო. თუმცა პუტინმაც კი აღნიშნა, რომ პრობლემას მხოლოდ კალენდრით ვერ ახსნი. განსაკუთრებით მძიმე სურათია მშენებლობაში: იანვარში სექტორი წლიურად 16%-ით შემცირდა, თებერვალში კი 14%-ით.
ეს უკვე მეორე შემთხვევაა ერთ თვეში, როცა პუტინი სუსტი ეკონომიკური შედეგების გამო ღიად გამოხატავს უკმაყოფილებას. ფონიც მძიმეა: 2025 წელს რუსეთის ეკონომიკური ზრდა დაახლოებით 1%-მდე შენელდა, მაშინ როცა 2024-ში 4.9% იყო. ეკონომიკაზე ზეწოლას აგრძელებს მაღალი საპროცენტო განაკვეთი, სანქციები და ომის ხარჯები.
მოკლედ, კრემლში უკვე ხედავენ, რომ ეკონომიკის გაუარესებას ვეღარ მალავს ვერც სტატისტიკა, ვერც კალენდარი და ვერც ბანალური გამართლებები. შესაბამისად, პუტინის უძლეველობის იმიჯის გასამყარებლად საჭიროა თეატრალური დადგმები, სადაც თითქოს თვითონ პუტინი ეძებს პრობლემის მიზეზებს. არადა რეალური მიზეზი ყველასთვის ნათელია. მაგრამ, ამის პირდაპირ თქმა რუსეთში სისხლის სამართლის დანაშაულია.

🚨 დაკრძალვის ბიზნესი რუსეთში ერთ-ერთ ყველაზე მზარდ სექტორად იქცა.
„Коммерсант“-ის ინფორმაციით, 2026 წლის პირველ კვარტალში რუსეთში რიტუალური მომსახურებისა და დაკრძალვის სფეროში 524 ახალი კომპანია დარეგისტრირდა, რაც წინა წლის ანალოგიურ პერიოდთან შედარებით 37.5%-ით მეტია. „Контур.Фокус“-იც მსგავს ტენდენციას აჩვენებს - 500 ახალი კომპანია და წლიურად 20.8%-იანი ზრდა. მთლიანობაში, ამ სექტორში მოქმედი ორგანიზაციების რაოდენობა 11.3 ათასამდე გაიზარდა.
CSIS-ის 2026 წლის იანვრის შეფასებით, 2022 წლის შემდეგ რუსულმა ძალებმა დაახლოებით 1.2 მილიონი დანაკარგი განიცადეს, მათ შორის 275-325 ათასი დაღუპული; მხოლოდ 2025 წელს კი დანაკარგები დაახლოებით 415 ათასი იყო, ანუ საშუალოდ თითქმის 35 ათასი თვეში. ცენტრი წერს, რომ ასეთი მასშტაბის დანაკარგები მეორე მსოფლიო ომის შემდეგ არც ერთ დიდ ძალას არ ჰქონია.
რუსეთში იზრდება არა მხოლოდ ომის ფასი, არამედ მის გარშემო აშენებული ეკონომიკაც. როცა ეკონომიკის ერთ-ერთი ყველაზე სწრაფად მზარდი მიმართულება დაკრძალვის სფეროა, ეს უკვე მხოლოდ ბიზნეს-სტატისტიკა აღარ არის, ეს ომის სოციალური და დემოგრაფიული შედეგებია.

როგორ და რატომ Ep 53 - ორბანი დამარცხდა! რას ნიშნავს ეს მსოფლიოსთვის. სტუმარი - ინიციატივა ჯერ საქართველოს წევრი, ჯეოქეისის ანალიტიკოსი და ყოფილი დიპლომატი ნიკოლოზ ხატიაშვილი.
✅ ეპიზოდში განვიხილავთ უნგრეთის საპარლამენტო არჩევნებს და იმას, თუ რატომ აღმოჩნდა უნგრეთის არჩევნები ბევრად მეტი, ვიდრე მხოლოდ ერთი ქვეყნის შიდა პოლიტიკური ამბავი. რას ნიშნავს ორბანის მარცხი საქართველოსთვის, ევროკავშირისთვის, უკრაინისთვის და მთლიანად ევროპაში ძალთა ბალანსისთვის? და თუ ორბანი მართლაც იყო მაგალითი ბევრი არალიბერალური ლიდერისთვის, მაშინ რას ეუბნება მისი დამარცხება მსოფლიოს სხვა პოპულისტ ლიდერებს?
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/kCMW3ZtvsTI?si=7U3Av39XGR8-Kv58

როგორ და რატომ Ep 54 - უკრაინიდან ირანამდე: საქართველო დრონების ეპოქაში. სტუმარი ინიციატივა ჯერ საქართველოს წევრი, შეიარაღებული ძალების გენერალური შტაბის ყოფილი უფროსი, გენერალ-მაიორი ვახტანგ კაპანაძე.
✅ ეპიზოდში განვიხილავთ თუ როგორ შეცვალა დრონებმა თანამედროვე ომის ლოგიკა და რას ნიშნავს ეს საქართველოს მსგავსი პატარა სახელმწიფოსთვის. უკრაინისა და ირანის გამოცდილებაზე დაყრდნობით ვაანალიზებთ, არის თუ არა დრონი შანსი შედარებით სუსტი მოთამაშისთვის და როგორ უნდა იფიქროს საქართველომ საკუთარ უსაფრთხოებაზე დრონების ეპოქაში.
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/bcPAcUxYe5k

Ep 55 - სუსტდება თუ არა ამერიკის გავლენები მსოფლიოში? სტუმარი თბილისის სახელმწიფო უნივერსიტეტის ახალი და უახლესი ისტორიის კათედრის ხელმძღვანელი, პროფესორი თეიმურაზ პაპასქირი.
✅ ეპიზოდში განვიხილავთ, რაზე დგას აშშ-ის გლობალური გავლენა და სუსტდება თუ არა იგი.
ასევე, ვისაუბრებთ ირანის ომზე, ევროპელი მოკავშირეების სკეპტიციზმზე, უკრაინის მხარდაჭერის გარშემო გაჩენილ კითხვებზე და ამერიკული დემოკრატიის შიდა დაძაბულობაზე.
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/lT8ht_e6Blk

Ep 56 - პოპულისტები ევროპის წინააღმდეგ.
სტუმარი უსაფრთხოების, პოლიტიკის და ნაციონალიზმის კვლევითი ცენტრის მკვლევარი - ხატია დავლიანიძე.
✅ ეპიზოდში განვიხილავთ ევროპაში გაძლიერებულ პოპულისტ და სუვერენისტ ლიდერებს - ორბანს, ფიცოს, რადევს, ბაბიშსა და ვუჩიჩს.
ვისაუბრებთ, არიან თუ არა ისინი უბრალოდ „პრორუსები“, როგორ იყენებენ სუვერენიტეტის, მშვიდობისა და ეროვნული ინტერესის ენას, და რა გზებით შეუძლიათ ევროკავშირის გადაწყვეტილებების შეფერხება, უკრაინის მხარდაჭერის დასუსტება და ევროპის შიგნიდან დაყოფა.
https://youtu.be/Q5A28knKLFw

Ep 57 - ცხინვალის ანექსია და პუტინის დაღლილი იმპერია
სტუმარი უსაფრთხოების, პოლიტიკის და ნაციონალიზმის კვლევითი ცენტრის უფროსი მკვლევარი - გიორგი ბილანიშვილი
✅ ეპიზოდში განვიხილავთ 9 მაისს რუსეთში განვითარებულ მოვლენებს. ვაფასებთ მოსკოვსა და ცხინვალის დე ფაქტო ხელისუფლებას შორის გაფორმებულ ახალ შეთანხმებას და მის მნიშვნელობას საქართველოსთვის. ასევე ვაანალიზებთ 9 მაისს რუსეთში გამართულ აღლუმს, მის დამსწრეებს და იმას თუ როგორ გამოიყურება რუსეთი 3 დღიანი ომის მეხუთე წელს.
https://youtu.be/CZdfVK8YT6w

Ep 58 - გერმანია: დემილიტარიზაციიდან ხელახალ შეიარაღებამდე
სტუმარი - საქართველოს ყოფილი საგანგებო და სრულუფლებიანი დესპანი გერმანიაში და საქართველოს საგარეო საქმეთა მინისტრის ყოფილი მოადგილე, გიგი გიგიაძე.

✅ ეპიზოდში განვიხილავთ გერმანიის დემილიტარიზაციას და სამხედრო თავშეკავების კულტურას მეორე მსოფლიო ომის შემდეგ. ვსაუბრობთ გერმანიის გაერთიანებაზე, რუსეთთან ურთიერთობაზე და იმ პოლიტიკურ ილუზიებზე, რომლებმაც ბერლინი მოსკოვზე ენერგეტიკულად და სტრატეგიულად დამოკიდებული გახადა. ასევე ვაანალიზებთ, როგორ შეცვალა რუსეთის სრულმასშტაბიანმა შეჭრამ უკრაინაში გერმანიის პოლიტიკური აზროვნება და რატომ დადგა დღეს ხელახალი შეიარაღების საკითხი ევროპის ყველაზე ძლიერი ეკონომიკისთვის.
https://youtu.be/CUl0Ux164cM

Ep 59 - რუსეთის ჰიბრიდული ომი სომხეთის არჩევნებში. სტუმარი ინიციატივა ჯერ საქართველოს წევრი - გიორგი ტუმასიანი.

✅ ეპიზოდში ვსაუბრობთ სომხეთის არჩევნებზე და იმაზე, რატომ არის ეს პროცესი მნიშვნელოვანი მთელი სამხრეთ კავკასიისთვის. განვიხილავთ, როგორ ცდილობს რუსეთი სომხეთზე გავლენის შენარჩუნებას, რა ბერკეტები დარჩა მოსკოვს და რას ნიშნავს ერევნის შესაძლო დასავლური შემობრუნება საქართველოსთვის.
https://youtu.be/k7x9ImHH6iM

Ep 60 კარგავს თუ არა საქართველო შუა დერეფანს? სტუმარი პროფესიონალ რკინიგზელთა კლუბის დამფუძნებელი დათო გოჩავა.
✅ ეპიზოდში ვსაუბრობთ, კარგავს თუ არა საქართველო შუა დერეფანში თავის სტრატეგიულ როლს. განვიხილავთ, რატომ აღარ არის საკმარისი მხოლოდ გეოგრაფია, რა მნიშვნელობა აქვს ბაქო-თბილისი-ყარსის რკინიგზას, ახალქალაქის კვანძს, ყარსის ლოგისტიკურ ცენტრს და ანაკლიას — და რას ნიშნავს საქართველოსთვის ის, რომ რეგიონში ალტერნატიული მარშრუტები ჩნდება.
https://youtu.be/0Q9t5ctGncI

Ep 61 - ბალტიის გაკვეთილი: როგორ გადაურჩნენ პატარა სახელმწიფოები რუსეთს?
სტუმარი სტრატეგიული უსაფრთხოების ინიციატივის დამფუძნებელი და დირექტორი მეგი ბენია.

✅ ეპიზოდში განვიხილავთ, თუ როგორ მოახერხეს ესტონეთმა, ლატვიამ და ლიეტუვამ ნატოსა და ევროკავშირში ინტეგრაცია და რა გზის გავლა მოუწიათ მათ. ვსაუბრობთ რა შეიძლება საქართველომ ისწავლოს და გაითვალისწინოს ამ გამოცდილებიდან ნატოში ინტეგრაციის გზაზე.
https://youtu.be/49FZn7Mkj40

Ep 62 - ტვინების გადინება: რას მალავს მიგრაციის სტატისტიკა?
სტუმარი ეკონომისტი, ISET-ის მკვლევარი დავით კეშელავა.
✅ ეპიზოდში ვსაუბრობთ, რას გვაჩვენებს საქართველოს მიგრაციის რეალური სურათი და რატომ შეიძლება ზოგადი მიგრაციული ბალანსი შეცდომაში შეგვიყვანოს. განვიხილავთ, როგორ ფარავს უცხო ქვეყნის მოქალაქეების შემოდინება ქართველი მოქალაქეების გადინებას, რატომ იქცა ემიგრაცია ბევრი ოჯახისთვის გადარჩენის სტრატეგიად, რა როლი აქვს ფულად გზავნილებს საქართველოს ეკონომიკაში და რას ნიშნავს ეს საქართველოსთვის და თავდაცვის და უსაფრთხოებისათვის.

https://youtu.be/afGt3BVBeJ4?si=5oK2Cfx9-4mkYE-x

Ep 65 - რა უნდა თურქეთს ახალ მსოფლიო წესრიგში?
სტუმარი თურქეთის მკვლევარი სანდრო ბაკურაძე.
✅ ეპიზოდში ვსაუბრობთ, რატომ არის თურქეთი ერთდროულად NATO-ს რთული და აუცილებელი მოკავშირე, როგორ იყენებს ანკარა საკუთარ გეოგრაფიას, შავ ზღვას, ბოსფორსა და მონტრეს კონვენციას სტრატეგიულ ბერკეტად და რას ნიშნავს თურქეთის მცდელობა, იყოს არა უბრალოდ ხიდი აღმოსავლეთსა და დასავლეთს შორის, არამედ კარიბჭე, რომლის გვერდის ავლაც რთულია.

https://youtu.be/-BBfD5jyk2w

Ep 64 საქართველო ბრაზილიაში: პირველი ხიდი გლობალურ სამხრეთთან.
სტუმარი საქართველოს პირველი საგანგებო და სრულუფლებიანი ელჩი ბრაზილიის ფედერაციულ რესპუბლიკაში - ოთარ ბერძენიშვილი.
✅ ეპიზოდში ვსაუბრობთ, თუ როგორ გაიკვალა პირველი დიპლომატიური კავშირების საქართველოსა და ბრაზილიას შორის. რატომ არის ბრაზილია გლობალური სამხრეთის ერთ-ერთი ყველაზე მნიშვნელოვანი მოთამაშე, როგორ ცდილობს ეს გიგანტური სახელმწიფო ბალანსის შენარჩუნებას აშშ-ს, ჩინეთსა და BRICS-ს შორის და რატომ უყურებს ჩვენს რეგიონს, რუსეთსა და უსაფრთხოების საკითხებს სრულიად სხვა ისტორიული გამოცდილებიდან.
📺სრული საუბარი ნახეთ YouTube-ზე და მოუსმინეთ Spotify-ზე.
https://youtu.be/6ha99pwbyy8

Ep 65 - დიდი ძალის ჩიხი - უკრაინა, ირანი, ტაივანი.
სტუმარი სამხედრო შეიარაღების ექსპერტი - გიგა ინაშვილი.
✅ ეპიზოდში ვსაუბრობთ, რატომ არ ნიშნავს სამხედრო უპირატესობა ავტომატურ გამარჯვებას, როგორ შეიძლება დიდმა ძალამ მოიგოს ბრძოლები, მაგრამ ვერ მიიღოს პოლიტიკური შედეგი, რა პრობლემები შეექმნა რუსეთს უკრაინაში, რას აჩვენებს აშშ-ისა და ისრაელის კამპანია ირანის წინააღმდეგ და რატომ შეიძლება ტაივანი გახდეს თანამედროვე სამხედრო ძალის ყველაზე რთული გამოცდა.
https://youtu.be/iI7SOJzDz3s

Ep 65 იტალია - ევროპის ჩუმი ძალა: მელონი, მიგრაცია და გეოპოლიტიკა.
სტუმარი საქართველოს ყოფილი საგანგებო და სრულუფლებიანი დესპანი იტალიის რესპუბლიკაში — დავით ბაზერაშვილი.
✅ ეპიზოდში ვსაუბრობთ, რატომ აღიქმება იტალია ხშირად ევროპის არასტაბილურ და მეორეხარისხოვან მოთამაშედ, მიუხედავად იმისა, რომ იგი ევროკავშირის ერთ-ერთი უმსხვილესი ეკონომიკური და ინდუსტრიული ძალაა. განვიხილავთ იტალიის პოლიტიკური სისტემის თავისებურებებს, ჯორჯა მელონის აღზევებას, მიგრაციის რთულ პოლიტიკას, ქვეყნის როლს ევროკავშირსა და NATO-ში, მის ინტერესებს ხმელთაშუა ზღვასა და აფრიკაში და საქართველოსთან ურთიერთობების მნიშვნელობას.
https://youtu.be/1LXmrK5LLIQ

Ep 67 - რუსეთი ისევ სუსტდება და საქართველო ისევ მოუმზადებელია?
სტუმარი - ჯეოქეისის ანალიტიკოსი, „ჯერ საქართველოს“ პოლიტსაბჭოს წევრი და ყოფილი დიპლომატი ნიკოლოზ ხატიაშვილი.
✅ ეპიზოდში ვადარებთ დღევანდელ რუსეთს 1990-იანი წლების რუსეთთან და ვაანალიზებთ, თუ რამდენად არყევს უკრაინის ომი პუტინის მიერ შექმნილი სისტემის მთავარ საყრდენებს. ასევე განვიხილავთ, შეიძლება თუ არა რუსეთის ახალი სისუსტე საქართველოსთვის შესაძლებლობის ფანჯრად იქცეს, მზად არის თუ არა დასავლეთი ახალი გაფართოებისთვის და რა უნდა გააკეთოს საქართველომ ამ შესაძლებლობის გაჩენამდე.
📺სრული საუბარი ნახეთ YouTube-ზე და მოუსმინეთ Spotify-ზე.

https://youtu.be/R4c14Z8nmfM

Ep. 68 — როგორ ვბრუნდებით ოკუპირებულ ტერიტორიებზე - ოკუპაციის რეალური ფასი.
სტუმარი - საქართველოს უნივერსიტეტის პროფესორი ლაშა ძებისაშვილი.
✅ ეპიზოდში განვიხილავთ, რატომ არ ნიშნავს რუსეთის დასუსტება ან ოკუპირებული ტერიტორიებიდან გასვლა ავტომატურად საქართველოს დაბრუნებას. ვსაუბრობთ, საქართველოს ოკუპირებული ტერიტორიების დეოკუპაციაზე და იმ გამოწვევებზე, კომპრომისებსა და რთულ გადაწყვეტილებებზე, რომლებიც ამ პროცესს თან ახლავს.
https://youtu.be/lrvgMjHQyAU

ერთი წლის წინ ჩავწერეთ ეს ძალიან მნიშვნელოვანი და აუცილებლად საყურებელი პოდკასტი. თუ ჯერ არ გინახავთ, აუცილებლად უყურეთ ✌️
https://youtu.be/Ibe575coX-M

Ep. 69 — რატომ სჭირდება რუსეთს ცხინვალის რეგიონი? - რუსეთის ბერკეტი საქართველოს გულში
სტუმარი - სამხედრო ანალიტიკოსი ივანე ზირაქაშვილი.
✅ ეპიზოდში განვიხილავთ, რატომ არის ცხინვალის რეგიონი რუსეთისთვის სამხედრო-სტრატეგიული თვალსაზრისით მნიშვნელოვანი, რა როლი აქვს როკის გვირაბს და იქ არსებულ სამხედრო ინფრასტრუქტურას და როგორ იყენებს რუსეთი ამ პოზიციას საქართველოზე ზეწოლისთვის.
https://youtu.be/X6QI26JDjEM